རྒྱ་གར་དམར་ཤོག་ཚོགས་པའི་དབུ་ཁྲིད་མཐོ་ཤོས་ Jyoti basu ཇོ་ཊི་བྷ་སུ་ལགས་ནད་གཞིའི་རྐྱེན་གྱིས་སྐུ་གྲོངས་འདུག་ལ། ཁོང་དགུང་ལོ་ ༩༥ ལ་སོན་ཡོད་འདུག ཁོང་གིས་རང་གི་མིག་དང་གཟུགས་པོའི་ནང་ཁྲོལ་སོགས་གཞན་ལ་ཞལ་འདེབས་སུ་ཕུལ་ཡོད་འདུག
ཕྱི་ཚེས་ ༡༨ ཉིན་ ANI དྲ་ཚིགས་ཐོག་གནས་ཚུལ་བཀོད་དོན་ལྟར་ན། རྒྱ་གར་ནུབ་བྷེན་གྷལ་གྱི་བློན་ཆེན་ནམ་དམར་ཤོག་ཚོགས་པའི་མགོ་ཁྲིད་བགྲེས་པོ་ཇོ་ཊི་བྷ་སུ་ཁོང་ནད་གཞིའི་རྐྱེན་པས་ཕྱི་ཚེས་ ༡༧ ཉིན་ཀ་ལི་ཀ་ཊའི་ AMRI ཨམ་རེ་སྨན་ཁང་ནང་འདས་གྲོངས་སུ་སོང་ཡོད་ལ། ཁོང་གིས་རང་གི་མིག་གཉིས་དང་གཟུགས་པོའི་ནང་ཁྲོལ་རྣམས་ཀྱང་གཞན་ལ་ཞལ་འདེབས་སུ་ཕུལ་ཡོད་འདུག
ཁོང་གཤེགས་པར་རྒྱ་གར་གྱི་མཐོ་རིམ་དཔོན་རིགས་རྣམས་ཀྱིས་མྱ་ངན་ཞུས་འདུག་ལ། སྲིད་བློན་མོ་ཧན་སིན་མཆོག་གིས་བགྲེས་སོང་ཁོང་འདས་པ་དེས་དུས་རབས་གཅིག་གི་རྒྱ་གར་གྱི་ཆབ་སྲིད་ལ་སྤྱི་སྡོམ་བརྒྱབས་ཡོད་ཅེས་དང་། འདས་པོ་ཁོང་ནི་གཞུང་རྒྱུད་དྲང་ཞིང་རྣམ་དཔྱོད་ལྡན་པའི་སྲིད་དོན་པ་ཞིག་ཡིན་པས། རྒྱལ་ཁབ་འདིར་ཁྱད་དུ་འཕགས་པའི་མགོ་ཁྲིད་ཅིག་མེད་པར་གྱུར་བ་རེད་ཅེས་གསུངས་ཡོད་འདུག
ཁོང་ནི་ ༡༩༡༤ ལོར་ཡུལ་འདིའི་འཁོས་འབྱོར་ལེགས་པའི་ཁྱིམ་ཚང་ཞིག་ནས་འཁྲུངས་ཡོད་ལ་ཁོང་གི་ཕ་ནི་སྨན་པ་ཞིག་རེད་འདུག ལོ་རབས་ ༣༠ སྐབས་དབྱིན་ཡུལ་དུ་ཕྱིན་ཏེ་ཁྲིམས་ལུགས་ཐོག་སློབ་སྦྱོང་བྱས་ཏེ་ཁྲིམས་རྩོད་པའི་གོ་གནས་ཐོབ་ཡོད་འདུག་ལ་སྐབས་དེར་ཁོས་དབྱིན་ཇིའི་དམར་ཤོག་འཛུགས་རྒྱུར་ཡང་འབྲེལ་བ་གང་ཐུབ་བྱས་འདུག
ཕྱི་ལོ་ ༡༩༤༠ ལོར་དབྱིན་ཡུལ་ནས་ཕྱིར་རང་ཡུལ་དུ་ལོག་མཚམས་ཁྲིམས་རྩོད་པའི་ཕྱག་ལས་མ་གནང་བར་དམར་ཤོག་གི་ཚོགས་པར་ཞུགས་ཏེ་ལས་འགུལ་རིམ་པར་སྤེལ་སྟབས། ༡༩༦༤ ལོར་དམར་ཤོག་ཚོགས་པ་དེ་དབུ་བརྙེས་ཐུབ་པ་བྱུང་ཡོད་ལ། སྐབས་དེར་ཁོང་ནི་ཚོགས་པ་དེར་ཚོགས་མི་ ༩ ཡོད་པའི་ནང་གི་གཅིག་ཡིན་འདུག
འདས་པའི་མི་ལོ་ ༥༠ ལྷག་གི་རིང་ཁོང་གིས་སྤྱི་ཚོགས་དང་ཆབ་སྲིད་སོགས་ཀྱི་ཐད་ཕན་ནུས་ཆེན་པོ་བསྒྲུབས་ཡོད་པས་རྒྱ་གར་རྒྱལ་ཡོངས་ནས་གདེང་འཇོག་ཆེན་པོ་ཐོབ་ཡོད་འདུག ཕྱི་ལོ་ ༡༩༧༧ ནས་ ༢༠༠༠ ལོའི་བར་ཁོང་གིས་ནུབ་བྷེན་གྷལ་གྱི་སྲིད་སྐྱོང་བློན་ཆེན་གྱི་འགན་འཁུར་འདུག ཁོང་ནི་རྒྱ་གར་རང་བཙན་བྱུང་རྗེས་ཀྱི་ལོ་རྒྱུས་ཁྲོད་བློན་ཆེན་གྱི་ལས་འཁུར་རྒྱུན་རིང་ཤོས་གནང་བའི་སྲིད་དོན་པ་ཞིག་ཆགས་ཡོད་འདུག
སེམས་པ་སྐྱོ་བ་ལ།ཁོང་ཚོས་སོ་སོའི་ལུང་པའི་དོན་དུ་ལས་དེ་བྱས་པ་ན་ཡིན་ཅི་མ་རུང་།
རྒྱ་མི་དང་བོད་མིའི་དམར་པོ་ཚོ།
དམར་པོ་དངོས་གནས་ཚེ་ལྡན་བྱེད་འདོད་ཡོད་ན།
དམར་པོ་ཇོཡིཏིབྷསུ་ལྟ་བུ་ཞིག་དགོས་བགྱིད་འདུག
དེ་མིན་ཏིང་ཤཱཝོཕིང་ ཅཨཱོཨེལེན་དངམཱ་ཝོ་ལྟ་བུ་ནི།
སྤྱི་ཚོགས་ཀྱི་ཞབས་འདེགས་ལས་ཞབས་འདྲེན་མང་བ་ཞུས་མི་འདུག་གེ །
ངས་བལྟས་ན་དམར་པོའི་འགོ་འཁྲིད་མང་པོ་ཞིག་ནི།
དམར་པོའི་ཞབས་འདྲེན་པ།
ཨེཤིཡ་ཡི་ཞབས་འདྲེན།
ཨེཤིཡ་སྤྱིའི་ཁྱིམ་མཚེས་དང་།
བོད་རིགས་ཁྱིམ་འཚེས་དང་།
རྒྱ་རིགས་ཀྱི་ཞབས་འདྲེན་དུ་
མཐོང་བགྱིད་འདུག་གོ །
གནམ་རྒན་མ། གསར་བུ་དེ་ཚོས་རང་རང་གི་སྣང་བ་ཕྲན་པུ་རེ་བརྩད་དེ་རང་ཤ་ལ་གྲི་བསྣུན་རེ་བྱེད་ཀྱིན་པ་དེ་དག་བོད་མི་གཞན་དག་གིས་གོ་ན་ང་དང་འདྲ་བར་སེམས་པ་སྐྱོ་ངེས་ཡིན། དངོས་ནས་དེ་འདྲའི་ཤི་འདོད་ཀྱི་སྙིང་སྟོབས་ཆེན་པོ་དེ་འདྲ་ཡོད་ན། ཤི་ས་ཡོད་ལ། ཤི་བ་དེ་ཡང་གཟི་བརྗིད་ལྡན་པའི་ཤི་ས་ཞིག་ཡོད་པ་དེ་ཤེས་ཡོད་ན་ཅི་མ་རུང་། སྙིང་རེ་རྗེ།
བོད་ཀྱི་སྟེང་བཀོད་ཡོད་པའི་ཡིད་སྐྱོ་བའི་གནས་ཚུལ་གསར་པ་ཞིག
ལྡི་ལི་རུ་མི་གསོད་ཀྱི་དོན་རྐྱེན།
གནས་ཚུལ་ཤེས་རྟོགས་བྱུང་བ་ལྟར་ན། ཟླ་འདིའི་ཕྱི་ཚེས་༡༧ ཉིན་གྱི་དགོང་མོ་ལྡི་ལི་བོད་སྒར་བསམ་ཡས་གླིང་གི་སྒོ་ཆེན་གྱི་ཉེ་འགྲམ་དུ་མི་གཅིག་དང་ཁ་གཏད་མི་གཉིས་བཅས་བོད་མི་གསུམ་རྒྱག་རེས་བརྒྱབ་པ་དང། མི་གཅིག་དེས་ཁ་གཏད་མི་གཅིག་རྨས། མི་གཅིག་བསད་ཡོད་འདུག དོན་རྐྱེན་ག་རེ་ཡིན་མིན་ཁ་གསལ་མི་འདུག་ཀྱང། དོན་རྐྱེན་དེ་བྱུང་བའི་རྗེས་མི་གསོད་མཁན་དེ་ཉེན་རྟོག་ཁང་དུ་རང་འགུལ་གྱིས་སོང་ནས་འགོ་འདོགས་ཞུས་ཡོད་པ་དང། མི་བསད་པ་དེ་ཐོག་མ་དབུགས་མ་ཆད་ཙམ་ཞིག་ཡོད་འདུག་པས་སྨན་ཁང་དུ་བསྐྱལ་ཡོད་འདུག་ཀྱང། སྨན་ཁང་དུ་སླེབས་པའི་རྗེས་སུ་གྲོངས་འདུག གཤིན་པོའི་ཕུང་པོར་ཉེན་རྟོག་པས་བདག་པོ་བརྒྱབ་ཡོད་པ་དང། ཕྱི་ཚེས་༡༨ ཉིན་འདས་པོའི་ཕ་ཡུལ་གཅིག་པ་ཁག་ཅིག་ལེན་དུ་སོང་ཡང་ཉེན་རྟོག་པས་ཕྱིར་སྤྲད་མེད་པའི་གནས་ཚུལ་ཐོན་འདུག།།
ཁོང་ལ་གདུང་སེམས་དང་མྱ་ངན་ཞུ། ཁོང་ནས་བོད་མི་དམར་ཤོག་པ་འབའ་པ་ཕུན་དབང་ལ་ཡང་རོགས་པ་ཞེ་དྲག་གནང་བའི་ལོ་རྒྱུས་ཤིག་གོ་མྱོང་འདུག