ཟླ་འདིའི་ཕྱི་ཚེས་ ༢༢ ཉིན་སྒྲུབ་བརྒྱུད་བསྟན་པའི་མངའ་བདག་དཔལ་རྒྱལ་བ་ཀརྨ་པ་ཨོ་རྒྱན་འགྲོ་འདུལ་ཕྲིན་ལས་རྡོ་རྗེ་མཆོག་གིས་གནས་མཆོག་རྡོ་རྗེ་གདན་ནས་ཁོར་ཡུག་སྲུང་སྐྱོབ་སྐོར་གྱི་དྲ་ཚིགས་གསར་པ་ ( www.khoryug.com ) ཞེས་པ་སྒོ་འབྱེད་གནང་ཡོད་ལ། དྲ་ཚིགས་གསར་པ་དེར་བོད་ཡིག་དང་དབྱིན་ཡིག་གཉིས་ཀ་ཡོད་ཅིང་། བོད་ཡིག་གི་ཡིག་གཟུགས་རྒྱལ་སྤྱིའི་ཚད་ལྡན་ཨང་རྟགས་ཧི་མ་ལ་ཡའི་ཡིག་གཟུགས་ཡིན། ཁོར་ཡུག་དྲ་བའི་སྟེང་དུ་དཔལ་རྒྱལ་བ་ཀརྨ་པ་མཆོག་གི་ལོ་རྒྱུས་རགས་བསྡུས་དང་། བཀའ་བརྒྱུད་ཁོར་ཡུག་སྲུང་སྐྱོབ་ཚོགས་པའི་ལས་གཞི་ཁག དེ་བཞིན་ཁོར་ཡུག་སྲུང་སྐྱོབ་དང་འབྲེལ་བའི་པར་རིས་དང་གློག་བརྙན་བཅས་བཞག་ཡོད།
ཁོར་ཡུག་དྲ་བའི་མདུན་ངོས་སུ་སྤྱི་བསྒྲགས་ཤིག་སྤེལ་བའི་ནང་འཁོད་དོན། ཕུགས་འདུན། ཕྱོགས་ཀྱི་འགྱུར་བ་གཏོང་རྒྱུ་དེ་ཐོག་མར་ང་ཚོ་རང་ཉིད་ནས་འགོ་འཛུགས་དགོས་པའི་ཡིད་ཆེས་བྱེད། རྒྱུ་མཚན་འདི་དག་གཞིར་བཞག་ནས་ཁོར་ཡུག་གི་དམིགས་ཡུལ་ནི་ཚོགས་མིའི་ཁོངས་ཀྱི་དགོན་སྡེ་དང་། ལྟེ་གནས་གང་དུ་ཡོད་ཀྱང་དེ་དག་གིས་ས་གནས་ཀྱི་སྤྱི་ཚོགས་དང་ཚོགས་པ་ཁག་དང་མཉམ་ལས་སྤེལ་རེས་དང༌། ཁོར་ཡུག་དང་མཐུན་པའི་ཡར་རྒྱས་བཏང་སྟེ་འདི་དང་ཕྱི་མར་འཛམ་གླིང་སྟེང་གི་ཚེ་སྲོག་ཀུན་ལ་ཕན་གྲོགས་བྱེད་རྒྱུ་ཡིན། ཞེས་བཀོད་འདུག
ཁྱོད་བློ་ལ་བབས་ན་འདྲིགས་འདུག
ཁ་བ་ནག་པོའི་ཁ་ནས་ཐོན་པའི་སྐད་ཆ་དེར་བློར་བབ་པོ་ཞིག་བྱུང་།
དང་པོར་རང་གི་ལག་ན་ཡོད་པའི་དག་ཆ་སྲུང་སྐྱོབ་བྱེད་དགོས། དེ་ནས་རང་གི་འཁྲིས་ན་ཡོད་པའི་ཁོར་ཡུག་སྲུང་སྐྱོབ་བྱེད་དགོས།
དང་ཐོག་རྟེན་འབྲེལ་ཞུ། སླད་ནས་དྲ་ཚིག་འདིས་ཁོར་ཡུག་སྲུང་སྱྐབས་ལ་བྱས་རྗེས་འབུར་དུ་ཐོན་པ་ཞིག་འཇོག་ཐུབ་པའི་སྨོན་འདུན་ཞུའོ།
༼བོད་ཡིག་བཅགས་མ་སོང་༽ཞེས་པ་༼བོད་ཡིག་བཞག་མ་སོང་༽ལ་ནོར་བཅོས་ཡོང་བ་ཞུ།
ཏ་ལའི་བླ་མ་ཞེས་པའི་མ་དེ་ཆད་ནོར་བྱུང་འདུག་པ་ངེས་ལེན་ཞུ་གི་ཡིན། ཏ་ལའི་བླ་མའི་དྲ་ཚིགས་སུ་བོད་ཡིག་ཡོད་མེད་ཐད་ནས་ཚིག་རྐང་གཅིག་ཀྱང་ཞེས་པའི་༼ཚིག་རྐང་གཅིག་༽དེ་ཟུར་འདོན་གྱིས་དགག་འདུག་པ་དེ་འང་། གནས་ལུགས་ཀྱི་མདུན་ནས་ངེས་ལེན་མི་ཞུ་ཐབས་མེད་བྱུང་སོང་། ཡིན་ནའང་། གནས་ལུགས་ཀྱི་མདུན་ནས་དུང་ཞེན་དང་ཕྱོགས་རེས་གླེང་ས་གཏན་ནས་ཡོད་མི་སྲིད་པས་ན། ༼དྲ་གནས་ལྟ་སྐབས་ངེས་པར་ཁ་ཕྱེ་མ་ཐག་ཡོངས་རྫོགས་སྡེག་གཅིག་ཏུ་ཐོན་རྒྱུ་འདི་ཡོང་གི་མེད་པས་ངང་སྒུག་བྱེད་དགོས་པ་༽ཞེས་པ་དེ་དངོས་ལུགས་ཀྱི་མདུན་ནས་ངེས་ལེན་བྱ་ཐབས་བྲལ་སོང་། ང་རྒྱ་གར་དུ་འབྱོར་ནས་ལོ་བདུན་བརྒྱད་ཅིག་འདས་ལ་ཉེ། དེའི་རིང་ལ་ངང་སྒུག་བྱས་པ་ཡིན། རེ་བས་བལྟས་པ་ཡིན། ཉེ་སྔོན་ཏ་ལའི་བླ་མའི་དྲ་ཚིགས་བསྐྱར་བཅོས་ཟིན། ཡིན་ནའང་འགྱུར་བ་ཐེབས་མ་སོང་། བོད་ཡིག་བཅགས་མ་སོང་། དུང་ཞེན་ལ་ཕོགས་ཀྱང་རུང་། ཐ་ན་སྐུ་སྒེར་དྲ་ཚིགས་ཀྱི་ངོས་སུའང་རང་རེའི་སྐད་ཡིག་དེ་གོ་ཆོད་མེད་པའི་རྣམ་པ་ཞིག་ཤུགས་ཀྱིས་མངོན་འདུག་པ་འདི། བོད་ཡིག་བོད་སྐད་སྲུང་སྐྱོབ་དགོས་པའི་གནས་ལུགས་ལ་མི་རན་གི། བཙན་བྱོལ་སྤྱི་ཚོགས་མུ་མཐུད་དེ་ལྟར་ཕྱིན་ཚེ། ད་ལྟ་འུ་ཚོས་ཕར་རྒྱ་ནག་གནས་ལུགས་སུ་འདྲེན་བཞིན་པའི་བོད་ཀྱི་རིག་གནས་ཉམས་ཆག་ཅེས་པའི་ཚིག་འདི། ཉིན་ཞིག རྒྱ་ནག་དམར་ཤོག་པས་ཕྱིར་འུ་ཚོར་བརྗོད་མི་སྲིད་པ་མི་འདུག
༸རྒྱལ་བ་ཀརྨ་པ་མཆོག་ནས་ཁོར་ཡུག་དྲ་ཚིགས་དེ་འདྲ་ཞིག་དབུ་འབྱེད་གནང་བར་སྙིང་ཐག་པ་ནས་རྟེན་འབྲེལ་དང་བཀྲ་ ིས་བདེ་ལེགས་ཞུ། མུ་མཐུད་ལས་གཞི་འདིའི་ཐོག་མཛད་འཕྲིན་ཟླ་ལྟར་རྒྱས་པའི་སྨོན་འདུན་ཞུ་རྒྱུ་ཡིིན་ལ། ལས་གཞི་དེ་དག་ནང་ཆ་ཤས་བླངས་མཁན་ཚང་མར་ཐུགས་རྗེ་ཆེ་ཞུ་རྒྱུ་ཡིན། ཞོར་འཕྲོས་སུ་དྲ་གྲོགས་ཚེ་རིང་ཞུ་བ་ནས་གོང་དེར་ཏ་ལའི་བླ་མ་ཞེས་པའི་༸གོང་ས་༸སྐྱབས་མགོན་ཆེན་པོ་མཆོག་གི་དྲ་ཚིགས་སུ་བོད་ཡིག་རྐང་གཅིག་མི་འདུག་ཅེས་མཐོང་བཞིན་འར་གཏམ་བརྗོད་འདུག་པ་དེར་ཕྱིས་འབྱུང་དེ་འདྲ་མ་གསུང་རོགས་ཞེས་དེ་བརྒྱུད་འབོད་བསྐུལ་ཞུ་རྒྱུ་ཡིན། དྲ་གནས་ལྟ་སྐབས་ངེས་པར་ཁ་ཕྱེ་མ་ཐག་ཡོངས་རྫོགས་སྡེབ་གཅིག་ཏུ་ཐོན་རྒྱུ་འདི་ཡོང་གི་མེད་པས་ངང་སྒུག་བྱེད་དགོས་པ་དང་། ཞིབ་ལྟ་བྱེད་དགོས། ༸གོང་ས་མཆོག་གི་དྲ་གནས་ནང་དུ་བོད་ཡིག་གི་ཚིག་བཅད་ཞིག་ཡོད་པ་འདི་ནི་ ཇི་སྲིད་ནམ་མཁའ་གནས་པ་དང༌། འགྲོ་བ་ཇི་སྲིད་གནས་གྱུར་པ། དེ་སྲིད་བདག་ནི་གནས་གྱུར་ནས། འགྲོ་བའི་སྡུག་བསྔལ་སེལ་བར་ཤོག ཅེས་པའི་ཚིག་བཅད་དེ་འགོ་བྱང་སྟེང་མཇལ་རྒྱུ་ཡོད་པས་རྐང་གཅིག་མི་འདུག་ཅེས་པའི་ཚིག་འདི་ཕྱིར་འཐེན་བྱ་རོགས།
དེ་མིན་དྲ་གྲོགས་ཚེ་རིང་ལགས་ནས་ཁོར་ཡུག་གི་དྲ་ཚིགས་འདིའི་ནང་ཡིག་ནོར་མང་པོ་ཞིག་ལ་ཐུགས་སྣང་གནང་སྟེ་མཆན་འགོད་གནང་འདུག་པར་རྒྱབ་སྐྱོར་ཡོད། ཁྱེད་རང་ནས་ཀྱང་ཏ་ལའི་བླ་ཞེས་པའི་དྲགནས་ཞེས་བྲིས་འདུག་པས་ལམ་སེང་རང་གི་ནོར་འཁྲུལ་དེའང་ལམ་སེང་བཅོས་རོགས༎༎
གནད་དོན་དེ་ལ་རྒྱབ་སྐྱོར་ཡོད།
ཏ་ལའི་བླ་ཞེས་པའི་༸གོང་ས་མཆོག་གི་སྐུ་སྒེར་དྲ་ཚིགས་སུ་བོད་ཡིག་རྐང་གཅིག་ཀྱང་མི་འདུག ཁོར་ཡུག་ཅེས་པའི་༸རྒྱལ་དབང་ཀརྨ་པའི་དྲ་ཚིགས་སུའང་བོད་ཡིག་པར་ངོས་དེ་ཆལ་ཆོལ་ཅིག་གམ། དབྱིན་བོད་མཉམ་བསྲེས་ཀྱི་ར་མིན་ལུག་མིན་གྱི་པར་ངོས་ཤིག་གྲུབ་འདུག་པར་མ་ཟད། ཡིག་ནོར་མང་བ་ནི་བཤད་མ་དགོས་པར། ༸རིན་པོ་ཆེ་གང་ཉིད་ཀྱི་མཚན་ཀྱང་ནོར་ཏེ། ༼ཨོ་རྒྱན་འཕྲིན་ལས་རྡོ་ར༽ ཞེས་བཏགས་འདུག བླུན་པོ་ང་ལ་མཚོན་ན་འདི་ནི་ཅི་འདྲའི་ཡིད་སྐྱོ་དགོས་པའི་གནས་ཤིག་རེད་ཨང་།
མགོ་བརྩམས་དེ་ནི་ལས་སླ་བ་ཡིན་ལ། མཇུག་བསྡུ་བ་དེ་ནི་ལས་སླ་བ་མིན་ཟེར་ནས་ངས་རྟག་དུ་འདོད་ཀྱི་ཡོད་ན་ཡང་། ད་རེབས་ཀྱི་མགོ་བརྩམ་མཁན་ནི་ཀརྨ་པ་མཆོག་ཡིན་དུས། མཇུག་ཀྱང་ཁོང་གིས་བསྡུ་ཐུབ་པར་ཡིད་ཆེས་ཡོད་ལ། དྲ་ཚིགས་གསར་བ་འདིའི་བོད་ཕྱི་ནང་གི་སྤུན་ཟླ་དག་གིས་རང་གི་ཁོར་ཡུག་ལ་ཇི་ལྟར་གཅེས་སྤྲོས་བྱེད་དགོས་མིན་ཐད་ལེགས་སྐྱེས་མི་དམན་པ་ཞིག་འཇོག་ཐུབ་པར་ངས་ཡིད་ཆེས་བྱེད་ཀྱི་ཡིན།
དེ་དེ་བཞིན་ཡོང་བའི་སྨོན་ལམ་ཞུ།
༸དཔལ་རྒྱལ་བ་ཀརྨ་བ་མཆོག་གི་དྲ་ཚིགས་གསར་བ་སྒོ་འབྱེད་གནང་པར་གུས་པ་ཆེན་པོས་འཚམས་འདྲི་བཀྲ་ཤིས་བདེ་ལེགས་གྲངས་མེད་ཀྱས་བརྒྱན་ཏེ། ཁོང་གི་མཛད་པ་སྤྱི་དང་ལྷག་དོན་ཁོང་གི་ཁོར་ཡུག་སྐོར་ལ་དམིགས་བསལ་ཐུགས་སྣང་ཆེན་པོས་ལས་འགུལ་སྤེལ་རྒྱུའི་དགོངས་བཞེས་མཐའ་དག་ལྷུན་གྱིས་འགྲུབ་པའི་སྨོན་འདུན་ཞུ།
ཁོར་ཡུག་དྲ་བ་གསར་འབྱེད་གནང་བར་རྟེན་འབྲེལ་ཞུ།
ཨ་ཁུ་བོན་རྒྱ་ལགས་ཀྱིས་གསུངས་པ་དེ་དེ་བཞིན་ནོ།
སླར་ཡང་དྲ་རྒྱ་གསར་བ་ཞིག་འཁྲུངས་པར་དགའ་བསུ་ཞུ། ་དེ་ནི་རིག་གཞུང་གི་གླེང་སྟེགས་ཤིག་རེད། གལ་ཆེན་པོ་རེད།