ཀླུའི་ཟིན་བྲིས་ལས་བཤུས་ཏེ་བཀོད།
བོད་ཀྱི་གནད་དོན་ལ་རྒྱ་ནག་གིས་ཡ་ལན་བདག་སྤྲོད་མ་བྱས་ན་རང་སྲོག་འབེན་ལ་བཙུགས་ནས་ལས་འགུལ་སྤེལ་རྒྱུ་ཡིན་ཟེར།
དེ་རིང་ཕྱི་ཚེས་ ༡༦ ཉིན་སི་ཁྲོན་མཛོ་དགེ་ཁོངས་ཀྱི་ས་གནས་གསུམ་ཙམ་ནས་བོད་མི་ཚོས་རྒྱ་ནག་གཞུང་ལ་ངོ་རྒོལ་གྱི་ལས་འགུལ་སྤེལ་ཡོད་པ་དང་། སྐབས་དེར་བོད་མི་ཚོས་སེམས་ཐག་ཆོད་པོས་བོད་མིའི་མངོན་འདོད་དང་འབོད་སྒྲ་མཚོན་པའི་ཡིག་ཆ་མ་འདྲ་བ་ཁག་དགུ་ཙམ་ཡོད་པ་སྟོང་ཕྲག་ཁ་ཤས་དཔར་བསྐྲུན་བྱས་ནས་ལྕང་ཚ་ཞང་གི་སྒོ་འགྲམ་དང་། བཞག་སྡོམ་གུང་ཧྲེ་སྒོ་འགྲམ། སྟག་ཚང་ལྷ་མོའི་རྒྱལ་སྒོ་བཅས་གཙོས་ས་གནས་གང་སར་གཏོར་བ་དང་། སྦྱར་བ། འགྲེམ་སྤེལ་བྱས་ཡོད་འདུག ཡིག་ཆ་མང་ཆེ་བའི་མཇུག་དུ་སེམས་ཐག་ཆོད་པོས་བོད་ཀྱི་གནད་དོན་ལ་རྒྱ་ནག་གིས་ཡ་ལན་བདག་སྤྲོད་མ་བྱས་ན་རང་སྲོག་འབེན་ལ་བཙུགས་ནས་ལས་འགུལ་སྤེལ་རྒྱུ་ཡིན་པ་ཡང་བྲིས་ཡོད་པ་མ་ཟད་ད་དུང་ལྷ་ཚེ་རིང་དང་། པུར་མིང། ཡོར་མིང་ཟེར་བ་སོགས་བྲིས་འདུག་ཟེར།
ང་ཚོའི་འཚོ་བའི་གནས་བབ་ཀྱི་ཆ་ནས་ཚོང་ཙག་ཙིིག་འདྲ་བརྒྱབས། དེའི་ཁེ་བཟང་གང་བྱུང་བ་དེ་རྣམས་འགྲོ་སོང་དུ་བཏང་ནས་ལས་འགུལ་རེ་སྤེལ་རྒྱུའི་གནས་སྟངས་ཡ་ང་བ་འདི་འདྲ་ཞིག་ལས་མེད། བོད་པའི་འབྱོར་ལྡན་ཚོས་གཞུང་དང་གཞུང་འབྲེལ་མ་ཡིན་པའི་ཚོགས་པ་ཁག་ལ་དཔལ་འབྱོར་གྱི་ཐོག་ནས་རྒྱབ་སྐྱོར་གནང་གལ་ཆེ་བར་མཐོང་།།
ང་ཚོའི་བཙན་བྱོལ་ནང་ཡོད་མཁན་རྡ་ས་ས་གནས་བུ་མེད་ཚོགས་པ་དེ་ཚོས་དེ་རིང་ཁ་སང་གསུངས་ཆོས་ཞུ་མཁན་མི་གྲངས་ཆིག་སྟོང་ལྷག་གི་འདུན་དུ་ཊེ་ཞོ་ཊྲི་དང་ཆུ་སོགས་འཚོང་ནས་བསྡད་ཡོད་ལ།
ལས་འགུལ་འདི་ལྟ་བུ་ཞིག་གི་ངོ་ནས་བོད་དོན་ཐོག་ཕེན་རྒྱུ་ཡོད་དམ།
གཞུང་འབྲེལ་དང་གཞུང་འབྲེལ་མ་ཡིན་པའི་ཚོགས་སྡེ་ཁག་གི་ཉི་མ་འཁྱོལ་ཐབས་བྱས་ནས་བསྡད་ན་ཨེ་འགྲིག་གིན།
ངས་ད་ལོ་བོད་ནང་དུ་ཁ་པར་བཏང་དུས་ངའི་ཨ་མྱེས་ཀྱིས་ད་ལོ་འདི་ཁུལ་དུ་མང་གིས་ཁ་ལ་བལྟས་པ་ཡིན་ཟིང་འཁྲུག་ཞིག་བླངས་ས་རེད་ཟེར་བ་དེ་གློ་བུར་དུ་དྲན་བཅུགས་སོང་། གཞོན་རབས་པ་སུ་ཞིག་གིས་ཁ་ན་ཡང་རྒྱའི་སྲིད་གཞུང་ལ་མི་འདོད་པའི་རྣམ་འགྱུར་ཞིག་ཡོད་པ་དེ་དུས་ནས་བོད་ནང་གི་རྒན་རྒོན་དག་གིས་ཀྱང་བསྐོར་ལམ་སོགས་སུ་ཤུགས་ཆེར་གླེང་གི་ཡོད་ས་རེད། ད་ནི་འཆི་སྲོག་ལ་ཐུག་ཀྱང་ཞུམ་པ་མེད་པར་མདུན་དུ་བསྐྱོད་མཁན་གྱི་བོད་མི་དག་གི་བདེན་དོན་ཆེད་དུ་ཕྱི་ལོག་ལ་སྐྲག་རྒྱུ་མེད་པ་འདི་ནི་དངོས་ནས་ཡིད་སྐྱོ་བ་ཞིག་མ་རེད་དམ། ལྷག་པར་དུ་གཞོན་ནུ་ཚོགས་པ་དང་བུད་མེད་ཚོགས་པ། དགུ་བཅུ་གསུམ་བཅས་ཀྱིས་ཚོགས་དངུལ་ཁོ་ནར་བསྡུ་རྒྱུར་དམིགས་པ་ལས། ཚོགས་མི་དག་གིས་འདི་དག་ལ་དངོས་ཤུགས་བརྒྱུད་གསུམ་ནས་རོགས་རམ་གང་བྱེད་དགོས་པ་དག་ལག་ལེན་ཞིག་བསྟར་རན་རེད།
དཀོན་མཆོག་མཁྱེན། ད་ཡང་བོད་ནང་གི་བོད་མི་ཚོས་ལོ་སྔོན་མ་བཞིན་དུ་རང་སྲོག་བློས་བཏང་གིས་ངོ་རྒོད་ལས་འགུལ་གཞི་རྒྱ་ཆེན་པོ་ཞིག་བྱེད་ས་རེད། བོད་ནང་གི་རྒྱལ་གཙེས་བོད་མི་ཚོས་ཤ་ཡི་རི་བོ་དང་ཁྲག་གི་རྒྱ་མཚོ་དཀྱིལ་ཡང་ང་ཚོས་འདི་ནས་སྐྱོ་རོགས་ཙམ་ཡང་བྱེད་ཀྱིན་མེད། ད་དངོས་གནས་ཅི་དགོས་པ་ཡང་ཡིད་ལ་མི་དྲན་གི
ཤ་ཡི་རི་བོ་བརྩིགས་ཞིང་ཁྲག་གི་རྒྱ་མཚོ་བསྐྱིལ་ཀྱང་བདེན་དོན་གྱི་ཆེད་དུ་འཆི་དགོས་མཆོངས་དགོས་འཐབ་དགོས། གདོང་དམར་དཔའ་བོའི་མི་རྒྱུད་ཟེར་ན་དེ་འདྲ་ཞིག་ཡིན་དགོས་པ་ལས་དཀོན་མཆོག་མཁྱེན་ང་མ་གསོད་རོགས་ང་ཚེ་ཐར་གཏོང་རོགས་ཟེར་མཁན་ཞིག་ཡིན་མི་རུང་ལ་ཡིན་ཡང་མིན།
༼ལས་འགུལ་འདིའི་ཁྲོད་ཀྱི་མི་རྣམས་ལ་བར་ཆད་མེད་པར་སྨོན།༽
ད་དེ་རེད། འུ་ཅག་གིས་ཤེས་པ་དེ་དེ་རེད། འུག་ཅག་གིས་ནུས་པ་དེ་དེ་རེད། ལས་འགུལ་སྤེལ་དུས་བར་ཆད་མེད་པ་ཞིག་བྱུང་མྱོང་ངམ། བར་ཆད་མེད་པའི་ལས་འགུལ་ཞིག་ལ་ནུས་ཅི་ཙམ་ཡོད་དམ། འུ་ཅག་བོད་མི་ཚོར་ཡོད་པ་ནི་ཡིད་སྨོན་བྱེད་རྒྱུ་དེ་རེད། ད་དུང་འགྲུབ་རྒྱུ་མེད་པའི་ཡིད་སྨོན་བྱེད་རྒྱུར་དགའ་བ་དེ་རེད། དེ་འདྲའི་ཡིད་སྨོན་གྱིས་སུ་ལ་ཕན་ཐོག་གི་རེད། ཡིད་སྨོན་དེའི་རྒྱབ་ན་འཇིགས་ཞུམ་དང་སྡར་མ་ཞེས་པ་དེ་བསྐུང་ཡོད་པ་རེད། རྒྱབ་སྐྱོར་མེད་པ་དང་སྐུལ་སློང་མེད་པ་དེ་བསྐུང་ཡོད་པ་རེད། སྐྱབས་འཚོལ་དང་རོགས་འཚོལ་གྱི་སེམས་དེ་བསྐུང་ཡོད་པ་རེད། མཉམ་ཞུགས་མི་བྱེད་མཁན་དང་ལྟད་མོ་ལྟ་མཁན་གྱི་བཟོ་ལྟ་དེ་བསྐུང་ཡོད་པ་རེད།
ཁྱོད་ཚོའི་རྗེས་ལ་ང་ཚོ་ཡང་འཆི་རུ་ཡོང་གི་ཡོད། སེམས་རྣལ་ལ་ཕབས་ཏེ་ང་རྒྱལ་དང་སྤོབས་པ་སྐྱེད་ལ་མདུན་དུ་མཆོངས་ཤིག་ཅེས་ཟེར་དགོས་པ་རེད། ང་ཚོས་མི་རབས་ནས་མི་རབས་ལ་འཐབ་རྩོད་བྱེད་དགོས། ཇི་སྲིད་རྒྱལ་ཁ་མ་ཐོབ་བར་དུ། ཞེས་ཟེར་དགོས་པ་རེད་ལ་དེ་ལྟར་ཡིན་ཡང་དགོས་པ་རེད།
གངས་རིའི་དཔའ་རྒོད་ཚོའི་སྙིང་སྟོབས་ལ་ཞུམ་པ་མེད།
ལས་འགུལ་དེ་དག་ལ་ཞུགས་མཁན་རྣམས་བྱ་བ་ལམ་ལྷོང་ཡོང་བ་དང་ཉེར་འཚེ་མེད་པར་དཀོན་མཆོག་གསུམ་ལ་སྨོན་ལམ་འདེབས། འོན་ཀྱང་བློ་ཕམ་དགོས་པ་ཞིག་ལ་བཙན་བྱོལ་བོད་གཞུང་གི་མི་དམང་གི་སྤྱི་འཐུས་རྣམས་ནི་ཕྱོགས་ལྷུང་འཐེན་འཁྱེར་གྱི་གདོན་གྱིས་མྱོས་སོང་། དངོས་གནས་བློ་ཕམ་པོ་བྱུང་།
སྙིང་སྟོབས་ཅན་གྱི་བོད་མི་དེ་དག་གི་ལས་འགུལ་ལ་བསྟོད་བསྔགས་དང་རྗེས་སུ་ཡི་རང་བྱེད་ཀྱིན། དུས་བབ་རྩོམ་སྒྲིག་པ་མཆོག་གིས་མཛོད་དགེ་རུ་བྱུང་བའི་གནས་ཚུལ་དེ་དག་ཡོངས་ཁྱབ་ཏུ་གསལ་བསྒྲགས་བྱས་པར་ཐུགས་རྗེ་ཆེ།
དུས་དེ་རིང་ནས་བོད་མི་དེ་དག་རྒྱ་གཞུང་གི་གཡོ་སྒྱུའི་འོག་རི་བོང་ཁྱེར་བ་ལྟར་གོ་ཐོས་མྱོང་ཚོར་མེད་པར་འཛིན་བཟུང་གི་ཉེན་ཁ་ཤིན་ཏུ་ཆེ་བས་དུས་བབ་རྩོམ་སྒྲིག་པ་མཆོག་གིས་བོད་མི་དེ་དག་གི་འབྱུང་འགྱུར་གནས་ཚུལ་ཅི་བྱུང་དངོས་བརྒྱུད་ཅི་རིགས་ནས་ཞིབ་དཔྱོད་གནང་པར་རེ་སྐུལ་ཞུ།
ཡང་ཁ་བྱང་དུ། ལྷ་ཆབ་ལགས་ཀྱིས་གསུངས་པ་ལྟར།
མཛོད་དགེ་ལ་མཛོ་དགེ་བྲིས་ནོར་བྱུང་འདུག
གང་མགྱོགས་བཅོས་རོགས།
མནར་གཅོད་གདུག་རྩུབ་དམར་གསོད་སྲོག་ཐོག་སོགས།།
གངས་ཅན་བོད་མིར་ཇི་ཙམ་བཏང་གྱུར་ཀྱང་།།
ཇི་སྲིད་བོད་ཀྱི་བདེན་མཐའ་མ་གསལ་བར།།
བོད་མིའི་སེམས་ཀྱི་རྨ་ཁ་ཇི་ལྟར་གསོ།།
བོད་ནང་གི་བོད་མི་ཚོ་ངོ་ནས་རྒྱལ་ཁབ་དང་བླ་མའི་ཆེད་དུ་སྙིང་སྟོབས་དང་ལྷག་བསམ་གནམ་དག་ཡིན་པ་ང་ཚོའི་བཀའ་དྲིན་ཅི་ལྟར་ཞུ།
བར་ཆད་མེད་པར་ཤོག་ཞེས་སྨོན་ལམ་གཅིག་པོ་ངང་བསྡད་དགོས་ཡིན་ནམ།
སྙིང་སྟོབས་ལ་རྗེས་སུ་ཡི་རིང་བྱེད། ལས་འགུལ་འདིའི་ཁྲོད་ཀྱི་མི་རྣམས་ལ་བར་ཆད་མེད་པར་སྨོན། ང་ཚོ་ཚང་མ་མཉམ་དུ་ལང་དགོས། གོ་སྐབས་མ་ཤོར་བ་ཞིག་བྱེད་དགོས། ཚང་མས་བསམ་གཞིག་བྱེད་དགོས། གངས་ཅན་པ་ཚོ།
ཀླུ་འབུམ་བཀྲ་ཤིས་ལགས།
གསར་འགྱུར་འདིའི་ཡོངས་ཁུང་ཁ་གསལ་ཞིག་བཀོད་རོགས།
ལས་འགུལ་འདིའི་ནང་འཇུ༹ལ་མཁན་དག་ལ་བར་ཆད་མེད་པར་སྨོན།
རྩོམ་སྒྲིག་པ་ལགས།མཛོད་དགེ་ལ་རྗེས་འཇུག་ད་ཆད་འདུག
ལས་འགུལ་འདིའི་ཁྲོད་ཀྱི་མི་རྣམས་ལ་བར་ཆད་མེད་པར་སྨོན།