མདུན་ངོས།
About Us
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
No Result
ཆ་ཚང་གཟིགས།

གཞུང་འབྲེལ་གསོལ་སྟོན་ཐོག་མ།

བོད་ཀྱི་དུས་བབ།
༢༠༠༩/༡༡/༢༥
Share on FacebookShare on TwitterShare on EmailShare on Whatsapp

སྲིད་འཛིན་ཨོ་བྷ་མ་མཆོག་སྲིད་འཛིན་གྱི་ཁྲི་སྟེགས་ལ་ཕེབས་རྗེས་ཀྱི་ཕོ་བྲང་དཀར་པོའི་ནང་གི་གཞུང་འབྲེལ་དགུང་མོའི་གསོལ་སྟོན་ཐེངས་དང་པོའི་སྐུ་མགྲོན་དུ་རྒྱ་གར་གྱི་སྲིད་བློན་མན་མོ་ཧན་སིན་མཆོག་ཕེབས་ཡོད་པ་རེད།

རེས་གཟའ་ཟླ་བའི་ཉིན་ཨ་རིས་རྒྱ་གར་གྱི་སྲིད་བློན་མན་མོ་ཧན་སིན་མཆོག་ཕོ་བྲང་དཀར་པོར་གདན་ཞུ་གནང་ཡོད་ལ། འདི་ནི་ཨོ་བྷ་མའི་སྲིད་འཛིན་གྱི་ལས་ཡུན་རིང་ཕྱིའི་རྒྱལ་ཁབ་ཀྱི་དབུ་ཁྲིད་ཅིག་སྐུ་མགྲོན་དུ་གདན་འབོད་ཞུས་པ་ཐོག་མ་དེ་ཆགས་ཡོད་འདུག གསར་འགོད་གསལ་བསྒྲགས་ཤིག་གི་སྐབས། སྲིད་འཛིན་ཨོ་བྷ་མས་སྲིད་བློན་མན་མོ་ཧན་སིན་མཆོག་ལ་ཁྱེད་ནི་ངའི་སྲིད་འཛིན་གྱི་ལས་ཡུན་རིང་རྒྱལ་དོན་འཚམས་གཟིགས་ལ་ཕེབས་མཁན་ཐོག་མ་དེ་ཡིན་ལ། སྲིད་འཛིན་ལས་ཡུན་རིང་གི་ཕོ་བྲང་དཀར་པོའི་གཞུང་འབྲེལ་དགུང་མོའི་གསོལ་སྟོན་གྱི་ཆེད་ཞུས་སྐུ་མགྲོན་ཡང་ཡིན། ཐེངས་འདིའི་གཟིགས་སྐོར་ནི་རྒྱལ་ཁབ་གཉིས་བར་གྱི་མཛའ་བརྩེ་དང་བརྩི་བཀུར་གྱི་ཆེད་དུ་ཡིན་ལ། གཙོ་བོ་ནི་ཁྱེད་རང་གནད་འགག་གི་དུས་སྐབས་ཤིག་ལ་ཨ་རིར་ཕེབས་ཏེ་ང་ཚོར་གོ་སྐབས་ཤིག་སྤྲད་པ་རེད་ལ། དུས་རབས་སྔ་མ་ནས་ད་ལྟའི་བར་ང་ཚོ་གཏན་འཇགས་ཀྱི་མཐུན་ཕྱོགས་ལས་རོགས་ཤིག་ཆགས་ཡོད་ཅེས་དང་། ཡང་ཁོང་གིས་གོ་ལའི་དཀའ་རྙོག་ལ་ཕན་ཚུན་མཉམ་རུབ་ཀྱིས་གདོང་ལེན་བྱ་དགོས་སྐོར་དང་། གནམ་གཤིས་འགྱུར་ལྡོག་དང་འཇིགས་སྐུལ་བའི་དྲག་སྤྱོད། དཔལ་འབྱོར་ཡར་རྒྱས་བཅས་ཀྱི་ཐད་མཉམ་ལས་བྱ་དགོས་པའི་རེ་བ་བཏོན་ཡོད་པ་རེད།

རྒྱ་གར་གྱི་སྲིད་བློན་མན་མོ་ཧན་སིན་མཆོག་གིས་ཨ་རི་དང་རྒྱ་གར་གཉིས་ནི་བར་ཐག་རིང་པོར་གནས་ཡོད་ཀྱང་ཐུན་མོང་གི་ཁེ་ཕན་ཐོག་ཕན་ཚུན་བར་འབྲེལ་བ་དམ་ཟབ་ཡོད་ཅེས་བརྗོད་ཡོད་འདུག་ལ། ཡང་ཁོང་གིས་ལོ་མང་པོའི་རིང་ང་ཚོས་ཐུན་མོང་གི་ཁེ་ཕན་གྱི་རྨང་གཞི་དང་དེའི་རྩ་དོན་གཞིར་བཟུང་སྟེ་ཕྱི་འབྲེལ་ཡར་རྒྱས་ཐད་གྲུབ་འབྲས་ཐོན་ཏེ་མཐུན་གྲོགས་སུ་གྱུར་ཡོད། ང་ཚོའི་བར་གྱི་འབྲེལ་བ་ནི་ནམ་ཡང་འགྱུར་བ་མེད་པར་མུ་མཐུད་ནས་ཡར་རྒྱས་སུ་འགྲོ་བཞིན་པ་ཞིག་ཡིན་པ་མ་ཟད། དེ་མིན་གྱི་མིའི་རིགས་ཀྱི་བྱ་འགུལ་གང་ལའང་མཉམ་ལས་བྱ་རྒྱུ་ཡིན་ཞེས་བརྗོད་ཡོད་འདུག 

སྲིད་བློན་མན་མོ་ཧན་སིན་མཆོག་གིས་རྒྱ་དཀར་ནག་གཉིས་ཀྱི་ཕྱོགས་ནས་གསུངས་དོན། རྒྱ་དཀར་ནག་གཉིས་ཀྱི་དཔལ་འབྱོར་གྱི་འཕེལ་རྒྱས་ཐད་ནས་བཤད་ན་རྒྱ་གར་གྱིས་རྒྱ་ནག་གི་རྗེས་ཟིན་གྱི་མེད་སྲིད། ཡིན་ཡང་། རིན་ཐང་གཞན་པའི་ཕྱོགས་ནས་གནས་ཚུལ་ཐ་དད་རེད། འགྲོ་བ་མིའི་ཐོབ་ཐང་དང་ཆེ་མཐོང་། ཆོས་དད་རང་དབང་། རིག་གཞུང་དང་མི་རིགས་སྣ་འདུས་སོགས་ཀྱི་ཐད་ནས་རིན་ཐང་ཆེན་པོ་ཡོད་ལ། ང་ཚོས་རིན་ཐང་འདི་དག་ནི་དངུལ་སྒོར་ལ་བརྗེ་ཐུབ་གི་མ་རེད་ཅེས་རྒྱ་ནག་གི་ཞན་ཆའི་སྐོར་ཡང་གསུངས་ཡོད་པ་རེད།

རྗེས་སོར་ཨ་རིའི་གྲོས་ཚོགས་འོག་མའི་ཚོགས་གཙོ་ལྩམ་ནན་སེ་པེ་ལོ་མཆོག་གིས་གྲོས་ཚོགས་ནང་དུ་སྲིད་བློན་མན་མོ་ཧན་སིན་ལ་རྒྱ་གར་གྱིས་༧གོང་ས་ཏཱ་ལའི་བླ་མ་མཆོག་ལ་སྣེ་ལེན་ཞབས་ཏོག་གང་ལེགས་ཞུ་བཞིན་པ་དེར་ཨ་རིའི་ངོས་ནས་ཐུགས་རྗེ་ཆེ་ཞུ་གིན་ཡོད་ཅེས་གསུངས་ཡོད་པ་རེད།

སྲིད་འཛིན་ཨོ་བྷ་མའི་གཞུང་འབྲེལ་གསོལ་སྟོན་ཐོག་མ་འདིའི་སྟེང་སྐུ་མགྲོན་ ༣༣༨ ཡོད་པ་དང་། ཅོག་ཙེ་སྒོར་མོ་རེའི་སྟེང་དུ་སྐུ་མགྲོན་བཅུ་རེ་བཞུགས་ཡོད་ལ། སྔར་དང་མི་འདྲ་བར་ཐེངས་འདིར་རྒྱ་གར་གྱི་ཟས་རིགས་མང་པོ་ཞིག་བཤམས་ཡོད་འདུག རྒུན་ཆང་ནི་ཨ་རིའི་རྒུན་ཆང་ཡིན་འདུག

 

མཆན། 7

  1. བོད། ཤ་ཁྲག་རུས་གསུམ། says:
    ལོ་ 13 སྔོན།

    http://www.voanews.com/tibetan/video.cfm སྤུན་ཟླ་ཚོ། འབྲེལ་ཐག་འདི་ལ་གཟིགས་རྒྱུ་མ་བརྗེད་ཅིག་ལགས།

    Reply
  2. སྨྱུག་རྒོད་གངས་བུ་དཔལ། says:
    ལོ་ 13 སྔོན།

    ཕོ་བྲོང་དཀར་པོ་དང་ནག་པོ་ག་པར་ཁ་ལག་ཟས་ནའང་ཁྱད་པར་གང་མི་འདུག དེ་ལས་ང་ཚོ་བོད་པ་ཚང་མི་ཚོའི་སྒོ་ཁྱི་མ་ཆགས་པ་ཞིག་བྱུང་ན།

    Reply
  3. དགུ་ཚིགས་སྐྱ་མོ། says:
    ལོ་ 13 སྔོན།

    ལྩམ་ནན་སེ་པེ་ལོ་མཆོག་གིས་སྲིད་བློན་མན་མོ་ཧན་སིན་ལ་རྒྱ་གར་གྱིས་༧གོང་ས་ཏཱ་ལའི་བླ་མ་མཆོག་ལ་སྣེ་ལེན་ཞབས་ཏོག་གང་ལེགས་ཞུ་བཞིན་པ་དེར་ཨ་རིའི་ངོས་ནས་ཐུགས་རྗེ་ཆེ་ཞུ་གིན་ཡོད་ཅེས་གསུངས་ཡོད་པ་རེད། དེ་ལ་བཀའ་དྲིན་ཆེ་ཞེས་ཞུ་རྒྱུ་དང་། མ་ཟད་གོང་ས་མཆོག་དང་བཙན་བཤོལ་བོད་ལ་ཡང་མ་འོངས་པར་རྒྱ་གར་ངོས་ནས་མཐོང་ཆེན་དང་རོགས་སྐྱོར་ཡང་རྒྱས་འགྲོ་བའི་བསྐུལ་མ་ཞིག་རེད།

    Reply
  4. དགུ་ཚིགས་སྐྱ་མོ། says:
    ལོ་ 13 སྔོན།

    ལྩམ་ནན་སེ་པེ་ལོ་མཆོག་གིས་སྲིད་བློན་མན་མོ་ཧན་སིན་ལ་རྒྱ་གར་གྱིས་༧གོང་ས་ཏཱ་ལའི་བླ་མ་མཆོག་ལ་སྣེ་ལེན་ཞབས་ཏོག་གང་ལེགས་ཞུ་བཞིན་པ་དེར་ཨ་རིའི་ངོས་ནས་ཐུགས་རྗེ་ཆེ་ཞུ་གིན་ཡོད་ཅེས་གསུངས་ཡོད་པ་རེད། དེ་ལ་བཀའ་དྲིན་ཆེ་ཞེས་ཞུ་རྒྱུ་དང་། མ་ཟད་གོང་ས་མཆོག་དང་བཙན་བཤོལ་བོད་ལ་ཡང་མ་འོངས་པར་རྒྱ་གར་ངོས་ནས་མཐོང་ཆེན་དང་རོགས་སྐྱོར་ཡང་རྒྱས་འགྲོ་བའི་བསྐུལ་མ་ཞིག་རེད།

    Reply
  5. ལྷོ་ཕྲུག་སྣ་བོ་ཆེ། says:
    ལོ་ 13 སྔོན།

    རྒྱ་གར་རྒྱའུ་འདིས་རྒྱ་ནག་ལ་བརྡ་ཞིག་བཏང་འདུག

    ཡིན་ནའང་དངོས་སུ་རྒྱ་ནག་ནང་འགྲོ་མིའི་ཐོབ་ཐང་དང་སྨྲ་བརྗོད་རང་དབང་སོགས་ཀྱི་གནས་སྟངས་སྐྱོ་པོ་འདུག་ཅེས་ཤོད་པར་འཇིགས་སྣང་ཞིག་ཡོད་པ་འདྲ།

    Reply
  6. བོད། ཤ་ཁྲག་རུས་གསུམ། says:
    ལོ་ 13 སྔོན།

    གསོལ་ཚིག་ལྷོད་ལྷོད་བཞེས།

    Reply
  7. མེ་སྟག says:
    ལོ་ 13 སྔོན།

    ༸གོང་ས་མཆོག་ལ་ཨ་བྷ་མའི་གསོལ་སྟོན་ཡང་ཉེ་བོ་ཡིན་རྒྱུ་རེད

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist