ནོར་འཁྲུལ་གྱི་ལམ་ཁ་འདི་ནས་ཕྱིར་མིག་བལྟས་དུས།

བོད་ཤ་ཁྲག་རུས་གསུམ་ལགས། ང་རང་གིས་དྲ་ཚིགས་ལས་ཤེས་པ་ལྟར་ན་ཁྱེད་ནི་ཇི་འདྲའི་ཕ་ཡུལ་ལ་ལྷག་བསམ་ཆེ་བ་ཞིག་རེད་བསམ་གྱིན་ཡོད། ཁྱེད་རང་བུ་་རྒྱུད་ཀྱི་རིགས་རྒྱུད་གཞན་དང་འདྲེས་པར་ཅུང་ཟད་འགྱོད་ཡོད་པ་འདྲ། དེ་ལ་སྐྱོན་ཆེར་མི་འདུག ཉིད་ཀྱིས་བུ་ཕྲུག་ལ་བོད་ཀྱི་སྐད་དང་ཡི་གེ་ཆོས་དད་སོགས་བོད་པ་ཇི་ལྟ་བུ་ཞིག་སློབ་རྒྱུ་གལ་ཆེན་ནང་གི་དོན་ཆེན་རེད།

གོང་དུ་བླ་མ་དང་གྲྭ་པ། དགེ་བཤེས་ཟེར་དུས་སྐྱབས་ཡུལ་དགེ་འདུན་གྱི་སྡེ་ཚང་མ་ལ་ཟེར་གྱི་མེད། དེ་ཡང་ཧ་གོ་དགོས།

བློ་བཟང་ལགས། སེམས་གསོ་སླར་ཡང་གནང་བ་དེར་ཐུགས་རྗེ་ཆེ་ལགས། དངོས་ནས་མི་མི་ལ་བསམ་ཤེས་བྱེད་པའི་དུས་ཤིག་འུ་ཅག་གིས་རང་གི་རིགས་ནས་བཟུང་དེ་མགོ་བརྩམ་པ་ཡིན་ན། ཆུ་ཐིགས་བསགས་པའི་རྒྱ་མཚོ་འགྱུར་བའི་དཔེ་ལྟར། རང་རང་ས་ནས་འཇིག་རྟེན་ན་སྒོར་མོ་ལས་ལྷག་པའི་གལ་ཆེན་པོ་ཆེས་མང་བོ་ཞིག་ཡོད་པ་ཕན་ཚུན་ལ་ངོ་སྤྲོད་བྱས་པ་ཡིན་ན། རེ་བ་ཆུང་ས་ནས་དོན་དག་ཆེན་པོ་རེ་མི་འགྲུབ་པའི་ངེས་པ་མེད་པར་འདོད་ལགས། སྐུ་ཉིད་ཀྱིས་སེམས་གཏམ་གསུངས་པ་དེར་སླར་ཡང་བཀའ་དྲིན་ཆེ་ཞུས་པ་ཡིན་ལགས།

ཆུ་ཐིགས་ཕོ་ཉ་ལགས། སྐད་ཆ་དེ་ལྟར་གསུངས་དེ་བསམ་བློ་དེ་ལྟར་གཏོང་མཁན་གྱི་འུ་ཅག་གི་དུས་ཚོད་རྫོགས་བཞིན་ཡོད་པ་འདྲ་ལགས།

དབུས་ཕྲུག་ཚེ་རིང་ལགས། སྐུ་ཉིད་ཀྱིས་སེམས་གསོ་གནང་བ་དེར་ཐུགས་རྗེ་ཆེ་ལགས། རེད་དེ། སྐུ་ཉིད་ཀྱིས་བདག་ལ་་དཔེར་འཇོག་བྱེད་ས་དེ་ནི་བོད་མི་རིགས་ཀྱི་སེམས་ཁོང་གི་བདག་ཉིད་ཆེན་པོ་ཞིག་ཡིན་པས། ལྟ་ཚུལ་ཡང་དེ་ལས་གཞན་ཞིག་རེད་ལགས།

ལྷ་ཆབ་ལགས། མི་སྐྱིད་ཀྱངི་སྐྱིད་ཁ་འདྲ་འདྲ་ཞིག་དང་མི་སྡུག་རང་སྡུག་སྡུག་འདྲ་བའི་མི་ཚེ་འདིར། བདག་གིས་ཀྱང་སྐུ་ཉིད་ཀྱི་གསུངས་པའི་སེམས་གཏམ་དེ་དག་ལ་བསམ་བློ་གཏོང་ངེས་ཡིན་ལགས། སྐད་ཆ་དེ་དག་རེ་རེ་བཞིན་སེམས་ཁོང་དུ་འཛིན་ཆོག

སྐར་ཁྲི་བཙན་ལགས། སྒོར་མོ་མེད་ན་གང་ཡང་མེད་པར་བསམ་མཁན་གྱི་སྤྱི་ཚོགས་འདིའི་ནང་དུ་འུ་ཅག་གིས་ག་ཚོད་བར་དུ་སྒོར་མོའི་ཆེད་དུ་རྒྱུགས་དགོས་མིན་དེ་ཡང་བཤད་ཚོད་མི་ཐིགས་ཀྱང་། ཉིད་ཀྱིས་བདམས་པ་དེ་དག་སེམས་ཁོང་དུ་གཉར་ངེས་ཡིན་ལགས།

དུག་ཚེར་ལགས། ཆོས་ཉིད་ལ་དེ་ལ་ཡིད་ཆེས་བྱེད་མཁན་ཡང་མི་ཡིན་ལ། ཆོས་ཉིད་ཟེར་ནས་ཕར་མིང་དེ་འདོག་མཁན་ཡང་མི་ཡིན་དུས། མིས་ག་རེ་ཡིན་ཡང་བྱེད་ཐུབ་པ་ཡིན་དུས། གཉན་འཕྲེང་གི་དུས་ཚོད་འདིར་འུ་ཅག་གིས་འུ་ཅག་གི་མི་རིགས་འདིའི་གདོང་བ་གསལ་བོ་ཞིག་མཐོང་རྒྱུར་རང་གི་ནག་ཉེས་ནས་ཁས་ལེན་བྱས་དེ་ལམ་ནོར་ལྡོག་ཤེས་བྱེད་ཐུབ་པ་ཡིན་ན། ད་གཟོད་རེ་བ་ཡོད་པར་སྙམ་ལགས།

བློ་བཟང་ལགས། སྒོར་མོ་ཡོད་ན་གང་ཡང་བྱེད་ཆོག་པའི་འཇིག་རྟེན་དེར་ང་ཚོ་ད་དུང་སྐྱེ་བ་བླངས་པ་ནས་ལུས་ངག་ཡིད་གསུམ་དེ་ལ་དབང་མེད་པའི་ས་མཚམས་འདིར་ད་གཟོད་འུ་ཅག་གིས་རང་གི་གདོང་བ་འདི་གསལ་བོ་ཞིག་མཐོང་རྒྱུར་འབད་དགོས་ཀྱི་འདུག་ལགས།

ཟ་ལེ་རྒྱལ་ལགས། སྒོར་མོས་རང་བཙན་ཉོ་དུས་སུ་ངས་ཁྱེད་རང་ཞལ་འདེབས་ཤ་ཁྲག་གིས་བྱེད་ཆོག་ལགས།

ཅོ་རི་ཉི་མ་ལགས། ཉིད་ཀྱིས་བྲན་གཡོག་ལ་འགྲེལ་བཤད་བྱས་པ་དེར་བཀའ་དྲིན་ཆེ་ལགས། བྲན་གཡོག་གི་ནང་དོན་ཡང་ངས་ཀྱང་གང་ཙམ་ཞིག་ཤེས་ཀྱི་ཡོད་ཀྱང་། འུ་གཉིས་ཀྱི་བྲན་གཡོག་བྱེད་དོན་རང་གི་ཆེད་དུ་ཡིན་མིན་དེ་ཡང་རང་རང་གི་སེམས་ཁོང་དུ་ཞིབ་མོ་ཞིག་འདྲི་དགོས་ཀྱི་འདུག་ལགས།

སྤོབས་པ་མཐའ་ཡས་ལགས། དྲ་ཐོག་གི་སྤུན་ཟླ་ཟིན་བྲིས་པ་རྙིང་ཤོས་ཤིག་དེ་རིང་འདི་རུ་ཕེབས་ནས་གསུངས་ཐུང་ཐུང་ཞིག་གནང་དེ་ཕེབས་པ་དགའ་བོ་བྱུང་། རྗེས་ཕྱོགས་ཀྱང་གནད་འགག་རེ་མཐོང་དུས་གསུང་རེ་གནང་རྒྱུ་མ་བརྗེད་ཅིག་ལགས།

ཁྲ་གླག་སྤྱང་གསུམ་ལགས། སྐུ་ཉིད་གསུངས་པ་ལྟར། འུ་ཅག་གིས་ད་དུང་གཟབ་གཟབ་མ་བྱས་པ་ཡིན་ན། ནམ་ཞིག་དེ་བས་ཀྱང་སྟབས་བདེ་རུ་འགྲོ་བཞིན་པའི་གོ་ལ་འདིར་ཤོག་དངུལ་ལས་ཨང་གྲངས་དར་བཞིན་པའི་གློག་འཕྲིན་སྟེང་གི་ཨང་གྲངས་གཅིག་ནོར་བ་ཡིན་ན། ངལ་རྩོལ་བ་ཁྲི་སྟོང་མང་བོ་ཞིག་གི་འཚོ་གནས་ལ་གོད་ཆག་ཐེབས་རྒྱུ་དེ་ཡིན་པ་རེད་ལགས།

ཁ་བ་སྐམ་པོ་ལགས། ངེས་འབྱུང་ཡིན་མིན་དང་། ངེས་ཤེས་ཡིན་མིན་དེ་ཡང་ང་རང་གི་སེམས་ཁོང་ནས་རང་གི་སེམས་ནང་གི་ཚོར་བ་འདི་ལ་ཞིབ་དུ་འདྲི་དགོས་པའི་གནད་དོན་གལ་ཆེན་ཞིག་རེད་ལགས། ཡིན་ཡང་། སྐུ་ཉིད་ལ་བསམ་བློ་དེ་འདྲ་འཁོར་བ་དེ་ཙམ་གྱིས་དགའ་བོ་བྱུང་། བཀའ་དྲིན་ཆེ་ལགས།

གཅན་བཟོད་རྒྱམ་ལགས། ཧིན་སྒོར་མང་བོ་ཞིག་ཡོད་ན་ང་ལ་རྩམ་པ་ཁུག་མ་བཀང་སྐུར་རྒྱུ་བརྗེད་ཅིག་ཧཧཧཧ
བསམ་བློ་ག་འདྲ་གཏོང་མིན་དེ་ནི་རང་དབང་རེད། འོན་ཀྱང་། འུ་ཅག་གི་བསམ་བློ་འདི་ལ་ཚད་ཅིག་མེད་པ་ཡིན་ན། ལད་ཟློས་ཀྱི་སྨྱོ་བཞིན་པའི་དུས་རབས་གསར་བའི་གཡོ་སྐྱོམས་འདིས། ནམ་ཞིག་འུ་ཅག་གི་རེ་བ་ཡོད་ཚད་མེད་པར་འགྲོ་ས་མ་རེད་དམ་ལགས།

དྲ་གྲོགས་ཤ་ཁྲག་ལགས། ངེས་ཤེས་དེ་འདྲ་ཡི་སྣེ་ནས།།
གནས་ལུགས་བདེན་གཏམ་རེ་བརྗོད་པ།།
སེམས་ཚོར་རགས་རིམ་ཞིག་མ་རེད།།
བཅུད་བཙག་དྲན་འཛིན་གྱི་ཁུ་བ།།
ཁྱོད་ལ་ཁྱོད་ཀྱི་ལམ་ཁ་ཡོད་པར་མ་ཟད་ཧ་ཅང་རྒྱ་ཆེ་མདུན་སྐྱོད་བྱོས་ཡ།
གནས་ལུགས་ངོ་མ་་་་་་་བདེན་གཏམ་དག་མ་་་་་་་་སྙག་ངག་རྣལ་མ་ཞིག་་་་་

ནོར་འཁྲུལ་ཆེ་ཤོས་ནི་མི་ཡི་རིགས་ཀྱིས་སྟབས་བདེ་བར་བསམས་ནས་སྒོར་མོ་ཟེར་བ་ཞིག་བཟོས་པ་དེ་རེད། སྒོར་མོ་ནི་ཤོག་བུ་རེད། དེ་ནས་ལྕགས་དང༌། ཟངས་ཀྱི་ཁ་ཤས་འདུག དེ་དག་གིས་དོན་ངོ་མར་ཕན་གང་ཡང་མི་ཐོགས། ཟ་ཡ་གི་ཟས་དང་འཐུང་ཡ་གི་ཆུ། རྔུབ་ཡ་གི་རླུང་སོགས་མེད་ན་སྒོར་མོ་ལུང་པ་ཞིག་གི་གང་ཡོད་ཀྱང་ཉིན་ཤས་ནས་ཤི་ངེས་རེད། སྒོར་མོ་ཟེར་བའི་ལམ་ལུགས་འདི་མེད་པར། མི་ལ་དགོས་པའི་ཟ་གྱོན་གཉིས་ཕར་ཚུར་སྤྲད་ནས་ཚོང་བརྒྱབ་པ་དང༌། དེ་དག་གསོག་འཇོག་བྱེད་པའི་ལམ་ལུགས་ཞིག་བྱུང་བ་ཡིན་ན། ད་ལྟའི་དབུལ་པྱུག་གི་ཁྱད་པར་དང༌། དངུལ་ཁང་སྒོ་བརྒྱབ་པ། ལས་ཀ་ཤོར་བ་ལ་སོགས་པ། དཔལ་འབྱོར་ཉམ་ཉེས་དེ་དག་ཡོང་དོན་མེད། སྒོར་མོས་སྟབས་བདེ་སྐྲུན་ས་ངོ་མ་དེ་མགོ་སླུ་ཚོང་བྱེད་མཁན་དེ་ཚོ་སྟབས་བདེ་སྐྲུན་འདུག

དུས་བབ་ཟིན་བྲིས་ཀྱི་སྒོ་སྲུང་པ་ཤ་ཁྲག་རུས་གསུམ་ལགས།
ཁྱེད་ཀྱིས་བྲན་གཡོག་གི་དོན་མ་གོ་བ་འདྲ། དེ་འདྲ་ཡིན་དུས་ངས་ཁྱེད་ཀྱི་རྨོངས་པ་སེལ་བའི་འགྲེལ་བཤད་ཤིག་མ་རྒྱག་ན་ཤ་ཁྲག་གཅིག་པའི་སྤུན་ཟླ་ཡི་དམ་ཚིག་འགལ་ཡོང་བསམ་ནས་བྲན་གཡོག་གི་དོན་དག་བཤད་རྒྱུ་ཡིན།
དཔེ་ན་བྲན་གཡོག་ཞེས་པ་ནི་རང་ལ་རང་དབང་མེད་པའི་གཞན་གྱིས་ཅི་ཟེར་སྒྲུབ་དགོས་པ་དང་སྒྲུབ་པ་དེ་ཡང་རང་ཉིད་ལ་ཁེ་ཕན་མེད་པ་གཞན་གྱི་དོན་དུ་ཡིན་པའི་མི་ལུས་ཤིག་ལ་བྲན་གཡོག་ཟེར།
དེ་མིན་ཁྱེད་དང་ང་ལྟ་བུས་སྒོར་མོ་ཡི་ཆེད་དུ་དཀའ་ལས་རྒྱག་པ་དེ་ནི་ངེད་གཉིས་སྒོར་མོ་ཡི་བྲན་གཡོག་ཡིན་ཟེར་ན་ག་ལ་འགྲིག
མ་ཟད་དང་པོ་སྒོར་མོ་ཡི་ཆེད་དུ་དཀའ་ལས་རྒྱག་གཉིས་པ་སྒོར་མོ་རང་གི་ལག་ན་ཐོབ་དུས་སྒོར་མོ་བེད་སྤྱོད་བྱེད་དབང་ཡོད་པ་དེ་ནི་ངེད་གཉིས་སྒོར་མོ་ཡི་བྲན་གཡོག་མིན་པའི་དཔའ་རྟགས་རེད་ལྭོ།
དེ་རིང་སྒོར་མོ་ཐོབ་ཡང་སང་ཉིན་མེད་འགྲོ་བ་དེ་ནི་མི་རྟག་པའི་ཆོས་ཉིད་རེད་དེའི་རྒྱུ་མཚན་གྱིས་ཐུགས་ཕམ་མ་གནང་ཞུ་རྒྱུ་དང་མི་མཐུད་ནས་སྒོར་མོ་ཡི་ཆེད་དུ་དཀའ་ལས་རྒྱག་དགོས།
སྒོར་མོ་མེད་ན་དེང་སང་གི་འཛམ་གླིང་འདི་ན་ཅི་ཡང་མེད་ཁུ་ཡ།
ལྟས་ན་སྐྱིད་སྐྱིད་འདྲ་བའི་ཡུང་རོ་ཡི་གནས་བབ།
ཐོབ་ན་རང་རང་སྐབས་ཀྱི་སྡུག་ངལ་རེ་ཡོད་པས།
སྐྱིད་སྣང་བདེ་བའི་གནས་བབ་དཀའ་ངལ་ལ་འགྱུར་དུས།
ཅི་ཀྱང་རང་སེམས་སྐྱོ་བའི་བསླབ་བྱ་རེ་རྒྱག་འདུགཧཧཧཧཧཧཧཧཧ

ཨ་རོགས། ཤ་ཁྲག་རུས་གསུམ་ཁྱོད་སེམས་ཤུགས་ཆགས་མི་ཉན་ཡ། སྒོར་མོའི་ཆེད་ལ་དཀའ་ལས་རྒྱག་དགོས། སྒོར་མོ་དགོས་ནི་རེད་ཡ། སྒོར་མོ་ཡོད་ན་མཁས་པ་བྱེད་ཆོག་ལ། སྒོར་མོ་ཡོད་ན་དཔོན་པོ་ཡང་བྱེད་ཆོག་ལ་བླ་མ་ཡང་བྱེད་ཆོག དེང་སང་སྒོར་མོ་མེད་ན་མི་གྲལ་ལ་མི་ཚུད་ཀི་ཡ།

དྲ་གྲོགས་ཁྱེད་ཀྱི་ལྷག་བསམ་དང་ཀུན་སྤྱོད་ལ་ཡི་རང་ཡོད། ཡིན་ན་སྒོར་མོ་གསོག་སར་སླེབས་ཡོད་དུས་དུས་ཚོད་དམ་འཛིན་བྱེད་པ་གལ་ཆེ་ལས། སྒོར་མོ་མེད་ན་མི་ཡུལ་ལུང་བ་ནས་ཁྱོད་ལ་སྙིང་རྗེ་ཟེར་མཁན་དང་རོགས་རམ་བྱེད་མཁན་ཧ་ཅང་ཉུང་ཉུང་ཡིན་རེད། ངས་ཀྱང་ཁྱེད་ཀྱི་འདོད་པ་ལྟར་ཕྱི་རྒྱལ་ལ་འགྲོ་སའི་ལམ་ཁ་མང་པོ་ཞིག་རང་གིས་རང་ལ་མེད་པ་བཟོས་མྱོང་མོད། དེ་ནི་ནོར་འཁྲུལ་ནང་གི་ནོར་འཁྲུལ་ཞིག་རེད། དང་པོར་ང་ཚོ་སྐྱབས་བཅོལ་ལ་ཡོང་བ་འདི་ནོར་འཁྲུལ་ཆེ་ཤོས་ཤིག་རེད། ད་ཕྱི་རྒྱལ་དུ་མ་སོང་བར་རྒྱ་གར་དང་བལ་ཡུལ་ནང་གནས་་སྡོད་བྱས་པ་དེ་བས་ཀྱང་ནོར་འཁྲུལ་ཆེ་བ་ཞིག་རེད། རྗེ་གོང་ས་༸མཆོག་གཅིག་པོ་མ་གཏོགས་ལྟ་ས་བརྟེན་ས་མེད་པ་དངོས་ཡོད་རེད། ཁྱེད་ཀྱིས་ཀྱང་རྗེས་མར་སྒོར་མོ་བསོག་ནས་ནང་མི་ཉེ་འབྲེལ་དང་དེ་མིན་རང་སྡེའི་ནང་གི་འཚོ་བ་སྐྱོ་བའི་རིགས་སོགས་ལ་ཕན་རེ་ཐོགས་པའི་རེ་བ་ཡོད། མ་གཏོགས་ཁྱོད་ཀྱི་མི་ཚེ་འདིར་དཀའ་ལས་རྒྱབ་པ་གཅིག་པོས་བོད་སྤྱི་བའི་དོན་དག་ལ་ཕན་ཐོགས་ཟེར་ན་ཁག་པོ་རེད། དྲང་བདེན་མེད་པའི་སྤྱི་ཚོགས་འདི་ལ་ཇེ་ལྟར་སུན་ཀྱང་།
མཁས་ཧོར་གཙང་འཇིག་མེད་ཀྱི་དགོངས་པ་བཞིན།

ས་དང་བྲལ་ཞིང་ནམ་མཁར་འཕུར་བའི་གཤོག་པ་མེད།།
ས་ཡི་འོག་གི་ཀླུ་ཡུལ་འགྲིམ་པའི་ནུས་རྩལ་མེད།
ས་མཐའ་འདི་ནས་ལས་ངན་ནང་གི་ལས་ངན་ཡང་།།
ས་ཆ་འདི་ནས་རེ་ཞིག་མི་སྡོད་རང་སྡོད་རེད།།

དྲ་གྲོགས་ལགས། ཁྱེད་ཀྱི་རིན་ལྡན་ཅན་གྱི་སྐད་ཆའམ་རྩོམ་ཡིག་འདི་ཀློག་གིན་ཀློག་གིན། ངས་ཡུད་ཙམ་རིང་ཁྱེད་ཀྱི་ཤ་གསེང་རུས་གསེང་དུ་འཛུལ་ཐུབ་བྱུང་། འདི་ནི་ཁྱེད་དང་ང་ཡི་ན་ཟུག་རེད་ལ། གངས་ཅན་པ་ཀུན་གྱི་ན་ཟུག་ཀྱང་ལོས་ཡིན། གང་ལྟར་རང་ཉིད་ལ་ལ་ཞེན་དང་མི་གཤིས་དང་གཙང་མ་ཞིག་ཡོད་ན་དེས་ཆོག ཁྲི་སྲོང་ལྡེའུ་བཙན་ཡང་རྒྱ་ཚ་རེད་ཟེར། རྒྱལ་མཆོག་ལྔ་པ་ཡང་རྒྱ་གར་ཟ་ཧོར་གྱི་རིགས་ཡིན་པར་འདོད། མ་རེད་དམ།