མི་འགྱངས་པར་༧གོང་ས་མཆོག་མོན་རྟ་དབང་ལ་ཕེབས་འཆར་ཐད། རྒྱ་གཞུང་གིས་ངོ་རྒོལ་བྱེད་ཀྱིན་ཡོད་མེད་ལ་མ་བལྟས་པར། བཙན་བྱོལ་བོད་གཞུང་གིས་སྔ་ས་ནས་གྲ་སྒྲིག་བྱས་ཡོད་པ་མ་ཟད། རྒྱ་གར་གཞུང་ངོས་ནས་ཀྱང་རྒྱབ་སྐྱོར་རྒྱུན་འཁྱོངས་བྱེད་ཀྱིན་ཡོད།
འབྱུང་འགྱུར་ཕྱི་ཟླ་ ༡༡ པའི་ཚེས་ ༨ ནས་ ༡༥ བར་བདུན་ཕྲག་གཅིག་རིང་༧གོང་ས་མཆོག་རྒྱ་གར་ཨ་རུ་ནཱ་ཅལ་མངའ་སྡེའི་མོན་རྟ་དབང་ལ་ཆིབས་སྒྱུར་གནང་འཆར་ཡོད་པ་དེའི་ཐད། བཙན་བྱོལ་བོད་གཞུང་གི་བཀའ་བློན་ཁྲི་པ་ཟམ་གདོང་རིན་པོ་ཆེ་མཆོག་གིས་གཟའ་ལྷག་པའི་ཉིན་རྒྱ་གར་ཧིན་རྡུའི་དུས་བབ་ HindustanTime གསར་ཤོག་གི་དྲི་བའི་ལན་དུ། ༧གོང་ས་མཆོག་གི་ཐེངས་འདིའི་ཨ་རུ་ན་ཅལ་གྱི་གཟིགས་སྐོར་དེར་འགྱུར་བ་གང་ཡང་མེད་སྐོར་དང་། ཡུལ་དེའི་མི་མང་ཚོའི་ངོས་ནས་ཀྱང་༧གོང་ས་མཆོག་ལ་རེ་སྒུག་ཆེན་པོ་བྱེད་ཀྱིན་ཡོད་ཚུལ་གསུངས་འདུག གཟའ་མིག་དམར་ཉིན་རྒྱ་ནག་ཕྱི་སྲིད་ལྷན་ཁང་གི་མགྲིན་ཚབ་པས་གསར་འགོད་ལྷན་ཚོགས་ཤིག་གི་ཐོག ཐེངས་འདིར་ཏཱ་ལའི་བླ་མ་ཨ་རུ་ན་ཅལ་དུ་འཚམས་གཟིགས་ལ་ཕེབས་འཆར་ཡོད་པ་དེར་རྒྱ་ནག་གཞུང་ཕྱོགས་ནས་ཐ་གཅིག་ཏུ་ངོ་རྒོལ་བྱེད་ཀྱིན་ཡོད། འདི་ནི་ཏཱ་ལའི་རུ་ཚོགས་ཀྱིས་མེས་རྒྱལ་ཁ་བྲལ་གྱི་བྱ་སྤྱོད་སྤེལ་བ་ཞིག་རེད་ཅེས་བརྗོད་འདུག
འོན་ཀྱང་། བཀའ་ཁྲི་ཟམ་གདོང་རིན་པོ་ཆེ་མཆོག་གིས་གོང་གི་རྒྱ་ནག་གི་སྐྱོན་བརྗོད་དེར་ལན་འདེབས་གནང་དོན། རྒྱ་ནག་གཞུང་གིས་༧གོང་ས་མཆོག་གིས་ཁ་བྲལ་གྱི་ལས་འགུལ་སྤེལ་གྱིན་ཡོད་མེད་ཐད་ངེས་ཤེས་གསལ་བོ་དགོས། བོད་མི་དམངས་ཀྱིས་རྩོད་ལེན་བྱེད་བཞིན་པ་ནི་རང་བཙན་མིན། ང་ཚོེར་དགོས་པ་ནི་ཀྲུང་ཧྭ་མི་མང་སྤྱི་མཐུན་རྒྱལ་ཁབ་ཀྱི་རྩ་ཁྲིམས་ཀྱི་སྒྲོམ་གཞིའི་འོག་ནས་མིང་དོན་མཚུངས་པའི་རང་སྲིད་རང་སྐྱོང་གི་ངོ་བོ་ཞིག་རག་རྒྱུ་དེ་རེད་ཅེས་གསུངས་འདུག གནད་དོན་འདིའི་ཐད་རྒྱ་གར་ཕྱི་སྲིད་ལྷན་ཁང་ནས་ཀྱང་། ༧གོང་ས་ཏཱ་ལའི་བླ་མ་མཆོག་གིས་དུས་རྒྱུན་ཆོས་ཕྱོགས་ཀྱི་མཛད་འཕྲིན་སྐྱོང་གིན་ཡོད་སྟབས། ཨ་རུ་ན་ཅལ་གཙོས་པའི་རྒྱ་གར་གྱི་ས་ཁུལ་གང་ཞིག་ཏུ་ཕེབས་ཀྱང་། རང་དབང་གིས་ཕེབས་སྐྱོད་བྱ་ཆོག་པ་རེད། ཅེས་བརྗོད་འདུག
ཨ་ཧཱ། ༧གོང་ས་མཆོག་ལ་དེ་འདྲའི་འོ་རྒྱལ་ལ། འདས་མ་འོངས་ད་ལྟ་གསུམ་ཀར་གཟིགས་དགོས་ཙང་། འོ་རྒྱལ་རེད། དཀོན་མཆོག་མཁྱེན།
ཆོས་ཀྱི་རྒྱལ་མཚན་ལེགས་པར་འཛུགས།
ངས་བལྟ་ན་༧གོང་ས་མཆཽག་མོན་རྟ་དབང་དུ་ད་ཐེན་མ་ཕེབས་ན་བསམ་གྱི་
འདུག་ གང་ཡིན་ཞེ་ན རྒྱ་དཀར་ནག་གཉིས་ས་མཚམས་ལ་རྩོད་རྙོགས་བྱེད་གྱིན་ཡོད་པས་རྒྱ་གར་གྱིས་ཆབ་སྲིད་ཀྱི་ལག་ཆ་བཟོ་ངེས་རེད་ལ་རྒྱ་ནག་གིས་མིང་ངན་ཞིག་བཏགས་ཏེ་གསལ་བསྒྲགས་ཞིག་ཀྱང་བཟོ་ངེས་རེད་ལྟོས་ཨ།།
གཅན་བཟོད་རྒྱམ་ལགས་ཀྱིས་ལེགས་བཤད་ཅིག་གསུང་སོང་། མོས་མཐུན་ཡོད།
འཇིག་རྟེན་དབང་ཕྱུག་འཕགས་མཆོག་པད་དཀར་འཆང་།།
བྱམས་བརྩེ་ལྷག་བསམ་རབ་དཀར་བདུད་རྩིའི་རྒྱུན།།
མོན་ཡུལ་རྟ་དབང་འཁོར་འབངས་ས་གཞི་ཆེར།།
ཞི་བདེའི་ལྗང་མྱུག་འབུས་པར་ཅིས་མི་འབེབ།།
རྒྱ་ནག་དཔོན་ངན་དེ་ཚོས་ག་དུས་ཡིན་ཀྱང་སྡུག་སྐད་རེད།་་་་དཔོན་ངན་དེ་རིགས་ཀྱི་བྱེད་བབ་ལ་བལྟས་ན་རྒྱ་ནག་མི་མང་ཉིན་གཅིག་སྐྱག་པ་བཟའ་རུ་བཅུག་རྒྱུ་རང་རེད།
༸གོང་ས་མཆོག་སྐུ་ཚེ་ཁྲི་ལོར་བརྟན་ཅིང་ཐུགས་བཞེས་ལྷུན་གྲུབ་ཡོང་བའི་སྨོན་ལམ་ཡང་ཡང་བྱེད།
༸གོང་ས་མཆོག་གི་མཛད་འཕྲིན་ལེགས་འགྲུབ་ཡོང་བའི་སྨོན་འདུན།
ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་ཀྱི་སྒྲོམ་གཞིའི་འོག་ནས་མིང་དོན་མཚུངས་པའི་རང་སྲིད་རང་སྐྱོང་གི་”ངོ་བོ་”ཞིག་རག་རྒྱུ་དེ་ཡིན་ཟེར། ཡང་རྒྱ་ནག་ནང་འགྱུར་བ་ཞིག་མ་སོང་ན་ང་ཚོར་བྱེད་རྒྱུ་ཅང་ཡོད་པ་མ་རེད་ཟེར། ཡང་རྒྱ་ནག་ནང་ལ་འགྱུར་ཞིག་འགྲོ་རྒྱུར་སྒུག་རྒྱུ་ལས་གཞན་བྱེད་ཐབས་ཅང་ཡོད་པ་མ་རེད། ད་ངའི་མི་ཚེས་ཀྱིས་ཀྱང་ལྕོགས་ས་མ་རེད། སང་ཉིན་ད་ཚེ་ཕྱི་མར་འགྲོ་གི་ཡིན། བསྡད་ཀི་བསྡད་ཀི་མཐོང་རྒྱུ་ཐོས་རྒྱུ་ཇེ་མང་ཇེ་མང་རེད།