སྟོན་པ་བཅོམ་ལྡན་འདས་ཀྱང་ཚན་རིག་པ་ཞིག་ཡིན།

གཅན་བཟོད་རྒྱམ་ལགས། ཁྱེད་ནི་བསམ་ཚུལ་འདོན་མཁན་སྔ་ཤོས་ཤིག་ཡིན་པའི་ཅ་ནས་ངས་ཁྱེད་ལ་བསྔགས་བརྗོད་ཅིག་ཞུ་འདོད་བྱུང་བ་དང་ཅབས་ཅིག་འདི་འདྲ་ཞིག་ཀྱང་བཤད་འདོད་འདུག ནང་དོན་རིག་པ་དེ་ཚན་རིག་ཡིན་ཚུལ་སུ་གང་གིས་མ་བཤད་པ་དང་ད་རེབ་༧གོང་ས་མཆོག་གིས་གསུངས་པ་ཀྱེད་ཀྱི་བསམ་ཚུལ་དང་མཐུན་ཚུལ་བཤད་པ་དེ་ནི་ཁྱེད་རང་གི་མཐོང་རྒྱ་ཆུང་བའི་རྟགས་ཤིག་ཡིན། འདིའི་ཐད་དུ་༸གོང་ས་མཆོག་གིས་དུས་བསྟུན་རིམ་བྱུང་ལ་འདི་ལྟར། ནང་དོན་རིག་པ་ལ་དུམ་ཚན་གསུམ་དུ་དབྱེ་དགོས། གཅིག་ནི་ནང་པའི་ཆོས་དང་། གཅིག་ནི་ནང་པའི་ལྟ་གྲུབ གཅིག་ནི་ནང་པའི་ཚན་རིག་རེད་ཅེས་གསུང་གི་དབུགས་དབྱུང་ལན་གྲངས་བརྒྱ་ཕྲག་ཏུ་གནང་ཡོད་པ་དང་།་དེ་བཞིན་དུ་བོད་ཀྱི་མཁས་པ་མང་བོས་གསུངས་ཡོད་པ་ནས་མཚོན་ཙམ་བཤད་ན་ལྡོང་ཤུལ་གྱིས་ཀྱང་དེ་འདྲའི་ཕྱོགས་མཐུན་བཤད་ཡོད་པ་རེད།

༸ གོང་ས་མཆོག་ནི་སྐུ་ན་ཆུང་ངུའི་དུས་ནས་ནང་ཆོས་དང་ལྷག་དོན་དེང་རབས་ཚན་རིག་གི་ཤེས་བྱར་རང་བཞིན་གྱིས་ཐུགས་སྣང་དང་སྦྱང་བརྩོན་ཆེན་པོ་ཞིག་གནང་འདོད་ཀྱི་ཐུགས་རིག་ཤིན་ཏུ་བཀྲ་བ་ཞིག་རེད་འདུག

ཁོང་སྐུ་ན་ཤིན་ཏུ་ཕྲ་བ་ཆུང་བྱིས་པའི་དུས་སུ་སྐུ་མདུན་སྐུ་གོང་མའི་དུས་ཀྱི་མོ་ཊ་དང་། རྒྱང་ཤེལ། ཁུ་བྱུག་ཆུ་ཚོད་སོགས་ལ་ལྷན་སྐྱེས་ཀྱིས་བློ་རིག་དངང་མོས་གཟིགས་ཞིབ་དང་ལྷག་པར་ཆུ་ཚོད་མང་པོ་མར་ལྷུ་བཤིགས་ཏེ་བྱེད་ལས་གང་འདྲ་བྱེད་ཀྱི་ཡོད་མེད་སོགས་ལ་ཐུགས་སྣང་ཚད་མེད་ཅིག་གནང་འདུག

དངང་བའི་མཚན་མོ་ཞིག་ལ་མཁའ་དབྱིངས་སུ་གཟའ་སྐར་གྱི་ཕྲ་ཚོམ་ཕྲོད་དུ་ཟླ་བའི་གོ་ལར་གཟིགས་ཞིབ་ནན་མོ་ཞིག་གནང་མཐར་ཡོངས་འཛིན་གཉིས་ལ་གསུངས་གནང་ནས་ང་ཚོས་ཟླ་བའི་ནང་རི་བོང་གི་རྭ་ཞིག་ཡོད་པར་ངོས་འཛིན་བྱེད་པ་དེར་ངས་བལྟས་ན་དེ་ནི་ཉི་འོད་ཕོག་པའི་གོ་ལའི་གྲིབ་གཟུགས་ཞིག་རེད་ཅེས་ནན་བརྗོད་གནང་ཏེ་ཡོངས་འཛིན་གཉིས་ཀྱིས་ངོ་མཚར་ཅན་གྱིས་ཐུགས་རིག་ལ་དགྱེས་གཉེས་ཆེན་པོ་ཞིག་གནང་འདུག

ད་དུང་ཁོང་གི་ངས་མོ་ཊ་འདི་ལ་བསམ་བློ་ལན་མང་ཞིག་བཏང་མཐར་ཕྱི་རོལ་ཏུ་མཚན་རིག་གྱི་དར་རྒྱས་ཤིན་ཏུ་ཆེ་བའི་འཇིག་རྟེན་ཞིག་ཡོད་པར་ཡིད་ཆེས་བྱས་ཏེ་ངས་དེའི་ཕྱོགས་སུ་འཚོལ་ཞིབ་བྱེད་དགོས་ཀྱི་དགོངས་ཚུལ་མང་པོ་ཞིག་ཐུགས་ལ་འཁྲུངས་པའི་སྐོར་དང་དེ་ནས་༸ གོང་ས་མཆོག་བཙན་བྱོལ་དུ་ཕེབས་པ་ནས་བཟུང་ཁོང་གི་ཚན་རིག་མཁས་དབང་མང་པོ་ཞིག་དགེ་རྒན་དུ་བསྟེན་ནས་ད་བར་སེམས་དང་ཚེ་སྲོག་ཅེས་པའི་ཚོགས་འདུའི་ཐད་ལ་འཛམ་གླིང་ཚན་རིག་མཁན་མང་པོ་དང་ལྷན་དུ་བགྲོ་གླེང་ཐེངས་ཉི་ཤུ་ལྷག་ཙམ་ཡོད།

ད་དུང་ཁོང་གིས་ཨཡིནསེ་ཊིན་དང་༸ ཌ་ཝིན་སོགས་ཀྱི་དངོས་ཁམས་རིག་པས་གཙོ་བྱས་པའི་ཚན་རིག་ཤེས་བྱར་ཐུགས་སྣང་ཚད་མེད་གནང་མཐར་ད་ལྟའི་ཆར་འཛམ་གླིང་གི་ཚན་རིག་མཁས་དབང་མང་ཆེ་བ་ཞིག་སེམས་དོན་རིག་པར་ཁ་ཕྱོགས་ནས་ཀླད་རྩ་དང་ཀླད་ཁམས་ཀྱི་སྐོར་སོགས་ལ་ཞིབ་འཇུག་གནང་མགོ་འཚུགས་ཡོད་ལ་ནང་པའི་ཆོས་དེ་ཡང་ཚན་རིག་དང་མཐུན་པར་ལུང་ཙམ་མ་ཡིན་པར་བདེན་པ་དང་། རྒྱུ་མཚན་ལ་དཔྱད་ནས་བདེན་དོན་གང་ཡིན་པ་དེ་ངེས་པར་ཁས་ལེན་བྱེད་དགོས་པ་ཞིག་ཡིན་པའི་བཀའ་སློབ་མང་པོ་གནང་འདུག

༸ གོང་མཆོག་གི་བརྩམས་གནང་མཛད་པའི་ཚན་རིག་ཐད་ཀྱི་དཔེ་དེབ་གཅིག་ནི་རྡུལ་ཕྲན་གཅིག་ཁོ་ནའི་སྟེང་གི་འཇིག་རྟེན་ཞེས་དང་དབྱིན་སྐད་ནང་ ”The Universe In a Single Atom” ཞེས་པའི་དེབ་དེ་ངས་ལན་མང་ཞིགབལྟ་ཀློག་ནན་མོ་བྱས་ཁུལ་ལས་ད་གཟོད་ངས་ཁས་ལེན་པ་ཞིག་ནི་༸ གོང་ས་མཆོག་ནི་ཚན་རིག་མཁན་དང་ལྷག་དོན་དབང་རྩ་རིག་པ་དང་སེམས་ཁམས་རིག་པའི་སློབ་དཔོན་ཆེན་པོ་ཞིག་ཡིན་པ་ངེས་ཤེས་གཏིང་ཟབ་ཅིག་རྙེད་བྱུང་།

དེར་བརྟེན་ང་ཙམ་མ་ཟད་བོད་རིགས་སྤྱིཡོངས་དང་སྒོས་སུ་ནང་བསྟན་ཆོས་ལུསགས་ཀྱི་ངོས་ནས་བཤད་ན་ཧ་ཅང་གིས་ཡིད་རབ་ཏུ་དངང་བ་འདྲེན་པ་ཞིག་དང་དགའ་སྤོབ་ཆེན་པོ་སྐྱེ་གཞི་ཞིག་ཆགས་ཡོད།