སྤྲིན་པ་མེ་ལ་འཚིག་པའི་ཕྱིར་ཉིན་ནས།།
ཆུ་བོ་རླུང་གི་འཁུར་བའི་ཕྱི་དྲོ་ནས།།
ཉི་མ་ནུབ་ལ་བཞུད་པའི་ས་སྲོད་དེར།།
ཟླ་བའི་སྤྱན་ཆུབ་ཤོར་བའི་སྐར་ཚོགས་ཁྲོད།།
སེམས་དང་བསམ་པའི་ཀུ་ཞིག་འདེབས་འདོད་ཀྱང་།།
གོ་བ་ཚུར་ལ་ཕྱོགས་པའི་རྣ་བ་དབེན།།
གློག་འོད་སྐར་ཚོགས་ཆེམ་ཆེམ་འཕྲོ་བ་འདིས།།
སྲིད་པའི་ལྷིང་འཇག་དེང་རབས་རྫས་ཀྱིས་གཏོར།།
བརྩེ་བའི་སྙིང་ཁུ་ལྡུད་འདོད་མངར་ཁུའི་ཆང་།།
ལག་ཟུང་རྩེ་རུ་བཏེགས་ནས་འབུལ་འདོད་སའི།།
ཤོར་བའི་སེམས་ཀྱི་བདག་མོ་རྒྱང་རིང་དུ།།
གནས་བབ་གང་འདྲ་ཡིན་མིན་སྟོན་མཇུག་ལོ།།
དྲན་པའི་ཤིང་གི་རྩེ་ན་གྲགས་པ་ཡི།།
ཁུ་བྱུག་སྔོན་མོ་ཞིག་གི་འབོད་སྟངས་ཤིག།
གཟུགས་མེད་བྲང་ནས་འབུས་དེ་ཚུར་ཕྱོགས་དུས།།
ལུས་པོ་སྐྱུར་མོ་ཞིག་གིས་ནང་དུ་འཐེན།།
དགོས་ན་འདོད་པ་འདྲ་བའི་ཆགས་པ་ཞིག།
མི་དགོས་སྣ་མང་འདུ་པའི་བསམ་བྱ་ཡིས།།
བསྡོད་ན་གཟོད་དུ་མེད་པའི་སྣང་བ་དེར།།
བཙུར་ཡང་ཁ་ནས་མ་འབུད་དམར་པོ་མེ།།
སྐྱི་མོའི་འབག་རིས་འདི་ལ་འཐིམ་པ་ནས།།
གཙང་བཙོག་བཟང་ངན་མེད་པའི་ལྟོ་བ་རུ།།
བཙལ་ན་རྙེད་རྒྱུ་མེད་པའི་ཧམ་སེམས་ཀྱིས།།
མུན་ནག་ཁོལ་མོ་ཞིག་གི་བརྡ་ཞིག་བཏང་།།
བདེན་པ་གསུམ་ལ་བསྔགས་པ་ཟེར་དུས་སྐུ་ཉིད་ཀྱང་། དཀོན་མཆོག་རིན་ཆེན་རྣམ་གསུམ་ལ་གོ་ཡི་ཡོད་པ་ཡིན་ན་ཅུང་ཙམ་ཆེ་དྲག་པ་འདྲ། དེ་མིན་བདེན་པ་དེ་གསུམ་གཞན་གསུམ་ལ་ཞིབ་མོ་བློ་ཡིས་འདང་ཞིག་རྒྱོབས་དང་། ད་དུང་། བདེན་པ་གསུམ་གཞན་ཞིག་གི་སྟེང་ནས་རྙེད་ངེས་ཡིན་ལགས།
སྤྱང་གྲུང་ལྡན་པའི་རིགས་པས་དཔྱད་ལུགས་འདི།།ཟེར་དགོས་པ་རེད།
བདེན་པ་གསུམ་ལ་བསྔགས་པ་འདི་རེ་སྤྲོ།།
ཟེར་ན་མི་ཡག་གཱ
སྤྱང་དྲོང་ལྡན་པའི་རིགས་པའི་དབྱད་ལུགས་འདི།།
སྐར་ཚོགས་ཁྲ་ལེར་ཁུ་སིམ་མཚན་མོ་འདིར།།
ཁྲི་སྲོང་ལྡེ་བཙན་དྲན་པའི་གདུང་ཡས་ཤིག།
བཙན་པོའི་བུ་རབས་ཡིད་སྙམ་བུ་ཆུང་གིས།།
རྒྱུན་དུ་ཐག་རིང་ས་ནས་བཏང་བ་དགའ།།
གཅན་གཟན་འཇིགས་པ་ཇི་འདྲ་རྒོད་ན་ཡང་།།
བཟོད་བསྲན་སྙིང་རུས་ཅན་གྱི་སྤུན་ཟླ་ཉིད།།
ཆོས་རྒྱམ་ཁྲི་འཕང་གོ་ས་མེད་ན་ཡང་།།
དྲང་བདེན་ཁྲིམས་དཔོན་གཞོན་པའི་མཚན་ཞིག་ཡོད།།
གནམ་མཁའི་ལྷ་ཡུལ་ཟེར་ན་མི་ཤེས་ཀྱང་།།
འབོད་སྐུལ་ལྕགས་ཚན་དར་མའི་རང་གཤིས་དེ།།
ནམ་ཡང་ལྷོད་དུ་མེད་པའི་ཤེས་རབ་ཅན།།
བརྗེད་དུ་མེད་པའི་མུན་སེལ་སྒྲོན་མེ་ཞིག།
བྲག་སྲིན་སྤྲེལ་རྒྱུན་གཅིག་པའི་སྤུན་ཟླ་ལགས།།
འགོ་བོ་དཀྲུགས་ནས་བསམ་བློ་མ་བཏང་ན།།
དཀོན་པ་མིན་ཡང་མཆོག་དུ་མ་ངེས་ཀྱང་།།
དར་རྒྱས་ཡོད་མེད་མི་རེ་བསམ་ཚུལ་རེ།།
ཁྲ་མོ་གླིང་དཀར་སྟོད་ནས་འཕུར་འོང་བའི།།
གངས་རིའི་གླག་རྒོད་བོད་པའི་ཕོ་གསར་ཁྱེད།།
སྤྱང་དྲོང་ལྡན་པའི་རིག་པའི་དབྱད་ལུགས།།
བདེན་པ་གསུམ་ལ་བསྔགས་དང་འདྲ་བའི་སྤྲོ།།
བསེ་རུ་ར་གཅིག་འཛམ་གླིང་སྤྱི་ནོར་ཡིན།།
གངས་ཅན་བོད་ཀྱི་རིགས་གཅིག་རྐང་འཛིན་པ།།
ལྷག་བསམ་ཟོལ་མེད་སྤུན་ཟླའི་ནང་ཁུལ་ལ།།
སེམས་འཁུར་དང་ལེན་ཅན་ཁྱེད་དུས་ཀུན་བསྟོད།།
ཤ་ཁྲག་རུས་གསུམ་བགྲོད་པའི་ཤུལ་ལམ་ལྟར།།
མིག་ཟུང་ཁྲི་མ་འབུམ་གྱི་འདུན་ས་ན༎
དབྱེན་དཀྲུག་ཕྱོགས་རིས་དབེན་པའི་བསེ་རུ་ལ།།
ཀུན་གྱིས་བསྔགས་ཤིང་མིག་དཔེར་འགྱུར་བ་ངེས༎
ཤ་ཁྲག་རུས་གསུམ་བགྲོད་པའི་ཤུལ་ལམ་ན།།
ྱམིག་ཟུང་ཁྲི་མ་འབུམ་གྱིས་ཅེར་བཞིན་ཡོད།།
དབྱེན་དཀྲུག་ཕྱོགས་རིས་དབེན་པའི་རྩོམ་རིགས་ལ།།
ཀུན་གྱིས་བསྔགས་ཤིང་མིག་དཔེའི་ཡུལ་དུ་གྱུར།།
འོན་ཏེ་ཟིན་བྲིས་རེ་རེའི་བར་གསེང་ནས།།
ཡིག་ནོར་ཁྱར་ཁྱོར་ཐོན་པའི་ངང་ཚུལ་དེས།།
དྲ་གྲོགས་དཔྱོད་ལྡན་རྣམ་པ་ངལ་བར་བྱས།།
ད་དུང་གཟབ་དང་སྙིང་གི་དྲ་གྲོགས་ལགས།།
སྤྲིན་པ་མེ་ལ་འཚིག་དང་རུལ་བ་དང༌༎
ཆུ་བོ་རླུང་གིས་འཁུར་བའི་དཔེ་མེད་ཀྱང༌།།
ཁྱེད་ཀྱི་མཆན་ནི་དྲ་རྒྱ་ཐམས་ཅད་ཀྱི༎
ཟིན་བྲིས་ཚང་མའི་ནང་དུ་མེད་ས་མེད༎
ཁྱེད་ཀྱིས་དུས་ཚོད་ཚང་མ་འདིར་བཏང་ནས༎
ཉེ་དགའ་ཕྱོགས་རེས་མེད་པའི་གཏམ་བཤད་དེས༎
བོད་རིགས་འདི་དང་བོད་ཀྱི་སྐད་ཡིག་ལ༎
ལྷག་བསམ་སེམས་ཤུགས་ཡོད་པའི་ཚོར་སྣང་སྟེར༎
གབ་ཚིག་ཞིག་དང་འདྲ་བར་ཁག་པོ་འདུག
ཅི་ཡང་དགོས་ན་ཐབས་ཀྱིས་བཙལ་ནུས་པའི།།
གཞི་བདག་རྐང་མགྱོགས་ཅན་ལ་གསོལ་བ་འདེབས།།
དེ་རིང་གློ་བུར་འདི་ནས་མཇལ་བྱུང་བའི།།
རྟོགས་ལྡན་རིན་པོ་ཆེར་ཡང་གསོལ་བ་འདེབས།།
དེང་སང་འདི་ཚོས་དགེ་ཆོས་ཀྱི་མི་རྟགས་དྱན་མགུར་འདྲ་བ་རྐྱང་བྲིས་ན་ངས་ཅི་ཡང་མི་གོ་གི་ཡཱ། བྱ་འདི་ད་ཅི་བྱས་ན་བཟང་།
ཅི་དགོས་ཡོད་པའི་འཇིག་རྟེན་འཁོར་བ་ན།།
ཅི་འདོད་མི་འགྲུབ་སེམས་ནད་གསགས་ས་ན།།
ཅི་ཡང་མི་རྟག་བསམ་བློ་གསར་བ་སྟེ།།
ཅི་སྙམ་འདི་སྣང་མེད་པའི་ངེས་འབྱུང་ཞིག། ཧཧཧཧ