མདུན་ངོས།
About Us
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
No Result
ཆ་ཚང་གཟིགས།

ཆོས་ལ་སྡང་ཟུག་བྱེད་མཁན་ཚོར་དྲང་བདེན་མེད།

བོད་ཀྱི་དུས་བབ།
༢༠༠༩/༡༠/༡༥
Share on FacebookShare on TwitterShare on EmailShare on Whatsapp

འཛམ་གླིང་འདིར་མི་གྲངས་དུང་ཕྱུར་དྲུག་ཅུ་ལྷག་ཡོད། དེ་དག་དུམ་བུ་གསུམ་ལ་བགོས་ན། ཆོས་ཁས་ལེན་མཁན་ཞིག་དང་ཆོས་ལ་སྡང་ཟུག་བྱེད་མཁན་ཞིག ཆོས་ལ་བཏང་སྙོམས་བྱེད་མཁན་ཞིག་བཅས་རིགས་གསུམ་ཡོད། དེ་དག་གསུམ་ཀས་སྡུག་བསྔལ་མི་འདོད་པ་དང་བདེ་བ་འདོད་པ་གཅིག་པ་ཡིན་ལ། སྡུག་བསྔལ་སེལ་ཐབས་དང་བདེ་བ་སྒྲུབ་ཐབས་བྱེད་པའང་གཅིག་མཚུངས་ཡིན། ཞེས་༧གོང་ས་མཆོག་གིས་གསུངས་ཡོད།

 

ཐའེ་ཝན་ནས་ཕེབས་པའི་རྒྱ་རིགས་དད་ལྡན་ཆོས་ཞུ་བ་ཁག་ཅིག་གིས་ཇི་ལྟར་གསོལ་བ་བཏབས་པ་ལྟར། དེ་རིང་སྔ་དྲོའི་ཆུ་ཚོད་དགུ་བའི་ཐོག་རྒྱ་གར་བྱང་ཕྱོགས་ངྷ་རམ་ས་ལའི་ཐེག་ཆེན་ཆོས་གླིང་གཙུག་ལག་ཁང་དུ་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གིས་ཐའེ་ཝན་གཙོས་པའི་རྒྱ་ནག་སྐམ་ས་ཆེན་མོ་དང་། ཕྱི་རྒྱལ་ཡུལ་གྲུ་ཁག དེ་བཞིན། བཞུགས་སྒར་ཁུལ་གྱི་སེར་སྐྱ་མི་མང་སྟོང་ཕྲག་ལྷག་ལ་རྡོ་རྗེ་གཅོད་པ་དང་། བློ་སྦྱོང་དོན་བདུན་མ། རྗེ་ཙོང་ཁ་པས་མཛད་པའི་ལམ་གཙོ་རྣམ་གསུམ་བཅས་ཀྱི་གསུང་ཆོས་གནང་མགོ་བཙུགས་ཡོད། ཐེངས་འདིའི་གསུང་ཆོས་དེ་ཕྱི་ཚེས་ ༡༥ ནས་ ༡༨ བར་གྱི་ཉིན་བཞིའི་རིང་གནང་འཆར་ཡོད་པ་དང་། གསུང་ཆོས་ཀྱི་ཉིན་མཐའ་མའི་ཉིན་སྤྱན་རས་གཟིགས་ཀྱི་དབང་གནང་རྒྱུ་ཡིན་འདུག

 

ཉིན་དང་པོའི་གསུང་ཆོས་མགོ་འཛུགས་གནང་སྐབས། ༧གོང་ས་མཆོག་གིས་ཐའེ་ཝན་དང་རྒྱ་ནག་སྐམ་ས་ཆེན་མོ་ནས་ཕེབས་པའི་རྒྱ་རིགས་ཆོས་ཞུ་བ་ཚོར་དམིགས་བསལ་འཚམས་འདྲི་དང་སྦྲགས་ཏེ། གསུང་ཆོས་མགོ་འཛུགས་ཞུས་དོན། དེ་རིང་འདིར་གཙོ་བོ་ཐའེ་ཝན་ནས་ཕེབས་པའི་རྒྱ་རིགས་ཚོ་དང་རྒྱ་ནག་སྐམ་ས་ཆེན་མོ་ནས་ཀྱང་མང་པོ་ཞིག་ཕེབས་ཡོད་ས་རེད། ཁྱེད་ཅག་ཚང་མས་དཀའ་ལས་བརྒྱབས་ནས་ཡོང་བ་རེད། ཐུགས་རྗེ་ཆེ་ཞུ་རྒྱུ་ཡིན། དེ་རིང་ཆོས་འབྲེལ་ཞུ་རྒྱུ་དེ་རྡོ་རྗེ་གཅོད་པ་དང་། བློ་སྦྱོང་དོན་ལྡན་མ། འཇམ་དགོན་བླ་མ་ཙོང་ཁ་པས་མཛད་པའི་ལམ་གཙོ་རྣམ་གསུམ་བཅས་ཡིན། བློ་སྦྱོང་དོན་ལྡན་མ་དེ། ང་རང་གིས་ཞུ་ས་སྐྱབས་རྗེ་ཁྲི་བྱང་རིན་པོ་ཆེའི་མདུན་ཡིན། ལམ་གཙོ་རྣམ་གསུམ་སྟག་བྲག་རིན་པོ་ཆེའི་མདུན་ནས་ཞུས་པ་ཡིན་ལ། གླང་རིན་པོ་ཆེའི་མདུན་ནས་ཀྱང་ཞུས་ཡོད། རྡོ་རྗེ་གཅོད་པར་ལུང་རྒྱུན་མ་གཏོགས་ཁྲིད་རྒྱུན་ཡོད་པ་མ་རེད། ལུང་རྒྱུན་བྱང་རྩེའི་ཆོས་རྗེ་རིན་པོ་ཆེ་མཆོག་གི་སྐུ་མདུན་ནས་ཞུས་པ་ཡིན། ཞེས་གསུངས་བྱུང་།

 

༧གོང་ས་མཆོག་གིས་འཛམ་གླིང་གི་ཆོས་ཡོད་དང་ཆོས་མེད་བར་གྱི་ཁྱད་པར་བསྟན་དོན། འཛམ་གླིང་འདིར་མི་གྲངས་དུང་ཕྱུར་དྲུག་ཅུ་ལྷག་ཡོད། དེ་དག་དུམ་བུ་གསུམ་ལ་བགོས་ན། ཆོས་ཁས་ལེན་མཁན་ཞིག་དང་ཆོས་ལ་སྡང་ཟུག་བྱེད་མཁན་ཞིག ཆོས་ལ་བཏང་སྙོམས་བྱེད་མཁན་ཞིག་བཅས་རིགས་གསུམ་ཡོད། དེ་དག་གསུམ་ཀས་སྡུག་བསྔལ་མི་འདོད་པ་དང་བདེ་བ་འདོད་པ་གཅིག་པ་ཡིན་ལ། སྡུག་བསྔལ་སེལ་ཐབས་དང་བདེ་བ་སྒྲུབ་ཐབས་བྱེད་པའང་གཅིག་མཚུངས་ཡིན། འོན་ཀྱང་ཁྱད་པར་གང་ཡོད་ཟེར་ན། ཆོས་དད་ཡོད་མཁན་ཚོས་སྡུག་བསྔལ་སེལ་ཐབས་དང་། བདེ་བ་སྒྲུབ་ཐབས་གཙོ་བོ་ནང་བསམ་བློའི་ཐོག་ནས་སེམས་འདུལ་ཐབས་བྱས་ཏེ། མ་འོངས་པར་བདེ་བ་ཡོང་ཐབས་དང་སྡུག་བསྔལ་ཉུང་དུ་གཏོང་ཐབས་བྱེད་ཀྱིན་ཡོད། ཆོས་ལ་སྡང་ཟུག་བྱེད་མཁན་དང་ཆོས་ལ་བཏང་སྙོམས་བྱེད་མཁན་གཉིས་ཀྱིས་སྡུག་བསྔལ་སེལ་ཐབས་དང་། བདེ་བ་སྒྲུབ་ཐབས་ལུས་ཚོར་གྱི་བདེ་སྡུག་ཁོ་ན་འཛིན་གྱིན་ཡོད། ན་ཚ་དང་དབུལ་འཕོངས། བཀྲེས་ལྟོགས་སོགས་ཀྱི་སྡུག་བསྔལ་སེལ་ཐབས་བྱས་ཏེ། ལྟོ་གོས་གཏམ་གསུམ་གྱི་བདེ་སྐྱིད་གཙོ་བོར་བཟུང་སྟེ་དཔལ་འབྱོར་ལ་བརྟེན་ཏེ་བདེ་བ་སྒྲུབ་ཀྱིན་ཡོད། ཅེས་གསུངས་བྱུང་།

 

ཁོང་གིས་མུ་མཐུད་གསུངས་དོན། དེང་སང་འཛམ་གླིང་གི་དངོས་པོ་ཡར་རྒྱས་ཆེན་པོ་འགྲོ་བཞིན་ཡོད་ཀྱང་། ཕྱིའི་དངོས་པོ་གཅིག་པུས་མིའི་ནང་སེམས་ལ་བདེ་སྐྱིད་སྐྲུན་ཐབས་མེད། མཐུན་རྐྱེན་འཛོམས་པོ་ཞེ་དྲག་ཡོད་ཀྱང་སེམས་ལ་མ་སྐྱིད་པ་ཡོང་གིན་ཡོད། ད་ལྟ་གཞི་ནས་ཆོས་ཁས་ལེན་ཡང་རུང་ལ་མ་ལེན་ཡང་ཆོག སེམས་ལ་ཞི་བདེ་དགོས་པའི་དོ་སྣང་གསར་བ་ཞིག་ཡོང་གིན་ཡོད། ངས་ནམ་རྒྱུན་འདི་ལྟར་དྲན་བསྡད་ཡོད། ཆོས་ཁས་ལེན་མཁན་དང་ཆོས་ལ་སྡང་ཟུག་བྱེད་མཁན། ཆོས་ལ་བཏང་སྙོམས་སུ་ལྟ་མཁན་རིགས་གསུམ་ཡོད་པ་ལས་ཆོས་ལ་སྡང་ཟུག་བྱེད་མཁན་དང་ཆོས་ཁས་ལེན་མཁན་གཉིས་བསྡུར་བ་ཡིན་ན། ཆོས་ལ་སྡང་ཟུག་བྱེད་མཁན་དེ་ཚོ་མཐར་གཏུགས་ན། དྲང་པོ་དང་བདེན་པ་ལ་མཐོང་དེ་ཙམ་ཡོད་པ་མ་རེད། ཆོས་ཁས་ལེན་མཁན་ཚོས་དྲང་བདེན་ལག་ལེན་ཆ་ཚང་བསྟར་མིན་ཇི་ལྟར་ཡང་། ཏན་ཏན་དོ་སྣང་ཞིག་ཡོང་གིན་ཡོད། ཆོས་ལ་སྡང་ཟུག་བྱེད་མཁན་ཚོའི་སེམས་ནང་ཆགས་སྡང་གིས་བཅིངས་ནས་ཡོད་སྟབས། དྲང་བདེན་ལ་དོ་སྣང་ཡོད་པ་མ་རེད། དེར་བརྟེན། ཆོས་ཡོད་མཁན་ཚོར་ཁེ་ཕན་ཆེན་པོ་ཡོད། ཅེས་གསུངས་བྱུང་།

 

ཡང་ཁོང་གིས་ཆོས་ལུགས་ཀྱི་ལྟ་གྲུབ་སྐོར་ནས་གསུངས་དོན། ཆོས་ཟེར་བ་དེ་ལམ་དང་ལུགས་སྲོལ་ལྟ་བུའི་ཐོག་ནས་བྱས་པ་ཡིན་ན་ནོར་འཁྲུལ་རེད། སོ་སོས་ཆོས་ལ་དད་པ་མ་བྱས་པའི་སྔོན་ལ། ཆོས་ལ་དད་པ་བྱས་ན་ཁེ་གང་ཐོབ་པ་དང་། ཆོས་ལ་དད་པ་མ་བྱས་ན་གྱོང་གང་རག་པར་བསམ་བློ་བཏང་སྟེ། ཆོས་ལ་དད་པ་བྱས་ན་ཁེ་ཕན་ཡོད་པ་ངོས་ཟིན་དང་ཡིད་ཆེས་ཡོད་པའི་སྒོ་ནས་ཆོས་བྱས་ན་ཕན་ཐོགས་ཆེན་པོ་ཡོད། ལམ་དང་ལུགས་སྲོལ་ལྟ་བུའི་ཐོག་ནས་ཆོས་བྱས་ན། དེ་ཙམ་ཕན་ཐོགས་ཆུང་། འཛམ་གླིང་འདིར་ཆོས་ལུགས་མང་པོ་ཡོད། དེ་དག་ལས་མང་པོ་ཞིག་ལ་ལྟ་གྲུབ་དམིགས་བསལ་ཡོད་པ་མ་རེད། ལྟ་གྲུབ་ཡོད་པའི་ཆོས་ལུགས་ཕལ་ཆེར་རྒྱ་གར་ནང་ཤུགས་ཆེན་པོ་རེད། རྒྱ་གར་ལ་ལོ་ངོ་སུམ་སྟོང་སྔོན་ཙམ་ནས་ལྟ་གྲུབ་དར་ཡོད། ངས་ཤེས་ཚོད་ལྟར་ན། ཆོས་ལུགས་སྔ་ཤོས་དེ་གྲངས་ཅན་པ་རེད། དེ་ནས་ལོ་གཉིས་སྟོང་དྲུག་བརྒྱའི་མཚམས་ནས་ནང་ཆོས་དང་། དེ་དང་ཆབས་གཅིག་རྗེན་གྱི་ཆོས་ལུགས་དར་བ་རེད། རྗེའོ་ཆོས་ལུགས་དང་པར་ཟིག་གི་ཆོས་ལུགས་ཀྱང་སྔ་བོ་ཞེ་དྲག་རེད། ཅེས་དང་།

 

ཆོས་ལུགས་དེ་དག་ནང་། འཇིག་རྟེན་བཀོད་པ་པོ་འདོད་མཁན་རིགས་གཅིག་དང་། འཇིག་རྟེན་བཀོད་པ་པོ་མི་འདོད་མཁན་ཞིག་བཅས་གཉིས་ཡོད། ནང་པ་སངས་རྒྱས་པའི་ཆོས་དེ་འཇིག་རྟེན་བཀོད་པ་པོ་མི་འདོད་པའི་གྲས་རེད། སངས་རྒྱས་ཆོས་ལུགས་དང་རྗེན་གྱི་ཆོས་གཉིས་གཅིག་པ་རེད། དེ་ནས་གྲངས་ཅན་ལྷ་གཅིག་པ་དང་ལྷ་མེད་པ་གཉིས་ལས་གྲངས་ཅན་ལྷ་མེད་པས་ཀྱང་འཇིག་རྟེན་བཀོད་པ་པོ་མི་འདོད། འཇིག་རྟེན་བཀོད་པ་པོ་མི་འདོད་པའི་ནང་དུ་ཕུང་པོ་ལས་དོན་གཞན་པའི་རྟགས་གཅིག་རང་དབང་ཅན་གྱི་བདག་འདོད་མཁན་ཞིག་དང་མི་འདོད་མཁན་ཞིག་བཅས་གཉིས་ཡོད། འཛམ་གླིང་གི་ཆོས་ལུགས་སྤྱི་ཡོངས་ནས་བཤད་ཀྱང་། ཕུང་པོ་ལས་དོན་གཞན་པའི་བདག་འདོད་པ་དང་མི་འདོད་པ་གཉིས་སུ་ཕྱེ་ན། ནང་པ་སངས་རྒྱས་པའི་ཆོས་ལུགས་གཅིག་པུས་བདག་མི་འདོད་པ་རེད། གཞན་པའི་ཆོས་ལུགས་ཚང་མས་ཕུང་པོ་ལས་གཞན་པའི་བདག་འདོད་པ་རེད། ཅེས་གསུངས་བྱུང་།

མཆན། 8

  1. འབྲོག་རུ་ཆོས་དར། says:
    ལོ་ 13 སྔོན།

    བྱང་ བྱུང་ལ་བཅོས་པ་ཡིན། དགོངས་དག

    Reply
  2. འབྲོག་རུ་ཆོས་དར། says:
    ལོ་ 13 སྔོན།

    ཆོས་ལ་སྡང་ཟུག་བྱེད་མཁན་ཚོར་དྲང་བདེན་མེད། ཅེས་པའི་ཁ་བྱང་དེ་མཐོང་མ་ཐག་ཕྲན་ལ་དོ་སྣང་ཆེན་པོ་བྱང་སོང། ༸གོང་ས་མཆོག་གིས་དེ་འདྲ་ཞིག་གསུངས་ཨེ་ཡོད་ན་བསམ་བྱུང། གལ་ཏེ་གསུངས་ཡོད་ན་མ་ཁྱབ་ཞུ་དགོས་བསམ་ཡོད། ཡིན་ཡང་དེ་འདྲ་གསུངས་མི་འདུག ཕལ་ཆེར་གསར་འགོད་པས་ཐུགས་སྣང་མ་བཞག་པ་ཡིན་ས་རེད། ཆོས་ལ་སྡང་ཟུག་བྱེད་མཁན་དེ་ཚོ་མཐར་གཏུགས་ན། དྲང་པོ་དང་བདེན་པ་ལ་མཐོང་དེ་ཙམ་ཡོད་པ་མ་རེད། ཅེས་གསུངས་འདུག

    Reply
  3. སྐྲ་རིང་མ། says:
    ལོ་ 13 སྔོན།

    ཆོས་ལ་སྡང་ཟུག་བྱེད་མཁན་དེ་ཚོ་ནོར་བ་རེད་ལ། ཕལ་ཆེར་དེ་འདྲ་ཡོད་རྒྱུ་མ་རེད། གལ་སྲིད་དེ་འདྲ་ཡོད་ན། ཆོས་དང་ཆོས་བྱེད་མཁན་གང་ཟག་ལ་དབྱེ་བ་འབྱེད་དགོས་པ་རེད། ཆོས་བེད་སྤྱོད་ལོག་པར་བཏང་མཁན་གྱི་གང་ཟག་དེ་ལ་སྡང་ཟུག་བྱས་ན་མི་འགྲིག་པ་མེད་པ་རེད།

    Reply
  4. དབྱངས་ཅན་རོལ་བའི་འོ་མཚོ་། says:
    ལོ་ 13 སྔོན།

    སྐྱབས་སུ་མཆི་གོང་ས་མཆོག་ཁོང་ནི་བོད་མི་རིགས་དང་ཡང་དགོས་འགྲོ་བ་སྤྱི་ལ་ཐུགས་འཁུར་བཞེས་ནས་སྐུ་ངལ་སྐྱོན་སྟངས་ལ་རང་བཞིན་གྷྱི་དད་པ་སྐྱེས་པ་མ་ཟད་ཁོང་ནི་དངོས་ཉིད་སྤྱན་རས་གཟིག་ཡིན་ཐག་ཆོད་རེད་

    Reply
  5. བོད། ཤ་ཁྲག་རུས་གསུམ། says:
    ལོ་ 13 སྔོན།

    ༧བླ་མའི་སྐུ་ཚེ་བརྟན་པར་ཤོག མི་རིང་བོད་དུ་ཕེབས་པར་ཤོག བོད་མི་ཆིག་སྒྲིལ་ཡོང་བར་ཤོག བོད་དོན་བོད་མིས་བྱེད་པར་ཤོག

    Reply
  6. ཤེལ་དཀར་བློ་བཟང་། says:
    ལོ་ 13 སྔོན།

    ལམ་གཙོ་རྣམ་གསུམ་གྱི་ཁྲིད་གླིང་རིན་པོ་ཆེ་དང་། ཁྲི་བྱང་རིན་པོ་ཆེ་གཉིས་ཀ་ལ་ཞུས་ཡིན་གསུངས་སོང་། རྩོམ་སྒྲིག་པ་དང་རྒྱ་མཚོ་གཉིས་ཀས་གླང་རིན་པོ་ཆེ་ཞེས་བྲིས་འདུག
    དག་ཡིག་དགེ་རྒན་གྱིས་ཀྱང་གཟིགས་མི་འདུག

    Reply
  7. GYAMTSO says:
    ལོ་ 13 སྔོན།

    ལམ་གཙོ་རྣམ་གསུམ་གྱི་ཁྲིད་ཞུ་ས་གཅིག་གླང་རིན་པོ་ཆེ་ཡིན་གསུང་མ་སོང་། ཁྲི་བྱང་རིན་པོ་ཆེ་ཡིན་གསུངས་སོང་།

    Reply
  8. བསེ་རུ། says:
    ལོ་ 13 སྔོན།

    འདི་ལྟའི་གསར་འགྱུར་ཐད་གཏོང་གནང་བ་བཀའ་དྲིན་ཆེ།
    འོན་ཀྱང་ཡིག་ནོར་ཁ་ཤས་འདུག
    མ་དག་པ། དག་པ།

    བློ་སྦྱོང་དོན་ལྡན་མ། བློ་སྦྱོང་དོན་བདུན་མ།
    ཆབས་གཅིག ཆབས་ཅིག
    རྟགས་གཅིག་རང་དབང་ཅན། རྟག་གཅིག་རང་དབང་ཅན།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist