ཡུ་རོབ་གྲོས་ཚོགས་ཀྱི་བོད་དོན་ཆེད་མཁས་པས་རྒྱ་ནག་གིས་བརྗོད་བཞིན་པའི་ས་ཁུལ་རང་སྐྱོང་ནི་ཁ་སྟོང་ནང་གི་ཚིག་སྟོང་ཙམ་རེད་ཅེས་བསྐྱོན་བརྗོད་བྱས་ཡོད་པ་རེད།
ཕྱི་ཟླ་ ༩ ཚེས་ ༣༠ ཉིན་སྟེ་རྒྱ་ནག་གི་རྒྱལ་བཙུགས་དུས་སྟོན་གྱི་སྔ་ཉིན། ཡུ་རོབ་གྲོས་ཚོགས་ཀྱིས་བྷེལ་ཇམ་གྱི་རྒྱལ་ས་བྷུ་རུ་སེལ་དུ་རྒྱ་ནག་གི་འགྲོ་བ་མིའི་ཐོབ་ཐང་གནས་སྟངས་སྐོར་ལ་དཔྱད་གླེང་ཚོགས་འདུ་ཞིག་བསྡུས་ཡོད་པ་དང་། ཚོགས་འདུའི་སྟེང་བཙན་བྱོལ་བོད་གཞུང་གི་ཡུ་རོབ་སྐུ་ཚབ་དོན་གཅོད་དང་། འཛམ་གླིང་ཡུ་གུར་ལྷན་ཚོགས་ཀྱི་སྐུ་ཚབ། ཆོས་འཁོར་རྩ་རླུང་ལས་འགུལ་ཚོགས་པའི་སྐུ་ཚབ། དེ་བཞིན་རྒྱལ་མཚམས་མེད་པའི་རྒྱལ་སྤྱིའི་འགྲོ་བ་མིའི་ཐོབ་ཐང་ཚོགས་པའི་སྐུ་ཚབ་བཅས་ཆེད་དུ་མགྲོན་འབོད་ཀྱིས་ཚོགས་ཞུགས་བྱས་ཡོད་པ་རེད།
ཚོགས་འདུའི་གླེང་གཞི་གཙོ་བོ་ནི། དུས་རྒྱུན་མི་མང་གིས་དོ་སྣང་འབྱུང་བཞིན་པའི་རྒྱ་ནག་གི་འགྲོ་བ་མིའི་ཐོབ་ཐང་ཐད་ཀྱི་གནད་དོན་དང་། ལྷག་པར་དུ་བོད་དང་ཤིན་ཅང་གི་གནས་སྟངས་སྐོར་ལ་གླེང་མོལ་བྱས་ཡོད་འདུག ཡུ་རོབ་གྲོས་ཚོགས་ཀྱི་བོད་དོན་ཆེད་མཁས་པས་རྒྱ་ནག་གིས་བརྗོད་བཞིན་པའི་ས་ཁུལ་རང་སྐྱོང་ནི་ཁ་སྟོང་ནང་གི་ཚིག་སྟོང་ཙམ་རེད་ཅེས་བསྐྱོན་བརྗོད་བྱས་ཡོད་པ་དང་། དེ་བཞིན་ཡུ་གུར་དང་ཆོས་འཁོར་རྩ་རླུང་ལས་འགུལ་བའི་མགྲིན་ཚབ་པས་ཀྱང་། རྒྱ་ནག་སྲིད་གཞུང་གིས་འགྲོ་བ་མིའི་ཐོབ་ཐང་རྡོག་རོལ་དང་མིའི་རིགས་ལ་གནོད་ཚབས་ཆེན་པོ་བཟོས་ཡོད་པའི་སྐོར་བརྗོད་ཡོད་འདུག
བཙན་བྱོལ་བོད་གཞུང་གི་ཡུ་རོབ་སྐུ་ཚབ་དོན་གཅོད་བཀའ་ཟུར་བཀྲ་ཤིས་དབང་འདུས་ལགས་ཀྱིས་ཚོགས་འདུའི་སྟེང་བརྗོད་དོན། རྒྱལ་སྤྱིའི་སྤྱི་ཚོགས་ཀྱིས་ངེས་པར་དུ་མཉམ་འབྲེལ་ཐོག་རྒྱ་ནག་ལ་གནོན་ཤུགས་སྤྲད་དེ་རྒྱ་ནག་གི་འགྲོ་བ་མིའི་ཐོབ་གནས་སྟངས་ཡར་རྒྱས་ཡོང་ཐབས་བྱ་དགོས། དེ་ལྟར་བྱས་ན་ད་གཟོད་འདས་པའི་ལོ་ངོ་བཅུ་གྲངས་འགའི་རིང་བོད་དང་རྒྱ་ནག་བར་གྱི་རྒྱུན་རིང་པོའི་གནད་དོན་དེ་སེལ་ཐུབ་ཅེས་དང་། ཡང་ཁོང་གིས། ང་ཚོས་རྒྱལ་སྤྱིའི་སྤྱི་ཚོགས་ཀྱིས་རོགས་འདེགས་ཡོང་བའི་རེ་བ་ཡོད་ལ། རྒྱལ་སྤྱིའི་སྤྱི་ཚོགས་ཀྱིས་ཕན་ཚུན་བར་འདུམ་སྒྲིག་དང་གནད་དོན་སེལ་བར་ཐབས་ལམ་འཚོལ་རྒྱུ་དེ་ནི་ང་ཚོའི་རེ་བ་ཉག་གཅིག་ཡིན་ཞེས་བརྗོད་ཡོད་འདུག
དེ་མིན། རྒྱལ་མཚམས་མེད་པའི་རྒྱལ་སྤྱིའི་འགྲོ་བ་མིའི་ཐོབ་ཐང་ཚོགས་པས་རྒྱ་ནག་གིས་འགྲོ་བ་མིའི་ཐོབ་ཐང་ཐད་ལ་གནོད་སྐྱོན་བཟོས་པའི་བྱ་སྤྱོད་དག་ཐེར་འདོན་བྱ་འཆར་ཡོད་པ་རེད། ཚོགས་པ་དེའི་སྐུ་ཚབ་བྷ་ར་བྷེ་སེ་ Barabesi ལགས་ཀྱིས་བརྗོད་དོན། ང་ཚོས་ཧོང་ཀོང་དུ་གནས་སྡོད་རྒྱ་ནག་སྐམ་ས་ཆེན་པོར་འབྲེལ་བ་ཡོད་པའི་འགྲོ་བ་མིའི་ཐོབ་ཐང་ཚོགས་པ་དང་རྩ་འཛུགས་ཁག་ལ་མཉམ་འབྲེལ་བྱས་ཏེ། གཙོ་བོ་རྒྱ་ནག་གི་ས་ཁུལ་མང་པོའི་གནས་ཚུལ་ཞིབ་འཚོལ་བསྡུ་རུབ་ཀྱིས་རྒྱ་ནག་གི་དངོས་ཡོད་གནས་སྟངས་ཤེས་རྟོགས་བྱ་རྒྱུ་ཡིན་ཞེས་དང་། ཡང་ཁོང་གིས། རྒྱལ་སྤྱི་དང་མི་མང་སྤྱི་ཡོངས་ནས་གནོན་ཤུགས་སྤྲད་པ་ཡིན་ན་ད་གཟོད་རྒྱ་ནག་གི་འགྲོ་བ་མིའི་ཐོབ་ཐང་གནས་སྟངས་ཡར་རྒྱས་ཡོང་ཐུབ་གི་རེད། རྒྱལ་ཁབ་སོ་སོ་དང་ལྷག་པར་དུ་ཡུ་རོབ་གྲོས་ཚོགས་ཀྱི་ངོས་ནས་ནུས་པ་གལ་ཆེན་འདོན་དགོས་པ་ཞིག་རེད། དེ་བས་ཡུ་རོབ་གྲོས་ཚོགས་ཀྱིས་ངེས་པར་དུ་གནོན་ཤུགས་སྤྲོད་དགོས་པ་ལས། རྒྱ་ནག་གི་དཔལ་འབྱོར་སྟོབས་ཤུགས་ལ་བལྟས་ཏེ་དཔལ་འབྱོར་ཁེ་ཕན་ཁོ་ནའི་ཆེད་དུ་འགྲོ་བ་མིའི་ཐོབ་ཐང་སྣང་མེད་དུ་འཇོག་མི་རུང་། ཡུ་རོབ་ཀྱིས་ངེས་པར་དུ་རང་ཉིད་ཀྱི་རིན་ཐང་ལྟ་ཚུལ་རྒྱུན་འཁྱོངས་བྱ་དགོས་ཞེས་བརྗོད་པ་རེད།
གཞན་ཚོགས་འདུའི་སྟེང་ཡུ་རོབ་གྲོས་ཚོགས་ཀྱི་འཐུས་མི་རེ་བི་ལེན་ Rivellini ལགས་ཀྱིས། ཡུ་རོབ་གྲོས་ཚོགས་ཀྱིས་རྒྱ་ནག་གི་དྲག་ཆས་མཚོན་ཆ་ཉོ་ཚོང་བཀག་སྡོམ་རྩིས་མེད་བཏང་བ་དེ་ནི་ལམ་ཕྱོགས་ནོར་འཁྲུལ་ཅན་ཞིག་ཡིན་པ་དང་། རྒྱ་ནག་གི་དྲག་ཆས་མཚོན་ཆ་ཉོ་ཚོང་བཀག་སྡོམ་རྩིས་མེད་བྱེད་མི་རུང་བ་མ་ཟད། ད་དུང་དུས་བཀག་ཇེ་རིང་དུ་གཏོང་དགོས་པའི་ལངས་ཕྱོགས་ཀྱང་བཏོན་ཡོད་པ་རེད།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
ཆབ་སྲིད་ལ་དོ་གནང་མང་ཙམ་གནང་བར་ཐུགས་རྗེ་ཆེ།
ཁྱོད་ཀྱི་སྐད་ཆ་སྦོམ་མདོག་ཁ་པོ་དེར་བལྟས་ན་གནས་ལུགས་ཤིག་ཤོད་རྒྱུ་ཡོད་པ་འདྲ། ཚོགས་ཞིང་འདྲ་འབུལ་དགོས་ཀྱི་མེད་ན་གཏམ་གཏོང་རྒྱུ་དང་བཤད་པ་བརྒྱག་རྒྱུའི་དུས་ཚོད་རེད།
ཤོད་ཤོད། གནས་ལུགས་ཤོད། ངས་ཉན་ནས་ཡོད།
ཁྱོད་ཀྱི་བཤད་སྟངས་འདིའང་ཁ་སྟོང་ནང་གི་ཚིག་སྟོང་ལྟ་བུ་ཞིག་རེད།
ཡིན་ནའང་། གནས་ལུགས་མེད་པར་ཆགས་ཞེན་གླེང་བ་ཙམ་གྱིས་ཀྱང་རིགས་སུ་འཛིན་པའི་ལར་ཞེན་ཚོར་འོང་པས་ན། ཡི་རང་དང་དགའ་བསུ་ཞུ།
གྲུབ་འབྲས་ཤིག་འཐོན་རྒྱུ་ཡོད་མིན་ལ་མི་ལྟོས་པར་འདི་ལྟའི་ཁ་གཡང་ཞིག་བསྒྲགས་པ་ཙམ་ལ་དགའ་བསུ་ཡོད། འོན་ཀྱང་དོན་དངོས་ནི་རྒྱ་ནག་གི་དམག་དོན་དང་དཔལ་འབྱོར་གྱི་སྟོབས་ཤུགས་དེ་དང་ཨ་རིས་གཙོས་པའི་ནུབ་ཕྱོགས་རྒྱལ་ཁབ་ཁག་ཅིག་གི་མང་གཙོ་དང་འགྲོ་བ་མིའི་ཐོབ་ཐང་གི་འབོད་སྒྲའི་སྟོབས་ཤུགས་གཉིས་ལ་བསྡུར་ས་ཞིག་གཏན་ནས་མེད་དེ། རྒྱ་ནག་གི་ཟིལ་རྔམ་ཆེ་བའི་ངོ་གདོང་དེའི་མདུན་ན་ནུབ་ཕྱོགས་རྒྱལ་ཁབ་ཚོའི་ལྕེ་ཐོག་གི་འབོད་སྒྲ་འདི་དག་ལ་སྐད་ཤུགས་ཤིག་དང་འགྱུར་ཁུག་ཅིག་མེད་པའི་ཐོག་རྔ་མ་བརླ་བར་དུ་བཅུག་པའི་སྤྲང་ཁྱིའི་ཟུག་སྐད་ལའང་དོ་ཟླ་མི་ཡོང་བ་དེ་རེད།
སྐབས་རེ་ཨོ་བྷ་མ་རྫིག་པོ་དེ་མཐོང་དུས་སྙིང་ཡང་རྗེ་ཡིན་འདུག