ངྷ་སར་གནས་བཞུགས་ཡོན་བྷེ་ལགས་ཀྱིས་དེ་རིང་སྔ་དྲོ་འདི་གའི་གསར་འགོད་པར་གནས་ཚུལ་མཁོ་སྤྲོད་བྱས་པ་ལྟར་ན། ཉེ་ཆར་ཕྱི་ཟླ་ ༡༢ ཚེས་ ༥ ཉིན་ཨ་མདོ་རྔ་བ་སྒོ་མང་དགོན་པའི་བླ་མ་ཁྱ་དགེ་སྤྲུལ་སྐུ་རིན་པོ་ཆེ་མཆོག་རྒྱ་གཞུང་གིས་འཛིན་བཟུང་བཙན་ཁྲིད་བྱས་ཡོད་འདུག་ཀྱང་། སྐབས་དེར་ས་གནས་མང་ཚོགས་ཀྱིས་འབྲེལ་ཡོད་ལས་ཁུངས་ཁག་ལ་འབྲེལ་བ་བྱས་མཐར་རྒྱ་སྒོར་བརྒྱད་ཁྲི་ ༨༠༠༠༠ སྤྲད་ཏེ། ཟླ་ ༡༢ ཚེས་ ༣༡ ཉིན་བཙོན་ནས་འདོན་ཐུབ་ཙམ་བྱུང་ཡོད་འདུག
བླ་མ་ཁྱ་དགེ་རིན་པོ་ཆེ་མཆོག་བཙོན་གྲོལ་ཐོབ་རྗེས་ས་གནས་མང་ཚོགས་ལ་མཇལ་ཁ་ཞིག་བཏང་ཡོད་འདུག་ལ། སྐབས་དེར་རིན་པོ་ཆེ་མཆོག་གི་ཁྲི་སྟེང་དུ་༧གོང་ས་སྐྱབས་མགོན་ཆེན་པོ་མཆོག་གི་སྐུ་པར་མཐོང་གྲོལ་ཆེན་མོ་ཞིག་ཞལ་ཕྱེས་ཡོད་སྟབས། མང་ཚོགས་རྣམས་ལ་སྔར་ལས་ལྷག་པའི་དད་འདུན་དང་སེམས་ཤུགས་ཆེན་པོ་འཕར་ཞིང་། རིན་པོ་ཆེ་མཆོག་གི་ཞུམ་པ་མེད་པའི་མཛད་སྤྱོད་ལ་ཡིད་འགུལ་ཟབ་མོ་ཐེབས་ཡོད་འདུག
ཁྱ་དགེ་སྐུ་ཕྲེང་བཅུ་བཞི་བ་འཇམ་དབྱངས་ཆོས་གྲགས་ཁོང་ད་ལྟ་དགུང་གྲངས་ ༣༧ ཡིན་ཞིང་། ཐེངས་འདིར་རྒྱ་གཞུང་གིས་འཛིན་བཟུང་བྱས་དོན་ནི། རིན་པོ་ཆེ་མཆོག་སྔོན་མ་རྒྱ་གར་དུ་ཕེབས་ཏེ་༧གོང་ས་མཆོག་ལ་མཇལ་ཁ་ཞུས་ཡོད་པ་དང་། སྔར་ལོ་རྔ་བ་ས་ཁུལ་གྱི་ཞི་རྒོལ་སྐབས་མི་མང་ལ་སྣེ་ཁྲིད་བྱེད་མཁན་ཡིན་པ་སོགས་ཀྱི་ཉེས་འཛུགས་བྱས་ཡོད་འདུག ཆོས་འབྱུང་ལོ་རྒྱུས་ལྟར་ན་ཁྱ་དགེ་རིན་པོ་ཆེ་མཆོག་ནི། རྔ་བ་སྒོ་མང་དགོན་པའི་དགོན་བདག་ཡིན་འདུག
ངས་སེམས་ཆུང་དྲག་མེད་ན་རྒྱ་མི་ལ་སྒོར་༨༠༠༠༠སྤྲད་ནས་རིན་པོ་ཆེ་སློད་གྲོལ་ཐོད་ཡོད་སྐོར་གསར་འགྱུར་རྒྱུད་ལམ་དུ་མང་པོ་བཤད་པ་ཡིན་ན་ཁོང་བསྐྱར་དུ་འཇུ་བའི་ཉེན་ཁ་མེད་ནམ་།།ནོར་ཡོད་ན་དགོང་འགལ་མེད་པ་ཞུ།།།
གསལ་བཤད་ཞུ་རྒྱུ་ཞིག་ལ། གོང་གི་གསར་འགྱུར་ནང་གི་མི་སྣ་ད་ལྟ་བོད་ནང་བཞུགས་བཞིན་དུ་པར་དང་གསར་འགྱུར་ཁ་གསལ་འགོད་རྒྱུ་དེ་འདི་གའི་གསར་ཁང་གིས་ཁོང་གི་བདེ་འཇགས་ལ་འགན་མ་འཁུར་བ་མིན་ལ། གསར་འགྱུར་མཁོ་སྤྲོད་པ་ཡོན་བྷེ་ལགས་ཀྱིས་རང་འདོད་ལྟར་གནང་བ་ཞིག་ཀྱང་མ་རེད། འདི་ནི་ཁྱ་དགེ་རིན་པོ་ཆེ་མཆོག་གི་རེ་འདུན་བསྐུར་བ་ལྟར་བཀོད་པ་ཞིག་ཡིན།
བླ་མ་ཁྱ་དགེ་རིན་པོ་ཆེ་མཆོག་བཙོན་ནས་བླངས་པ་ལ་ཡི་རངས་ཞུ་རྒྱུ་དང་ངྷ་སར་གནས་བཞུགས་ཡོན་བྷེ་ལགས་ཀྱིས་གནས་འདི་ཚུལ་འདིར་མཁོ་སྤྲོད་བྱས་པའི་སྙིང་སྟོབས་དང་རེ་འདོན་ལ་དགའ་བསུ་ཡིད་རངས་ཡོད།
རིན་པོ་ཆེ་ཁོང་བཙོན་ནས་བླངས་པ་ལ་ཡི་རངས་ཞུ