མཉམ་མཐུན་རྒྱལ་ཁབ་ཀྱི་རྩེད་འགྲན

དྲ་གྲོགས་ཅོ་རི་ཉི་མ་ལགས་ཁྱེད་བདེན་ནོ།
ཁྱེད་ཀྱི་གསུངས༼༡༩༩༨ལོ་ནས་འགོ་འཛུགས་ནས་༢༠༡༠་བར་དུ་བོད་ཀྱི་སྐད་ཡིག་ནང་ནད་འབུ་བཏང་དང་གཏོང་བཞིན་པ་རེད། ཡིན་ཡང་ནད་འབུ་འདི་ཚོ་ཡོང་ཁུངས་ངོ་མ་དེ་ཨེ་ཤེ་ཡ་རང་དབང་རླུང་འཕྲིན་ཁང་གི་བོད་སྐད་སྡེ་ཚན་ནས་རེད། དཔེ་ན་༢༠༠༩་ཕྱི་ཟླ་༡་ཚེས་༥ཉིན་ཉིན་གཅིག་གི་གསར་འགྱུར་ནང་བཀོད་པ་རྣམས་འདིར་གཟིགས།
ཨི་ཇིཕ་རའིལ། ཤོན་མེཀ་ཀོར་མེཀ ཨེ་འུརྡ་ཨོལ་མརཊི། ཤིལྦ་སེ་ནེའུ། སུ་རེཤ་པ་ར་སྦུ།
ཨ་ཨེཕ་པི། སྦུཤི། ཆེ་རའེ་སེ། ཨེ་སེ་རའིལ། ཤིལྦ་ཤང་ཀར་མེ་ནན། ཨཇ་མལ་ཀ་སབ།
ཨན་དར་པར་དེཤ། པི་ཀྲི་ཨའེ།ཨི་ཇིཕ་རའིལ། ཤོན་མེཀ་ཀོར་མེཀ ཨེ་འུརྡ་ཨོལ་མརཊི། ཤིལྦ་སེ་ནེའུ། སུ་རེཤ་པ་ར་སྦུ།
ཨ་ཨེཕ་པི། སྦུཤི། ཆེ་རའེ་སེ། ཨེ་སེ་རའིལ། ཤིལྦ་ཤང་ཀར་མེ་ནན། ཨཇ་མལ་ཀ་སབ།
ཨན་དར་པར་དེཤ། པི་ཀྲི་ཨའེ༽

༼ཨི་ཇིཕ་རའིལ༽ ལྟ་བུར་མཚོན་ན་ མིང་གཞི་ཕ་དེ་རྗེས་འཇུག་བཟོས་འདུག་པ་དང་
༼རའིལ༽ ལྟ་བུར་མཚོན་ན་ མིང་གཞི་ར་དེ་སྔོན་འཇུག་ བཟོས་འདུག་པ་དང་
ཉེས་འཚབ་ཆེ་ཤོས་ཤིག་ལ་ སྔོན་འཇུག་ དང་རྗེས་འཇུག་གཉིས་ཀའི་སྦྱོར་ཡུལ་མ་ཡིན་པ་མིང་གཞི་འ་འདི་ སྔོན་འཇུག་ དང་རྗེས་འཇུག་གཉིས་ཀའི་སྦྱོར་ཡུལ་བཟོས་འདུག་།

ཁོ་བོས་གཞན་དག་གང་ཡང་ཞུ་ཤེས་ཀྱི་མི་འདུག་ ཞུ་ཤེས་པ་ཞིག་ལ་མ་འོངས་པ་ན་བོད་ཡིག་འདི་ཀློག་མི་ཤེས་པ་ཞིག་ཆགས་རྒྱུ་ཉག་གཅིག་རེད་འདུག་ལགས།

མ་བོད་བཟའི་ལྷ་སྲས་རྒྱལ་ཞེན་ལྷག་བསམ་དང། དྲང་བདེན་གྱིས་ཕྱུག་པའི་བཀུར་འོས་དྲ་གྲོགས་ཅོ་རི་ཉི་མ་ལགས།
ཉིན་ཤས་སྔོན་དུ་ཁྱེད་ཀྱིས་ཕྲན་གྱི་ཟིན་བྲིས་ནང་མི་གཞན་གྱིས་གང་བྱུང་བོད་ཡིག་བྲིས་བཞག་པ་ཁག་གཅིག་དང། སྐུ་ཉིད་ཀྱི་དགོངས་ཚུལ་བཅས་བྲིས་གནང་འདུག་པ་ཕྲན་གྱིས་མཇལ་སོང། དེ་ཡང་དཔེར་ན།

༼༼ཅོ་རི་ཉི་མ།
༢༠༡༠/༠༡/༠༨ ཉིན་འདོན་སྤེལ་བྱས། ཨེ་ཤ་ཡ་རང་དབང་རླུང་འཕྲིན་ལས་ཁུངས་ཀྱི་བོད་སྐད་སྡེ་ཚན་ནས་ Afghanisthan ཞེས་པའི་ཡུལ་མིང་ཞིག་ལ་བོད་ཡིག་ཐོག་ནས་ཨཕ་ག་ནིསྟ྄ན་ཞེས་བྲིས་ཡོད་པ་དེ་ཚོ་ནི། ང་རང་ཚོ་བོད་ཁ་བ་ཅན་གྱི་སྐད་ཡིག་སློབ་དཔོན་ཐོན་མི་སམ་བྷོ་ཊ་ཡི་ཡིག་སྲོལ་དང་མི་མཐུན་པའི་འབྲི་སྟངས་ཞིག་རེད་འདུག་སྙམ། སུམ་བཅུ་པའི་རྩ་བ་ལས། ག་ང་ད་ན་བ་མ་འ། ར་ལ་ས་རྣམས་རྗེས་མཇུག་བཅུ། ད་དང་ས་གཉིས་ཡང་མཇུག་སྟེ་ཞེས་རྗེས་མཇུག་བཅུ་དང་ཡང་མཇུག་གཉིས་གསུངས་ཡོད། དེང་སང་མཁས་དབང་ཚོས་ཀ་དང་ཡ་གཉིས་རྗེས་མཇུག་དང་ན་ཡང་མཇུག་བཞག་ནས་བྲིས་པ་དང༌། ཨ་དང་ཕ་གཉིས་མིང་གཞི་མཉམ་འཇོག་བྱས་ནས་བྲིས་པ་འདི་རིགས་བརྒྱ་ལ་དར་སྲོལ་ཆེ་རུ་སོང་ན། ཐོན་མི་སམ་བྷོ་ཊ་རང་ཉིད་ཀྱིས་ཀྱང་བོད་ཡིག་ཀློག་མི་ཤེས་པ་ཞིག་འོང་ངེས་ལ། རྩ་བ་བརྟེན་ས་དང་ཁུངས་གཏུག་ས་མེད་པར་རང་སྣང་གང་ཤར་བྱས་ནས་བྲིས་པ་དེས་བོད་མི་རིགས་ཀྱི་སྐད་ཡིག་སིལ་བུར་འཐོར་འགྲོ་བའི་རྐྱེན་དུ་སྣང༌།༽༽
ཞེས་སོགས་ཉིད་ཀྱིས་གསུངས་པ་ལྟར་ཡུལ་ལུང་གཞན་གྱི་མིང་ཚིག་གསར་བའི་རིགས་སོགས་རང་སྣང་གང་དྲན་འབྲི་བཞིན་པ་འདིའི་རིགས་ཀྱིས་སྡུག་ས་ནས་རྒྱ་དམར་ལ་ཡང་ད་ང་ཚོའི་མི་རིགས་འདིའི་བརླ་སྲོག་ཐུན་མིན་སྐད་ཡིག་གི་གནས་སྟངས་དང། མི་རབས་གསར་བའི་ཤེས་ཡོན་ཚད་འདི་འདྲ་ཞིག་ཏུ་སླེབས་ཡོད་པས་ཁྱེད་ཚོར་ལས་སླ་རུ་འགྲོ་བཞིན་མི་འདུག་གམ་ཞེས། གསང་བརྡ་བསྟན་པ་དང་གཉིས་སུ་མེད་པར་གྱུར་ཡོད།
འོན་ཀྱང་དཀའ་ངལ་འདིའི་རིགས་ནི་དངོས་གནས་ཤེས་རིག་ལས་ཁུངས་རང་གིས་འགན་ཁུར་བའི་སྒོ་ནས་སེལ་ཐབས་ཡོད་པ་ཞིག་རེད་སྙམ། དེ་ཡང་ད་ལྟའི་འཛམ་གླིང་གི་རྒྱལ་ཁབ་ཡོད་དོ་ཅོག་གི་མིང་དང། དེ་དག་གི་རྒྱལ་ས་དང། རྒྱལ་ཁབ་སོ་སོའི་ནང་གི་ཞིང་ཆེན་ཁག གྲོང་ཁྱེར་ཆེ་ཁག འཛམ་གླིང་སྤྱི་ལ་སྐད་གྲགས་ཆེ་བའི་རི་ཆུ་དང། ནགས་ཚལ་སོགས་བོད་ཡིག་ཐོག་དག་ཆ་ཇི་ལྟར་འབྲི་དགོས་མིན་གསལ་བའི་ཡོངས་གྲགས་ཀྱི་མིང་མཛོད་དམ། ཚིག་མཛོད་ཚད་ལྡན་ཞིག་ང་ཚོར་ཡོད་དགོས་པ་དང། དེ་ཡང་མིང་ཚིག་གི་དག་ཆ་ཡང་དབྱིངས་བཞི་དང། གསར་བྱེད་སུམ་ཅུ་ཁོ་ནས་ཕལ་ཆེ་བ་ཞིག་གཏན་འབེབས་ཐུབ་ངེས་ཡིན། ཡང་རེ་ཟུང་ནི་ལེགས་སྦྱར་གྱི་འཐུག་པོ་ལྔ་དང། ལོག་པ་དྲུག་སོགས་ཀྱི་གང་རུང་རེ་བེད་སྤྱོད་གཏང་དགོས་པའང་སྲིད། དཔེར་ན་རྒྱ་གར་རྒྱལ་ས་དྷི་ལི་ཞེས་པ་ལྟ་བུའོ། འོན་ཀྱང་རང་གཞུང་གིས་རྒྱལ་ས་དཱིལླི་ཞེས་གང་མང་ཞིག་བྲིས་འདུག་ལ་དེ་ཡང་ཧིན་ཡིག་གིས་འབྲི་སྟངས་ཤིག་ཡིན་པར་ཐོས་ཀྱང་མཁས་དབང་དགེ་ཆོས་ཀྱི་གསུང་འབུམ་ཁྲོད་དྷི་ལི་བྲིས་འདུག་པ་དང། དགེ་ཆོས་འདི་བ་ལེགས་སྦྱར་དང། ཧིན་ཡིག་ཤེས་མཁན་ཞིག་ཡིན་པར་མ་ཟད་མིང་ཚིག་འདི་རང་རེའི་ངག་ཏུའང་བརྗོད་བདེ་བ་ཞིག་ཏུ་འདུག། དེའི་ཕྱིར་སྐུ་ཉིད་ཀྱིས་གནད་འགག་དང། རྒྱུ་མཚན་ཡོད་པའི་དགོངས་ཚུལ་དེར་མཐའ་གཅིག་ཏུ་རྒྱབ་སྐྱོར་ཡོད།

མགྲིན་པ་ཟམ་མོ་ལགས་ཁམས་བཟང།
ཨ་ཤེ་ཡ་རང་དབང་རླུང་འཕྲིན་ཁང་གི་འགན་འཛིན་ཚོ་ཝར་ར་ན་སིའི་སློབ་ཕྲུག་ཡིན་པ་འདྲ། རེད་པས།

ཨེ་ཤ་ཡ་རང་དབང་རླུང་འཕྲིན་ལས་ཁུངས་ཀྱི་བོད་སྐད་སྡེ་ཚན་ནས་ Afghanisthan ཞེས་པའི་ཡུལ་མིང་ཞིག་ལ་བོད་ཡིག་ཐོག་ནས་ཨཕ་ག་ནིསྟ྄ན་ཞེས་བྲིས་ཡོད་པ་དེ་ཚོ་ནི། ང་རང་ཚོ་བོད་ཁ་བ་ཅན་གྱི་སྐད་ཡིག་སློབ་དཔོན་ཐོན་མི་སམ་བྷོ་ཊ་ཡི་ཡིག་སྲོལ་དང་མི་མཐུན་པའི་འབྲི་སྟངས་ཞིག་རེད་འདུག་སྙམ། སུམ་བཅུ་པའི་རྩ་བ་ལས། ག་ང་ད་ན་བ་མ་འ། ར་ལ་ས་རྣམས་རྗེས་མཇུག་བཅུ། ད་དང་ས་གཉིས་ཡང་མཇུག་སྟེ་ཞེས་རྗེས་མཇུག་བཅུ་དང་ཡང་མཇུག་གཉིས་གསུངས་ཡོད། དེང་སང་མཁས་དབང་ཚོས་ཀ་དང་ཡ་གཉིས་རྗེས་མཇུག་དང་ན་ཡང་མཇུག་བཞག་ནས་བྲིས་པ་དང༌། ཨ་དང་ཕ་གཉིས་མིང་གཞི་མཉམ་འཇོག་བྱས་ནས་བྲིས་པ་འདི་རིགས་བརྒྱ་ལ་དར་སྲོལ་ཆེ་རུ་སོང་ན། ཐོན་མི་སམ་བྷོ་ཊ་རང་ཉིད་ཀྱིས་ཀྱང་བོད་ཡིག་ཀློག་མི་ཤེས་པ་ཞིག་འོང་ངེས་ལ། རྩ་བ་བརྟེན་ས་དང་ཁུངས་གཏུག་ས་མེད་པར་རང་སྣང་གང་ཤར་བྱས་ནས་བྲིས་པ་དེས་བོད་མི་རིགས་ཀྱི་སྐད་ཡིག་སིལ་བུར་འཐོར་འགྲོ་བའི་རྐྱེན་དུ་སྣང༌། དེ་ལྟར་མ་ཡིན་པ་མིང་ཚིག་གི་ཐ་སྙད་འདི་གཉིས་ཐོན་མི་སམ་བྷོ་ཊའི་ཡི་གེའི་ལུགས་སྲོད་དང་མཐུན་པ། སྒྲ་རིག་པའི་བསྟན་བཅོས་དང་མ་འགལ་བའི་ཐོག་ནས་འདོན་སྟངས་ཤིག་དང་འགྲེལ་བཤད་ཡོད་པ་ཡིན་ན། ཨེ་ཤ་ཡ་རང་དབང་རླུང་འཕྲིན་ཁང་གི་རང་དབང་གླེང་མོལ་ཐོག་ནས་བོད་རིགས་རྒྱ་ཆེ་མི་དམངས་ཀྱི་མདུན་དུ་ཐ་སྙད་འདི་གཉིས་འདོན་ཤེས་པ་དང་འགྲེལ་བཤད་བརྒྱབ་ཤེས་པའི་བོད་མི་དཀྱུས་མ་ང་ལྟ་བུ་ཞིག་ཡོང་ཐུབ་པ་ཡིན་ན། ཀློག་ཡོན་སུད་སི་སྒོར་མོ་བརྒྱ་ཐམ་པ་དང་མཇལ་དར་གཅིག་འབུལ་རྒྱུ་ཡིན། དེ་ལས་ལྷག་རྩོམ་པ་པོ་དང་གསར་འགོད་པ། དགེ་བཤེས་ལྷ་རམས་པ་ཕེབས་པ་ཡིན་ན། སུད་སི་སྒོར་མོ་ཉིས་བརྒྱ་དང་མཇལ་དར་ཞིག་འབུལ་རྒྱུ་ཡིན། དེ་ལས་ཀྱང་ལྷག་པའི་བོད་བཙན་བྱོལ་གཞུང་གི་སློབ་དཔོན་མཁས་དབང་ཟམ་གདོང་རིན་པོ་ཆེ་ཕེབས་ཐུབ་པ་ཡིན་ན། སུད་སི་སྒོར་མོ་སུམ་བརྒྱ་དང་མཇལ་དར་ཞིག་དང་ཕྱག་གསུམ་འཚལ་རྒྱུ་ཡིན།

ཨེ་ཤེ་ཡ་རང་དབང་རླུང་ཁང་གི་གསར་འགོད་པ་རྣམས་ནི་མཐོ་སློབ་ཐོན་པ་དང་ཡང་ན་མཐོ་སློབ་ཐོན་པའི་ཤེས་ཚོད་ལྡན་པ་ཁོ་ན་མ་གཏོགས་མེད། དེ་འདྲ་ཡིན་དུས་ཤེས་ནས་བྲིས་པ་མ་གཏོགས་མ་ཤེས་ནས་ནོར་བ་མ་རེད།
བོད་ཀྱི་སྐད་ཡིག་གི་བླ་སྲོག་སྐྱབས་འདོད་ན་ངེས་པ་དུ་འབུ་ནད་བཀག་འགོག་བྱེད་དགོས་ཀྱིན་འདུག

ནད་འབུ་འདི་ཚོ་ནི་སློབ་དཔོན་ཐུན་མོང་གི་གཞུང་དང་མི་མཐུན་པའི་བྲིས་སྟངས་རེད།

སྤྱི་འཐུས་ལགས་ཀྱི་དགོངས་ཆར་དེ་དངོས་གནས་གཟབ་མོ་འདུག དེ་ཡང་མཉམ་མཐུན་རྒྱལ་ཁབ་ཀྱི་རྩེད་འགྲན་དཔལ་འབར་དང་རྩེད་འགྲན་སྐབས་རྒྱལ་ས་དཱིལླི་བོད་མི་རྣམས་ཀྱིས་ཕེབས་བསུ་དང་མཚམས་འདྲི་བྱེད་རྒྱུ་ནི་དཔེ་བཟང་རེད། ཡིན་ནས་རྩེད་འགྲན་དབུ་འབྱེད་མཛད་སྒོ་སྐབས་༸གོང་ས་མཆོག་གདན་འདྲེན་དགོས་པ་ནི་འགལ་ཆེན་མི་མཐོང་། དེ་ཡང་བོད་མི་གནས་དོན་དང་༸གོང་ས་མཆོག་གིས་མཛད་པ་རྣམས་རྩེད་འགྲན་དང་མ་བྲེལ་ན་ངོས་ནས་ལེགས་སོ་མཐོང་། སྤྱིར་འདས་པའི་ལོ་རྒྱུ་དང་ད་ལྟའི་ཆར་ཡང་རྩེད་འགྲན་རྩེ་མོའི་ནང་ཆབ་སྲིད་དང་མི་རིགས་ཆབ་སྲིད་གང་མང་བྱུང་ཡོད་ཀྱང་། རྩེད་འགྲན་ལ་རྩེ་མོའི་རྣམ་པར་སྐྲུན་ཐུབ་ན་ལེགས་ཤོས་སོ།

རང་མཐོང་ཆེ་བའི་གྲྭ་ཟུར་འདི་ཚོ་ཡང་སྙིང་འཇིག་རྟེན་གང་ཞིག་གི་འགྲོ་བོ་ཡིན་ནམ།ཁ་ཡར་གྲགས་ལ་སྐྱོན་བརྗོད་དང་ཁ་མར་གྲགས་ལ་བསྐུར་འདེབས་བྱེད།་འདི་ཚོས་རྒྱ་མི་དམར་པོ་མཐོང་མེད་པའམ་ཡང་ན་བརྗེད་སོང་བ་ཡིན།་དྲ་ཟུར་ཚོ་འཇིག་རྟེན་གྱི་བྱ་དངོས་གང་ཡིན་ཡང་རྟོག་ཞིབ་ཀྱིས་ཟབ་འཇུག་བྱ་དགོས་གལ་ལས།་བརྟག་དཔྱད་མེད་པར་འགན་མེད་གཏམ་བཤད་མ་གནང་རོགས།
དཔའ་དང་བློ་ཁོག་ཡོད་ན་དགྲ་བོ་རྒྱ་དམར་ལ་གཏོད།གཏམ་དང་ཁ་ལྕེ་ཡོད་ན་རྒྱ་འགོང་དགྲ་ལ་ངོམས།་སྐུ་མཁྱེན་སྨྱུ་གུའི་མཚོན་ཁ་ནང་ལ་མ་བསྐོར་རོགས།

ཡེ་ཤེས་ཕུན་ཚོགས་འདི་ད་གླགས་ཁེལ་ས་ཞིག་མིན།

སྤྱི་འཐུས་ཚོའི་ནང་འདི་ལྟར་ཡི་གེ་འབྲི་ཤེས་མཁན་དང་བསམ་བློ་ཁྱར་ཁྱོར་རེ་གཏོང་ཁུལ་བྱེད་མཁན་གཅིག་གཉིས་རེ་ཡོད་ཚོད་འདུག་པས་སྤོབས་པ་ཆེན་པོ་བྱུང་། འོན་ཀྱང་ས་མིང་སོགས་ཕྱི་རྒྱལ་གྱི་མིང་ཚིག་ཡོད་ཚད་བོད་ཕྱི་ལོག་རྐྱང་རྐྱང་བྲིས་འདུག་པ་འདི་ནི་མ་འོངས་པ་བོད་ཡིག་འདི་རྩ་མེད་བཟོ་ཐབས་ཀྱི་གྲོགས་ཚོགས་ཀྱི་ལྐོལ་ཇུས་ཞིག་ཡིན་ཡིན་སྲིད་པས། ཤུགས་ཆེན་པོ་བཤད་མི་ཕོད་ཀྱང་རྒྱུ་མཚན་གཅིག་འབྲི་འདོད་བྱུང་། དེ་ཡང་ཕྱི་རྒྱལ་གྱི་ས་མང་ཆུ་མིང་དང་མི་མིང་སོགས་ད་ཡོད་ཀྱི་བོད་ཡིག་གི་མིང་ཚིག་ཡོངས་རྫོགས་ལས་ལྡབ་ཁ་ཤས་ཀྱི་མང་བ་ཡོད་ངེས་པས། དེ་ཚོ་ཚང་མ་བོད་ཡིག་ནང་ཕྱི་ལོག་རྐྱང་འབྲི་དགོས་ན་མ་འོངས་བོད་ཡིག་གི་མིང་ཚིག་རྙིང་བ་ཆེས་ཉུང་ཉུང་ཞིག་མ་གཏོགས་གཞན་ཚང་མ་ཕྱིར་ལོག་འབྲི་དགོས་ཐུག་གི་རེད། དེ་དུས་ད་ཡོད་ཀྱི་བོད་ཡིག་འདི་རྩ་མེད་སོང་བ་མ་ཡིན་ནམ། འོན་ཀྱང་ཚིག་ཕྲད་ཁ་ཤས་ལྷག་གི་རེད།

ཡག་པོ་རེད་ང་ཚོའི་རྒྱལ་དར་ཨ་སྔོན་དགོང་ལ་ཕྱར་བའི་གོ་སྐབས་བྱུང་ན་ངེས་པ་དུ་འཕྱར་དགོས།