ཉེ་ཆར་ཇམ་མུ་ཀཤཱི་སྨིར་ཉེན་རྟོག་པས་ལ་དྭགས་བོད་མིའི་གཞིས་གྲོང་ཞིག་ཏུ་ཙན་དན་ནག་པོ་ཀེ་ལོ་ཁྲི་ལྔ་ལྷག་རྙེད་སོན་བྱུང་བ་དང་། ནག་ཚོང་འདི་དང་འབྲེལ་ཏེ་བོད་མི་གསུམ་འཛིན་བཟུང་བྱས་འདུག
ཧི་མ་ལ་ཡའི་རི་བརྒྱུད་དུ་ཁོར་ཡུག་གི་ལས་འགུལ་སྤེལ་མཁན་ཞིག་གིས་འདི་ག་གསར་ཁང་ལ་བརྗོད་པ་ལྟར་ན། ཉེ་ཆར་ལ་དྭགས་ཡུལ་མི་དང་བོད་པ་ཁག་ཅིག་གིས་ནག་ཚོང་གི་ལམ་ནས་ཨ་མ་ར་ཝ་ཏི་མངའ་སྡེ་དང་ཤྲི་ལིངྒ། མ་ན་ལེ་བཅས་བརྒྱུད་དེ་འཛམ་གླིང་ནང་སྟོང་ལ་ཉེ་བའི་ཙན་དན་ནག་པོ་བོད་དུ་དབོར་འདྲེན་བྱེད་ཀྱིན་པ་ལྟར། ༢༠༠༩ ལོའི་ཕྱི་ཟླ་ ༡༢ པའི་ཚེས་ ༢༣ ཉིན་ཇམ་མུ་ཀཱཤི་སྨིར་ཉེན་རྟོག་པས་ལ་དྭགས་ཀྱི་རྒྱལ་ས་སླེ་ནས་ཀེ་ལོ་མི་ཊར་ ༡༢ ཡོད་པའི་ཞེལ་ཅེས་པའི་ཡུལ་དེར་རིག་འཛིན་ཟེར་པའི་བོད་མི་ཞིག་གི་ཁྱིམ་ནས་ཙན་དན་ནག་པོ་ཊམ་ ༥༠ སྟེ། ཀེ་ལོ་ ༥༠༠༠༠ ལྷག་དབོར་འདྲེན་བྱས་ཡོད་པ་ཤེས་རྟོགས་བྱུང་བར་མ་ཟད། དབོར་འདྲེན་བྱས་མཁན་གྱི་རླངས་འཁོར་ཁ་ལོ་བ་བརྒྱ་ཤོག་གཉིས་པའི་བོད་མི་ཕུན་ཚོགས་དང་སྐར་མ། བརྒྱ་ཤོག་དགུ་བའི་བློ་བཟང་ཚེ་རིང་བཅས་མི་གསུམ་འཛིན་བཟུང་གིས་འདྲི་བརྩད་བྱས་མཐར། སླར་ཡང་བོད་པའི་བརྒྱ་ཤོག་གཉིས་པའི་གཞིས་གྲོང་དུ་མོ་ཊ་ཆེན་པོ་ ༣ ཉར་ཚགས་བྱས་ཡོད་པ་རྙེད་སོན་བྱུང་འདུག
རྒྱ་གར་གྱི་གསར་ལམ་ཁག་ཏུ་ཐོན་པ་ལྟར་ན། ཤིང་འདི་ནི་ཨན་ཌ་ར་མངའ་སྡེ་ཁོ་ནར་མ་གཏོགས་མི་སྐྱེས་ཤིང་། འདིས་མེ་མདའི་ཡུ་བ་བཟོ་གི་ཡོད་སྟབས། ཇམ་མུ་ཀཤཱི་སྨིར་ཉེན་རྟོག་པས་ནག་ཚོང་འདི་མཐའ་མཚམས་སུ་ཡོད་པའི་རྒྱ་ནག་གི་བཅིངས་འགྲོལ་དམག་མི་ཚོར་འབྲེལ་བ་ཡོད་སྲིད་སྟབས་དེ་དོན་ཞིབ་འཇུག་བྱ་རྒྱུ་ཡིན་ཚུལ་བརྗོད་འདུག
གནས་ཚུལ་མཁོ་སྤྲོད་པས་བརྗོད་པ་ལྟར་ན། ཉེ་ཆར་ལ་དྭགས་ཡུལ་མི་རིག་འཛིན་འབོད་པ་ཞིག་གིས་ཐེངས་འདིའི་ནག་ཚོང་གི་ཉེས་པ་ཡོངས་ཁོང་གིས་ཁས་ལེན་བྱས་འདུག་ལ། དེར་ཡོད་བོད་གཞུང་གི་ལས་ཁུངས་ཁག་དང་གཞུང་འབྲེལ་མིན་པའི་ཚོགས་པ་ཁག་གིས་བོད་མི་དེ་དག་གི་གློད་གྲོལ་ཐད་རོགས་རམ་ཅི་ཡང་གནང་མེད་ཀྱང་། བརྒྱ་ཤོག་ཁག་གི་བོད་མི་ཁག་ཅིག་གིས་ཁེག་ཐག་འོག་ཁོང་གསུམ་གློད་གྲོལ་བཏང་ཡོད་པ་རེད། ཡིན་ཡང་། ལ་དྭགས་གནས་སྡོད་བོད་པ་ཚོས་མོ་ཊའི་ཁ་ལོ་བ་ཁོ་ན་མིན་པའི་བོད་མི་ཁག་ཅིག་གིས་ཁྲིམས་འགལ་ཡིན་པ་ཤེས་བཞིན་དུ་ནག་ཚོང་གི་ལས་ལ་ཞུགས་ཡོད་ཚུལ་བརྗོད་ཀྱིན་པར་མ་ཟད། ད་དུང་ཁོང་ཚོས་ལས་གཞན་པའི་འབྱོར་ལྡན་གྱི་བོད་མི་ཁག་ཅིག་གིས་ནམ་རྒྱུན་ནག་ཚོང་གི་ལས་ཀ་ཁོ་ན་གཉེར་གྱིན་ཡོད་སྟབས། ནག་ཉེས་དེ་དག་ལ་བརྟེན་ནས་ལ་དྭགས་ཡུལ་མི་ཚོས་བོད་པ་ཞེས་འབོད་དུས་ནག་ཚོང་རྒྱག་མཁན་ཞིག་དང་ལས་སྡུག་པ་བྱེད་མཁན་ཞིག་ཏུ་ངོས་འཛིན་བྱས་ཏེ། དོགས་ཟོན་ནན་མོ་བྱེད་ཀྱིན་པའི་གནས་སུ་གྱར་ཡོད་པ་རེད་ཟེར།
འདི་གའི་གསར་ཁང་གིས་བཙན་བྱོལ་བོད་གཞུང་གི་ནང་སྲིད་དྲུང་ཆེ་དངོས་གྲུབ་རྡོ་རྗེ་ལགས་སུ་འདིའི་ཐད་བཀའ་འདྲི་བྱས་པར་ཁོང་གིས། འདི་འདྲའི་རིགས་ནི་ཉེས་པ་འཁུར་དགོས་པ་ཞིག་དང་དམའ་འབེབས་བྱ་དགོས་པ་ཞིག་རེད། ཡིན་ནའང་། ང་རང་གི་གོ་ཐོས་ལྟར་ན། ཐེངས་འདིའི་ཤིང་ཡོངས་རྫོགས་ཙན་དན་དམར་པོ་དང་ནག་པོ་མིན་པར་ཨ་ཀ་རུ་ཡིན་ཚུལ་སོགས་ཀྱང་བརྗོད་ཀྱིན་འདུག དེ་ཁྲིམས་ཐོག་ནས་ཙན་དན་དང་མི་འདྲ་བ་ཞིག་ཆགས་ཡོད་ས་རེད། གང་ལྟར། གཞུང་ངོས་ནས་ཁྲིམས་དང་འགལ་བའི་རིགས་ལ་གདུང་སེམས་མཉམ་སྐྱེད་དང་རྒྱབ་སྐྱོར་རྩ་བ་ནས་བྱ་ཐུབ་ཀི་མ་རེད་ལ། ཡུལ་མིའི་ཁྲིམས་དེ་ངེས་པར་དུ་ཁུར་དགོས་སྟབས། ནང་སྲིད་ལྷན་ཁང་གི་ངོས་ནས་ལ་དྭགས་ས་གནས་མགོ་འཛིན་ལགས་སུ་གནས་ཚུལ་དེའི་ཐད་རྒྱབ་སྐྱོར་ཅི་ཡང་བྱེད་མི་དགོས་པའི་བརྡ་སྤྲད་ཡོད་ཅེས་དང་། ཡང་ཁོང་གིས། འདིའི་རིགས་འདི་བློ་ཕམ་གྱི་གནས་རེད། ང་རང་ཚོས་རང་གི་ལུང་པ་བཞག་སྟེ་མིའི་ལུང་པར་ཆབ་སྲིད་ཀྱི་སྐྱབས་བཅོལ་བ་ཆགས་ཡོད་པ་རེད། ང་ཚོའི་དམིགས་ཡུལ་བོད་ཀྱི་བདེན་མཐའ་གསལ་ཐབས་བྱ་རྒྱུ་དེ་ཡིན་སྟབས། མིའི་ལུང་པར་འཚོ་བ་སྐྱེལ་བའི་རིང་ལ་ཁྲིམས་མཐུན་དང་ཡ་རབས་ཚུལ་མཐུན་གྱི་སྒོ་ནས་འདུག་པ་ལས། འདོད་རྔམ་དང་ཁྲིམས་འགལ་གྱིས་ལས་ཀ་བྱས་པ་དེ་ཧ་ཅང་ཐབས་སྐྱོ་བོ་རེད། མ་འོངས་པར་བོད་པ་ཡོངས་ཀྱིས་དེའི་རིགས་ལ་དོ་སྣང་མ་བྱས་ཚེ་མི་རེ་གཉིས་ཞིག་གིས་བོད་པ་ཡོངས་དང་ལྷག་པར་གཞིས་ལུས་སྤུན་ཟླའི་ཐུགས་ཕམ་པའི་གནས་ཚུལ་བཟོས་འོང་གི་རེད་ཅེས་གསུང་བྱུང།
གོ་ཚོད་ལ་ནག་ཚོང་གཉེར་མཁན་དེ་དག་ནི་ལ་དྭགས་ཁུལ་དུ་རྒྱུ་འབྱོར་བ་ལྡན་ཞིང་དབང་ཤེད་ཅུང་ཆེ་བའི་གྲས་ཡིན་སྟབས། ཉམ་ཆུང་བོད་མི་དང་ཡུལ་མི་དག་གིས་མི་འདི་དག་གི་ནག་ཚོང་གི་སྐོར་གསར་ལམ་ཁག་ཏུ་ཡོངས་གྲགས་ཡང་བརྗོད་ཐུབ་ཀྱི་མེད་ཚུལ་ཀྱང་འདུག
ལྟས་ངན་ཕྱུག་པོ་དེ་ཚོ་རྒྱུ་ཡི་དོན་དུ་རང་སྲོག་ཕུང་མཁན་རང་རེད།
ཨ་མ་ར་ཝ་ཏི་མངའ་སྡེ་ཞེས་པ་ཨན་ཌ་ར་མངའ་སྡེ་དང་། ཊམ་ཞེས་པ་ཊོན་ལ་བཅོས་ན།
རེད་རེད། ཤེལ་ཟེར་ས་དེ་ན་རྒྱལ་བ་བྱམས་པའི་སྐུ་འདྲ་ཆེན་པོ་ཞིག་ཡོད་བསམ། དེའི་ཐག་ཉེ་ཞིག་ན་གསར་དུ་བཞེངས་པའི་རྒྱལ་དབང་འབྲུག་ཆེན་གྱི་ཕོ་བྲང་ཞིག་ཀྱང་ཡོད་བསམ།
ས་གནས་དེའི་མིང་ལ་ཤེལ་ཟེར་ནི་ཡིན་རྒྱུ་རེད་པ། ཞེལ་ཟེར་བ་ཞིག་མེད་བསམ་བྱུང་། ཤེལ་ཕོ་བྲང་ཡོད་ས་དེ་ཡིན་རྒྱུ་རེད། ཤེལ་ཕོ་བྲང་དེར་ལ་དྭགས་ཀྱི་རྒྱལ་པོ་ཐོག་མའི་ཕོ་བྲང་ཆེས་མའམ་ཡང་མ་ཕོ་བྲང་དང་པོ་དེ་ཡོད་པ་རེད། ཕོ་བྲང་བཞེངས་སའི་མདུན་ངོས་དེལ་མཚོ་ཆུང་ཆུང་དྭངས་ཤིང་བསིལ་བ་ཞིག་ཡོད་པས། ཕོ་བྲང་མཚོ་ནང་ཤར་འདུག་པས་ན། ཤེལ་ཟེར་བ་དང་། ཡང་མཚོ་ཡི་ནང་དུ་ཉི་འོད་འཕྲོས་པ་ཕོ་བྲང་ལ་ཕོག་པས་ཕོ་བྲང་དཀར་ཞིང་གསལ་བས་ན་ཤེལ་དང་འདྲ་བ་རྒྱུ་མཚན་དུ་བྱས་ནས་བཏགས་པ་ཡིན་སྐོར་ཁོང་ཚོའི་ངག་རྒྱུན་དང་ལོ་རྒྱུས་ཡིག་ཆར་གསལ་ཡོད།
སྤོབས་པ་མཐའ་ཡས་ལགས་ཀྱིས་གསུང་བ་དེ་ཤིན་ཏུ་སྣང་བར་འགྲོ་སོང་།
བཙན་བཤོལ་བོད་པ་ཚོའི་ནུས་ཤུགས་གཅིག་བསྒྲིལ་འོག་བོད་རང་གི་ཐུན་མོང་མ་ཡིན་བཟོ་རིག ལྷ་བཟོ། ཤིང་བཟོ། གོས་བཟོ། རྡོ་བཟོ་སོགས་མདོར་ན་གནའ་དེང་གི་བཟོ་རྩལ་སྣ་ཚོགས་ལ་སློབ་སྦྱངས་ཡར་རྒྱས་གཏོང་རྒྱུ་དང་། བོད་མིས་བཟོས་པའི་ཐོན་རྫས་གང་ཞིག་ཡིན་ནའང་རྒྱུ་སྤུས་དག་ལ་བཟོ་རྩལ་ལེགས་པ་ཞིག་བྱེད་ཐུབ་ན། མ་འོངས་པ་ལ་དཔལ་འབྱོར་ཡར་རྒྱས་དང་ལས་མེད་རྣམས་ལ་ལས་ག་སྤྲོད་ཐུབ་པའི་གོ་སྐབས་ཞིག་ཤར་སྲིད། །
རང་གཞན་སུའི་གཞུང་དང་ཚོགས་པ་དང་གསར་འགོད་པ་སུ་ཡིན་ཡང་གནད་དོན་འདྲ་ཞིག་འདི་མི་རིགས་ཤིག་དང་རྒྱལ་ཁབ་ཅིག་དང་འབྲེལ་ནས་གླེང་དགོས་དོན་མི་འདུག གཞན་གྱིས་གླེང་ཡང་ང་ཚོས་ངོས་ལེན་བྱེད་དགོས་དོན་མི་འདུག ནུབ་ཕྱོགས་པའི་གསར་ལམ་ཁག་ལ་རྣམས་སུ་ནག་ཉེས་ཐེར་འདོན་རིགས་ལ་ཐོག་མར་ནག་ཉེས་བྱེད་མཁན་གྱི་མི་དེའི་མིང་དང་སྡོད་གནས་ནས་གླེང་ཞིང་མཇུག་མཐར་དགོས་པ་ཆེན་པོ་ཡོད་ན་མི་དེ་ཁུངས་གང་ཡིན་ཟུར་ཙམ་གླེང་སྲོལ་ཡོད།
མི་རིགས་སྐྱོ་བོ་དང་རྒྱལ་ཁབ་མེད་མཁན་ལ་ཉེས་འཛུགས་བྱེད་མཁན་མང་བ་རེད། འདི་རིག་འཛིན་ལགས་ཁོ་རང་མི་གཅིག་དང་ཁྱིམ་ཚང་གཅིག་གི་གནད་དོན་དང་འབྲེལ་བའི་ནག་ཚོང་ཞིག་རེད། འདིས་མི་རིགས་དང་རྒྱལ་ཁབ་དང་རིག་གཞུང་སོགས་གང་ཡང་ནག་པོ་བཟོ་མི་ཐུབ། རིག་འཛིན་ལགས་ཀྱིས་ལས་ཀ་དེ་མི་རིགས་དང་རྒྱལ་ཁབ་ཀྱི་སྐུ་ཚབ་ཡིན་པའི་མིང་ཐོག་ནས་བྱས་མེད། མི་སྒེར་གཅིག་གི་ནོར་འཁྲུལ་དང་ནག་ཉེས་དེ་མི་རིགས་ཤིག་དང་རྒྱལ་ཁབ་ཅིག་གི་མགོར་སྐྱེལ་ཡོང་ན་ང་ཚོས་ཀྱང་རིག་འཛིན་ལགས་ལ་དངོས་ཤུགས་བརྒྱུད་གསུམ་ནས་གཟེངས་བསྟོད་དང་སེམས་གསོ་དང་རོགས་སྐྱོར་བྱེད་དགོས། མི་འཇོན་པོ་ཟེར་བ་དེས་ལས་ཀ་ལེགས་ཉེས་གང་བྱས་ཀྱང་རླབས་ཆེན་པོ་རེད། ཕྱི་རྒྱལ་གྱི་སྦྱིན་བདག་རེ་མགོ་སྐོར་བཏང་ནས་ཟ་ཞིང་ཉལ་འདུག་མཁན་གྱི་རང་རེའི་ཆོས་དང་ཆབ་སྲིད་དང་རིག་གཞུང་གི་ནག་ཚོང་མཁན་ཚོ་ལ་བསྡུར་རྒྱུ་ཞིག་ག་ལ་ཡོད།
སྙིང་གཅེས་ ནག་ཉེས་ཅན་ཁྱོད།
ནག་ཚོང་ལས་མིར་བོད་མི་ཡོད་སྲིད་ཀྱང་། །
ནག་ཚོང་རྒྱག་མཁན་བོད་རིགས་ཨ་ཡིན་ནམ། །
ལ་དྭགས་ཡུལ་མི་ཞིག་ཀྱང་མིན་ཚོད་འདུག །
དཔྱད་མཐར་བདེན་དོན་གསར་ལམ་འཁོད་ལ་འབུངས་། །
ཡུལ་མི་དང་བོད་མིའི་མཛའ་མཐུན་རྟག་བརྟན་ཤོག །
ཡ་སླེབས་ཡོད་ད། ཕག་སྣ། ཤིང་ཚོང་རྒྱག་མཁན་དེ་ཚོ་ག་པ་འདུག་ངོ་རྒོལ་བྱེད་ཀྱིན་ཡིན་ད།
་་་་་་་་་་་་ཤིང་ཚོང་རྒྱག་མཁན།།། མུང་ཏ་པ། མུང་ཏ་པ།
་་་་་་་་་་་ལྷོ་ཕྲུག་སྣ་ཆེ།།།། ཇིན་ཏ་པ། ཇིན་ཏ་པ།
ངོ་རྒོལ་བྱས་ཡོད་ད་
ཡང་ཡར་བཅུག་པ་དང་ཡལ་སོང་།
ལྷོ་ཕྲུག་ལགས་ཐུགས་ལྷོད་ཙམ་གནང་དང་དེ་འདྲ་ཁོང་ཁྲོ་ཟ་དགོས་དོན་གང་ཡོད།
ཤིང་ཚོང་རྒྱག་པ་རེད་མ་གཏོགས་བོད་མི་རིགས་ཀྱི་ཤ་ཁྲག་བཙོང་བ་མ་རེད།
སོ་སོར་ལུང་པ་རྒྱ་ལག་ཏུ་བཙོང་མཁན་ཚོར་བསྟོད་སྔགས་ག་ཚོད་མི་འདུག་དམ།ཧཧཧཧཧཧཧཧཧཧཧཧ
རྩོམ་སྒྲིག་པ་ལུང་རིག་ལགས།
ཇམ་མུ་ཀཤྭི་སྨིར་དང་ཤྲི་ལིངྒ།་ཞེས་ཀ་དང་ཤ་གཉིས་མིང་གཞི་མཉམ་འཇོག་དང་ཤ་ལ་ར་བཏགས་རྒྱག་པའི་ལུགས་སྲོལ་འདི་གཞུང་ལུགས་གང་ལ་བརྟེན་འབྲི་བཞིན་ཡོད་དམ།
སློབ་གྲྭ་གང་ནས་འབྲི་སྟངས་འདི་སློབ་སྦྱོང་བྱས་པར་ཡིན་ནམ།
འོ་ན་འདི་སྔགས་ཡིག་རེད་དམ་རྒྱ་གར་ལེགས་སྦྱར་གྱི་ཡི་གེ་ཡིན་ནམ།
མི་དེ་འདྲ་བ་དེ་ཚོ་ཚང་མ་ཁྲིམས་ལ་སྦྱར་བ་མ་གཏོགས་ཐབས་ལམ་གང་ཡང་མི་འདུག
འདི་ཚོ་བོད་མིའི་ངོ་གདོང་ནག་པོ་བཟོ་མཁན་གྱི་རིགས་ཤིག་ཡིན། ༸གོང་ས་མཆོག་གི་ཞབས་ནས་འཐེན་མཁན་གྱི་ཚོ་ཁག་ཅིག་ཡིན།
ཚེ་གཅིག་བཙོན་ལ་བཅུག་ཀྱང་ངས་སྙིང་རྗེ་མི་སྒོམ་ཁོ་ཐག་ཡིན། ང་མི་འདི་ཚོར་ཁོང་ཁྲོས་རིལ་གྲབས་བྱེད་ཀྱི་འདུག
བོད་རིགས་ཚོ།
ཐོན་ཤོག
ང་ཚོས་ཁོང་ཚོར་ངོ་རྒོལ་གྱི་ཁྲོམ་སྐོར་བྱེད།
ཁེ་ཚོང་གི་མིང་ཕྱུག
ནག་ཚོང་གི་མིང་ནག
ཡིན་རྒྱུ་མ་རེད། བོད་པ་གཏན་ནས་ཡིན་རྒྱུ་མ་རེད། སྔོན་མ་སྟག་གཟིག་གི་གོ་བས་ཚོང་རྒྱག་མཁན་བོད་པ་རེད་ཟེར་ནས་གསར་ལམ་ཁག་ཏུ་སྤེལ་མོད། དེ་དག་ཡིན་རྒྱུ་ནི་ལ་དྭགས་པ་ཡིན་པ་གསལ་བོ་ཡིན་པ་དེ་འདྲ་རེད། ད་ཐེངས་ཀྱང་བོད་པ་ཉམ་ཆུང་ཚོའི་མགོ་ལ་ནག་ཉེས་གཡུག་པ་ཡིན་རྒྱུ་རེད་དྲན་་གི། བསམ་བློ་བཏང་ནས་དང་དཔྱད་ཞིབ་བྱས་ནས་སྐད་ཆ་བཤད་ན་ཡག་རྒྱུ་རེད་འདོད་ཀི།
བཀླགས་ཟིན།
ཐབས་སྡུག་གི་ལམ་འདི་ནི་བོད་པའི་དཔལ་འབྱོར་གསོག་སྟངས་ཤིག་ཡིན། ལྷག་དོན་བོད་ནང་དུ་བོད་མི་འདི་ཚོས་རྒྱ་ཁ་ཆེ་སོགས་ཀྱི་རྐུབ་གཡོག་རྒྱུག་སྟེ་དགོན་པའི་སྐུ་ཡན་ཆད་རྐུན་མ་རྒྱག་པར་ཡོང་གི་ཡོད། ཉེས་ཅན་པར་འཇིག་རྟེན་མི་ཆོས་དང་། དམ་པའི་ལྷ་ཆོས་གང་ནས་ཀྱང་གུ་ཡངས་སུ་གཏོང་གི་མེད་ན། ང་ཚོས་ཁ་ཞེ་ཀུན་གྱིས་དེ་ཚོར་གཤེ་དགོས། བོད་མི་རིགས་སྤྱི་ཡི་མཚན་སྙན་ལ་གནོད་པ་རེད། ནམ་ཡང་སྙིང་རྗེ་གོ་ལྡོག་བྱེད་རྒྱུ་མེད།
ཨ་རོགས་ཕུན་ཚོགས། ཁྱོད་ཀྱིས་བཤད་པ་ལྟར་ན། འཚོ་ཐབ་ཀྱི་ཆེད་མི་བསད་ཁྲག་སྦྱོར་བྱས་ན་ཡང་འགྲིག་གི་རེད་ཟེར་རྒྱུན་ཡིན་ནམ། ཁྱོད་ཀྱིས་ཁ་ནང་གང་ཡོང་མ་བཤད་ན་ཡག་གི་རེད། ཁྱོད་ཀྱིས་སྙིང་རྗེ་ས་མི་རྗེ་གང་ཡིན་ཤེས་ཀྱི་མེད་ས་རེད། ཁྲིམས་འགལ་གྱི་ལས་ཀ་བྱེད་མཁན་འདི་དག་དངོས་གནས་རྩ་མེད་བཟོ་ན་ཏག་ཏག་རེད། འདི་ཚོས་བོད་མིའི་ཞབས་འདྲེན་ཞུ་ཡི་ཡོད་པ་མ་ཟད། ༧རྒྱལ་བ་རིན་པོའི་དགོངས་པ་ཡང་དཀྲིགས་ཀྱི་འདུག
བོད་པ་འདི་ཚོ་སྙིང་རེ་རྗེ།་རང་དབང་དང་འཚོ་གནས་ཀྱིས་ཡོངས་སུ་སྟོང་བའི་འཇིག་རྟེན་འདིར་སོ་སོའི་རྐང་པ་གཉིས་ནི་ཅི་ནས་ཀྱང་བརྐྱང་དགོས་པས།་གདམ་ཀདེར་མི་ཞུགས་པའིཐབས་ལམ་་ཅི་ཞིག་ཡོད་དམ།