བཙན་བྱོལ་བོད་གཞུང་གིས་རྒྱ་ནག་ལ་དགག་ལན་གསལ་འདེབས་གནང་ཡོད་པའི་ཡིག་ཆ་དེའི་ནང་། ཉེ་ལམ་རྒྱ་ནག་གིས་༼ཏཱ་ལའི་བླ་མས་བོད་མིའི་ངོ་ཚབ་མཚོན་མི་ཐུབ་༽ཅེས་པའི་ལོག་འགྲེལ་དེ་བོད་རྒྱ་གཉིས་ཀྱི་བྱུང་རབས་ལོ་རྒྱུས་ནང་དངོས་ཡོད་གནད་དོན་ལས་ཡོངས་སུ་འགལ་ཡོད་ཚུལ་བརྗོད་ཡོད་འདུག
ཉིན་ཤས་གོང་བཙན་བྱོལ་བོད་གཞུང་གིས་རྒྱ་ནག་ལ་དགག་ལན་དུ་བྲིས་པའི་ཡིག་ཆའི་ནང་བཀོད་དོན། བོད་མི་རྣམས་ཀྱིས་༧གོང་ས་མཆོག་གང་དུ་བཞུགས་པའི་གནས་དེ་ཉིད་རང་བཞིན་གྱིས་བོད་གཞུང་གི་ལྟེ་གནས་ཡིན་པའི་ངོས་འཛིན་ཞུ་བཞིན་ཡོད། ༧གོང་ས་མཆོག་ནས་བཙན་བྱོལ་བོད་མིའི་སྲིད་གཞུང་དང་སྤྱི་ཚོགས་དེ་ཡང་དག་པའི་མང་གཙོའི་ལམ་ལུགས་སུ་བསྒྱུར་གནང་མཛད་ཡོད་པ་མ་ཟད། རྒྱལ་ཁབ་གཞན་ཕལ་མོ་ཆེའི་ནང་བཞིན་མང་གཙོའི་ཐོབ་ཐང་དང་དབང་ཆ་འཐབ་རྩོད་བྱས་པའི་ལོ་རྒྱུས་ནང་། མི་མང་ནས་ལུས་སྲོག་དང་ཁྲག་ལ་བརྟེན་ནས་འཐབ་རྩོད་བྱེད་མ་དགོས་པར་མང་གཙོ་ལག་བསྟར་བྱེད་བཞིན་ཡོད། ༸གོང་ས་མཆོག་ནས་ཁོང་ཉིད་ཀྱི་ཁྲིམས་མཐུན་འགན་དབང་ཡོངས་རྫོགས་བོད་མི་མང་དང་། བོད་མི་མང་སྤྱི་འཐུས་ལྷན་ཚོགས་ལ་རྩིས་སྤྲོད་གནང་ཐབས་སྔ་རྗེས་ལན་མང་གནང་ཡོད་ཀྱང་། བོད་མི་མང་དང་གྲོས་ཚོགས་ནས་དེ་ལྟར་ངོས་ལེན་མ་ཞུས་པར། ༧གོང་ས་མཆོག་ནས་མུ་མཐུད་དེ་བོད་ཀྱི་བླ་ན་མེད་པའི་དབུ་ཁྲིད་ཀྱི་འགན་དབང་བཞེས་གནང་ཡོང་བའི་གསོལ་བ་ཕུར་ཚུགས་སུ་བཏབས་ཡོད།
༧གོང་ས་མཆོག་ནས་བོད་མིའི་སྐུ་ཚབ་མཚོན་ཐུབ་དང་མི་ཐུབ་ཀྱི་དཔེ་མཚོན་གཞན་ཞིག་ནི། སྔ་ལོར་བོད་ནང་དུ་མི་མང་སྒེར་ལངས་བྱས་སྐབས། བོད་མི་མང་གིས་ ༼རྒྱལ་བ་རིན་པོ་ཆེ་སྐུ་ཚེ་བརྟན་པར་ཤོག རྒྱལ་བ་རིན་པོ་ཆེ་བོད་ལ་གདན་ཞུ་དགོས་༽ཞེས་བོད་མི་རྒན་དར་གཞོན་གསུམ་གྱིས་མགྲིན་དབྱངས་གཅིག་གྱུར་གྱིས་རང་སྲོག་འབེན་ལ་བཞག་ནས་གཞི་རྒྱ་ཆེ་བའི་སྐད་འབོད་བྱས་ཡོད་པ། འཛམ་གླིང་དུ་ཁྱབ་ཡོད།
༼ཐམས་ཅད་མཁྱེན་པ་འཛམ་གླིང་དུ་ཉི་མ་ཤར་བ་ལྟ་བུ་སྦར་མོས་འགེབ་ཐུབ་བ་མི་ཡོང་། ཁོང་རང་གི་ཐུགས་རྗེ་དང་། འཕྲིན་ལས་ཀྱི་འོད་ཟེར་ས་སྟེང་ཐམས་ཅད་ལ་ཁྱབ་པས་སངས་རྒྱས་ཀྱི་བསྟན་པ་དར་ཞིང་རྒྱས་བ་བྱུང་ཡོད་།༽ཞེས་གསལ་བ་ལྟར། ༧གོང་ས་མཆོག་གིས་ནང་བ་སངས་རྒྱས་པའི་ཆོས་དང་། ཁོང་སྐུ་ཉིད་ཀྱིས་དངོས་སུ་མི་སོ་སོའི་འཚོ་བ་སྐྱེལ་སྟངས་ཐོག་མིག་དཔེ་སྟོན་གནང་མཛད་ཡོད་པ་དེས། འཛམ་གླིང་མི་མང་གི་འཚོ་བའི་ནང་འཕོ་འགྱུར་དང་། ཤུགས་རྐྱེན་ཟབ་མོ་ཐེབས་ཡོད་པས། ཁོང་གི་བཀའ་སློབ་མང་བོ་ཡང་རྒྱ་ནག་དམར་ཤོག་གི་ས་ཕྱོགས་གང་སར་ཡང་ཁྱབ་ཡོད།
འདི་ལོར་འཇི་ནི་ཝར་ཚོགས་པའི་ ༼ རྒྱལ་སྤྱིའི་རྒྱ་བོད་མི་སྣ་མཉམ་འདུས་ཀྱི་ཚོགས་ཆེན༽ གྱི་དངོས་གཞིའི་ཡིག་ཆའི་ནང་ཡོངས་ཁྱབ་གསལ་བསྒྲགས་བྱས་དོན། ༼༧གོང་ས་མཆོག་རང་ཡུལ་དུ་ཕྱིར་ལོག་གནང་རྒྱུ་ནི་ཁོང་གི་གཞི་རྩའི་ཁེ་དབང་ཡིན་སྟབས། དེར་གུས་བརྩི་ཞུ་དགོས། ༽ ཞེས་དང་། ཡང་༼༧གོང་ས་མཆོག་གིས་རྒྱ་རིགས་མི་མང་རྣམས་ལ་ཆོས་ཀྱི་བྱིན་རླབས་སྩོལ་ཆེད་བཙན་བྱོལ་བོད་གཞུང་ནས་དེའི་ཆེད་ཁོར་ཡུག་བསྐྲུན་དགོས་༽ཞེས་ཀྱང་བཀོད་ཡོད།
༧གོང་ས་མཆོག་གིས་བོད་མི་མང་གི་ངོ་ཚབ་མཚོན་ཐུབ་མིན་དེ། འདི་ནའང་གསལ་འདེབས་ཤིག་ཡོད། དེ་ནི་ཕྱི་ལོ་ ༢༠༠༦ ལོར་ཁོང་གིས་རྒྱ་གར་ལྷོ་ཕྱོགས་ཀྱི་ཨམ་ར་ཝ་ཏིར་དུས་འཁོར་དབང་ཆེན་བསྩལ་སྐབས། འཛམ་གླིང་གི་མི་སྣ་མི་མང་བོ་འདུ་འཛོམས་བྱུང་ཡོད་ལ། དེའི་ཁྲོད་ཆེད་དུ་བོད་ནས་ཕེབས་པའི་དད་ལྡན་བོད་མི་ ༨༠༠༠ ལྷག་ཅིག་དང་། རྒྱ་ནག་སྐམ་ས་ཆེན་མོ་ནས་ཀྱང་རྒྱ་རིགས ༢༥༠ ལྷག་ཙམ་ཕེབས་ཡོད། སྐབས་དེར་ཁོང་གིས་བོད་མི་སྤྱི་དང་སྒོས་སུ་བོད་ནང་གི་བོད་མི་རྣམས་ལ་སྟག་ལྤགས་དང་གཟིག་ལྤགས་སོགས་ཀྱི་རིགས་བོད་མིའི་རྒྱན་ཆར་མ་སྤྲོས་ན་འོས་པའི་བཀའ་སློབ་ཚིག་གཅིག་གནང་བ་དེས། བོད་ཕྱི་ནང་གཉིས་ཀྱི་བོད་མི་ཚོས་མ་སྐུལ་དང་བླངས་ངང་སྟག་ལྤགས་དང་གཟིག་ལྤགས་སོགས་ཀྱི་རྒྱན་ཆའི་རིགས་མེར་སྲེག་བཏང་བའི་ལས་འགུལ་ཤུགས་ཆེན་སྤེལ་ཡོད་པས་ཀྱང་གསལ་བོ་མཚོན་ཐུབ་ཅེས་བཙན་བྱོལ་བོད་གཞུང་གིས་རྒྱ་ནག་ལ་དགག་ལན་ལུང་འདྲེན་དང་། རྒྱལ་རབས་ལོ་རྒྱུས་ཀྱི་ཐོག་ནས་ཀྱང་གསལ་འདེབས་རྒྱས་པ་ཞིག་གནང་ཡོད་འདུག
རང་ཉིད་ཀྱི་ནོར་འཁྲུལ་ངོ་ལེན་བྱེད་ཐུབ་དེ་ཡག་པོ་རེད། ནོར་འཁྲུལ་ངོ་ལེན་བྱེད་ཐུབ་པ་དེ་ཡོན་ཏན་འབྱུང་པའི་གཞི་རྩ་རེད་ལྭ
ཁྱེད་ཉིན་གསུམ་གྱི་རིང་རང་གིས་ནོར་འགྲོ་བ་ཧ་གོ་པ་དེ་འདྲ་ཡིན་ན་ང་རྒན་ཅོ་རིའི་དགེ་ཕྲུག་ཞིག་ཨེ་ལྟ་ཆོག་ཧཧཧཧཧཧཧ
ཨེ་ཕག་སྣ། ང་ཆང་འཐུང་ཕྱི་ལ་འགྲོ་མི་དགོས། ཆང་ཤིང་ཏོག་གུ་ཆང་ནང་ལ་ཡོད། ང་གཡེམ་མཁན་ཕྱི་ལ་འགྲོ་མི་དགོས། ཡིད་མཐུན་ཆུང་མ་ནང་ལ་ཡོད། ང་དཔོན་ལ་མ་སོང་གཡོག་ལ་སོང་། གཡོག་པོ་སྡེར་མ་བཀྲུ་མི་སོང། ངས་སྡེར་མ་མི་བཀྲུ་དཀའ་མེད་རེད། ངས་བོད་ཡིག་མ་གཏོགས་ཤེས་ལེ་མིན།
མི་ཉམ་ཆུང་ལ་ཐང་ཆུང་མ་བྱེད་ལྭ། ཐ་ལི་ཞེས་པ་འདི་འདྲ་བེད་སྤྱོད་མ་རོག རྗེས་སུ་ཡང་འདི་འདྲ་ཡིན་ན་ངས་ཁྱེད་ལ་ཁ་བརྡ་བཤད་མི་འདོད་དེ་ཐུགས་ལ་བཟུང་ལྭ
ཐུན་མི། ཐོན་མི།
གཤན་པ། བཤན་པ། ཡང་ན། ཤན་པ།
ད་ང་རང་ཡང་ནོར་འགྲོ་ཡི་འདུག
དངོས་གནས་ཅོ་རི་ང་གཉིས་ལ་དུས་བབ་ནང་ཟིན་བྲིས་ཀྱི་པོད་ཁུག་ཅིག་བཟོས་ན་ཡག་ས་རེད། ངས་ནི་དེ་སྔོན་ནས་དུས་བབ་རྕོམ་སྒྲིག་པར་རེ་སྐུལ་ཐེངས་གཉིས་ཞུས་པ་ཡིན་ཏེ་ཁ་ཕྱེ་མ་བྱུང་། ཡང་བསྐྱར་ཨུ་ཚུགས་བྱེད་འདོད་ཞིག་ཀྱང་མ་བྱུང་།
ད་ཅོ་རི་ཁྱེད་རང་གིས་རེ་བ་ཞིག་བརྒྱབས་ནས་ཟིན་བྲིས་པོད་ཁུག་ཅིག་བཟོས་ན་ང་གཉིས་དེར་འཛོམས་ནས་མཚམས་མཚམས་ལ་གཏམ་གླེང་འདྲ་བྱེད་དོ། མ་རེད་དམ།
ཧཧཧཧཧཧ་་ ཅོ་རི་ཉི་མ་ལགས་ལ་སྐུ་ལས་ཁག་རྒྱུ་ཞིག་མེད་པ་འདྲ།
ད་བྱས་ན་ངས་ཀྱང་གཅིག་ཤོད།
ཀི་ལོ་མི་ཌར་ཞེས་པའི་གདངས་ཅན་གྱི་ཐ་སྙད་ཅིག་བེད་སྤྱོད་བྱས་པས་སྐད་ཡིག་གི་རྨང་གཞིར་རྒོལ་མཁན་གྱི་དགྲ་བོར་འགྱུར་གྱི་ཡོད་ན་སློབ་དཔོན་ཐུན་མིའི་དགོངས་པ་དང་སུམ་རྟགས་དག་གསུམ་གྱི་སྒྲིག་གཞི་དང་འགལ་བའི་བོད་ཡིག་འབྲི་མཁན་འདི་ཚོ་སྐད་ཡིག་གི་སྙིང་དམར་པོར་སོ་འདེབས་མཁན་ཞིག་ཏུ་ངས་ངོས་འཛིན་མི་བྱེད་ཀ་མེད་ཡིན།
དེས་ན་ཁྱེད་རང་སྐད་ཡིག་གསོད་མཁན་གྱི་གཤན་པ་ལག་དམར་དེ་ཆགས་པ་རེད།
མགོ་རུལ་སྣ་ཡིས་མ་ཚོར་བར། །
མི་ལ་རྒྱགས་གཏམ་མ་གཏོང་ལཱོ། །
རང་གི་ལྦ་བ་མ་མཐོང་བར། །
གཞན་གྱི་སྣ་ལ་མ་འཕྱ་ལཱོ། །
ཨེ་ལྷོ་ཕྲུག ངའི་ཐ་སྙད་གསར་པའི་རྩོམ་ཆུང་ལ་ཁྱེད་ཁྲོ་སྡང་ཐོག་ནས་དགག་དོན་དུ། ཁྱེད་ཀྱིས་འདི་འདྲ་ཞིག་བྲིས་ཡོད་ང་ཚོས་བོད་སྐད་ཁོ་རང་བརྒྱག་མི་དགོས་པ་འགྲོ་རྒྱུག་ཆེ་དང་ཤུགས་རྐྱེན་ཆེ་ཤོས་ཡིན་པའི་སྐད་ཡིག་ཞིག་ལ་སྐྱབས་བཅོལ་ན་འགྲུག་པའི་བཟོ་འདྲ་པོ་ཆགས་འགྲོ་གིནའདུག་ཞེས་དགག་པས་མི་དེ་མིན་ནམ།
ཕོ་གཏམ་ལྕགས་ཀྱི་རི་ལུ་དེ།་སྔར་ལོ་བཤད་ན་ད་ལོ་ཡོད། མོ་གཏམ་ས་ལུ་སེ་ལ་དེ། དེ་རིང་བཤད་ན་སང་ཉིན་མེད། ཁྱེད་ཀྱིས་འགྲོ་རྒྱུག་ཆེ་ཤོས་ཡིན་པའི་སྐད་ཡིག་ཞིག་ལ་སྐྱབས་བཅོལ་པ་ངའི་མིག་གིས་མཐོང་དུས། ཁྱེད་མི་ཁྱི་ལས་ཀྱང་སྡུག་པ་ཁྱི་སྐྱག་པོ་ཞིག་ཡིན་པ་མངོན་སོང་ལྭ། ཧཧཧཧ
ཡིན་ཡང་ངའི་ཐ་སྙད་གསར་པའི་རྩོམ་ཆུང་ནང་དུ་གསར་ཐོན་གྱི་དངོས་པོ་ཀམ་པུང་དྲར་ལྟར་བུ་ལ་དངོས་མིང་ཐོག་ནས་བེད་སྤྱོད་བྱེད་དགོས་ཞེས་པ་མ་གཏོགས་སྔ་ཡོད་ཀྱི་ཐ་སྙད་ལེ་བང་བརྒྱ་ཕྲག་ཞེས་པ་ལ་ཀི་ལོ་མི་ཌར་བརྒྱ་ཕྲག་ཞེས་བྲིས་པ་འདི་ནི་ང་རང་ཚོའི་སྐད་ཡིག་གི་གཞི་འཛིན་ས་དེ་མེད་པ་ཆག་འགྲོ་བ་དང་། ཁྱབ་ཆེ་བའི་སྐད་ཡིག་ལ་མགོ་བཏགས་བྱེད་ན་ང་རང་ཚོའི་སྐད་ཡིག་འདི་ཡང་རིག་པའི་འགྲོ་ལུགས་མེད་པའི་ལྷོ་ཕྲུག་ལྟར་བུ་ཆག་ངེས།
དེ་རྟེན་དྲ་གྲོགས་ཀྱིས་སྔར་ཡོད་དངོས་མིང་ཀྱི་ཐ་སྙད་མི་བེད་ནས་ཁྱབ་ཆེ་བའི་སྐད་ཡིག་ལ་མགོ་བཏགས་བྱེད་མི་ལྷོ་སྣ་ནི་སྐད་ཡིག་གི་རྨོང་གཞི་ལ་རྒོལ་བའི་དགྲ་བོ་ཡིན་པའི་མཐའ་གཅིག་ཏུ་དགག་པ་རྒྱག་དགོས།
བཀྲ་ཤིས་བདེ་ལེགས་ལྷོ་ཕྲུག་ལགས། དེ་རིང་ཁྱེད་ཀྱི་ཁ་ནས་དྲང་གཏམ་ཞིག་བཤད་བྱུང་ང་ལ་དགའ་སྤྲོ་ཚད་མེདཔ་ཞིག་མྱོང་རྒྱུ་བྱུང་། ངའི་ཐ་སྙད་གསར་པའི་སྐོར་ལ་རྩོམ་ཆུང་ཞིག་བྲིས་པའི་དམིགས་ཡུལ་ཕུང་བསམ་ལག་ལེན་ཐམས་ཅད་སྐུ་ནས་མཁྱེན་པ་མ་ཟད་ངའི་མདུན་དུ་བྲིས་པ་དེ་ང་ཤིན་ཏུ་ནས་དགའ་པོ་བྱུང་།
ལྷོ་སྣ་ཆེན་འོག་གི་ཁ་ཆེན་འདིས།།
གཏན་ཚིགས་ཀྱི་འབྲུག་སྒྲ་བསྒྲགས་པ་ན།།
ཐག་རིང་གི་ཅོ་རི་ཐེའུ་རང་དེ།།
སྙིང་དམར་པོ་ཁ་ནས་འབྱིན་གྲབས་བྱེད།།
ཚིག་རྩུབ་པོ་རྩོད་པའི་མཛེས་རྒྱན་ཡིན།།
སེམས་གཙང་མ་དུས་ཀྱི་ཀུན་སློང་ཡིན།།
ཁྱེད་ཅོ་རི་ཁྲོ་སྡང་མི་བྱེད་པར།།
དོན་ཡིན་ལུགས་ཀྱི་གཏམ་གླེང་བྱེད་དུ་ཤོག།
ཁོ་རེ་ཅོ་རི་རྒན་པོ་ལགས། ཁྱོད་ཆང་ལ་སོང་དང་གཡེམ་ལ་སོང་། །ཁྱོད་དཔོན་ལ་སོང་དང་གཡོག་ལ་སོང་། །ཁྱོད་རི་ལ་སོང་དང་ཀླུང་ལ་སོང་། །ཁྱོད་ཟ་ཁང་ནང་ལ་ཐ་ལི་བཀྲུ་ཁ་ཕྱིན་པ་ནི་ཡིན་གྱི་མ་རེད། ཧཧཧཧཧཧཧ་་་་་་་་་་་་་་་་་་སྐུ་རྩེད་ཡིན་དཱ།
ཡང་ན་ཅོ་རི་རྒན་པོ་ཆོས་ཅན། ཁྱོད་ལ་སྐྱེ་བ་སྔ་ཕྱི་དང་ཐར་པ། ལས་རྒྱུ་འབྲས་ལ་སོགས་པ་ཤིན་ལྐོག་ཡང་ལྐོག་ཏུ་སོང་བའི་ཤེས་བྱ་རྣམས་སྒྲུབ་བྱེད་ཀྱི་རིགས་པ་དང་འགྲེལ་བཤད་མཛུབ་མོ་རི་སྟོན་གྱི་ཚུལ་དུ་བྱེད་མི་དགོས་པར་ཐལ། ཅོ་རི་རྒན་པོས་དེ་ལྟར་ཁས་ལེན་པའི་ཕྱིར།
མ་ཁྱབ་ཟེར་ན་བོད་པ་མང་དག་ཅིག་ལ་ཡང་༸གོང་ས་མཆོག་བོད་མིའི་ཚབ་མཚོན་ཡིན་པའི་སྒྲུབ་བྱེད་ཀྱི་རྒྱུ་མཚན་དང་ལོ་རྒྱུས་ཀྱི་རྒྱབ་ལྗོངས་སོགས་འགྲེལ་བཤད་དང་གོ་བརྡ་སྤྲོད་རིགས་པར་ཐལ། ཁས་ལེན་པ་ཙམ་ལ་ར་འཕྲོད་པའི་ཁྱབ་པ་མེད་པ་མངོན་སུམ་གྱིས་གྲུབ། ཅོ་རི་རྒན་པོར་ལས་འབྲས་ལ་སོགས་པ་ལྐོག་ཏུ་གྱུར་པའི་དོན་རྣམས་ཁས་ལེན་ཡང་ད་དུང་སྒྲུབ་བྱེད་ཀྱི་རིགས་པ་བཀོད་ནས་མཛུབ་མོ་རི་སྟོན་གྱི་བཤད་པ་བྱེད་དགོས་པ་དོན་ཡོད་པ་བཞིན་ནོ།།
རྟགས་མ་གྲུབ་པ་ནི་ཕལ་ཆེར་ཡིན་གྱི་མ་རེད་བསམ་གྱི་འདུག
ཐལ་ཚིག་གིས་བསྟན་པའི་ཅོ་རི་རྒན་པོ་ཐར་པ་ལ་ཤིན་ལྐོག་ཏུ་སོང་ཡོད་པ་ནི་ཅོ་རི་རྒན་པོའི་རྨོངས་རྟགས་ཀྱིས་ར་སྤྲོད་ཀྱིན་འདུག་པས་འདི་བསྒྲུབ་དགོས་པ་མི་འདུག་གོ།།
ཀི་ལོ་མི་ཌར་གྱི་དོད་ལ་ཐ་སྙད་གསལ་པོ་ཞིག་མེད་པ་ཡང་དེ་བཞིན་ཡིན། ད་འདི་ཡང་བརྗོད་དོན་གཞན་དག་ཅིག་གི་སྒང་ལ་འགྲོ་གྲབས་བྱེད་ཀྱིན་འདུག འདི་གླེང་གི་མིན།
ཁྱོད་ནས་ངས་༸གོང་ས་སྐྱབས་མགོན་ཆེན་པོ་བོད་མིའི་ཚབ་མཚོན་ཡིན་པར་བོད་མི་མང་དག་ཅིག་གིས་ཁས་ལེན་བྱེད་ཀྱི་མེད་པར་བཤད་སོང་ཟེར།
གང་དུ་བཤད་འདུག ངའི་སྐད་ཆ་ཚང་མ་དུས་བབ་གསར་ཁང་གིས་མ་བསུབ་པར་གོང་དུ་ལྷག་ནས་འདུག སྟོན་དང་ཚིག་ག་གི་རེད།
སོ་སོའི་སྣང་བ་མ་དག་པའི་ཞྭ་མོ་ནག་པོ་དེ་ངའི་མགོ་ལ་མ་བསྐོན་ལཱོ།
ཁས་ལེན་པའི་ཁས་ལེན་དང་ཁས་ལེན་གྱི་རྒྱུ་མཚན་ཤེས་མིན་གཉིས་ལ་དབྱེ་བ་དེ་འདྲ་གསལ་པོ་བྱས་ནས་ཕྱེ་ཡོད་ད་དུང་མགོ་རུལ་སྣ་ཡིས་མ་ཚོར་མཁན་ཁྱོད་ང་ལ་ཚུར་རིགས་པ་རྐང་ཆག་འདྲ་ཞིག་བཏང་ཁ་བྱས།
ཁྱོད་རིགས་པ་ལ་དགའ་མཁན་ཞིག་ཡིན་ན་ངས་ཀྱང་རིགས་པ་ཞིག་གཏོང་།
རང་བཞིན་མེད་པ་མ་རྟོགས་པའི་ཐལ་འགྱུར་བའི་ངོ་བོར་གྱུར་པའི་རྒན་རྒྱའུ་དེ་ཆོས་ཅན། ཁྱོད་ལ་རང་བཞིན་མེད་པ་སྒྲུབ་བྱེད་ཀྱི་རིགས་པ་བཀོད་ནས་ཆོས་ཐམས་ཅད་རང་བཞིན་མེད་པ་ཡིན་ཚུལ་གྱི་གོ་བརྡ་སྤྲོད་མི་རིགས་པར་ཐལ། ཁྱོད་རང་བཞིན་མེད་པ་ཁས་ལེན་པའི་རྒོལ་བ་ཡིན་པའི་ཕྱིར། དཔེར་ན་ཅོ་རི་རྒན་པོས་བོད་པ་རྣམས་ཀྱིས་༸གོང་ས་མཆོག་བོད་པའི་ཚབ་མཚོན་གྱི་མི་སྣ་ཡིན་པར་ཁས་ལེན་པས་དེ་ལྟར་ཡིན་རབས་ཀྱི་རྒྱུ་མཚན་དང་རྒྱབ་ལྗོངས་ཀྱི་ངོ་སྤྲོད་བྱེད་མི་དགོས་པར་འདོད་པ་བཞིན། ལན་གྱིས་བཟློག་པར་མི་ནུས་པའི་ཐལ་བའོ།
ཁྱེད་ལ་ཤ་ཀླན་འཇམ་དབྱངས་སུ་འབོད་པས་ཁ་བརྡ་དྲྭ་ཚིགས་སུ་རྩོད་ཡིག་ཅིག་བྲིས་འདུག
དེ་ལ་བལྟ་རུ་རྒྱུགས།
སྤྱིར་སྟངས་སྲོལ་རྒྱུན་གྱི་བོད་པའི་བསམ་བློའི་ལྟ་སྟངས་ནང་རྩིས་ནང་ལ་བརྒྱག་རྒྱུ་གལ་ཆེར་བརྩི་བ་མ་གཏོགས་རྩིས་ཕྱི་ལ་བརྒྱག་རྒྱུ་གལ་ཆེར་བརྩི་ཡིན་མ་རེད། གནས་སྟངས་འདི་ལས་དེང་དུས་ནང་བཞིན་ཕྱི་ལ་རྩིས་སྐོར་སྤྱད་ཀྱི་ཐིག་ཤིང་ཞིག་ཀྱང་མ་བཟོས་པར་བྱེད་པོ་པོའི་ལུས་ཀྱི་ལན་ལག་སོགས་གཙོ་བོ་བྱེད་པ་པོ་དང་འབྲེལ་བའི་དངོས་པོ་ཞིག་གི་ཚད་ལ་བརྟེན་ནས་རྩིས་བརྒྱག་གིན་ཡོད་པ་རེད། འདིས་སྲོལ་རྒྱུན་གྱི་བོད་པའི་བསམ་བློ་དང་རིག་གཞུང་གི་རྒྱབ་ལྗོངས་དང་གནད་འགག་གལ་ཆེན་ཞིག་མཚོན་གྱིན་ཡོད་པ་རེད།
འོན་ཀྱང་འདི་འགྲེལ་བཤད་བྱེད་ས་ཅོ་རི་ཁྱེད་རང་མ་རེད་ལཱོ།
དཔེར་ན་
ཀམ་པུ་ཀྲར་ལ་གློག་ཀླད་ཟེར་བ་སོགས་འདོགས་མི་རུང་བར་ཅ་དངོས་གསར་པའི་རིགས་ལ་ཞེས་བཅོས།
ངས་ཀི་ལོ་མི་ཌར་ཞེས་པའི་ཐ་སྙད་ཅིག་སྤྱད་པར་ཁྱོད་ཧང་སང་མདོག་བྱེད་པ་འདི་དོན་ལ་ཁྱོད་རང་གི་འཇིང་པར་རལ་གྲི་ལྟག་ལོག་ཏུ་བླངས་པ་ཙམ་རེད།
འདི་ཁྱོད་ཀྱིས་བརྗེད་ཟིན་པ་རེད། མ་གཞི་ཁྱོད་ལོ་ན་རྒས་ནས་དབང་པོ་ཉམས་སོང་བས་རེད། ཁྱོད་ཀྱིས་དེ་སྔོན་ཐ་སྙད་གཏན་འབེབས་བྱེད་སྟངས་ཀྱི་ཐད་ལ་གོ་རྒྱུ་ཡོད་ལ་མེད་ལའི་རྩོམ་ཡིག་ཅིག་བྲིས་པ་དྲན་ཨེ་གསོས། དེའི་ནང་ཁྱོད་ཀྱིས་སྐད་ཆ་ཇི་བཤད་བརྗེད་ཚར་བ་རེད་པས།
ཀམ་པུ་ཀྲར་ལ་གློག་ཀླད་ཟེར་བ་ལ་སོགས་པ་ཅ་དངོས་གསར་པའི་རིགས་ལ་ཐོག་མའི་འབྱུང་ཁུངས་ཀྱི་ཡུལ་དེའི་ཐ་སྙད་ཀྱི་གདངས་དེ་རང་སྤྱོད་དགོས་པ་མ་གཏོགས་མིང་ལྷག་དང་རྗེས་གྲུབ་ཀྱི་མིང་གསར་དུ་འདོགས་ཀྱིན་བསྡད་ན་འགྲིག་གི་མི་འདུག་ཟེར་མཁན་དེ་ཁྱོད་མ་རེད་པས།
ལ་ཁའི་དར་ལྕོགས་ནང་བཞིན་གྱི་གཡོ་སྐྱེན་པོ་ཞིག་མ་བྱེད། རང་གི་དམ་བཅའ་དང་ལྟ་ཚུལ་གྱི་ཐོག་ཏུ་རིགས་པའི་གནོད་བྱེད་མ་བསླེབས་ཕྱིན་དབྱུག་པ་དང་རལ་གྲི་ཐོགས་མཁན་ཞིག་མདུན་དུ་མཆོངས་ཡོང་ཡང་བརྟན་པོ་བྱས་ནས་བསྡད་དགོས་པ་རེད།
ཁྱོད་ལ་རིགས་པ་ལ་སྙོན་འདིངས་རྒྱུར་འཚེར་སྣང་ནི་མེད་ད་ག་རེ་བྱས་ནས་དམ་བཅའ་བློས་གཏོང་གི་ཡོད་པ་རེད།
ང་ཚོང་ལ་མི་སོང་། ཚ་ལ་མི་སོང་། ང་རྐུ་ལ་མི་སོང་ཇག་ལ་ཡང་མ་སོང་།
དྲང་པོར་བཤད་ན་ང་གཞུང་ཆེན་པོའི་དཀའ་གནད་ཁག་ཅིག་གི་བཙན་མདུད་མ་གྲོལ་བར་ཨུ་ཚུགས་ཀྱིས་མདུད་གྲོལ་གྱི་བྱ་བ་བྱེད་པའི་ལས་ལ་ཞུགས་སྒང་ཡིན།
ཁྱོད་ནང་བཞིན་མིན་ཏཱ། ཨ་ཧ་རྩེད་མོ་ཡིན་ཐུགས་ལ་མ་ཕོག་ལཱོ། སུན་སྣང་རེ་སྐྱེ་དུས་དུས་བབ་སོགས་སུ་ལྟད་མོ་འདྲ་བལྟ་བར་ཡོང་གིན་ཡོད། སེམས་ལ་འཐད་པ་དང་མི་འཐད་པའི་དོན་དང་གནས་ཚུལ་འདྲ་འཕྲད་ཚེ་ཚོར་སྣང་དང་སྦྲགས་ནས་མཆན་བུ་རེ་ཡང་འདེབས་ཀྱིན་ཡོད། མཆན་བུ་མ་བཏབས་པའི་སྔོན་དུ་བསམ་བློ་རེ་ཡང་གཏོང་གིན་ཡོད། ཞིབ་ཏུ་མ་བརྟག་པར་ཀུན་རྟོག་འཁྲུལ་པར་ཤར་འོང་བའི་མཐོང་སྣང་གློ་བུར་བའི་རྗེས་སུ་འབྲངས་ནས་འུར་སྐད་རྒྱག་རྒྱུར་ཡང་འཛེམས་ཟོན་བྱེད་ཀྱིན་ཡོད།
ངའི་གནས་ཚུལ་འདི་འདྲ་ཞིག་རེད།
ཁ་ས་ཁྱེད་ཅོ་རི་རྒམ་པོའི་མཆན་བུ་འགའ་མཐོང་སོང་འོན་ཏེ་རྒྱུ་མཚན་དང་གནས་ལུགས་ཡོད་པའི་སྐད་ཆ་ཞིག་ངའི་མཐོང་སྣང་ལ་ནི་མ་བྱུང་། དེར་བརྟེན་ལན་འདེབས་བྱ་རྒྱུའི་འདུན་པ་ཞིག་ཀྱང་སྐྱེས་མ་བྱུང་།
འོན་ཀྱང་རྒྱུ་མཚན་ཡོད་མེད་དང་གནད་ལ་འཁེལ་མིན་སོགས་ཇི་ལྟར་གལ་ཆེ་ཡང་དེ་ཙམ་ལ་བལྟས་ནས་མི་རྒན་ལ་ཁ་ཡ་མ་བྱས་ན་དེ་ཡང་འགྲིག་གི་མི་འདུག
ཁྱོད་ཀྱིས་ཀྱང་མགོ་ཚོས་མིན་དང་གོ་བརྡ་འཕྲོད་མིན་གནས་ལུགས་ཤོད་ཐུབ་ཀྱི་ཡོད་མེད་ལ་སོགས་ལ་མི་ལྟོས་པར་མགོ་ནག་བོད་མིའི་བདེ་སྡུག་ཞིག་གླེང་གི་ཡོད་པའི་ཁུལ་རེད།
དེ་བས་ཕན་ཚུན་གོ་བ་དོན་ཐོག་ཏུ་མ་སོང་བའི་རིགས་ལ་གསལ་བཤད་འདྲ་བྱས་ད་དུང་ཨུ་ཚུགས་དང་མཁྲེགས་འཛིན། རྨོངས་རྟགས་དང་སྨྱོ་རྟགས་སོགས་རང་ངོ་མ་འཕྲོད་བརྗེན་གཅེར་དུ་སྟོན་དུས་རྩུབ་ཚིགས་འདྲ་ཡང་འཕེན་རེས་བྱེད་ཕྱིར་ངས་ཡང་བསྐྱར་ཁྱོད་ལ་ཁ་བརྡ་བྱེད་དུ་བསླེབས་ཡོད་ལཱོ།
ཁོ་རེད་ལྷོ་ཕྲུག་ག་ན་ཡོད། ཁྱེད་ཚ་ལ་སོང་དང་ཚོང་ལ་སོང་། རྐུ་ལ་སོང་དང་ཇག་ལ་སོང་། ཡོང་རྒྱུ་མེད་པ་ག་ན་སོང་།
ཁྱེད་ཀྱིས་ང་ལ་རྒན་ཟེར་ན་ཡང་ང་ལ་དགེ་ཕྲུག་སྣ་བོ་རིང་མཁོ་ལེ་མིན་ཧཧཧཧཧཧཧ
ཡང་བསྐྱར་ཞུ་རྒྱུ། བོད་ཀྱི་སྐད་ཡིག་གི་ཚེ་སྲོག་རྒྱས་མིན་དེ་རྒྱ་ཆེ་ས་ནས་འཚོལ་དགོས་ཞེས་པའི་རྒྱ་ས་གོ་མདོག་བཤད་པ་དེ་ལྷག་ཡོད་དོ།
གང་དག་ཚིག་གཅིག་ནོར་སོང་མི་རྒན་ཟམ་གདོང་བླ་མའི་ཀླད་རྙིང་ཞེས་པ་ལ་ད་དང་ང་ནོར་བ་རེད
ཁྱེད་ཀྱིས་ང་ལ་མི་རྒན་ཟེར། ཁྱེད་ཀྱིས་ང་ལ་ར་བཟི་ཟེར། ཁྱེད་ཀྱིས་ང་ལ་ཧམ་ཆེན་ཟེར།
ད་ཅི་ཟེར་ཡང་ངས་ཁྱེད་ལ་ཡང་བསྐྱར་ཁྱེད་ཉིད་ཀྱི་རྩ་བའི་དམ་བཅའ་ངོ་སྤྲོད་ཞིག་ཞུ་རྒྱུ་ཡིན། དང་པོ། བོད་མི་མང་དག་ཞིག་གིས་༧གོང་ས་མཆོག་བོད་མི་ས་ཡ་དྲུག་གི་ངོ་ཚབ་ཡིན་པ་ཁས་ལེན་མི་འདུག་ཞེས་པ་དང་གཅིག
གཉིས་པ། ཁྱེད་ཀྱིས་སྒྲུབ་བྱེད་ནི་༧གོང་ས་མཆོག་གི་དགོངས་གཞི་དང་དགོངས་པ་ཇི་མ་ཇི་བཞིན་ཁྱེད་དང་ཟམ་གདོང་བླ་མ་གཉིས་ཀྱིས་མ་གཏོགས་བོད་མི་མང་དག་ཞིག་རྟོགས་ཐུབ་གྱི་མི་ཟེར་བ་དེ་རེད་དོ། ཡང་ཡང་རྩ་བའི་དམ་བཅའ་ངོ་སྤྲོད་བྱེད་དགོས་པ་དེ་ཁྱེད་ངོ་མ་ཚ་ཡང་ང་ཉམ་གྱི་འདུག
ཁྱེད་ཀྱིས་ཟམ་གདོང་བླ་མའི་ལུང་འདྲེན་བྱེད་སྐབས་སུ་ཀི་ལོ་མི་ཌར་ཞེས་བྲིས་འདུག་དེ་ནི་སློབ་དཔོན་ཐུན་མོང་གི་རྗེས་འབྲངས་པས་ཤེས་པའི་ཐ་སྙད་ཞིག་རེད་མི་འདུག་དེ་རྟེན་སྐུ་ཉིད་ནས་འགྲེལ་བཤད་ཞིག་ཡོད་པ་མཁྱེན།
ཁྱེད་ཀྱི་འདོད་པ་ལྟར་ན་ང་དང་ཟམ་གདོང་བླ་མའི་བར་ན་དཀྲུགས་ཤིང་ཞིག་བཤད་པ་དེས་ཁྱེད་ཀྱི་ཀུན་སློང་མ་རུང་བ་ཞིག་ཡིན་པ་མཚོན་ཐུབ།
ཁྱེད་ཀྱིས་ང་ལ་ཟམ་གདོང་བླ་མའི་ལུང་འདྲེན་བྱེད་ནས་ང་ཅོ་རི་༧གོང་ས་མཆོག་གི་སྡེ་བྱ་དབང་རྟུལ་ཞིག་རེད་བསམ་པ་དེ་ང་ར་བཟི་ལེ་མ་རེད་ཁྱེད་བཟི་ལེ་རེད་དོ།
ད་རིག་ལམ་མེད་པའི་མི་ཁྱེད་ལ་ཡང་བསྐྱར་དངོས་སྟོབས་རིག་པའི་སྒྲུབ་བྱེད་བཀོད་མི་རུང་དེ་ལས་འདི་ཚིམ་པ་ཡོད་འགྲོ
མི་རྒན་ཟམ་གདོང་བླ་མའི་ཀླང་རྙིང་ལ། གློག་ཀླད་བརྒྱ་ཕྲག་མང་པོས་བསླབ་བྱ་དགོས།
རྩིས་ཁྲ་སྟོན་རྒྱུ་མེད་པའི་དྲུང་ཆེན་ལ། རྩིས་འཁོར་བརྒྱ་ཕྲག་མང་པོས་དགག་བྱ་དགོས།
ཚོགས་འདུས་མཇུག་སྡོམ་མེད་པའི་སྤྱི་འཐུས་ལ། དཔའ་བོའི་རྣམ་ཤེས་བརྒྱ་ཡིས་ར་འདེད་དགོས།
རིག་པའི་འགྲོ་ལུགས་མེད་པའི་ལྷོ་ཕྲུག་ལ། བོད་མི་མང་དག་ཞིག་གིས་རྒྱག་པ་དགོས།
ག་སྲིད་ཁྱེད་ཀྱིས་བོད་མི་མང་དག་ཞིག་ལ་ཐང་ཆུང་དང་ཁྱད་བསད་བཤད་པའི་རྩ་བའི་དམ་བཅའ་དེ་མ་ཀློད་བར་དེ་སྲིད་ང་ཅོ་རི་ནམ་ཡང་འགྱུར་མི་སྲིད།
ཁྱོད་ལ་བཤད་རྒྱུ་འདྲ་ཡོད་ན་ད་ཤོད་རོགས་གནང་། ངས་ཉན་ནས་ཡོད།
གཏམ་རྫིག་པོ་དེ་འདྲ་གཏོང་ཡག་འདུག་གཱ ད་གཏོང་བའི་དུས་ཚོད་མ་རེད་དམ།
རྒན་ཅོ་རི་ལགས་ཏག་ཏག་ཐུག་བྱུང་ངཱ།
ཧཧཧ
ལགས་སོ་ལྷོ་ཕྲུག་སྣ་བོ་རིན་པོ་ཆེན་ང་འདི་ན་སླེབས་ཚར
བསྟན་བཅོས་ལས་དཔྱད་རྩོད་ལ་ཆགས་པའི་ཕྱིར།།
མ་མཛད་རྣམ་གྲོལ་ཕྱིར་ནི་དེ་ཉིད་བསྟན།།
གལ་ཏེ་དེ་ཉིད་རྣམ་པར་བཤད་པ་ན།།
གཞན་གཞུང་འཇིག་པར་འགྱུར་ན་ཉེས་པ་མེད།
ཅོ་རེ་རྒན་པོ་སྐྱུག་འགོང་མ་ཤོད་ལཱོ། སྐྱུག་འགོང་ཟེར་ན་ཧ་གོ་ཡི་ཡོད་དམ།
སྐྱུག་འགོང་ཟེར་ན་ཆང་འཐུང་ར་བཟིའི་ཁ་ནས་དོན་ཡོང་བའི་གོ་རྒྱུ་མེད་པའི་འཆལ་གཏམ་ལ་ཟེར་བ་རེད།
རིགས་པའི་རྗེས་འབྲངས་ཡིན་ན་གཅིག ཧམ་པ།
གོ་རྒྱུ་ཡོད་པའི་གནས་ལུགས་ཤིག་ཕ་རིའི་སྤང་རྒྱན་མེ་ཏོག་རང་ཡིན་པའི་སྒང་ལ་དག་ཆ་ཡོད་པའི་ཚིག་གཙང་མ་ཞིག་ཀྱང་འབྲི་འཁྱོངས་ཀྱི་མི་འདུག
ངས་ཡང་བསྐྱར་གཅིག་ཤོད།
༸གོང་ས་མཆོག་རང་གི་ཞལ་དྲོན་མོ་རང་ནས་བོད་མི་ཚོས་ཁོང་གི་ཆོས་ཕྱོགས་དང་ཆབ་སྲིད། དེ་བཞིན་འཇིག་རྟེན་སྤྱི་ལ་དམིགས་པའི་དགོངས་གཞི་དང་དགོངས་པ་ཇི་ཡིན་རྟོགས་ཐུབ་ཀྱི་མེད་པའི་འུ་ཐུག་གི་བཀའ་སློབ་ལན་གཅིག་མིན་པར་གནང་ཡོད།
འདི་ཚོ་ཁྱོད་ཀྱིས་གོ་ཡོད་པའི་རེ་བ་བྱེད་ཀྱིན་ཡོད། ཡང་ཁྱོད་ཀྱིས་མི་ངའི་སྐད་ཆའི་བཤད་འགྲོས་ཙམ་ལ་ཡང་གོ་བ་ལོན་རྒྱུའི་རིགས་སྟོབས་ཤིག་མེད་ཚོད་ལ་བལྟས་ན་དྭོགས་པ་ཡང་ཡོད།
དེ་བཞིན་མཁས་དབང་ཟམ་གདོང་རིན་པོ་ཆེས་༸གོང་ས་མཆོག་གི་ཐུགས་ཀྱི་འཆར་སྣང་དང་བོད་པའི་ལག་ལེན་དང་བསམ་བློའི་འཁོར་ཕྱོགས་བར་ན་ཀི་ལོ་མི་ཌར་བརྒྱ་ཕྲག་གིས་ཆོད་ཡོད་པ་དང་བོད་མི་ཚོས་༸གོང་ས་མཆོག་གི་དགོངས་པའི་རྗེས་ཆོད་ཀྱི་མེད་པའི་འུ་ཐུག་གི་གསུང་སྐད་ཀྱང་ལན་གཅིག་མིན་པར་བསྐྱོན་སོང་།
འདི་ཚོས་ཅི་ཞིག་སྟོན་གྱི་ཡོད་དམ་ཞེ་ན།
བོད་པ་འདི་ཚོས་ད་དུང་ཡང་༸གོང་ས་མཆོག་གི་རླབས་ཆེན་དགོངས་གཞི་ཁག་གཏིང་ཟབ་རབས་དང་རྒྱ་ཆེ་རབས་ཤོད་པ་དང་ཁས་ལེན་པ་ཙམ་མ་གཏོགས་དོན་དམ་དུ་ཇི་ལྟར་གཏིང་ཟབ་མོ་ཡིན་པ་དང་ཇི་ཙམ་རྒྱ་ཆེན་པོ་ཡིན་པའི་བསམ་བློའི་རྒྱབ་ལྗོངས་དང་འགྲོ་སྟངས་དེ་ཤེས་ཀྱི་མེད་པ་དེ་སྟོན་གྱི་ཡོད་པ་རེད།
མདོར་ན་འདིས་བོད་པ་ཚོ་དད་ཞེན་ཙམ་གྱི་རྗེས་སུ་འཇུག་མཁན་གྱི་དབང་རྟུལ་དད་པའི་རྗེས་འབྲངས་ཙམ་ཞིག་ཡིན་པ་དེ་བསྟན་པ་རེད།
ངའི་འདོད་པ་ལྟར་ན་བོད་པ་ཚོས་༸གོང་ས་མཆོག་བོད་མི་ས་ཡ་དྲུག་གི་ཚབ་མཚོན་ཡིན་པ་ཁས་ལེན་པ་ཙམ་དང་ཁ་ནས་ལབ་པ་ཙམ་གྱིས་ཆོག་གི་མི་འདུག་ཡིན་ལུགས་ཡིན་སྟངས་ཤེས་པ་ཞིག་བཟོ་དགོས་ཀྱི་འདུག་ཟེར་གྱི་ཡོད་པ་རེད།
སྐད་ཆ་གསལ་པོ་འདི་ཙམ་ཞིག་ཁོ་བོས་ཐེངས་སྔོན་མའི་སྐབས་ནས་བཤད་ཟིན་ཡོད།
ཁྱོད་ཀྱིས་འདི་ཙམ་ཞིག་ཀྱང་གོ་མི་ཐུབ་པ་དེ་ཡང་ན་ཁྱོད་ལོ་ན་རྒས་ནས་དྲན་པ་དང་དབང་པོ་ཉམས་སོང་བས་ཡིན་རྒྱུ་རེད། ཡང་ན་ཁྱོད་ལ་སྤྱི་ཚོགས་ནང་དཀྲུགས་ཤིང་བརྒྱག་རྒྱུའི་ཀུན་སློང་མི་གཙང་བ་ཞིག་ཡོད་པས་ཡིན་རྒྱུ་རེད། དེ་མིན་གནད་དོན་འདིའི་ཐད་ཧམ་འགྲེལ་དང་འཁྱོག་འགྲེལ་འདི་འདྲ་ཞིག་བྱེད་དགོས་དོན་ཅི་ཡང་མེད་ཚོད་ཡིན།
མིར་རྒན།
ཆོ་མེད་པའི་སྐད་ཆ་ཉུང་ཙམ་བྱོས་ལཱོ།
ད་ཁྱོད་དེ་རིང་མེད་ན་སང་ཉིན་ང་ལ་དུས་ཚོད་མེད་ཚོགས་འདུས་འགྲོ་དགོས་ཡོད། བཟའ་ཉི་མ་ལ་ཐུག་ཆོག
སྣ་ཆེན་ཁྱོད་ཀྱིས་ལྟས་ན། བོད་མི་མང་དག་ཞིག་ལ་༧གོང་ས་རྒྱལ་བ་རིན་པོ་ཆེན་བོད་མི་ས་ཡ་དྲུག་ངོ་ཚབ་་ཡིན་མིན་གྱི་རྒྱུ་མཚན་དེ་ཁ་ཚ་དགོས་གཏུགས་ཀྱི་འགྲེལ་བཤད་རྒྱབ་དགོས་གསུངས་པ་དེས་དངོས་སྟོན་བོད་མི་མང་པོ་ཞིག་ལ་ཁ་ཚ་དགོས་གཏུགས་ཀྱི་བསླབ་བྱ་དགོས་དུས་ཤུགས་སྟོན་བོད་མང་པོ་ཞིག་གིས་༧གོང་ས་མཆོག་ངོ་ཚབ་ཡིན་པ་ཁས་མི་ལེན་ཞེས་པའི་དོན་མ་ཡིན་ནམ། ཡིན་ན་༧གོང་ས་མཆོག་བོད་མིའི་ངོ་ཚབ་མ་ཡིན་ཐལ། བོད་མི་མང་དག་ཞིག་གིས་ཁས་མི་བླངས་པའི་ཕྱིར། ཁས་མི་བླངས་པ་ཐལ། ཁ་ཚ་དགོས་གཏུགས་ཀྱིས་བསླབ་བྱ་དགོས་པའི་ཕྱིར། ཧཧཧཧཧཧ
དངོས་སྟོབས་རིག་པའི་འགྲོ་ལུགས་མ་ཤེས་ན། སྣ་ཆེན་འོག་གི་ཁ་དེ་ཁ་ཁ་སྡོད།
བོད་མི་སྤྱི་ལ་ཡིད་ཆེས་མེད་པ་ན། སྤྱི་ཚོགས་ནང་དུ་བསམ་འཆར་མ་གསུགས་རོག
ཨ་ལྷོ་ཕྲུག་ང་འདི་ན་ཡོད།
སྐམ་ན་གཡེར་ཆུ་མི་འཐུང་ལེ། གྲེ་སེར་འབྲོང་གིས་ཡ་མཚན་རེད། རིག་ལོག་སླུ་ཁྲིད་མི་ཐུབ་ལེ། ཅོ་རེ་ང་ཡིས་ཁྱད་ཆོས་རེད།
ཨེ་ལྷོ་ཕྲུག་ ངས་ཁྱོད་ཀྱིས་༧གོང་ས་མཆོ་གངོ་ཚབ་ཡིན་པ་ཁས་ལེན་མི་འདུག་ཞུ་གི་མེད། བོད་མང་དག་གཅིག་ཁས་ལེན་མི་འདུག་ཟེར་བ་དེ་ཡིན།
སོ་སོའི་སྐྱེ་བོའི་རྣམ་རྟོག་ལ་རྩ་བ་བརྟེན་པའི་ཚུལ་གསུམ་རྟོག་གེ་རིག་པ་དེ་ཁས་ལེན་མེད་པའི་ལྟ་བ་ལ་གནོད་པའི་ལག་ཆ་བྱེད་ག་ལ་རུང་།
རང་ཉིད་དམ་བཅའ་རང་གིས་ཤེས་པ་གྱིས
བོད་མི་ཕལ་ཆེར་གྱིས༧གོང་ས་མཆོག་བོད་མི་ངོ་ཚམ་ཡིན་པ་ཁས་བླངས་པ་ལ། སངས་རྒྱས་ཡིན་པ་རྟོགས་དགོས་པ་ཐལ།
བོད་མི་ཕལ་ཆེར་གྱིས་༧གོང་ས་མཆོག་བོད་མི་ངོ་ཚབ་ཡིན་པ་ཁས་བླངས་པ་ལ། ༧གོང་ས་མཆོག་གི་དགོངས་པ་ཚང་མ་རྟོགས་དགོས་པ་ཐལ།
དགོས་ན། སྣ་བོ་ཆེ་ནས་༧གོང་ས་མཆོག་གི་དགོངས་པ་ཚང་མ་རྟོགས་པ་ཐལ། བོད་མི་ངོ་ཚབ་ཡིན་རྟོགས་པ་ཁས་ལེན་ཕྱིར།
མི་དགོས་ན་སྐུ་ཉིད་ནས་ཀྱང་ཁས་མི་ལེན་པ་ཐལ། དེའི་ཕྱིར།
ཅོ་རེ་ལགས་ད་ལྟ་རང་འདི་པ་ཡོད།
ད་སྨྲ་ལྕེ་ཐོགས་སོང་བ་ཅི་བྱས་པ་རེད།
གོང་གི་དྲི་བ་དེ་དག་ལ་ལན་ཞིག་ཐོབ་དང་། ལྷོ་ཕྲུག་སྣ་བོ་ཆེས་༸གོང་ས་མཆོག་བོད་མི་ས་ཡ་དྲུག་གི་ཚབ་མཚོན་དུ་འདོད་ཀྱི་ཡོད་མེད་ལམ་ཙམ་ཁོང་དུ་ཆུད་ངེས་ཡིན།
བོད་མི་ཕལ་ཆེར་གྱིས་༸གོང་ས་མཆོག་སངས་རྒྱས་ཡིན་པར་ཁས་ལེན་བྱེད་ཀྱིན་ཡོད་པ་རེད།
འོན་ཀྱང་སངས་རྒྱས་ཡིན་སྟངས་ཇི་བཞིན་ཤེས་ཀྱི་ཡོད་དམ།
བོད་མི་ཕལ་ཆེར་གྱིས་༸གོང་ས་མཆོག་བླ་མ་ཡིན་པར་ཁས་ལེན་བྱེད་ཀྱིན་ཡོད་པ་རེད།
བླ་མ་ཡིན་སྟངས་གསལ་པོ་ཞིག་ཤེས་ཀྱི་ཡོད་ན།
བོད་མི་ཕལ་ཆེར་གྱིས་༸གོང་ས་མཆོག་སྤྲུལ་སྐུ་ཡིན་པར་ཁས་ལེན་གྱིན་ཡོད་པ་རེད།
སྤྲུལ་སྐུ་ཟེར་ན་ཅི་རེད། འདིའི་ཡིན་སྟངས་ཇི་བཞིན་ཤེས་ཀྱི་ཡོད་ན།
བོད་མི་ཕལ་ཆེར་གྱིས་༸གོང་ས་མཆོག་བོད་མིའི་ཚབ་མཚོན་གྱི་མི་སྣ་གཅིག་པུ་དེ་ཡིན་ཟེར།
བོད་མིའི་ཚབ་མཚོན་ཡིན་པའི་ཡིན་སྟངས་གཙང་མ་ཞིག་ཁོང་ཚོར་བཤད་རྒྱུ་ཨེ་ཡོད།
བོད་མི་ཕལ་ཆེར་གྱིས་༸གོང་ས་མཆོག་གི་དགོངས་པ་གཏིང་ཟབ་ཅིང་རྒྱ་ཆེ་བ་ཡིན་ཟེར།
གཏིང་ཟབ་སྟངས་དང་རྒྱ་ཆེ་སྟངས་གསལ་པོ་ཞིག་ཤེས་ཀྱི་ཡོད་ན།
བོད་མི་ཕལ་ཆེར་གྱི་༸གོང་ས་མཆོག་ལས་བཀའ་དྲིན་ཆེ་བ་ཞིག་མེད་ཟེར།
བཀའ་དྲིན་ཆེ་རབས་དེ་གསལ་པོ་ཞིག་ཤེས་ཀྱི་ཨེ་ཡོད།
ཁོང་ཚོར་དྲི་བ་རེ་འདྲི་བའི་སྐབས་ཡིན་སྟངས་ཡིན་ལུགས་དངོས་པོ་ལ་གནས་པ་ནང་བཞིན་ཞིག་ཁ་འདར་མི་དགོས་པ་ལྕེ་ཐོགས་མི་དགོས་པར་བཤད་རྒྱུ་དང་བསམ་རྒྱུ་ཡོད་ན་འགྲིག་པ་རེད། དེ་ལྟར་དགོས་ངེས་ཀྱང་རེད།
འོན་ཀྱང་ཕལ་ཆེར་ཞིག་ལ་རྒྱབ་ལྗོངས་བསྔོག་ཏུ་ཕྱིན་ན་ཁས་ལེན་ཙམ་ལ་ལུས་འགྲོ་མ་གཏོགས་དེ་ལྟར་ཁས་ལེན་དགོས་པའི་རྒྱུ་མཚན་ལ་ངེས་པ་དྲངས་མཁན་ཞིག་ཁག་སེ་མིན་འགྲོ།
ཅོ་རེ་ཉི་མ་རང་ཉིད་རིགས་པའི་རྗེས་འབྲངས་ཡིན་པར་ཁ་ཕོ་སྒྲོག་མཁན་ཞིག་ལ་མཛུབ་མོ་རི་སྟོན་བྱེད་དགོས་པ་འདི་ཁྱོད་ངོ་མི་ཚ་ཡང་ང་འཚེར་གྱི་འདུག་དཱ།
ཨ་རོགས་ཅོ་རེ།
༸གོང་ས་མཆོག་བོད་མི་ས་ཡ་དྲུག་གི་ཚབ་མཚོན་མིན་པ་ཞིག་ངས་བརྗོད་རྒྱུ་བཞག་ནས་སེམས་ནས་ཀྱང་བསམ་མ་མྱོང་། དམར་དམར་བརྗེན་བརྗེན་གྱི་སྐད་ཆ་གསལ་པོ་འདི་འདྲ་ཞིག་གི་བཤད་ཕྱོགས་དང་གཟས་ཕྱོགས་ཙམ་ཡང་གོ་རྒྱུའི་ནུས་པ་མེད་པར་རིགས་པའི་རྗེས་འབྲངས་ཡིན་ན་གཅིག སྨྱོན་པ་རང་རེད།
སོ་སོའི་སྣང་བ་མ་དག་པའི་མཐོང་ཚུལ་དེ་གཞན་གྱི་འདོད་པ་ཡིན་པའི་ཧམ་འགྲེལ་མ་བྱེད་ལཱོ། ཆོ་མེད་པ་རང་རེད།
སླ་ཡང་ལྷོ་ཕྲུག་ལགས་སུ་ཞུ་རྒྱུ། རྒྱ་ནག་སྲིད་འཛིན་ཧུང་ཅིང་ཐོ་ཡི་རྒྱ་ནག་མི་མང་གིས་ངོ་ཚབ་མཚོན་ཐུབ་པ་ཐལ། མི་འདོད་ན།
ཨ་མེ་རི་ཀའི་སྲིད་འཛིན་ཨོ་བྷ་མས་ཨ་རི་མི་མང་གིས་ངོ་ཚབ་མཚོན་ཐུབ་པ་ཐལ། མི་འདོད་ན། འཛམ་གླིང་འདི་ལ་མི་མང་གི་ངོ་ཚབ་མཚོན་ཐུབ་པའི་མི་ཞིག་མེད་པ་ཐལ། མི་འདོད་ན། ༧གོང་ས་མཆོག་གིས་ཡང་བོད་མིའི་ངོ་ཚབ་མཚོན་ཐུབ་པ་ཐལ། གཅིག་མཚུངས་ཡིན་པའི་ཕྱིར། འདོད་ན། རྩ་བའི་དམ་བཅའ་ཚ་ཚཚཚཚཚ།
ལྷོ་ཕྲུག་སྣ་བོ་ཆེ་མཆོག་ལགས།
༧གོང་ས་མཆོག་བོད་མི་ས་ཡ་དྲུག་གི་ངོ་ཚབ་མིན་པ་རྒྱ་ནག་དམར་པོའི་སྲིད་གཞུང་དང་ལྷོ་ཕྲུག་སྣ་བོ་ཆེ་གཉིས་ཀྱིས་རྣམ་མཁྱེན་གྱི་ཡུལ་དུ་འཆར་ན་མ་གཏོགས་ང་ཅོ་རིའི་ལོག་ཤེས་ཡུལ་དུ་འཆར་ག་ལ་ཐུབ།
དེ་རྟེན་ལྷོ་ཕྲུག་མཆོག་ནས་ཅོ་རི་ངའི་ལོག་རྟོག་སེལ་བའི་༧གོང་ས་མཆོག་བོད་མི་ས་ཡ་དྲུག་གི་ངོ་ཚབ་མིན་པའི་དངོས་སྟོབས་རིག་པའི་སྒྲུབ་བྱེད་ཞིག་བཀོད་རོག སྐུ་ཉིད་ནས་ངས་བྲིས་པ་ཀློག་མི་འདོད་པ་ཤེས་སོང་།
དམན་བུ་མོས་འདན་མ་འདོད་ལེ་མིན། གླིང་འདན་མ་ཤ་རྩ་སྔོ་བའི་རེད། ལྷོ་སྣ་ཆེས་ཅོ་རི་འདོད་ལེ་མིན། ང་ཅོ་རི་རིག་པའི་རྗེས་འགྲོ་རེད།
ལགས་གསོལ་
ཅོ་རི་ཉི་མ་ལགས།
ཡི་གེ་འབྲི་དུས་དག་སྡེབ་ལ་ཐུགས་གཟབ་གནང་རོགས།
ཀློག་འདོད་ཡོང་གི་མི་འདུག
ཅོ་རི་ཉི་མ་ལགས།
རང་གི་འཆར་སྒོའི་ནང་ཤར་མ་མྱོང་བའི་དོན་དང་གནས་ཚུལ་འདྲ་གོ་ཐོས་བྱུང་དུས་ལམ་སང་བདེན་ཁ་སྟེར་མི་འདོད་པའི་ཐོག་ད་དུང་སྡུག་ས་ནས་ཁ་གཉེར་སྣ་གཉེར་བྱེད་རྒྱུ་འདི་ཀུན་ལ་ལྷན་སྐྱེས་སུ་མངའ་བའི་གཤིས་ཀ་ཞིག་ཡིན།
གནས་ལུགས་ཤོད་པར་ཨེ་ཤ་ཡ་རླུང་འཕྲིན་ཁང་ལ་འགྲོ་དགོས་དོན་མེད། འདིར་བཤད་ན་འགྲིག་གི་འདུག
དངོས་ཡོད་ལ་༸གོང་ས་མཆོག་བོད་མི་ས་ཡ་དྲུག་གི་ངོ་ཚབ་ཡིན་མིན་གྱི་གནད་དོན་འདི་དང་གཅིག།
བོད་པ་ཚོས་དེ་ལྟར་ཁས་ལེན་མིན་དང་གཉིས།
བོད་པ་ཚོས་གནས་ཚུལ་དེའི་རྒྱབ་ལྗོངས་ཀྱི་འགྲོ་ལུགས་དང་རྒྱུ་མཚན་སོགས་ཤེས་ཀྱི་ཡོད་མེད་དང་གསུམ་སྟེ་དོན་དག་འདི་གསུམ་ལ་སོ་སོའི་ས་ན་མི་འདྲ་བའི་འགྲོ་སྟངས་རེ་ཡོད་པ་དེ་ཤེས་པ་བྱེད་དགོས།
ཉ་དང་ཉུང་མ་མཉམ་བསྲེས་བྱས་ཏེ་འུར་སྐད་ཅིག་བརྒྱབས་པས་ཕན་རྒྱུ་ཞིག་ཅང་མེད།
༧མགོན་པོ་གང་ཉིད་ཀྱིས་བོད་མའི་ངོ་ཚབ་མཚོན་ཐུབ་མིཐོབ་་སྟོང་ལོ་བརྒྱད་པ་ལ་གཞིས་བྱེས་གཉིས་ཀྱིས་ཞི་རྒོལ་ཆེན་མོ་ལ་བསམ་ན་སུ་ཡིན་ན་ཤེས་ཐུབ་།
ཡིན་ཡང་ འདི་འདྲ་བྱེད་པ་ནི་ཆབ་སྲིད་ཀྱི་ངོ་བོ་ཞིག་རེད་སྙམ།
༧མགོན་པོ་གང་ཉིད་ཀྱིས་བོད་མའི་ངོ་ཚབ་མཚོན་ཐུབ་མིཐོབ་་སྟོང་ལོ་བརྒྱད་པ་ལ་གཞིས་བྱེས་གཉིས་ཀྱིས་ཞི་རྒོལ་ཆེན་མོ་ལ་བསམ་ན་སུ་ཡིན་ན་ཤེས་ཐུབ་།
ཡིན་ཡང་ འདི་འདྲ་བྱེད་པ་ནི་ཆབ་སྲིད་ཀྱི་ངོ་བོ་ཞིག་རེད་སྙམ།
ལྷོ་ཕྲུག་སྣ་བོ་ཆེན་ལགས།
གོང་ས་རྒྱལ་བ་རིན་པོ་ཆེན་ནས་བོད་མི་ས་ཡ་དྲུག་གི་ངོ་ཚབ་མཚོནཐུབ་མིན་དེ་བོད་མི་མང་དག་ཞིག་ལ་ཁ་ཚ་དགོས་གཏུགས་ཀྱི་འགྲེལ་བཤད་རྒྱབ་དགོས་པའི་དུས་ལ་སླེབས་ཡོད་ན། བོད་མི་མང་དག་ཞིག་གིས་གོང་ས་རྒྱལ་བ་རིན་པོ་ཆེན་བོད་མི་ས་ཡ་དྲུག་གི་ངོ་ཚབ་ཁས་མ་བླང་པ་རེད་དམ། དེ་མི་ཁྱོད་ལ་འགྲེལ་བཤད་་ཞིག་རྒྱབ་རྒྱུ་ཡོད་ན་ཨེ་ཤེ་ཡ་རང་དབང་རླུང་འཕྲིན་ཁང་གི་རང་དབང་གི་གླེང་མོ་ནང་ཕེབས་དང་བོད་རྒྱ་ཆེན་མི་དམངས་ཀྱི་མདུན་དུ་ཕྱི་གསལ་ནང་གསལ་གྱི་གླེང་མོ་ཞིག་བྱེད་ཆོག དེ་མིན་ན་སྥྲང་ཁ་ཙམ་ནས་སྡོད་།
འཇིག་རྟེན་གྱི་ཁ་རྒྱུན་ལ། མི་འཕུང་དགུ་འཕུང་ཁ་གིས་འཕུང་། ར་མ་རྒྱ་མོ་ཚིལ་གྱིས་འཕུང་།་་་་་་་་་་་་་་་་་་་་་་་་གུས་པ་ཅོ་རི་ཉི་མ་ནས།་
http://www.youtube.com/watch?v=8cKLwtEZzlA&feature=related
འབྲེལ་ཐག་འདི་ལ་ཚང་མས་གཟིགས་རོགས་ཞུ།
བདེ་བ་ཅན་གྱིས་གསུང་པ་དེ་དངོས་འབྲེལ་རེད། ༸ གོང་ས་སྐྱབས་མགོན་ཆེན་པོ་མཆོག་བོད་མིའི་བླ་ན་མ་མཆིས་པའི་དབུ་འཁྲིད་གཅིག་པུ་དེ་རང་ཡིན་པ་དེ་གཞིས་བྱེས་བོད་རིགས་ཡོངས་ཀྱི་མ་གྲོས་བསམ་པ་གཅིག་མཐུན་གྱིས་སྒོ་ནས་ངོས་འཛིན་བྱེད་བཞིན་ཡོད་མུས་རེད།
ངོས་འཛིན་བྱེད་ཀྱིན་མེད་པའི་རྒྱ་ནག་ལ་དྲང་བདེན་གྱིས་ལན་འདེབས་གསལ་སྟོན་གནང་བ་དེ་རྒྱུ་མཚན་དང་ལྡན་པ་རེད་ལ་རྒྱ་ནག་ལ་འགྲེལ་བཤད་ངེས་པར་དུ་རྒྱག་དགོས།
༸གོང་ས་མཆོག་གིས་བོད་མིའི་ངོ་ཚབ་མཚོན་མི་ཐུབ་ཅེས་པའི་རྒྱུ་མཚན་དང་རྒྱབ་ལྗོངས་ཀྱི་འགྲེལ་བཤད་འདི་གོང་གསལ་བོད་གཞུང་ནས་ལན་འདེབས་གནང་བ་ལྟར་གང་ལེགས་བྱུང་འདུག ངའི་ལྟ་ཚུལ་བྱས་ན་གང་གསལ་དྲ་གྲོགས་གཉིས་ནས་གསུངས་པ་ལྟར་བོད་ མི་མང་དག་ཅིག་ལ་འགྲེལ་བཤད་བརྒྱབ་དགོས་ཀྱི་འདུག་ཅེས་པའི་མིང་ཚིག་འདིར་འདོད་པ་མེད། བོད་རིགས་བརྒྱ་ཆ་དགུ་བཅུ་གོ་དགུ་ཙམ་ནས་ཡོངས་སུ་ཁས་ལེན་དང་ངོས་འཛིན། དད་མོས་ཡོད་དེ་གཙུག་ཏུ་བཀུར་བཞིན་པ་ཞིག་ཡིན་པས་མང་དག་ཞིག་ལ་སློབ་གསོ་རྒྱག་དགོས་ཟེར་བ་དེ་སྟོང་གཏམ་རེད་འདུག དེར་རྒྱུ་མཚན་གང་ཡང་མི་འདུག གལ་སྲིད་བོད་མི་མང་དག་ཞིག་ལ་༸གོང་ས་མཆོག་གི་བོད་མ་ིའི་ངོ་ཚབ་མཚོན་ཐུབ་ཀྱི་ཡོད་མིན་གྱི་འགྲེལ་བཤད་བྱ་དགོས་པའི་དུས་ལ་སླེབས་སྐབས་དེ་ནི་ཧ་ཅང་ཉེན་ཁ་ཅན་ཞིག་རེད། ད་ལྟའི་དེ་འདྲའི་དུས་སུ་སླེབས་མེད། ཁ་ཤས་ཤིག་གིས་གནས་ཚུལ་རྒྱུས་ལོན་མ་ཐུབ་པའི་རྐྱེན་གྱིས་ཡིན་ནམ། ཡང་ན་ཆེད་དུ་བྱེད་པ་ཡིན་གོ་མ་ཚོད་ཁུལ་བྱ་མཁན་རེ་ཟུང་ཡོད་སྲིད་པ་ཞིག་རེད། འོན་ཏེ་དེ་ལྟའི་མང་དག་ཞིག་ལ་འགྲེལ་བཤད་བྱ་དགོས་པའི་དུས་ལ་བབས་མེད། ཡིན་ནའང་རྒྱ་ནག་གཞུང་གིས་རྫུན་གཏམ་སྒྲོགས་བཞིན་པ་དེ་དག་ལ་འགྲེལ་བཤད་མུ་མཐུད་དགོས་རྒྱུ་གལ་ཆེན་པོ་འདུག
རྒྱ་མས་བཤད་ཚད་ལ་ང་ཚོས་ལན་བརྒྱབས་ལེ་མ་རེད།སྨྱོན་པས་གང་རེས་ཡིན་ན་བཤད་ཡོང་གི་རེད།ཡིན་ན་ཡང་འཚམས་རེར་ལན་མ་བརྒྱབས་ན་ཡང་ཁོང་ཚོས་སྐྱག་རྫུན་གིས་་སྐྱོག་ལངས་འགྲོ་བསྡད་པ་དེ་རེད་ད།
ངས་བལྟས་ན་༸གོང་ས་མཆོག་ནས་བོད་མིའི་ངོ་ཚབ་མཚོན་ཐུབ་མིན་གྱི་རྒྱུ་མཚན་དང་རྒྱབ་ལྗོངས་ཀྱི་འགྲེལ་བཤད་འདི་བོད་པ་མང་དག་ཅིག་ལ་བརྒྱབ་དགོས་རྒྱུ་དེ་ཁ་ཚ་དགོས་གཏུགས་མིན་འགྲོ་བསམ་གྱི་འདུག
བོད་པ་མང་པོ་ཞིག་གིས་འདི་མགོ་ཚོས་ཀྱི་མི་འདུག་གཱ
ལྷོ་ཕྲུག་སྣ་བོ་ཆེ་ལགས་ཀྱིས་གོང་དུ་འདི་ལྟར་གསུངས་པ་དེར། དངོས་ནས་བསམ་བློ་གཏོང་དགོས་པ་ཞིག་ཆགས་ཡོད། བོད་པ་རང་གིས་རང་ངོ་ཟིན་རྒྱུ་དེ་ནི་ཐོག་དང་བོའི་གོམ་པ་སྤོ་སྟངས་ཤིག་རེད། དེ་ནས་ལྟ་རྒྱུ་ཞིག་རེད།
༸གོང་ས་མཆོག་གིས་བོད་མིའི་ངོ་ཚབ་མཚོན་ཐུབ་མིན་ཐད་ང་ཚོས་ལོ་རྒྱུས་ཀྱིས་ཁུངས་དྲངས་ནས་འགྲེལ་བཤད་བྱེད་དགོས་དོན་ཞིག་མི་འདུག
གནད་དོན་འདི་ང་ཚོ་ལས་ཀྱང་ཁོ་རང་ཚོས་མགོ་ཡག་ག་ཚོས་ཀྱི་ཡོད། མགོ་ཚོས་ཀྱི་མེད་ན་ད་རིང་ཞོགས་པ་དུས་བབ་གསར་འགྱུར་ནང་བཀོད་པ་ལྟར་བོད་ནང་གྲྭ་བཙུན་རྣམས་ལ་ཁ་བྲལ་ལ་ངོ་རྒོལ་དང་མེས་རྒྱལ་ལ་དགའ་ཞེན་བྱེད་དགོས་པའི་ཨུ་ཚུགས་འདི་ག་རེ་བྱས་ནས་བརྒྱབས་དགོས་ཀྱི་ཡོད་པ་རེད། བྱེད་སྟངས་འདི་ཚོ་༸གོང་ས་མཆོག་གིས་བོད་མི་རིགས་ཀྱི་ཚབ་མཚོན་ཐུབ་ཀྱི་ཡོད་པ་དེ་མགོ་ཚོས་ནས་བྱེད་ཀྱི་ཡོད་རེད་པཱ།
ཡིན་ནའི་ལན་འདེབས་ཤིག་བྱེད་རྒྱུ་འདི་ཡང་གནད་དོན་མི་ཤེས་པར་གཡམ་རྒྱུག་བྱེད་མཁན་ཚོར་ཕན་གྱི་རེད།
ངས་བལྟས་ན་༸གོང་ས་མཆོག་ནས་བོད་མིའི་ངོ་ཚབ་མཚོན་ཐུབ་མིན་གྱི་རྒྱུ་མཚན་དང་རྒྱབ་ལྗོངས་ཀྱི་འགྲེལ་བཤད་འདི་བོད་པ་མང་དག་ཅིག་ལ་བརྒྱབ་དགོས་རྒྱུ་དེ་ཁ་ཚ་དགོས་གཏུགས་མིན་འགྲོ་བསམ་གྱི་འདུག
བོད་པ་མང་པོ་ཞིག་གིས་འདི་མགོ་ཚོས་ཀྱི་མི་འདུག་གཱ།