ཉེས་རྡུང་བཏང་སོང་ཟེར།

དྲྭ་གྲོགས་ཚོ། དགེ་རྒན་ལེན་པ་རེད་དམ། ཡང་ན་སླྲོབ་ཕྲུག་ལེན་པ་རེད། ཁྱེད་རྣམས་ཀྱིས་ཞིབ་འཇུག་ཡག་པོ་ཞིག་བྱས་ནས་དྲྭ་ཐོགས་ལ་བཀོད་ན་ལེགས། དེ་དུས་ང་ཚོའི་ཐག་བཅད་ཡག་པོ་ཞིག་བྱེད་འོང་།
ད་ལྟ་ཐག་བཅོད་བྱེད་ཐུབ་ས་མ་རེད།

ཝར་ན་ནས་པར་བའི་ཟམ་གདོང་ཚང་གི་གསུང་བཤད་དེབ་དམར་ལྡང་མ་བོད་དབྱིན་ཤན་སྦྱར་ཅན་དེའི་ནང་དུ་བོད་སློབ་ཁག་ཏུ་དགེ་རྒན་གྱིས་སློབ་ཕྲུག་ལ་ཉེས་རྡུང་རྩ་ནས་བཏང་མི་ཆོག་ཅེས་གསལ་བོར་བྲིས་འདུག

སྨར་དྷི་ཟེར་བ་ལགས་ཀྱི་བསམ་འཆར་མང་དག་ཞིག་མཐོང་བ་རྟེན་ངས་བསམ་ཚུལ་འགལ་ཞིག་བརྗོད་འདོད་བྱུང་། མ་གཞི་ཁོང་གིས་བཤད་པ་དེ་ཚོར་ལ་དགའ་པོ་བྱས་མཁན་མང་པོ་མི་འདུག་པ་བཞིན་ང་ཡང་གཅིག་མཚུངས་ལ་འོན་ཀྱང་ངག་དབང་གིས་བྱས་སྟངས་དེ་ལ་སྐྱུག་བྲོ།
གང་ཡིན་ཞེ་ན་ང་ཚོའི་བོད་པའི་སྤྱི་ཚོགས་འདི་ད་ལྟ་བར་དུ་མུན་ཁུག་ནང་ལག་པ་རྐྱོང་ནས་སྡོད་དགོས་བྱུང་བ་དེ་ཁྱེད་ཀྱི་བྱས་སྟངས་འདི་དག་ལྟ་བུ་བསྟུན་མ་བྱུང་བའི་སྐྱོན་རེད། སྨར་དྷི་ཟེར་ལགས་ཀྱི་བསམ་འཆར་དག་མཐོང་བ་ཙམ་གྱིས་སྐྱོན་དུ་མ་གཟིགས་པ་པ་སེམས་ལྷོད་དུ་བབས་ནས་ལེགས་ཉེས་དཔྱོད་དགོས་པ་གལ་ཆེར།

གོང་གི་ངག་དབང་ཞིག་པ་ལགས་ཁྱེད་ཀྱི་ངའི་མཆན་བུ་རྣམས་དཔར་ཤུས་བྱེད་
པས་དབང་ཚད་སུ་སྤྲོད་སོང་། མ་གཞི་ཁྱེད་རང་འོས་མེད་ཀྱི་བྱོས་ཏོག་མ་བྱེད་ངའི་མཆན་བུ་དེ་གང་བཞག་པ་
དང་གང་བརྗོད་པ་ངའི་དབང་ཚད་ཡིན་པ་ལས་ཁྱེད་དེར་ཐུགས་ཁུར་གཏན་ནས་གནང་དགོས་དོན་མེད། ཁྱེད་ཀྱི་སྤྱི་ཚོགས་ནང་བཀྲོག་གཏམ་ཞིག་སྤེལ་འདོད་འདུག་གམ་
གལ་སྲིད་ཁྱེད་ཀྱི་ངར་བཤད་རྒྱུ་ཡོད་ན་ངེད་གཉིས་མཉམ་དུ་འཛོམས་མཆོག ཡང་ན་གློག་ཕྲིན་འདི་སྒང་ནས་བཤད་ཆོག yangchenrolpe_w@yahoo.com འདིའི་ཐོག་བཤད་ན་མཐུས་་རྒྱུ་དེ་དོན་དགོངས་འཇགས་འཚལ།

དྲྭ་གྲོགས་སྨེར་དྷི་ཟེར་ལགས་ཀྱིས་མཆན་བུ་ཁག་པར་བཤུས་བྱེད་དེ་རང་སོར་གཤམ་དུ་བཀོད་ཡོད།
བདེ་ཆེན་སྤེན་པ་ལགས་པེ་ཅིན་དུ་བསྡད་པའི་ཉམས་མྱོང།
སྨར་དྷི་ཟེར།
༢༠༠༩/༡༡/༠༨ ཉིན་འདོན་སྤེལ་བྱས། མོ་རང་བོད་ཀྱི་གཞོན་ནུ་ཚོགས་པའི་འབྲེལ་ཐུད་པ་ཡིན་མི་འདུག་ཀྱང་བོད་རང་བཙན་སློབ་ཕྲུག་ཚོགས་པའི་འབྲེལ་ཐུད་པ་ཡིན་ཙམ་རྒྱ་གཞུང་གིས་འདྲ་པོ་བཤད་འདུག

སྨར་དྷི་ཟེར།
༢༠༠༩/༡༡/༡༠ ཉིན་འདོན་སྤེལ་བྱས། དགེ་རྒན་གྱིས་ཉེས་རྡུང་བཏང་སོང་ཟེར།
དགེ་རྒན་དེ་གཟེང་རྟགས་རགས་མིན་ལ་མ་ལྟོས་པ་དགེ་རྒན་དེ་རྒྱ་གར་ལ་མཚར་ལོང་བྱེད་མཁན་ཞིག་ཡིན་པ་གཏན་ཁེལ་བྱས་ཙམ་དེ་ཚོ་རིགས་ལ་དཔྱོད་པ་ཁྱོན་
ནས་ཡག་པོ་ཡོད་མ་རེད་
གསར་འགོད་པར་སྟངས་འཛིན།

སྨར་དྷི་ཟེར།
༢༠༠༩/༡༡/༠༦ ཉིན་འདོན་སྤེལ་བྱས། འཛམ་གླིང་ནང་དམངས་གཙོ་མཚན་ཉིད་ཆ་ཚང་ཡོད་མཁན་རྒྱ་གར་ཡིན་ཞེས་ཆེར་ཆེར་སྒྲགས་པ་དེ་ད་་དོན་ལ་གནས་མ་སོང་གང་འདྲ་ཡིན་ན་ཀྲུང་སྒོར་མི་ཉུང་བ་ཞིག་རྒྱ་གར་གྱི་དཔོན་ཆེན་ཁག་གཅིག་གི་ཨ་བག་ནང་འཛུལ་པ་མིན་འགྲོ་སྙམ།

ངོས་ནས་རང་བཙན་རྩོད་ཀྱིན་མེད།
སྨར་དྷི་ཟེར།
༢༠༠༩/༡༡/༠༦ ཉིན་འདོན་སྤེལ་བྱས། གོང་ས་མཆོག་གལ་སྲིད་སྐུ་མ་བཞུགས་ནས་ སླར་ཡང་སྲིད་ཞིག་འཁྲུངས་ནའང་ངས་བོད་རང་བཙན་བརྩོད་ཀྱི་མེད་ཞེས་པ་
དེས་བག་ཆག་སད་དེ་མ་བསྐུལ་བཞིན་གསུང་བྱོན་རྒྱུ་ཡིན་པར་ཐེ་ཚོམ་གཏན་ནས་མེད་ལ་ཡང་སྲིད་འཁྲུལ་བྲལ་ཞིག་བརྙེད་པ་ལ་སྔོན་ནས་རྗེས་དྲན་གྱི་ཚད་མ་ཡག་ཤོས་གཅིག་ཆག་རྟེན་ཁེལ།་ ཁོང་གི་ག་ཚད་གསུང་ཀྱང་དགྲ་བོ་རྒྱ་དམར་ནི་ཡིད་གཏན་ནས་ཆད་མེད་ནའང་
སྐྱོན་མི་འདུག་
གསོན་པར་གནས་པའི་སེམས་ཤུགས་བསྐྱེད་རོགས།
སྨར་དྷི་ཟེར།
༢༠༠༩/༡༡/༠༨ ཉིན་འདོན་སྤེལ་བྱས། སྐྱབས་སུ་མཆི། བླ་མའི་མཛད་པར་ཇི་ལྟར་བསྟན་ན་ཡང་།
ངོ་མཚར་མེད་པ་རབ་ཏུ་འཕེལ་འགྱུར་ཅིག
ཅེས་གསུངས་པ་དེ་ཅི་མི་བདེན།
ལྷ་སའི་གནས་སྟངས་ད་ལྟའང་ཛ་དྲག་རེད་ཟེར།
སྨར་དྷི་ཟེར།
༢༠༠༩/༡༡/༠༨ ཉིན་འདོན་སྤེལ་བྱས། བླ་མ་མཁྱེན། ཡིན་ནའང་དམག་མི་ཡོད་པ་དང་འགྲོ་བ་ཙམ་ལ་ང་ཚོ་ཡ་མཚན་སྐྱེ་དོན་མི་འདུག་ ཁོང་ཚོ་ལ་ང་ཚོས་རྙོག་ཀྲ་བཤད་ན་མ་གཏོགས་གནོད་བྱེད་ཀྱི་མི་འདུག་ དེ་ནི་ང་རང་གི་དངོས་སུ་མཐོང་པའི་གནས་ཚུལ་ཡིན།
བོད་ནང་གི་འགྲོ་བ་མིའི་ཐོབ་ཐང་གི་གནས་སྟངས
སྨར་དྷི་ཟེར།
༢༠༠༩/༡༡/༠༦ ཉིན་འདོན་སྤེལ་བྱས། དྲྭ་གྲོགས་ནོར་གླིང་གི་གཏམ་དེ་གོ་ཡ་འདུག་་ཁ་སྔོན་ནོར་བུ་གླིང་ཁ་མཛད་རྣམ་
རྩོམ་སྒྲིག་ཚོགས་མི་མཚན་ཐོ་མཐོང་མ་ཐག་ཏུ་བེ་འཇིག་གི་མཚན་དེ་མེད་པ་འགྱུར་དུས་ཅི་ཡིན་མི་ཤེས་པ་དོག་གཞི་ཞིག་སྐྱེས་སོང་་་་་་་མཛད་རྣམ་སྐོར་གྱི་གསར་
འགྱུར་མཐར་དྲི་བ་ཞིག་ཕུལ་ཡིན་འོན་ཀྱང་སུ་གང་གི་ལན་སྤྲོད་མ་སོང་བློ་ཕམ་
བྱུང་དེའི་ཐད་དངོས་ཉིད་མང་ཙམ་གླེང་གློང་བྱེད་མཁན་ཡོད་ན་དགའ་བསུ་ཡོད།

གསོན་པོར་གནས་པའི་སེམས་ཤུགས་བསྐྱེད་དགོས།
སྨར་དྷི་ཟེར།
༢༠༠༩/༡༡/༠༨ ཉིན་འདོན་སྤེལ་བྱས། སྐྱབས་སུ་མཆི། བླ་མའི་མཛད་པར་ཇི་ལྟར་བསྟན་ན་ཡང་།
ངོ་མཚར་མེད་པ་རབ་ཏུ་འཕེལ་འགྱུར་ཅིག
ཅེས་གསུངས་པ་དེ་ཅི་མི་བདེན།

ད་དུང་ཁོང་གིས་མཆན་བུ་ཡོངས་རྫོགས་བཀོད་ཐུབ་མ་སོང་བས་དགོངས་འགལ་མེད་པར་མཛོད།
འདི་ནི་དཔེ་མཚོན་ཙམ་རེད།

ང་ཚོ་བོད་མི་ཚོའི་གཤིས་ཀར་གནས་ཚུལ་ལ་བརྟགས་བྱེད་རྒྱུ་ལས་སེམས་ལ་དྲན་ཚད་ཀྱིས་གཏམ་བཤད་བྱེད་རྒྱུར་དགའ་བ་དེའང་དེ་འདྲའི་གཤིས་ཀ་ཡག་པོ་ཞིག་མ་རེད་བསམ། མ་གཞི་དགེ་རྒན་གྱིས་སློབ་ཕྲུག་ལ་དེ་འདྲའི་ཉེས་བརྡུང་ཚབ་ཆེན་
ཞིག་བཏང་ཡོད་པ་དངོས་ཡོད་ཡིན་ཚེ་དེ་ནི་ངེས་པར་དུ་ཐག་གཅོད་ཡག་པོ་དང་ལྷོད་གཡེང་ལ་གཏོང་མི་རུང་བའི་གནས་ཚུལ་ཞིག་རེད།དེ་དང་ཆབས་གཅིག་བཤད་འདོད་པ་ཞིག་ནི་འདིར་མཆན་འདེབས་མཁན་ཚོས་ངོས་ནས་ཀྱང་བསམ་བློ་གཏོང་ས་ཡོད་པའི་མཆན་འདེབས་པའང་གལ་ཆེན་པོ་རེད། གཞན་འདིར་མིང་རྫུན་མ་རེ་ཁྱེར་ཡོང་ནས་སྤྱི་ཚོགས་དང་བོད་མིའི་ནང་ཁུལ་ལ་དཀྲུགས་ཤིང་
ལྟ་བུར་བཟོ་མཁན་ཡང་མང་པོ་ཞིག་འདུག། དེ་དག་གི་ཀུན་སློང་ངན་པ་ཞིག་ཁྱེར་ཡོད་མེད་བཤད་དཀའ་ནའང་དོན་དངོས་ཐོག་ཡག་པོ་ཁྱོན་ནས་མི་འདུག། ཕྱིའི་མི་ཞིག་གིས་བལྟོས་ཚེ་ངོ་ཚ་དགོས་པ་ཞིག་འདུག

དཀོན་མཆོག་མཁྱེན། བོད་ཁྱིམ་སློབ་གྲྭ་ཁག་གི་ནང་སྲིན་མོ་ལྟར་ཁྲོ་ཞིང་རྩི་རྩི་ལྟརརྐུ་མཁན་གྱི་ཁྱིམ་ཚང་ཨ་མ་དེ་ཚོ་ཡང་ངོ་མ་ཞིབ་འཇུག་རེ་བྱས་ན་སློབ་ཕྲུག་དེ་ཚོ་དུས་ཚོད་མང་ཤོས་དེ་ཁྱིམ་ཚང་ཨ་མའི་འགྲམ་སྡོད་དགོས་ཀྱང་དེ་ཚོས་སློབ་སྦྱོང་ཚིག་གཅིག་མི་སྤྲོད་པའི་ཁར་གཤེ་རྡུང་ཁོ་ན་བྱེད་བཞིན་འདུག། ངོ་མ་བཤད་ན་དགེ་རྒན་ལས་ཀྱང་ཁྱིམ་ཚང་ཨ་མ་དེ་ཚོ་ཀྱག་ལང་ཤོར་འདུག

དགེ་རྒན་དེ་གཟེང་རྟགས་རགས་མིན་ལ་མ་ལྟོས་པ་དགེ་རྒན་དེ་རྒྱ་གར་ལ་མཚར་ལོང་བྱེད་མཁན་ཞིག་ཡིན་པ་གཏན་ཁེལ་བྱས་ཙམ་དེ་ཚོ་རིགས་ལ་དཔྱོད་པ་ཁྱོན་
ནས་ཡག་པོ་ཡོད་མ་རེད་

སྤྱིིའི་ཆ་ནས་བཤད་ན་གཤད་རྡུང་ཁོ་ནར་བརྟེན་ནས་སློབ་སྦྱོང་སྤྲད་མི་དགོས་པར། སློབ་གསོ་ལ་བརྟེན་ནས་སློབ་སྦྱོང་ཞིག་སྤྲད་ཐུབ་པ་ཡིན་ན། དེ་ནི་དུས་རབས་དང་མཐུན་ཞིང་སྤྱི་ཚོགས་ཀྱི་ངོས་ནས་ལྟ་སྟངས་ཡག་པོ་ཞིག་ཡོད་པ་མ་ཟད། བདག་གཞན་ཀུན་བདེ་ཞིག་ཡོང་ངེས་རེད། འོན་ཀྱང་། བོད་པའི་སྤྱི་ཚོགས་ལྟ་བུ་ཞིག་ལ་མཚོན་ན། ད་དུང་གཤད་རྡུང་ལ་བརྟེན་ནས་སློབ་སྦྱོང་ཞིག་སྤྲད་མ་ཐུབ་པ་ཡིན་ན། བོད་པ་རྣམས་སློབ་སྦྱོང་གི་ལས་འཇུག་མི་ཤེས་པའི་ཚོར་བ་ཞིག་ཡང་དང་ཡང་དུ་སྐྱེ་ཡོང་གི་འདུག རང་ཉིད་ཀྱི་མཉམ་མྱོང་དང་འབྲེལ་ནས་བཤད་ན་ཡང་། དེང་སང་བཙན་བྱོལ་དུ་ཡོད་པའི་བོད་པའི་བུ་དང་བུ་མོ་མང་ཆེ་བ་ཞིག་གིས་དབྱིན་སྐད་ཐར་ཐོར་རེ་བཤད་ཤེས་པ་དང་། རྒྱ་གར་སྐད་དང་བོད་སྐད་བསྲེས་མ་རེ་བཤད་ཤེས་པ་ཙམ་གྱིས་ཤེས་ཡོན་དུ་རློམ་ནས། མིས་གང་བཤད་སྣང་མེད་དུ་བྱེད་ཀྱིན་པའི་ངང་ཚུལ་འདིས། དགེ་རྒན་ཞིག་ཕར་ཟད། དོན་མེད་ཀྱི་མི་ཞིག་ཀྱང་རང་བཞིན་གྱིས་ཁོང་ཁྲོ་ལངས་ངེས། མདོར་ན། དགེ་རྒན་དེས་སློབ་ཕྲུག་དེ་གསུམ་གཤད་རྡུང་བྱས་པར་དམིགས་བསལ་གྱིས་རྗེས་སུ་ཡི་རངས་བྱེད་ཀྱིན་ཡོད། ངས་དགེ་རྒན་ཁོང་གི་ལྷག་བསམ་ལ་རྒྱབ་སྐྱོར་བྱེད་ཀྱིན་ཡོད།

ཉེ་སྔོན་སྤྲུལ་སྐུ་ཡེ་ཤེས་རྒྱ་མཚོས་དགེ་བསྐོས་བཙན་པོ་ཟེར་བ་ཞིག་གླེང༌། དེ་དང་འདྲ་བ་ཞིག་ལ། བོན་བརྒྱ་བསྟན་འཛིན་རབ་རྒྱས་ནས་གྲྭ་སའི་རྟ་ལྕག་གི་སྐོར་ཞིག་གླེང་བ་རེད། འདི་གཉིས་ནི་དགོན་པའི་ཁྲིམས་བདག་ཚོ་དང་ཁོང་ཚོའི་གཅར་རྡུང་ཡོ་བྱད་རེད། ད་རེས་དགེ་རྒན་བུ་མོ་ཞིག་གིས་བུ་མོ་གསུམ་ལ་རྒྱུག་རྡུང་བཏང་ནས་ཐང་ལ་བསྒྱེལ། ད་དུང་སྨན་ཁང་ལའང་བསྐྱལ། ཛ་དྲག་པོ་ཆགས་པ་བཟོས་པ་རེད། ལྷོ་ཕྱོགས་ན་གཅར་རྡུང་རྒོད་པ་འདྲ། གྲྭ་སའི་རྟ་ལྕག སློབ་གྲྭའི་རྒྱུག་པ། བོད་ཀྱི་སློབ་གསོའི་ལམ་ལུགས་འདི་དམག་སའི་གཡུལ་འཐབ་འདྲ་ཞིག་ཆགས་ཀྱི་ཡོད་པ་རེད་དམ། སྐྱེས་དམན་དེ་དགེ་རྒན་ཡག་པོ་ཡོད་ཟེར་ནས་གཟེངས་བསྟོད་རག ཡང་རླུང་ཚ་བོ་དེས་སློབ་ཕྲུག་ཚོ་སྨན་ཁང་ལ་བསྐྱལ་བསྐྱལ་བར་རྡུང༌། ད་ཉན་མི་ཤེས་བཤད་མི་ཤེས་པ་ཞིག་རེད། བོད་གཞཱུང་གི་ཤེས་ཡོན་སྲིད་བྱུས་ཀྱི་ནང་ན། དགེ་རྒན་གྱི་བྱམས་བརྩེ་དེ་ཕྲུ་གུ་ཚོར་འཇགས་ཐབས་ཤིག་གཙོ་བོར་བཤད་ཡོད་པ་ཞིག་བཤད་ཡོད་པ་དེ་དྲན། དགེ་རྒན་ཚོས་སློབ་ཕྲུག་ཚོ་སྨན་ཁང་ལ་བསྐྱལ་བ་འདི་འདྲ་ཅི་ཡིན་ནམ། ཁ་སྔོན་ཟླ་བ་ཁ་ཤས་ཀྱི་སྔོན་དེར། མ་སུ་རི་བོད་ཁྱིམ་གྱི་ཁྱིམ་ཚང་པཱ་ལགས་ཤིག་ནས་སློབ་ཕྲུག་བུ་མོ་ཞིག་ལ་བཙམ་གཡེམ་བྱས། མཐའ་མ་དེར། བུ་མོ་དེ་སློབ་གྲྭ་གཞན་ཞིག་ལ་བཏང་ནས་གནས་ཚུལ་དེ་སྦས་གསང་བྱས། དེ་རིང་དགེ་རྒན་བུ་མོ་ཞིག་གིས་སློབ་ཕྲུག་བུ་མོ་གསུམ་ལ་གཅར་རྡུང་ཡ་ང་བ་བྱས། གཉིས་དྲན་པ་འཐོར་བཅུག མཐའ་མར་སྨན་ཁང་ནས་མྱུར་སྐྱོབ་བྱེད་དགོས་བྱུང༌། དེང་སང་སློབ་གྲྭ་ཁག་ན་ཛ་དྲག་གི་གནས་ཚུལ་མང་པོ་ཡོང་གི་ཡོད་ཚོད་རེད། ཤེས་རིག་ལས་ཁུངས་དེ་གང་ན་ཡོད་པ་རེད་དམ། ཤེས་རིག་བཀའ་བློན་དང་ཤེས་རིག་དྲུང་ཆེ་བཙལ་ནས་ཡར་ཞུ་རེ་ཐུབ་ན་ལེགས། ཨེ། ཤེས་རིག་དྲུང་ཆེ་དེ་རྫི་གསང་དོད་པོ་ཞིག་ཡོད། ཁོས་བཀའ་རྒྱ་འདྲ་བཏང་མི་འདུག་གམ།

བུ་མོ་གཉིས་མཉམ་དུ་དྲན་པ་འཐོར་བ་དེ་ནི་དངོས་གནས་ཧ་སང་དགོས་པ་ཞིག་རེད། ཟློས་གར་ཁྲབ་པ་མ་ཡིན་ནམ། སྤྱི་སྟངས་བོད་པའི་ལུགས་སྲོལ་ལ་དགེ་རྒན་གྱིས་དགེ་ཕྲུག་ལ་རྡུང་པ་དེ་ནི་འགྲོ་སྟངས་ཤིག་རེད། མ་བརྡུང་ན་སློབ་གྲྭ་ཁག་ཏུ་སློབ་སྦྱོང་ལ་དོ་སྣང་མེད་པ། མི་རིགས་བསམ་ཤེས་པ། ཐ་མག་ནག་པོ་འཐེན་མཁན་དང་། མ་རབས་ཀྱི་སྤྱོད་པ་བྱེད་མཁན་དེ་འདྲ་མང་པོ་ཡོད་འདུག ཕ་མ་མི་མང་ཚང་མས་ཞིབ་འཇུག་ཡག་པོ་གནང་རོགས་ཞུ། དཔེར་ན་སེ་འབྲས་དགེ་གསུམ་སོགས་སུ་དགེ་སྐོས་ཀྱིས་ཉེས་ཆད་ག་ཚད་བཏང་གི་འདུག དེ་ལ་ཧ་སང་དགོས་པ་གང་ཡང་མི་འདུག་སྙམ།

བྱིས་པ་སྐོར་ཞིག་ནི་ཕ་མའི་སློབ་གསོ་ཡིས་མ་འདང་སྟབས་སློབ་གྲྭ་ནས་ཀྱང་གླགས་མ་འཁེལ་བ་རེད། ཕ་མ་དང་དགེ་རྒན་གཉིས་ཀས་སློབ་གསོ་ཁོ་ནར་བརྟེན་ནས་གཉོར་སྐྱོང་བྱེད་ཐུབ་ཡོད་ན་གནས་ཚུལ་འདི་འདྲའི་རིགས་ཇེ་ཉུང་ལ་འགྲོ་གི་རེད།
གོང་གསལ་བུ་མོ་གསུམ་དེས་འཛིན་གྲྭའི་སྐབས་གཞས་བཏང་བ་དེ་ནི་སློབ་གྲྭའི་སྒྲིག་གཞི་ལའང་རག་ལས་ཡོད་པ་རེད། དཔེར་ན། སློབ་གྲྭ་དེར་འཛིན་གྲྭའི་རྒན་བདག་ལྟ་བུ་མེད་པ་ཡིན་ནམ། དགེ་རྒན་གཅིག་ཡོང་མ་ཐུབ་ན་དེའི་ཚབ་ལ་དགེ་རྒན་གཞན་པ་བཏང་ན་འགྲིག་གི་རེད། མ་མཐར་ཡང་། འཛིན་གྲྭ་ཡར་འཚོགས་མ་ཐག་འབྲེལ་ཡོད་དགེ་ལས་ཤིག་གིས་འཛིན་གྲྭ་དེར་དགེ་རྒན་ཡོང་མ་ཐུབ་པ་དང་། ཚོགས་ཐེངས་འདིར་བྱ་བ་རྣམ་གཞག་ཅི་ཡོད་བཤད་པ་ཡིན་ན་ཕན་ཐོགས་གི་རེད།

བོད་པའི་ཕྲུ་གུའི་ཨ་ཆོག་རྐུབ་ལ་ཡོད། བརྡུང་ན་མ་གཏོགས་གོ་བ་མི་བརྙེད་ཟེར། ད་རྟ་ལ་འཇམ་པ་དང་། སྒ་ལ་གཟོ་བའི་ཐབས་ཤེས་འདྲ་མེད་འགྲོ།།

བོད་པའི་རྣ་པ་རྐུབ་ལ་ཡོད་་་་་་་ཟེར་མཁན་དེ་རང་ཉིད་ཀྱི་རྣ་བ་རྐུབ་ལ་ཡོད་པ་ཡིན་རྒྱུ་རེད། གང་ལྟར། སློབ་གསོ་སྤེལ་སྟངས་འདིས་ང་ཚོའི་སྤྱི་ཚོགས་ནང་ལ་ངན་གོམས་ཤིག་འཇགས་སུ་བཅུག་ཡོད་པ་རེད། ད་ཆ། བོད་གཞུང་གི་ལས་ཁུངས་ག་གེ་མོར་སོང་ན་ཡང་སྐད་ཆ་འཇམ་པོ་བཤད་པ་ལས་རྩུབ་པོ་བཤད་ན་ཡག་གི་རེད་ཟེར་མཁན་མང་པོ་འདུག

དུད་འགྲོ་ཡིན་ན་བཤད་ནས་མི་ཉན་པས་ད་གཟོད་གཅར་བརྡུང་བྱེད་ནས་གཅུན་དགོས་པ་རེད། ང་ཚོ་མི་རེད་ཡ། ཨ་རོགས་ཚོ།

དགེ་རྒན་གཅིག་གིས་བུ་མོ་གསུམ་རྫོགས་འདུག་ག ནམ་རྒྱུན་ཁོ་ཚོས་ཁ་ནས་བཤད་དུས་ཀྱང་། རྫོགས་དགོས་པས། ཞེས་ལབ་གི་རེད། ད་ནི་དངོས་གནས་རྫོགས་འདུག

སྔོན་མ་ང་སློབ་ཆུང་ནང་ལ་ཡོད་དུས་ངས་རང་གིས་ཟུར་ཁྲིད་བྱེད་ས་བུ་ཕྲུག་ཅིག་ཡོད་པ་རེད། ཕྱག་འཚལ་དུ་བཅུག་པ་ཡིན། དེ་རྗེས་དགེ་རྒན་གྱིས་ང་ལ་རྡུང་ནས་དབུགས་ཆད་ལ་ཁལ་བྱས་སོང་། ད་དུང་བརྗེད་རྒྱུ་མེད་པ་ཞིག་ལ་དགེ་རྒན་དེ་རྐང་པ་གཡུག་མཁས་པོ་ཡོད། ཁོས་རྒྱ་ནག་གི་ཀུང་ཧྥུ་དྲག་རྩལ་ལྟ་བུ་ཞིག་སྤྱད་ནས་ངའི་སྟོད་སྨད་ཚང་མ་བཅོམ་སོང་། བར་སྐབས་ཤིག་ནས་པུས་མོ་ཁྱེར་ཡོང་སྟེ་ངའི་བྲང་ངོས་ལ་གཞུས་པ་དེས་ངའི་དབུགས་ཏོག་ཙམ་རིང་ཆད་སོང་། གསར་འགྱུར་འདི་མཐོང་བ་དང་ངས་སྔོན་ཆད་ཀྱི་མྱོང་བ་དེ་ཚོ་དྲན་ཡོང་གི་འདུག

ཨ་ལ་ལ་ལ། དེ་བདེན་པ་ཡིན་ན་ནི་དངོས་གནས་དགེ་རྒན་བསྟན་འཛིན་འཛོམས་པ་ཞིག་ཡིན་རྒྱུ་མ་རེད། དགེ་རྒན་བསྟན་བཤིག་འཛོམས་པ་ཞིག་ཡིན་ངེས་རེད། ཕྱིར་དགེ་རྒན་གྱིས་དགེ་ཕྲུག་ལ་བཀའ་བཅོམ་གཏོང་བ་དང་། ཉེས་ཆད་བཅད་སྲིད། ཡིན་ནའང་ཉེས་རྡུང་བཏང་སྟེ་དྲན་པ་བསྟོལ་བ་རེད་ཟེར་ན། དེ་ནི་རྒྱ་ནག་དམར་ཕྱོགས་པས་བོད་མི་བཙོན་པ་རྣམས་རྡུང་སྟང་རེད་མ་གཏོག་དགེ་རྒན་གྱིས་དགེ་ཕྲུག་སྐྱོང་སྟང་ཞིག་མ་རེད།

གཡོ་རྒྱུ་ཅན་གྱི་བུ་མོ་གསུམ་ཡོད་པ་འདྲ།

ཨ་ཁུ་ཀ་བ་མ་རེད་ཁ་བ་རེད་ཀོ ཡང་དཀྱོག་ལ་འཁྱེར་ན་ཐང་།

འགྲམ་ལྕག འདི་ལ་ས་མཐའ་མེད།

དགེ་རྒན་གྱིས་སློབ་ཁང་གཞན་ན་སློབ་ཁྲིད་བྱེད་སྐབས་ཚུར་ཕྱོགས་ནས་ཡ་མེད་དང་ཀྱག་ཀྱག་ལྟ་བུས་གླུ་གཞས་གཏོང་བ་དེ་ཚོ་ཡང་ཡག་པོ་མ་རེད། སློབ་ཕྲུག་འདི་ལྟ་བུ་ཚོར་བཤད་ནས་མི་ཉན་ན་རྡུང་ནས་བཅོ་དགོས་པ་རེད། བོད་ཕྲུག་ཅིག་ཡིན་པའི་ཆ་ནས། གང་ལྟར་ཐབས་ཤེས་འདྲ་མིན་གྱིས་བཅོ་ནི་དགོས་དགོས་པ་རེད།

དོན་དག་འདིའི་རིགས་ནི་བཙན་བྱོལ་བོད་གཞུང་གི་ཤེས་ཡོན་སྲིད་བྱུས་དང་བསྟུན་ནས་ཐག་གཅོད་དགོས་པ་རེད། ཡིན་ཡང་། སློབ་ཕྲུག་འདི་དག་གི་ཕ་མ་སྤུན་མཆེད་དག་སྔ་མོ་ནས་དགེ་རྒན་དེའི་སྟེང་ལ་རྒྱུགས་ཚར་ཡོད་རྒྱུ་རེད་འདོད།

ངས་བསམས་ན་སློབ་ཕྲུག་བུ་མོ་དེ་ཚོས་གཡོ་བྱས་ཨེ་ཡིན་ན་འདོད། དྲན་པ་ཐོར་འདུག་ཟེར་ན་དངོས་བདེན་ན་ཡང་ཐང་གོ ད་སུས་ཤེས། དེང་སང་གི་སློབ་ཕྲུག་ཚོ་དི་མོ་དེའི་ཕྱོགས་ནས་སྤྱང་དྲག་པའི་སྐྱོན་ཡོད་ནི་རེད།