མདུན་ངོས།
About Us
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
No Result
ཆ་ཚང་གཟིགས།

སློབ་མའི་ལག་ཤེས་འགྲེམས་སྟོན།

བོད་ཀྱི་དུས་བབ།
༢༠༠༩/༡༡/༣༠
Share on FacebookShare on TwitterShare on EmailShare on Whatsapp

ང་ཚོས་ཅ་དངོས་འདི་དག་འགྲེམས་སྟོན་ལ་དམིགས་ཏེ་བཟོས་པ་མིན་པར་སློབ་མ་ཚོས་སློབ་སྦྱོང་གི་དུས་ཚོད་བེད་སྤྱད་དེ་སྦྱངས་བའི་འབྲས་བུ་ཡིན་ཟེར།

དེ་རིང་ཞོགས་པའི་ཆུ་ཚོད་ ༡༠ བའི་སྟེང་བོད་གཞུང་ཕྱི་དྲིལ་ལྷག་པ་ཚེ་རིང་ཚོགས་ཁང་དུ་མེས་དབོན་གཙུག་ལག་དཔེ་སྟོན་སློབ་གྲྭ་དང་གངས་སྐྱིད་ཉིན་མོ་སློབ་གྲྭ་གཉིས་མཉམ་འབྲེལ་གྱིས་འདི་ལོའི་ལོ་མགོ་ནས་མགོ་བརྩམས་པའི་སློབ་མ་རྣམས་ཀྱི་བོད་དབྱིན་ཡིག་རིགས་གཉིས་ཀྱི་ཡིག་གཟུགས་དང་རྩོམ་ཡིག སློབ་གསེང་གི་དུས་ཚོད་བེད་སྤྱད་དེ་སློབ་སྦྱོང་བྱས་པའི་ལག་ཤེས་ཐོན་རྫས་ཁག་ཅིག་བཅས་འགྲེམས་སྟོན་བྱས་ཡོད་ལ།  སྐུ་མགྲོན་གཙོ་བོར་བོད་གཞུང་ཤེས་རིག་དྲུང་ཆེ་གཡུ་ཐོག་ཀརྨ་དགེ་ལེགས་མཆོག་གཙོས་པའི་ཤེས་རིག་ལས་ཁུངས་ཀྱི་གནད་ཡོད་མི་སྣ་ཁག་ཅིག་ཆེད་ཕེབས་ཀྱིས་གཟིགས་སྐོར་གནང་སོང་། སྐབས་དེར། འདི་གའི་གསར་འགོད་པས་གངས་སྐྱིད་ཉིན་མོ་སློབ་གྲྭའི་སློབ་སྦྱི་རྡོ་རྗེ་སྒྲོལ་མ་ལགས་སུ་ཐེངས་འདིིའི་འགྲེམས་སྟོན་གྱི་དམིགས་ཡུལ་སྐོར་ལ་བཀའ་འདྲི་ཞུས་པར། ཁོ་མོས། ང་ཚོའི་སློབ་མ་རྣམས་ནི་ལོ་ ༣ ནས་ལོ་ ༨ ཀྱི་བར་རེད། སློབ་མ་ཚོར་ཆུང་དུས་ནས་ཡི་གེ་འབྲི་ཀློག་ཁོ་ན་མིན་པར་འདི་ལྟ་བུའི་ལག་ཤེས་སློབ་སྦྱོང་གི་གོ་སྐབས་དང་སྦྱོང་བརྡར་སྦྲད་པ་ཡིན་ན། མ་འོངས་པར་ལག་ཤེས་སྦྱོང་བའི་དུས་ལ་བབ་ཀྱང་ལས་སླ་བོ་དང་གོམས་གཤིས་ཤིག་འཇགས་པར་ཕན་པ་འབྱུང་རྒྱུ་དང་། འགྲེམས་སྟོན་འདི་བརྒྱུད་དེ་མ་འོངས་པར་སློབ་མ་ཚོར་སྐུལ་སློང་གི་ནུས་པ་དང་དེ་དག་ལ་དགའ་སྣང་བསྐྱེད་ཆེད་ང་ཚོས་འདི་གོ་སྒྲིག་བྱས་པ་ཡིན། ལོ་སྔོན་མ་ནས་བཟུང་སྟེ་འདིའི་སྐོར་གྱི་བྱ་འགུལ་སྤེལ་བ་ཡིན་ལ། སློབ་མ་ཚོས་ཀྱང་འདིའི་སྐོར་ལ་དོ་སྣང་དང་དགའ་བོ་བྱེད་ཀྱིན་འདུག  ཐེངས་འདིར་ལག་ཤེས་ཐོན་རྫས་རིགས་མི་འདྲ་བ་དགུ་ལྷག་ཡོད། འདི་ཡོད་ཚད་དགེ་རྒན་གྱི་སློབ་སྟོན་འོག་སློབ་མ་རང་གིས་བཟོས་པའི་ལག་ཤེས་ཀྱི་འབྲས་བུ་རེེད། མ་འོངས་པར་ང་ཚོས་འདི་ལས་ལྷག་པའི་ལག་ཤེས་ཀྱི་སྦྱངས་འབྲས་འདོན་པར་འབད་པ་བྱ་རྒྱུ་ཡིན་ཅེས་བརྗོད་བྱུང་།

མེས་དཔོོན་གཙུག་ལག་དཔེ་སྟོན་སློབ་གྲྭའི་སློབ་སྤྱི་ཚེ་རིང་གཡུ་སྒྲོན་ལགས་ཀྱིས། ལོ་སྔོན་མར་ང་ཚོའི་སློབ་གྲྭ་གཅིག་པུས་འགྲེམས་སྟོན་བྱས་པ་རེད། ཐེངས་འདིར་ང་ཚོ་མཉམ་འབྲེལ་གྱིས་བྱ་འགུལ་འདི་སྤེལ་དོན་ནི་མ་འོངས་པར་ང་ཚོའི་སློབ་གྲྭ་གཞི་རིམ་གོང་མ་དང་གངས་སྐྱིད་ཉིན་མོ་སློབ་གྲྭ་གཞི་རིམ་བར་མ་བཟོས་ཏེ་སློབ་གྲྭ་འདི་གཉིས་མཉམ་འབྲེལ་ཐོག་འཛིན་སྐྱོང་གཅིག་གི་འོག་གནས་རྒྱུ་ཡིན་སྟབས། ཐེངས་འདིར་ང་ཚོ་མཉམ་འབྲེལ་གྱིས་བྱ་འགུལ་སྤེལ་བ་རེད་ཅེས་དང་། ཡང་ཁོང་གིས། ཐེངས་འདིར་སྔོན་མ་དང་མི་འདྲ་བའི་དམིགས་བསལ་གྱི་ལག་ཤེས་ཁག་ཅིག་ཡོད།  ཡིན་ནའང་། ཅ་དངོས་འདི་དག་ནི་འགྲེམས་སྟོན་ཁོ་ནར་དམིགས་ཏེ་བཟོས་པ་མིན་པར་སློབ་མ་ཚོས་གཟའ་སྤེན་པ་དང་པོ་དང་སྤེན་པ་གསུམ་པའི་དུས་ཚོད་བེད་སྤྱད་དེ་སྦྱངས་པའི་འབྲས་བུ་ཡིན་ལ། ང་ཚོས་ཕྲུ་གུ་ཚོའི་འདོད་བློ་དང་དགའ་མོས་ལ་བརྟེན་ནས་ཡི་གེ་འབྲི་ཀློག་ཁོ་ན་མིན་པར་རིག་གནས་འདྲ་མིན་གྱི་སློབ་སྦྱོང་སྤྲོད་ཐུབ་ན་མ་འོངས་པར་ལག་ཤེས་སློབ་སྦྱོང་གིས་ཀྱང་ཁོ་ཚོའི་འཚོ་བར་ཕན་པ་ཆེན་པོ་འབྱུང་གི་རེད་ཅེས་བརྗོད་བྱུང།

ཐེངས་འདིའི་འགྲེམས་སྟོན་སྟེང་ངྷ་ས་ཉེ་འགྲམ་གྱི་ནོར་གླིང་དང་མེག་ལོར་སོགས་སུ་ཡོད་པའི་སློབ་མའི་ཁྱིམ་བདག་རྣམས་དང་གངས་སྐྱིད་ཀྱི་ལས་བྱེད། དེ་བཞིན་སློབ་གྲྭ་གཉིས་ཀྱི་དགེ་སློབ་སོགས་མི་ ༡༠༠ ལྷག་འདུ་འཛོམས་བྱུང་ཡོད།

མཆན། 12

  1. བསྟན་པ་ཡར་འཕེལ། says:
    ལོ་ 13 སྔོན།

    དཀོན་མཆོག་མཁྱེན། བོད་ཁྱིམ་སློབ་གྲྭ་ཁག་གི་ནང་སྲིན་མོ་ལྟར་ཁྲོ་ཞིང་རྩི་རྩི་ལྟརརྐུ་མཁན་གྱི་ཁྱིམ་ཚང་ཨ་མ་དེ་ཚོ་ཡང་ངོ་མ་ཞིབ་འཇུག་རེ་བྱས་ན་སེམས་པ་སྐྱོ་དགོས་པ་ཞིག་རེད། སློབ་ཕྲུག་དེ་ཚོ་དུས་ཚོད་མང་ཤོས་དེ་ཁྱིམ་ཚང་ཨ་མའི་འགྲམ་སྡོད་དགོས་ཀྱང་དེ་ཚོས་སློབ་སྦྱོང་ཚིག་གཅིག་མི་སྤྲོད་པའི་ཁར་གཤེ་རྡུང་ཁོ་ན་བྱེད་བཞིན་འདུག། ངོ་མ་བཤད་ན་དགེ་རྒན་ལས་ཀྱང་ཁྱིམ་ཚང་ཨ་མ་དེ་ཚོ་ཀྱག་ལང་ཤོར་འདུག

    Reply
  2. གཅན་བཟོད་རྒྱམ། says:
    ལོ་ 13 སྔོན།

    ཨ་ལ་ལ་ལ་ལ། ཚེ་རིང་རྒྱུ་མ། གསར་འགོད་པས་བཤད་པའི་བུ་མོ་དེ་འདི་རེད་ཡ། འཛིན་རིམ་གསུམ་པའི་བུ་མོ་བསྟན་འཛིན་ཆོས་སྐྱིད་ཟེར། མོས་རྩོམ་ཡིག་ངོ་སྤྲོད་བྱེད་ས་དེ་ཤེས་རིག་སྲུང་ཆེ་གཡུ་ཐོག་ཀརྨ་དགེ་ལེགས་རེད་འདུག
    ད་ལྟ་སྔོན་ཏག་ཏག་ལ་མཛམས་མའི་མིང་འཁོད་པའི་གསར་འགྱུར་དེར་བརྙན་འཕྲིན་ནས་མཐོང་བས་སེམས་སྐྱོ་སོང་སྟེ། བུ་མོ་བསྟན་འཛིན་ཆོས་སྐྱིད་ཀྱི་རྩོམ་ཡིག་དང་མོས་གློག་འདོན་བྱས་པ་དེས་ང་དགའ་རུ་བཅུག ད་གཉིད་ཁུག་ནོ་དེ་ཅིག་མི་གཅིག་ཡ་ཉལ་དང་།ཧཧཧཧཧཧཧཧཧཧཧཧཧ། ཚེ་རིང་རྒྱུ་མ། གནམ་གིས་སྲུང་རྒྱུ་མ།

    Reply
  3. བསེ་རུ། says:
    ལོ་ 13 སྔོན།

    དྲ་གྲོགས་ཁོར་ཡུག་ལགས།

    ཁྱེད་ཀྱིས་ཐོ་འགོད་བྱས་པའི་མིང་བྱང་དེའི་དག་ཆ་ནོར་འདུག་པས།
    གང་མགྱོགས་བཟོ་བཅོས་གནང་རོགས།
    ཡོངས་གྲགས་ལ་ཁོར་ཡུག་ཅེས་པར་སྔོན་འཇུག་འ་འབྲི་སྲོལ་མེད།།

    Reply
  4. བཀྲ་ཤིས་དོན་གྲུབ། says:
    ལོ་ 13 སྔོན།

    ང་རང་འགྲེམ་སྟོན་དེའི་སྟང་དངོས་སུ་སོང་བ་མེད་ལ། དཔེ་སྟོན་སློན་གྲྭར་རྒྱུས་ཡང་མེད་དངོས་གནས་དེ་འདྲའི་གྲུབ་འབྲས་བྱུང་་་་
    ཡོད་ན་སྤྱི་ཚོགས་ནང་ཁྱབ་བསྒྲགས་བྱས་ན། ཀླད་པ་མཁྲེགས་པའི་ཚོགས་་
    སྡེ་དང་སློབ་གྲྭ་དགོན་སྡེ་དག་ལ་མིག་དཔེ་ཡག་པོ་རེ་སྟོན་ངེས།

    Reply
  5. འཁོར་ཡུག། says:
    ལོ་ 13 སྔོན།

    དྲ་གྲོགས་ཁ་ཤས་ཀྱིས་གསུངས་པ་བཞིན་དངོས་གནས་རེ་འདུག
    དཔེ་སྟོན་སློབ་མ་འགའ་ཤས་དང་ཐུགས་བྱུང་བས་སྐད་ཆ་ཁམས་གཙང་མ་བཤད་ཀྱི་འདུག
    དངོས་གནས་མེས་པོའིརྒྱུན་འཛིན་དང་མི་རབས་ཀྱི་དཔེ་སྟོན་རང་རེ་འདུག
    ལྷག་པར་བྱིས་པ་དེ་རྣམས་ཀྱིས་བཟོས་པའི་པར་ནང་གི་དངོས་པོ་རྣམས་སྣིང་རྗེ་པོ་འདུག
    བསྔགས་བརྗོད་ཡོད།་

    Reply
  6. བོད། ཤ་ཁྲག་རུས་གསུམ། says:
    ལོ་ 13 སྔོན།

    དཔེ་སྟོན་སློབ་གྲྭའི་སློབ་མ་བསྡུ་སྟངས་བསྐོར་གང་འདྲ་ཡིན་མིན་བསྐོར་ཞིག སྤུན་ཟླ་སུ་ཞིག་གིས་ཤེས་ཀྱི་ཡོད་ན་འགྲེལ་བཤད་ཞིབ་མོ་ཞིག་རྒྱག་ཐུབ་མཁན་ཡོད་དམ་ལགས།

    Reply
  7. བསེ་རུ། says:
    ལོ་ 13 སྔོན།

    རྒྱ་ཆེའི་མང་ཚོགས་ཀྱི་ནང་ཤེས་ཡོན་སྲིད་བྱུས་གསར་པ་ཟེར་དུས་བོད་ཡིག་རྐྱང་པར་ཤི་འཐམ་རོ་འཐམ་བྱས་ཏེ་སློབ་མའི་མདུན་ལམ་བཟོ་བྱེད་ཀྱི་སྲིད་བྱུས་ཤིག་ལ་ངོས་བཟུང་བའི་དོགས་པ་ཡང་བྱུང་ཡོད།
    ད་ལྟའི་ཆར་དེ་ལས་ལྡོག་སྟེ། སློབ་མ་དེ་དག་གིས་བོད་ཡིག་ཙམ་མ་ཟད། དབྱིན་ཡིག་དང་། རྒྱ་ཡིག ཨང་རྩིས་སོགས་སློབ་གཞི་འདྲ་མིན་སྦྱངས་འབྲས་སྨིན་ཡོང་སྐབས། རྒྱ་ཆེའི་མང་ཚོགས་ཚོའི་ཐུགས་དགོངས་ལ་ཅི་ཞིག་འཆར་གྱིན་ཡོད་དམ།

    ང་ལ་སེམས་ཁྲལ་ཞིག་ཡོད་པ་ནི། སློབ་མ་དེ་དག་འཛིན་རིམ་བརྒྱད་པ་དང་དགུ་པའི་མཚམས་ནས་དཔེ་སྟོན་སློབ་གྲྭ་ལས་གཞན་པའི་སློབ་གྲྭ་གང་འདྲ་ཞིག་གི་ནང་དུ། ཤེས་ཡོན་སྲིད་བྱུས་གསར་པའི་དགོངས་དོན་བཞིན། སློབ་ཁྲིད་གནང་མཁན་གྱི་དགེ་རྒན་དང་སློབ་ཁྲིད་ཀྱི་ཐབས་ལམ་སོགས་གནས་སྟངས་གང་འདྲ་ཞིག་གི་འོག་ནས་འཚར་ལོངས་ཡོང་གི་ཡོད་དམ་སྙམ་པ་དེ་ཡིན།

    Reply
  8. མཚོ་ཚང་བཀྲིས། says:
    ལོ་ 13 སྔོན།

    གོང་དུ་དྲ་གྲོགས་འགས་གསུང་པ་ནང་བཞིན་སློབ་ཕྲུག་ཚོའི་སྐད་ཆ་བཤད་སྟངས་དང་། ཡི་གེ་ཀློག་སྟངས། ཐ་ན་རྒྱ་ཡིག་ཀྱང་བྲི་ཀློག་ཤེས་ཀྱི་འདུག་གསུང་པ་ལྟར་དེ་དག་ལས་འགུལ་སྤེལ་སྐབས་ཙམ་མ་ཡིན་པར་ནམ་རྒྱུན་ནས་ལག་བསྟར་དོན་འཁྱོལ་ཡོང་བའི་རེ་བ་དང་སྨོན་ལམ་འདེབས་ཞོར་རྗེས་སུ་ཡི་རང་ཞུ།

    Reply
  9. ཆུ་སྐྱེས་སྒྲོལ་མ། says:
    ལོ་ 13 སྔོན།

    སློབ་ཕྲུག་ཚོས་བཟོས་པའི་དངོས་པོ་དེ་རྣམས་ཡིད་དབང་འཕྲོག་པ་ཞིག་འདུག
    མ་ཟད་གོང་ནས་དྲ་གྲོགས་གངས་ཅན་ལགས་ནས་ངོ་སྤྲོད་གནང་བ་བཞིན།
    ངས་བུ་མོ་ཆུང་ཆུང་ཞིག་ལ་རྩོམ་ཡིག་གི་དོན་སྐད་ཆ་འདྲི་དུས་འགྲེལ་བརྗོད་བྱེད་སྟངས་དང་སྐད་ཆ་བཤད་སྟངས་སོགས་ཡག་པོ་འདུག
    ད་དུང་ཁོང་ཚོས་བྲིས་པའི་ཡིག་གཟུགས་ཀྱང་ཡག་པོ་འདུག

    Reply
  10. གཅན་བཟོད་རྒྱམ། says:
    ལོ་ 13 སྔོན།

    ཁྱེད་ཀྱི་མཆན་བུ་འདི་ནི་སློབ་ཕྲུག་བྱིས་པ་ཆུང་ཆུང་དེ་ཚོས་སྐད་ཆ་དང་ཁྱད་མེད་པ་འདྲ་ཞིག་རེད། ང་རང་དབང་མེད་པར་བྱིས་པ་དེ་ཚོར་དངོས་སུ་ཐུག་པའི་ཚོར་བ་ཞིག་སྤྲད་སོང་། དངོས་འབྲི་རྩོམ་ཡིག་རེ་འབྲི་རྒྱུ་ན་ཡོང་ས་རེད་ཡ་དྲ་གྲོགས་གངས་ཅན་ལགས།
    འོན་ཀྱང་ཤེས་ཡོན་སྲིད་ཇུས་དེའི་སྐོར་ད་རུང་ཤེས་ནི་མ་རེད། ལོ་གཉིས་ཙམ་ལ་དེ་འདྲའི་མངོན་གསལ་དོད་པོ་དང་ཧ་ལས་ཤིང་ཧང་སངས་དགོས་དགོས་པ་འདྲ་བཤད་ན་ཡིང་ཆེས་དཀའ་ཚོད་དུ་འདུག འདི་འདྲ་བཤད་མཁན་ང་ཚོའི་དཔོན་པོ་ཚོའི་ནང་དུ་གང་མང་མང་ཡོད་ཀི རྗེས་སུ་རིམ་པས་ཤེས་ཀི་རེད།

    Reply
  11. གངས་ཅན། says:
    ལོ་ 13 སྔོན།

    སློབ་ཕྲུག་རྣམས་ཀྱིས་བཟོས་པའི་ཅ་ལག་སྙིང་རྗེ་མོ་འདུག ཁོ་ཚོས་ངོ་སྤྲོད་བྱེད་པ་དེ་ལས་ཀྱང་ཡིད་དབང་འཕྲོག་པ་ཞིག་འདུག ང་ཚོ་དང་པོ་འགྲོ་དུས་དཔེ་སྟོན་སློབ་གྲྭའི་སློབ་ཕྲུག་བུ་མོ་ཞིག་གིས་སློབ་མས་བྲིས་པའི་རྩོམ་ཡིག་ངོ་སྤྲོད་བྱེད་པ་དང་། ཞོར་དུ་ཁོ་རང་ཉིད་ཀྱིས་བྲིས་པའི་རྩོམ་ཡིག་ངའི་པཱ་ལགས་ཞེས་པ་ང་ཚོ་ལ་མར་ཐེངས་གཅིག་ཀློག་སོང། སྒྲ་གདངས་དག་ལ་གཅོད་མཚམས་ཧ་ཅང་ལེགས། ནང་དོན་ནི་ཡིད་སྐྱོ་དགོས་པ་ཞིག་རེད། པཱ་ལགས་ཀྱིས་ཨ་རག་འཐུང་དྲགས་ཏེ་མ་བུ་རྣམས་དང་ཁ་གྱེས་པའི་སྐོར་ཞིག་རེད། དེ་ནས་ངས་ཞིབ་ཏུ་ལྟ་སྐབས། རྒྱ་ཡིག་ཅིག་ཀྱང་བྲིས་འདུག་ལ། འདི་སུས་བྲིས་པ་རེད་ཅེས་འདྲི་སྐབས། ཁོང་གིས་ང་ཚོ་འཛིན་གྲྭའི་སློབ་ཕྲུག་བུ་ཞིག་གིས་བྲིས་པ་རེད་ཟེར་ཞོར་མར་ཤར་མར་བཀླགས་སོང། དེ་ནས་ཚུར་ཙམ་དུ་ཡོང་སྐབས། སློབ་ཕྲུག་བུ་མོ་ཞིག་གིས་སློབ་ཕྲུག་གིས་བོད་སྒྱུར་བྱས་པའི་སྒྲུང་གཏམ་དེ་འདྲ་ངོ་སྤྲོད་བྱེད་ཀྱི་འདུག ངས་ཁྱེད་ཀྱིས་འདི་མར་ཀློགས་དང་ཟེར་སྐབས། མོས་སྒྲ་དག་མོས་ག་ལེར་ཐེངས་གཅིག་བཀླགས་སོང། ཁོ་ཚོར་འཛིན་གྲྭ་བཞི་པ་ནས་དབྱིན་ཇི་ཁྲིད་ཀྱི་ཡོད་སྟབས། ངོ་མ་ཤེས་ཡོན་སྲིད་བྱུས་གསར་པའི་གྲུབ་འབྲས་ཤིག་ཐོན་གྱིན་ཡོད་པའི་ཚོར་སྣང་ཞིག་སྤྲད་སོང་།

    Reply
  12. གཅན་བཟོད་རྒྱམ། says:
    ལོ་ 13 སྔོན།

    དེ་རིང་འདི་འདྲ་ཞིག་བྱེད་ཀིན་ཡོད་པ་གཏན་ནས་ཤེས་མ་སོང་། སང་ཉིན་བྱིས་པ་ཚོའི་བཟོས་པའི་ཅ་ལག་འདྲ་ཉོ་ན་གང་ནས་རག་གི་རེད། སྙིང་རྗེ་མོ་འདྲ་ཡོད་ས་རེད།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist