བོད་ཀྱི་བུད་མེད་ལྷན་ཚོགས་དང་དགུ་བཅུ་གསུམ་ལས་འགུལ་ཚོགས་པ། བོད་རྒྱལ་ཡོངས་མང་གཙོ་ཚོགས་པ། བོད་རང་དབང་སློབ་ཕྲུག་ཚོགས་པ་བཅས་ཀྱི་གོ་སྒྲིག་འོག ཁ་སང་ཕྱི་དྲོའི་ཆུ་ཚོད་ ༦ སྟེང་། བཞུགས་སྒར་ཁུལ་གྱི་སེར་སྐྱ་མི་མང་གིས་མེགྷན་རླངས་འཁོར་འབབ་ཚིགས་ནས་ཐེག་ཆེན་ཆོས་གླིང་གཙུག་ལག་ཁང་བར་ཞི་བའི་མར་མེ་ཁྲོམ་སྐོར་ཞིག་བྱས་ཡོད་ལ། དེ་ནི་ད་ལྟ་རང་
ཐེངས་འདིའི་མར་མེ་ཁྲོམ་སྐོར་གྱི་དགོས་དམིགས་ནང་བཀོད་དོན། ཉེ་སྔོན་བོད་རང་སྐྱོང་ལྗོངས་ཟེར་བའི་ནང་སྔ་ལོའི་ཞི་རྒོལ་དང་འབྲེལ་བའི་བོད་མི་གཉིས་སྲོག་ཐོག་ལ་བཏང་བ་དང་། དོན་འགྲུབ་དབང་ཆེན་ད་ལྟ་བཙོན་ནང་ཛ་དྲག་འོག་གནས་པ། མཆོད་མེ་དྲ་རྒྱའི་དོ་དམ་པ་དཀོན་མཆོག་ཚེ་འཕེལ་ལ་ལོ་བཅོ་ལྔའི་ཁྲིམས་ཐག་བཅད་པ། ཁམས་སོག་རྫོང་གི་ན་གཞོན་རྒྱལ་སེང་དང་ཉི་མ་དབང་ཕྱུག་བཅས་ལ་ཁྲིམས་ཐག་བཅད་པ། གཞན་ཡེ་ཤེས་ནམ་མཁའ་བཅས་མི་གསུམ་བཙོན་འཇུག་བྱས་པ་སོགས། དུས་རབས་གསར་པ་འདིར་ཁ་ཕྱོགས་ཡོད་ཀྱང་། བོད་ནང་དུ་ད་དུང་གདུག་རྩུབ་དང་མུན་ནག་གི་བཙོན་ནང་བོད་མི་ཆེས་མང་པོ་འདས་གྲོངས་སུ་འགྱུར་བཞིན་ཡོད། རྒྱལ་གཅེས་དཔའ་བོ་དཔའ་མོ་དེ་དག་གིས་མྱངས་དང་མྱོང་བཞིན་པའི་དཀའ་སྡུག་འདིར། འཛམ་གླིང་ནང་དྲང་བདེན་དང་འཚེ་བ་མེད་པའི་ལམ་ལ་ཕེབས་བཞིན་པའི་སྐྱེ་བོ་ཁྲི་ཕྲག་མང་པོས་རྒྱབ་སྐྱོར་དང་སྨོན་ལམ་གསུང་གིན་ཡོད། ཅེས་དང་།
ད་རེབ་ང་ཚོ་གཞུང་འབྲེལ་མིན་པའི་ཚོགས་པ་བཞིས་མར་མེ་ཁྲོམ་སྐོར་གནང་དགོས་པའི་རྒྱུ་མཚན་ནི། གོང་དུ་དྲངས་པའི་བོད་ནང་གི་རྒྱལ་གཅེས་པ་འདས་གསོན་ཡོངས་དང་། ལྷག་པར་ཁམས་དཀར་མཛེས་ཀྱི་བཙུན་མ་དབྱངས་སྐྱིད་སྒྲོལ་མ་ལགས། འདི་ལོའི་ཕྱི་ཟླ་ ༣ པའི་ནང་ཕ་ཡུལ་དུ་རྒྱ་གཞུང་ལ་ཞི་རྒོལ་གནང་སྟེ། རྒྱ་གཞུང་གིས་བཙོན་འཇུག་དང་ཚད་ལས་འདས་པའི་སྡུག་སྦྱོང་མནར་གཅོད་བཏང་མཐར། ཟླ་འདིའི་ཚེས་ ༥ ཉིན་སྨན་ཁང་དུ་འདས་གྲོངས་སུ་གྱུར་ཡོད་སྟབས། རྒྱལ་གཅེས་པ་ཁོང་རྣམས་ཀྱི་སེམས་ཤུགས་དང་སྤོབས་པ། ལ་ཞེན་བཅས་ལ་གུས་བཏུད་དང་། ཁོང་རྣམས་ཀྱི་བཀའ་དྲིན་དང་མཛད་རྗེས་ལ་རྗེས་དྲན་དང་གདུང་སེམས་མཉམ་སྐྱེད་ཞུ་རྒྱུ་ཡིན་ལ། ལྷག་དོན་རྐྱེན་འདས་སུ་སོང་བའི་རྒྱལ་གཅེས་པ་ཁོང་རྣམས་དལ་བའི་རྟེན་བཟང་འཐོབ་པའི་ཆེད། བཅོས་མིན་གྱི་སྨོན་ལམ་གྲངས་མེད་ཞུ་རྒྱུ་ཡིན། ཞེས་བཀོད་འདུག
བོད་དོན་ཆེད་དུ་ལུས་སྲོག་ལོང་སྤྱོད་ཀུན།།
བློས་བཏང་གནང་པའི་རྒྱལ་ཞེན་དབའ་བོ་དག།
འདས་དང་གསོན་པ་གར་ཡོད་གར་བསྡོད་དག།
བསྐལ་བ་སྲིད་མཐའི་བར་དུ་བོད་དོན་དུ།།
ཡང་ཡང་སྐྱེ་ནས་བོད་མི་ཉམ་ཐག་ཚོར།།
བདེ་བའི་ལམ་སྣེ་མཁན་དུ་འགྱུར་བར་ཤོག།
དཀོན་མཆོག་གི་མཁྱེན། མ་གཞི་ནས་དཀོན་མཆོག་ཁྱེད་རང་གི་མཁྱེན་གྱིན་ཡོད་དམ། དོན་དངོས་ཐོག་དཀོན་མཆོག་ཁྱོད་རང་ཡོད་ས་མ་རེད། དཀོན་མཆོག་གིས་ང་མགོ་བསྐོར་གཏོང་གིན་འདུག ངའི་གློ་སྙིང་འདར་གྱིན་འདར་གྱིན་ང་ཡང་ངུ་གིན་ཡོད། དཀོན་མཆོག་གསུམ་ངུ་གིན་ཡོད། ད་བྱུང་ན་འདྲ་མ་བྱུང་ན་འདྲ་ང་ཚོས་ཞི་དྲག་གཉིས་ཟུང་དུ་འབྲེལ་ནི་ཡར་ལངས་རན་འདུག ངའི་སྤུན་ཟླ་ཚོར་དེ་འདྲའི་ཚོད་མེད་རྡུང་རྡེག་ཤ་སྟག་གཏོང་དང་བཏང་དགོས་པ་ཅི་ཡིན་ནམ། ལུང་པ་མི་འདྲ་བ་དང་རྒྱལ་ཁབ་མི་འདྲ་བར་ཡོད་པའི་བོད་རིགས་ཡོད་དོ་ཅོག་རྣམས་རྡོག་རྩ་གཅིག་ཏུ་སྒྲིལ་ནས་ཡིད་གདུང་བའི་སྡུག་སྐད་རྒྱག་རོགས། འུ་ཐུག་པའི་སྨྲེ་སྔགས་སྒྲོག་རོགས།
ཧ་ཅང་ཚབས་ཆེན་ལས་ངན་འདི་མཐོང་དུས།།
སྙིང་ཡང་འགས་ཅིང་ཡང་ནས་ཡང་དུ་བརྒྱལ།།
ཀྱེ་མ་གཞིས་ལུས་སྤུན་ཟླའི་གཅེས་སྲོག་དེ།།
རྒྱ་འདྲེ་དམར་པོས་ནམ་གཅོད་ཆ་མེད་རེད།།
འདི་གར་ཕྷ་རན་སིའི་བོད་རིགས་ཚོགས་པའི་གོ་སྒྲིག་འོག་རྒྱལ་ས་པ་རི་སི་རྒྱ་ནག་གཞུང་ཚབ་ཁང་གི་མདུན་ལའང་གནང་ཉིན་ཟླ༡༢ཚེས་༡༠ཉིན་འགྲོ་བ་མིའི་ཐོབ་ཐང་ཉིན་མོར་སྲུང་བརྩི་ཞུ་རྒྱུ་ལགས་ན་ སྐབས་དེར་གུས་ཀྱང་རྒྱལ་གཅེས་དཔའ་བོ་འདས་པོའི་ཁ་ཆེམས་དེ་ཚོ་་དྲན་བཞིན་དུ་སྡུག་སྐད་རྒྱག་རྒྱུ་ཡིན་ལགས།
གུས་ཁ་སྟབས་ལག་སྟབས་ཅི་ཡང་མེད་པའི་བླུན་པོ་ཞིག་ཡིན་པས་གཞན་ཅི་གང་འཇོན་གྱི་མི་འདུག་། དགོངས་དག་ཞུ།།
བསྟན་དང་དེ་འཛིན་ཆབ་སྲིད་རང་རིགས་སླད།།
གཅེས་པའི་ལུས་སྲོག་ལོང་སྤྱོད་ཡོངས་བཏང་དེ།།
བསྐལ་བ་བརྒྱ་ཕྲག་སྒྲུབ་པའི་སྐྱེ་བོ་རྣམས།།
གྲུ་འཛིན་མགོན་དེས་ཐུགས་རྗེ་སྐྱོང་བར་མཛོད།།
ཨོ་མ་ཎི་པདྨེ་ཧཱུཾ
ཨོ་མ་ཎི་པདྨེ་ཧཱུཾ
ཨོ་མ་ཎི་པདྨེ་ཧཱུཾ
༸ གོང་ས་མཆོག་གི་གསུངས།
འདི་གར་ཕྷ་རན་སིའི་བོད་རིགས་ཚོགས་པའི་གོ་སྒྲིག་འོག་རྒྱལ་ས་པ་རི་སི་རྒྱ་ནག་གཞུང་ཚབ་ཁང་གི་མདུན་ལའང་གནང་ཉིན་ཟླ༡༢ཚེས་༡༠ཉིན་འགྲོ་བ་མིའི་ཐོབ་ཐང་ཉིན་མོར་སྲུང་བརྩི་ཞུ་རྒྱུ་ལགས་ན་ སྐབས་དེར་གུས་ཀྱང་རྒྱལ་གཅེས་དཔའ་བོ་འདས་པོའི་ཁ་ཆེམས་དེ་ཚོ་་དྲན་བཞིན་དུ་སྡུག་སྐད་རྒྱག་རྒྱུ་ཡིན་ལགས།
གུས་ཁ་སྟབས་ལག་སྟབས་ཅི་ཡང་མེད་པའི་བླུན་པོ་ཞིག་ཡིན་པས་གཞན་ཅི་གང་འཇོན་གྱི་མི་འདུག་། དགོངས་དག་ཞུ།།
དེ་རིང་གི་གསར་འགྱུར་འདི་ཀློག་དུས་་མིག་ཆུ་ལ་རང་དབང་མི་འདུག་བོད་ལ་ཡོད་པའིཤ་ཕྲག་གཅིག་པའི་བོད་རིགས་རྣམས་ཀྱི་ཚེ་སྲོག་སྐྱབས་མ་ཐུབ་པ་བློ་ཕམ་ཆེན་པོ་ཡོད།
རྟའུ་ཉི་མ་གྲགས་པ་མཆོག་གིས་ང་ཚོར་བཞག་པའི་ཁས་ཆེན་དེ་སུད་སི་བོད་རིགས་མི་དམངས་ཀྱིས་ཕྱི་ཟླ༡༢ཚེས་༡༠ཉིན་འགྲོ་བ་མིའི་ཐོབ་ཐང་ཉིན་མོར་འཛམ་གླིང་མཉམ་འབྲེལ་རྒྱལ་ཚོགས་ཀྱི་ལས་ཁུངས་ཡོད་སར་རྗི་ནེས་ཝ་གྲོང་ཁྱེར་ནང་དུ་སྡུག་སྐད་འབོད་སྐབས་སུ་ང་ཅོ་རིས་སྡུག་འབོད་བྱ་རྒྱུ་ཡིན།
བོད་ལ་ཡོད་པའི་བོད་རིགས་སྤུན་ཟླ་རྣམས་ཀྱི་ཚེ་སྲོག་སྐྱབས་མ་ཐུབ་པ་དེར་ང་ཅོ་རིས་དགོངས་དག་ཞུ་རྒྱུ་དང་མ་འོང་ཚེ་སྲོག་ལ་བདག་གཅེས་གནང་རོགས་ཞེས་རེ་བ་ཞུ་རྒྱུ་ཡིན།
སྐྱིད་སྡུག་མཉམ་མྱོང་གིས་རྒྱལ་ཁ་ཐོབ་པ་ཤོག
སྡོམ་རྩ་གཅིག་སྒྲིལ་གྱིས་ནུབ་པ་ཐོན་པ་ཤོག
དགྲ་དམར་པོ་སྟོབས་ཤུགས་ཉམ་པ་ཤོག
བོད་མི་རིགས་རྒྱལ་ཁ་ཐོབ་པ་ཤོག
རྒྱ་དམར་དགྲ་རེ་འདོད་མཁན་ཉམ་ཐག་རེད།
རྒྱ་རིགས་སྤུན་ཟླ་འདོད་མཁན་བོད་གཞུང་རེད།
གངས་རིའི་སྙིང་ནོར་བོད་མི་ཉམ་ཐག་ཚོ།
རང་གིས་རང་སྲོག་མ་དོར་སྐུ་ཚེ་རིང།
བུ་མོ་སྒྲོལ་མ་ནུབ་ཕྱོགས་ཡུལ་དུ་ཡོད།
སེམས་པ་དཀར་ཆུང་ཉམ་ཐག་ཕྱོགས་སུ་ཡོད།
བུ་མོ་སྒྲོལ་མས་རང་སྲོག་མ་ཆད་པ།
བོད་མི་ཉམ་ཐག་རྣམས་ཀྱི་ཕྱོགས་སུ་ལང།
བོད་མི་ཉམ་ཆུང་བསད་མཁན་རྒྱ་དམར་རེད།
གདུང་སེམས་མཉམ་སྐྱེད་བྱས་མཁན་ཉམ་ཐག་རེད།
ལྟད་མོ་རྒྱང་ནས་ལྟ་མཁན་སྐུ་ངོ་རེད།
ཀྱེ་མ་ཁ་བའི་བོད་མི་ཉམ་ཐག་ཚོ།
ཨོ་མ་ཎི་པདྨེ་ཧཱུཾ
ངོ་མ་སྙིང་རྗེ་དགོས་པ་ཞིག་རེད།
ད་རུང་ཤི་གྲབས་བྱས་ནས་ཡོད་མཁན་ག་ཚཽད་ཅིག་བོད་ནང་ཡོད་ན་་་་་་་་་་
བཙུན་མ་དབྱངས་སྐྱིད་སྒྲོལ་མའི་གཙོས་པའི་རྒྱལ་གཅེས་དཔའ་བོ་དཔའ་མོ་ཚོའི་འདོད་དོན་མྱུར་དུ་འགྲུབ་པའི་སྨོན་འདུན་ཞུ།
རྒྱལ་གཅེས་པ་བཙུན་མ་དབྱངས་སྐྱིད་སྒྲོལ་མས་གཙོས་པའི་དཔའ་མོ་དཔའ་པོ་དམ་པ་རྣམས་ལ་མྱ་ངན་གུས་འདུད་ཞུ་རྒྱུ་དང༌། ཁོང་རྣམས་གང་མགྱོགས་འཕགས་མཆོག་ཕྱག་ན་པདྨོའི་རྗེས་སུ་བཟུང་སྟེ་དལ་འབྱོར་གྱི་མི་ལུས་རིན་པེ་ཆེ་ཐོབ་སྟེ་སླར་ཡང་བོད་ཀྱི་བསྟན་དང་སྲིད་ཀྱི་སླད་དུ་ཕན་བདེའི་དགེ་བ་བསྒྲུབ་པའི་མཛད་བཟང་རྒྱས་པའི་སྨོན་འདུན་ཞུ༎
ཨ་ཁ་ཁ་ བོད་མིའི་ལས་དབང་ཐབས་སྐྱོ་པོ་འདི་འདྲ་ཞིག་ཡིན་བཞིན་དུ། བོད་མི་ཅོལ་ཆུང་འགས་མ་བརྟག་མ་དཔྱད་པར་དྲ་རྒྱའི་སྟེང་འགན་འཁུར་མེད་པའི་ཅོལ་གཏམ་སྤེལ་བཞིན་པ་ཡིད་རེ་སྐྱོ།