ཉེ་ཆར་རྒྱ་ནག་དབུས་འཐབ་ཕྱོགས་གཅིག་གྱུར་ཁང་གི་འགན་འཛིན་གཞོན་པ་ཀྲུའུ་ཝེ་ཆོན་གྱིས་གསར་ལམ་ཁག་ཅིག་ཏུ། ཐེངས་སྔོན་མའི་བོད་རྒྱའི་འབྲེལ་མོལ་རིམ་པའི་སྐབས་སུ་བཤད་པའི་སྐད་ཆ་ཁག་ཅིག་ངོས་ལེན་བྱེད་ཀྱིན་མེད་པའི་གནས་ཚུལ་དེར། ༧གོང་ས་མཆོག་གི་དམིགས་བསལ་སྐུ་ཚབ་རྒྱ་རི་བློ་གྲོས་རྒྱལ་མཚན་མཆོག་གིས་དུས་ཐོག་ལ་ལན་འདེབས་གནང་ཡོད།
ཟླ་འདིའི་ཚེས་ ༨ ཉིན་རྒྱ་ནག་དབུས་འཐབ་ཕྱོགས་གཅིག་གྱུར་ཁང་གི་འགན་འཛིན་གཞོན་པ་ཀྲུའུ་ཝེ་ཆོན་གྱིས་གསར་ལམ་ཁག་ཅིག་ཏུ་སྔར་བོད་རྒྱའི་འབྲེལ་མོལ་རིམ་པའི་སྐབས་སུ་ཕན་ཚུན་ལ་བཤད་པའི་སྐད་ཆ་དག་ལ་བསྐྱར་དུ་བསྙོན་ཏེ། ཏཱ་ལའི་བླ་མའི་འཐུས་ཚབ་དག་དང་གྲོས་མོལ་སྐབས་སྐད་ཆ་ཅི་བྱུང་ཁ་གསལ་བོ་ཡིན། འོན་ཀྱང་། ལོ་སྔ་ཕྱིར་ཏཱ་ལའི་བླ་མ་དང་ཁོང་གི་འཐུས་ཚབ་གཉིས་ནས་ནུབ་ཕྱོགས་རྒྱལ་ཁབ་ཁག་ཏུ། ང་ཚོའི་གྲོས་མོལ་སྐབས་གནད་དོན་ཆ་ཚང་སྙན་སྒྲོན་ཞུས་མཐར། པེ་ཅིན་གྱི་ཀྲུའུ་ཝེ་ཆོན་དང་ཏུའུ་ཆིན་ལེན་སོགས་ཀྱི་ཕྱོགས་ནས་ཏཱ་ལའི་བླ་མས་བོད་རང་བཙན་རྩོད་ཀྱིན་མེད་པ་ངོས་ལེན་བྱས་ཡོད་ཟེར་བ་དེ་བདེན་པ་མ་རེད། གལ་སྲིད་མགོ་ཤ་དྭངས་མོ་ཞིག་ཡིན་ན། ཏཱ་ལའི་བླ་མའི་ཕྱོགས་ནས་སྔར་ཕྱིར་བཏོན་པའི་ཆ་རྐྱེན་དེ་དག “ རྣམ་པ་བསྒྱུར་བའི་རང་བཙན ” རེད་མི་ཟེར་མཁན་མེད་ལ། ལྷག་པར་དུ་ཀྲུང་དབྱང་དབུས་གཞུང་གི་ཕྱོགས་ནས་ཏཱ་ལའི་བླ་མས་རང་བཙན་གྱི་ལྟ་བ་དོར་མེད་པ་གསལ་བོར་རྟོགས་ཡོད། ཅེས་བརྗོད་ཡོད་པ་དེར་༧གོང་ས་མཆོག་གི་དམིགས་བསལ་སྐུ་ཚབ་རྒྱ་རི་བློ་གྲོས་རྒྱལ་མཚན་མཆོག་གིས། ཟླ་འདིའི་ཚེས་ ༡༠ ཉིན་རྒྱལ་སྤྱིའི་བོད་དོན་ལས་འགུལ་ཁང་བརྒྱུད་ལན་འདེབས་གནང་ཡོད།
དམིགས་བསལ་སྐུ་ཚབ་མཆོག་གིས་ང་ཚོས་རྒྱ་ནག་གི་མགོ་ཁྲིད་ཚོ་དང་མཉམ་དུ་བོད་རྒྱའི་འབྲེལ་མོལ་ཐེངས་རྗེས་མའི་ཐད་ལས་རིམ་སྒྲུབ་ཀྱིན་ཡོད་པའི་སྐབས་འདིར་ཀྲུའུ་ཝེ་ཆོན་གྱི་སྐད་ཆ་དེ་དག་འོས་འཚམ་མིན་སྐོར་བརྗོད་དོན། ད་ལྟ་ང་ཚོས་རྒྱ་ནག་གི་མགོ་ཁྲིད་རིམ་པ་དང་སྐབས་རྗེས་མའི་འབྲེལ་མོལ་སྐོར་ལ་གོ་བསྡུར་བྱེད་ཀྱིན་པའི་སྒང་ཡིན་པར་བརྟེན། བཅར་འདྲི་འདི་འདྲ་སྤེལ་བསྒྲགས་བྱེད་པའི་དུས་ཚོད་དང༌། དེའི་ནང་དོན་བཅས་མགོ་རྙོག་གི་རང་བཞིན་དུ་གྱུར་ཞིང༌། ངའི་ཤེས་ཚོད་ལྟར་ན། རྒྱ་ནག་གི་མགོ་ཁྲིད་རིམ་པས་ཀྱང་ང་ཚོ་དང་འདྲ་བར་འཕྲོས་མོལ་རྒྱུན་མཐུད་བྱ་འདུན་འཆང་གིན་ཡོད་ཅིང༌། ནམ་ཕུགས་དེ་དག་བོད་དོན་ཐད་གཉིས་མོས་གྲོས་བསྡུར་གྱི་ལམ་ནས་ཐག་གཅོད་ཅིག་ཡོང་བའི་ཕྱོགས་སུ་འཕེལ་རྒྱས་འགྲོ་རྒྱུར་ང་ཚོས་རེ་བ་བྱེད་ཀྱིན་ཡོད། ཕྱི་ལོ་ ༢༠༠༦ ཟླ་ ༢ པར་འབྲེལ་མོལ་ཐེངས་ལྔ་པ་བསྐྱངས་སྐབས། རྒྱ་ནག་གཞུང་ཕྱོགས་ནས་ྋགོང་ས་མཆོག་གི་བཞེངས་ཕྱོགས་ཏེ། བོད་རང་བཙན་རྩོད་ལེན་མི་གནང་བར་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་ཀྱི་སྒྲོམ་གཞིའི་འོག་གནས་རྒྱུའི་དགོངས་གཞི་འཆང་གིན་ཡོད་པ་དེར་བསྔགས་བརྗོད་གསལ་པོ་ཞུས་ཡོད། ཅེས་དང་།
རྒྱ་རི་མཆོག་གིས་སྔར་གྱི་འབྲེལ་མོལ་རིམ་པའི་སྐབས་བྱུང་བའི་སྐད་ཆ་དག་ལ་ངོས་འཛིན་གནང་དོན། སྐབས་དེར་ཚོགས་འདུའི་ནང་བཀའ་མོལ་ཅི་བྱུང་བོད་ཡིག་ཐོག་སྒྲ་ཕབ་ཞུས་པར་གཞིགས་ན། རྒྱ་ནག་གཞུང་ཕྱོགས་ནས་ྋགོང་ས་མཆོག་གི་བཞེངས་ཕྱོགས་ལ “ གཏམ་བཟང་པོ་གནས་ཚུལ་བཟང་པོའམ། དགའ་བསུ་ཞུ་འོས་པའི་གནས་ཚུལ ” ཞེས་བརྗོད་འདུག བཀའ་མོལ་ཞིབ་ཕྲ་འདིར་ལུང་འདྲེན་བྱས་པ་ཡིན་ན། “ ཏཱ་ལའི་བླ་མས་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་གཞི་རྩར་བཟུང་བའི་ཐོག་ནས་དཀའ་རྙོག་སེལ་འདོད་ཡོད་ཅེས་གསུངས་ཏེ། རྣམ་འགྱུར་ཞིག་སྟོན་གྱི་ཡོད་པ་དེ་ནི་དགའ་བསུ་ཞུ་འོས་པའི་གནས་ཚུལ་ཞིག་ཡིན། ” ཞེས་བརྗོད་འདུག ང་ཚོས་འདི་དག་ནི་ད་ཕན་རྒྱ་གཞུང་གི་འབྲེལ་ཡོད་དཔོན་རིགས་ཚོ་དང་མཉམ་དུ་འབྲེལ་མོལ་བྱས་པའི་བརྒྱུད་རིམ་ཁྲོད་ཡར་རྒྱས་ཆུང་ཆུང་ཞིག་ཡིན་ནའང་དེ་དག་གལ་ཆེན་པོ་ཡིན་པའི་ལྟ་ཚུལ་བཟུང་ཡོད། དེ་དུས་ང་ཚོར་ྋགོང་ས་མཆོག་གི་བཞེངས་ཕྱོགས་གཉིས་མོས་ཀྱི་ཐག་གཅོད་ཅིག་ཡོང་བར་འབད་བརྩོན་གནང་བ་དེར་རྒྱ་ནག་གཞུང་ཕྱོགས་ལ་ཐུགས་སྣང་ཡོང་གིན་འདུག་སྙམ་པའི་ཚོར་སྣང་ཐེངས་དང་པོ་བྱུང༌། འདི་ནི་ང་ཚོས་འབྲེལ་མོལ་གྱི་ལས་རིམ་ཁྲོད་བཟང་
པོའི་ཆ་ཤས་རྣམས་གསལ་སྟོན་བྱས་དང་བྱེད་བཞིན་ཡོད་པའི་ནང་རྒྱ་ནག་གཞུང་ཕྱོགས་ནས་ཕྱི་ལོ་ ༢༠༠༢ ལོར་འབྲེལ་བ་སླར་གསོ་བྱུང་བ་ནས་ད་བར་ལོ་ ༥ སོང་བའི་རིང་བཟང་པོའི་རྣམ་འགྱུར་བསྟན་པའི་ནང་གི་གཅིག་ཡིན་ཞིང༌། སྐབས་དེར་ང་ཚོ་བཞུགས་སྒར་དུ་ཕྱིར་འཁོར་མ་ཐག དེ་དག་ྋགོང་ས་མཆོག་ལ་སྙན་སེང་ཞུས་པ་ཡིན། ཞེས་བཀོད་འདུག
ལན་འདེབས་ནང་མུ་མཐུད་བསྟན་དོན། ཕྱི་ལོ་ ༢༠༠༨ ཟླ་ ༡༡ པའི་ནང་འབྲེལ་མོལ་ཐེངས་བརྒྱད་པའི་སྐབས་ང་ཚོས་༼ བོད་རིགས་ཡོངས་ལ་མིང་དོན་མཚུངས་པའི་རང་སྐྱོང་ཡོང་ཐབས་ཀྱི་བསམ་འཆར ༽ ཞུ་བ་དེ་ཕུལ་བ་དང་། དེའི་ནང་བོད་མིིའི་གཞི་རྩའི་དགོས་མཁོ་ཁག་གསལ་སྟོན་བྱས་ཡོད་ལ། དེ་དག་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་ད་ཡོད་རྩ་ཁྲིམས་ཀྱི་ཆ་རྐྱེན་འོག་བསྐང་ཐུབ་པ་ཞིག་ཡིན། རྒྱ་ནག་གིས་༼ བོད་རིགས་ཡོངས་ལ་མིང་དོན་མཚུངས་པའི་རང་སྐྱོང་ཡོང་ཐབས་ཀྱི་བསམ་འཆར ༽ནང་བཀོད་པའི་དོན་ཚན་ཁག་ལ་བལྟ་ཙམ་ཡང་མ་བྱས་པར་མཐའ་གཅིག་ཏུ་དགག་པ་བརྒྱབས་ཡོད་སྟབས། མུ་མཐུད་འབྲེལ་བ་བྱ་རྒྱུའི་དམིགས་ཡུལ་མེད་པར་གྱུར། འོན་ཀྱང་། ྋགོང་ས་མཆོག་གིས་འབྲེལ་མོལ་གྱི་ལས་རིམ་ཐད་དམ་བཅའ་བརྟན་བཟུང་གནང་ཡོད་ལ། ང་ཚོར་ཡང་རྒྱ་ནག་གི་དབུ་ཁྲིད་ཚོ་དང་ཡང་བསྐྱར་འབྲེལ་བ་བྱ་རྒྱུར་གོམ་པ་སྤོ་དགོས་པའི་བཀའ་སློབ་གནང་ཡོད། ད་བར་འབྲེལ་མོལ་གྱི་བརྒྱུད་རིམ་ལ་ལེགས་ཆ་ཅི་ཙམ་མངོན་རྒྱུ་ཡོད་པ་དེ་དག་ང་ཚོས་ཕྱོགས་ཀྱི་འབད་བརྩོན་ཁོ་ན་ལས་བྱུང་བ་ཡིན། ང་ཚོས་འབད་བརྩོན་ལ་བརྟེན་ཏེ་ཕྱི་ལོ་ ༢༠༠༢ ནས་བཟུང་འབྲེལ་མོལ་སླར་གསོ་དང་འབྲེལ་ཏེ། ད་ཕན་གྲོས་བསྡུར་སྔ་རྗེས་ཀྱི་ལས་རིམ་མགོ་འཛུགས་ཐུབ་པ་བྱུང་ཡོད། ཅེས་དང་།
རྒྱ་རི་མཆོག་གིས་འབྲེལ་མོལ་རིམ་པའི་སྐབས་རྒྱ་ཕྱོགས་ནས་བཏོན་པའི་རེ་བ་ཁག་ལ་དབྱེ་སྲེས་བྱས་དོན། རྒྱ་ནག་ཕྱོགས་ནས་ྋགོང་ས་མཆོག་གི་བཞེངས་ཕྱོགས་ལ་བཟང་པོའི་རྣམ་འགྱུར་བསྟན་པ་ཕྱི་ལོ་ ༢༠༠༦ ཟླ་ ༢ པར་བསྐྱངས་པའི་འབྲེལ་མོལ་ཙམ་མ་ཡིན་པར། ཕྱི་ལོ་ ༢༠༠༨ ཟླ་ ༥ ནང་རྒྱ་ནག་གི་གྲོང་ཁྱེར་ཧྲིན་ཀྲན་ནས་ནང་མོལ་གྲོས་བསྡུར་བསྐྱངས་སྐབས་ཀྱང་རྒྱ་ནག་ཕྱོགས་ནས་ྋགོང་ས་མཆོག་ལ་དམིགས་ཏེ་༼ མཚམས་འཇོག་གསུམ ༽ ཟེར་བ་ཞིག་བཏོན་པ་རེད། ང་ཚོས་དེ་དག་ལ་ཁས་ལེན་མ་བྱས་སྟབས། ཕྱི་ལོ་ ༢༠༠༧ ཟླ་ ༧ ནང་ཚོགས་པའི་འབྲེལ་མོལ་ཐེངས་བདུན་པའི་སྐབས། ཡང་བསྐྱར་༼ རྒྱབ་སྐྱོར་མི་བྱེད་པ་བཞི ༽ཟེར་བ་བཏོན་པ་རེད། ཁོང་ཚོས་བརྗོད་གསལ་ལྟར་ན་༼ རྒྱབ་སྐྱོར་མི་བྱེད་པ་བཞི ༽དེ་༼ མཚམས་འཇོག་གསུམ ༽གྱི་ཚབ་ཏུ་བཏོན་པ་དེ་དག་ང་ཚོས་ྋགོང་ས་མཆོག་གི་༼ མཚམས་འཇོག་གསུམ ༽གྱི་ནང་གསལ་བྱ་སྤྱོད་ཁག་སྤེལ་གྱིན་མེད། ཅེས་དོན་ཚན་ཞུས་པ་དེར་བརྩི་འཇོག་བྱས་པ་ཡིན་ཞེས་བརྗོད་ཀྱི་ཡོད་པ་རེད། དེར་བརྟེན། རྒྱ་ནག་གི་དབུ་ཁྲིད་ཚོས་༼ མཚམས་འཇོག་གསུམ ༽སྲིད་བྱུས་ནས་༼ རྒྱབ་སྐྱོར་མི་བྱེད་པ་བཞི ༽ཞེས་པར་བསྒྱུར་བ་དེ་ཁོང་ཚོས་ྋགོང་ས་མཆོག་གི་རང་བཙན་རྩོད་ལེན་གྱི་ཕྱག་ལས་མཛད་ཀྱིན་མེད་པ་ཁས་ལེན་གྱི་ཡོད་པའི་རྟགས་རེད། ཅེས་དང་།
ཉེ་དུས་པེ་ཅིན་ནས་བསྒྲགས་གཏམ་སྤེལ་བ་ཁག་ལ་གཞིགས་ན། ང་ལ་རྒྱ་ནག་གཞུང་ནང་ཕྱག་ལས་གནང་སྐབས་བོད་ཀྱི་གནད་དོན་ཐད་ལོ་མང་རིང་མཉམ་ཞུགས་གནང་མྱོང་མཁན་རྒྱ་རིགས་སློབ་དཔོན་གྱི་བསླབ་བྱ་བརྒྱབས་པ་དེ་དྲན་གསོས་བྱུང༌། ཁོང་གིས་རྒྱ་མིའི་དབུ་ཁྲིད་རྣམས་ནས་ྋགོང་ས་མཆོག་གི་ཁ་བྲལ་རྩོད་ཀྱིན་མེད་པ་གསལ་རྟོགས་ཡོད་བཞིན་དུ་ཁོང་ལ་ཁ་བྲལ་གྱི་ཉེས་ཞྭ་གཡོག་པ་དེ་ཕུད་རྒྱུའི་ཆབ་སྲིད་ཀྱི་བློ་སྤོབས་ལྡན་པར་ང་ཚོས་རེ་བ་རྒྱག་རྒྱུ་མེད། གལ་ཏེ་རྒྱ་ནག་ཕྱོགས་ནས་ཉེས་ཞྭ་དེ་ཕུད་པའི་དབང་དུ་བཏང་ན་ཡང་ཁོང་ཚོས་ད་ལྟ་བོད་ཐོག་འཛིན་པའི་སྲིད་བྱུས་དང་ྋགོང་ས་མཆོག་བོད་ལ་ཕྱིར་ལོག་ཕེབས་རྒྱུའི་ཐད་བཀག་འགོག་བྱེད་པ་སོགས་ཀྱི་གནས་ཚུལ་དེ་དག་དྲང་བདེན་ཡིན་པའི་ཁུངས་སྐྱེལ་རྒྱ་ནག་མི་མང་ལ་བྱེད་ཐུབ་ཀྱི་མ་རེད་བཅས་གསུངས་ཡོད།
མཇུག་མཐར་རྒྱ་ནག་གཞུང་ཕྱོགས་ནས་སྔ་ཕྱིར་འབྲེལ་མོལ་ལ་འགོག་རྐྱེན་བཟོ་བཞིན་ཡོད་སྐོར་བཀོད་དོན། རྒྱ་ཕྱོགས་ནས་ཡང་ནས་ཡང་དུ་ང་ཚོར་གསར་ལམ་བརྒྱུད་འབྲེལ་མོལ་བྱ་རྒྱུ་མེད་ཚུལ་དང་། ང་ཚོ་ཕན་ཚུན་ཐད་ཀར་གདོང་ཐུག་གིས་བཀའ་མོལ་ཞུ་དགོས་པ་བརྗོད་ཀྱིན་ཡོད། འོན་ཀྱང་། ཀུན་གྱི་མཐོང་ཆོས་སུ་ཡོད་པ་ལྟར། རྒྱ་ཕྱོགས་ནས་གསར་ལམ་ཁག་ཏུ་བཅར་འདྲིའི་རིགས་འདོན་སྤེལ་བྱས་ཏེ། འབྲེལ་མོལ་གྱི་ལས་རིམ་ལ་འགོག་རྐྱེན་བཟོ་གཞི་མང་དུ་གཏོང་གིན་ཡོད། ཕྱི་ལོ་ ༢༠༠༨ འབྲེལ་མོལ་ཐེངས་ ༧ པའི་སྐབས་རྒྱ་ཕྱོགས་ནས་༼ རྒྱབ་སྐྱོར་མི་བྱེད་པ་བཞི ༽ནི་༼ མཚམས་འཇོག་གསུམ ༽དང་བསྡུར་ན་ལེགས་པ་ཡོད་པའི་རྣམ་འགྱུར་བསྟན་ཡོད་པ་དེ་ལྟར་ཡང་འབྲེལ་མོལ་གྲུབ་རྗེས་ང་ཚོ་རྒྱ་གར་དུ་ྋགོང་ས་མཆོག་ལ་སྙན་སེང་ཆེད་མ་འབྱོར་སྔོན་ལ་ཁོང་ཚོས་གསར་ལམ་ཁག་ལ་རང་ཉིད་ཀྱི་ལངས་ཕྱོགས་དང་ཡོངས་སུ་རྒྱབ་འགལ་གྱི་ལན་བརྡ་ཞིག་སྤྲད་འདུག ང་ཚོའི་བསམ་པར་གལ་ཏེ་རྒྱ་ཕྱོགས་ལ་བོད་མིའི་དཀའ་ངལ་རྣམས་སེལ་རྒྱུ་དང༌། དེ་བཞིན་རྒྱ་ནག་གི་རྩ་ཁྲིམས་དང་གྲངས་ཉུང་མི་རིགས་དང་འབྲེལ་བའི་ཁྲིམས་སྒྲིག་ནང་གསལ་གྱི་ཐོབ་ཐང་རྣམས་བོད་མིར་གཅིག་མཚུངས་སྤྲོད་རྒྱུའི་དོན་དམ་གྱི་བསམ་བློ་ཡོད་ཚེ། དེ་དག་ད་ཡོད་འབྲེལ་མོལ་གྱི་བརྒྱུད་ལམ་དང་གྲོས་མོལ་གྱི་རྒྱ་ཅོག་སྟེང་སྤྲོད་དགོས་པ་ཡིན།
གོང་གི་གསར་འགྱུར་འདི་བོད་གཞུང་དྲ་རྒྱ་ལས་བསྡུ་སྒྲིག་བྱས་པ་ཡིན།
རྒྱ་རྒན་དེ་དག་ལ་རེ་བ་མ་རྒྱབ་བོད་མི་རང་་ངོས་ནས་རྒྱ་དམར་གྱིས་བོད་དོན་ཐད་སྐད་ཆ་མ་བཤད་རང་བཤད་དུ་བཟོ་དགོས་པ་གལ་ཆེ། དེ་ལྟ་མ་བྱུང་ན་རྒྱ་རྒན་དེ་ཚོས་ང་ཚོའི་སྐུ་ཚབ་རྣམས་ཁོ་པ་ཚོའིོ་རྩད་ཆས་ལྟ་བུ་བྱེད་ཀྱི་འདུག།
སྤྱིར་ལོ་རྒྱུན་ཐོག་ནས་བཤད་ན་བཙན་གནོན་འོག་ཡོད་པའི་མི་རིགས་རང་ཉིད་ཀྱིས་བཙན་དབང་བྱེད་པོ་དེ་དག་གི་སྐད་ཆ་མ་བཤད་རང་བཤད་དུ་བཟོ་དགོས་
པ་ལས་ཁོ་པ་ཚོར་བཀའ་ངལ་གང་ཡང་མེད་སྐབས་སྐད་ཆ་བཤད་ན་ཕན་ཐོག་གང་ཡང་མེད་ཟེར། ཕྱི་རྒྱལ་གྱི་མཁས་དབང་ཞིག་གི་གསུང་འདུག་པས་བདེན་པ་མཐོང་།
ཁ་སྔོན་ནས་ཀྲུའུ་ཧེ་ཆེན་གྱིས་ངས་སྐད་ཆ་དེ་འདྲ་བཤད་རྒྱུ་མ་བྱུང་ལ་ད་དུང་སྒྲ་ཕབ་ཀྱི་ནང་དུ་སྐབས་དེའི་སྐད་ཆ་ཆ་ཚང་ཞིག་བླུགས་ཡོད་པ་རེད་ཅེས་གསལ་བཤད་གནང་འདུག
དེར་དམིགས་བསལ་སྐུ་ཚབ་རྒྱ་རིས་གཏམ་བཟང་པོ་ཞེས་པའི་ཐད་སྒྲ་འཇུག་ནང་དང་དབྱིན་སྐད་ནང་དུ་ཡང་ལུང་འདྲེན་ཞིག་གནང་ཏེ་ལན་འདེབས་གསལ་བཏོན་གནང་འདུག
ངས་དེར་བསམས་ན་སྐབས་དེར་སྐད་ཆ་དེ་འདྲ་ཞིག་བྱུང་ཡོད་པར་ཡིད་ཆེས་བྱེད་ཀྱིན་ཡོད། གང་ལ་ཟེར་ན་སྲིད་བློན་ཝུན་ཅའོ་བའོ་ཡིས་བོད་ནང་གི་ཞི་རྒོལ་དེ་ཧ་ཅང་གི་ཛ་དྲག་གཅིག་ཆགས་ཡོད་སྟབས་༸ གོང་ས་མཆོག་གིས་ངེས་པར་དུ་ཞི་བདེ་ལྷིང་འཇགས་ཡོང་རྒྱུར་བཀའ་སློབ་སྩལ་དགོས་པ་གལ་ཆེ་ཡིན་སྐོར་གྱི་གཏམ་བཤད་སྤེལ་དགོས་བྱུང་ཡོད་པ་རེད།
དེར་བརྟེན་ཀྲུའི་ཝེ་ཆེན་གྱིས་སྐབས་དེའི་ཛ་དྲག་གི་གནད་དོན་ཞི་འཇམ་ཡོང་ཆབ་ཆེད་སྐད་ཆ་དེ་འདྲ་བཤད་ཡོད་པ་རེད། འོན་ཀྱང་ད་ལྟ་རྒྱ་ནག་དབུས་གཞུང་གིས་བོད་ཀྱི་གནད་དོན་དེ་ཞི་འགྲིག་བྱེད་འདོད་གཏན་ནས་མེད་པ་ཞིག་མ་ཡིན་ཀྱང་ད་ལྟའི་ཆར་གནད་དོན་དེ་ཐབས་ལམ་གང་འདྲ་ཞིག་གིས་ཐོག་ནས་འོས་འཚམས་ཞི་འགྲིག་བྱེད་རྒྱུར་གདེངས་ཚོད་གཏན་ནས་མེད་ཕྱིར་འགྱངས་ཡོང་སླད་སྐད་ཆ་དེ་འདྲ་ཞིག་མ་བཤད་ཀ་མེད་ཐུབ་པ་ཞིག་རེད།
དུས་ཀྱི་སྔ་ཕྱི་མ་གཏོགས་གང་ལྟར་བོད་ཀྱི་གནད་དོན་དེར་ལག་པ་ཞིག་མ་འཆང་ན་ཐབས་ཤེས་གཞན་མེད་པ་ཞིག་ཆགས་ཡོད།
ནང་ལ་སྐོར་དུས་དབའ་བོ་དར་མ་མང་། ཕྱི་ལ་སྐོར་དུས་དབའ་བོ་ལག་ཆད་མང་། ཡིད་སྐྱོ་བ་ནི། རང་གིས་རིགས་ཀྱི་ནང་དུ་ད་དུང་ཡང་རང་ཤ་ཁྱི་ཁར་གཡུགས་མཁན་དེ་ཚོ་ཡིན།
ང་ལ་ཡང་གོ་ཐོས་ཞིག་ཡོད། ལོ་ཤས་སྔོན་དུ་བོད་ནང་གི་ལས་བྱེད་བོད་པ་ཞིག་དང་མཉམ་དུ་རྒྱ་བོད་གྲོས་མོལ་སྐོར་སྐད་ཆ་བྱུང་། ཁོང་གིས་འདི་འདྲ་ཞིག་དྲིས་སོང་། ཕྱི་ལོག་བོད་མིའི་ནང་རྒྱ་མའི་ཆབ་སྲིད་དང་རིག་གཞུང་ལ་རྒྱུས་ཡོད་པའི་བོད་པ་ཡོད་མ་རེད་དམ་ཟེར་ནས་ད་ལྟའི་སྐུ་ཚབ་རྣམས་ལ་རྒྱ་མི་དང་གྲོས་མོལ་བྱེད་པའི་ནུས་པ་ཞན་ཚུལ་བཤད་བྱུང་།
སྔོན་མ་རྒྱལ་ལོ་དོན་འགྲུབ་ཀྱིས་ཏིང་ཞོ་ཕིན་གྱིས་བོད་རང་བཙན་མ་ཡིན་པ་གང་ཡང་གཉིས་མོལ་གྱི་ལམ་ནས་སེལ་ཆོག་གི་རེད་ཟེར་བ། རྗེས་སུ་རྒྱ་རི་དང་བཀའ་བློན་ཁྲི་བས་རྒྱ་མིའི་གཞུང་གིས་དེ་འདྲ་ཁས་ལེན་བྱས་མི་འདུག སྐད་ཆ་དེ་འདྲ་བཤད་པ་ཡིག་ཐོག་ན་སྟོན་རྒྱུ་མི་འདུག་ཟེར་ནས། རྒྱ་ལོ་དོན་གྲུབ་ཀྱིས་རྫུན་བཟོ་གི་ཡོད་པ་འདྲ་བོ་བཤད་སོང་དྲན་སོང་། ད་ནི་རྒྱ་རི་སྐད་ཆ་མང་པོ་ཞིག་ཀྱང་བདེན་པ་ཡིན་མིན་མི་ཤེས། རྒྱ་མིས་དེ་འདྲ་བཤད་མི་འདུག་ཀྱང་རྒྱ་རིས་རྫུན་བཤད་འདུག་མདོག་མདོག་བཤད་ཆོག་གི་རེད། དྲང་པོ་བཤད་ན་རྫུན་བཤད་མཁན་དེ་རྒྱ་མི་ཡིན་པ་ཤེས་ནའང་། རྒྱ་རི་བློ་གྲོས་དང་བཀའ་ཁྲི་ནང་བཞིན་མ་ཤེས་མདོག་མདོག་གིས་རྒྱ་མིས་བཤད་མི་འདུག་ཀྱང་གཅིག་བྱས་ན་བོད་མིའི་སྐུ་ཚབ་རྒྱ་རིས་རྫུན་བཤད་འདུག་མདོག་མདོག་གིས་ནང་ཁུལ་ལ་དོགས་པ་དང་མི་སྒེར་ནག་པོ་བཟོ་ཨེ་ཐུབ་ལྟ་ཆོག་གི་རེད། ཁོང་ཚོས་སྔོན་རྒྱ་ལོ་དོན་འགྲུབ་ལ་དེ་འདྲ་བཤད་ནས་ནག་པོ་བཟོ་ཁུལ་བྱས་སོང་དྲན་སོང་། ད་ལས་རྒྱུ་འབྲས་སྨིན་པ་མིན་འགྲོ། རྒྱ་རིས་བཤད་པའི་བཤད་པའི་སྐད་ཆ་་མང་པོ་ཞིག་ཀྱང་རྒྱ་མིས་བཤད་མེད་ཟེར་གྱི་འདུག འ
སྔོན་མ་རྒྱལ་ལོ་དོན་འགྲུབ་ཀྱིས་ཏིང་ཞོ་ཕིན་གྱིས་བོད་རང་བཙན་མ་ཡིན་པ་གང་ཡང་གཉིས་མོལ་གྱི་ལམ་ནས་སེལ་ཆོག་གི་རེད་ཟེར་བ། རྗེས་སུ་རྒྱ་རི་དང་བཀའ་བློན་ཁྲི་བས་རྒྱ་མིའི་གཞུང་གིས་དེ་འདྲ་ཁས་ལེན་བྱས་མི་འདུག སྐད་ཆ་དེ་འདྲ་བཤད་པ་ཡིག་ཐོག་ན་སྟོན་རྒྱུ་མི་འདུག་ཟེར་ནས། རྒྱ་ལོ་དོན་གྲུབ་ཀྱིས་རྫུན་བཟོ་གི་ཡོད་པ་འདྲ་བོ་བཤད་སོང་དྲན་སོང་། ད་ནི་རྒྱ་རི་སྐད་ཆ་མང་པོ་ཞིག་ཀྱང་བདེན་པ་ཡིན་མིན་མི་ཤེས། རྒྱ་མིས་དེ་འདྲ་བཤད་མི་འདུག་ཀྱང་རྒྱ་རིས་རྫུན་བཤད་འདུག་མདོག་མདོག་བཤད་ཆོག་གི་རེད། དྲང་པོ་བཤད་ན་རྫུན་བཤད་མཁན་དེ་རྒྱ་མི་ཡིན་པ་ཤེས་ནའང་། རྒྱ་རི་བློ་གྲོས་དང་བཀའ་ཁྲི་ནང་བཞིན་མ་ཤེས་མདོག་མདོག་གིས་རྒྱ་མིས་བཤད་མི་འདུག་ཀྱང་གཅིག་བྱས་ན་བོད་མིའི་སྐུ་ཚབ་རྒྱ་ལོ་དོན་འགྲུབ་ཀྱིས་རྫུན་བཤད་འདུག་མདོག་མདོག་གིས་ནང་ཁུལ་ལ་དོགས་པ་དང་མི་སྒེར་ནག་པོ་བཟོ་ཨེ་ཐུབ་ལྟ་ཆོག་གི་རེད།
སྤྱི་བཏང་ནས་བོད་རྒྱ་ཞི་མོས་ཀྱི་སྐུ་འཚབ་དེ་ཚོར་སྐད་ཡིག་གི་ཐད་མཐུས་བཤོལ་ཞིག་སོང་མེད་འགྲོ་བསམ་གྱིས་འདུག། ཁ་སྔོན་ང་རང་ལ་བོད་ནས་ཕེབས་པའི་གྲོགས་པོ་ཞིག་ཏུ་ཐུག་འཕྲད་བྱུང་སོང་ལ། ངེད་གཉིས་ཕན་ཚུན་རྒྱ་བོད་ཀྱི་ཆབ་སྲིད་ཀྱི་གནས་བབས་སྐོར་ཐར་ཐོར་རེ་བཤད་ཁུལ་བྱས་པ་ཡིན། ཁོང་ནི་བོད་རྒྱའི་གནས་བབས་ལ་དོ་སྣང་ཆེ་ཞིང་རྣམ་དཔྱོད་ལྡན་པ་ཞིག་རེད་ལ། བཙན་བྱོལ་བོད་ཀྱི་ཆབ་སྲིད་ཀྱི་ཐད་ང་ལས་ལྷག་པ་ཤེས་རྒྱ་ཆེ་ཞིང་་རྒྱུས་མངའ་འདུག་པ་མ་ཟད། བོད་རྒྱ་ཞི་མོས་ཀྱི་སྐུ་འཚབ་ད་བར་ཐེངས་བརྒྱད་ཕེབས་པ་སོགས་ལ་ཐེངས་རེ་རེ་བཞིན་རྒྱུས་མངའ་འདུག་ལ་མཁྱེན་རྒྱའང་འདུག། ངས་ཁོང་ལ་ཁྱེད་ཀྱི་འདི་ལྟར་ག་འདྲ་སེ་ཤེས་སོང་ཞེས་དྲིས་པས། ཁོང་གིས་ང་ལ་ཁོང་གིེས་ནམ་རྒྱུན་ཏུ་ཨེ་ཤེ་ཡ་རླུང་འཕྲིན་ལ་ཉིན་གྱིས་ཡོད་ལ་ཉིན་རེའི་གསར་འགྱུར་གལ་ཆེན་ཚོ་ཟིན་བྲིས་རྒྱག་གི་ཡིན་ཞེས་གསུངས་བས་ང་རང་དངོས་ངོ་རྐྱེངས་པ་བཟོས་སོང་། ངས་ཁོང་ལ་བཙན་བྱོལ་བོད་ཀྱི་སྐུ་འཚབ་མཐུས་མི་ཚོ་བོད་ལ་ཕེབས་དུས་ཁྱེད་ཚོས་གཟུགས་མཐོང་རླུང་འཕྲིན་ནས་མཐོང་ཐུབ་ཀྱིས་འདུག་བས་ཞེས་དྲིས་པར། ཁོང་གིས་མཚམས་མཚམས་མཐོང་གིས་འདུག། ཡིན་ནའང་ཁོང་ཚོས་སྐད་ཆ་ཅི་ཞིག་གྲོས་མོས་བྱས་ཡོད་པ་སོགས་གསལ་བོ་བཤད་ཀྱིས་མི་འདུག་ཅེས་གསུངས་སོང་། ཡང་ངས་ཁོང་ལ་བོད་ལ་བཞུགས་པའི་བོད་མི་ཚོས་སྐུ་འཚབ་ཆོར་རེ་བ་ག་འདྲ་ཞིག་བཅངས་འདུག་ཅེས་དྲིས་པར། ཁོང་གིས་བོད་མི་ཚོས་དང་ཐོག་རེ་བ་ཆེན་པོ་བཅངས་ཡོད་ཚོད་འདུག ཡིན་ནའང་ད་ལྟ་ཧ་ལམ་རེ་བ་མེད་པ་འདྲ་བོ་འདུག གང་ཡིན་ཞེས་ན་སྐུ་འཚབ་དེ་ཚོར་བོད་རྒྱ་ཞི་མོས་བྱེད་པའི་ཆ་རྐྱེན་གཙོ་བོ་སྐད་ཡིག་གི་ཆ་རྐྱེན་དེ་ཉིད་ཚང་གི་མི་འདུག་ལ་ཕན་ཚུན་གོ་བརྡར་གསལ་བོ་འཕྲད་མི་ཐུག་པར་འདྲ། ནམ་རྒྱུན་་ཨེ་ཤེ་ཡ་རླུང་འཕྲིན་ནས་གསུངས་པ་དང་རྒྱ་ནག་གི་དྲིལ་བསྒྲགས་བྱེད་པ་གཉིས་རྩ་བ་ནས་མཐུན་གྱིས་མི་འདུག་ལ། ད་དུང་ཡང་རྒྱ་ནག་གི་༧གོང་ས་མཆོག་གི་རང་བཙན་རྩ་བ་ནས་རྩོད་ཀྱི་མེད་པ་དེ་ཉིད་བཤད་རྟོགས་བྱུང་མེད་པ་དང་ཐེ་ཚོམ་སྒང་ལ་བསྡད་འདུག་ཅེས་གསུངས་སོང་། ངས་བསམ་པར་ཁོང་གིས་གསུངས་པ་དེ་ལའང་རྒྱུ་མཚན་མེད་པ་མ་རེད་བསམ། དྲ་གྲོགས་ཚོས་བལྟས་ན་འདུག་མི་འདུག
ཛ་ཛོར་ཅན་གྱི་བོད་རིགས་སྤུན་ཟླ།།
ཛ་ལང་སྤྱོད་འཆངས་རྒྱ་འདྲེ་དེ་ཚོའི།།
ཛ་དྲག་གནར་གཅོད་གདུག་རྩུབ་ངན་པའི།།
ཛ་དྲག་གནས་སྟངས་ཁྲག་དང་སྲེས་སོང་།།
ཝ་མོའི་གཡོ་ཐབས་སྣ་འགུ་སྤྱད་ནས།།
ཝ་སྐད་བརྫུན་གཏན་ལུང་སྟོང་ཁེངས་སྟེ།།
ཝ་ལེར་གསལ་བའི་བདེན་པའི་གནས་ལུགས།།
ཝ་མོ་དེ་ཚོའི་བརྫུན་གྱིས་བསླུས་སོང་།།
ཙ་ག་ཙི་གེ་སྤྱོད་ལམ་རྩུབ་ལ།།
ཚ་བ་འབར་ཞིང་བསྡོད་མི་ཚུགས་པའི།།
ཛ་ཛོར་འཕྲང་ལ་རྒྱུགས་གྲངས་མང་ཞིང་།།
ཝ་མོ་འདྲ་རྣམས་དོགས་གཟོམ་མཛོད་ཅིག།།