ཕྱི་ཚེས་ ༧ ཉིན་ཚངས་དབྱངས་དྲ་བས་ཨ་རིའི་ས་གཤིས་དུས་དེབ་དྲ་བའི་གནས་ཚུལ་ལུང་འདྲེན་བྱས་དོན་ལྟར་ན། ཨ་རིའི་རི་འཛེགས་ཚོགས་ཆུང་གི་ཆེད་མཁས་པ་ཁག་ཅིག་ ༢༠༠༧ ལོར་ཧི་མ་ལ་ཡའི་རི་མགོར་འཛེགས་སྐབས། དེ་གའི་བྲག་ཕུག་ཅིག་ནས་ཕྱི་ལོའི་དུས་རབས་བཅོ་ལྔའི་ནང་ལག་བྲིས་བྱས་པའི་སངས་རྒྱས་ཆོས་གཞུང་གི་དཔེ་ཆ་རྙིང་པ་དང་བོན་པོའི་དཔེ་རྙིང་། ལྡེབས་རིས་སྣ་ཚོགས། མིའི་རུས་ཁོག་ཆེ་ཆུང་སོགས་རིག་དངོས་རྩ་ཆེན་མང་པོ་ཞིག་རྙེད་སོན་བྱུང་ཡོད་འདུག
ཕྱི་ལོ་ ༢༠༠༨ ལོར་ཚོགས་ཆུང་དེས་སླར་ཡང་འཚོལ་དཔྱོད་དང་ཞིབ་འཇུག་ཐེངས་གཅིག་བྱས་ཏེ། གྲུབ་དོན་ཁག་ཕྱོགས་བསྡུས་ཀྱིས་དངོས་བྱུང་གློག་བརྙན་༼ ངོ་མཚར་ཆེ་བའི་ཧི་མའི་དུང་ཞབས་ཀྱི་དགོན་སྡེ ༽ཞེས་པ་ཞིག་དང་། ༼ ཤམ་པ་ལའི་གསང་བ ༽ ཞེས་པ་གཉིས་བཟོས་ཡོད་པ་དང་། གློག་བརྙན་དེ་གཉིས་ ༢༠༠༨ ཟླ་ ༡༡ ཚེས་ ༡༨ ཉིན་ཡོངས་ཁྱབ་ཏུ་འགྲེམས་སྟོན་གཟིགས་འབུལ་བྱས་ཡོད་འདུག
ཨ་རིའི་རི་འཛེགས་ཚོགས་ཆུང་དེའི་ཞིབ་འཇུག་པ་ཚོས་བརྗོད་པ་ལྟར་ན། ཧི་མ་ལ་ཡའི་བྲག་ཕུག་ནས་བརྙེད་སོན་བྱུང་བའི་རིག་དངོས་དེ་དག་ནི། ལོ་ངོ་དྲུག་བརྒྱའི་གོང་གི་བོད་པའི་སྒོམ་ཆེན་པ་དག་གི་དཀའ་སྤྱད་འབད་བརྩོན་གྱིས་བསྒྲུབས་པའི་ཁྱད་ནོར་ཡིན་ཞིང་། ད་དུང་ཧི་མ་ལ་ཡའི་རི་ལུང་ཁག་ཏུ་གསང་བ་ལྐོག་འགྱུར་གྱི་གནས་ཚུལ་མང་པོ་ཞིག་ཡོད་པའི་ཡིད་ཆེས་བྱེད་ཀྱིན་ཡོད་ཅེས་བརྗོད་ཡོད་འདུག
ཡང་ང་ཚོའི་ལག་ནས་རིན་དངོས་རིན་ཐང་ཅན་ཁག་ཅིག་མི་གཞན་གྱི་ལག་
པའི་ནང་ཤོར་ཚར་འདུག་ཨ་ཁ།
འདི་ནས་ང་ཚོས་ཕ་ཆོས་གཡུང་དྲུང་བོན་ལ་ཕྱིར་ལྟས་ཤིག་བྱེད་ཐུབ་ངེས། ཡག་པོ་རེད།
དཔེ་ཆ་རྙིང་པ་དང་ལྡེབས་རིས་སོགས་ཨ་རི་བ་ཚོའི་རྙེད་པ་དེ་མི་ཡག་རྒྱུ་མི་འདུག ག་སྲིད་བོད་ནང་གི་བོད་པ་ཚོའི་སྙེད་ཡོན་རྒྱ་གཞུང་གིས་དེ་ངེས་པར་དུ་བཙན་འཕྲོག་བྱེད་རྒྱུ་རེད། རྒྱ་བལ་ནང་གི་བོད་པ་ཚོའི་རྙེད་ན་ཁོ་ཚོས་གང་ལྟར་ཡང་སྤྱི་རྒྱལ་བ་ལ་་བཙོང་རྒྱུ་རེད།
དེས་ན་ད་ལྟ་ང་ཚོས་ཡིག་རྙིང་དེ་ཚོ་ཀློག་རྒྱུ་དང་། གལ་སྲིད་དེའི་ནང་ལ་དོན་བདག་གལ་ཆེན་འདྲ་ཡོད་ན་མགྲེམས་སྤེལ་བྱེད་རྒྱུ་དེ་དོན་ཆེན་རེད།
རྒྱུ་དངོས་འདི་དག་དོ་བདག་གི་ལག་ཏུ་རག་ན་ཅི་མ་རུང།གློག་བརྙན་འདི་གཉིས་བོད་སྐད་ཡིན་ནམ་དབྱིན་སྐད་ཡིན་ནམ།གང་ནས་རེག་གི་ཡོད་དམ།
ཡིག་རྙིང་དེ་ཚོའི་བརྗོད་སྙིང་ཅི་ཞིག་ཡིན་ནམ།་་་་་དེ་ང་ཚོའི་ལག་ཏུ་བྱུང་ན་ཅི་མ་རུང་་་་་
ཧི་མ་ལ་ཡ། རིག་དངོས་གཏེར་མཛོད་ཀྱི་འབྱུང་ཁུངས།
ཧི་མ་ལ་ཡ། ས་གཤིས་ཁམས་གཙང་གི་མཐོ་སྒང་།
ཧི་མ་ལ་ཡ། ཆུ་ཕྲན་སྣ་ཚོགས་ཀྱི་མགོ་ཁུངས།
མདོར་ན་འཛམ་གླིང་གི་མཛེས་སྡུག་ཐམས་ཅད་ཀྱི་བཅུད་སྙིང་གཅིག་ཏུ་སྤུངས་འདྲའི་ཧི་མ་ལ་ཡ།