ང་ཕོད་ཀྱི་སྐོར་ཨ་ཀྱཱ་རིན་པོ་ཆེ་དང་གླེང་མོལ་བྱུང་བ།

ང་ཕོད་ལགས་ཀྱིས་དེབ་ཅིག་ཕྱག་བྲིས་གནང་ཡོད་པ་འདྲ་ཞེས་པ་དེ་
ཁ་སྣོན་བཅོས་བསྒྱུར་སོགས་མ་བྱས་པར་ང་ཚོས་ཀློག་ཐུབ་རྒྱུ་བྱུང་ན་
ཁོང་གི་མི་ཚེའི་གོམས་འགྲོས་ཀྱི་ལོ་རྒྱུས་ལ་གཞིགས་ཐུབ་པར་ཕན་པས་
རེ་སྒུག་བྱས་ཡོད།

བདེན་བདེན་

བདེ་བ་ཅན་ལགས།
བདེ་ཅན་ཞེས་པའི་གང་ཟག་དེ་སུ་ཡིན་བརྩད་དགོས་དོན་ནི་ལ་ཕར་རྒྱབ་ཀྱི་དགྲ་བོ་རྒྱ་ནག་གིས་བདེ་བ་ཅན་ཞེས་པའི་མིང་ཐོག་ནས་བཙན་བྱོལ་སྤུན་ཟླའི་བར་དཀྲུག་ཞིང་རྒྱག་གིན་འདུག་བསམ་པས་ཡིན། དེ་འདྲ་དོགས་པ་བསལ་ཐུབ་མིན་ནི་ཁྱེད་ཀྱི་ལག་ཏུ་འདུག
ཁྱེད་ཀྱིས་རང་ཉིད་ངོ་སྤྲད་བྱེད་ན་ང་ཚོ་བློ་བདེ་འགྲོ་དེ་ལས་དོན་ཅི་ཡང་མེད། དོགས་པ་རྣམ་རྟོག་བསལ་བའི་ཆེད་དུ་རང་ཉིད་ངོ་སྤྲད་གནང་ཞེས་རེ་བ་ཞུ་རྒྱུ་ཡིན་ལགས།

ལ་ཕར་རྒྱག་དགྲ་བོའི་གཏུལ་དགོས་ན།
སྔོན་དང་པོ་ནང་དགྲ་རྩ་མེད་བཟོ།
དགྲ་ཕྱི་དགྲ་སླ་ཏེ་ནང་དགྲ་དཀའ།
དེ་གནའ་མི་བོད་ཀྱི་གཏམ་དཔེ་རེད་།

དྲ་གྲོགས་བདེ་བ་ཅན་གྱིས་ལ་ཕར་རྒྱབ་ཀྱི་དགྲ་བོ་རྒྱ་མི་མ་གསུངས། ཁྱེད་ཀྱིས་ང་ཕོད་ཡག་པོ་ཡོད་གསུང་བཞིན་པ་རེ། ང་ཕོད་ཡག་པོ་ཡོད་ན་ང་ཕོད་ལ་ཕར་རྒྱབ་ཀྱི་རྒྱ་མིས་དཔོན་པོ་རེད། དེས་ན་ལ་ཕར་རྒྱབ་ཀྱི་རྒྱ་མི་ཅིས་ལ་ཡག་པོ་མེད། ང་ཚོས་རྒྱ་མི་ཡག་པོ་ཡོད། ང་ཕོད་ཡག་པོ་ཡོད། ང་ཚོ་ཡག་པོ་ཡོད། ཚང་མ་ཡག་པོ་ཡོད་ཅེས་ད་མཇུག་བསྡོམས་ན་ཡག་ས་རེད་ད།

དྲ་གྲོགས་ཀུན་ཀྱིས་གཟིགས་དང།

བདེ་བ་ཅན་ཟེར་བས་བོད་ཀྱི་དུས་བབ་ཀྱི་སྐབས་དོན་བརྗོད་གཞི་འདི་ཁ་ཕྱོགས་གཞན་དུ་བསྒྱུར་ཐབས་བྱེད་བཞིན་པ་ནི་ཧ་ཅང་ཡ་མཚན་རེད། ཁོས་ཐེངས་གཅིག་ཙམ་མ་རེད། ཡང་ཡང་རང་ཉིད་དབུས་པ་ཞིག་ཡིན་ཁུལ་གྱིས་དྲ་གྲོགས་ཚོའི་བར་དཀྲུགས་ཤིང་སློང་བཞིན་འདུག་པ་དང། ལྷག་དོན་གསེར་རྟ་ཚུལ་ཁྲིམས་འོད་ཟེར་ལ་ཆོལ་ཁའི་ཞེན་ཁོག་འདུག་ཅེས་ཕྲན་ནག་པོ་བཟོ་ཐབས་བྱེད་བཞིན་པ་བཅས་ཀྱིས་མི་འདི་ང་ཚོ་མང་ཆེ་བས་ཚོད་དཔག་བྱེད་ཐུབ་པ་ཞིག་རེད་ལ་ཁོང་དབུས་པ་ཞིག་མིན་ཐག་ཆོད་ཡིན།
བདེ་བ་ཅན་སུ་ཡིན་ཁ་སང་དྲ་གྲོགས་ཅོ་རི་ལགས་ཀྱིས་རྩད་བཅད་སོང་བས་ཅོ་རི་ལགས་ཀྱིས་ད་བར་བདེ་བ་ཅན་ཁོ་སུ་ཡིན་དང་། གར་ཡོད་ངོས་ཟིན་སོང་ངམ། ད་དུང་ངོས་ཟིན་མེད་ན་ཕལ་ཆེར་ངས་ངོས་ཟིན་ས་རེད།

དྲ་གྲོགས་ཀུན་ཀྱིས་གཟིགས་དང། བདེ་བ་ཅན་ཟེར་བས་བོད་ཀྱི་དུས་བབ་ཀྱི་སྐབས་དོན་བརྗོད་གཞི་འདི་ཁ་ཕྱོགས་གཞན་དུ་བསྒྱུར་ཐབས་བྱེད་བཞིན་པ་ནི་ཧ་ཅང་ཡ་མཚན་རེད། ཐེངས་གཅིག་ཙམ་མ་རེད། ཡང་ཡང་རང་ཉིད་དབུས་པ་ཞིག་ཡིན་ཁུལ་གྱིས་དྲ་གྲོགས་ཚོའི་བར་དཀྲུགས་ཤིང་སློང་བཞིན་འདུག། ལྷག་དོན་བོད་མི་མང་སྤྱི་འཐུས་གསེར་རྟ་ཚུལ་ཁྲིམས་འོད་ཟེར་ལགས་ལ་ཆོལ་ཁའི་ཞེན་ཁོག་འདུག་ཅེས་ཁོང་ནག་པོ་བཟོ་ཐབས་བྱེད་བཞིན་པ་བཅས་ཀྱིས་མི་འདི་ཚོད་དཔག་བྱེད་ཐུབ་པ་ཞིག་རེད། ཁོ་དབུས་པ་མིན་པ་ཐག་ཆོད་རེད།
བདེ་བ་ཅན་སུ་ཡིན་ཁ་སང་དྲ་གྲོགས་ཅོ་རི་ལགས་ཀྱིས་རྩད་བཅད་སོང་། ཅོ་རི་ལགས་ཀྱིས་ད་བར་བདེ་བ་ཅན་ཁོ་སུ་ཡིན་དང་། གར་ཡོད་ངོས་ཟིན་སོང་ངམ། ད་དུང་ངོས་ཟིན་མེད་ན་ཕལ་ཆེར་ངས་ངོས་ཟིན་ས་རེད།

རྗེས་དྲན་རྡོ་རྗེའི་ལྷུན་པོ།

གངས་ཅན་དམག་སྤྱི་སྟག་སྦྲ་ཀླུ་གོང་གིས།།
གངས་སེང་དམག་གིས་ཁྲང་ཨན་རྒྱལ་ས་བླངས།།
གངས་ལྗོངས་རང་བཙན་གཙང་མའི་བདེན་རྟགས་སུ།།
གངས་ཕྲུག་དཔའ་བོས་རྩེ་ཞོལ་རྡོ་རིང་བསླངས།།

གངས་ཕྲུག་མི་ངན་སྡར་མ་ང་ཕོད་ཀྱིས།།
གངས་རིའི་སྣོད་བཅུད་རྒྱ་དམར་དཔོན་ལ་བཙོང།།
གངས་ལྗོངས་རྒྱ་ཡི་ཆ་ཤས་ས་ཡིག་བརྒྱབས།།
གངས་རིའི་གཟི་དཔལ་ལོ་རྒྱུས་ནག་པོ་བཟོས།།

དྲ་གྲོགས་ཅོ་རི་ལགས།
ཁོ་བོའི་དྲ་ལམ་ལ་སྐྱོན་ཞུགས་ཏེ་ཉིན་ཤས་རིང་ཟིན་བྲིས་ལ་བལྟས་ཐུབ་མ་སོང་བས་དགོངས་དག་ཞུ།
༢༠༡༠ ལོ་གསར་ཚེས་ལ་སེམས་ཁམས་མཐུན་པའི་ དྲ་གྲོགས་ཁྱེད་ཀྱིས་ཁོ་བོར་འཚམས་འདྲི་ཞུ་བ་འདི་དགའ་སྤྲོ་རབ་ཏུ་བརྟས།
༢༠༡༠ ལོ་འདི་ནང་ཁོ་བོས་ཁྱེད་ཀྱི་རྣམ་དཔྱོད་དེ་མེ་ཤུགས་འཕུར་ཟླ་་ལྟར་འཕུར་འཆོང་ཡོང་བའི་བཀྲ་ཤིས་པའི་མེ་ཏོག་ཕུལ་རྒྱུ་ཡིན་ལགས། མ་ཟད་ཁྱེད་ཀྱི་དགོངས་དོན་ལྟར་འདི་ལོ་དུས་བབ་ཀྱི་ཟིན་བྲིས་དྲ་ཁང་ཞིག་སྒོ་དབྱེ་ཐུབ་པའི་སྨོན་ལམ་རྒྱག་གི་ཡོད་ འོན་ཀྱང་ཁོ་བོ་རྕོམ་ལ་བྱང་ཆ་མེད་པ་འདིའི་རྐྱེན་བྱས་ད་ལྟ་ཏན་ཏན་རང་མེད་ལ།
ཁྱེད་ཀྱི་དག་ནོར་དེ་ཚོ་ལ་ཏོག་ཙམ་གཟབ་ན་གཟབ་རྒྱུ་ཡོད་ས་རེད་ལགས་མ་ཤེས་ནས ནོར་བ་དང་ཤེས་ནས་ཡིད་གཟབ་མ་བྱས་པ་གཉིས་བསྡུར་ན་ ཤེས་ནས་ཡིད་གཟབ་མ་བྱས་པའི་ཆ་དེ་མང་བ་འདྲ་གཅིག་འདུག་ལགས།
ཁྱེད་ཀྱི་འདུན་པ་དེ་མངོན་དུ་འགྱུར་བའི་སྨོན་ལམ་ཡང་ཡང་ཞུའོ།།

དྲ་གྲོགས་བདེ་ཡངས་ལགས། ཐུགས་རྗེ་ཆེ། ད་ལྟའི་ང་ཚོའི་དྲ་ལམ་སྤྱི་ཚོགས་དང་བོད་པའི་སྤྱི་ཚོགས་ནང་ཁྱེད་རང་ལྟ་བུའི་དྲ་གྲོགས་མང་ཙམ་དགོས་ཀྱི་འདུག གནས་ཚུལ་གང་ཞིག་ཡིན་ཡང་ཕྱོགས་ལྷུང་དང་ཉེ་རིང་ཆགས་སྡང་ནས་འགོ་མི་རྩོམ་པར་དངོས་ཡོད་གནས་ཚུལ་གཞིར་བཞགས་ཐོག་བསམ་ཚུལ་སྤེལ་རྒྱུ་ནི་ཧ་ཅང་གི་གལ་ཆེན་རེད་བསམ་གྱི་འདུག།མི་རེ་གཉིས་ཀྱིས་དངོས་ཡོད་གནས་ཚུལ་དང་དེའི་རྒྱབ་ལྗོངས་ཅི་ཞིག་ཡིན་མིན་གྱི་སྐོར་ལ་ཤེས་འདོད་ཙམ་ཡང་མི་བྱེད་པར་དགའ་མིན་དགའ་ཕྱོགས་ཀྱི་བསམ་བློའི་རྨང་གཞི་བྱས་ཏེ་མཆན་འདེབས་མཁན་གྱི་དྲྭ་གྲོགས་ཀྱང་མི་ཉུང་བ་ཞིག་འདུག།དེ་དག་གིས་ཀྱང་དྲྭ་གྲོགས་བདེ་ཡངས་ལྟ་བུར་མིག་དཔེར་བྱས་རྗེས་ཕྱོགས་སུ་མཆན་འདེབས་སྐབས་བསམ་བློ་རྒྱ་ཆེ་ས་དང་རྒྱུ་མཚན་དང་ལྡན་པའི་ཐོག་སྐྱོན་བརྗོད་དང་བསམ་ཚུལ་སྤེལ་རྒྱུར་རྦད་བརྩོན་བྱེད་དགོས་པར་མཐོང༌།

དྲ་གྲོགས་བོད་པ་ལགས། སྲིད་ཀྱི་འགྲོ་སྟངས་མི་ཤེས་པའི་བཀའ་ཤག་ཞིག་བོད་མི་མང་ནས་ལན་གཉིས་བསྟུད་མར་འདེམས་སྲིད་ཀྱི་རེད་དམ། ཅི་སྟེ་དེ་འདྲ་ཞིག་ཡིན་པའི་དབང་དུ་བཏང་ན་བོད་མི་མང་ནས་འདེམས་སྟངས་ནོར་ཡང་༸གོང་ས་ཡིད་བཞིན་ནོར་བུ་ཞལ་བཞུགས་ཡོད་པས་གང་ཉིད་དེ་ལྟར་ཐུགས་བློས་གཏོང་གི་རེད་དམ། སྡོད་ས་དཔྲལ་བར་བསྡད་ནས་མིག་ལ་ཐལ་བ་བཤོ་མི་ཉན། གང་ལྟར་འཛམ་གླིང་སྟེང་སེམས་མ་བདེ་བའི་སྒེར་པ་རེ་གཉིས་ཀྱི་བསམ་ཚུལ་ལས། སྒྲིག་འཛུགས་ཤིག་གི་རྒྱུ་མཚན་ལ་ཡིད་ཆེས་དང་ཚད་འཕེར་བར་འཛིན་གྱི་ཡོད་པས་ཁྱེད་རང་ག་ཚོད་སྡུག་སྐད་བརྒྱབ་ཀྱང་བཀའ་ཤག་གི་མྱ་ངན་ཞུ་ཚིག་དེ་གཞུང་གི་འཚམས་འདྲི་ཞིག་ཡིན་པས་ལོ་རྒྱུས་སྟེང་བཀོད་ཟིན་པ་རེདད། བྱས་ཙང་བུད་མེད་ཁ་ངན་དེ་འདྲ་ལྟ་བུ་ངུ་ཤར་བརྒྱབ་ཀྱང་ཕན་ཐོགས་ཡོད་མ་རེད། ད་ང་ཚོ་འདིར་རྩོད་པ་མང་པོ་མི་དགོས་པ་བྱེད།་ བཞུགས་གདན་འཇགས། རྗེས་སུ་མཇལ་ཡོང་།

བདེ་གཡང་ལགས་ཐུགས་རྗེ་ཆེ་ཁྱེད་འདྲ་བའི་མཉམ་མྱོང་ཡོད་མཁན་ཚོས་མ་གསུངས་ན་དེང་སང་གསར་བུ་རྒྱ་ནག་གི་རྒྱུག་ཁྱི་ཚོས་ཧམ་འགྲེལ་བྱས་ནས་ང་ཕོད་བོད་ཀྱི་དཔའ་བོ་ཞིག་དང་བོད་རྒྱལ་ཁབ་ལ་དགའ་བའི་མི་ཞིག་སྒྲུབ་གང་ཐུབ་བྱས་པར་མ་ཟད་སྤྱི་འཐུས་འགའ་རེས་དྲང་གཏམ་དུས་ཁ་རྡུང་དང་སྡུག་ར་སྐུལ་ནས་སྡོད་ཆུགས་ཀྱིན་མི་འདུག
ཐུགས་རྗེ་ཆེ་ཞུ།

ང་ཕོད་གྲོངས་པའི་གཏམ་དེ་བོད་ཕྱི་ནང་ཀུན་ཏུ་གྲགས་པ་དང་བོད་མི་དག་གིས་དེ་ལ་གདེང་འཇོག་སྣ་ཚོགས་བྱེད་བཞིན་འདུག་ལ། ཐོག་མར་ཁོང་ལ་དམའ་འབེབས་དང་ཚིག་མཚོན་འདེབས་མཁན་མང་མོད། ཕྱིས་སུ་ཁ་ལོ་ཡོངས་སུ་བསྒྱུར་ནས་ཆེ་བསྟོད་དང་བྱས་རྗེས་ཁོ་ན་བཤད་མཁན་གྱིས་ཁེངས་པ་མ་ཟད། ཐ་ན་ད་ཆ་ཁོང་ལ་ཉེས་པའི་ཆ་ཕྲན་བུ་བཤད་པ་ཙམ་གྱིས་ཀུན་གྱིས་ཁ་རྡུང་གཏོང་གིན་འདུག
དོན་ངོ་མར་ད་ཆ་དཔྱད་པ་བྱེད་མཁན་མང་པོ་ཞིག་གིས་ཁོང་ནི་བོད་མིའི་དཀྱིལ་ནས་ཤེས་རབ་ཆེ་བ་དང་། དཔའ་སྟོབས་ཆེ་བ། ལ་རྒྱ་ཆེ་བ། སྔ་ཕྱི་བར་གསུམ་དུ་བོད་ཀྱི་ཁེ་ཕན་ཁོག་ཏུ་བཅངས་ནས་བོད་མིའི་དོན་ཁོ་ནར་འབད་པ་མཛད་མཁན། ལོ་རྒྱུས་ཀྱི་འགག་རྩའི་དུས་སྐབས་གང་ན་ཐུག་ཀྱང་བོད་ཀྱི་དོན་དུ་དྲང་གཏམ་བརྗོད་ནུས་མཁན། བོད་ཀྱི་དོན་དུ་རྒྱ་གཞུང་ལ་ཅོག་ཙེ་བརྡུང་ཕོད་མཁན། བོད་ཀྱི་དོན་དུ་ཆབ་མདོར་གོ་མཛོད་མེ་བསྲེགས་བཏང་མཁན་སོགས་སུ་བཤད་ནས་ཆེ་བསྟོད་ནམ་མཁར་མི་གཤོང་བ་བྱེད་པ་མ་ཟད། ཐ་ན་59འོས་ལངས་སྐབས་སུ་རྒྱ་མིའི་དམག་ཁང་ལ་རྒྱབ་རྟེན་བཅོལ་དུས་རྒྱལ་བ་རིན་པོ་ཆེར་ཡི་གེ་ཞིག་སྤྲིངས་པ་དེ་ཡང་གོང་ས་དབུས་པའི་བོད་གཞུང་ལ་གསང་བརྡ་སྐྱེལ་བར་བརྗོད་པ་སོགས་ང་ཕོད་ཀྱིས་གང་བྱས་ཚང་མ་བོད་ལ་ཕན་པ་དང་བོད་ལ་བསམ་པ། བོད་པ་གཅེས་པ་ཁོ་ནར་སྒྲུབ་པ་དེ་ནི་ཅི་འདྲའི་དགོད་ཤོར་དགོས་པ་ཞིག་རེད་ཨང་།
ཉིན་ཤས་གོང་ཨེ་ཤེ་ཡ་རང་དབང་རླུང་འཕྲིན་གྱི་གཏམ་གླེང་ལེ་ཚན་ནང་དུ་ཡང་ཟླ་བ་ཚེ་རིང་དང་གཞན་གཅིག་གིས་དོན་ལ་སྨིན་པའི་དཔྱད་པ་འོས་འཚམ་ཞིག་གནང་བ་དང་ཕུད། ང་ཕོད་ལ་བསྟོད་བསྔགས་ཁོ་ནས་ཁེངས་པ་དང་། སྐུ་མགྲོན་གྱིས་རང་གི་དཔོག་ཚོད་བཞིན་དཔྱད་པ་འཚམ་པོ་ཞིག་བྱས་ནས་དགོས་ངེས་ཀྱི་བསམ་གཞིགས་བྱ་གཞི་དང་དོགས་གཞི་འཇོག་བསམས་རུང་། ལེ་ཚན་གཙོ་སྐྱོང་པས་དོན་ཁ་བསྟོད་པའི་ཕྱོགས་སུ་ཁྲིད་གང་ཐུབ་བྱས་(ང་ཕོད་འཇིགས་མེད་རང་དབང་རླུང་འཕྲིན་གྱི་འགོ་ཁྲིད་ཡིན་པའི་དབང་གིས་སྒེར་གྱི་ངོ་སྲུང་ཆེད་དུ་ཡིན་གྱི་མ་རེད་པཱ)པས་མཐའ་མཇུག་གདེང་འཇོག་དེ་ཆེ་བསྟོད་ཐལ་ཆ་ཆེ་བའི་རྗེས་སུ་རྒྱུགས་པས། སྐུ་མགྲོན་གྱི་ཐོག་མའི་སྐུལ་སློང་དང་གདེང་འཇོག་ཆུ་ཚད་ལེགས་པོ་ཡོད་མོད་ཀྱང་། ལེ་ཚན་འགོ་ནས་མཇུག་བར་བསྟོད་པ་ཁོ་ན་བྱ་རྒྱུ་དམིགས་པ་བྱས་པའི་རྐྱེན་གྱིས་དཔྱད་གླེང་གི་ཆུ་ཚད་དེ་ཡང་རིམ་པ་ཁ་ཤས་མར་ཆག་པས་ཡིད་ཕམ་དགོས་པ་ཞིག་ཆགས་སོང་།
ང་ཕོད་ཀྱི་བྱས་རྗེས་ཇི་ཙམ་ཞིག་ཁས་ལེན་དགོས་པ་ནི་བོད་གཞུང་གི་གསལ་བསྒྲགས་ནང་དུ་ཁ་གསལ་འཁོད་ཡོད་པ་དང་། དེ་ལས་ལྷག་པའི་མཛད་རྗེས་བོད་གཞུང་གིས་མ་མཁྱེན་པ་ཡོད་ན། གསལ་འདེབས་དང་ཡོངས་གྲགས་བྱས་ཆོག རང་དབང་རླུང་འཕྲིན་ལྟ་བུ་དོན་དངོས་སུ་གཞུང་ཕྱོགས་ཀྱི་ལངས་ཕྱོགས་དང་དཔྱད་གདེང་མ་ཡིན་པས་སྐུ་མགྲོན་རང་རང་སོ་སོའི་ལྟ་བ་གཙིགས་ཆེར་འཛིན་གལ་ཆེ་ལ། བོད་མིའི་ཁྲོད་དུ་ཡང་ང་ཕོད་ལ་ལྟ་སྟངས་ཐ་དད་ཕྱོགས་གཉིས་སུ་ལྷུང་བའི་རྣམ་པ་ཞིག་མངོན་སུམ་དུ་གནས་ཡོད་པ་དེ་དོན་དངོས་ཡིན་པས་ཕྱོགས་དེ་གསལ་སྟོན་ཐོག ཅུང་ཟད་གཙོ་འཛིན་གྱི་ལྟ་བས་ཁ་ལོ་སྒྱུར་བ་ཙམ་གྱི་ཆོག་པ་ཡིན། ཡིན་ནའི་དོན་དངོས་གང་ཡིན་མ་ཤེས། རང་དབང་རླུང་འཕྲིན་གྱིས་ཐལ་ཆ་ཆེ་བའི་གདེང་འཇོག་བྱས་པ་དེ་ཡིས་བོད་མི་ཕྱི་ནང་ཀུན་གྱི་ཀླད་པ་རྙོག་ཏུ་འཇུག་འདུག
ང་ཕོད་གང་འདྲ་ཞིག་ཡིན་མིན་ཐད་སྲིད་ཕྱོགས་ཀྱི་མི་སྣ་གལ་ཆེན་དང་སྲིད་དོན་ལ་སྣང་འཇོག་ཆེ་བ་ཚོ་ཕུད་པའི་ཕྱི་བཞུགས་བོད་མི་ཕལ་མོ་ཆེ་ལས་ང་ཕོད་དང་འབྲེལ་འདྲིས་ཆེ་ཕྲ་བྱུང་མྱོང་བའི་བོད་ནང་དང་རྒྱ་ནག་ཏུ་ཞུགས་མཁན་ཚོས་གསུང་བའི་བཀའ་མོལ་ལ་བདེན་ཁ་ཆེ་བ་ཡོད་པ་ནི་བརྗོད་མེད་རེད། ང་རང་བོད་དུ་ཡུན་རིང་བསྡད་མྱོང་ལ། རྒྱ་གཞུང་གི་སྲིད་ཀྱི་འགྱུར་བ་མང་པོ་ཡང་བརྒྱུད་མྱོང་བའི་མི་ཞིག་ཡིན། ཕྱི་བཞུགས་བོད་མི་ཕལ་མོ་ཆེས་རྒྱ་ནག་གཞུང་དེ་49ལོར་བཙུགས་པ་ནས་ད་ལྟ་བར་དུ་ངོ་བོ་གཅིག་ལ་ངོས་འཛིན་གྱིན་ཡོད་མོད། དོན་དངོས་ཐོག་རྒྱ་ནག་གཞུང་དེ་ནི་ངོ་རིས་དང་ངོ་བོ་མང་པོ་བརྗེས་པའི་སྲིད་གཞུང་དཔྱིད་ཀའི་གནམ་ལྟ་བུ་ཞིག་ཡིན་པ་གོ་གཏན་ནས་ཚོས་ཀྱི་མི་འདུག མི་རྣམས་ཀྱིས་རྒྱ་ནག་གི་སྲིད་ཀྱི་ཁོར་ཡུག་འགྱུར་བ་བྱུང་བར་གཏན་ནས་མ་བལྟས་པར་ང་ཕོད་ཀྱི་གཏམ་དེ་ཚོ་ཉན་དུས་ཁོང་རང་དཔའ་ཆེ་མདོག་དང་ལ་རྒྱ་ཆེ་མདོག་ཐ་ན་བོད་མིའི་དོན་དུ་རྩོད་ནུས་མཁན་འཛིང་ཕོད་མཁན་ཞིག་ཏུ་མཐོང་བ་རེད། འོན་ཀྱང་དོན་དངོས་ཐོག་ང་ཕོད་ཀྱི་གཏམ་སྤྱོད་མང་པོ་ཞིག་སྲིད་ཀྱི་རླུང་བུའི་འགྱུར་བ་དང་བསྟུན་ནས་བྱུང་བ་ཞིག་རེད། དེས་ན་ངས་འདིར་རྒྱ་གཞུང་གི་སྲིད་ཇུས་འགྱུར་བ་སྐོར་མདོ་ཙམ་བཤད་པར་འདོད།
དེང་གི་རྒྱ་ནག་དམར་ཤོག་སྲིད་གཞུང་དེ་ནི་1949ལོར་སྐྱེས་པ་དང་། མའོ་ཙེ་ཏུང་གིས་གཙོ་བདག་བྱས་ནས་རྒྱུ་ནོར་མཉམ་བདག་གི་ལྟ་བ་བཟུང་སྟེ་འབྱོར་མེད་གྲལ་རིམ་གྱིས་སྲིད་དབང་འཛིན་པ་རེད། ལོ་རབས་ལྔ་བཅུ་པའི་དུས་དཀྱིལ་ནས་འགོ་ཚུགས་ཏེ་སྲིད་དབང་སྒེར་འཛིན་ཐུབ་ཕྱིར། དམར་ཤོག་ཚོགས་པས་ཁ་སྔོན་རྒྱལ་ཁབ་བཙུགས་པར་རྒྱབ་སྐྱོར་དང་ནུས་པ་ཆེན་པོ་བཏོན་པའི་དམངས་གཙོའི་ཤོག་ཁག་དག་ལ་རྡུང་རྡེག་བཏང་བ་དང་། དམངས་གཙོ་དང་འདྲ་མཉམ་རང་དབང་ལ་དད་མོས་ཆེ་བའི་ཤེས་ལྡན་པའི་དཔུང་ཁག་ལངས་རྒྱུ་མེད་པ་ཞིག་བཟོས་པ་རེད། དེ་རྗེས་དམར་ཤོག་ཚོགས་པའི་ནང་ཁུལ་དུ་དབང་ཆ་འཕྲོག་རྩོད་ཆེན་པོ་ཞིག་བྱུང་བས་མའོ་ཙེ་ཏུང་གིས་རང་གི་རྒྱལ་པོའི་གོ་གནས་མི་ཤོར་བའི་ཆེད་དུ་1966ལོར་རིག་གནས་གསར་བརྗེ་ཆེན་པོ་བསླངས་ནས་ནང་ཁུལ་གྱི་རང་ལ་ངོ་ལོག་འདོད་མཁན་དང་དབང་ཆ་ཆེ་བ་ཚང་མ་གསོད་དགོས་པ་བསད། གནས་དབྱུང་གཏོང་དགོས་པ་གནས་དབྱུང་བཏང་། སྡུག་ཐང་གཅོད་དགོས་པར་སྡུག་པོ་བཏང་བ་རེད། འོན་ཀྱང་མའོ་ཡིས་རྡིབ་འདོད་པའི་ཀྲོའུ་ཨེན་ལེ་སྲིད་ཕྱོགས་ནས་གནས་དབྱུང་བཏང་མ་ཐུབ་པས་མཐར་འཆི་བདག་གི་ཞགས་པ་མའོ་ཡིས་བཟུང་ནས་གཤིན་རྗེའི་དྲུང་དུ་བསྐྱལ་རྗེས་1976ལོར་མའོ་ཡང་རང་གི་ལས་འགན་སྒྲུབ་པ་བཞིན་ཀྲོའུ་ཤི་རྗེས་བློ་ཁ་ཚིམ་པོའི་ངང་ནས་དབང་ཆ་ཧྭ་གོ་ཕེང་ལ་བཞག་ནས་ཀྲོའུ་ཡི་རྗེས་སུ་འབྲངས། མའོ་ཡིས་གཙོ་བདག་བྱས་པའི་རིང་དུ་རྒྱ་ནག་དེ་ནི་སྲིད་དབང་སྒེར་གཅོད་དང་མང་ཚོགས་འཚོ་བ་སྐྱོ་བ། སྲིད་ཇུས་གཡོན་ཐལ་ཆེ་བ། ལས་གང་ཞིག་བྱས་ཀྱང་མགོ་འབུར་བ་ཙམ་གྱིས་ཞྭ་མོ་ཆེ་ཐག་ཆོད་ཅིག་གིས་སྒུག་བསྡད་ཡོད་པའི་དུས་ཤིག་ཡིན། 1978ལོར་ཏེང་གིས་གཙོས་པའི་མའོ་ཡི་མགོ་གནོན་བྱས་པའི་དཔོན་ཧྲག་རྙིང་པ་དག་གིས་བསྐྱར་དུ་དབང་ཆ་ཚུར་འཕྲོག་པ་དང་བསྒྱུར་བཅོས་སྒོ་འབྱེད་ལ་བརྟེན་ནས་སྲིད་ཀྱི་ཁ་ལོ་འཛིན། ལོ་རབས་བརྒྱད་ཅུའི་སྐབས་དེར་ཧུ་ཡོ་པང་གིས་གཙོ་བདག་བྱས་པ་དང་ཁོ་པས་གུང་ཁྲན་ལྟ་བ་གཙང་མ་ཞིག་སྐྱོང་འདོད་པ་དང་དམངས་གཙོ་དང་མི་རིགས་རང་སྐྱོང་སོགས་པ་དོན་དུ་གནས་པ་ཞིག་བྱེད་འདོད་པའི་བསམ་སྤྱོད་མང་པོ་སྤེལ། ཁོ་པས་དབང་ཆ་འཛིན་པའི་རིང་དུ་སྲིད་ཇུས་ལྷུག་ཆ་ཆེ་ཤོས་དང་། དམངས་དང་མི་རིགས་ལ་ཕན་པའི་སྐད་ཆ་བཤད་མཁན་ལ་ཆ་འཇོག་ཆེ་བ། བོད་ཀྱི་གནད་དོན་ལ་ཡང་གྲོས་མོལ་དང་ཐག་གཅོད་བྱེད་པའི་ལྷག་བསམ་ཡོད་ལ་དོན་དུ་བབ་པའི་བྱ་བ་ཡང་མང་པོ་སྒྲུབ་ཡོད། དེ་རྗེས་ཧུ་ཡོ་པང་གི་ལས་ཀ་སྤེལ་ཚུལ་དེར་དཔོན་ཧྲག་རྙིང་པ་ཏེང་ལ་སོགས་པ་མ་འདོད་པར་ཁོ་པ་གནས་དབྱུང་བཏང་ལ་ཀྲོ་ཙེ་དབྱང་གཙོ་བདག་ལ་བསྐོས། སྐབས་དེར་དམར་ཤོག་ཚོགས་པའི་ནང་དུ་དམངས་གཙོའི་ལམ་དུ་འགྲོ་འདོད་པའི་སྟོབས་ཤུགས་ཆེན་པོ་ཞིག་དང་སྔར་གྱི་དབང་ཆ་སྒེར་གཅོད་ལ་བློ་གཏོད་པའི་སྟོབས་ཤུགས་ཆེན་པོ་ཞིག་ཆགས་ནས་ཁྱོད་ཤི་ང་གསོན་གྱི་འགལ་ཟླ་རྣོ་ངར་ཞིག་གྲུབ། མཐའ་མཇུག་89ལོའི་སློབ་མའི་ལས་འགུལ་ཐོག་འགལ་ཟླ་དེ་མངོན་གསལ་ཕྱིར་ཐོན་པ་དང་ངོ་གཏུག་གདོང་ལེན་གྱི་འཐབ་རྩོད་བྱས་མཐར་ཏེང་གིས་གཙོས་པའི་དཔོན་རྙིང་རྒན་གྲས་ཕྱོགས་ཀྱིས་དྲག་དམག་སྤྱད་ནས་དམངས་གཙོའི་སྲོག་ཁ་བཅད། ལོ་རབས་དགུ་བཅུའི་རིང་དང་ཉིས་སྟོང་ལོའི་རིང་དུ་རྒྱ་ནག་སྲིད་གཞུང་སླར་ཡང་གོམ་པ་ཕྱིར་བཤོལ་གྱིས་དཔལ་འབྱོར་འཕེལ་རྒྱལ་གཏོང་བའི་ལས་ཁོ་ནར་ཞུགས་ནས་སྲིད་དབང་སྒེར་གཅོད་ལ་སྲུང་སྐྱོབ་བྱས་ནས་ད་བར་བསྡད་པ་རེད། དེའི་རིང་དུ་རྒྱ་ནག་དམར་ཤོག་ཚོགས་པ་ནི་རང་འཚོ་གནས་དང་སྲིད་དབང་སྒེར་འཛིན་ཐུབ་ཕྱིར། རང་ལ་ཕོག་ཐུག་དང་ཉེན་ཁ་ཕྲན་བུ་བཟོ་མཁན་ཡོད་ཚད་ཐམས་ཅད་འཆམ་ལ་ཕབ་ནས་སྙིང་རྗེ་སྤུ་ཙམ་མེད་པར་སྨྱོ་ཧམ་ཆེན་པོས་རྡུང་རྡེག་དང་རྩ་མེད་བཟོ་བ་རེད། དེ་ནི་རྒྱ་ནག་དམར་ཤོག་དབུས་གཞུང་དེའི་ལོ་རྒྱུས་མདོར་བསྡུས་ཤིག་རེད། དེ་ནས་ལོ་རྒྱུས་ཀྱི་རྒྱབ་ལྗོངས་ལ་དཔགས་ནས་ང་ཕོད་ཀྱི་གཏམ་སྤྱོད་ལ་གདེང་འཇོག་བྱས་ན་ང་ཕོད་ཀྱི་ངོ་རིས་ཅུང་ཁ་གསལ་བ་ཞིག་མཐོང་ཐུབ་པ་རེད། འདིར་གཙོ་དོན་ཁ་ཤས་ཤིག་གླེང་རྒྱུ་ཡིན།
༡༽51ལོར་ཆབ་མདོའི་དམག་ཤོར་བ་དང་དེ་རྗེས་བོད་གཞུང་གི་བཀའ་བློན་ཡིན་པའི་ཐོག་ནས་པེ་ཅིང་དུ་གྲོས་མོལ་བྱེད་པར་ཕྱིན། སྐབས་དེ་དུས་ང་ཕོད་གཙོས་པ་ནི་བོད་གཞུང་གི་སྐུ་ཚབ་ཡིན་པ་དང་པེ་ཅིང་དུ་གྲོས་མོལ་བྱེད་རིང་དུ་བོད་ལ་ཁེ་ཕན་གང་ཆེ་རྩོད་པའི་ལས་བརྩམས་པ་དང་། རྒྱ་ནག་གཞུང་གིས་མགོ་གནོན་དང་ཁ་དང་ཞལ་ཐུག་པའི་ལས་གཏུམ་པོ་རྩོམ་དུས། ཁོང་ཚོས་ཐམ་ག་གསར་པ་བརྒྱབ་པ་དང་མིང་འབྲི་ནོར་བྱས་པའི་མི་འདོད་པ་དང་ཕྱིས་སུ་གྲོས་མཐུན་རྩིས་མེད་གཏོང་བར་རྩོད་གཞི་བཞག་པ་རེད། འོན་ཀྱང་སྐབས་དེ་དུས་ང་ཕོད་ཀྱིས་རྒྱལ་བ་རིན་པོ་ཆེ་རྒྱ་གར་དུ་བཙན་བྱོལ་ཕེབས་ངེས་པ་དང་བོད་དེ་རྒྱ་ནག་གཞུང་གིས་དབང་འོག་ཏུ་ཡོངས་སུ་བཙན་གྱིས་འཇུག་ངེས་པ་སོགས་གཏན་ནས་ཤེས་ཀྱི་མེད་པར། དེ་ལས་ལྡོག་ཏེ་སྐབས་དེའི་ང་ཕོད་ཀྱིས་གྲོས་མཐུན་དེ་བཞག་ཡང་བོད་དེ་རྒྱ་མིས་བཙན་ལེན་བྱས་པ་ཞིག་དང་བོད་དེ་ད་དུང་རྒྱ་ནག་གཞུང་དང་གོ་བབ་འདྲ་བའམ་ཅུང་དམའ་ཡང་སྐད་ཆ་བཤད་ས་དང་ལངས་ས་རྩོད་ས་ཞིག་ཡོད་ལ། རང་རང་ལ་བདག་པའི་སྲིད་གཞུང་ཞིག་ཡོད་པར་སྙམ་བཞིན་ཡོད། དེ་སྔོན་བོད་ཀྱི་ལོ་རྒྱུས་ཐོག་ཏུ་རྒྱ་ནག་གཞུང་གིས་བོད་ཡོངས་སུ་དབང་དུ་བསྡུས་ནས་རྒྱ་ནག་གཞུང་གི་ལས་མིས་སྲིད་དབང་གི་ཁ་ལོ་སྒྱུར་མྱོང་གཏན་ནས་མེད་པས། ཕྱིས་སུ་ལོ་རྒྱུས་ཀྱི་འཕེལ་ཕྱོགས་དེང་གི་འདི་འདྲ་ཞིག་ཡིན་པ་ནི་ང་ཕོད་སྐྱེས་ཕལ་དེས་ག་ལ་བསམ་ཚོད་བྱེད་ཐུབ། དེས་ན་ང་ཕོད་ཀྱི་ཐམ་ག་དངོས་མ་བཏབ་པ་དེས་ཕྱིས་སུ་བོད་དོན་རྩོད་པར་ཕན་པ་དང་གླེང་གཞི་ཞིག་ཡོད་མོད། དེ་ནི་ཁོང་རང་ཆབ་སྲིད་པ་ཞིག་གི་སྤྱང་གྲུང་དང་བློ་རིག་ཡིན་ལ། སྐབས་དེ་དུས་གྲོས་མོལ་ལ་ཕེབས་མཁན་སྐུ་ཚབ་ཚོགས་པ་ཀུན་གྱི་བྱས་པ་ཞིག་ལ་དྲངས་ཆོག་པ་ཡིན།
༢༽59ལོར་ང་ཕོད་རྒྱ་མིའི་དམག་ཁང་ལ་རྒྱབ་རྟེན་བཅོལ་རྗེས་རྒྱལ་བ་རིན་པོ་ཆེར་ཕྱག་ཡིག་ཅིག་སྤྲིངས་ནས་རང་ཉིད་གང་དུ་བསྡད་ཡོད་མེད་དང་ས་ཁྲ་བཅས་པ་གོང་ས་མཆོག་ལ་ཞུས་པ་རེད། སྐབས་དེར་རྒྱ་ནག་གཞུང་གིས་རྒྱལ་བ་རིན་པོ་ཆེ་རྒྱ་ཕྱོགས་འཐེན་ཐུབ་པ་བྱུང་ན་བོད་ཀྱི་མང་ཚོགས་རྒྱ་ཕྱོགས་སུ་འཐེན་ཐུབ་པར་ངོས་འཛིན་པ་དང་། དེ་ནས་རྒྱ་ལ་རྒྱབ་གཏོད་བྱེད་མཁན་བོད་གཞུང་གི་ལས་སྣ་དང་བོད་མི་དག་གཙང་མ་བཟོ་རྩིས་ཡོད། གནས་བབ་དེ་འདྲ་ཞིག་གི་འོག་ཏུ་ང་ཕོད་ཀྱིས་རྒྱལ་བ་རིན་པོ་ཆེ་ལ་ཡི་གེ་དེ་འདྲ་ཞིག་བཏང་བ་ནི་རྒྱ་གཞུང་གི་སྐུལ་སློང་འོག་བཏང་བ་ཡིན་པ་བསམ་པ་ཙམ་གྱིས་ཤེས་ནུས་ཏེ། ང་ཕོད་ཀྱིས་རང་དང་ནང་མིའི་སྲོག་འགོ་རྒྱ་དམག་ལ་བཅོལ་ཡོད་པའི་འཆི་གསོན་གྱི་གནས་བབ་ཛ་དྲག་དེ་འདྲ་ཞིག་གི་འོག་ཏུ། རྒྱ་གཞུང་ལ་རྒྱབ་གཏོད་ཀྱིས་རྒྱལ་བ་རིན་པོ་ཆེ་དང་བོད་གཞུང་ལ་གསང་བརྡ་བཏང་བ་རེད་ཟེར་བ་ནི་ཁུངས་ལུང་མེད་པ་ཞིག་རེད། ང་ཕོད་ཀྱིས་འཕྲིན་འདི་གཏོང་བའི་དམིགས་ཡུལ་ནི་ང་བདེ་འཇགས་ཆེ་ས་འདི་ལ་བསྡད་ཡོད། གོང་ས་མཆོག་ཉེན་གཡོལ་དུ་ཕེབས་འདོད་ན་ང་སྡོད་སར་ཕེབས་ཤོག་ཟེར་བ་དེ་ཡིན། རྒྱ་ནག་གཞུང་གིས་ཐོག་མཐའ་བར་གསུམ་དུ་རྒྱལ་བ་རིན་པོ་ཆེ་རྒྱ་ཕྱོགས་སུ་འཐེན་གང་ཐུབ་བྱེད་བཞིན་ཡོད་ལ། ཐ་ན་མཐའ་མའི་གདོང་གཏུག་མ་བྱས་གོང་དུ་ཡང་ང་ཕོད་བརྒྱུད་ནས་རང་གི་ཧམ་སེམས་དེ་འགྲུབ་ཐབས་བྱས་པ་ཞིག་རེད།
༣༽ལོ་རབས་དྲུག་ཅུའི་ནང་དུ་པན་ཆེན་མཆོག་གིས་བོད་མིར་སྡུག་པོ་འདི་འདྲ་ཐུག་པ་དང་བོད་མིའི་ཁེ་དབང་ཐམས་ཅད་ཤོར་བ་མཐོང་དུས་རང་གི་བདེ་སྡུག་ལ་མ་བསམས་པར་ཡིག་འབྲུ་ཁྲི་བདུན་བྲིས་ནས་ཡིག་ཐོག་ནས་རྒྱ་ནག་དབུས་གཞུང་ལ་རྩོད་པ་གནང་བ་རེད། སྐབས་དེར་ང་ཕོད་ཀྱིས་པན་ཆེན་ལ་གོ་བསྐོན་བསླབ་བྱ་བྱས་པ་ལས་བོད་དོན་ལ་རྒྱབ་སྐྱོར་ཙམ་ཡང་བྱས་མེད། ང་ཕོད་ནི་རང་གི་སྲོག་འགོ་ཐོན་ན་ཆ་ལུགས་ཉེས་ཀྱང་ཉེས་པའི་བསམ་བློ་དེ་རང་སེམས་ལ་ངེས་ཡོད། པན་ཆེན་མཆོག་འདི་ལྟར་མི་རིགས་རིང་ལུགས་ཀྱི་བསམ་པ་ཆེ་དྲག་པས་བཙོན་ལ་ལྷུང་། འབའ་པ་ཕུན་དབང་ཡང་ཚོགས་ཆེན་ཐོག་མི་རིགས་རིང་ལུགས་ཀྱི་སྐད་ཆ་བཤད་འདུག་ཟེར་བའི་ཉེས་པ་ཕོག་ནས་བཙོན་དུ་འཕེན། འབའ་པ་ཕུན་དབང་གི་ལོ་རྒྱུས་ནང་དུ་ཁོང་རང་ལ་མ་ཉེས་ཁ་གཡོགས་བྱ་བྱེད་ཀྱི་ཚོགས་ཆེན་དེའི་ནང་ང་ཕོད་ཀྱང་ཡོད་པ་གསུངས་ཡོད། དེ་ལས་ང་ཕོད་ཀྱིས་འབའ་པ་ཕུན་དབང་ལ་དཀར་འདོན་བྱེད་རོགས་བྱས་མེད་པ་དང་ཐ་ན་དྲང་པོའི་གཏམ་ཞིག་ཀྱང་བཤད་ཕོད་མེད་པ་རེད། དེ་ལས་ང་ཕོད་ཀྱིས་རྒྱ་ནག་དབུས་གཞུང་གི་ངོ་ལ་བལྟས་ནས་རང་མགོ་གང་ཐོན་གྱི་ལས་ཀའི་ཚུགས་ཀ་འཛིན་པ་གསལ་པོ་རེད།
༤༽ རིག་གནས་གསར་བརྗེའི་རིང་དུ་བོད་ཀྱི་དབང་གྲགས་ཆེ་བའི་མི་དྲག་ཚང་མར་རྡུང་རྡེག་དང་སྡུག་གཅོད་ཕོག་པའི་རིང་དུ་ང་ཕོད་གཅིག་པུ་གོད་ཆག་དེ་ལས་ཐར་བ་རེད། བཤད་ཡམས་ལ་ང་ཕོད་ནི་ཀྲོ་ཨེན་ལེས་སྐྱོབ་སོང་བར་གྲགས། དེ་འདྲ་ཡིན་ན་ཀྲོ་ཡིས་ང་ཕོད་གཅིག་པུ་སྐྱོབ་པ་ལས་བོད་ཀྱི་མི་དྲག་གཞན་པ་ཚོ་མི་སྐྱོབ་དོན་གང་ཡིན་ནམ། བོད་ནང་དུ་ཡོད་པའི་སྲིད་ཕྱོགས་ཀྱི་ལོ་རྒྱུས་མི་སྣ་ཆེ་བ་གསུམ་ལས་ཁོང་གཅིག་པུ་སྐྱོན་གང་ཡང་མེད་པར་བདེ་བར་གནས་ཐུབ་དོན་གང་ཡིན་ནམ།
༥༽ ལོ་རབས་བདུན་ཅུའི་རྗེས་ནས་བརྒྱད་ཅུའི་རིང་དུ་པན་ཆེན་དང་ཕུན་དབང་སོགས་པ་དཀར་འདོན་བྱས་པ་དང་གཅིག བཙན་བྱོལ

གོང་ཏུ་རྒྱ་ཁྱི་ནག་པོ་ང་ཕོད་ལ་རྒྱབ་སྐྱོར་བྱས་མཁན་མི་ངན་དབུས་ཕྲུག་བདེ་བ་ཅན་ཟེར་བ་དེས་སྐུ་འོས་བོད་མི་མང་སྤྱི་འཐུས་དགའ་ཤར་སོག་པོ་ཚུལ་ཁྲིམས་འོད་ཟེར་ལ་སྐྱོན་བརྗོད་ཁ་རྡུང་དང་རྒྱལ་ཚོང་ང་ཕོད་ལ་བསྟོད་བསྔགས་བྱས་དགོས་དོན་གང་ཡིནཟེར་ན། ཅིག་ནི་དྲ་གྲོགས་ཅོ་རི་ཉི་མས་བཤད་པ་བཞིན་རྒྱ་མགོ་མཐོ་དུས་རྒྱ་དང་བོད་མགོ་མཐོ་དུས་བོད་ལ་དགའ་བའི་མི་ངན་བདེ་བ་ཅན་ཟེར་བ་འདིའི་ང་ཕོད་ལ་དྲན་ལེན་བཇལ་རྒྱུ་སྡོད་ཡོད་པ་འདྲ། མ་གཞི་ང་ཕོད་ཟེར་བ་དེ་བོད་རིགས་ཙམ་ཡིན་པའི་རྒྱུ་མཚན་བཟུང་ནས་དྲ་གྲོགས་རྣམས་པ་ཚོས་ཕྱོགས་རེས་མེད་པར་དྲང་བདེན་བྱས་རྒྱུ་གལ་ཆེན་པོ་རེད་སྙམ། ངས་འདི་ན་ལྟས་ན་དྲ་གྲོགས་ཚང་མས་སོ་སོའི་ཆོལ་ཁའི་ཞེན་ཡོད་པ་འདྲ་པོ་འདུག། བདེ་བ་ཅན་ཟེར་མཁན་དེ་སུ་རེད། དྲ་གྲོགས་སུའི་ཤེས་

ཨ་ལ་ལ་ བོད་མི་སྐད་གྲགས་ཅན། ང་ཕོད་ངག་དབང་འཇིགས་མེད། འཕགས་པ་ལྷ་དགེ་ལེགས་རྣམ་རྒྱལ། རག་སྡེས་སོགས་དབུས་ཕྱོགས་ཀྱི་མི་བྱས་རྗེས་ཅན་ཚོའི་ཆེད་དུ་བོད་མི་ཡུར་གྱར་བ་ཚོས་སེམས་ཁྲལ་བྱེད་བཞིན་པ་ལ་ཐུགས་རྗེ་ཆེ་ཞུ།

དགྲ་ལ་གུས་ཞབས་ཆེ་བའི་ང་ཕོད་པ།།
གཉེན་སར་མགོ་འཕང་མཐོ་བའི་ང་ཕོད་པ།།
བདེན་དོན་ཕ་རྒན་གསོད་པའི་ང་ཕོད་པ།།
མ་ཡུམ་གངས་ལྗོངས་ཚོང་ཆེན་ང་ཕོད་པ།།

རང་ཡུལ་དགྲ་ལ་བསྐྱལ་བའི་ང་ཕོད་པ།།
གཞན་ཡུལ་སྐྱིད་ཉལ་བྱེད་པའི་ང་ཕོད་པ།།
བསྟན་སྲིད་ལག་དམར་བདུད་སྤྲུལ་ང་ཕོད་པ།།
ངན་པ་དགུ་འཛོམས་ཚང་བའི་ང་ཕོད་པ།།

རིན་འབྱུང་བཀྲ་ཤིས་དོན་གྲུབ་ཀྱིས་འདི་ལྟར་བསམ་འཆར་བསྡུ་ལེན་བྱས་པ་བཟང་གི་ཐུགས་རྗེ་ཆེ་ཞུ།

མི་མཁས་མཁས་པར་རྫུ་བའི་བདེ་བ་ཅན།།
མི་བདེན་བདེན་རྗུན་གོ་ལྡོག་བདེ་བ་ཅན།།
མི་ཤེས་ཤེས་མདོག་བྱེད་པའི་བདེ་བ་ཅན།།
མི་སྨྱོན་སྨྱོན་པའི་ངང་ཚུལ་བདེ་བ་ཅན།།

ང་ཕོད་ཕོད་པ་ཆུང་བའི་རྒྱལ་ཚོང་འདིས།།
བོད་དོན་དོན་གཉེར་མེད་པའི་ལོ་རྒྱུས་སོགས།།
སྡར་མ་མ་རབས་ཡིན་པ་ཡོངས་གྲགས་ཀྱི།།
ལོ་རྒྱུས་རྒྱུས་ཡོད་གཟུར་གནས་རྒྱས་ཀྱང་བཤད།།
ས་དབང་ཆེན་མོས་མགོ་བཏགས་ཞུས་རབས་མང།།
ས་དབང་ཆེན་མོས་གོ་མཛོད་བསྲེགས་རབས་མང་།།
ས་དབང་ཆེན་མོས་རང་ཡུལ་སྤྲད་རབས་མང།།
ས་དབང་ཆེན་མོས་ཞབས་འདྲེན་ཞུས་རབས་མང།།

མི་ངན་མིང་ཆེ་འབོད་མཁན་ངོ་ཚ་ཞེས།།
གངས་ཅན་བོད་ཀྱི་གཏམ་དཔེར་ཡོངས་གྲགས་ལྟར།།
ད་ནས་རྒྱལ་ཚོང་ང་ཕོད་སྡར་མ་ཞེས།།
འདོགས་པ་ལས་གཞན་ས་དབང་ཅིའི་ཕྱིར་འདོགས།།

ང་ཕོད་ངག་དབང་འཇིགས་མེད་ཀྱི་ད་ཡོད་ལོ་རྒྱུས་དང་སྐད་ཆ་དག་གི་ནང་ན། བོད་ལ་ཕན་བཏགས་པ་ཞིག་ཧ་ལམ་མཇལ་དུ་མེད། དཔེར་ན། བཙན་བྱོལ་ནང་འདིར། ཁོང་ལ་ཡང་ནས་ཡང་དུ་ཐུག་འཕྲད་ཀྱི་རྒྱུས་མྱོང་ཅན། ཨ་ཀྱཱ་རིན་པོ་ཆེས་ཕྱོགས་བསྡོམས་ལྟ་བུས་གསུངས་པ་ལྟར་རེད། བོད་པ་ཚོ་ཡིད་ཐང་ཆད་པས་མ་ཚད། རྒྱ་མི་ཚོའང་ཡིད་ཐང་ཆད་པ་ཞིག་བྱུང་འདུག བོད་ཞེན་རྒྱ་ཞེན་གང་ཞིག་ཆེ་བ་ཡོད་མེད་ཀྱི་གཏིང་ཐག་ནི་ ད་ལྟ་ཕན་ལ་གང་དུ་གཏིང་ཐག་ཆོད་ཡོད་པ་དེ་ག་རང་ལས་འདའ་གཞི་ཞིག་ཧ་ལམ་མེད་པར་འདོད།

རྒྱ་མགོ་བོད་མགོ་གཉིས་ཀ་ཐོན་པའི་དྲ་གྲོགས་བདེ་བ་ཅན་ལགས།
ཁྱེད་ཀྱིས་རྟག་ཏུ་སྤྱི་འཐུས་ཚུལ་ཁྲིམས་འོད་ཟེར་གྲྭ་པ་ཉམ་ཆུང་ཞིག་ལ་སྡུག་རྭ་དང་ཁ་རྡུང་གཏོང་བ་དེར་ཅི་མཚར་ཁུ། དེ་ལས་དགྲ་གཉེན་ངོ་ཤེས་པའི་ཐོག་ནས་བསམ་ཚུལ་རེ་དང་ལུང་རིག་ཁུར་ནས་ཡོང་ན་དགའ་ལེ་རེད།
ཁྱེད་ཀྱིས་ཨུ་ཚུགས་ཅི་ཙམ་བྱས་ཀྱང་ང་ཕོད་བོད་ཀྱི་དཔའ་བོ་སྒྲུབ་མི་ཐུབ་ཁུ་དེ་ལས་ཁྱེད་རང་བོད་མི་རིགས་མཉམ་དུ་སྡོད་ནས་སྐྱིད་སྡུག་མཉམ་མྱོང་བྱ་ཐུབ་ན་དགའ་ལེ་རེད།

སྐུ་འབུམ་དགོན་པའི་མཁན་པོ་ཨཀྱཱ་རིན་པོ་ཆེའི་མཚན་དེ་ཚོ་དེ་སྔ་དེ་ཙམ་གྲགས་ཆེ་བ་གོ་མྱོང་མེད། ཡིན་ནའང་གང་ཉིད་ཨ་རི་ཡུལ་དུ་སྐྱབས་བཅོལ་དུ་ཞུགས་རྗེས་རིམ་པས་གང་ཉིད་ཀྱི་བོད་ནང་རྒྱ་ནག་གཞུང་ནས་སྤྲད་པའི་ཐོབ་དགའ་ས་ཆེན་པོ་དེ་ལྟ་བུ་བློས་གཏོང་གནང་སྟེ་ཨ་རི་ཡུལ་དུ་སྐྱབས་བཅོལ་ཞུས་པ་སོགས་མཛད་འཕྲིན་ཁག་ཅིག་ལན་མང་པོར་གོ་མྱོང་ཡོད། དེ་བས་ཀྱང་ཁྱེད་ལ་ཨ་རིའི་རླུང་འཕྲིན་ཁག་སོགས་ནས་བཅར་འདྲི་ཞུ་སྐབས་ལན་འདེབས་གནང་སྟངས་སོགས་ལ་དངོས་གནས་ཡིད་སྨོན་ཞུ་མྱོང་ཡོད། འོན་ཏེ་ད་ལྟ་ཁྱེད་ཀྱང་དེ་ཙམ་དྲང་པོ་གནང་འདོད་མེད་པའམ་ཕྱོགས་གཅིག་ལ་གཞོལ་བའི་རྣམ་པ་འདི་མཇལ་དུས་དངོས་གནས་སེམས་གཏིང་ནས་སྐྱོ་སྣང་ཞིག་ཀྱང་སྐྱེས་བྱུང༌། ཁྱེད་ཉིད་ཀྱང་རཔཎ་ཆེན་སྐུ་ཕྲེང་བཅུ་པའི་ཡང་སྲིད་ངོས་འཛིན་ཞུ་ཕྱོགས་ཐད་གཏམ་བཤད་བྱས་པའི་གནས་ཚུལ་ཡིག་ཐོག་ཏུ་ད་ལྟའང་མཐོང་རྒྱུ་ཡོད་པ་དེ་འདྲ་ཡོད་པ་གོ་མྱོང་ཡོད། ཆ་ཚང་ཁྱེད་ནས་གསུང་ཡོད་མེད་མི་ཤེས་ཀྱང་དེ་ཚོའི་ནང་ལའང་ཐེངས་གཅིག་གཟིགས་དགོས་ཀྱི་འདུག ང་ཕོད་ས་དབང་དམ་པའི་སྐྱོན་གནད་མང་པོ་ཞིག་གོ་བྱུང་ཟེར་བ་དང༌། རྒྱ་རིགས་ཚོས་ཀྱང་དེ་འདྲ་བཤད་ཀྱི་འདུག་ཅེས་སོགས་མིང་མེད་དོན་རྩ་སྒྲོགས་ཏེ་ཤི་པོ་ཞིག་ལ་རྡུང་རྡེག་གཏོང་ཐབས་བྱེད་པ་ནི་ཡག་པོ་ཞིག་རྩ་བ་ནས་མཐོང་མ་སོང་། ལྷག་པར་དུ་སེམས་པ་སྐྱོ་ཤོས་ཤིག་སྟེ་ཁྱེད་ནས་པཎ་ཆེན་རིན་པོ་ཆེ་མཆོག་ནས་ང་ཕོད་ས་དབང་དམ་པ་རོགས་སྐྱོར་དུ་བསྟེན་པ་ཙམ་ལས་ང་ཕོད་ནས་ནུས་པ་རྩ་བ་ནས་མ་བཏོན་པར་ཡོད་ཚད་ཀུན་གཟིགས་པཎ་ཆེན་རིན་པོ་ཆེ་མཆོག་གིས་གནང་བ་ལྟ་བུའི་བཀའ་སློབ་ཐལ་ཆ་ཆེ་དྲག་པ་གསུངས་ཀྱི་ཨེ་ཡོད་བསམ་བྱུང་ཡང་དེ་རིང་ཡིག་ཐོག་ནས་མཇལ་དུས་དངོས་གནས་སེམས་པ་སྐྱོ་བྱུང༌། ང་ཕོད་ས་དབང་དམ་པས་སྐད་ཆ་བཤད་པའི་བརྙན་འཕྲིན་མཐོང་མྱོང་ལ། སྒྲ་འཛིན་གོ་མྱོང་ཞིང༌། ཡིག་ཐོག་ཏུའང་འགའ་རེ་མཐོང་མྱོང་ཡོད། ཁོང་ནི་མི་རྦད་དེ་བསམ་མེད་དེ་འདྲ་ཞིག་ཡིན་པར་ད་དུང་ཡིད་ཆེས་སླེབས་ཀྱི་མི་འདུག དུས་ཀྱི་སྙིགས་མའི་སྐབས་སུ་བླ་མ་སྐྱེ་ཆེན་རྣམ་པ་ཚོས་ཀྱང་ཕྱོགས་ཞེན་བཀའ་སློབ་ཀྱི་རྡོག་རྩ་བསྒྲིལ་ཏེ་ཤི་པོ་ཞིག་ལ་འདི་ལྟའི་རྡུང་རྡེག་གཏོང་དགོས་པ་དེ་གང་རེད་དམ། གང་ཉིད་ང་ཕོད་དངོས་སུ་མཇལ་མྱོང་ཡོད་པ་ཙམ་དུ་མ་ཟད། རྒྱ་མི་དམར་པོའི་ལག་འོག་ཏུ་ལས་འགན་འཁུར་ཏེ་གདོང་གཏུགས་བྱ་དགོས་སྐབས་དཀའ་ངལ་ཁྱད་གསོད་མ་ཐུབ་པར་ཉེན་གཡོལ་ཕེབས་དགོས་བྱུང་བའི་སྐྱོ་སེམས་དེ་ཚོ་ཐུགས་ལ་ཡང་ཡང་དྲན་པ་གནང་སྟེ་བོད་གཞུང་གི་དེ་སྔའི་རིམ་པ་མཐོ་ཤོས་ཀྱི་བཀའ་ཟུར་ཞིག་དང༌། མི་རབས་རིམ་བྱུང་བོད་གཞུང་གི་ཞབས་སྣེར་གཏོགས་པའི་ཁྱིམ་རྒྱུད་ཀྱི་མི་སྣ་གལ་ཆེ་ཞིག་ལ་ད་ལྟ་ཤི་མ་ཐག་དེ་ལྟའི་སྡང་ཟུང་གཏོང་དགོས་པ་དེ་སུའི་གོམས་གཤིས་སུ་གྲུབ་པ་རེད་དམ། ང་ཕོད་ས་དབང་དམ་པ་སྐུ་འཚོ་ཞུགས་སྐབས་ཁྱེད་ཉིད་རང་དབང་ལུང་པར་ཕེབས་ཚར་རྗེས་དོན་གནད་དེ་ཚོ་གསལ་པོ་བཟོས་ཏེ་མ་གསུངས་པར་ད་ལྟ་གྲོངས་ཚར་རྗེས་སྡེབས་གཅིག་ཏུ་ཁོང་གི་གཉའ་སྟེང་དུ་གཡུག་པ་དེ་ཆོས་དང་འཇིག་རྟེན་གཉིས་ཀའི་ལས་འབྲས་ཀྱི་རྣམ་གཞག་དང་ཡང་མཐུན་གྱི་ཡོད་པ་རེད་དམ། བླ་མ་རིན་པོ་ཆེ། ཤེས་དམན་བདག་དང་བདག་འདྲ་བའི་ཉམས་ཆུང་ཚོར། ཡར་འདྲེན་གྱི་ལམ་སྣེ་དང་། སྙིང་རྗེའི་བྱང་སེམས་གོམས་པའི་བསྐལ་བ་མི་གནང་ཡང་། དྲང་པོས་གཞུང་བསྲངས་པ་དང༌། འཁྱོག་པོ་ཡོ་བསྲངས་ཀྱིས་ཤི་པོའི་བེམ་རོའི་སྟེང་། དགའ་མཆོངས་ཀྱིས་རྡོག་བརྫིས་བསྣོན་པའི་ལམ་སྲོལ་ངན་པའི་རིགས་ལ། མཐུ་དང་ནུས་པས་བཀག་པར་མཛོད་པར་ཞུ༎ བླ་མ་མཁྱཻན༎

ད་ཡིན་ན་ང་ཕོད་ལགས་ཀྱིས་སྐུ་ཚེའི་ལོ་རྒྱུས་ཇི་གསལ་རེ་འགྲོ་གིན་འདུག ཚང་མས་འདི་ཡིན་དེ་མིན་གྱིས་བརྩོད་པའི་མཚམས་ཀྱང་འདི་ནས་ཕྱེ་སོང་ཨ་།
དངོས་གནས་ཨ་ཀྱྰ་རིན་པོ་ཆེ་དང་དོན་བཀྲ་གཉིས་ལ་བཀའ་དྲིན་ཆེ་ཞུ་འོས།

བཀུར་འོས་དྲ་གྲོགས་བྱམས་རྒྱལ་ལགས།
ཇི་སྐད་དུ། མཁས་དབང་དགེ་ཆོས་ཀྱིས།

བླུན་པོ་རང་གི་རྗེས་སུ་མི་འབྲང་ཡང། །
རང་ཉིད་བླུན་པོའི་རྗེས་སུ་མི་འབྲང་བ།།
འདི་ནི་མཁས་པའི་དམ་ཚིག་དང་པོ་དེ།།
སྲོག་ལ་བབས་ཀྱང་འབད་པས་སྲུང་བར་གྱིས།།

ཞེས་གསུངས་པའི་གཤིས་ཀ་ཞིག་ཁྱེད་ལ་འཇགས་འདུག་སྙམ་པས་རྗེས་སུ་ཡི་རང་ཡོད། དེ་འདྲ་ཞིག་དགོས་ངེས་ཡིན།

རྒྱ་རིགས་ལས་བྱེད་ཀྱིས་ཀྱང་ ང་ཕོད་འདིས་ཁྱེད་ཚོར་རོགས་རམ་བྱེད་ཀྱི་མི་འདུག་ཟེར་ དེ་ངོ་མ་རེད་། པན་ཆེན་རིན་པོ་ཆེས་ང་ཕོད་འདི་དང་མཉམ་ལས་བྱེད་འདོད་ཤུགས་ཆེར་བྱུང་འདུག་ཀྱང་མི་ངན་འདིས་གཡོལ་གང་ཐུབ་བྱས་འདུག་།
རིན་པོ་ཆེ་དང་ དོན་བཀྲ་གཉིས་ལ་ཐུགས་རྗེ་ཆེ་ཞུའོ།

བཀླགས་ཟིན། དུས་བབ་ཚང་གིས་ང་ཕོད་འདས་པོ་རང་མི་རིགས་ཐོག་ཞེན་པ་དཀར་མིན་བསམ་འཆར་ཞིག་བསྡུས་ན་གང་འདྲ་འདུག།