མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

ཏང་གཟི་བརྗིད་ངང་རྒན་ཡོལ་དུ་འགྲོ་ཐུབ་ན་ཡག་པོ་རེད།

བོད་ཀྱི་དུས་བབ།
༢༠༠༩/༡༠/༠༧
Share on FacebookShare on TwitterShare on EmailShare on Whatsapp

ངོས་ཀྱི་བསམ་པར། རྒྱ་ནག་ལ་སྒྱུར་བཅོས་ཡིན་གཅིག་མིན་གཉིས་འགྲོ་དགོས་ཀྱི་འདུག  ཡིན་ནའང་། སྒྱུར་བཅོས་དེ་ག་ལེར་སོང་ན་མ་གཏོགས་ཧོབ་ཀྱིས་བཏང་ན་མི་མང་བོར་དཀའ་ངལ་ཡོང་གི་རེད་ཅེས་༧གོང་ས་མཆོག་གིས་གསུངས་ཡོད།

༢༠༠༩ ལོའི་ཟླ་ ༩ ཚེས་ ༢༨  ཉིན་༧གོང་ས་མཆོག་ཁེ་ན་ཌའི་གྲོང་ཁྱེར་ཝན་ཁོ་ཝར་ནང་རྒྱ་བོད་གླེང་སྟེགས་༼བྱམས་བརྩེ་དང་གུས་བརྩི་ནི་ང་ཚོའི་ཐུན་མོང་གི་མདུན་ལམ་ཡིན་༽ཞེས་པའི་ཚོགས་འདུའི་སྟེང་ཆིབས་བསྒྱུར་གནང་སྟེ། རྒྱ་རིགས་མཁས་པ་ཡང་ཅན་ལེ་དང་ཧྲིན་ཞེ། ཏོན་ཀོ་ཏེན། བུའུ་ཀོ་ཀང་སོགས་དང་མཉམ་དུ་རྒྱ་ནག་གིས་བོད་མིའི་ཐོག་མཐོང་ཚུལ་དང་། དེ་བཞིན་བོད་མིས་རྒྱ་ནག་ལ་ཇི་ལྟར་ལྟ་བ། རྒྱ་བོད་འབྲེལ་ལམ་གྱི་ད་ལྟའི་གནས་སྟངས་དང་མ་འོངས་མདུན་ལྗོངས་སོགས་ཀྱི་ཐོག་བགྲོ་གླེང་དང་གཏམ་བཤད་གནང་ཡོད་པ་རེད། རྒྱ་བོད་གླེང་སྟེགས་འདི་ནི་ད་ལོའི་ཕྱི་ཟླ་བརྒྱད་པར་སུད་སིའི་རྒྱལ་སའི་ནང་ཚོགས་པའི་རྒྱལ་སྤྱིའི་རྒྱ་བོད་ཚོགས་འདུའི་རྗེས་ཀྱི་རྒྱ་བོད་གཉིས་འཛོམས་ཀྱི་ཚོགས་འདུ་ཐོག་མ་དེ་ཆགས་ཡོད་པ་རེད།

༧གོང་ས་མཆོག་གིས་ཚོགས་ཞུགས་པ་ཡོངས་ལ་ཐོག་མར་གསུངས་དོན། དེ་རིང་ངོས་འདི་ནས་རྒྱ་རིགས་ཀྱི་གྲོགས་པོ་མང་བོ་ཞིག་ལ་ཐུག་པ་རེད། ཁྱེད་རང་ཚོ་ཚང་མར་འཚམས་འདྲི་བཀྲ་ཤིས་བདེ་ལེགས་ཡོད། ང་རང་བཙན་བྱོལ་བ་ཆགས་ནས་མི་ལོ་ལྔ་བཅུ་འགོར་བ་རེད། ཕྱོགས་གཅིག་ནས་རང་གི་ལུང་བ་དང་ཁ་བྲལ་བ་རེད། ཡང་ཕྱོགས་གཅིག་ནས་རང་དབང་ཐོབ་སྟེ་ལོ་ལྔ་བཅུ་ཕྱིན་པ་རེད། ཁྱེད་རང་ཚོ་ཡིན་ནའང་གྲོང་ཁྱེར་འདིའི་ནང་རང་དབང་ལོངས་སྤྱོད་བྱས་ནས་བསྡད་ཡོད་པ་རེད། ཡིན་ནའང་། ང་ཚོའི་ཤ་ཁྲག་རུས་གསུམ་ཡོང་ས་དེ་ལུང་བ་གཞན་ཞིག་ནས་ཡོང་བ་རེད། ང་ཚོ་ས་ཆ་གང་དུ་བསྡད་ཀྱང་ང་ལ་མཚོན་ན་བོད་མི་ཞིག་དང་། ཁྱེད་ཚོར་མཚོན་ན་རྒྱ་མི་ཞིག་མ་ཤི་བར་དུ་གནས་པ་རེད། དེར་བརྟེན། ང་ཚོས་རང་གི་ལུང་བའི་གནས་ཚུལ་དེ་བརྗེད་ཐབས་མེད་པ་རེད། རྒྱ་ནག་དེ་མི་འབོར་མང་ཤོས་དང་། ལོ་རྒྱུས་རིང་པའི་རྒྱལ་ཁབ་ཅིག་ཆགས་པས་འཛམ་གླིང་སྟེང་། གལ་ཆེན་ཆགས་ཡོད་པ་རེད་ལ། མ་འོངས་པར་ཡང་གལ་ཆེན་ཆགས་ཡོད། དེ་འདྲ་སོང་ཙང་། སྟོབས་ཆེན་རྒྱལ་ཁབ་དེ་འཛམ་གླིང་ཐོག་ཞི་བདེ་བསྐྲུན་མཁན་ཞིག་དང་། ཕན་ཐོགས་ཡོད་པ་ཞིག  མི་མང་ཞེད་སྣང་མེད་པ་ཞིག་ཆགས་རྒྱུ་གལ་ཆེན་ཡིན། ཅེས་དང་།

ཡང་༧གོང་ས་མཆོག་གིས་རྒྱ་ནག་མི་དམངས་སྤྱི་མཐུན་རྒྱལ་ཁབ་བཙུགས་ནས་ལོ་དྲུག་ཅུ་འཁོར་བའི་རྒྱལ་སྟོན་དུས་ཆེན་དངངས་སྐྲག་ངང་སྐྱེལ་བཞིན་པའི་སྐོར་ལ་གསུངས་དོན། ད་སྐབས་རྒྱ་ནག་ཡང་རྒྱལ་སྟོན་དུས་ཆེན་བསུ་བར་གྲ་སྒྲིག་ཞེད་པོ་བྱེད་ཀྱིན་ཡོད་པ་རེད་ལ། དམ་དྲག་ཀྱང་ཆེན་པོ་བྱེད་ཀྱིན་ཡོད་པ་རེད། ཁ་སང་རྒྱ་མི་ཞིག་དང་ངེད་གཉིས་ཐུག་ནས་གླེང་མོལ་བྱུང་། སྤྱིར་བཏང་དུས་ཆེན་ལ་མི་རྣམས་ཀྱིས་དགའ་དགའ་སྤྲོ་སྤྲོ་བྱེད་ཀྱིན་ཡོད་པ་རེད། ཡིན་ནའང་། རྒྱ་ནག་བཙུགས་ནས་ལོ་དྲུག་ཅུ་འགོར་བའི་དུས་ཆེན་སྐབས་ལ་རྒྱ་ནག་གི་དཔོན་རིགས་ཚོས་དུས་ཆེན་དེར་ཕྱི་ཕྱོགས་ནས་ག་འདྲ་བྱེད་འོང་ངམ། ནང་གི་མང་ཚོགས་ཀྱིས་ག་འདྲ་བྱེད་འོང་ངམ་བསམ་ནས་དངངས་སྐྲག་ངང་ཡོད་པ་རེད། མི་མང་གི་ནང་ཡང་རྒྱ་ནག་གིས་དམ་དྲག་ཆེན་པོ་བྱེད་ཨེ་ཡོང་བསམ་ནས་དངངས་སྐྲག་ངང་གནས་ཡོད་པ་རེད། རྒྱ་ནག་གི་དཔོན་རིགས་ཚོར་མཚོན་ན་དུས་ཆེན་མཇུག་རྫོགས་པའི་སྐབས་སུ་ད་གཟོད་དོན་དག་བྱུང་མ་སོང་བསམ་ནས་དགའ་སྤྲོ་སྐྱེས་གི་རེད། བསམ་བློ་བཏང་ན་དེ་ཐབས་སྐྱོ་བོ་རེད། གལ་སྲིད་སྟོབས་ཆེན་རྒྱལ་ཁབ་འདིས་འཛམ་གླིང་ཐོག་ཞི་བདེ་དང་། མི་མང་དངངས་སྐྲག་མི་ཡོང་བ་ཞིག་བཟོས་ན་མཆོག་ཏུ་གྱུར་བ་རེད། དཔེར་ན་ངོས་རང་རྒྱ་གར་ནང་ལོ་ལྔ་བཅུར་བསྡད་པ་རེད། རྒྱ་གར་ནང་དུས་ཆེན་སྣ་ཚོགས་སྐབས་མི་རྣམས་དགའ་དགའ་སྤྲོ་སྤྲོ་བྱས་ནས་སྡོད་པ་རེད་མ་གཏོགས། དངངས་སྐྲག་བྱས་ནས་སྡོད་པ་ཞིག་མཐོང་མ་སོང་། རྒྱ་གར་གྱི་ཤར་ལྷོ་ནུབ་བྱང་ཚང་མ་ན་མི་རིགས་འདྲ་མིན་དང་རིག་གཞུང་འདྲ་མིན་ཡོད་པ་རེད། ཚང་མས་རང་གི་སྐད་དང་རིག་གཞུང་མཆོག་ཏུ་གྱུར་བར་བརྩི་གི་འདུག  མི་རིགས་ཚང་མ་འཆམ་མཐུན་ཐོག་གནས་ཡོད་པ་རེད། ཁ་བྲལ་ལ་སེམས་ཁྲལ་བྱེད་དགོས་གི་མ་རེད། ཡིན་ནའང་། ཀཤཱི་སྨིར་ལ་རྙོག་དྲ་ཏོག་ཙམ་ཡོད་པ་རེད། དེ་ནི་པ་ཀི་སུ་ཐན་ནས་བྱུང་བ་རེད་ཅེས་གསུངས་ཡོད།

ཡང་༧གོང་ས་མཆོག་ནས་རྒྱ་མི་དང་བོད་མི་ཚང་མར་རྒྱ་ནག་སྟོབས་ཆེན་རྒྱལ་ཁབ་དེ་ཞི་བདེ་ཅན་དུ་འགྱུར་བར་འགན་ཡོད་པའི་སྐོར་གསུངས་རྒྱུར། ངས་ནམ་རྒྱུན་རྒྱ་རིགས་གྲོགས་པོ་ཚོར་ལབ་ཀྱིན་ཡོད། དངོས་གནས་དྲང་གནས་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་དེ་སྟོབས་ཆེན་རྒྱལ་ཁབ་ཏུ་ཆགས་ནས་མིང་དེ་སུས་ཐོས་ནའང་སེམས་ནས་དགའ་བ་བྱུང་ན། ང་ཚོ་བོད་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་དེའི་འོག་ནས་བསྡད་ནའང་སྤོབས་པ་ཡོད། རྒྱ་ནག་དེ་ལས་ལྡོག་སྟེ། མི་རྣམས་ཞེད་སྣང་དང་དོགས་པ་ཟ་བ་ཡིན་ན། ང་ཚོ་གྲངས་ཉུང་མི་རིགས་ཚོར་དཀའ་ངལ་འཕྲད་གི་རེད་ལ། རྒྱ་རིགས་གྲོགས་པོ་ཚོར་ཡང་དཀའ་ངལ་འཕྲད་གི་རེད། དེར་བརྟེན། ང་ཚོ་རྒྱ་བོད་མི་རིགས་ལ་ཐུན་མོང་གི་འགན་འཁྲི་ཞིག་ཡོད་པ་རེད། ངོས་ཀྱི་བསམ་པར། རྒྱ་ནག་ལ་སྒྱུར་བཅོས་ཡིན་གཅིག་མིན་གཉིས་འགྲོ་དགོས་ཀྱི་འདུག  ཡིན་ནའང་། སྒྱུར་བཅོས་དེ་ག་ལེར་སོང་ན་མ་གཏོགས་ཧོབ་ཀྱིས་བཏང་ན་མི་མང་བོར་དཀའ་ངལ་ཡོང་གི་རེད། དེ་སྔོན་ཨུ་རུ་སུ་ལ་འགྱུར་བ་ཕྱིན་པས་མི་མང་བོར་དཀའ་ངལ་འཕྲད་འདུག  ག་ལེར་འགྱུར་བ་འགྲོ་རྒྱུ་གལ་ཆེན་རེད། ངའི་རེ་བར། གུང་ཁྲན་ཏང་རང་གིས་མགོ་ཁྲིད་ནས་སྔོན་ལ། ཏང་གི་ནང་ལོག་ནས་དམངས་གཙོ་བཅོས་བསྒྱུར་མང་ཙམ་བཏང་ནས་ག་ལེར་ཏང་གཟི་བརྗིད་ལྡན་པའི་ངང་རྒན་ཡོལ་དུ་འགྲོ་ཐུབ་ན་ཡག་པོ་རེད། ངོས་རང་ཡིན་ནའང་། རྒན་ཡོལ་དུ་ཕྱིན་ནས་ལོ་དགུ་ཙམ་འགྲོ་གིན་འདུག  དེ་ཡག་པོ་རེད། མི་ཁ་ཤས་ལོ་རྒས་ནས་ཤི་གྲབས་བྱེད་ཀྱིན་ཡོད་ཀྱང་དབང་བཟུང་ནས་འདུག་གི་རེད། དེ་ཚོའི་བསམ་བློ་གུ་དོགས་པ་རེད་ཅེས་གསུང་ཡོད། དེ་བཞིན་༧གོང་ས་མཆོག་གིས་རྒྱ་ནག་གི་ཨོ་ལིམ་པི་ཀི་བརྒྱུད་དྲིལ་བསྒྲགས་བྱེད་སྟངས་ཀྱི་སྐོར་ལ་གསུངས་དོན། བར་ལམ་བློ་ཕམ་པ་ཞིག་ལ་རྒྱ་ནག་གི་དྲིལ་བསྒྲགས་དེ་འཁྱོག་བཤད་ཁོ་ནར་སོང་ནས་རྒྱ་བོད་མི་རིགས་བར་དོགས་པ་ཟ་བ་དང་འགལ་ཟླ་ཤོར་ཡོང་བ་བཟོས་ཡོང་གི་འདུག དཔེར་ན། ན་ནིང་ཨོ་ལིམ་པི་ཀིར་མཚོན་ན་ངོས་དང་ཐོག་ནས་དེར་རྒྱབ་སྐྱོར་བྱས་ཡོད་པ་མ་ཟད། ནུབ་ཕྱོགས་ཀྱི་རྒྱལ་ཁབ་ཁག་མང་བོ་ཞིག་ཏུ་རྒྱ་ནག་གི་ཨོ་ལིམ་པི་ཀི་དེར་ངོ་རྒོལ་མི་བྱེད་རྒྱུའི་འབོད་སྐུལ་ཞུས་ཡོད། ཡིན་ནའང་། རྒྱ་ནག་གིས་ངོས་ངོ་རྒོལ་བྱེད་ཀྱིན་འདུག་ཅེས་བརྗོད་སོང་། ཉེ་ལམ་ངོས་རང་ཐའེ་ཝན་ནང་སོང་བ་ཡིན། སྐབས་དེ་དུས་མི་ལྔ་བཅུ་ལྷག་ཅིག་གིས་ངོས་རང་ལ་ཁ་བྲལ་བ་ཞེས་ནས་ངོ་རྒོལ་བྱས་སོང་། ངོས་ཁོང་ཚོར་ལབ་རྒྱུ་བྱུང་། ངོས་རང་དགའ་བོ་བྱུང་། ཁྱེད་རང་ཚོས་གཏམ་བརྗོད་རང་དབང་བེད་སྦྱོད་བྱེད་པ་ལ་དགའ་བོ་བྱུང་ཞེས་ལབ་པ་ཡིན། དངོས་གནས་དགའ་བོ་བྱུང་ཡང་བྱུང་སོང་། ཁྱེད་རང་ཚོས་ཐའེ་ཝན་ནང་གཏམ་བརྗོད་རང་དབང་ལོངས་སུ་སྤྱད་པ་རེད། ད་ཁྱེད་རང་ཚོས་རྒྱ་ནག་སྐམ་ས་ཆེན་མོར་གཏམ་བརྗོད་རང་དབང་གི་སློབ་སྟོན་བྱ་ཐུབ་ན་ཡག་པོ་ཡོད་པ་རེད་ཅེས་ལབ་རྒྱུ་བྱུང་ཞེས་གསུང་བཤད་གནང་ཡོད་པ་རེད།

འབྲེལ་ཡོད་གསར་འགྱུར།

Front Slider

༸རྒྱལ་དབང་སྐུ་ཕྲེང་རྒྱུན་མཐུད་ཕེབས་ངེས་ཡིན་པའི་ཡོངས་ཁྱབ་གསལ་བསྒྲགས་མཛད།

ཆུ་ཚོད་ ༡༧ སྔོན་ལ།
Mobile App

བོད་དང་བོད་མིའི་མགྲིན་ཚབ་ཀྱི་བོད་སྒྱུར་ཕྱག་དེབ་འབྱེད་གནང་སོང་། 

ཆུ་ཚོད་ ༡༨ སྔོན་ལ།
༸རྒྱལ་དབང་སྐུ་ཕྲེང་རྒྱུན་མཐུད་ཕེབས་ངེས་ཡིན་པའི་ཡོངས་ཁྱབ་གསལ་བསྒྲགས་མཛད། དཔལ་ལྡན་དགའ་ལྡན་ཕོ་བྲང་གི་སྐུ་པར། ༢༠༢༥།༧།༢
༸གོང་ས་མཆོག གསར་འགྱུར།

༸རྒྱལ་དབང་སྐུ་ཕྲེང་རྒྱུན་མཐུད་ཕེབས་ངེས་ཡིན་པའི་ཡོངས་ཁྱབ་གསལ་བསྒྲགས་མཛད་སོང་།

ཆུ་ཚོད་ ༡༩ སྔོན་ལ།
འཕྲུལ་རིག་སྐད་བརྡའི་འཇུག་སྒོ། ཕེ་ཊོན་ (Python) ཞེས་པའི་དཔེ་དེབ། ༢༠༢༥།༦།༣༠
Mobile App

འཕྲུལ་རིག་སྐད་བརྡའི་འཇུག་སྒོ་ཞེས་པའི་དཔེ་དེབ་ཅིག་དབུ་འབྱེད་གནང་།

༢༠༢༥/༠༧/༠༡
ལོ་རྗེས་མར་སྦེལ་ཀོབ་བདེ་སྐྱིད་སླར་གསོ་གཞིས་ཆགས་སུ་ཨ་ཕའི་རྐང་སྤོལ་རྩེད་འགྲན་འཚོག་རྒྱུ་ཡིན་འདུག ༢༠༢༥།༦། ༣༠ ཨ་ཕ་རྐང་སྤོལ་ཚོགས་པའི་པར།
Mobile App

རྡོ་རྗེ་གླིང་གཡག་རུ་ཁག་ལ་འདི་ལོའི་ཨ་ཕ་གསེར་གྱི་བུམ་པའི་རྟགས་མ་ཐོབ་སོང་།

༢༠༢༥/༠༧/༠༡
༸གོང་ས་མཆོག གསར་འགྱུར།

བོད་ལྗོངས་མདོ་སྨད་ཆོལ་ཁས་༧གོང་ས་རྒྱལ་བ་རིན་པོ་ཆེ་མཆོག་ལ་བརྟན་བཞུགས་བསྟར་འབུལ་ཞུས།

༢༠༢༥/༠༦/༣༠

མཆན། 5

  1. ནད་པ says:
    ལོ་ 16 སྔོན།

    ཏང་གཟིགབརྗིད་ངང་རྒན་ཡོལ་དུ་འགྲོ་རྒྱུ་ནི་༸ བོད་མིའི་བླ་ན་མེད་པའི་དབུ་འཁྲིད། འཛམ་གླིང་ཞི་བདེའི་དེད་དཔོན་ཆེན་པོ་༸ གོང་ས་མཆོག་གི་རླབས་ཆེན་ཐུགས་ཀྱི་བཞེད་པ་བསམ་གྱིས་མི་ཁྱབ་པ་ཞིག་ཡིན།

    ཕྱི་ལོ་༡༩༥༩། ༡༠། ༠༡ ཉིན་ཏང་གི་གཙོ་འཛིན་མའོ་ཙེ་ཏུང་གིས་ཀྲུང་ཧ་མི་དམངས་སྤྱི་མཐུན་རྒྱལ་ཁབ་དབུ་བརྙེས་ནས་ད་ནས་བཟུང་རྒྱ་ནག་མི་དམངས་ཡར་ལངས་ཟིན་པའི་ཁྱབ་བསྒྲགས་བྱས་ཡོད།

    མི་ལོ་ཧྲིལ་པོ་ ༦༠ འཁོར་བའི་ཉིན་དེར་མི་རབས་བཞི་པའི་ཏང་གི་གཙོ་འཛིན་ཧུ་ཅིན་ཐའོ་ཡིས་སླར་ཡང་མའོ་ལྟར་གུང་ཁྲན་ཏང་གིས་དབུ་འཁྲིད་པའི་རྒྱ་ནག་མི་དམངས་དུང་ཕྱུར་བཅུ་གསུམ་ད་ཆ་འཛམ་གླིང་སྟེང་སྟོབས་འབྱོར་མངའ་ཐང་རྒྱས་པའི་སྟོབས་ཆེན་གྱི་རྒྱལ་ཁབ་གཅིག་ཏུ་འགྱུར་བཞིན་ཡོད་པའི་ཁྱབ་བསྒྲགས་བྱས་སོང་།

    ད་དུང་ཏང་རྒན་ཡོལ་དུ་འགྲོ་རྒྱུའི་ཚབ་ལ་ཀྲུང་གོ་གུང་ཁྲན་ཏང་ཁྲི་ལོར་བརྟན་པར་ཤོག ཀྲུང་ཧ་མི་དམངས་སྤྱི་མཐུན་རྒྱལ་ཁབ་ཁྲི་ལོར་བརྟན་པར་ཤོག ཀྲུང་གོའི་མི་དམངས་ཁྲི་ལོར་བརྟན་པར་ཤོག་ཅེས་ཏང་ཁྲི་ལོར་བརྟན་པའི་འབོད་སྒྲ་དྲག་པོ་བསྒྲགས་པ་ལྟར་ན་ད་དུང་མི་ལོ་སུམ་ཅུ། བཞི་བཅུ། ལྔ་བཅུ་སོགས་ཇི་ཙམ་འགོར་མིན་སུས་དཔོག་ནུས་སམ།

    ངའི་བསམ་པར་རྒྱལ་ས་པེ་ཅིང་དུ་རྒྱ་ནག་མི་དམངས་ཀྱིས་ཁྲག་གིས་འཁོར་ལོ་ཞིག་བསྐོར་ནས་སྤྱི་ཚོགས་རིང་ལུགས་དང་དམངས་གཙོ་རིང་ལུགས་གཉིས་ཀྱི་དབར་ཁྱོད་ཤི་ང་གསོན་གྱིས་འཐབ་རྩོད་ཅིག་མ་བྱས་པར་ཏང་གིས་གཟི་བརྗིད་ངང་རྒན་ཡོལ་དུ་ནམ་ཡང་མི་འགྲོ་བ་ཐག་བཅད་ཚར་འདུག་སྙམ་མོ།

    Reply
  2. ལྷོ་ཕྲུག་སྣ་བོ་ཆེ། says:
    ལོ་ 16 སྔོན།

    ངའི་མཐོང་སྣང་ལ་ཏང་རྒས་ཡོལ་དུ་ཕེབས་ཀྱིན་འདུག ཁོའི་རང་བཞིན་ཇི་འདྲ་ཞིག་ཡིན་པའི་ངོས་ནས་བཤད་ན་ཕེབས་དགོས་ངེས་ཀྱང་རེད།

    ད་ལྟའི་དུས་རབས་འདིའི་འཕེལ་འགྱུར་གྱི་ཁ་ཕྱོགས་ནས་བལྟས་ཀྱང་ཁོ་རང་ཚུགས་ཐུབ་ཁེར་འགྲེངས་ཀྱིས་འཚོ་སའི་ཁོར་ཡུག་ཅིག་མེད་པ་རེད།

    འོན་ཀྱང་ལོ་ངོ་༣༠ཞེས་ངེས་གཏན་གྱི་མཚམས་ཚིགས་འདི་འདྲ་ཞིག་གཟུང་རྒྱུའི་རྒྱབ་ལྗོངས་དང་གནས་སྟངས་ཤིག་ཁག་སེ་མིན་འགྲོ།

    Reply
  3. བོད། ཤ་ཁྲག་རུས་གསུམ། says:
    ལོ་ 16 སྔོན།

    ངས་ཉེ་སྔོན་བཀའ་སློབ་འདི་དྲ་ཐོག་འདི་ཀློག་ཞོར་དུ་རང་གི་ཟིན་བྲིས་སུ་ཕབ་བཤུ་བྱས་པ་ཡིན། འོན་ཀྱང་། གཞུག་གི་༧གོང་ས་མཆོག་གིས་རྒྱ་རིགས་གྲོགས་པོ་ཚོར་ཡང་དཀའ་ངལ་འཕྲད་གི་རེད། ཟེར་བའི་མཚམས་ནས་བཟུང་དེ་མི་འདུག་ན། དུས་བབ་ཚང་གིས་གསར་འགྱུར་འདི་གང་ནས་གཟིགས་པ་ཡིན་མིན་བསྐོར་ཞིག་གསུང་ན་འགྲིག་གི་རེད་དམ་ལགས། དེ་མ་བྱས་དུས། ངའི་རང་གི་སྤུན་ཟླ་དག་ལ་མགོ་བསྐོར་གཏོང་བ་འདྲ་བོ་ཆགས་འདུག་ལགས།

    Reply
  4. མི་ནག་ཚང་ལུང་རིགས་རྒྱལ། says:
    ལོ་ 16 སྔོན།

    རྒན་ཡོལ་དུ་འགྲོ་བར་ད་དུང་ཉུང་མཐར་ལོ་ ༣༠ དགོས་པ་རེད།

    གནས་དབྱུང་གཏོང་ན་ནི་གནས་ཚུལ་ཐ་དད་རེད། ལོ་ཤས་རིང་ནས་ཀྱང་གཏོང་སྲིད་པ་རེད།

    Reply
  5. གཅན་བཟོད་རྒྱམ། says:
    ལོ་ 16 སྔོན།

    རིན་པོ་ཆེའི་གསུང་འདི་མ་འོངས་ལུང་བསྟན་དུ་འགྱུར་བར་ཤོག ཏང་མྱུར་དུ་རྒན་ཡོལ་དུ་སོང་ཞིག རྒྱ་མི་རིགས་གཙོས་གྲངས་ཉུང་མི་རིགས་རྣམས་ལ་རང་དབང་གི་བདེ་སྐྱིད་ལྡན་པར་ཤོག

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese