ཟླ་འདིའི་ཕྱི་ཚེས་ ༧ ཉིན་ལྷོ་ཁ་རྩེད་ཐང་གྲོང་རྡལ་གྱི་དབུས་གཙང་གསོལ་ཚིགས་ཁང་དུ། སྐབས་གཉིས་པའི་ཡར་ཀླུང་སྨྱུག་ཚོགས་ཀྱི་བགྲོ་གླེང་འདུ་ཚོགས། ཞེས་པ་དེ་སྐོང་ཚོགས་གནང་ཡོད་པ་དང་། འདུ་ཚོགས་དེའི་སྟེང་བོད་ལྗོངས་སློབ་གྲྭ་ཆེན་མོའི་དགེ་རྒན་ ༦ དང་ཞིབ་འཇུག་སློབ་མ་ ༧ ། གཞན་རང་དབང་གི་རྩོམ་པ་པོ་དང་སྙན་ངག་པ་ ༩ བཅས་ཁྱོན་བསྡོམས་རྩོམ་པ་པོ་ ༢༢ ཙམ་མཉམ་ཞུགས་བྱས་ཡོད་འདུག སྐབས་དེར་སྙན་ངག་པ་གྲགས་ཆེན་ཀརྨ་དབང་གྲགས་ལགས་ཀྱིས་བཏོན་པའི་བརྗོད་གཞི་༼ ཡར་ཀླུང་ནས་བོར་ཟིན་པའི་རང་ཉིད་འཚོལ་བ ༽ ཞེས་པའི་ཐད་བགྲོ་གླེང་གནང་ཡོད་པ་དང་། བརྗོད་གཞི་དེ་དང་འབྲེལ་ཏེ་བོད་ཀྱི་རིག་གནས་དང་ཆོས་ལུགས། སྙན་ངག ལོ་རྒྱུས། བསམ་བློ་གསར་པ་བཅས་ཀྱི་ཐད་ཚོགས་ཞུགས་པ་རེ་རེ་ནས་གཏམ་བཤད་གནང་ཡོད་འདུག
འབྱུང་འགྱུར་ཡར་ཀླུང་སྨྱུག་ཚོགས་ཀྱི་འགན་ལེན་འོག ལོ་གཅིག་རིང་གི་གྲུབ་འབྲས་ཆེ་བའི་སྙན་ངག་པ་དག་ལ་བྱ་དགའ་སྟེར་རྒྱུ་ཐག་གཅོད་བྱུང་ཡོད་པ་དང་། ཡར་ཀླུང་སྙན་པོ་དབྱངས་གྲོལ་གྱི་བྱིས་སྒྲུང་༼ རི་བོང་སྤྱང་ཀི ༽ དང་ཀརྨ་དབང་གྲགས་ཀྱི་གཙོ་གཉེར་གནང་བའི་༼ ཤམ་ཆུའི་ལང་ཚོ ༽ ཞེས་པའི་ཚགས་པར་སོགས་དཔེ་དེབ་དང་ཚགས་པར། སྙན་ངག་སོགས་བརྩམས་ཆོས་ ༡༢ ལ་སྐབས་གཉིས་པའི་ཡར་ཀླུང་སྨྱུག་ཚོགས་ཀྱི་བགྲོ་གླེང་འདུ་ཚོགས་ཀྱི་བྱ་དགའ་བསྩལ་ཡོད་འདུག དེའི་རྗེས་ན་གཞོན་རྩོམ་པ་པོ་ལྷོ་གཉལ་ཟླ་དགྲ་དང་རྒོད་རྒྱལ། ཤེའུ་ཀུན་དཔལ། ལྷོ་སྨྱོན་བློ་བཟང་དོན་གྲུབ་སོགས་ཀྱིས་སྙན་ངག་གྱེར་འདོན་སོགས་བྱས་ཡོད་འདུག
ཐེངས་འདིའི་བརྗོད་གཞི་དང་འབྲེལ་ཏེ་ཚོགས་ཞུགས་པ་ལ་ལས་རང་ཉིད་བོར་བའི་གོ་རིམ་ནི་བདེ་སྡུག་གཅིག་གི་འགྲེལ་བ་ཡིན་ཚུལ་དང་། ལ་ལས་རང་ཉིད་བོར་བའི་ཚུལ་ནི་རིག་གནས་བོར་བ་དང་དུང་ཞེན་བོར་བ། འཆར་ཡན་བོར་བ། རྣམ་རྟོག་བོར་བ་སོགས་ཡིན་སྐོར་བཤད། ཡང་ལ་ཤས་ཀྱིས་རང་ཉིད་བོར་བའི་ཚུལ་ནི་རང་ཉིད་རྩད་ནས་ཕམ་ཉེས་ཤོར་བའི་མགོ་མཇུག་ཡིན་སྐོར་དང་། ལ་ལས་རང་ཉིད་བོར་བར་གོ་བ་གཏིང་ཟབ་ལོན་ཚེ་རང་རྒྱུད་ལ་དུང་ཞེན་གྱི་རྦ་རླབས་འཕྱུར་ཚུལ་སོགས་བརྗོད་དེ། འདུ་ཚོགས་དེ་ནི་ཡར་ཀླུང་བའི་སེམས་གཏམ་གླེང་བའི་སྡིངས་ཆ་གལ་ཆེན་ཞིག་ཆགས་ཡོད་འདུག
བལྟ་ཕྱོགས་རེ་རེ་ནས་བལྟས་ཚེ་ངོ་མ་དགའ་འོས་པ་ཞིག་དང་། བལྟ་ཕྱོགས་འགའ་ཞིག་ནས་བལྟས་ཚེ་ངོ་མ་སྐྱོ་ཡོང་བ་ཞིག
དངོས་གནས་ཡར་ཀླུང་གི་དར་མ་འདི་ཚོས་ཀྱང་། རང་ཡུལ་ནས་རང་ཡུལ་གྱི་སྙིང་སྟོབས་གླེང་བར་དགའ་སྤྲོ་དང་། གསར་འགྱུར་འདི་འོས་སྦྱོར་གནང་སྙིང་དབུས་ནས་ཐུགས་རྗེ་ཆེ་ཞུ་རྒྱུ་རྗེས་སོར་དེ་ལྟར་ཡོང་བར་ཞུ།
ཨ་ཨ་ཨ་ཨ་ཨ་ཨ་ ཐུབ་བསྟན་ལགས། ཁྱེད་རང་ལ་ཁྱོད་རང་གི་མིང་དོན་དེ་ལྟར་ཁྱོན་ནི་ལྡན་མི་འདུག ཁྱོད་ལ་ཡ་ལན་སྤྲད་པ་ལས་ང་རང་གི་དུས་ཚོད་འདི་དམ་འཛིན་གྱིས་སྒྲོ་ལར་ཨ་སྒོར་བརྒྱ་ཉིས་བརྒྱའི་ལས་དོན་ལ་འབུངས་པར་བཟང་ན་ཡང། ལ་ཞེན་གྱི་རུས་པ་ཅི་ཡང་མེད་པ་དང་བཟང་བའི་ཤེས་ཡོན་ཏིལ་འབྲུ་ཙམ་ཡང་ཁྱོད་ལ་ལྡན་མི་འདུག་ཅེས་བརྗོད་འདོད་བྱུང་། ཁྱེད་རང་གི་མིང་ལ་ཐུབ་བསྟན་ཅེས་སུས་བཏགས་པ་ཡིན་ནམ། གངས་ཅན་བླ་མས་བཏགས་པ་རེད་དམ། ཡང་ན་ཁོ་ཚེ་ཚུལ་ཁྲིམས་དང་བཀྲིས་རྒྱ་མཚོ་གཉིས་ཐུན་མོང་གི་བཏགས་པ་རེད། ངའི་ད་བར་ཁམས་པ་ལ་ཁམས་པ་ངོ་མ་དང་རྫུན་མ། ཨ་མདོ་ལ་ཨ་མདོ་ངོ་མ་དང་རྫུན་མ། དབུས་གཙང་ལ་དབུས་གཙང་ངོ་མ་དང་རྫུན་མ་ཡོད་པ་ཐོས་མ་མྱོང་། ད་ནི་ཁྱོད་མི་ངན་ཁ་ནས་གཏམ་ངན་དང་། གཏམ་ངན་ཁ་ནས་ལྟས་ངན་འབྱིན་ཚུལ་ལ་བལྟས་པ་ཡིན་ན་ཁྱེད་རང་ཡང་ལུས་སེམས་མི་བདེའི་རྩོམ་པ་པོ་དམིགས་བསལ་བ་ཞིག་ཡིན་པ་འདྲ། ངའི་དུས་ནམ་ཡང་ང་རང་གི་ངོ་མིང་སྦས་ནས་རྐུན་མ་ལྟ་བུའི་སྨྱུག་མིང་ངམ་གསང་མིང་ཞིག་གིས་འོག་ནས་བསྡད་དགོས་དོན་མེད། ད་ལྟ་ད་དུང་ཁྱེད་རང་ལ་ངའི་གདོང་གི་པར་དགོས་ན་ངའི་མཁོ་སྤྲོད་ཞུ་ཆོག ཤེས་གསལ་ཞིག་ལ། ཁྱོད་ཀྱི་ཉིན་རེའི་བཟའ་ཆས་འཐུང་ཆས་ཕྲན་བུ་རེག་པ་རྣམས་ཀྱང་གཅིག་གིས་གཅིག་ལ་བརྒྱུད་དེ་རྒྱ་གུང་ཁྲན་གྱིས་གསོ་བཞིན་པ་ཇེ་གསལ་དུ་སོང་། སྤྱི་འཐུས་ཚོ་ནི་བོད་མི་མང་གི་ངོ་ཚབ་རེད། སྤྱི་འཐུས་ལྷན་ཁང་ལྟ་བུ་ནི་༧གོང་ས་མཆོག་གིས་དབུ་ཁྲིད་པའི་བོད་གཞུང་གི་ལས་ཁུངས་ཤིག་རེད། ཁྱེད་ཀྱི་སྤྱི་འཐུས་གསེར་རྟ་ཚུལ་ཁྲིམས་ལྟ་བུ་ལ་ཁ་གཏོང་ཕོད་པ་ནི་ཡ་མཚན་རེད། རྒྱ་ནག་གི་ཆབ་སྲིད་ཀྱི་གནས་བབ་ལ་ཉི་མ་རེ་རེ་བཞིན་འགྱུར་ལྡོག་འགྲོ་བཞིན་པ་རེད། ཁྱོད་རང་གི་ད་ལྟ་ནས་བསམ་བློ་ཡག་པོ་ཐོངས། ནམ་ཞིག་ཁྱེད་རང་གི་ཨ་ཞང་འགྱུར་ལྡོག་འགྲོ་བ་དང་ཁྱོད་རང་ཡང་འགྱུར་ལྡོག་མ་འགྲོ་ཀ་མེད་རེད་དོ།།།།
རྨོག་རུ་བསྟན་པ་ཟེར་བ་དང་གསེར་རྟ་ཚུལ་ཁྲིམས་འོད་ཟེར་འབོད་པ། ནོར་བུ་གླིང་ཁ་ཟེར་བ་འདིའི་རིགས་ལ་ཤེས་ཚད་དང་བསམ་བློ་ཞིག་མེད་པ་འདྲ། བཟའ་ཚང་ངན་པའི་བཟའ་སྡུག་འདྲ་བོ་ཞིག་ལས་ཁ་ནས་ཐོན་རྒྱུ་དང་ལག་ནས་ལས་རྒྱུ་མེད་པ་དེ་གང་གིས་ལན་པ་རེད། མི་འདི་ཚོའི་གྲས་ལ་དམིགས་ཏེ་ཞིབ་འཇུག་ཚོགས་ཆུང་ངམ་བགྲོ་གླེང་ཚོགས་འདུ་ཞིག་བསྐོང་རན་འདུག
རྣམ་རྟོག་བོར་ལ་ཆུགས། འཆར་ཡན་ཡང་བོར་ལ་ཆུགས།
འོན་ཀྱང་རིག་གནས་དང་དུང་ཞེན་བོར་བ་གཏན་ནས་མི་འགྲིག
ཡུལ་ཡར་ཀླུང་ནས་བོར་སོང་བའི་ནོར་བུ་ནི་བོད་བཙན་པོའི་སྙིང་སྟོབས་དང་བསམ་བློ་ཡིན།
ཡར་ཀླུང་། བཙན་པོ་རྒྱང་ལ་གཤེགས་ཤུལ་གྱི་དུར་ས།
སྐབས་གཉིས་པའི་ཡར་ཀླུང་སྨྱུག་ཚོགས་ཀྱི་བགྲོ་གླེང་འདུ་ཚོགས་བདེ་བླག་ངང་ཚོགས་ཐུབ་པར་འཚམས་འདྲི་དང་། འབྱུང་འགྱུར་བཙན་པོའི་རྒྱལ་ཐབས་འཛིན་མཁན་གྱི་སྨྱུག་ཚོགས་ཤིག་ཏུ་འགྱུར་བར་སྨོན།།
གཞིས་ལུས་རྒྱ་ཆེའི་བོད་མི་ཚོའི་སེམས་ཀྱི་ཚ་དྲོད་དང་།་་རེ་བ།་་གཅིག་བསྒྲིལ་སོགས་ལ་ང་ཚོས་མིག་དཔེ་རེ་ལྟ་ཐུབ་ན་ཧ་ཅང་བཟང་མོད།་་་འདི་ན་ཏག་ཏག་ལྡོག་ཕྱོགས་སུ་ལངས་བ་འདྲ་ཞིག་ཆགས་ཀྱིན་འདུག་་་མི་ཉག་སྐལ་བཟང་ལགས།་གཞིས་ལུས་རྒྱ་ཆེའི་བོད་མིའི་ལས་གཞི་དང་འབྲེལ་བའི་སྐོར་ལ་བསམ་ཚུལ་སྤེལ་སྐབས་ཕྱོགས་གཉིས་ལ་དགོངས་བཞེས་གནང་དགོས་པ་གལ་ཆེན་པོ་མིན་འགྲོ་བསམ་གྱིན་འདུག་་་ཨ་ཞང་ཚང་རྣམ་རྟོག་གི་བདག་པོ་རེད།་་་་ང་ཚོས་ཁོ་ཚོར་ཕན་མ་ཐོགས་པར་གནོད་བསྐྱལ་ན་ཧ་ཅང་ཕངས་པོ་རེད།་་བསམ་ཚུལ་ཙམ་ཡིན།་་ཁ་དྲོ།
དགའ་བསུ་ཚད་མེད་དང་རྗེས་སུ་ཡི་རང་ཡོད། ཁོང་ཚོ་བོར་སོང་བ་ནི་༧གོང་ས་མཆོག་དང་བྱེས་བཞུགས་སྤུན་ཟླ་ཚོ་རེད། ཁོང་ཚོས་འཚོལ་བཞིན་པའམ་༧གོང་ས་མཆོག་དང་བྱེས་བཞུགས་སྤུན་ཟླ་ཚོ་རེད། ཉིན་དང་ལོ་ཟླ་ཞག་གིས་ཁོང་ཚོས་ང་ཚོ་འཚོལ་བཞིན་པར་ལྟོས་དང་། ང་ཚོ་བག་བྲོ་བ་དང་ལྷོད་ལྷོད་བྱེད་བཞིན་སྡོད་བའི་དུས་ཚོད་ཅིག་མིན་པ་འདྲ། སྤུན་ཟླ་ཚོ་ཡར་ལོངས་ཤིག་ལྟོས་དང་།