རྒྱ་གཞུང་གིས་མནར་གཅོད་ཚད་ལས་བརྒལ་བ་བཏང་མཐར་དཀར་མཛེས་ཧྲེ་ཧོར་ལམ་གྲགས་བཙུན་དགོན་གྱི་ཨ་ནེ་དབྱངས་སྐྱིད་སྒྲོལ་མ་འདས་གྲོངས་སུ་ཕྱིན་འདུག
དེ་རིང་ཞོགས་པར་རྒྱུད་སྨད་གྲྭ་ཚང་གི་གྲྭ་ཚེ་བརྟན་ཕུན་ཚོགས་ལགས་ཀྱིས་འདི་གར་ཁུངས་ལྡན་གནས་ཚུལ་མཁོ་སྤྲོད་བྱས་པ་ལྟར་ན། ད་ལོ་རང་ལོ་ ༣༣ ཡིན་ཞིང་ཁམས་དཀར་མཛེས་ཏྲེ་ཧོར་རོལ་ཚ་ཞང་ཧོར་མེ་གྲོང་ཚོའི་ཕ་དགེ་འདུན་དར་རྒྱས་དང་མ་པདྨ་མཁའ་འགྲོ་གཉིས་ཀྱི་བུ་མོ་བཙུན་མ་དབྱངས་སྐྱིད་སྒྲོལ་མ་ལགས་ཀྱིས། སྔར་ལོའི་ཕྱི་ཟླ་ ༣ པའི་ཚེས་ ༢༤ ཉིན་གྱི་ཕྱི་དྲོའི་ཆུ་ཚོད་ ༣ པའི་སྟེང་དཀར་མཛེས་རྫོང་གི་ཁྲོམ་གཞུང་དུ་ངོ་རྒོལ་སྐད་འབོད་བྱས་པ་དང་མཉམ་དུ་བོད་རང་བཙན་དང་འབྲེལ་བའི་ཡིག་ཆ་གཏོར་བའི་སྐབས་རྒྱ་དམག་ ༥༠ ལྷག་གིས་ཁོ་མོར་མེ་མདའ་དང་གློག་རྒྱུགས་སོགས་ལག་ཆ་འདྲ་མིན་གྱིས་ཉེས་རྡུང་བཏང་རྗེས་བཙོན་འཇུག་བྱས་ཡོད་པ་དང་། ཉིན་དེའི་ཆུ་ཚོད་ ༧ པ་ཡས་མས་སུ་ཉེན་རྟོག་པ་ཁག་ཅིག་ཁོ་མོའི་གཟིམ་ཤག་ཏུ་འཛུལ་ཏེ་༧གོང་ས་མཆོག་གི་སྐུ་པར་འཕྲོག་ཡོད་པ་མ་ཟད། ཁོ་མོའི་ནང་མིར་བཙུན་མ་དབྱངས་སྐྱིད་སྒྲོལ་མ་ལགས་ནི་མི་རིགས་ཁ་བྲལ་དང་རྒྱལ་ཁབ་ལ་གཏོར་བཤིག་གཏོང་མཁན་ཡིན་པས་འཛིན་བཟུང་བཙོན་འཇུག་བྱས་ཡོད་ཚུལ་བརྗོད་ཡོད་པ་དང་། འདི་ལོའི་ཕྱི་ཟླ་ ༣ པའི་ཚེས་ ༢༥ ཉིན་ཉེན་རྟོག་པ་དེ་དག་སླར་ཡང་ཁོང་གི་ཁྱིམ་དུ་ཡོང་སྟེ། སྤུན་མཆེད་ཚངས་དབྱངས་རྒྱ་མཚོ་འཕྲད་དུ་དཀར་མཛེས་རྫོང་སྲིད་གཞུང་དུ་ཡོང་དགོས་པའི་བཙན་བཀའ་བཏང་བ་སོགས་ནང་མི་སྤུན་མཆེད་སོགས་ཀྱིས་ཀྱང་དཀའ་སྡུག་ཚད་མེད་མྱངས་དགོས་བྱུང་ཡོད་འདུག
༢༠༠༩ ལོའི་ཟླ་ ༨ པའི་ཚེས་ ༢༤ ཉིན་ཁོ་མོ་དཀར་མཛེས་བོད་རིགས་རང་སྐྱོང་ཁུལ་དར་རྩེ་མདོ་འབྲིང་རིམ་མི་དམངས་ཁྲིམས་ཁང་དུ་རྩིས་སྤྲོད་བྱས་ཏེ་ཁྲིམས་ཐག་བཅད་ཡོད་པའི་གནས་ཚུལ་ཞིག་འབྱོར་ཡོད་ལ། ཟླ་འདིའི་ཚེས་ ༥ ཉིན་གྱི་མཚན་མོའི་ཆུ་ཚོད་ ༢ པའི་ཐོག་ཁོ་མོ་རྒྱ་ནག་ཁྲིན་ཏུའུ་གྲོང་ཁྱེར་གྱི་ཅེས་ཀར་གྱར་སྨན་ཁང་ཞེས་པའི་ནང་འདས་གྲོངས་སུ་ཕྱིན་ཡོད་པ་རེད།
ཁོ་མོ་རང་ལོ་ ༡༧ གྱི་སྟེང་དཀར་མཛེས་ལམ་གྲགས་བཙུན་དགོན་དུ་འཛུལ་ཏེ་དགེ་ཚུལ་གྱི་སྡོམ་པ་བླངས་ཏེ། ལོ་ ༩ རིང་བཙུན་དགོན་དེའི་ནང་སློབ་གཉེར་གནང་ཡོད་པ་མ་ཟད། བསྙེན་མཚམས་ལོ་ ༧ གྱི་རིང་ལ་མ་ཎི་དང་ཡིག་བརྒྱ་མཎྜལ་བཛྲ་གུ་རུ་འབུམ་ཕྲག་ཁ་ཤས་བསགས་ཡོད་འདུག་ལ། ནཱ་རོ་མཁའ་སྤྱོད་མའི་ལས་རུང་སོགས་༧གོང་ས་མཆོག་གི་སྐུ་ཚེ་ཡུན་རིང་བརྟན་པ་དང་བོད་བསྟན་སྲིད་ཀྱི་དོན་དུ་ཞབས་བརྟན་གསོལ་འདེབས་ནམ་ཞག་རྒྱུན་དུ་སྒྲུབ་མཁན་ཞིག་ཡིན་འདུག
གོང་གི་བཙུན་མ་དབྱངས་སྐྱིད་སྒྲོལ་མའི་དགོན་པའི་མིང་ལ། ལམ་གྲགས་དགོན་ཞེས་བྲིས་འདུག་པ། དེར་ནོར་བཅོས་བྱེད་ནས་ལམ་བྲག་ཞེས་འབྲི་རོགས།
ཡུན་རིང་མུན་པར་བསྡད་པའི་མཇུག་འབྲས་སུ། །སྤུན་ཟླའི་ཤ་ཁྲག་དགྲ་བོའི་རྩེད་མོར་ཤོར། །ཨ་ཧོ་ངུ་འབོད་དབྱིངས་སུ་བསྒྲགས་ན་ཡང་། །ལོ་ཟླ་ཞག་གིས་མནར་གཅོད་ཇེ་ཆེར་གྱུར། །
དྲ་གྲོགས་བོད། ཤ་ཁྲག་རུས་གསུམ་ལགས།
གོང་གི་རྒྱལ་བའི་གསུང་དེ་འདི་འདྲ་ཞིག་མིན་ནམ་བསམ།
བསྟན་དང་དེ་འཛིན་ཆབ་སྲིད་རང་རིགས་སླད།།
གཅེས་པའི་ལུས་སྲོག་ལོངས་སྤྱོད་ཡོངས་བཏང་སྟེ།།
དཀའ་བ་བརྒྱ་ཕྲག་སྒྲུབ་པའི་སྐྱེ་བོ་རྣམས།།
གྲུ་འཛིན་མགོན་དེས་ཐུགས་རྗེས་སྐྱོང་བར་མཛོད།།
འབྲོག་ཁྱི་ལགས། མ་འགྲིག་ས་གང་ནས་བྱས་ཡོད་ན་དེ་ལ་འཛུབ་མོ་རེ་བཙུགས་དེ་ལམ་སྟོན་བྱེད་རོགས་ཞུ། དེ་མིན་གཞན་གྱི་གསུངས་བྱིན་ཅན་ཟེར་དུས། ༧གོང་ས་མཆོག་གི་ཚིག་བཅད་དེར་གསུངས་ཀྱི་ཡོད་ན་ནི། དེ་ནི་ཡོངས་གྲགས་ཀྱི་བོད་མི་ཀུན་གྱིས་ཤེས་པ་ཞིག་ཡིན་དུས། ངས་འགྲེལ་བཤད་མ་ཞུས་ཀྱང་སྐུ་ཉིད་ཀྱིས་མཁྱེན་གསལ་རེད་ལགས། དེ་མིན། ཡིག་ནོར་འདྲ་ཤོར་ཡོད་ན་སྐུ་ཉིད་ཀྱིས་ལམ་སྟོན་གནང་རོགས་ཞུ། ངས་རང་གི་ངག་ཐོག་ནས་བྲིས་པ་ཡིན་དུས། ནོར་ཡོད་སྲིད་པ་རེད། ནོར་བ་ཡོད་ན་དགོངས་དག་ཞུ།
༄། ཡ་ཤ་ཁྲག་རུས་གསུམ་ལགས་་་་་་་་་་་་ཡང་ན་རང་གི་རྣམ་
དཔྱོད་ཀྱི་རྩལ་ཐོན་ནས་རང་རྩོམ་ཞིག་ཕྲིས།དེ་མིན་ན་གཞན་གྱི་གསུངས་བྱིན་ཅན་དེ་དག་གཙང་དག་ངང་བཞགས་ན་མི་ལེགས་སམ།
la chepalle ལགས། ཁྱེད་ metro la chapelle ཡིན་ནམ། Windows vista ནང་ལ་ བོད་ཡིག་ཡིག་གཟུགས་ཡོད་ཡོད་པ་རེད་ལགས། ཡང་མིན་ན་ང་གཉིས་ཇ་གཅིག་འཐུང་ཞོར་སྐད་ཆ་གཤད་ཆོག་།
A great sad to know about the death of our patriot Ani Yangkyi Dolma lak. Many great prayers for her bereaved soul and may her soul remain peace in the heaven. And we wont felt discourage instead encouraged to get our fatherland back from red chinese regime.Sorry to write in english as i havent got tibetan font install here.OM MA NE PEDME HUM
གངས་ཅན་ཞིང་གི་ཆོས་སྲིད་བྱ་བའི་གདུགས། །འདེགས་པའི་སྲི་ཞུར་གཏོགས་པའི་སྐྱེ་བོ་ཀུན། །ལྷག་བསམ་རྣམ་དཔྱོད་དཔུང་པ་རབ་བརྟན་ཅིང་། །སྐྱེ་ཀུན་ཕྱག་ན་པདྨོས་རྗེས་བཟུང་ཤོག །
༸ གོང་ས་སྐྱབས་མགོན་ཆེན་པོའི་གསུང་། ཨོ་མ་ཎི་པདྨེ་ཧུཾ།
ཚེ་འདིའི་མགོན་པོ་རང་ལས་གཞན་དུ་མེད།།
ཚེ་སྲོག་སྲུང་རྒྱུའི་འགན་ཞིག་མ་བརྩམས་ན།།
ཉེས་མེད་བོད་མི་མང་བོའི་ཚེ་སྲོག་དེ།།
རྒྱ་ངན་སྲིད་གཞུང་འདི་ཡིས་རྩིས་མེད་རེད།།
རྒྱ་དམར་གཞུང་འདི་བོད་མིའི་གཤིན་རྗེ་འདྲ།།
ཚེ་དང་བར་ཆད་ནམ་གཏོང་ཆ་མ་འཚལ།།
དགེ་བསྒྲུབས་གྲངས་གསོག་ཕྱི་མར་ཕན་སྙམ་ཅི།།
མི་ཚེ་འདི་ལ་མགོན་དཔུང་མེད་འདི་སྐྱོ།།
བསྟན་དང་བསྟན་འཛིན་ཆབ་སྲིད་རང་རིགས་སླད།།
གཅེས་པའི་ལུས་སྲོག་ལོང་སྤྱོད་ཡོངས་བཏང་དེ།།
བསྐལ་བ་བརྒྱ་ཕྲག་སྒྲུབ་པའི་སྐྱེ་བོ་རྣམས།།
གྲུ་འཛིན་མགོན་དེས་ཐུགས་རྗེ་སྐྱོང་བར་མཛོད།།