རང་བཙན་དང་རང་སྐྱོང་གང་ཡིན་ཡང་། དེ་འཐོབ་པ་ལ་དོན་ཚན་ལྔ་ངེས་པར་དུ་ཚང་དགོས་པ་རེད་ཟེར།
མདང་དགོང་ཆུ་ཚོད་ལྔ་བའི་སྟེང་རྡ་ས་མེག་གྷན་ས་གནས་སུ་བོད་ཀྱི་རང་སྐྱོང་སྐོར་བགྲོ་གླེང་ཞིག་བསྐོངས་ཚོགས་གནང་ཡོད་པ་དང་།བགྲོ་གླེང་གི་སྐུ་མགྲོན་དུ་ཧ་ཝར་སློབ་གྲྭའི་ཁྲིམས་ལུགས་མཁས་དབང་བློ་བཟང་སེང་གེ་ལགས་དང་ཧོང་ཀོང་ཁྲིམས་ལུགས་སློབ་ཆེན་གྱི་མཁས་དབང་མེ་ཁིལ་སེ་ཀྲེ་ཝེ་སེ་གཉིས་གདན་ཞུས་གནང་ཡོད། བགྲོ་གླེང་གོ་སྒྲིག་བྱེད་མཁན་བསྟན་འཛིན་བརྩོན་འགྲུས་ལགས་ཡིན་ལ། བགྲོ་གླེང་གི་བརྗོད་གཞི་ནི། ད་ལྟའི་རྒྱ་ནག་གི་ཁྲིམས་འོག་ནས་ཚད་མཐོའི་རང་སྐྱོང་ཞིག་ཡོང་སྲིད་གི་རེད་དམ། ཅེས་པ་འདི་རེད།
བགྲོ་གླེང་ལ་ཉན་མཁན་མི་གྲངས་བརྒྱ་ལ་ཉེ་བ་ཞིག་འདུག་ཀྱང་མང་ཆེ་བ་ཕྱི་རྒྱལ་བ་རེད། བགྲོ་གླེང་གི་དུས་ཡུན་ལ་སྐར་མ་བཅོ་ལྔ་རེ་མེད་ལ།ཐོག་མར་མཁས་དབང་མེ་ཁིལ་གྱིས་གཏམ་བཤད་གནང་། ཁོས་འདས་པའི་རྒྱ་བོད་བར་གྱི་གྲོས་མཐུན་དོན་ཚན་བཅུ་བདུན་ལ་བལྟས་ནས་འབྱུང་འགྱུར་ལམ་དབུ་མའི་སྲིད་བྱུས་དེས་བོད་དོན་ཐག་གཅོད་ཐུབ་རྒྱུ་ཁག་པོ་ཡིན་ལུགས་དང་རྒྱ་གཞུང་ལ་ཏཱ་ལའི་བླ་མ་སྐུ་སྒེར་གྱི་གནད་དོན་ལས་བོད་ཀྱི་བདེན་མཐའ་གསལ་རྒྱུའི་འདོད་པ་མེད་པ་དང་། ཧོང་ཀོང་དང་བོད་གཉིས་ཀྱི་རང་སྐྱོང་གི་འགལ་འབྲེལ་གླེང་ནས་བོད་དོན་ཐག་གཅོད་དཀའ་ལ། མཐའ་དོན་བོད་དོན་ཐག་གཅོད་ལ་ཕན་ཤོས་ནི་བོད་པ་མི་རེ་ངོ་རེས་ཁུར་བླངས་ཏེ་ལས་འགུལ་སྤེལ་རྒྱུ་དེ་ཡིན་པར་གསུངས་སོང་། མཁས་དབང་བློ་བཟང་སེང་གེ་ལགས་ཀྱིས་བོད་རང་བཙན་དང་ལམ་དབུ་མ་གང་ཡིན་རུང་དོན་ཚན་ལྔ་ངེས་པར་དུ་ཚང་དགོས་པ་དང་། དོན་ཚན་དེ་ལྔ་བོ་ནི་། གཅིག མི་མང་གི་ནུས་ཤུགས། གཉིས། སྒོར་མོའི་ནུས་ཤུགས། གསུམ། དམག་དོན་གྱི་ནུས་ཤུགས། བཞི། ཆབ་སྲིད་ཀྱི་ནུས་ཤུགས། ལྔ། ཤེས་ཡོན་གྱི་ནུས་ཤུགས་བཅས་ཡིན་པར་གསུངས། ཁོང་གིས་དོན་ཚན་དེ་དག་གོ་རིམ་ལྡོག་ནས་གསེད་བཀྲོལ་གནང་དོན། ཐོག་མར་ང་ཚོར་སློབ་སྦྱོང་དགོས་པ་དང་། སློབ་སྦྱོང་ཡོད་ན་སྒོར་མོ་ཐོབ་ཀྱིན་ཡོད་པ། སྒོར་མོ་ཐོབ་ན་ཆབ་སྲིད་ཐོབ་ཐུབ་ཀྱིན་ཡོད། ཆབ་སྲིད་ཐོབ་ན་དམག་དོན་ནུས་ཤུགས་ཐོབ་ཐུབ་པ་དང་། དེ་ཐོབ་ན་གཞན་གྱི་རྒྱབ་སྐྱོར་ཐོབ་ཐུབ་ཀྱིན་ཡོད་ལུགས་གསུངས་སོང།
མཁས་དབང་བློ་བཟང་སེང་གེ་ལགས་ཀྱི་གསུངས་པ་དེ་དག་ལ་དཔྱེ་ཞིབ་བྱས་ན་ཆོག
ད་ལྟ་ང་ཚོའི་སྤྱི་ཚོགས་ནང་ཁ་ཡོད་ལག་ཡོད་ཐོག་ནས་བོད་དོན་ལ་ཉིན་མཚན་མེད་པར་བོད་དོན་བདེན་ཐ་གསེལ་ཐབས་ལ་བསམ་བློ་གཏོང་མཁན་དང་། རིག་པ་གསར་པ་འདོན་མཁན་དངོས་ནས་ཉུང་ཉུང་དང་། བློ་སྟོབས་ཅན་འགའ་ཞིག་གི་རིག་པ་གསར་པ་རེར་འདོན་ན་ཡང་། དེ་ལ་དེ་ལས་མང་བའི་འགག་པ་རྒྱབ་མཁན་ཐོན་གྱི་འདུག ངས་བལྟས་ན་བྱ་ཐབས་དེ་དག་ནི་ང་རང་ཚོའི་མཐུན་སྒྲིལ་དང་ ཆིག་སྒྲིལ་གྱི་ནུས་པར་གནོད་གཞི་ལས་ཕན་པ་གང་ཡང་མིན་འདུག དེ་ལས་པ་དཔེར་་་་གྲོས་གཞན་ལ་དྲིས་ ཐག་རང་གིས་གཅོད་ཞེས་པ་ལྟར་ རིག་གསར་ག་ཚོད་ཡོད་ཀྱང་དགའ་བསུ་ཞུས་ཏེ། རང་ཉིད་ཀྱི་ཤེས་རབ་ཀྱི་རལ་གྲིས་ལེགས་ཉེས་དབྱེ་བྱེད་བྱས་ན་མི་འགྲིག་གམ།།
བློ་བཟང་སང་གེ་ལགས།་བཀྲ་ཤིས་བདེ་ལེགས་ཡོད།་་་་་་་་་་་གངས་ཅན་པ་ལ་་ཤ་ཚ་བྱེད་རོགས།
འཇིག་རྟེན་གྱི་གནད་དོན་ཡོངས་རྫོགས་སྒོར་མོས་ཐག་གཅོད་བྱེད་ཀྱིན་ཡོད་ལ་ཆབ་སྲིད་དང་དམག་དོན་གཉིས་ཀྱིས་ཀྱང་སྒོར་མོའི་དཔངས་རྔམས་ལ་བལྟ་ཡིན་འཆམ་འཁྲབ་ཀྱིན་ཡོད་པ་རེད། བློ་བཟང་སེང་གེ་ལགས་ཀྱི་འཆར་གཞི་དེ་དག་ལས་བོད་པར་མཁོ་བ་ནི་དམག་དོན་ཕུད་པའི་ལྷག་མ་བཞི་པོ་དེ་ཡིན་ཅིང་དེའི་ནང་ནས་ཀྱང་ཤེས་ཡོན་དེ་དེ་འདྲའི་གལ་ཆེན་མ་ཡིན་ནམ།
དམག་དོན་ཟེར་བ་ནི་བོད་པར་མཚོན་ན་རྒྱལ་ཁ་ལེན་བྱེད་ཀྱི་ཐབས་ལམ་ཞིག་མིན་པར་རང་ཤི་རྒྱག་བྱེད་ཀྱི་ལག་ཆ་ཙམ་ཞིག་ཡིན། འདི་ལ་རྒྱུ་མཚན་དམར་དམར་བརྗེན་བརྗེན་ཞིག་ཤོད་དགོས་མདོག་ཁ་པོ་མ་རེད།
བོད་ལ་རེ་བ་ཡོད་མེད་དེ་ནི་བོད་མི་རིགས་མི་མང་གིས་འགུལ་ཤུགས་ལ་རེག་ལས་པ་ལས་གཞན་གྱི་ཁ་གཡང་ལ་བསྟན་ནས་ལྟོས་པ་མེད།
རྒྱལ་ཁབ་གཅིག་ཡོད་པའི་ཡོད་པའི་དབང་དུ་བཏང་ན་གོང་གསལ་དོན་ཚན་ལྔ་དེ་ངེས་པར་དུའང་ཚང་དགོས་ངེས་རེད། འོན་བཏང་རྒྱལ་ཁབ་གཅིག་དང་མི་རིགས་གཅིག་ཐོག་མར་ཡར་ལངས་དགོས་ཚེ་དོན་ཚན་ལྔ་པོ་དེ་བར་ཐག་རིང་པོར་ལུས་ཡོད།
རྒྱལ་ཁབ་དང་མི་རིགས་གཅིག་ཐོག་མར་འགོ་འཛུགས་བྱེད་ཚང་དགོས་པ་ནི་དང་པོ། དབུ་འཁྲིད་མཁན། གཉིས་པ། ལམ་ཕྱོགས། གསུམ་པ། མི་དམངས། བཞི་པ། ཆིག་སྒྲིལ། ལྔ་པ། འཐབ་རྩོད། དྲུག་པ། རྒྱུན་འཁྱོངས། བདུན་པ། རྒྱལ་ཁ། བཅས་ཡིན་དགོས།
ངས་དཔེ་མཚོན་གཅིག་བཤད་ན་ནི། ད་ལྟའི་རྒྱ་ནག་དམར་ཤོག་གི་སྟབས་ཆེན་རྒྱལ་ཁབ་འདི་ཕྱོ་ལོ་༡༩༤༩། ༡༠། ༠༡ སྔོན་ལ་དང་པོ། འགོ་འཁྲིད་མཁན་། མའོ་ཙེ་ཏུང་། གཉིས་པ། ལམ་ཕྱོགས། སྤྱི་ཚོགས་རིང་ལུགས། གསུམ་པ། མི་དམངས། བཟོ་ཞིང་དམག བཞི་པ། ཆིག་སྒྲིལ། མི་དམངས་མཐུན་སྒྲིལ། ལྔ་པ། འཐབ་རྩོད། དྲག་པོས་བཅིང་གྲོལ་གཏོང་བ། དྲུག་པ། རྒྱུན་འཁྱོངས། ལོ་མང་མུ་མཐུད་པ། བདུན་པ། རྒྱལ་ཁ། དམར་པའོ་རྒྱལ་ཁབ་དབུ་ཚུགས་པ་བཅས་ཡིན།
ད་ལྟ་ང་ཚོར་མཚོན་ན་ནི། དང་པོ། དབུ་འཁྲིད་མཁན། ༸ གོང་ས་མཆོག གཉིས་པ། ལམ་ཕྱོགས། འཚེ་བ་མེད་པ། གསུམ་པ། མི་དམངས། ཆོལ་གསུམ་བོད་མི་ཡོངས། བཞི་པ། ཆིག་སྒྲིལ། ཕྱི་ནང་བོད་རིགས་ཡོངས་ཀྱི་མཐུན་སྒྲིལ། ལྔ་པ། འཐབ་རྩོད། ཞི་བའི་གྲོས་མོལ་གྱི་ཁོར་ཡུག དྲུག་པ། རྒྱུན་འཁྱོངས། མུ་མཐུད་དེ་རྒྱུན་འཁྱོངས་བྱེད་པ། བདུན་པ། རྒྱལ་ཁ། བོད་རྒྱལ་ཁབ་དབུ་བརྙེས་ཐུབ་རྒྱུ་བཅསནཡིན་དགོས།
རགྱལ་ཁབ་དང་མི་རིགས་གཅིག་དབུ་བརྙེས་ཐུབ་པ་དགོས་ན་གནད་དོན་འདི་དག་ངེས་པར་དུའང་ཚང་དགོས་ ཡིན་པའང་ང་ཚོའི་འཐབ་རྩོད་ཀྱི་ལམ་ཕྱོགས་དང་། དམིགས་ཡུལ། མི་དམངས་ཁ་ལོ་བསྒྱུར་སྟངས་བཅས་ཀྱི་ཐད་ལ་ལམ་ཕྱོགས་མ་ནོར་བ་ཞིག་དགོས་རྒྱུ་གཙོ་གནད་དུ་བཟུང་དགོས།
བློ་གྲོས་རྒྱལ་པོ་ལགས་ཀྱི་བསམ་ཚུལ་དེར་ངོས་ལེན་བྱེད་མ་ཐུབ། ཕྲན་གྱིས་ཀྱང་དེ་སྔོན་ཕྲན་གྱི་ཟིན་བྲིས་ནང་། ང་ཚོས་རང་བཙན་ཇི་ལྟར་ལེན་ནམ། ཞེས་པའི་རྩོམ་ཐུང་ཞིག་བྲིས་ཡོད། ང་ཚོའི་གནས་དོན་དེ་བདེན་པ་ཡིན་ཡང་། དེང་འཛམ་གླིང་ནང་མི་དང་དཔལ་འབྱོར། དམག་དོན་དང་ཤེས་ཡོན་གྱི་སྟོབས་ཤུགས་མེད་ན། སེམས་ཤུགས་དང་ ཆིག་སྒྲིལ་གཅིག་པོས་བདེན་པ་ནམ་ཡང་རྩོད་མི་ཐུབ་ལ། བདེན་པ་རྩོད་ཡུལ་གྱི་ཁོར་ཡུག་ཀྱང་ལྷག་མེད། ང་ཚོའི་འཐབ་རྩོད་དེ་བདེན་པ་ཡིན་པ་མཉམ་སྦྲེལ་རྒྱལ་ཚོགས་ནང་གསལ་གསལ་ཐིང་ཐིང་རེད། འོན་ཀྱང་ང་ཚོར་གོང་གི་ཆ་རྐྱེན་གཞན་མེད་པས་དེ་རིང་བར་ལུས་ཡོད། སེམས་ཤུགས་དང་ཆིག་སྒྲིལ་ཡོད་པའི་དབང་པོ་སྐྱོན་ཅན་གསུམ། ཤིང་སྡོང་ཆེན་པོ་ཞིག་སྟེང་དུ་ནམ་ཡང་འཛེགས་མི་ཐུབ་པ་དང་ཡོངས་སུ་མཚུངས་པ་ཡིན།
ཁོང་གིས་གསུངས་པ་ལྟར་ཡིན་ཚེ་ང་ཚོར་དོན་ཚན་ལྔ་བོ་ཚང་གི་མི་འདུག རང་བཙན་དང་རང་སྐྱོང་གང་ཡང་འཐོབ་ས་མ་རེད། ལྷག་པར་དུ་དམག་དོན་གྱི་ཕྱོགས་ནས་བཤད་ན་ལྡེར་སྡུན་གྱི་ཨང་ ༢༢ གྱི་དམག་སྒར་ཆུང་ཆུང་དེ་ང་ཚོའི་དམག་ཤུགས་ཀྱི་གཞི་རྟེན་ཆགས་དགོས་པ་འདྲ། དཀའ་སེ་འདུག
བློ་བཟང་སེང་གེ་ལགས་ཀྱི་གསུངས་པ་དེ་གང་འདྲ་ཡིན་ནམ། ཆབ་སྲིད་རིག་པའི་གཞུང་ལུགས་ཤིག་གི་སྟེང་ནས་གསུངས་ཀྱི་ཡོད་ཚེ་དེ་དེང་སྐབས་བོད་དོན་ཐག་གཅོད་ཀྱི་དངོས་ཡོད་གནས་སྟངས་དང་འཚམ་གྱི་མི་འདུག སྒེར་གྱི་བསམ་ཚུལ་ཡིན་ཚེ་རིན་ཐང་དེ་ཙམ་མི་འདུག
བོད་དོན་ནི་བདེན་པ་ཡིན་ལ། ང་ཚོའི་འཐད་རྩོད་ནི་བདེན་པ་རྩོད་པ་དེ་ཡིན་པར་བསམ། དེ་ལ་ཚང་དགོས་པ་ནི་སེམས་ཤུགས་དང་། ཆིག་སྒྲིལ་ཡིན་ནོ།