དེ་རིང་དྲ་གྲོགས་ཀླུ་ལགས་ཀྱིས་ཟིན་བྲིས་སུ་སྤེལ་བའི་གནས་ཚུལ་ལྟར་ན། ཁམས་ཉག་ཆུ་རྫོང་གི་ཁོངས་སུ་ཡོད་པའི་དབུ་ཐོག་དང་། མགོ་ལོ་ཕྱོགས་གྱི་བོད་མི་ཁག་ཅིག་བདུན་ཕྲག་གཅིག་ལྷག་གི་གོང་དུ་རྒྱ་ནག་གིས་ཡུན་རིང་འཛིན་བཟུང་བཀག་ཉར་འོག་ཡོད་པའི་སྤྲུལ་སྐུ་བསྟན་འཛིན་བདེ་ལེགས་ལ་མཇལ་བར་ཕྱིན་ཏེ། ཕྱིར་ལོག་སྐབས་ཁོང་ཚོའི་ཁྲོད་གྱི་བོད་མི་ཁག་གཅིག་འཛིན་བཟུང་བྱས་ཡོད་པ་མ་ཟད། གཅར་རྡུང་ཚད་མེད་བཏང་ཡོད་འདུག
དེ་ནས་མགོ་ལོ་ས་གནས་སུ་མ་ཎི་དུང་སྒྲུབ་ཚོགས་བཞིན་པའི་ཆོས་ཕྱོགས་གྱི་འདུ་འཛོམས་ཞིག་གི་སྐབས་ལ། ས་གནས་བོད་མི་དང་ཉེན་རྟོག་པའི་བར་འཁྲུག་འཛིང་ཤོར་སྐབས། གློ་བུར་དུ་དམག་མི་མང་པོ་འཕར་སྣོན་བཏང་བ་དང་ཉེན་རྟོག་པ་སོགས་ཀྱིས་བོད་མི་ཚོར་གཅར་རྡུང་ཤུགས་ཆེན་བཏང་སྟེ་ལམ་ཁ་ཡོངས་ཁྲག་གིས་ཁེངས་ཡོད་པའི་གནས་སྟངས་དངོས་སུ་མཐོང་མྱོང་མཁན་ཞིག་གིས་ཕྱི་ཕྱོགས་སུ་གནས་ཚུལ་ངོ་སྤྲོད་བྱས་བ་ཕྱིར་སྡོད་བོད་མི་ཞིག་གིས་ཨེ་ཤ་ཡ་རང་དབང་རླུང་འཕྲིན་ཁང་ལ་བརྗོད་ཡོད་འདུག
རང་ལས་གཞན་གཅེས་བོད་གཞུང་ལངས་ཕྱོགས་ཡིན།།
དགྲ་བོར་གཉེན་བལྟ་བོད་བླའི་གདམས་ངག་ཡིན།།
བཏང་སྙོམས་ཚད་མེད་བོད་མིའི་ཁ་གཡང་ཡིན།།
འགྲོ་ཀུན་མར་གྱུར་སེམས་སྦྱོང་བོད་དོན་ཡིན།།
སྤྱི་འཐུས་ཚོགས་རའི་ནང་གི་གཏམ་དེ་ཚོ་རྣ་བྱད་ལ་སོང་འདུག་་་་་་་་ལྷག་པར་འཇུ་ཆེན་བུ་མོས་བཤད་པ་ལྟར་་་་་་་་་་་ཚིག་ལ་མ་བལྟ་དོན་ལ་བལྟོས་་་་་་་་་་་་་་་་་་་རླུང་འཕྲིན་ནང་གི་ཁམས་སྐད་བཤད་མཁན་དེའི་སྒྲ་གདངས་ཡག་པོ་གོ་བ་ལེན་ཐུབ་མ་སོང་།
སེམས་ཤུགས་མ་ཉམས་བླ་མར་དམ་ཚིག་བརྟན།།
སྙིང་སྟོབས་མ་བཤིག་ཆོད་སེམས་འགྱུར་མེད་ཅིག།
གངས་རིའི་བུ་རྒྱུད་དག་གིས་ལག་ལེན་འདི།།
མི་སེམས་སྡར་མ་ང་འདྲའི་དམིགས་དཔེ་ཡིན།།
ཁམས་ཉག་ཆུ་རྫོང་ཁོངས་འོ་ཐོག་ལ་《དབུ་ཐོག་》དང།མགོ་ལོག་ལ་《མགོ་ལོ་》ཞེས་འབྲི་ནོར་ཤོར་འདུག་ལགས།སྡེ་ཚོ་འདི་གཉིས་ཀ་ཉག་ཆུ་རྫོངས་ཀྱི་རེད།
གནས་ཚུལ་སྤེལ་གནང་བར་ཐུགས་རྗེ་ཆེ། ངས་ཨེ་ཤ་ཡ་རང་དབང་རླུང་འཕྲིན་ཁང་གི་གསར་འགྱུར་ཉན་རྒྱུ་བྱུང་། སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་མཆོག་ཕྱི་ལོ་ 2002 ལོར་འཛིན་བཟུང་བྱས་རྗེས་ནསབཟུང་ད་བར་ས་གནས་མི་མང་ཚོས་ཁོང་ལ་གདུང་སེམས་མཉམ་སྐྱེད་མཚོན་ཆེད་ད་བར་ལས་འགུལ་མུ་མཐུད་སྤེལ་གནང་བར་ཐུགས་རྗེ་ཆེ་ཞུ་རྒྱུ་ཡིན། དེ་ནི་གཙོ་བོ་ཁོང་ས་གནས་བཞུགས་རིང་ས་གནས་ཡུལ་ལུང་མི་མང་ལ་ཁ་ཡོད་ལག་ཡོད་ཀྱི་ཕན་བདེ་བསྐྲུན་པའི་མཛད་བཟང་ཁོ་ན་ལས་བྱུང་བ་ཞིག་ཡིན་པས་ས་གནས་མི་མང་ཚོས་ཀྱང་གདུང་སེམས་མཉམ་སྐྱེད་བྱེད་དགོས་ངེས་ལ་མུ་མཐུད་བྱ་ཐབས་ཡོང་བ་དང༌། ང་ཚོའི་ངོས་ནས་ཀྱང་གདུང་སེམས་མཉམ་སྐྱེད་མུ་མཐུད་ཞུ་རྒྱུ་ཡིན་ལ། རིན་པོ་ཆེ་མཆོག་གང་མགྱོགས་བཙོན་ལས་ཐར་ཏེ་དེ་སྔའི་འཕྲོ་སྐྱོང་གི་མཛད་འཕྲིན་ཁག་མུ་མཐུད་སྤེལ་ཐུབ་པའི་སྨོན་ལམ་གྲངས་མེད་ཞུ་རྒྱུ་ཡིན། བོད་རྒྱལ་ལོ༎ ༎
རང་རིགས་རྣམས་ནི་བསད་བཟུང་གཅེར་རྡུང་དང་།།
བཙོན་འཇུག་ལ་སོགས་དམྱལ་བ་མྱོང་བཞིན་ཡང་།།
སེམས་དཔའ་ཆེ་རྣམས་མ་གྱུར་སེམས་ཅན་ཞེས།།
སྤྲེའུའི་རྒྱུད་ལ་བྱང་སེམས་སྐྱེ་བར་སྒུག།
འདི་འདྲའི་སྐད་ཆ་གོ་ཐེངས་རེར།།
སྙིང་ཡང་དུམ་བུར་འགས་བར་འགྱུར།།
ཀྱེ་མ་སྐལ་ངན་འདི་འདྲ་བ།།
ད་དུང་དུས་སུ་མྱོང་དགོས་སམ།།
ཀློག་ཞོར་དུ་མཐོང་བའི་ཡིག་ནོར།
ཕྱོགས་གྱི། ཕྱོགས་ཀྱི།
ཁག་གཅིག ཁག་ཅིག
ཆོས་ཕྱོགས་གྱི། ཆོས་ཕྱོགས་ཀྱི།
འདུ་འཛོམས་ཞིག འདུ་འཛོམས་ཤིག
བྱས་བ། བྱས་པ།