གནས་འདིར་རྡོ་རྗེ་གདན་གྱི་མཆོད་རྟེན་གྱི་དབྱིབས་གཟུགས་ལྟ་བུའི་མཆོད་རྟེན་ཆེན་པོ་ཞིག་བཞེངས་དགོས། དེ་ནི་༧གོང་ས་སྐྱབས་མགོན་ཆེན་པོ་དགུང་གྲངས་བརྒྱ་དང་ཉེར་ལྔ་ ༡༢༥ བཞུགས་རྒྱུ་དང་། རིག་འཛིན་ཚངས་དབྱངས་རྒྱ་མཚོའི་ཐུགས་སྨོན་མཐའ་དག་མེ་ཏོག་བཞིན་ཁ་འབྱེད་པའི་རྟེན་འབྲེལ་ཡིན། འདི་ལ་དགོས་པ་ཁྱད་པར་ཅན་ཡོད། ཅེས་མཁའ་མགྲོ་ཚེ་རིང་མཆེད་ལྔས་བཀའ་ལུང་ཕེབས་ཡོད་ཟེར།
མོན་རྟ་དབང་ཁུལ་གྱི་༧གོང་ས་མཆོག་གི་ཐེངས་འདིའི་མཛད་འཆར་ཡོངས་རྫོགས་མཇུག་སྒྲིལ་ལ་ཉེ་བའི་ཉིན་དེར། ༧རྒྱལ་དབང་དྲུག་པ་རིག་འཛིན་ཚངས་དབྱངས་རྒྱ་མཚོའི་སྐུའི་འཁྲུངས་ཡུལ་ཨོ་རྒྱན་གླིང་དགོན་པར་ཞབས་སོར་བཀོད་ཡོད་པ་དང་། དེའི་རྗེས་ཨོ་རྒྱན་གླིང་གི་གཡོན་འགྲམ་དུ་ཚངས་དབྱངས་རྒྱ་མཚོ་མཆོག་སྐུ་ཆུང་ངུའི་དུས་ཀྱི་རྩེད་རྭ། རྡོ་ཕ་བོངས་ཆེན་པོ་ཞིག་ཡོད་པ་དེར་མོན་རྟ་དབང་འཇམ་དབྱངས་དྭ་ཕྲུག་གཅེས་སྐྱོང་ཁང་གིས་ ༼ འཇིགས་སྐྱོབས་མཐོང་གྲོལ་མཆོད་རྟེན ༽ ཞུ་བ་ཞིག་གསར་བཞེངས་གི་སྔོན་འགྲོ་ཚ་ཚ་འུར་འུར་གྱིས་སྒྲུབ་ཀྱིན་ཡོད་སྟབས། སྤྱི་ནོར་༧གོང་ས་མཆོག་གནས་དེར་ཞབས་སོར་བཀོད་དེ། མཆོད་རྟེན་གསར་བཞེངས་ཀྱི་ས་ཆར་རབ་གནས་དང་བྱིན་རླབས་ཐུགས་སྨོན་མཛད་ཡོད།
ཕྱི་ཚེས་ ༡༡ ཉིན་འདི་གའི་གསར་འགོད་པ་ཆེད་དུ་རིག་འཛིན་ཚངས་དབྱངས་རྒྱ་མཚོའི་སྐུའི་འཁྲུངས་ཡུལ་ཨོ་རྒྱན་གླིང་དུ་བསྐྱོད་དེ་གནས་ཚུལ་རྒྱུས་ལོན་བྱས། ད་ལྟ་རིག་འཛིན་ཚངས་དབྱངས་རྒྱ་མཚོའི་འཁྲུངས་ཡུལ་གཞིས་ཁྱིམ་གྱི་ཤུལ་དུ་རྙིང་མའི་དགོན་པ་ཨོ་རྒྱན་གླིང་ཞུ་བ་ཞིག་འདུག་ལ། དེར་ལྷ་ཁང་ཉིས་ཐོག་ཅན་ཞིག་གི་འོག་ཤོད་དུ་མཆོད་རྟེན་ཆུང་ངུ་བརྒྱད་དང་། ཐོག་ཁང་དུ་༧རྒྱལ་དབང་སྐུ་ཕྲེང་རིམ་བྱོན་གྱི་གོས་ཐང་དང་། རྡོ་ལ་བབས་པའི་རིག་འཛིན་ཚངས་དབྱངས་རྒྱ་མཚོའི་དབུ་དང་ཞབས་ཀྱི་ཤུལ་རྗེས་བཅས་འདུག ལྷ་ཁང་དེའི་བདག་ཉར་བ་མོན་པ་རྒན་རབས་པ་ཞིག་འདུག་ལ། ཁོང་ལ་སྐད་ཆ་འདྲི་སྐབས། ཁོས་བོད་སྐད་ཐན་ཐུན་ལས་བཤད་མི་ཤེས་ཀྱང་། ཧ་ཅང་དད་པའི་ཉམས་ཀྱིས་འདི་རིག་འཛིན་ཚངས་དབྱངས་རྒྱ་མཚོའི་འཁྲུངས་ཡུལ་རེད། ད་ལྟའང་ཚངས་དབྱངས་རྒྱ་མཚོ་མཆོག་གི་ཕ་རྒྱུད་དང་མ་རྒྱུད་གཉིས་ཀ་བཞུགས་ཡོད་པ་རེད། གཅིག་གི་མིང་ལ་ག་གེ་མོ་ཟེར། ཞེས་བརྗོད་སོང་མོད། ཁོང་དགུང་ལོ་བགྲེས་ཤིང་བོད་སྐད་ལ་བྱང་ཆ་མེད་སྟབས་གསལ་བོ་གོ་ཐུབ་མ་བྱུང་།
དེ་ནས་ཨོ་རྒྱན་གླིང་གི་གཡོན་འགྲམ་དུ་ཡོད་པའི་རིག་འཛིན་ཚངས་དབྱངས་རྒྱ་མཚོའི་རྩེད་རྭར་བསྐྱོད་དེ། རྟ་དབང་འཇམ་དབྱངས་དྭ་ཕྲུག་གཅེས་སྐྱོང་ཁང་གི་འགན་འཛིན་ཐུབ་བསྟན་ཕུན་ཚོགས་ལགས་སུ་མཆོད་རྟེན་གསར་བཞེངས་ཀྱི་གྲ་སྒྲིག་སྐོར་བཅར་འདྲི་ཞུས་པར་ཁོང་གིས་ངོ་སྤྲོད་གནང་དོན། ས་འདིར་རིག་འཛིན་ཚངས་དབྱངས་རྒྱ་མཚོ་སྐུ་ན་ཕྲ་བའི་སྐབས་སུ་སྐུ་རྩེད་གནང་སའི་རྡོ་ཕ་བོངས་ཆེན་པོ་ཞིག་ཡོད། དེ་ནི་ང་ཚོའི་མོན་ཡུལ་གྱི་གནས་རི་འགེངས་ཆེན་ཞིག་ཆགས་ཡོད་སྟབས། འཇམ་དབྱངས་དྭ་ཕྲུག་གཅེས་སྐྱོང་ཁང་གིས་འགན་ལེན་ཐོག་མཆོད་རྟེན་ཆེན་པོ་ཞིག་བཞེངས་རྒྱུའི་འཆར་གཞི་བཏིང་ཡོད་ལ། ལྷག་པར་དུ་མོན་རྟ་དབང་ཁུལ་གྱི་གཞུང་གི་ལས་བྱེད་མང་ཆེ་ཤས་ནང་པ་ཡིན་ན་ཡང་། ཆོས་ཀྱི་གནས་སྟངས་གསལ་བོ་མཁྱེན་མཁན་ཉུང་སྟབས། ནང་ཆོས་ངོ་སྤྲོད་དང་ཆོས་ཀྱི་བགྲོ་གླེང་སོགས་ཀྱི་བྱེད་སྒོ་སྤེལ་ས་ཞིག་ཀྱང་བསྐྲུན་རྒྱུ་ཡིན། ཞེས་དང་།
ཐོག་མར་ང་ཚོས་ས་འདིར་མཆོད་རྟེན་ཆུང་ཆུང་ཞིག་དང་ཆོས་ཀྱི་བགྲོ་གླེང་གནང་ས་སྟབས་བདེ་ཞིག་བཞེངས་འཆར་ཡིན་ཡང་། ད་ལོའི་ཕྱི་ཟླ་ ༥ བའི་ནང་མཁའ་འགྲོ་ཚེ་རིང་མཆེད་ལྔས་བཀའ་ལུང་ཕེབས་ཏེ། ནམ་རྒྱུན་མཆོད་རྟེན་བརྒྱད་བཞེངས་སྲོལ་ཡོད་ཀྱང་། གནས་འདིར་རྡོ་རྗེ་གདན་གྱི་མཆོད་རྟེན་གྱི་དབྱིབས་གཟུགས་ལྟ་བུའི་མཆོད་རྟེན་ཆེན་པོ་ཞིག་བཞེངས་དགོས། དེ་ནི་༧གོང་ས་སྐྱབས་མགོན་ཆེན་པོ་དགུང་གྲངས་བརྒྱ་དང་ཉེར་ལྔ་ ༡༢༥ བཞུགས་རྒྱུ་དང་། རིག་འཛིན་ཚངས་དབྱངས་རྒྱ་མཚོའི་ཐུགས་སྨོན་མཐའ་དག་མེ་ཏོག་བཞིན་ཁ་འབྱེད་པའི་རྟེན་འབྲེལ་ཡིན། འདི་ལ་དགོས་པ་ཁྱད་པར་ཅན་ཡོད། ཅེས་བཀའ་ལུང་ཕེབས་པར་བརྟེན། ང་ཚོའི་སྐུ་ཚབ་ཁག་ཅིག་༧གོང་ས་མཆོག་གི་མདུན་དུ་བཅར་ཏེ་སྙན་གསེང་ཞུས་པར་ཁོང་གིས་ཀྱང་དེ་ལ་དགོས་པ་ཏན་ཏན་ཡོད་པ་རེད། ཅེས་མོས་མཐུན་གནང་སྟེ་ལས་གཞི་དེ་དངོས་སུ་མགོ་འཛུགས་བྱས་པ་ཡིན། ཞེས་གསུངས་བྱུང་།
ཁོང་གིས་མུ་མཐུད་དུ་གསུངས་དོན། དེའི་རྗེས་ང་ཚོས་མཆོད་རྟེན་གསར་བཞེངས་ཀྱི་ཚོགས་ཆུང་ཞིག་བཙུགས་ཤིང་། ཚོགས་ཆུང་དེའི་ཚོགས་གཙོར་མངའ་སྡེ་བློན་ཆེན་གྱི་བུ་རྒན་པ་པད་མ་མཁའ་འགྲོ་དང་སློབ་སྟོན་པ་རྡོ་རྗེ་མཁའ་འགྲོ་སྐུ་ཉིད་ཡིན། ང་ཚོའི་དམིགས་ཡུལ་མཆོད་རྟེན་འདི་ཡག་པོ་ཞིག་གྲུབ་ཅིང་། འདིའི་དགེ་བའི་མཐུ་ལ་བརྟེན་ཏེ་༧གོང་ས་སྐྱབས་མགོན་ཆེན་པོ་མཆོག་སྐུ་ཚེ་ཁྲི་ལོ་བརྟན་པ་དང་། ཡང་སྒོས་བོད་ཀྱི་རང་དབང་རང་བཙན་བསླར་གསོ་ཡོང་སྟེ། སངས་རྒྱས་བསྟན་པ་སྔར་ལས་དར་ཞིང་རྒྱས་བའི་སྨོན་ལམ་རྒྱག་གིན་ཡོད་ལ། རེ་བ་ནང་བཞིན་འགྲུབ་པའི་ཡིད་ཆེས་ཀྱང་ཡོད། གང་ཡིན་ཟེར་ན། ང་ཚོའི་ཨ་རུ་ན་ཅལ་མངའ་སྡེའི་སྤྱི་ཁྱབ་བློན་ཆེན་མི་རྗེ་རྡོ་རྗེ་མཁའ་མགྲོ་མཆོག་རེད། ཁོང་ལ་ཆོས་དད་ཆེན་པོ་ཡོད་ལ་ལས་གཞི་འདི་རིགས་ལ་སེམས་ཤུགས་ཡག་པོ་ཡོད། དེར་བརྟེན། ཁོང་གི་ཐུགས་འཁུར་དང་རྒྱབ་སྐྱོར་འོག་དཀའ་ངལ་གང་ཡང་འཕྲད་གི་མ་རེད་སྙམ་པའི་ཡིད་ཆེས་ཡོད། ཅེས་ངོ་སྤྲོད་གནང་བྱུང་།
ཡང་ཁོང་ལ་རྡོ་ཕ་བོངས་འདིར་དེ་འདྲའི་འགེངས་ཆེན་དུ་རྩི་དོན་གང་ཡིན་སྐོར་དྲིས་པར་ཁོང་གིས་ཞིབ་རྒྱས་སུ་བསྟན་དོན། རིག་འཛིན་ཚངས་དབྱངས་རྒྱ་མཚོ་སྐུ་ཆུང་ངུའི་དུས་སུ་ཉིན་རྒྱུན་ཕ་བོངས་འདིའི་སྟེང་འཛེགས་ཏེ་རྩེད་མོ་རྩེ་བཞིན་ཡོད་པ་དང་། ཉིན་ཞིག་སྐུའི་གཅེན་མོ་ཨ་ཅག་ཆོས་སྒྲོན་ཀྱིས། ཁྱོད་རང་རྡོ་ཐོག་ནས་མར་ལྷུང་ན་ཤི་རྒྱུ་མ་རེད་དམ། ཞེས་ཉེས་རྡུང་ཕྲན་བུ་བཏང་བའི་ལོ་རྒྱུས་ཡོད་ལ། བོད་ནང་གི་ཁམས་ཕྱོགས་སུ་(ཨ་རྩེད) དགོན་པ་ཟེར་བ་ཞིག་ཡོད། དེ་ནི་སྔོན་༧རྒྱལ་དབང་དྲུག་པ་རིག་འཛིན་ཚངས་དབྱངས་རྒྱ་མཚོ་རྒྱང་འཕུད་བཏང་སྐབས། ཁོང་ཁམས་ཕྱོགས་བརྒྱུད་ཨ་རྩེད་དགོན་དུ་སླེབས་ཏེ་གནས་ཚང་གཡར་སྐབས། ཨ་རྩེད་དགོན་པའི་མཁན་པོས་ཚངས་དབྱངས་རྒྱ་མཚོ་ཡིན་པ་མཁྱེན་ཏེ་གསོལ་ཚིགས་ལ་གདན་དྲངས་སྐབས། མཁན་པོ་ཁོང་གི་སྒོ་འགྲམ་དུ་སྤྲེའུ་ཞིག་བཏགས་ཡོད་པ་དེ་ནམ་རྒྱུན་དང་མི་འདྲ་བར་གནམ་ལྡིང་ས་ལྡིང་གིས་མཚམས་རེར་དགའ་མཆོངས་རྒྱག་པ་དང་། མཚམས་རེར་ངུ་ཤུམ་རྒྱག་པ་སོགས་བྱས་ཡོད།
སྐབས་དེར་མཁན་པོས་ཚངས་དབྱངས་རྒྱ་མཚོ་ལ། ཁྱེད་ཀྱིས་གསལ་བོར་གཟིགས་དང་སྤྲེའུ་འདི་ངོ་ཤེས་ཀྱིན་འདུག་གམ། ཞེས་དྲིས་པར་རྒྱལ་བ་ཚངས་དབྱངས་རྒྱ་མཚོ་མཆོག་གིས། འདི་ངའི་ཨ་ཅག་ཆོས་སྒྲོན་རེད། ང་ཆུང་དུས་ཕ་ཡུལ་མོན་ནས་རྡོ་ཕ་བོངས་ཆེན་པོ་ཤིག་གི་སྟེང་ནས་རྩེད་མོ་རྩེད་སྐབས། ཨ་ཅག་ཆོས་སྒྲོན་གྱིས་ང་ལ་བྱམས་བརྩེ་ཡིས་ཉེས་རྡུང་ཕྲན་བུ་བཏང་བ་རེད། འོན་ཀྱང་། བྱང་ཆུབ་སེམས་དཔར་ཉེས་རྡུང་བཏང་བའི་ཉེས་དམིགས་ཀྱིས་ཁོ་མོ་སྤྲེའུ་འདིར་སྐྱེས་པ་རེད། ང་འདི་ནས་ཐོན་ཏེ་ཉིན་གཉིས་གསུམ་རྗེས་སྤྲེའུ་འདི་ཡང་གྲོངས་རྒྱུ་རེད། སྐབས་དེར་ཁྱེད་ཅག་གིས་སྤྲེའུ་འདིའི་ཕུང་པོ་དུད་འགྲོ་སྤྱིར་བཏང་བ་ལྟར་སྣང་མེད་མི་གནང་པར་སྦྱིན་བསྲེགས་གནང་རོགས། ཞེས་བཀའ་ཕེབས་ཏེ་བྱོན་ཡོད་པ་དང་། ཉིན་འགའི་རྗེས་སུ་སྤྲེའུ་དེ་ཡང་གྲོངས་ཡོད་འདུག ཅེས་ངོ་སྤྲོད་གནང་སོང་།
ཡང་ཁོང་ལ་ཐེངས་འདིར་༧གོང་ས་མཆོག་ཕེབས་ཏེ་ལས་དོན་ག་རེ་གནང་འཆར་ཡོད་སྐོར་དྲིས་པར་ཁོང་གིས་གསུངས་དོན། ཉེ་ཆར་ང་ཚོའི་འཐུས་མི་གཉིས་བཞུགས་སྒར་ངྷ་རམ་ས་ལར་ཆེད་དུ་བཅར་ཏེ། ༧གོང་ས་མཆོག་ལ་མཆོད་རྟེན་སྐོར་སྙན་གསེང་ཞུས་སྐབས་ཁོང་གིས། ད་ལོའི་ཕྱི་ཟླ་ ༡༡ ནང་ང་མོན་རྟ་དབང་ལ་ཡོང་གི་ཡིན། སྐབས་དེར་ཡིན་གཅིག་མིན་གཅིག་གནས་རྩ་ཆེན་དེར་ཡོང་རྒྱུ་ཡིན། ཞེས་ཞལ་བཞེས་གནང་ཡོད་པ་ལྟར། དེ་རིང་༧གོང་ས་མཆོག་གནས་འདིར་ཆིབས་སྒྱུར་བསྐྱངས་ཏེ་བྱིན་རླབས་ཐུགས་སྨོན་དང་། མཆོད་རྟེན་གྱི་ཞལ་བྱང་སྒོ་འབྱེད་གནང་རྒྱུ་རེད། དེ་ནི་སྤྱིར་འཛམ་གླིང་ཞི་བདེ་ལ་ཕན་པ་དང་། སྒོས་མོན་པའི་མི་མང་བསྐལ་བ་བཟང་པོ། ཡང་སྒོས་ང་ཚོ་བོད་པར་རང་དབང་དང་བདེ་སྐྱིད་ཀྱི་ཉི་མ་མགྱོགས་མྱུར་ངང་འཆར་བའི་རྟེན་འབྲེལ་སྒྲིག་གིན་ཡོད། ཅེས་བཅོས་མིན་གྱི་བརྩེ་སེམས་ཤིག་མངོན་བཞིན་གསུངས་བྱུང་།
མཇུག་མཐར་གསར་འགོད་པས་ཁོང་འདས་པའི་ལོ་རྒྱུས་དང་འབྲེལ་ཏེ། འཇམ་དབྱངས་དྭ་ཕྲུག་གཅེས་སྐྱོང་ཁང་གི་སྐོར་དྲིས་པར་ལན་འདེབས་གནང་དོན། ང་རང་གིས་སློབ་སྦྱོང་བྱེད་ས་དཔལ་ལྡན་སྨད་རྒྱུད་གྲྭ་ཚང་ཡིན། ༧གོང་ས་མཆོག་གིས་ནམ་རྒྱུན། གདན་ས་ཁག་དང་རྒྱུད་གྲྭ་སྟོད་སྨད་ནས་སློབ་སྦྱོང་ཐོན་རྗེས་སོ་སོའི་ལུང་པར་ལོག་སྟེ། མི་མང་སྐྱོ་བོའི་རིགས་དང་ཆོས་ཕྱོགས་ཀྱི་ལས་ཀ་བྱ་དགོས་སྐོར་ཡང་ཡང་གསུང་གིན་ཡོད་པ་ལྟར། ང་རང་རྒྱུད་སྨད་ནས་སློབ་སྦྱོང་ཐོན་རྗེས་ཕྱིར་ཡུལ་དུ་ལོག་སྟེ། འཇམ་དབྱངས་དྭ་ཕྲུག་གཅེས་སྐྱོང་ཁང་འདི་བཙུགས་པ་ཡིན། ད་ལྟ་དྭ་ཕྲུག་དང་ཉམ་ཐག་རིགས་བརྒྱ་དང་བཞི་བཅུར་ཉེ་བ་ཞིག་ཡོད། རང་ཉིད་ལ་ནུས་པ་དང་འཇོན་ཐང་ཡོད་པ་མ་རེད་དེ། སོ་སོར་ཀུན་སློང་གཙང་མ་ཞིག་དང་བསམ་པ་རྣམ་དག་ཅིག་གི་ཐོག་ནས་ལས་ཀ་བྱས་པའི་ཉེར་ལེན་ལ་བརྟེན་ཏེ། ང་ལ་ ༢༠༠༧ ལོའི་རྒྱ་གར་གཞུང་གི་པཱ་ཊི་མ་ཤཱི་རི་གཟེངས་རྟགས་དེ། ལོ་དེའི་ཟླ་ ༥ ནང་རྒྱལ་ས་ལྡི་ལིའི་སྲིད་འཛིན་ཚོགས་ཁང་ནས་གནང་བྱུང་། ཁེངས་སྐྱུངས་དང་བཅས་ངོ་སྤྲོད་གནང་བྱུང་།
༼ གསར་འགོད་པ་དོན་འགྲུབ་བཀྲ་ཤིས་ཀྱིས་ཨཱ་སམ་རྒྱལ་ས་གྷོ་ཧ་ཊེ་ནས་སྤེལ ༽
ལོ་རྒྱུས་རང་བཞིན་གྱི་མཚམས་སྦྱོར་རྩོམ་ཡིག་ཁྱད་འཕགས་ཤིག་སྤེལ་འདུག
རྒན་ལགས་ཀྱིས་ཡག་པོ་བྲིས་གནང་འདུག།
གསར་བརྗེ་སྐྱབས་དང་་་་གཅན་བཟོད་རྒྱམ་གཉིས་ཀྱིས་ཧ་གོ་དགོས་རྒྱུ་ལ་་་་་ཚུལ་ཁྲིམས་འོད་ཟེར་་་ཟེར་བ་དེ་གསེར་རྟ་ཟིག་མ་རེད་འདུག དེའི་སྐོར་གྱི་རྩོམ་ཡིག་ཁ་ཤས་འདུག
སྐྱུག་བྲོ་བའི་བཙན་གཡེམ་གྱི་གནས་ཚུལ་འདི་བྱུང་ནས་ཉིན་ལྔ་དྲུག་ཅིག་གི་རྗེས་ནས་ང་རང་དུས་བབ་གསར་ཁང་དུ་འགྲོ་ཞོར་ཞིག་ལ་འདིའི་སྐོར་གྱི་སྐད་ཆ་སྐུ་ཞབས་ལུང་རིགས་ལགས་སོགས་གསར་ཁང་གི་མི་གསུམ་ལ་བཤད་པ་ཡིན། སྐབས་དེར་ང་ནི་རེ་བ་ཆེན་པོ་ཞིག་གིས་བཅངས་ནས་སོང་བ་ལས་སྲང་ལམ་གྱི་ཅ་ཅོ་ཡོད་ཚད་གསར་ཤོག་ཏུ་འགོད་རེ་གཏན་ནས་འཆང་མེད། འོན་ཀྱང་གནས་ཚུལ་འདི་ཁོང་ཚོས་སྔ་མོ་ནས་ཤེས་ཟིན་འདུག་པས་ང་རང་བློ་བདེ་བོའི་ངང་ཕྱིར་ལོག གང་ཞེ་ན་ད་ནི་དུས་བབ་གསར་ཁང་གིས་འདིའི་སྐོར་གྱི་གསར་འགྱུར་ཚ་བོ་སྐོར་ཞིག་ཁྱེར་ཡོང་ནས་མི་ངན་ཐེར་འདོན་བྱེད་པར་ཡིད་ཆེས་བྱས་པ་ཡིན། འོན་ཀྱང་ད་ལྟའི་བར་ཏུ་གནས་ཚུལ་འདི་གསར་ཤོག་གང་དུ་ཡང་མ་སླེབས་པར་རྒྱ་མཚོའི་ནང་དུ་རྡོ་འཕང་བ་ཇི་བཞིན་དུ་གྱུར། ངས་འདིའི་སྐོར་ལ་ཡང་ཡང་བསམ་གཞིག་བྱས་དུས་སྐྱུག་བྲོ་བའི་བཙན་གཡེམ་འདིའི་རྒྱབ་ལྗོངས་ན་ཆེས་འཇིགས་རུང་གི་གསང་བ་ཞིག་མེད་དམ་སྙམ་པའི་དོགས་པ་ཞིག་ཀྱང་རང་བཞིན་གྱིས་ཡོང་གིན་འདུག འདི་ལ་རྒྱུ་མཚན་གཉིས་ཡོད། དང་པོ། དྲ་གྲོགས་མི་འཁྱམ་གྱིས་འཇམ་དབྱངས་རྒྱ་མཚོའི་སྐད་ཆ་ཞིག་འདྲེན་བཀོལ་བྱས་པའི་ནང་དུ་གནས་ཚུལ་འདིར་མདོ་སྨད་དབུས་རྒྱུན་ནས་ཇུས་གཏོགས་བྱས་ཀྱང་བྱེད་མ་ཐུབ་པར་མ་ཟད་སྦས་སྐུང་བྱ་རོགས་བྱས་པའི་གནས་ཚུལ་ཞིག་བཀོད་འདུག་པ་འདི་ལྟར།（འཇམ་དབྱངས་རྒྱ་མཚོ་ནས།
སྤྱི་ལོ་༢༠༠༩ཟླ་༩ ཚེས་༡ གི་ཆུ་ཚོད་༥ སྐར་མ་༥༤
བཙན་གཡེམ་བྱས་པའི་སྐོར་བཤད་ན།ཉེ་སྔོན་མ་སུ་རི་བོད་ཁྱིམ་གྱི་ཁྱིམ་ཚང་པཱ་ལགས་ཞིག་ནས།སློབ་ཕྲུག་ཨ་མདོའི་བུ་མོ་ལོ་བཅུ་དྲུག་ཅན་ཞིག་ལ་བཙན་གཡེམ་བྱས་པ་དེ་སློབ་གྲྭའི་ངོས་ནས་གསང་བ་བྱས་སོང་ངཱ༌།གསང་བ་དེ་ཕྱི་ལ་ཤོར་ནས་མདོ་སྨད་དབུས་རྒྱུན་ཟེར་བས་དང་པོར་ངར་ངར་རྫིག་རྫིག་གིས་བརྩད་ཞིབ་བྱས།མཐའ་མ་དེར་མ་སུ་རི་སློབ་གྲྭས་ཐག་གཅོད་དེ་འགྲིག་འདུག་ཅེས་ནང་ཚག་གི་ཐག་གཅོད་དང༌།མཐའ་མ་དེ་བོད་པའི་སྤྱི་ཚོགས་ཀྱི་མཚན་ཤས་རེད་ཟེར་ནས་གསང་བ་བྱས་སོང་ངཱ༌།
བུ་མོ་དེར་བཙན་གཡེམ་བྱས་པ་ཐེངས་གཅིག་ཡིན་ས་མ་རེད།འདིའི་སྐོར་མདོ་སྨད་དབུས་རྒྱུན་ལ་གསལ་ཆ་ཡོད་ནའང༌།གསང་བ་བྱས་ནས་བསྡད་ཡོད་རབས་གོ་རྒྱུ་འདུགམི་ཚོས་བཤད་སྟངས་ལྟར་ན།མ་སུ་རི་བོད་ཁྱིམ་གྱི་ཐག་གཅོད་ནི་བུ་མོ་དེ་མ་སུ་རི་སློབ་གྲྭ་ནས་སློབ་གྲྭ་གཞན་ཞིག་ལ་བཏང་ཡོད་པ་དེ་དང༌།མདོ་སྨད་དབུས་རྒྱུན་གྱིས་བརྩད་ཞིབ་རྗེས་མ་སུ་རི་བོད་ཁྱིམ་དང་མདོ་སྨད་དབུས་རྒྱུན་གཉིས་ཀྱིས་ནང་ཚག་གི་ཐག་གཅོད་ནི།ཁྱིམ་ཚང་པཱ་ལགས་ཀྱི་གསོག་དངུལ་བརྒྱ་ཆ་ཕྱེད་ཀ་བུ་མོ་དེར་སྤྲོད་རྒྱུའི་ཐག་གཅོད་བྱས་ཏེ།བཙན་གཡེམ་གྱི་གནས་ཚུལ་ཚབས་ཆེན་འདི་མུ་མཐུད་གསང་བའི་ངོ་བོར་བཞག་རྒྱུ་བྱས་ཡོད་པ་རེད་འདུག）
གཉིས་པ་ནི། གནམ་ལྕགས་ལགས་ཀྱིས་ཟིན་བྲིས་སུ་བཙན་གཡེམ་སྐོར་གྱི་གནས་ཚུལ་འདི་སྤེལ་འདུག་ལ།
<གནམ་ལྕགས་ལགས་ཀྱི་ཟིན་བྲིས་ལ་གཟིགས་འདོད་ན་ཁ་བྱང་འདི་ཡིན https://tibettimes.net/wordpress/blogs.php?id=96&post_id=4112> སྐབས་དེར་སྐུ་ཞབས་ལུང་རིགས་རྒྱལ་ལགས་ནས་གནས་ཚུལ་འདི་དང་དངོས་སུ་འབྲེལ་བ་མེད་མོད་ཤུགས་ལ་ཅུང་ཟད་གོ་རྒྱུ་ཡོད་པའི་མཆན་ཞིག་བཏབ་སྟེ་ཚ་ཚ་འུར་འུར་གྱི་སྐད་ཆ་འདི་ཁ་གཞན་དུ་སྒྱུར་ཅི་ཐུབ་བྱས་འདུག་པ་དེ་རེད། སྐུ་ཞབས་ལུང་རིགས་ཀྱི་སྐད་ཆ་ནི་འདི་ལྟར།
(ངའི་སེམས་ཁྲལ་གཞན་ཞིག་ནི། ལོ་སྔོན་མ་ནས་བཟུང་ང་ཚོས་བཙན་བྱོལ་ནང་གི་ཤེས་ཡོན་འཐུས་ཤོར་གྱི་སྐོར་སྐད་གསེང་མཐོན་པོས་གླེང་བ་རེད། སྐད་ཆ་འདི་རིའི་ཕར་རྒྱབ་ནས་ཀྱང་གོ་ཡོད་ཚོད་ཡིན། བློ་ཕམ་ཡང་བྱུང་ཡོད་ཚོད་ཡིན། གཅིག་བྱས་ན་སེམས་ནང་ལ་ཐག་གཅོད་རེ་ཡང་བཟུང་ཡོད་ཚོད་ཡིན། ཤེས་ཡོན་འཐུས་ཤོར་གླེང་རྒྱུ་གལ་ཆེ་ལ། དེ་ལས་ཀྱང་གལ་ཆེ་བ་ནི་འཐུས་ཤོར་དེར་ཁ་གསབ་དང་བཅོས་སྒྱུར་གྱིས་ཤེས་ཡོན་གྱི་སྤུས་ཚད་མཐོར་འདེགས་བྱ་དགོས་པ་དེ་རེད། འདིའི་ཐད་ནས་ཁུ་སིམ་མེར་གནས་འདུག གྲགས་འགུལ་འདྲ་མི་འདུག ཁ་ཉིན་ང་སུ་ཇ་སློབ་གྲྭར་ཕྱིན་པ་ཡིན། བོད་ནས་ཡོང་མཁན་འགག་སྟེ་སློབ་ཁང་གསུམ་བཞི་ཞིག་སྟོང་བར་ལྷག་འདུག བོད་ནས་གསར་དུ་འབྱོར་མཁན་ཚོ་སྔོན་མར་འཛིན་གྲྭའི་ནང་མ་ཤོངས་པར་ཕྱི་ལོག་ནས་སློབ་ཁྲིད་བྱས་པའང་བྱུང་མྱོང་ཡོད། དེ་བས་འཛིན་གྲྭ་ཞིག་གསར་དུ་བརྒྱབས་འདུག འོན་ཀྱང་། ལོ་སྔོན་མ་ནས་བོད་ནས་ཡོང་མཁན་ཇེ་ཉུང་དུ་ཕྱིན་ཏེ་ད་སྟབས་གསར་པ་ཚོའི་ཆེད་དུ་བརྒྱབས་པའི་འཛིན་ཁང་གསར་པ་དེའི་ནང་དུ་འཛིན་རིམ་བདུན་པའི་སློབ་ཕྲུག་ཚོ་སྤར་འདུག རིམ་པ་བཞིན་རྒྱ་ནག་གིས་མཐའ་མཚམས་ནས་བཀག་པ་དང་། ཕ་མ་ཚོས་འདི་ཕྱོགས་ཀྱི་ཤེས་ཡོན་འཐུས་ཤོར་གྱི་སྡུག་སྐད་དེ་དག་གོ་ཚེ་བུ་ཕྲུག་ཚོ་ཉེན་ཁ་ཆེན་པོ་གཅིག་བརྒྱུད་དེ་ཉེན་ཁ་ཆེན་པོ་ཞིག་གི་ནང་ལ་འཇུག་འདོད་ཡོད་མེད་ཐེ་ཚོམ་རེད) སྐད་ཆ་འདིའི་ཟུར་ངོས་གང་ནས་བལྟས་ཀྱང་སྐུ་ཞབས་ལུང་རིགས་ལགས་བཙན་གཡེམ་འདིའི་སྐོར་ལ་ཚོར་བ་ཅུང་ཟད་ཀྱང་མེད་པའི་ཟོལ་ཞིག་བསྟན་འདུག དོན་དངོས་ཐོག་སྐུ་ཞབས་ལུང་རིགས་ལགས་ཀྱང་ང་ཚོ་དང་འདྲ་བར་གནས་ཚུལ་འདིར་སྡང་སེམས་ཆེན་པོ་ཡོད་པ་སྨྲོས་མེད་ཡིན་སྙམ། འོན་ཀྱང་ཁུང་གིས་གནས་ཚུལ་འདི་མིག་འོག་ནས་སྣང་མེད་བྱེད་སྟངས་སོགས་ལ་བལྟས་ན་དངོས་གནས་སྐྲག་སྣང་ཞིག་དབང་མེད་དུ་འོང་མོད་གནས་ཚུལ་འདི་རང་དགར་འཇོག་ཐུབ་པ་ཞིག་གཏན་ནས་མ་རེད།སྤྱིར་གསར་ཁང་ཞིག་ལ་མཚོན་ན་གསར་འགྱུར་འཚོལ་སྒྲུབ་བྱེད་པ་ལས་གསར་འགྱུར་ལ་གཡོལ་གང་ཐུབ་བྱེད་པའི་གསར་ཁང་ཞིག་དུས་བབ་གསར་ཁང་སོགས་བཙན་བྱོལ་བོད་མིའི་གསར་ཁང་དག་ལས་འཇིག་རྟེན་འདིར་མི་སྲིད་པ་ཞིག་རེད་སྙམ། དེའི་ཕྱིར་ཉམ་ཐག་བུ་མོ་འདིར་ཕོག་པའི་བརྙས་བཅོས་འདི་མི་མང་གི་ཤེས་རྟོགས་ཡོང་ཆེད་ཕྲན་ནས་ཀློག་པ་པོ་ཆེས་དཀོན་པའི་དུག་གི་སྐྱེད་ཚལ་སྟེ་ང་རང་ཉིད་ཀྱི་ཟིན་བྲིས་སུ་བཀོད་ནས་སྐྱུག་བྲོ་བའི་གནས་ཚུལ་འདི་ཐེར་འདོན་བྱེད་ཁུལ་བྱས་པ་ཡིན། དེ་ལྟར་བྱེད་དགོས་པའི་དམིགས་ཡུལ་ཡང་ཉམ་ཐག་བུ་མོ་འདིར་ལྷག་བསམ་རྣམ་དག་གིས་རོགས་པ་བྱེད་མཁན་ཞིག་ཨེ་ཡོང་གི་རེ་བ་ཁོ་ན་ལས་ཡུ་ནན་པ་བཀྲ་ཤིས་ལ་སྒེར་གྱི་སྙིང་ནད་སྤུ་ཙམ་ཡང་མེད། །
ཉེ་བའི་དུས་ནས་བཟུང་དྲ་ཐོག་གི་གསར་འགྱུར་དང་རྩོམ་ཡིག་གི་གཤམ་ལ་འབྲེལ་མེད་ཀྱི་མཆན་འབྲི་མཁན་དང་། མི་སྒེར་གྱི་མིང་གིས་བཟུང་སྟེ་འཁོན་རྩོད་དང་དམོད་ཚིག་འབྲི་མཁན་མང་དུ་འབྱུང་གིན་འདུག འདི་དག་གི་གྲས་སུ་ངོ་ཤེས་མཁན་དང་མི་ཤེས་མཁན་གཉིས་ཀ་འདུག གང་ལྟར་རྗེས་ཕྱོགས་ནས་དྲ་གྲོགས་ཚོས་འདིའི་རིགས་ཀྱི་མཆན་མི་འགོད་རྒྱུར་འབད་བརྩོན་གནང་རོགས།
གསར་འགྱུར་འདིའི་གཤམ་གྱི་མཆན་སྐོར་ཞིག་བསུབས་པ་ཡིན། རྗེས་ཕྱོགས་ཀྱང་འདིའི་རིགས་ལ་སྟངས་འཛིན་བྱེད་རྒྱུ་ཡིན་ལ། འབྲེལ་མེད་དང་ཉེན་ཁ་ཆེ་བའི་མཆན་འབྲི་མཁན་མཐོང་ན་དྲ་གྲོགས་ཚོས་དུས་བབ་དྲ་རྒྱའི་དོ་དམ་པར་འབྲེལ་བ་གནང་རོགས། ང་ཚོས་དྲ་ཐོག་གི་ཁོར་ཡུག་འདི་གཙང་མ་དང་གུ་ཡངས་པོ་ཞིག་བསྐྲུན་རྒྱུར་ཧུར་ཐག་བྱེད།
བྱང་ཆུབ་སེམས་དཔའ་ལ་བྱམས་བརྩེ་ཡིས་ཉེས་རྡུང་བཏང་ན་སྤྲེའུར་སྐྱེ་ན་ཞེ་སྡང་གས་རྟ་ལྕག་གྲབ་ན་གང་དུ་སྐྱེ། ཡ་མཚན་་་་་་་་
དྲྭ་རྒྱ་འདིའི་སྒང་ལ་མི་བཀྲ་ཤིས་མི་ཤེས་པ་ཇེ་མང་འགྲོ་བཞིན་འདུག དཔེར་ན་ཚུལ་ཁྲིམས་འོད་ཟེར་དང་ཐུབ་བསྟན་ཟེར་བ་ལྟ་བུ་རེད་དེ་ཚོ་ལ་གཟབ་གཟབ་གནང་ན་དགའ་ནི་རེད།
བཀླགས་ཡོད
གསེར་རྟ་ཡིན་ན་འདིས་གོང་གི་ཚིག་ཚོ་མ་གཏོགས་མི་ཤེས་ས་ཡོད་ཀ གང་སར་འདི་བཀྲམས་ནས་འདུག་གཱ གསེར་རྟ་ལགས། ད་རང་གི་བསམ་ཚུལ་འདྲ་ཕྲིས་དང་རང་གཞན་གཉིས་ཀ་དེས་ཕན་གི་རེད། ཁྱོད་ཚོ་འདི་ལུང་འདྲེན་ལོབ་ནས་ཡོད་དེ་ཡང་སྒྱུར་རན་རེད་འདུག་དཱ།
མཆོད་རྟེན་དེ་བཞེངས་གྲུབ་ན་སྐུ་མདུན་དགུང་ལོ་བརྒྱ་དང་ཉེར་ལྔ་བར་བཞུགས་ཐུབ་ཟེར། དགའ་ནི་ཞིག་རེད། འོན་ཀྱང་ཚེ་རིང་མཆེད་ལྔས་ཁོ་མོ་ལོ་དུ་ལ་འདུག་མིན་ཤེས་ཀྱི་ཡོད་དམ། དེང་སང་ཁོ་མོས་བྱས་སྟངས་ལས་སྟངས་ལ་གོ་རྒྱུ་ཐོས་རྒྱུ་མང་པོ་འདུག་ག
གསེར་རྟ་ཚུལ་ཁྲིམས་ཀྱིས་ཆིབས་བསྒྱུར་དང་འབྲེལ་བའི་གསར་འགྱུར་ཚང་མའི་རྔ་མར་གོང་གི་ཞབས་བརྟན་དེ་དག་བཀོད་འདུག རིམ་གྲོ་འདྲ་སྒྲུབ་ཀྱིན་ཡོད་ན་མ་གཏོགས་ཞེ་དྲག་ཁོམ་ཡོད་པའི་སྲོལ་ཞིག་འདུག
དང་པོར་རྒྱ་ཆེན་ཐོས་པ་མང་དུ་བཙལ།།བར་ཏུ་མདོ་སྔགས་རིག་པའི་གཞུང་ལ་སྦྱངས།།་ཐ་མར་ཉམ་ཐག་འགྲོ་ལ་བརྩེ་བས་གཟིགས།།ཐུབ་བསྟན་ཕུན་ཚོགས་ཞབས་ལ་གསོལ་བ་་འདེབས།།
མང་དུ་ཐོས་བ་སེམས་པའི་སྟེང་ལ་སྦྱར།།སེམས་པ་རྣམ་དག་རྒྱལ་བའི་བཀའ་བཞིན་བསྒྲུབ།།རང་ལས་གཞན་གཅེས་འགྲོ་བའི་ཞབས་ཞུར་འབད།།ཁྱོད་ནི་སྟོན་པ་མཆོག་གི་རྗེས་འཇུག་དངོས།།
ཇི་སྐད་དུ་རྒྱལ་ཚབ་ར་སྒྲེང་རིན་པོ་ཆེའི་ཞལ་སྔ་ནས།
མགོན་མེད་གངས་ཅན་ཞིང་འདིའི་འགྲོ་བ་རྣམས།།
ཇི་སྲིད་འཁོར་བའི་ཕྱི་མཐའ་མ་རྫོགས་པ།།
དེ་སྲིད་མཚུངས་པ་མེད་པའི་གསང་གསུམ་གྱིས།།
སྡེ་བཞིའི་དཔལ་ལ་སྦྱོར་བཞིན་བརྟན་པར་བཞུགས།།
ཉམ་ཐག་སྨག་རུམ་འཐིབས་པའི་གངས་ཅན་འདིར།།
མགོན་ཁྱོད་ཐུགས་རྗེའི་སྒྲོན་མེ་འབར་བའི་གཟིས།།
ཕན་དང་བདེ་བའི་སྣང་བ་འགྱེད་བཞིན་དུ།།
སྲིད་ཞིའི་བར་དུ་མི་གཡོ་རྟག་བརྟན་ཤོག།
ཞེས་གསུངས་པ་དང།
རྫོང་སར་མཁྱེན་བརྩེ་འཇམ་དབྱངས་ཆོས་ཀྱི་བློ་གྲོས་པའི་ཞལ་སྔ་ནས།
སྲིད་པ་གསུམ་ན་ངོ་མཚར་ཟླ་མེད་པ།།
ཨུ་དམ་ཝཱ་ར་ལྟར་འཕགས་ཐམས་ཅད་མཁྱེན།།
འཛམ་གླིང་བསྟན་འགྲོ་ཡོངས་ཀྱི་གཙུག་ནོར་ཆེ།།
རྒྱལ་མཆོག་ཕྱག་ན་པདྨོ་ཞབས་བརྟན་ཤོག།
ཅེས་གསུངས་པ་ལྟར་འགྲུབ་པར་སྨོན།