བོད་རིགས་གཞོན་སྐྱེས་ཚོས་རྒྱ་ནག་གཞུང་ལ་རྣམ་འགྱུར་ཡག་པོ་མ་བསྟན་པར་བརྟེན་འཛིན་བཟུང་བྱས་ཡོད་འདུག ཡིན་ཡང་། ཁོང་ཚོ་འཛིན་དགོས་པའི་ཉེས་མིང་གསལ་བཤད་བྱས་མི་འདུག
ད་ལོ་སྡེ་དགེ་འཇོ་མདའ་རྫོང་ཁོངས་ཀྱི་ཤང་ཁག་མང་པོ་ཞིག་གི་བོད་མི་རྣམས་ཀྱིས་ས་ཞིང་བཏབ་མེད་པ་དང་དེ་དག་ལ་རྒྱ་གཞུང་གི་དམག་མི་དང༌། ཉེན་རྟོག་པ། ལས་བྱེད་བཅས་ནས་ཐུབ་ཚོད་དང་སྡིགས་ར་བསྐུལ་བ་སོགས་འདས་ཟིན་པའི་གནས་ཚུལ་རྣམས་ སྐབས་བསྟུན་སོ་སོར་གསར་འགྱུར་བརྒྱུད་ལམ་ཁག་ནས་ཡོངས་ཁྱབ་ཏུ་བསྒྲགས་ཟིན་ཡོད་ པ་ལྟར་དང༌། ད་ལན་ཕྱི་ཟླ་ ༡༠ ཚེས་ ༡༨ ཉིན་འདི་བོད་མི་མང་སྤྱི་འཐུས་རྒྱུན་ལས་ཀྱི་ཆབ་སྲིད་སྡེ་ཚན་ལ་འབྲེལ་ཡོད་ནས་གནས་ཚུལ་མཁོ་སྤྲོད་གནང་བ་ལྟར་ན། ཉིན་ཤས་སྔོན་ཐོག་མར་འཇོ་མདའ་རྫོང་ཁ་སྒང་ཤང་ལུང་དམར་རུ་བར་དམིགས་བསལ་དམག་མི་དང་རྒྱ་ཡི་ལས་བྱེད་པ་ཁག་ཅིག་ཡོང་ནས་ཞིང་ཁ་རྨོ་དགོས་སྐོར་དང༌། ད་ལོ་ཞིང་ཁ་མ་བཏབ་པའི་རྒྱུ་མཚན་ཅི་ཡིན་གྱི་གནད་དོན་དང་རྐྱེན་རྩ་སུ་ལ་ཐུག་ མིན་བཅས་གསལ་བཤད་དགོས་སྐོར་སོགས་བཤད་སྐབས་བོད་མི་རྣམས་ཀྱིས་མ་ཉན་པ་དང༌། ཁ་ལན་སློག་པ་སོགས་མི་འདོད་པའི་རྣམ་འགྱུར་ཤུགས་ཆེར་བཏོན་པར་བརྟེན་ད་བར་ཁ་སྒང་ ཤང་ལྷོ་སྟོད་མ་ཁོངས་ནས་བོད་མི་གཞོན་སྐྱེས་བརྒྱད་རིམ་བཞིན་འཛིན་བཟུང་གིས་ བཀག་ཉར་བྱས་ཡོད་འདུག་པ་དང༌། ཁོང་རྣམས་ལ་ཞིབ་ཕྲའི་ཉེས་མིང་གང་འདྲ་བཀལ་ཡོད་མེད་དང་བོད་མི་དེ་དག་གི་མིང་ བཅས་གནས་ཚུལ་མཁོ་སྤྲོད་པས་ཤེས་རྟོགས་བྱུང་མི་འདུག གཞན་ཡང་འཇོ་མདའ་རྫོང་ཁོངས་ཀྱི་ས་གནས་ཁག་མང་པོར་དེ་ལྟ་བུའི་འདྲི་རྩད་བྱེད་ འགོ་བརྩམས་ཡོད་འདུག སྤྱིར་བཏང་ད་སྐབས་ས་ཞིང་འདེབས་ལས་བྱེད་པའི་དུས་ཚོད་མིན་ཀྱང་ད་ལོ་ས་ཞིང་མ་ བཏབ་ནས་བཞག་ཡོད་པ་རྣམས་འཕྲུ་སློག་མ་བརྒྱབ་ཚེ་ལོ་གཞུག་མ་ཡང་ཕན་ཐོགས་མེད་པ་ ཆགས་ཀྱི་ཡོད་པ་ཞིག་རེད་འདུག ད་དུང་འཇོ་མདའ་རུ་བོད་མི་རྣམས་ཀྱིས་བཤས་ཚོང་བྱས་མེད་པར་བརྟེན་རྒྱ་ཡི་ལས་ བྱེད་རྣམས་ཤ་ཉོ་བར་ཆབ་མདོ་ལ་འགྲོ་དགོས་ཆགས་བཞིན་ཡོད་འདུག་པ་དང༌། རྒྱ་མི་ཁག་ཅིག་གིས་རྟ་ཉོས་ནས་ཁྲིད་འགྲོ་བཞིན་ཡོད་པས། བོད་མི་རྣམས་ཀྱིས་ ཁོ་ཚོས་རྟ་ཤ་ཟ་ཡི་མེད་འགྲོ་བསམ་པའི་དོགས་གཞི་དང་བཅས་གལ་སྲིད་ཁོ་ཚོས་རྟ་བཤས་ པ་སོགས་བྱས་ཚེ་བོད་ཀྱི་སྲོལ་རྒྱུན་དང་འགལ་ཞིང་བོད་མི་རྣམས་ལ་བརྙས་བཅོས་ཚད་ མེད་བྱས་པ་ཡིན་ཚུལ་གྱི་གླེང་སློང་ཡང་འབྱུང་བཞིན་ཡོད་འདུག
གཞིས་ལུས་མང་ཚོགས་ཀྱིས་འདི་ལྟར་ད་རུང་ངོ་རྒོལ་མཚམས་འཇོག་གནང་མེད་ལ།
དེར་བརྟེན་ཁོང་ཚོའི་སྡུག་བསྔལ་ཡང་མཚམས་ཆད་མེད།
ཡིན་ནའང་ཁོང་ཚོའི་སྔུན་ནས་རྒྱ་གཞུང་གི་སྡིག་ར་བྱེད་ཀྱིན་ཡོད་ལ།
རྒྱབ་ནས་མནར་གཅོད་གཏོང་བཞྀན་ཡོད་པ་རེད།
ནམ་ཡང་གདུང་སེམས་མཉམ་བསྐྱེད་ཡོད།
རེད་དེ་གུང་ཁྲན་ཚང་གིས་ལོ་༦༠ མཛད་སྒོ་བྱེད་པ་དང་རྡ་ས་ལ་ལེགས་སྐྱེས་ཀྱི་དོད་ལྟ་བུ་དགོང་མོ་རྟག་པ་གཞས་ཞབས་བྲོ་འཁྲབ་ཀྱིན་པའི་མཐོང་སྣང་བྱུང་།
གཞིས་ལུས་བོད་མི་རྣམས་ཀྱིས་དངོས་གནས་སྡུག་པོ་མྱང་སོང་སྙིང་རྗེ། འདི་གར་སྤྱི་འཐུས་རྣམས་ཀྱིས་དེ་དག་ལ་འགན་འཁུར་ཅི་ཡང་མི་བྱེད་པར་སྒེར་དོན་ཀྱང་རྩད་ནས་དུས་ཚོད་རྫོགས་བཅུག་གི་འདུག
ད་འདི་ལྟར་མུ་མཐུད་ནས་བཟུང་གི་བསྡད་ན། ལོ་རྗེས་མའི་སུམ་ཅུའི་དུས་དྲན་དེ་གང་འདྲ་ཡོང་མིན་མི་ཤེས། ཡང་མི་གསོད་ཁྲག་སྦྱོར་གྱི་སྐྱོ་གར་ཆེན་པོ་ཞིག་གཞིས་ལུས་བོད་མིའི་མགོ་ཐོག་ཏུ་ཡོང་རྒྱུ་རེད་འདོད་ཀི
ཝེ་བརྒྱ་དཔོན་བཀྲ་ཤིས་མ་རིག་གམ། གསལ་བསྒྲགས་བྱོས་དང་མར་མེ་ཁྲོམ་སྐོར་ལ་འགྲོ་དགོས་ཞེས་ཤོད་དང་།