སོག་ཕྲུག་བཀྲ་ཤིས་དོན་གྲུབ་འཇུས་ནས་ཕྱིན་ཐལ།

དྲ་གྲོགས་རྣམས་
ང་ཚོའི་ལས་དབང་འདི་ཅི་འདྲིས་སྐྱོ་བ་ལ།

མཚོ་ཚང་བཀྲིས་ལགས།་སོག་ཕྲུག་བཀྲིས་དོན་འགྲུབ་ལགས།་བོད་གངས་ཅན་བདེ་སྡུག་གླུ་རུ་ལེན་མཁན་གྱི་དཔའ་རྒོད་ཅིག་ཡིན་ལ།་ཁོང་གི་འཁྲུངས་རྨ་ལྷོ་སོག་རྫོང་ངམ་གཡུ་སྒང་རྫོང་ཡིན།་དེང་གི་བོད་མི་མང་སྤྱི་འཐུས་ཆབ་བྲག་ལྷ་མོ་སྐྱབས་ལགས་དང་ཕ་ཡུལ་གཅིག་པ་རེད།་
འདི་ནས་ཚང་མའ་མཁྱེན་དགོས་པ་ཞིག་ལ།་ཁོང་འཛིན་བཟུང་བྱེད་མཁན་དེ་ཉེན་རྟོག་པ་མ་རེད།་རྨ་ཁུལ་དང་གཡུ་སྒང་རྫོང་རྒྱལ་ཁབ་བདེ་འཇགས་ལས་ཁུངས་ཀྱི་མི་དག་ཡིན།་
རྒྱ་གཞུང་སྲིད་ཇུས་ནང་ཆབ་སྲིད་དོགས་ཡོད་རིགས་གསང་འཛིན་བྱེད་རྒྱུ་བདེ་འཇགས་མི་སྣ་ཟེར་བའི་ལས་འགན་རེད།་

http://www.youtube.com/watch?v=J_g4RIwJiR0

མཚོ་ཚང་བཀྲིས་ལགས་ གླུ་བ་བཀྲ་ཤེས་དོན་གྲུབ་ཁོང་ནི་མདོ་སྨད་སོག་རྫོངས་ནས་རེད། ཅེས་ཕྱིར་སོག་ཕྲུག་ཟེར་ན ཁོ་ཚོའི་མི་རྒྱུད་སོག་པོ་ཡིན་ཟེར་ཁོ་ཚོ་ལ་འགྱུར་ནས་ལོ་ངོ་བདུན་བརྒྱ་འགོར་ཟེར་བའི་དེ་ལྟར་བཤད་སྲོད་ཅིག་འདུག་

ཡ། སོག་ཕྲུག་བཀྲ་ཤིས་དོན་འགྲུབ་ལགས། དངོས་གནས་སྙིང་རྗེ། ང་ཚོ་བཙན་བྱོལ་བ་དེ་ཚོས་མི་མེད་ལུང་སྟོང་ནས་སྐད་བརྒྱབས་བསྡད་པ་དེ་འདྲ་མ་རེད། སོ་སོའི་ཁེ་ཕན་མ་གཏོགས་གཞན་དག་ལ་ཚོར་བ་བདེ་སྡུག་ཡོད་པའི་འཛིན་སྟངས་ཙམ་ཡང་མེད་པའི་རྒྱ་མི་གསོན་འདྲེ་དེ་ཚོས། ཤ་ཚལ་བུ་དང་། ཁྲག་ཐིག་པ་བཟོ་ཡི་རེད། དངོས་གནས་ང་ཚོའི་མི་རིགས་འདི་ལ་གླེན་རྟགས་ཤིག་འདུག །སོ་སོའི་སྲོག་ཀྱང་ཉར་ཚགས་བྱེད་ཤེས་ཀྱི་མི་འདུག །དེ་ལས་ལ་རྒྱ་མ་དོར་བའི་སྒོ་ནས་སྟུན་མཁས་བྱས་ན་ཡག་ཤོས་རེད། དེང་སང་རྒྱ་ནག་ལ་སྟོབས་འབྱོར་ཆེ་བའི་ཨ་རི་དང་མི་གྲངས་མང་བའི་རྒྱ་གར་སོགས་ཚང་མ་སྐྲག་ནས་བསྡད་ཡོད་པ་རེད། གང་ཡང་མེད་པའི་ཉམ་ཆུང་ང་ཚོས་གང་བྱེད་ཐུབ་ཀྱི་རེད།

ད་ངས་སུའི་སྐད་ཆ་ལ་ཉན་དགོས་སམ། ཀླུས་གསུང་ན་སོག་པོ་ནས་རེད་འདུག དཀོན་མཆོག་གིས་གསུང་ན་ཨ་མདོ་ནས་རེད་འདུག། རྟ་བྷེ་རེད་མི་འདུག་པ་གསལ་པོ་ཆགས་སོང་། ཐུགས་རྗེ་ཆེ།

བོད་མི་རྣམས་གཅིག་ཀྱང་མ་ལུས་པ་རྒྱ་ནག་གི་བཙོན་ཁང་དུ་འཇུག་རྫོགས་ཀྱི་རེད།

བོད་ཀྱི་གླུ་བའི་བོད་དོན་བདེན་པ་གླུ་རུ་བླངས་དེ་རང་གི་ཚེ་སྲོག་དམར་པོ་གཞུང་གིས་ཁྲིམས་ཁར་ལྷུང་ན་ཡང་། བདེན་པ་བཤད་ས་དང་ཁྲིམས་གཅོད་རང་དབང་མེད་པའི་རྒྱའི་སྲིད་གཞུང་གིས་གང་འདོད་འདོད་ཅིག་བྱེད་བཞིན་པ་དེ་དག་འུ་ཅག་གི་རྣ་བར་འབྱོར། སེམས་པའི་གཏིང་སར་ན་ཟུག་སློང་། བྱེད་རྒྱུ་མེད་པའམ། ཞུ་ས་ཡོད་པའི་མིང་ཞིག་རྒྱལ་སྤྱིའི་སྟེང་དུ་ཡོད་རབས་ཡིན་ཡང་། ལག་འགུལ་ནས་ལས་ཀ་བྱེད་མཁན་ནི་ཉིན་མོའི་སྐར་མ་ལྟ་བུ་ཞིག་མ་རེད་དམ། ད་ནི་དངོས་ནས་གླུ་བ་ཁོང་ལ་དཀའ་ལས་ཁག་ཙམ་ཞིག་ཡོང་རྒྱུ་ཡིན་པ་ནི་བཤད་མི་དགོས་པར། གཅར་བརྡུང་ག་ཚོད་ཅིག་མྱོང་མིན་དང་། ན་ཟུག་ག་ཚོད་ཅིག་འཁུར་དགོས་མིན་སོགས། མི་སྔོན་པའི་དབྱིངས་ནས་སྐྱོབས་དུ་ཡོང་མཁན་གང་ཡང་མེད་པའི་ཁོ་རང་དེ་ནི་དངོས་ནས་སྙིང་རེ་རྗེ། བོད་གངས་ཅན་ཚང་གི་སྐྱིད་སྡུག་གི་ཆེད་དུ་ཁ་ཞིག་འགུལ་བ་དེ་ཡང་ནག་ཉེས་སུ་གྱུར་བ་རེད།