སྤྲིན་པའི་རྒྱབ་ཀྱི་ཉི་མ། བོད་མིའི་རང་དབང་འཐབ་རྩོད་ཅེས་པའི་བོད་པའི་གློག་བརྙན་གྱི་དབང་གིས་རྒྱ་ནག་གི་གློག་བརྙན་གཉིས་རྒྱལ་སྤྱིའི་གློག་བརྙན་དུས་སྟོན་ཞིག་གི་སྟེང་ནས་ཕྱིར་འཐེན་བྱས་འདུག
བསྟན་འཛིན་བསོད་ནམས་དང་རི་ཊུ་ ས་རིན་ལགས་གཉིས་ཀྱི་གློག་བརྙན་༼སྤྲིན་པའི་རྒྱབ་ཀྱི་ཉི་མ། བོད་མིའི་རང་དབང་འཐབ་རྩོད་༽ ཅེས་པ་འདི་ལ་བརྟེན་ནས་རྒྱ་ནག་གི་ཤི་གསོན་གྱི་གྲོང་ཁྱེར་ཅེས་པ་དང་མགྱོགས་པོ་དལ་མོ་ཞེས་པའི་གློག་བརྙན་གཉིས་ཕ་ལམ་དཔྱིད་དུས་རྒྱལ་སྤྱིའི་གློག་བརྙན་དུས་སྟོན་ཐོག་ནས་ཕྱིར་འཐེན་བྱས་ཡོད་པ་རེད།
བསྟན་འཛིན་བསོད་ནམས་དང་རི་ཊུ་ས་རན་གཉིས་ཀྱི་དངོས་བྱུང་གློག་བརྙན་༼སྤྲིན་པའི་རྒྱབ་ཀྱི་ཉི་མ། བོད་མིའི་རང་དབང་འཐབ་རྩོད་༽ ཅེས་པ་འདི་ནི་ལོ་གཅིག་གི་རིང་༧གོང་ས་མཆོག་གི་སྐུ་རྗེས་སུ་འབྲངས་ཏེ་བཟོས་པ་དང་། དེའི་ནང་དུ་ ༢༠༠༨ ལོའི་ཞི་རྒོལ་ཆེན་མོ་དང་། རྒྱ་གར་ནང་གི་ཞི་བའི་གོམ་བགྲོད། པེ་ཅིན་གྱི་ཨོ་རྩེད་འགྲན་ཚོགས་དང་། བོད་རྒྱའི་འབྲེལ་མོལ་མཚམས་ཆད་པའི་གནས་སྟངས་སོགས་བཀོད་ཡོད་འདུག
ཤི་གསོན་གྱི་གྲོང་ཁྱེར་ཅེས་པའི་གློག་བརྙན་དེའི་མིང་ལ། ནན་ཅིན། ནན་ཅིན་ཞེས་ཀྱང་འབོད་ལ། དེ་ནི་ ༡༩༣༧ ལོར་ཉི་ཧོང་གིས་རྒྱ་ནག་ལ་བཙན་འཛུལལ་བྱས་པའི་སྐོར་ཡིན་འདུག གློག་བརྙན་དེའི་མགྲིན་ཚབ་པ་ཞིག་གིས་བརྗོད་དོན། གློག་བརྙན་འདི་ནི་ཕ་ལམ་དཔྱིད་དུས་རྒྱལ་སྤྱིའི་དུས་སྟོན་ནས་ཕྱིར་འཐེན་བྱེད་དོན་ནི། རྒྱ་ནག་གི་ཕྱི་སྲིད་ལྷང་ཁང་གི་བཀའ་རྒྱ་བསླེབས་པས་ཡིན་ཚུལ་བཤད་འདུག
སྤྲིན་པའི་རྒྱབ་ཀྱི་ཉི་མ། བོད་མིའི་རང་དབང་འཐབ་རྩོད་ཅེས་པའི་གློག་བརྙན་གྱི་ཚན་པ་ཞིག་ལ་འདི་ནས་གཟིགས་རོགས།
གློག་བསྙན་འདི་ལ་བལྟ་འདོད་ཤིན་དུ་ཆེ།
རེ་སྒུག་བྱས་ནས་ཡོད།
ལུང་རིགས་ལགས་ཀྱིས་ལན་གནང་བར་ཐུགས་རྗེ་ཞུ།
རེད་ཡ། ང་ལ་མཚོན་ན་རྗེས་ཕྱོགས་རང་གི་བྱིས་པར་གློག་བརྙན་དེ་འདྲ་སྟོན་རྒྱུ་སེམས་ལ་དྲན་མྱོང་མེད་ཀྱང་། ངོ་ཤེས་མགོ་སེར་འགའ་རེར་རང་གི་རྩིས་འཁོར་ནང་ནས་སྟོན་གྱིན་ཡོད་ལ། ཁོང་ཚོས་དགའ་མོས་བྱེད་པར་མ་ཟད། ཁྱོད་རང་མོ་ཁྲག་ཚ་ཅན་ཞིག་རེད་ཅེས་བསྟོད་བསྔགས་ཀྱང་བྱེད་ཀི་ དེ་བས་དོན་འདི་འདྲ་རྒྱུན་དུ་བྱེད་ཀིན་ཡོད།
གཅིག་བལྟ་རྒྱུ་བྱུང་ན་ཅི་མ་རུང།
ཆ་ཚང་ལ་ཅིག་བལྟ་རྒྱུ་བྱུང་ན་ཨང་་་་
འདི་ལྟར་རྒྱ་མི་རིགས་ནི་མ་གཞི་ནས་དྲང་བདེན་དང་གནས་ལུགས་མི་བརྩི་ཞིང་ངོ་ཚ་མེད་པའི་མི་རིགས་ཤིག་རེད། གཞུང་དམངས་གང་ཡིན་རུང་ཞེ་དྲག་གི་དབྱེ་ཁྱད་ཡོད་པ་མ་རེད།
བསྟན་འཛིན་བསོད་ནམས་ལགས་ལ་འབྲེལ་བ་བྱས་ན་རག་གི་རེད། ཁོང་ལྡི་ལི་ན་བཞུགས་གི་རེད།
ཨ་ལ་ལ་ལ། དངོས་གནས་བལྟ་རྒྱུ་ཡོད་ཀི་ཡ། འདིའི་འོད་སྡེར་ང་ཚོར་གང་ནས་ཇི་ལྟར་རག་གི་རེད་དམ། ཐུགས་རྗེས་གཟིགས་ལན་ཞིག་གསུས་དང་།