ཟླ་འདིའི་ཕྱི་ཚེས་ ༢༤ ཉིན་ནུབ་བྱང་མི་རིགས་སློབ་གྲྭ་ཆེན་མོའི་བོད་སྐད་ཡིག་སྡེ་ཁག་གི་དགེ་རྒན་ཆེན་མོ་དཔའ་རྩེ་ལགས་ཀྱི་གོ་སྒྲིག་འོག བོད་ཀྱི་སྙན་ངག་པ་ཡི་དམ་ཚེ་རིང་མཆོག་སྐུ་གཤེགས་ཏེ། བགྲང་བྱ་ཧྲིལ་བོ་ ༥ འཁོར་བར་རྗེས་དྲན་གྱི་ཚོགས་འདུ་ཞིག་ཚོགས་ཡོད་པ་དང་། ཚོགས་འདུ་དེའི་སྟེང་ནུབ་བྱང་མི་རིགས་སློབ་ཆེན་བོད་སྐད་ཡིག་རིག་གནས་སློབ་གླིང་གི་དགེ་རྒན་དཔའ་མོ་དང་། འབུམ་རིམ་པ་ཨ་རྡོར། ངལ་རྫི། ཆེད་དུ་གདན་ཞུས་སྐུ་མགྲོན་ཀན་སུའུ་མི་རིགས་དཔེ་སྐྲུན་ཁང་གི་དེང་རབས་དཔྱད་བརྗོད་པ་སྐུ་ཞབས་མེ་ལྕེ་འམ། གཅོད་པ་ཀླུ་རྒྱལ། ན་གཞོན་གསར་བའི་རྩོམ་སྒྲིག་པ་རྣོ་སྦྲེང་། དེ་མིན་ཞིབ་འཇུག་དང་དངོས་གཞི། ཆེད་སྦྱོང་བཅས་ཀྱི་སློབ་མ་སོགས་སྡོམ་པའི་ཚོགས་ཞུགས་མི་སྣ་ ༡༣༠ ཙམ་བྱུང་ཡོད་འདུག
དུས་རབས་ཉི་ཤུའི་བོད་རིགས་སྙན་ངག་པ་ཡི་དམ་ཚེ་རིང་མཆོག་གི་རྗེས་དྲན་ཚོགས་འདུ་དེའི་སྟེང་། ཐེའུ་རང་དང་ཞོགས་ལྗང། མྱང་ཚ་དཔལ་མོ་སྐྱིད་བཅས་ཀྱིས་གཏམ་བཤད་གནང་ཡོད་འདུག་ལ། དེ་དང་མཉམ་དུ་སྐུ་གཤེགས་དམ་པ་གང་ཉིད་ཀྱི་མི་གཞི་དང་རིགས་ཞེན་གྱི་འདུ་ཤེས་ལས་འཕྲོས་ཏེ། ད་ལྟའི་བོད་ཀྱི་རྩོམ་རིག་གར་སྟེགས་སྟེང་གི་སྣང་བརྙན་དང་། སྙན་ངག་གི་ཕན་ཡོན་སོགས་དཔྱད་གླེང་གནང་ཞིང་། རིམ་གྱིས་རིག་གནས་སྤྱི་ལས་བྱེ་བྲག་ཏུ་བབ་ཅིང་། རིག་གནས་དང་མི་ཡན་གར་བ་ལ་དགག་སྒྲུབ་ཀྱི་ཕྱོགས་སུ་གྱར་ཏེ། ལྟ་ཚུལ་མཐུན་མིན་གྱི་བགྲོ་གླེང་གཟབ་རྒྱས་ཤིག་བྱས་ཡོད་འདུག
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
མི་ཟས་ཡུན་རིང་ཟས་པའི་རིན་པ་ལ། སྙན་ངག་མི་ཡུལ་བཞག་པའི་རྩོམ་པ་པོ། དེང་སང་རྗེས་དྲན་ཙམ་ཞིག་ཞུ་པ་ལས། སྙན་ངག་བྲི་དོན་གོ་པ་ཤིན་ཏུ་དཀོན།
ཡོན་ཏན་ཅན་གྱི་མི་དེ། ཁ་བ་ཅན་གྱི་ལྷ་རེད། ལ་རྒྱ་ཅན་གྱི་མི་དེ། དམར་ཁམས་གླིང་གི་རྒྱུད་རེད།
ལྷག་བསམ་ཅན་གྱི་མི་དེ། གངས་ཅན་ཡུལ་གྱི་ནོར་རེད། སྙིང་སྟོབས་ཅན་གྱི་མི་དེ། བཙན་པོ་གདོང་གི་རྒྱུད་རེད།
དམར་སྙིང་གི་དཀྱུལ་ནས་རྗེས་དྲན་ཞུ།
བོད་གཞུང་ལ་གཞུང་ཞབས་པ་སུམ་ཅུ་ཙམ་གྱི་ས་མིག་ཡོད་པའི་གསལ་བསྒྲགས་ཐོན་འདུག
ཞིབ་ཕྲ་བོད་གཞུང་དྲ་རྒྱར་གཟིགས་རོགས་གནང་།
http://www.tibet.net
རྗེས་དྲན་ཞུ
རྣམ་དཔྱོད་གསེར་གྱི་ཉི་ཟེར་ལ་རྗེས་དྲན་ཞུ
རིགས་ཞེན་འོ་མའི་མཚོ་མོར་རྗེས་དྲན་ཞུ
སྙིང་གཏམ་སྤྲང་ཆར་བསིལ་མར་རྗེས་དྲན་ཞུ
གངས་རིའི་སྙིང་ཁུངས་སུ་སིམ་པའི་སྙན་ངག་པར་རྗེས་དྲན་ཞུ
བཀའ་དྲིན་ཆེ་ཡང་ཡང་ཞུ་བཞིན་ཡོད།འུ་ཚོས་འདི་ལྟ་བུའི་མི་བུ་དག་ལ་རྒྱབ་སྐྱོར་བྱེད་རྒྱུ་ནི་ཆེས་ཁ་ཚ་དགོས་གཏུགས་ཀྱི་དོན་དག་ཞིག་རེད།
བསྐལ་བའི་མཐར་ཡང་བོད་མིའི་སེམས་ཁོང་དུ་གནས་པའི་སྙན་ངག་པ་གང་གི་ཞབས་རྗེས་གངས་རིའི་ཁྲོད་ན་འོད་དུ་འཚེར་ཡོད།
བོད་ཀྱི་ནོར་བུ་གཅིག་ཐང་ལ་ཟེགས་སོང་ནི་རེད། འོན་ཀྱང་ནོར་བུ་རང་ལ་ཡོད་དུས། ནོར་བུ་ངོ་མི་ཤེས་པ་བོད་ཀྱི་གཤིས་ཀ་རེད།
ནུབ་བྱང་མི་རིགས་སློབ་ཆེན་པ་ཚོས་དངོས་གནས་བྱ་བ་བཟང་པོ་ཞིག་བསྒྲུབས་འདུག
ཁྲང་པེ་རི་བོའི་རྒྱ་སྟག་གི་ངར་སྐད། ཞིའི་ཧྲོང་པད་ནའི་གླང་ཆེན། ནང་སོག་རྩྭ་ཐང་སྟེང་གི་རྟ་རྒོད་ཀྱི་བང་རྩལ་སོགས་མཐོང་ཞིང་ཐོས་པས། དུས་རབས་ཉི་ཤུ་བའི་བོད་གངས་ཅན་གྱི་སྙན་ངག་གི་རྒྱལ་པོ་འདས་པོ་རྒན་ཡི་དམ་ཚེ་རིང་ལགས་ཀྱི་བྱང་ཁོག་སྟོད་ནས་ལ་རྒྱའི་མཚོ་མོ་དགུང་དུ་འཕྱོ་བའི་ཚོར་བ་ཁོང་གི་སྙན་རྩོམ(རྔ་ཆེན་རོལ་དབྱངས)ལས་ཤེས་ཐུབ་ཀི སྐད་ཆ་འདི་ལྟ་བུ་ཞིག་གིས་ཀྱང་ང་ཚོ་སྟེ་བོད་གངས་ཅན་གྱི་གཞོན་ནུ་རྣམས་ཀྱི་སེམས་སུ་ཁོང་ནི་ནམ་ཡང་བརྗེད་མི་ཐུབ་པའི་བོད་མི་རིགས་ཀྱི་རིག་པའི་དཔའ་བོ་ཡིན་ཨང་སྙམ་པའི་བག་ཆགས་གཏིང་ཟབ་ཅིག་ངེས་པར་དུ་བཞག་ཡོད་པ་རེད། དེ་རིང་ཀོས་སྐུ་འདས་ནས་ལོ་འཁོར་ལྔ་ཧྲིལ་གྱིས་སོང་བའི་ཉིན་འདིར། ངས་ཀྱང་སྙན་ངག་མཁན་པོ་ཁོང་གི་རྩོམ་མང་པོ་བཀླགས་པའི་རིན་ཐང་དང་། ང་ཚོས་བཤད་སྲོལ་ལ་ཁྱོད་འདས་ཀྱང་ཁྱོད་ཀྱི་རྣམ་ཤེས་ང་ཚོ་དང་ལྷན་དུ་གནས་ཡོད་ཅེས་པའང་ཁོང་ཀི་སྙན་ངག་གི་རིན་ཏང་དང་དེས་ང་ཚོར་བཞག་པའི་བག་ཆགས་དེ་ལ་ཟེར་བ་ལས་ཡིན། གཞན་བོད་མི་རིགས་ཀྱི་སྙན་ངག་པ་ཆེན་མོ་ཞིག་སྐུ་འདས་ནས་མི་ལོ་ལྔ་ཏག་ཏག་འགོར་བར་མྱ་ངན་ཞུ་གི་ཡོད།
ལོ་རྒྱུས་དེབ་ཐེར་རེ་ལ་རྗེས་དྲན་རེ་་
སྙན་རྩོམ་པོ་ཏི་རེ་ལ་ཕྱིར་མིག་རེ་་
ཡོད་ཚད་མི་རིགས་འདིའི་ཆད་དུ་བཞག་པའི་དཔའ་བོ་ལགས་་་་་ཡི་དམ་ཚེ་རིང་་་་
འདི་དངོས་གནས་ཡག་པོ་འདུག འོན་ཀྱང་འདི་དག་རྒྱ་ནག་གིས་བོད་ཀྱི་རིག་གཞུང་ཡར་རྒྱས་བསྟན་བྱེད་ཀྱི་ལག་ཆ་ཞིག་མིན་ནམ་སྙམ།
ཤེས་ཡོན་ཅན་ཚོ་མི་རབས་ནས་མི་རབས་བར་ང་ཚོའི་ལམ་སྟོན་གྱི་སྒྲོན་མེ་ཁོ་ན་ཉིད།
གསོན་ན་དོན་ཡོད་པ། ཤི་ན་གོ་ཆོད་པ་ཟེར་སྲོལ་ཞིག་ཡོད་པ་ལྟར། བོད་ནང་གི་སྤུན་ཟླ་དག་གིས་སྔ་ཕྱི་བར་གསུམ་དུ་འདི་ལྟར་མདུན་བསྐྱོད་ལ་སྙེགས་བཞིན་པ་དེ་དག་ལ་རྗེས་སུ་ཡི་རང་ཡོད།
བསེ་རུ་ལགས་ཀྱིས་གསུངས་པ་དེ་ངོ་མ་བདེན་གི
ང་ཚོས་ང་ཚོ་སྐྱོབ་དགོས། ང་ཚོས་ང་ཚོ་འཚོལ་དགོས།
འདི་ལྟར་ང་ཚོས་མི་རིགས་ཀྱི་ཤེས་ཡོན་ཅན་ཚོར་རྗེས་དྲན་བྱེད་དགོས་ལ་ཤེས་ཡོན་ཚོར་གདེངས་འཇོག་དང་ཆེ་མཐོང་ཡང་སྤྲོད་དགོས། ཤེས་ཡོན་ཅན་ནི། ང་ཚོའི་མི་རིགས་ཀྱི་མགོ་འདྲེན་ཡིན་ལ། མི་རིགས་ཀྱི་ཁ་ལོ་བ་ཡང་ཡིན། དེའི་ཕྱིར་ཤེས་ཡོན་ཅན་ཚོ། གཤེགས་ཤུལ་ནས་ལྗང་མདོག་ལྡན་པའི་ཞབས་རྗེས་རེ་འཇོག་གིན་ཕེབས་དགོས་པ་ཡང་ཆོས་ཉིད་ཅིག་རེད།