བཀའ་ཤག་གིས་ང་ཕོད་སྐུ་གཤེཊ་པར་གུས་འདུད་ཞུས།

༡༩༧༦ལོའི་ཟླ་༡ཚེས་༡ཉིན་ཞེས་པ་དེ་༡༩༧༦ལོའི་ཟླ་༡ཚེས་༨ཉིན་ཞེས་བཅོས་དགོས།

རང་གཞུང་ནས་ཧུ་ཇིང་ཐོ་ཤི་ཀྱང་མྱ་ངན་བྱེད་ཀྱི་རེད་། ཏནཏན་བྱེད་ཀྱི་་རེད་། དེ ་གཞུང་གི་ལངས་ཕྱོགས་རེད་། ང་ཚོ་ཀྲུང་ཧ་མི་མང་སྤྱི་མཐུན་རྒྱལ་ཁབ་ཀྱི་འོག་ཏུ་སྡོད་དགོས་ཀྱི་རེད་བ་ ང་ཕོད་ཀྱི་སྐོར་དེ་ཁ་སེང་ སྤྱི་ཚེས་༢༦ ཉིན་གྱི་ཨེ་ཤི་ཡའི་རང་དབང་རླུང་འཕྲིན་ཁང་གི་བགྲོ་གླིང་ནང ལྟོས་དང་ ཧོར་གཙང་འཇིགས་མེད་ཀྱིས་ག་རེ་གསུངས་འདུག་།

ཆེས་ཤིན་ཏུ་བཀུར་འོས་མཁྱེན་ལྡན་གཟུར་གནས་དྲ་གྲོགས་ལྷན་རྒྱས་ལགས།
ཕྲན་ལ་བྲེལ་ཟིང་ཆེ་སྟབས་མི་ཁོམ་པ་སྣ་དགུས་འཁྱུག་རེ་ཙམ་ལས་བཅར་ཁོམ་མི་འདུག་ན་དགོངས་དག་ཞུ།
གོང་དུ་ཕྲན་གྱིས་དེ་ཡང་རྒྱལ་བ་ཀརྨ་མ་པ་སྐུ་འཕྲེང་ལྔ་བ་ཀརྨ་དེ་བཞིན་གཤེགས་པའི་ལུང་བསྟན་དུ།
བདུད་སྤུལ་བླུན་པོ་ཀོང་ནས་འབྱུང། །
དབུས་དཀྲུགས་དབུས་ཀྱི་ཆབ་སྲིད་འཇིག།
ཅེས་གསུངས་ཡོད་འདུག
ཀོང་ཞེས་པ་དེ་ཀོང་པོའི་ཡུལ་ནས་འབྱུང་བར་ལུང་བསྟན་པ་རེད། ཟེར་ཞེས་བཀོད་ཡོད་པ་ལས་ང་ཕོད་སྐྱེས་ཡུལ་ཀོང་པོ་རེད། ཅེས་ཞུས་མེད།

༡ དྲ་གྲོགས་རེ་ཟུང་གིས་ང་ཕོད་ཀོང་ཡུལ་དུ་མ་སྐྱེས་པའི་ཕྱིར་ཕྲན་གྱིས་ལུང་རྫུན་བཟོས་པ་རེད། ཅེས་དང། ད་ཡིན་ན་ལུང་ཚིག་དེ་རྫུན་མ་རང་ཆགས་སོང་། ཞེས་དང།

༢ གལ་སྲིད་དེ་དག་ལུང་བསྟན་ངོ་མ་ཡིན་ན་ལུང་བསྟན་གསུང་མཁན་ཁོང་ཚོས་མཁྱེན་བཞིན་རྐྱེན་ངན་དེ་ཚོ་ཅིའི་ཕྱིར་སྔོན་དུ་འགོག་ཐབས་མ་གནང་བ་རེད་དམ། ཞེས་དང།
༣ ཡང་རེ་ཟུང་གིས་སྤྱིར་ལུང་བསྟན་ཟེར་བ་དེ་རྩ་བ་ནས་ངོས་ལེན་མེད། ཁྱེད་ཀྱིས་འདི་འདྲའི་ལུང་དྲངས་པ་དེ་དག་བོད་མི་མང་སྤྱི་འཐུས་གྲོས་ཚོགས་ནང་གི་འགན་ཁུར་མེད་པའི་གཏམ་གཤད་དང་གཅིག་མཚུངས་ཡིན་ཕྱིར་ཁྱོད་ངོ་ཚ་གིན་མི་འདུག་གམ། ང་ཚོ་ངོ་ཚ་བཞིན་ཡོད་སྐོར་དང།

༤ ཡང་རེ་ཟུང་གིས་རང་ཉིད་མདོ་སྨད་པ་ཡིན་ཁུལ་གྱིས་ཁྱོད་ཀྱིས་བླ་རྒན་རེས་བཤད་བསྡད་པ་དེ་ཚོར་ཁུངས་བཅོལ་བ་ཁྱོད་རང་གིས་ལྐུག་རྟགས་བླ་མེད་རེད། ཅེས་སོགས་སོ་སོའི་རང་འདོད་ཀྱི་བསམ་འཆར་རེ་ཟུང་བྱུང་བ་དེ་དག་ལ་ཕྲན་གྱིས་ལྟ་ཐུབ་སོང་བས་ཁྱེད་ཚོས་དགོངས་འཆར་གསལ་བོ་གསུངས་བར་ངས་བཀའ་དྲིན་ཆེ་ཞུ་བ་དང་འབྲེལ་ལན་སྙིང་བསྡུས་ཙམ་རེ་འབུལ་འཐུས།

༡ ལན། ལུང་དེ་ཀརྨ་དེ་བཞིན་གཤེགས་པའི་གསུང་ནང་བཞུགས་ཡོད་པ་རེད། རྗེ་ཀརྨ་པ་དེ་བཞིན་གཤེགས་པའི་སྐུ་དུས་སུ་ཁོང་གིས་ལུང་བསྟན་གནང་བ་ཞིག་ཡིན་པ་ལས་ཕྲན་གྱི་རྫུན་བཟོ་བྱས་པ་ཞིག་མིན།

གོང་དུ་ཕྲན་གྱིས་༼༼དེ་ཡང་རྒྱལ་བ་ཀརྨ་མ་པ་སྐུ་འཕྲེང་ལྔ་བ་ཀརྨ་དེ་བཞིན་གཤེགས་པའི་ལུང་བསྟན་དུ།
བདུད་སྤུལ་བླུན་པོ་ཀོང་ནས་འབྱུང། །
དབུས་དཀྲུགས་དབུས་ཀྱི་ཆབ་སྲིད་འཇིག།
ཅེས་གསུངས་ཡོད་འདུག
ཀོང་ཞེས་པ་དེ་ཀོང་པོའི་ཡུལ་ནས་འབྱུང་བར་ལུང་བསྟན་པ་རེད། ཟེར།༽༽
ཞེས་བཤད་པ་ཙམ་ལས་ང་ཕོད་ཀོང་ཡུལ་དུ་སྐྱེས་པ་རེད་ཅེས་བཤད་མེད། གལ་སྲིད་ཡོད་ན་འདི་རེད། ཅེས་སྟོན་རོགས་ཞུ། ང་ཕོད་རང་ཉིད་དང་པོ་ནས་ང་ཕོད་ཁྱིམ་རྒྱུད་དུ་སྐྱེས་པ་མིན་ཡང་ཀོང་ཡུལ་དུ་ང་ཕོད་ཁྱིམ་རྒྱུད་དུ་མག་པར་སོང་བ་ཡིན་པ་ངས་ཤེས་ཀྱིན་ཡོད་ལ་ཀོང་ཡུལ་གྱི་ང་ཕོད་ཁྱིམ་རྒྱུད་ཆེན་པོ་དེར་མག་པར་བསྡད་རྗེས་དེའི་མིང་གནས་རྗེས་འབྲེལ་གྱིས་གཞི་ནས་ས་དབང་ཆེན་མོ་ཆགས་པར་ཤེས་ཀྱིན་ཡོད། ང་ཕོད་ཀྱི་གཞིས་ཀ་ཆ་ཚང་ཀོང་ཡུལ་དུ་ཡོད་པ་ཀུན་ཀྱིས་ལོས་མཁྱེན།
ཀོང་ཡུལ་གྱི་ང་ཕོད་ཟམ་ཆེན་ཟེར་བ་སོགས་སུས་བརྒྱབས་ཕྲན་གྱིས་ཀྱང་ཤེས་ཀྱིན་ཡོད། དེའི་ཕྱིར་གོང་གི་ལུང་དེས་ང་ཕོད་ལུང་གིས་བསྟན་པ་རེད། ཅེས་དབུས་ཕྱོགས་ཀྱི་གནའ་དེང་གཉིས་ལ་རྒྱུས་མངའ་ཆེ་བའི་རྒན་རིམ་པ་ཤེས་ལྡན་མི་སྣ་གང་མང་གིས་གསུང་གིན་འདུག
དེའི་ཕྱིར་ད་དུང་ལུང་ཚིག་དེ་རྫུན་མ་ཆགས་སོང་བ་རེད། ཅེས་རང་འདོད་ཀྱི་ཕྱོགས་ལྷུང་ཅན་གྱི་བསམ་ཚུལ་ཉིན་གྲངས་བརྒྱ་ཕྲག་ལ་ཁྱབ་བསྒྲགས་བྱས་ཀྱང་དེ་ཙམ་གྱིས་ཅི་ཡང་ཕན་མ་སོང་བས་དབུས་ཕྱོགས་རྒན་རིམ་པས་གསུངས་པ་ལྟར་སོ་ན་གནས་མིན་ལ་ཕྲན་གྱིས་ཞིབ་སྐབས་བརྒྱ་ཆ་༩༨དེ་ག་རང་ཡིན་ས་རེད། སྙམ་པ་ཞིག་བྱུང་སོང་བས་ཁྱེད་ཀྱིས་ཀྱང་ད་དུང་ཞིབ་འཇུག་གནོངས་ཤིག་ཞུ་རྒྱུ་ཡིན།

༢ ལན།

ལུང་བསྟན་གནང་མཁན་ཚོས་འབྱུང་འགྱུར་ཚབས་ཆེའི་ཉེན་ཁ་སྔོན་འགོགས་ཆེད་ལུང་གིས་བསྟན་གནང་བ་རེད། དཔེར་ན་སློབ་དཔོན་རིན་པོ་ཆེས། རང་གིས་རང་ཉིད་མ་བསླུ་རྗེ་འབངས་རྣམས། །ཞེས་བོད་ནས་ཕྱིར་ཁེབས་ཁར་བོད་རྗེ་འབངས་ལ་འབྱུང་འགྱུར་རྐྱེན་ངན་གོད་ཆགས་རིགས་སྔོན་འགོག་གི་ཐབས་ལམ་ཡག་ཤོས་དེ་བསྟན་པ་ལྟ་བུ་རེད།

༣ ལན།

ལུང་བསྟན་དང་མཁྱེན་པ་སོགས་རྩ་བ་ནས་ཁས་མ་བླངས་ཀྱང་སོ་སོར་རང་དབང་ཆ་ཚང་ཡོད་རེད།
འོན་ཀྱང་ལུང་བསྟན་ཚང་མ་རྫུན་མ་རང་ཨེ་འགྲུབ་སྙམ།
དཔེར་ན། སློབ་དཔོན་ཆེན་པོས།

སྤྱི་གཅེས་དཀོན་མཆོག་མི་རོ་བཞིན་ཏུ་བོར།།
དགོས་གཅེས་ཕ་མ་གྲི་མདུང་རྩེ་ལ་བསྐྱོན།།
སྤྱོད་ངན་རང་གིས་བྱས་ནས་དུས་ངན་ཟེར།།
དུས་ནི་མི་འགྱུར་མི་རྣམས་འགྱུར་བ་ཡིན། །
ཞེས་དང།

མི་ལོ་བཅོ་བརྒྱད་བར་དུ་བརྟན་པར་འགྱུར།།

ཞེས་གསུངས་པ་སོགས་རང་རེས་མཐོང་བཞིན་པ་དེ་དག་ཚང་མ་རྫུན་མ་རེད། ཅེས་ཕྲན་གྱིས་ཞུ་ནུས་མ་སོང་ཡང་ཅིག་བྱས་ན་ཕྲན་རྨོངས་དད་ཆེ་བས་དེ་ཡང་ལྐུག་རྟགས་བསྟན་པ་ཡིན་ཤས་ཆེ།

དེ་བཞིན་བོད་མི་མང་སྤྱི་འཐུས་གྲོས་ཚོགས་ནང་འགན་ཁུར་མེད་པའི་གཏམ་བཤད་སུ་ཞིག་གིས་གནང་གིན་འདུག་གམ། གལ་སྲིད་དེ་ལྟར་གནང་མཁན་ཤེས་ཀྱིན་ཡོད་ན་ངེས་པར་མི་མང་གིས་འགན་བཞེས་ནས་འཁྱོག་པོ་ཡོ་བསྲེངས་བྱེད་དགོས་ངེས་རེད། གྲོས་ཚོགས་ནི་མང་ཚོགས་ལ་བརྟེན་ནས་བྱུང་བ་རེད་ལ་དེ་གང་ཞིག་བྱེད་མིན་གྱི་དབང་ཚད་ཆ་ཚང་མི་མང་རང་ཉིད་ལ་ཡོད་ཕྱིར་བོད་སྣོད་བཅུད་ཆགས་འཇིག་གི་དུས་ཚོད་ཉག་ཕྲའི་སྐབས་འདིར་རང་རེའི་ཤེས་ལྡན་པ་ཚོས་ལས་འགུལ་གྱི་སྣེ་ཁྲིད་དེ། ངེས་པར་འགན་ལེན་དགོས་ངེས་རེད་ལ་དེ་ལྟར་གནང་རོགས་ཞུ། ཞེས་འབོད་སྐུལ་ཞུ་གིན་ཡོད་ལགས། དེ་མིན་ངོ་ཚ་བསྡད་པས་ཅི་ཕན།

༤ ལན།

མཁས་གྲུབ་གསེར་རིའི་འཕྲེང་བ་ལྟ་བུའི་རྗེ་ཀརྨ་པ་རིམ་བྱོན་སྤྱི་དང། ལྷག་ཏུ་ཀརྨ་དེ་བཞིན་གཤེགས་པ་ལྟ་བུའི་སྐྱེས་ཆེན་ཚོའི་རྡོ་རྗེའི་བཀའི་ལུང་བསྟན་ལ་ཁུངས་གཏུག གནའ་དེང་གཉིས་ཀྱི་ལོ་རྒྱུས་ལ་རྒྱུས་མངའ་ཆེ་བའི་ཤེས་ལྡན་རྒན་རིམ་པའི་ཉམས་སུ་མྱོང་སྟོབས་ཀྱི་འཇིག་རྟེན་གྲགས་ཚོད་ཀྱི་ཀུན་རྫོབ་ཀྱི་རྣམ་བཞག་མ་བརླགས་པར་རང་ཉིད་ཀྱི་བསམ་ཚུལ་བཤད་རྒྱུ་བྱུང་བ་འདི་ཕྲན་གྱིས་རང་ཉིད་སྐལ་བ་བཟང་པོ་ཡིན་པར་ངོས་འཛིན་བཞིན་ཡོད་པ་ལས་རང་གི་ལྐུག་རྟགས་སུ་ངོས་འཛིན་ཞུ་དགོས་མ་མཆིས་པས་འབྲེལ་ཡོད་ཚོ་ངོ་ཚ་དགོས་དོན་གང་ཡང་མེད་ལགས། ང་ཕོད་ཀྱིས་བོད་དུ་ཛ་དྲག་ཚབ་ཆེའི་སྐབས་ལྷ་ཀླུ་དང་མཉམ་ལས་མ་གནང་བར་མི་འཇོན་འཇོན་མདོག་བྱས་པ་དེས་གང་ཞིག་མཚོན་ཡོད་དམ།

ང་ཕོད་ཀྱིས་མགོ་ཚེས་གཅིག་ནས་མཇུག་གནམ་གང་བར་དུ་འཆུག་ས་གཙོ་བོ་དེ་ཕྱི་ལོ་༡༩༥༠ལོར་མདོ་སྤྱི་གནང་སྐབས་ནས་མ་བྱུང་བ་ཡིན་པར་ཕྲན་གྱིས་ངོས་འཛིན་ཞུ་རྒྱུ་ཡིན།
དེ་ཡང་དཔལ་ལྡན་སྐུ་སྒེར་ཡིག་ཚང་གི་བཀའ་འབྲེལ་བཞིན་བོད་གཞུང་ཤེས་རིག་པར་ཁང་གིས་ཕྱི་ལོ་༢༠༠༤ལོར་དཔར་བའི་༧གོང་ས་མཆོག་གི་མཛད་རྣམ་ལེའུ་ལྔ་པ། བཙན་འཛུལ། ཞེས་པའི་སྐབས་ཀྱི་ཤོག་གྲངས་༡༠༥བའི་སྒང་ནས་མར་བརྩིས་པའི་ཐིག་འཕྲེང་༩པར།

༡༩༥༠ལོར་ཞབས་པད་ལྷ་ཀླུ་བ་བོད་ཤར་ཕྱོགས་སྤྱི་ཁྱབ་པའི་ལོ་དུས་རྫོགས་ཤིང་། གནས་ཚུལ་ཛ་དྲག་ཅན་དེ་འདྲའི་སྐབས་ལྷ་ཀླུའི་ཚབ་ཏུ་ཞབས་པད་ང་ཕོད་ངག་དབང་འཇིགས་མེད་བཏང་སྟེ་ང་ཕོད་ལྷ་ས་ནས་བོད་ཤར་ཕྱོགས་སུ་ཐོན་པ་དང། བཀའ་ཤག་ནས་གནས་ཚུལ་ཛ་དྲག་ཅན་ལ་བརྟེན་ལྷ་ཀླུ་ཡང་ང་ཕོད་དང་ཁུར་མཉམ་ལེན་གྱིས་སྡོད་དགོས་གནས་ཚུལ་བཏང་ཞིང། རིང་པོར་མ་སོང་བར་ང་ཕོད་ནས་འགན་འཁུར་ཚང་མ་ཐུབ་ཚུལ་བརྗོད་པར་བརྟེན་ལྷ་ཀླུ་ཕྱིར་ལོག་བྱས། དེ་རྗེས་ང་ཚོར་བརྡ་སྤྲོད་གང་ཡང་མ་བྱས་པར་གློ་བུར་ཞིག་ལ་རྒྱ་དམར་གྱི་དཔུང་དམག་བོད་དུ་བཙན་འཛུལ་བྱས་པ་རེད། ཅེས་གསུངས་འདུག་པས་དོན་གྱི་བདག་པོས་བསྡོམས་ཆ་ཚང་བརྒྱབ་མི་འདུག་གམ།

ཤེས་ལྡན་དྲ་གྲོགས་ཚོས་གཟིགས་དང་ད་དུང་རང་རེ་རྣམས་ཆེས་བློ་ཕམ་སྐྱེ་གཞི་མདོ་སྤྱི་ལྷ་ཀླུས་སྐབས་རྒྱ་དམག་འགོག་ཆེད་ལས་འཆར་གང་ཞིག་བཀོད་བསྒྲིགས་ཀྱིས་བོད་གཞུང་ལ་སྙན་ཞུ་ཕུལ་མིན་དང། གལ་ཆེའི་དུས་སྐབས་དེར་བོད་གཞུང་བཀའ་ཤག་གིས་གཡས་ཁག་གཡོན་དཀྲིའི་བཀའ་ལན་གང་ཞིག་བསྩལ་འབྱོར་གནང་མིན་དང། དེར་བརྟེན་ཞབས་པད་ལྷ་ཀླུས་གཡུལ་འཁྲུགས་ཀྱི་འཆར་འགོད་ཕྱིར་འཐེན་བྱེད་དགོས་བྱུང་རབས་དང། དེ་རྗེས་ང་ཕོད་མདོ་སྤྱིར་ཕེབས་ནས་གང་ཞིག་བྱས་རབས་སོགས་བོད་ཀྱི་སྲིད་དོན་རྒྱལ་རབས་སྨད་ཆའི་ཤོག་ངོས་༤༣༠ཐམ་པའི་སྒང་ནས་མར་བརྩིས་པའི་ཐིག་ཕྲེང་༡༡པ་ནས་མར་རིམ་བཞིན་ཤོག་ངོས་གཉིས་ཙམ་གཟིགས་དང་དབུས་པ་ཚོས་གོང་གི་ལུང་བསྟན་དེས་ང་ཕོད་བསྟན་པ་རེད། ཅེས་དང། སྐབས་དེའི་དབུས་པའི་དམངས་གཞས་སུ་ཡོངས་གྲགས་ལ། ང་ཕོད་ངར་ནས་ཕྱིན་སོང་།། ཆབ་མདོ་བསྐྱལ་ནས་སླེབས་བྱུང།། ཆབ་མདོའི་གོ་མཛོད་ནང་ལ།། སྐྱག་པའི་དྲི་མ་ཁ་སོང།།
ཞེས་པ་དེ་ཚོའི་ཚིག་རེ་རེ་བཞིན་དངོས་ཡོད་དོན་དག་གལ་ཆེན་རེ་ཡོད་ཚོད་འདུག་པ་ལས་དེ་དག་རྒྱུ་མཚན་རྩ་ནས་མེད་པ་ཞིག་ཨེ་ཡིན་སྙམ་པ་མི་འདུག་གམ། འོན་ཀྱང་གོང་ཞུས་ལྟར་ཕྲན་རང་ཉིད་ལ་ང་ཕོད་ལྷ་འདྲེ་གང་ཡིན་ཁྱད་པར་གང་ཡང་མེད། ལྷག་ཏུ་བོད་སྤྱི་དོན་ལ་ཕན་ཐོགས་མཁན་ཞིག་ཡིན་ཚེ་བདུད་ཡིན་ཡང་ང་ཚོས་ལྷ་བཞིན་བཀུར་བར་འོས་པར་སྙམ།།དེའི་ཕྱིར་ང་ཕོད་གྲོངས་པར་ཕྲན་གྱིས་མྱ་ངན་ཞུ་ཐུབ་མ་སོང་ལ་ཁོང་གི་མཛད་རྗེས་ལ་རྗེས་དྲན་ཞུས་པ་ནི་གོང་གསལ་ལྟར་ཡིན་ནོ།།

你走了
捧着千万个灵魂，
留下数不清的遗憾，你走了
走得那么凄凉，走得那么匆忙。
你为雪域儿女留下的血汗史记，
永远都会铭刻在雪域同胞的心里。
你走了
带着无数个冤言，
无声无息地离开了我们，
我深信，雪域的土地和雪山的灵魂，
会牢记住你的光荣事迹和英勇气概，
安息吧！雪域的好男儿。

A kha Kha ma Nya Zi

ཡ་ཡ་་་་ད་མ་ཎི་རེ་འདོན་རོགས་ཤི་བོ་འདུག་གི་ཞིག་་་་ཤུ་་་་་་

སྤྱིའཐུས་མིང་འཁུར་གསེར་རྟ་ཚུལ་ཁྲིམས་འོད་ཟེར་ལགས། ཟིན་བྲིས་ཚང་མ་གོང་དུ་སྔར་བཞིན་གསལ་ཡོད་པས། དང་པོ་ཁྱེད་ནས་ང་ཕོད་བདུད་ཡིན་པའི་གྲུབ་བྱེད་དུ་བླ་མའི་ལུང་ཞིག་དྲངས་པ་དེ་ད་ལྟ་རྦད་དེ་རྫུན་མར་གྱུར་དུས་༸གོང་ས་༸སྐྱབས་མགོན་ཆེན་པོ་མཆོག་གི་རྫས་རྣམ་ལས་འཆང་སྟེ་ལྷ་ཀླུ་ཕྱིར་ལོག་བྱས་རྗེས་ང་ཚོར་བརྡ་སྤྲོད་གང་ཡང་མ་བྱས་པར་གློ་བུར་ཞིག་ལ་རྒྱ་དམར་དཔུང་དམག་བོད་དུ་བཙན་འཛུལ་བྱས་པ་ཟེར་བའི་ཚིག་འདིར་བཟོ་ལྟ་ཞིག་བཟོས་ཏེ་རྒྱ་དམག་གློ་བུར་ང་ཕོད་ནས་བོད་དུ་བཏང་བའི་གྲུབ་བྱེད་དུ་གྱུར་ཐབས་བྱེད་པའི་ཡ་ཡུད་ཆེ་བའི་ལྐུག་རྟགས་དེ་འདྲ་མ་ཤོད། རྒྱ་མི་དམར་པོའི་དྲག་པོའི་བཙན་ཤུགས་ཀྱི་འོག་ཏུ་དྲག་གནོན་བྱས་ཏེ་གློ་བུར་བོད་དབུས་ཕྱོགས་སུ་དཔུང་འཇུག་གིས་འཕྲལ་མར་དྲག་གནོན་བྱེད་པར་ོང་བ་དེར་གོ་དགོས་ཀྱི་མ་རེད་དམ། རྒྱ་དམག་གློ་བུར་ང་ཕོད་ནས་བཏང་བ་རེད་ཅེས་མཛད་རྣམ་ནང་གསལ་ཁ་གཏོད་འདུག་གམ། རང་ཉིད་ཀྱི་གོ་ཕྱོགས་ལོག་སྟེ་ང་ཕོད་ནག་བསུབ་གཏོང་ཐབས་བྱས་ཀྱང་གང་ལྟར་༸གོང་ས་ཡིད་བཞིན་ནོར་བུའི་ཞལ་དྲོན་མོ་ཅི་གསུང་གི་ཡོད་མེད་རེ་ཞིག་སྒུག་དང་ཏན་ཏན་ཁྱེད་ལ་ཧ་གོ་དོན་རྟོགས་བྱེད་པའི་ཉིན་མོ་གཅིག་ཤར་ངེས། དེ་མིན་ན་ཁྱེད་ནས་ང་ཕོད་རྦད་དེ་ནག་བསུབ་གཏོང་དགོས་བསམ་པ་ནི་སྟོང་བསམ་རང་རེད། དོན་གྱི་བཙན་བྱོལ་བོད་གཞུངངོས་ནས་ཀྱང་མྱ་ངན་གྱི་གུས་འདུད་ཞུ་གི་མི་འདུག་གམ། འདས་པའི་བཀའ་བློན་ཟུར་པ་ཞིག་ལའང་དེ་ལྟ་བུའི་འཁོན་འཛིན་དང༌། ད་ལྟའི་བཀའ་ཤག་ལས་ཐོག་པ་རྣམས་ལའང་དེ་ལྟ་བུའི་ཟུར་ཟ་བྱ་གི་ཡོད་ན། དོན་ངོ་མ་ཁྱེད་ཚོ་བཀའ་བློན་བྱེད་མཁན་མཐའ་དག་ཁྱེད་ཚོ་ནང་བཞིན་ཡུལ་ལུང་ཆུང་ངུའི་ཕྱོགས་རིས་ཅན་ཤ་སྟག་ཞིག་དགོས་པ་རེད་དམ། དེ་ནི་ཡོང་ཐབས་མེད་པའི་ཉིན་མོའི་གཉིད་ལམ་ལྟ་བུ་རེད།།

གསེར་རྟ་ཚུལ་ཁྲིམས་ཀྱི་ལུང་བསྟན་གྱི་རྫུན་ཕུགས་བརྟོལ་བ།

ང་ཕོད་ནི་ཀོང་པོ་ནས་སྐྱེས་པ་མ་ཡིན་པར་ལྷོ་ཁའི་ཕྱོགས་ཀྱི་རྒྱ་མ་ཞེས་པར་འཁྲུངས་པ་རེད།དེ་ནི་བདུད་སྤྲུལ་བློན་པོ་ཀོང་ནས་འབྱུང་།།ཞེས་པའི་ཚིག་གྲུབ་དེ་གཞི་མེད་ཀྱི་ལུང་རྫུན་ཡིན་པར་གྲུབ་པ་དང་།གཞན་དབུས་དཀྲུགས་དབུས་ཀྱི་ཆབ་སྲིད་འཇིག།ཅེས་པའི་སྐབས།ང་ཕོད་འདི་སྔར་བོད་བདེ་བ་གཞུང་གི་སྐབས་སུ་བཀའ་བློན་བཞིའི་ནང་གི་ལོ་ན་ཆུང་ཤོས་དང་འཇོན་ཐང་ཆེ་ཤོས་ཡིན་པ་ལོ་རྒྱུས་ཀྱི་དཔྱད་གཞི་ཚང་མར་གསལ་བ་བཞིན་ཡིན་ན།ཁོང་གིས་དབུས་དཀྲུགས་པ་དང་ད་ལ་བརྟེན་ནས་དབུས་ཀྱི་ཆབ་སྲིད་འཇིག་པ་ཞིག་ཅི་བས་ཡོང་དཀའ་ན།གོང་གི་ལུང་བསྟན་དེ་རྦད་དེ་རྫུན་མ་རེད་འདུག་ཞུ་རྒྱུ་ཡིན།

སྤྱི་འཐུས་ཚུལ་འོད་མཆོག་གིས་ཀྱང་དགོངས་པ་ཞིག་བཞེས་ན་ལེགས།ཚུལ་མིན་གྱི་སྐད་ཆ་འདི་འདྲ་བཤད་པ་ནི།ང་ཚོའི་མདོ་སྨད་མི་མང་གི་ཞབས་འདྲེན་རེད།ཁྱོད་ཀྱིས་རྒྱལ་ཞེན་ཡོད་མདོག་བསྟན་པ་ནི་ཤིན་ཏུ་ལེགས་ཀྱང་།ཧོལ་རྒྱུག་དེས་རང་རྐུབ་བརྡོལ་འདུག་ཞུ་རྒྱུ་ཡིན།

ང་ཕོད་འདི་བཟང་རུང་ངན་རུང་རང་རེའི་ལོ་རྒྱུས་སྟེང་གི་མི་གནད་འགག་ཅན་ཞིག་རེད་མོད།ད་དུང་འདིས་ཅི་ཞིག་བྱས་ཡོད་མེད་ང་ཚོས་ཁ་མཚོན་གཅོད་དཀའ་ཡ།

ང་ཕོད་ཀོང་པོ་ནས་སྐྱེས་པ་མ་རེད། ཁྱོད་ཀྱི་ལུང་པསྟན་འདི་ང་ཕོད་ལ་སྦྱར་ཐུབ་ཀྱི་མི་འདུག

ཆེས་ཤིན་ཏུ་བཀུར་བར་འོས་པའི་དྲ་གྲོགས་ལྷན་རྒྱས་ལགས། ཁྱེད་ཅག་དྲ་གྲོགས་ཚོས་ས་དབང་ཆེན་མོ་ང་ཕོད་ཀྱི་དགེ་སྐྱོན་གང་མང་ཞིག་བགྲོ་གླེང་གནང་བར་ཕྲན་གྱིས་ཡག་པོ་རེད། དྲན་བཞིན་ཡོད།
སོ་སོས་གང་ཞིག་གླེང་མིན་ལ་སྨྲ་བརྗོད་རང་དབང་ཡོད་རེད་ལ། རྣམ་དཔྱོད་ཅན་ཚོར་ལེགས་བཤད་མང་ཞིང། བླུན་རྨོངས་ཕྱོགས་ལྷུང་ཅན་ཚོར་ཉེས་བཤད་མང་བ་ནི་ཆོས་ཉིད་རེད།
དེ་དག་ནི་རང་རང་ལ་རྣམ་དཔྱོད་ཡོད་མེད་ཀྱི་ཆ་ནས་ཡིན་ཕྱིར་བསམ་ཚུལ་གཅིག་མཚུངས་ཡོང་དགོས་དོན་མེད་ལ་དེ་ལྟར་ཡོང་མི་སྲིད། འོན་ཀྱང་དེ་ལྟར་གླེང་བའི་དགོས་པ་གཙོ་བོ་རང་རེའི་རྒྱལ་ཁབ་དང། མི་རིགས་ཀྱི་རྩ་དོན་ཆེད་ཚང་མས་འདས་སོང་ལ་ཕྱི་མིག་དང། མ་འོངས་པར་རྒྱང་ལྟ་བཅས་ཀྱི་ཆེད་ཡིན་པར་ཕྲན་གྱིས་ངོས་འཛིན་ཞུ་བཞིན་ཡོད།
འོན་ཀྱང་མི་སུ་ཞིག་གིས་ང་ཕོད་ས་དབང་ཆེན་མོར་བསྟོད་སྨད་གང་ཞིག་བྱས་ཀྱང་དེར་དགའ་སྡུག་གང་ཡང་ཕྲན་རང་ངོས་ནས་དགོས་དོན་མེད། ང་དང་ལྟ་ཚུལ་མཐུན་སར་ང་དགའ་དགོས་དོན་དང། ལྟ་ཚུལ་མི་མཐུན་སར་མི་དགའ་དགོས་དོན་མ་མཐོང།
འོན་ཀྱང་དྲང་བདེན་དང་། དངོས་ཡོད་གནས་ཚུལ་ལ་ཁྱད་གསོད་བྱེད་མཁན་བྱུང་ན་དེ་ནི་ཧ་ཅང་སྐྱོ་བོ་རེད། གསེར་རྟ་ཚུལ་ཁྲིམས་འོད་ཟེར་ང་ལ་ལྟ་བ་དང། ལང་ཕྱོགས་ཞིག་ཡོད་ལ་དེ་ངའི་ལྟ་བ་དང་ལང་ཕྱོགས་རེད། གཞན་གྱིས་ཁྱོད་ཀྱི་ལྟ་བ་དང། ལང་ཕྱོགས་དེ་སྡུག་ཆགས་རེད། ཅེས་ང་ལ་འཕྱ་སྨོད་བྱས། ཁྱོད་མི་ཨུ་ཚུགས་ཚ་བོ་རེད། ཅེས་ང་ལ་སྡིགས་ར་བསྐུལ་ཀྱང་དེ་ལ་ངས་ནམ་ཡང་མགོ་སྒུར་དགོས་དོན་མེད་ལ་ང་ངོ་ཚ་དགོས་དོན་གང་ཡང་མེད། ང་གཉའ་ཆག་དགོས་དོན་དེ་ལས་ཀྱང་མེད།
དངོས་གནས་བྱས་ན་ང་ལ་ཨུ་ཚུགས་ཚ་བོ་ཡོད། ངས་ལས་ཀ་གང་ཞིག་བསྒྲུབས་ཀྱང་ཨུ་ཚུགས་མཐའ་སྐྱེལ་བྱས་ཡོད་ལ་ད་དུང་བྱེད་ངེས་ཡིན།

༧ཀུན་གཟིགས་པཎ་ཆེན་རིན་པོ་ཆེ་དང་ང་ཕོད་རྣམ་གཉིས་ཀྱིས་བོད་ཀྱི་སྐད་ཡིག་ཡར་རྒྱས་ཆེད་ཕྱག་ལས་གནང་རབས་དང། ཚོགས་པ་བཙུགས་རབས་སོགས་སྔ་སེ་ནས་ངས་ཀྱང་ཤེས་ཀྱི་ཡོད། དྲ་གྲོགས་རེ་ཟུང་གིས་དེ་ང་ཕོད་ཀྱི་བྱས་རྗེས་རེད་ཟེར།
ངས་དེ་ང་ཕོད་ཀྱི་བྱས་རྗེས་མ་རེད། ཞུས་མེད། འོན་ཀྱང་དང་པོ་པཎ་ཆེན་རིན་པོ་ཆེས་ང་ཕོད་ལ་ངེད་གཉིས་ཀྱིས་དེ་འདྲ་ཞིག་བྱེད་དགོས་ཡོད་ཅེས་གསུངས་རབས་སོགས་ངས་གོ་མྱོང། དེ་རེད་དང་ང་ཕོད་ས་དབང་ཆེན་མོས་དེ་ལྟར་དགོས་ཀྱི་འདུག་ཅེས་ཀུན་གཟིགས་རིན་པོ་ཆེར་ཞུས་པ་རེད། དངོས་གནས་བྱས་ན་དེ་ཙམ་ལ་ཡང་ཁྱད་པར་ཆེན་པོ་ཡོད་པ་སྨྲོས་ཅི་དགོས། གལ་སྲིད་༧པཎ་ཆེན་རིན་པོ་ཆེས་དེ་ལྟར་དགོས་ཀྱི་འདུག་ཅེས་བཀའ་ཕེབས་ན་ལགས་སོ། ཞུ་རྒྱུ་ལས་དེ་མི་དགོས་སོ། ཞེས་ས་དབང་ཆེན་མོས་ཞུ་ཐུབ་མདོག་ཁ་པོ་མ་རེད་སྙམ། དེ་བཞིན་ལས་དོན་དེ་ཚོའི་རིགས་ལོ་རྒྱུས་ཀྱི་མི་སྣ་གལ་ཆེན་ཞིག་གི་ངོས་ནས་ལས་དོན་ཆུང་ཚགས་ཞིག་ལ་ཕྲན་གྱིས་ངོས་འཛིན་ཞུ་རྒྱུ་ཡིན།
དེ་བཞིན་དེ་རིང་བོད་གཞུང་བཀའ་ཤག་གིས་ས་དབང་ང་ཕོད་པའི་བྱས་རྗེས་བགྲང་བསྡད་པ་དེ་རིགས་ང་ཚོ་ཚང་མས་དེ་སྔོན་ནས་ཤེས་བཞིན་པའི་ཡོངས་གྲགས་ཀྱི་གནས་ཚུལ་ཞིག་རེད།

འོན་ཀྱང་ང་ཕོད་འདས་གྲོངས་སོང་བར་བཀའ་ཤག་གིས་ལོ་གཅིག་ཆ་ཚང་ལ་མྱ་ངན་ཞུས་ཀྱང་དེར་མཁས་དབང་ཟམ་གདོང་རིན་པོ་ཆེར་དགོས་དབང་ཆེན་པོ་ཞིག་ཡོད་པར་ཕྲན་གྱིས་ངོས་འཛིན་ཞུ་རྒྱུ་ཡིན།
གང་ལྟར་ས་དབང་ང་ཕོད་ཀྱིས་མགོ་ཚེས་གཅིག་ནས་མཇུག་གནམ་གང་བར་དུ་འཆུག་ས་གཙོ་བོ་དེ་ཕྱི་ལོ་༡༩༥༠ལོར་མདོ་སྤྱི་གནང་སྐབས་ནས་མ་བྱུང་བ་ཡིན་པར་ཕྲན་གྱིས་ངོས་འཛིན་ཞུ་རྒྱུ་ཡིན།
དེ་ཡང་སྐུ་སྒེར་ཡིག་ཚང་གི་བཀའ་འབྲེལ་བཞིན་བོད་གཞུང་ཤེས་རིག་པར་ཁང་གིས་ཕྱི་ལོ་༢༠༠༤ལོར་དཔར་བའི་༧གོང་ས་མཆོག་གི་མཛད་རྣམ་ཤོག་གྲངས་༡༠༥བའི་སྒང་ནས་མར་བརྩིས་པའི་ཐིག་འཕྲེང་༩པར།

༡༩༥༠ལོར་ཞབས་པད་ལྷ་ཀླུ་བ་བོད་ཤར་ཕྱོགས་སྤྱི་ཁྱབ་པའི་ལོ་དུས་རྫོགས་ཤིང་། གནས་ཚུལ་ཛ་དྲག་ཅན་དེ་འདྲའི་སྐབས་ལྷ་ཀླུའི་ཚབ་ཏུ་ཞབས་པད་ང་ཕོད་ངག་དབང་འཇིགས་མེད་བཏང་སྟེ་ང་ཕོད་ལྷ་ས་ནས་བོད་ཤར་ཕྱོགས་སུ་ཐོན་པ་དང། བཀའ་ཤག་ནས་གནས་ཚུལ་ཛ་དྲག་ཅན་ལ་བརྟེན་ལྷ་ཀླུ་ཡང་ང་ཕོད་དང་ཁུར་མཉམ་ལེན་གྱིས་སྡོད་དགོས་གནས་ཚུལ་བཏང་ཞིང། རིང་པོར་མ་སོང་བར་ང་ཕོད་ནས་འགན་འཁུར་ཚང་མ་ཐུབ་ཚུལ་བརྗོད་པར་བརྟེན་ལྷ་ཀླུ་ཕྱིར་ལོག་བྱས། དེ་རྗེས་ང་ཚོར་བརྡ་སྤྲོད་གང་ཡང་མ་བྱས་པར་གློ་བུར་ཞིག་ལ་རྒྱ་དམར་གྱི་དཔུང་དམག་བོད་དུ་བཙན་འཛུལ་བྱས་པ་རེད། ཅེས་གསུངས་འདུག་པས་དོན་གྱི་བདག་པོས་བསྡོམས་ཆ་ཚང་བརྒྱབ་མི་འདུག་གམ་ཤེས་ལྡན་དྲ་གྲོགས་ཚོས་གཟིགས་དང།
སྐབས་དེར་ལྷ་ཀླུས་ང་ཕོད་མཉམ་ལས་ཀ་བྱེད་མི་ཐུབ་དོན་གང་ཡིན་ནམ།
རྒྱུ་མཚན་དང། གནས་ཚུལ་འདི་འདྲའི་རིགས་མང་དག་ཅིག་ལ་བརྟེན།

གོང་དུ་དྲངས་པའི་ཀརྨ་པ་དེ་བཞིན་གཤེགས་པས།
བདུད་སྤྲུལ་བློན་པོ་ཀོང་ནས་འབྱུང། །
དབུས་དཀྲུགས་དབུས་ཀྱི་ཆབ་སྲིད་འཇིག།
ཅེས་ལུང་བསྟན་གནང་བ་དེ་ས་དབང་བློན་ཆེན་ང་ཕོད་པ་རང་ཡིན་པ་རེད། ཅེས་དབུས་པ་རང་གི་མི་ཚད་ལྡན་གང་མང་གིས་ཕྲན་ལ་གསུངས་བྱུང་བས་ཕྲན་གྱིས་བདེན་ཤས་ཆེ་སྙམ་བཞིན་ཡོད་ཅིང། གཞན་ཡང་ཁོང་ཚོར་དེ་ལྟར་ཡིན་པར་སྒྲུབ་པའི་རྒྱུ་མཚན་གང་མང་གསུང་རྒྱུ་འདུག འོན་ཀྱང་ཕྲན་རང་ངོས་ནས་ང་ཕོད་ས་དབང་ཆེན་མོ་ལྷ་ཡིན་ན་དད་པ་མི་བྱེད་ལ། བདུད་ཡིན་ཡང་ཞེད་སྣང་མི་བྱེད་ཐག་ཆོད་ཡིན།
ཁྱད་པར་གང་ཡང་མེད།

ཤི་ཚད་ལ་མྱ་ངན་དང་སྨོན་གསོལ་བྱེད་རྒྱུ་ནི་བོད་གཞུང་གི་གཤིས་ཀ་འདྲ་ཞིག་ཡིན་ས་རེད། ང་ཕོད་ཡོད་དུས་སྐབས་ལ་ཅིག་ནས་འགྲིག་མི་འདུག་ཅེས་བོད་གཞུང་གིས་བཤད་ཡོད་ལ། རྒྱ་གཞུང་ལྟར་ང་ཕོད་ཤི་དུས་མྱ་ངན་གུས་འདུད་ཡོད་ཚུལ་ཡང་བོད་གཞུང་གིས་བཤད་ཡོད། དེ་བཞིན་གྲོས་མཐུན་དོན་ཚན་བཅུ་བདུན་ལ་ངོས་ལེན་མེད་ཅེས་བོད་གཞུང་གིས་བཤད་མྱོང་ཡོད་ཅིང་། ཡང་དེ་ལ་ངོས་ལེན་ཡོད་པའི་བཟོ་འདྲ་བོད་གཞུང་གིས་ད་སྐབས་སྟོན་གྱིན་ཡོད། གང་ལྟར་ང་ཕོད་ཀྱི་མི་ཚེ་ལས་ཀྱང་གཏམ་རིང་པོ་ཆགས་ངེས་རེད།

སྤུན་ཟླ་ཚང་མས་ཐུགས་ལ་ངེས་དགོས་པ་ཞིག་ལ། པན་ཆེན་སྐུ་གོང་མ་ཚང་ལ་ཡང་ཚོང་བ་རྒྱགས་པ་ཞེས་མིང་བཏགས་པ་དྲན་པ་བྱོས་དེ། རེ་ཞིག་རིང་འདས་པོ་ང་ཕོད་མཆོག་ལ་མྱ་ངན་གུས་མདུད་ཞུ་འདོད་མེད་ཀྱང་། ཁ་ལ་སྙིང་རྗེ་ཐོག་པའི་བོད་མི་ཞིག་གི་སྐྱེ་ཡོད་དུས། བསམ་ཤེས་རེ་གནང་དེ་མ་ཎི་རྐང་རེ་བཏོན་ན་རེ་ཞིག་རིང་སྒུག་རོགས་ཞུ། ངས་འདི་ནས་འགྲོ་བ་མི་སྤྱིར་སྟངས་པ་ཞིག་གི་ཚབ་བྱས་དེ་ཁོང་གི་ནང་མི་ཉེ་འབྲེལ་ཡོངས་ལ་ང་ཕོད་ཁོང་སྐུ་འདས་པ་དེར་སེམས་གསོ་དང་མྱ་ངན་བྱེད་ཀྱི་ཡོད། ས་སྒང་གཅིག་གི་སྒང་ནས་མི་རིགས་གཅིག་ལ་སྐྱེ་བའི་མི་རྒན་ཁོང་དེ་རིང་འུ་ཅག་གྱེས་ནས་ཉི་མ་གཉིས་པ་དེ་རེད། ཞེ་དགུ་ཟེར་ནས་བོད་ལ་བརྩི་སྲོལ་ཞིག་ཡོད་པ་རེད། གནའ་རབས་བོད་མི་དག་གི་གུས་སྲོལ་ཡིན་ན་རང་གི་དགྲ་ཤི་བ་ཡིན་ན། ཞེ་དགུ་ཚང་རེག་བར་དུ་མིང་འདོག་དང་གཏམ་ངན་ཚིག་ངན་བཤད་སྲོལ་མེད་པ་ཡིན་དུས་སྤུན་ཟླ་དག་གིས་དེ་ལྟར་ཐུགས་ལ་འཇག་པར་འཚལ་ཞེས་སླར་ཡང་ཐེངས་ཤིག་ཞུས་པ་ཡིན་ལགས།

བཀའ་ཟུར་ངག་ཕོད་ངག་དབང་འཇིགས་མེད་མཆོག་སྐུ་གྲོངས་པར་མྱ་ངན་དང་བསྔོ་སྨོན་ཞུ།
ང་ཚོས་ཉེས་པར་དུ་ལོ་རྒྱུས་ཀྱི་མི་སྣ་ངག་ཕོད་ངག་དབང་འཇིགས་མེད་མཆོག་གི་ལོ་རྒྱུས་ལ་དཀར་ནག་གི་དབྱེ་འབྱེད་གསལ་པོ་ཞིག་ཉེས་པར་དུ་གནང་དགོས།
ཁངོ་གི་ལོ་རྒྱུས་ལ་བརྟག་དཔྱད་མེད་པར་ནག་བསུབས་བཏང་རྐྱང་བྱས་ན་བོད་ཀྱི་གཏམ་དཔེར་ཡོད་པ་བཞིན་དུ་དྲན་ཆེན་གྱི་ལག་པ་རྡོས་བརྡུང་ཞེས་པའི་དཔེ་ལྟར་འགྲོ་ངེས།
བོད་གཞུང་ངོས་ནས་ཀྱང་ཁོང་གི་ལོ་རྒྱུས་སྐོར་ལ་ཞིབ་ཕྲ་གསལ་བཤད་ཤིག་གནང་ངེས་རེད་སྙམ།

སྤོབས་པ་མཐའ་ཡས་ལགས་བོད་གཞུང་ངོས་ནས་ངག་ཕོད་མཆོག་སྐུ་འཚོ་བཞུགས་སྐབས་ལ་འཚམས་འདྲི་སོགས་ཞུ་མི་བདེ་བ་ཞིག་ཡིན་སྲིད་གང་ཡིན་ཟེར་ན་ཁོང་རྒྱ་གཞུང་གི་ལག་འོག་ཡོད།
འདི་ནི་ཆབ་སྲིད་ཀྱི་གནས་བབ་ལ་དགོངས་པ་ཉེས་པར་དུ་བཞེས་དགོས་སྙམ།

ང་ཕོད་ངག་དབང་འཇིགས་མེད་ཀྱིས་སྐུ་ཚེ་གཅིག་རིང་ཡོངས་གྲགས་་བོད་ལ་བྱས་རྗེས་གང་བཞག་པ་ནི། དེ་རིང་བཀའ་ཤག་གིས་ཕྱོགས་བསྡོམས་གནང་བ་འདི་ཙམ་ཨེ་ཡིན་སྙམ། འདི་ཙམ་ཡིན་ན་ནི་་་་་་་ ་་་་་

དྲ་གྲོགས་ཚོ། བུ་ཆུང་ཚེ་རིང་ལགས་ཀྱིས་གསུངས་བར། ང་ཕོད་ངག་དབང་འཇིགས་མེད་མཆོག་གིས་ཁོང་གི་སྐུ་ཚེའི་ལོ་རྒྱུས་ཤིག་བྲིས་འདུག་ཀྱང་། དེ་ལ་རྒྱ་ནག་གཞུང་གིས་ཞིབ་བཤེར་བྱས་འདུག་ཟེར། གང་ལྟར་ཁོང་གི་མི་ཚེ་ལོ་རྒྱུས་ཀྱི་དེབ་དེ་གང་མགྱོགས་རག་ན་ཅི་མ་རུང་།

ངའི་ཚོད་དཔག་ནོར་མེད་ན་རྗེས་མ་ཞིག་ལ་འདས་པོ་ཁོང་ལ་ཁ་གཏོང་མཁན་གྱི་མི་དག་གིས་རང་སྐྱོན་ངོས་ཟིན་པ་ཞིག་ཡོང་ངེས།

གོང་གི་པར་དེ་ང་ཕོད་ལགས་ཀྱིས་གཙོ་འཛིན་མོའོ་ལགས་ལ་ལུས་འབུལ་སྲོག་འབུལ་ཞུ་བཞིན་པའི་སྐབས་ཀྱི་འདྲ་པར་ཞིག་རེད་པས།

གཅིག་བྱས་ན་ལོ་རྒྱུས་ཀྱི་དངོས་དཔང་ལ་མེད་དུ་མི་རུང་བའི་མི་ཆེན་ང་ཕོད་ཀྱིས་འཁྱོག་རྫུན་སྤངས་པའི་དངོས་ཡོད་ལོ་རྒྱུས་ཤིག་ཤུལ་དུ་བཞག་ཡོད་སྲིད། ཁ་གཏོང་ཡ་སྔ་མ་དྲག དག་སྣང་སྒོམ་པ་ཡང་རེ་ཞིག་བཞག་ནས། མ་ཎི་རེ་འདོན་འེ་ཐུབ་ལྟོས།

བཀའ་ཟུར་འདས་པོ་ཁོང་ནི་དངོས་གནས་དགྱ་བོད་གཉིས་ཆ་ཤེས་མཁན་གྱི་ལོ་རྒྱུས་ཀྱི་གླེགས་བམ་གསོན་པོ་ཞིག་ཡིན་པ་ནི་སུས་ཀྱང་ཁས་མི་ལེན་ཐབས་མེད་ཡིན།
དེའི་ཕྱིར་དེ་ལ་བསམ་ནས་ཡིན་ཡང་རྗེས་དྲན་ཞིག་ལོས་ཞུ།

ལོ་རྒྱུས་ཀྱི་དཔང་མི་ཞིག་ཁུ་སིམ་པོར་འཆི་བའི་ལམ་ལ་ཆས།
ཤུལ་དུ་ལུས་རྒྱུ་ཅི་ཞིག་ཡོད་དམ།
ཡང་ན་ཅི་ཞིག་ལུས་དགོས་སམ།

སྤྱན་རས་གཟིགས་མཁྱེན།
དམྱལ་བར་མ་གཏོང་།

ལོས་ཞུ་དགོས། ཁོང་ནི་གང་ལྟར་ལོ་རྒྱུས་རང་བཞིན་ཅན་གྱི་བོད་ཀྱི་ཡུལ་མི་ཞིག་ནས་མཐོ་རིམ་དཔོན་རིགས་བར་ཕེབས་མྱོང་བའི་གལ་ཆེའི་མི་སྣ་ཞིག་རེད། འདི་ནི་འོས་མཐུན་ཞིག་ལོས་ཡིན། འོན་ཀྱང་མཆན་འགོད་པ་མང་པོ་ཞིག་གིས། མིག་ཟུང་སྣ་རྩེ་གཅིག་པུར་གཅེར་ཏེ་ཁ་ནས་གང་འཐོན་གྱིས་སྨྲ་བ་བྱུང་རྒྱལ་དུ་འདོན་གྱི་འདུག དེས་ཅི་ཞིག་སྟོན་གྱི་ཡོད་ཅེས་ན། རང་ཚུགས་བོར་གྱིན་པའི་མི་རིགས་ཤིག་སྒྲུབ་བཞིན་པར་མཚོན་གྱི་ཡོད་ན། ཧོལ་རྒྱུགས་བྱེད་མི་ཉན། རང་ཚུགས་བོར་མི་རིག