རྒྱ་ནག་གི་གསར་ལམ་ཁག་ཅིག་ཏུ་གནས་ཚུལ་ཐོན་གསལ་ལྟར་ན། ཁ་སང་ཕྱི་ཚེས་ ༢༥ ཉིན་གྱི་ཕྱི་དྲོ་བོད་ནང་གི་ཆུ་ཚོད་ ༥ དང་སྐར་མ་ ༤༠ སྟེང་། ལྷ་ས་མངའ་རིས་ས་ཁུལ་རུ་ཐོག་རྫོང་དུ་ཚད་རིམ་བཞི་ཚེག་བདུན་ ༤ ། ༧ ཅན་གྱི་ས་འགུལ་ཞིག་བརྒྱབས་ཡོད་འདུག་ལ། ས་འགུལ་དེའི་ཤར་གྱི་གཞུང་ཐིག་ལ་ ༨༠ ། ༥ ཡོད་པ་དང་། འཕྲེད་ཐིག་གི་བྱང་ལ་ ༣༤ ། ༩ ཙམ་ཡོད་འདུག ད་སྔ་ས་འགུལ་དེའི་ཁྲོད་མི་ཤི་རྨས་དང་རྒྱུ་ནོར་གྱི་གོད་ཆགས་སོགས་ཀྱི་གནས་ཚུལ་གཅིག་ཀྱང་ཐོན་མི་འདུག་ལ། མངའ་རིས་རུ་ཐོག་རྫོང་གི་ས་གནས་གང་ཡིན་ཡང་གསལ་ཁ་མི་འདུག
དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།
གང་ལྟར་རྒྱ་ཆེའི་དུས་བབ་ཀློག་པ་པོ་རྣམས་ཀྱིས་སྔ་ཕྱིར་དུས་བབ་དྲ་བདག་ལ་ཡིད་འཇགས་དགོས་པའི་གལ་ཆེའི་ལམ་སྟོན་གང་མང་གནང་ཡོད་ན་ཡང་དུས་བབ་སྟངས་འཛིན་པ་དག་གིས་ད་དུང་དེ་ཙམ་དོ་སྣང་མེད་པར་གང་བྱུང་བྲིས་ནོར་རྒྱུན་འཁྱོངས་གནང་ན་ངོ་མ་ཐབས་སྡུག་རང་རེད།་་་་་་་་་་་་་་གོང་དུ་བྲིས་པ་དེ་ཡང་ཇི་ལྟར་བསམ་བཞིན་ཇི་ལྟར་བྱས་ཏེ་བྲིས་པ་ཡང་ཚོད་དཔག་དཀའ།་་་་་་་་་་་་་་་་་་་་ད་དུས་བབ་དངོས་གནས་ནོར་འཁྲུལ་མི་ཡོང་རྒྱུར་གཟབ་པའི་དུས་ལ་བབ་འདུག
སྤྱིར་བཏང་གོང་དུ་བསེ་རུ་དང་། གཅན་བཟོད་རྒྱམ་གཉིས་ཀྱིས་བཀོད་པས་སྤྲོས་བཤད་བྱེད་ཀྱི་མིན། གསར་འགྱུར་དུ་”ལྷ་ས་མངའ་རིས་ས་ཁུལ་རུ་ཐོག་རྫོང་དུ་”ཞེས་པ་ནོར་བ་རེད། འོན་ཀྱང་”མངའ་རིས་ས་ཁུལ་རུ་ཐོག་རྫོང་དུ་”ཞེས་བཀོད་ཆོག མཁྱེན་དགོས་པ་ཞིག་ལ། མངའ་རིས་ལྷ་སའི་ཁོངས་གཏོགས་མིན། ལྷ་ས་ནི་བོད་གངས་ཅན་གྱི་རྒྱལ་ས་ཡིན། དགོངས་པ་བཞེས་རོགས།
ལྷ་ས་མངའ་རུས་ས་ཁུལ་རུ་ཐོག་རྫོང་ཟེར་བ་དཔེར་ན། ཟི་ལིང་ཀན་ལྷོ་ས་ཁུལ་བསང་ཆུ་རྫོང་ཟེར་བ་འདྲ་ཞིག་རེད། ལྷ་ས་ནི་ལྷ་ས་རང་རེད། བསེ་རུ་ལགས་ཀྱིས་བཤད་པ་བདེན་དོན་རེད། འདི་ཚོ་དངོས་གནས་གལ་ཆེན་དུ་མཐོང་།
དེང་སང་བོད་ལ་ཆགས་སྒོ་ཆེན་པོ་ཞིག་ཡོད་ངེས། གཞོན་སྐྱེས་རྣམས་ནི་རྒྱ་ནག་གིས་དམར་བསད་བཏང་བ་དང་། མི་སེར་རྣམས་ནི་འབྱུང་བས་འཇིགས་ཀྱི་འདུག ད་ཡིན་ན་བོད་པའི་བླ་གྲྭ་རྣམས་ཀྱིས་སྐྱབས་འཇུག་གནང་རན་འདུག
སྟོད་མངའ་རིས་གསུང་ན་མ་འགྲིག་པ་མེད་དམ་སྙམ།
གསར་འགྱུར་བརྒྱུད་ལམ་ཁག་གི་ནང་གསར་འགོད་པས་དབུས་གཙང་ཡོངས་རྫོགས་ལ་ལྷ་ས་ཞེས་པའི་ཐ་སྙད་འདིའི་ཁྱབ་ཁོངས་སུ་འདུ་བའི་མིང་ཞིག་བེད་སྤྱོད་གནང་གིན་ཡོད་པ་ཚོར་བྱུང་བས། དེའི་ཐོག་ཐུགས་སྣང་དང་དགོས་གལ་ཆེ།
དཔེར་ན། ལྷ་ས་མངའ་རིས་ས་ཁུལ། ལྷ་ས་ཀོང་པོ། ལྷ་ས་ལྷོ་ཁ་ལྟ་བུའི་རིགས་སྦྱར་ན་འགྲིག་གི་ཨེ་ཡོད་སྙམ། སྤྱིར་བོད་གྱི་མིང་འཕེལ་ཚུལ་ལས་བྱེ་བྲག་གི་མིང་སྤྱི་ལ་ཐོགས་པ་དེ་འདྲ་ཡོད་ཀྱང་། གསར་འགྱུར་འདིའི་ནང་གི་མིང་འགོད་སྟངས་ལྟ་བུ་ལྷ་ས་མངའ་རིས་ས་ཁུལ་ཞེས་ལབ་ན་འགྲིག་གི་ཡོད་དམ།
དྲ་གྲོགས་ཚོ་དང་། ཀློག་པ་པོ་ཚོས་ཀྱང་དགོངས་པ་བཞེས་དགོས་པ་ཞིག་རེད།།
མདོར་ན། དབུས་གཙང་མངའ་རིས་དང་བཅས་པར་ལྷ་ས་ཞེས་སྦྱར་ན་རུང་ངམ།།