དེང་སྐབས་རྒྱ་གཞུང་གིས་བོད་མི་ཚོར་བཙན་གྱིས་རྒྱ་གཞུང་ལ་ངོ་རྒོལ་གྱི་རྣམ་པ་སྟོན་འཇུག་པ་དང་། ཉེན་རྟོག་པར་ཕར་རྒོལ་བྱེད་པ་སོགས་ཀྱི་འཁྲབ་སྟོན་རྫུན་མ་འཁྲབ་བཅུགས་ཏེ་བརྙན་པར་ལེན་གྱིན་ཡོད་འདུག
ཟླ་སྔོན་མའི་ཕྱི་ཚེས་ ༢༣ ཉིན་སྲི་ཁྲོན་ཞིང་ཆེན་དཀར་མཛེས་ཁུལ། སེར་ཤུལ་རྫོང་ཕྱག་ཚ་ཤང་གི་ནང་དུ་ཁུལ་ཉེན་རྟོག་པ་ ཁག་ཅིག་ཞིག་འབྱོར་ཏེ། སྡེ་དཔོན་ཚོར་སང་ཉིན་ཉེན་རྟོག་པ་མང་བོ་འབྱོར་གྱི་ཡོད་སྟབས་ཁྱེད་ཚོས་རྒྱག་ནག་གཞུང་ལ་ངོ་རྒོལ་གྱི་རྣམ་པ་སྟོན་དགོས་པ་དང་། འགྱིག་དམ་ནང་དུ་ཆུ་བླུགས་ནས་ཉེན་རྟོག་པར་གཞུ་བ་སོགས་ཉེན་རྟོག་པའི་སྟེང་དུ་དྲག་པའི་ངོ་རྒོལ་བྱེད་ཀྱིན་པའི་རྣམ་པ་སྟོན་དགོས་ཞེས་བརྗོད་ཡོད་པ་དང་། ཕྱག་ཚ་ཤང་གི་ཕྱག་ཚ་གྲོང་སྡེ་དང་ཐར་ཤུལ་གྲོང་སྡེ། ཨ་བསེ་གྲོང་སྡེ་སོགས་གྲོང་སྡེ་གསུམ་གྱི་སྡེ་དཔོན་རྣམས་ལ་གྲོང་སྡེ་རེ་ནས་མི་ལྔ་རེ་ཁྲིད་ཡོང་དགོས་སྐོར་བརྗོད་འདུག སྡེ་དཔོན་ཚོས་སྐབས་རེར་ཁྱེད་ཚོས་རྒྱ་གཞུང་ལ་ངོ་རྒོལ་བྱེད་མི་ཆོག་ཟེར་བ་དང་། ཡང་སྐབས་རེར་མི་ཁྲིད་ཡོང་ནས་ངོ་རྒོལ་བྱེད་དགོས་ཟེར་བ་ལྟ་བུའི་བྱེད་སྟངས་འདི་དག་མགོ་ཚོས་ཀྱི་མི་འདུག ང་ཚོ་ལ་མི་ཁྲིད་ཡོང་རྒྱུ་མེད་ཅེས་བརྗོད་འདུག་ཀྱང་། ཉེན་རྟོག་པ་དེ་ཚོས་དེ་ནི་གཞུང་གི་བཀའ་ཡིན་སྟབས་མི་ཁྲིད་རྒྱུ་མེད་ན་འགྲོ་ས་གཅིག་མ་གཏོགས་མེད། དེ་ནི་རང་གིས་གདམ་ཀ་རེད་ཅེས་འཇིགས་སྐུལ་ཡང་བྱས་ཡོད་སྟབས། མཐར་སྡེ་དཔོན་ཚོ་ཨུ་ཐུག་ནས་རང་གི་ཉེ་འབྲེལ་སོགས་མི་ལྔ་རེ་ཁྲིད་ནས་འགྲོ་དགོས་བྱུང་འདུག་ཅེས་བརྗོད་ཡོད་པ་དང་།
ཡང་ཁོང་གིས་མུ་མཐུད་གསུངས་དོན། དེ་ལྟར་ཁོང་ཚོས་མི་མང་ལ་བརྡབ་གསིག་མི་འགྲོ་བའི་ཆེད་དུ་རང་གི་ཉེ་འབྲེལ་སོགས་མི་ལྔ་རེ་ཁྲིད་ནས་ཕྱིན་སྐབས། ཉེན་རྟོག་པ་ཚོས་ཀྱང་བོད་རིགས་ཉི་ཤུ་ཙམ་ཁྲིད་འདུག་ལ། བོད་མི་ཚང་མར་བོད་ཆས་གྱོན་དུ་བཅུགས་ནས་ཉིན་དེའི་འཁྲབ་སྟོན་དེ་མགོ་བརྩམས་འདུག
འཁྲབ་སྟོན་བྱེད་སྟངས་ནི་ཉེན་རྟོག་ ༨༠༠ ནས་ ༩༠༠ ཙམ་ཞིག་གིས་ལག་ཏུ་མེ་མདའ་དང་མདའ་འགོག་པང་ལེབ་སོགས་ཁྱེར་ནས་ས་དེའི་གཞུང་ལམ་ཐོག་རུ་སྒྲིག་ནས་ཡོང་སྐབས། བོད་མི་ཚོ་ཉེན་རྟོག་པ་དེ་དག་གི་མདུན་དུ་བརྒྱུགས་ནས་མི་འདོད་པའི་རྣམ་འགྱུར་བསྟན་ཏེ། ངོ་རྒོལ་སྐད་འབོད་བྱེད་དགོས་པ་མ་ཟད་ཉེན་རྟོག་པར་ཕར་རྒོལ་བྱེད་རྒྱུ་དེ་ཡིན་འདུག ཉེན་རྟོག་པ་དང་བོད་མི་གཉིས་ལག་འཛིང་ཤོར་བའི་འཁྲབ་སྟོན་རྫུན་མ་དེའི་མགོ་བརྩམས་པ་ཐག ཉེན་རྟོག་པའི་སྤག་སྤག་དང་རླངས་འཁོར་སོགས་ཀྱི་འགྱིག་གི་འཁོར་ལོའི་རིགས་མེར་སྲེག་བཏང་སྟེ། དུ་བས་གནམ་ས་ཁེངས་པ་བྱས་འདུག་ལ། ཤོག་སྤག་བཀད་དེ་མེ་མདའི་སྐད་སྒྲ་ལྟ་བུའི་སྒྲ་བླངས་རྗེས། ཉེན་རྟོག་པ་རེ་ཟུང་ཚབས་ཆེའི་རྨས་སྐྱོན་གང་ཡང་ཕོགས་མེད་བཞིན་དུ་ཕོགས་ཁུལ་དང་། ཛ་དྲག་ཡིན་ཁུལ་བྱས་ཏེ། མྱུར་སྐྱོབས་རླངས་འཁོར་ནང་བླུགས་ནས་སྨན་ཁང་དུ་སྐྱེལ་བ་སོགས་ཀྱི་འཁྲབ་སྟོན་ཡང་བྱས་ཡོད་འདུག
ཉིན་དེར་ཉེན་རྟོག་པས་ཁྲིད་ཡོང་བའི་བོད་རིགས་དེ་ཚོས་འཁྲབ་སྟོན་དེའི་ནང་དངོས་གནས་ཉེན་རྟོག་པ་དང་མཉམ་དུ་འཁྲུག་འཛིང་བྱེད་པ་ལྟ་བུའི་འཁྲབ་སྟོན་བྱས་པ་གཏོགས། གཞན་རྣམས་ལ་འཁྲབ་སྟོན་ཇི་ལྟར་བྱེད་དགོས་མིན་ཤེས་ཀྱི་མེད་སྟབས། བོད་རིགས་དེ་དག་ནི་ཡུན་རིང་སྦྱང་བརྡར་ཐོབ་པའི་རིགས་ཤིག་ཡིན་པའི་དོགས་གཞི་ཡང་འདུག་ཟེར།
དེ་མིན་འབུམ་སྙིང་ཤང་ཟེར་བའི་ནང་དུའང་དེ་ལྟ་བུའི་འཁྲབ་སྟོན་རྫུན་མ་བྱས་འདུག་པ་མ་ཟད། འདི་ནི་གོང་རིམ་གྱི་གོ་སྒྲིག་ལྟར་ཁུལ་དེའི་ས་གནས་ཁག་ཚང་མའི་ནང་འཁྲབ་རྒྱུ་ཡིན་འདུག་ཅེས་བརྗོད་ཡོད།
དེ་བཞིན་གསར་འགོད་པས་ཁོང་ལ་འདི་ལྟ་བུའི་འཁྲབ་སྟོན་རྫུན་མ་ཞིག་བྱེད་དགོས་པའི་ཐད་དུ་ཁྱེད་ལ་དགོངས་ཚུལ་ཅི་ཡོདཅེས་སྐད་ཆ་དྲིས་པར་ཁོང་གིས་གསུངས་དོན། རྒྱ་ནག་གིས་ད་བར་དྲིལ་བསྒྲགས་རྫུན་མ་མང་བོ་ཞིག་བཟོ་བཞིན་ཡོད་ཀྱང་། གཞིས་བྱེས་བོད་མི་རྣམས་ཀྱིས་༸གོང་ས་མཆོག་གི་བཀའ་དང་མ་འགལ་བར་འཚེ་མེད་ཞུ་བའི་ལས་འགུལ་རྐྱང་སྤེལ་སྐབས་ཁོང་ཚོར་སྟོན་རྒྱུ་གང་ཡང་མེད་པར་ལྷག་ཡོད་པ་རེད་ལ། དེ་ནི་དཔང་རྟགས་རྫུན་མ་ཞིག་བཟོ་བཞིན་པ་རེད་བསམ་ནས་བློ་འཚབ་ཡོང་གི་འདུག་ཅེས་ལན་འདེབས་གནང་ཡོད།
སྤུན་ཟླ་ཚྭ་སྒང་ཕོ་ཉ་ལགས་བདེན་པ་གསུང་སོང་། ཕྲན་གྱིས་རང་མི་རིགས་འདིའི་དོན་དུ་རང་ཚོད་དང་མཐུན་པའི་བྱ་བ་འགའ་བསྒྲུབས་དང་བསྒྲུབ་བཞིན་པ་ལགས། ཁྱེད་ཀྱིས་ཀྱང་དེ་ལྟར་ཡིན་པའི་རེ་བ་ཡོད།
ད་ལྟའི་དུས་འདིར་རྨི་ལམ་བཤད་པའི་དུས་ཚོད་མ་རེད་གྲོགས་པོ་དོན་དངོས་ལ་འབད་གལ་ཆེ། ད་བར་དུ་ང་ཚོས་རྨི་ལམ་ཀྱང་ཀྱང་བསམ་ནས་སྡད་པའི་བྱུང་འབྲས་འདི་རེད། ཐུགས་བསམ་གཞེས་གལ་ཆེ་ངའི་སྤུན་ཟླ།།
རྒྱ་ནག་གི་ང་འཇིག་སྐུལ་རིགས་ལུགས་ཤིག་མི་བཟོ་བའི་རེ་བ་ཡོད།།
རེད་བཙན་བྱོལ་བོད་གཞུང་གིས་གཞན་ལས་མི་ཐུབ་ཀྱང་། ཁྱབ་བསྒྲགས་རེ་ཡང་བྱེད་མ་ཐུབ་ན། དངོས་གནས་ལས་རྒྱུ་འབྲས་ཟེར་བ་དེའང་མགོ་ཐོག་ཏུ་ལོས་འཁོར།
འདི་རིགས་ཀྱི་འདྲ་དཔར་དང་བརྙན་འཕྲིན་བླངས་ཡོད་པ་དེ་ཚོ་ལག་དུ་སོན་ན་དངོས་ནས་བརྡ་ཁྱབ་ཤུགས་ཆེར་གཏོང་དགོས་ཀྱི་འདུག
མིང་གསར་པ་ཅན་ཞིག་གིས་སྐད་ཆ་གསར་པ་ཞིག་བཤད་འདུག ཁྱེད་ཀྱིས་གསུངས་པ་བཞིན་དུ་འགྱུར་སྨོན།
རང་དབང་ལུང་པའི་བོད་མི་ཚོས་འདི་ཚོ་གང་ཐུབ་ཐུབ་ཀྱིས་ཕྱི་རྒྱལ་གང་སར་ཁྱབ་བསྒྲགས་བྱ་ཐབས་བྱེད་དགོས་པར་འདོད། ད་དུང་འདྲ་པར་རེ་རགས་ཐུབ་ན་ཅི་མ་རུང་།
གང་ལྟར་ཡང་བདེན་མཐའ་གསལ་གྱི་རེད་སྙམ།
མངོན་ཤེས་བཤད་པ་མིན་ཡང་། །
ཉིས་སྟོང་བཅུ་དྲུག་ལོ་ལ། །
རང་རེ་བོད་ཀྱི་ཡུལ་ལ། །
རང་བཙན་རང་སྐྱོངས་གང་ཡིན། །
སྐལ་བཟང་ཞིག་ཤར་གྱི་རེད་སྙམ། །
ཧ་ཧ་རང་སེམས་རང་གིས་མི་གསོ་སུས་གསོ།
གང་དྲན་དུའམ་སྔོན་གྱི་རྨི་ལམ་བལྟར་བྲིས།