ཁ་སང་ཕྱི་ཚེས་ ༡༩ ཉིན་མཆོད་མེ་བོད་ཀྱི་རྩོམ་རིག་དྲ་བའི་པོད་ཁུག་(www.cmbod.cn)བསླར་ཡང་སྒོ་ཕྱེས་ཐུབ་པ་བྱུང་བའི་གཏམ་བཟང་བསྒྲགས་འདུག་ལ། དེ་དང་མཉམ་དུ་གངས་གཞོན་གླེང་སྟེགས་(www.tibet123.com)ཀྱང་བསྐྱར་དུ་སྒོ་ཕྱེ་འདུག
ཟླ་འདིའི་ཚེས་ ༦ ཉིན་མཆོད་མེ་དྲ་བའི་དོ་དམ་པས་གསལ་བསྒྲགས་ཤིག་སྤེལ་བའི་ནང་ “མཆོད་མེ་དྲ་བར་དུས་ཀུན་བརྩེ་བས་གཟིགས་པའི་ཀློག་མཁན་ཡོངས་ལ། ཉེ་བའི་དུས་འདིར་གོང་རིམ་ནས་གནས་སྐབས་སུ་རིགས་སྣ་ཚོགས་ཀྱི་པོད་ཁུག་དག་གི་སྒོ་རྒྱག་དགོས་པའི་བརྡ་བཏང་བྱུང་བ་དང་། དུས་ལ་བབས་ཚེ་སླར་ཡང་སྒོ་འབྱེད་ངེས་པ་འདྲ་བས། དོན་དག་འདིས་བོད་ཀྱི་རིག་གནས་ཡར་སྤེལ་གྱི་ཕྱོགས་ལ་ཀུན་སློང་ཡོད་པའི་ཀློག་མཁན་དག་ལ་འགལ་རྐྱེན་ཆེན་པོ་བཟོས་པར་ཆེད་དུ་དགོངས་དག་ཞུས་པ་ཡིན” ཞེས་བཀོད་འདུག་ལ། སྐབས་དེར་མཆོད་མེ་པོད་ཁུག་ཙམ་དུ་མ་ཟད། (བོད་ཀྱི་སྐད་ཡིག) དང་། (གངས་གཞོན་གླེང་སྟེགས) ( ཧི་གཟུགས་ཟིན་བྲིས) བཅས་ཀྱང་སྒོ་རྒྱག་དགོས་བྱུང་ཡོད་ཀྱང་། ཐེངས་འདིར་མཆོད་མེ་པོད་ཁུག་དང་མཉམ་དུ་གངས་གཞོན་གླེང་སྟེགས་ཀྱང་བསྐྱར་དུ་སྒོ་ཕྱེ་ཐུབ་པ་བྱུང་ཡོད།
ཉེ་ཆར་བོད་ནང་གི་དྲ་ཚིགས་དང་ཟིན་བྲིས་ཁག་ཅིག་ལ་བལྟ་མི་ཐུབ་པ་ཆགས་རྗེས་ཕྱི་ཕྱོགས་ནས་བལྟ་ཀློག་བྱ་མི་ཐུབ་པ་བཟོས་པ་ཡིན་ཚུལ་གླེང་སློང་བྱུང་ཡོད་ཀྱང་། དོན་དངོས་དེ་འདྲ་མ་ཡིན་པར། སྔར་ལོའི་ལོ་མཇུག་ཏུ་པེ་ཅིན་ནས་༼ ཐེངས་
ཁ་སང་ཚེས་ ༡༩ ཉིན་མཆོད་མེ་བོད་ཀྱི་རྩོམ་རིག་དྲ་བས་པོད་ཁག་བསྐྱར་དུ་སྒོ་འབྱེད་ཐུབ་པ་བྱུང་བའི་ཡོངས་ཁྱབ་གསལ་བསྒྲགས་ཤིག་སྤེལ་ཡོད་པའི་ནང་། “རྒྱ་ཆེའི་བོད་རིགས་སྤུན་ཟླ་ལྷན་རྒྱས་ཀྱི་སྤྱན་སྔར། མིག་སྔར་དཀའ་ཚེགས་གང་མང་བརྒྱུད་རང་རེའི་མཆོད་མེའི་པོད་ཁུག་དེ་ཡང་བསྐྱར་ཁ་ཕྱེ་ཆོག་པའི་གནང་བ་ཐོབ་ཡོད། སྔར་གྱི་པོད་ཁུག་གི་ཁོངས་མིང་ www.cmbod.cn དེའི་སྟེང་ཁོངས་མིང་ http://blog.tibetcm.com གསར་དུ་བསྣན་ཡོད་པས་ཁོངས་མིང་དེ་གཉིས་གང་རུང་བརྒྱུད་ནས་པོད་ཁུག་ལ་བཅར་ཆོག་སྟབས། དེ་གཉིས་ལས་གང་ལ་མོས་ན་དེ་སྤྱོད་ཆོག་པའི་ཁྱད་ཆོས་ལྡན། དེ་མིན་དྲ་གྲོགས་རྣམ་པའི་སྙན་ལམ་དུ་ཞུ་རྒྱུར། པོད་ཁུག་གི་ནང་དོན་ཐད་ནས་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་དང་མི་འགལ་བར་ཡང་ནས་ཡང་དུ་རེ་བ་ཞུ། ད་དུང་ཡང་ཁྲིམས་འགལ་གྱི་བརྗོད་བྱ་སྤེལ་ཏེ། པོད་ཁུག་སྒོ་རྒྱག་དགོས་བྱུང་བའི་ཚེ་ན་པོད་ཁུག་གི་ཚེ་སྲོག་ཉག་ཕྲ་བ་དེ་ཡང་མི་བརྟན་པར་འདུག་པས་ན་ཀུན་ཀྱིས་དང་དུ་ལེན་པར་འཚལ།།” ཞེས་བཀོད་འདུག
གངས་ལྗོངས་གླེང་སྟེགས་ཁ་སེང་ནས་རྒྱ་གར་ལྷོ་ཕྱོགས་སུ་སྒོ་ཕྱེ་ཐུབ་ཀྱི་འདུག
གངས་གཞོན་གླེང་སྟེགས་སྒོ་ཕྱེས་ཐུབ་ནའང་དྲ་ངོས་ཀྱི་རྩོམ་ཡིག་ཁག་འཕར་བརྗེ་བྱེད་མི་ཐུབ་པའི་སྣང་ཚུལ་དུ་ལྷག་འདུག དེ་མིན་ཧི་གཟིགས་ཟིན་བྲིས་ཀྱང་སྒོ་ཕྱེས་ཐུབ་ཀྱང་། དྲ་ངོས་ཀྱི་སྒུལ་ནུས་བརྗེ་བསྒྱུར་འཕར་སྣུར་དང་ནང་འཇུག་ཐོ་འགོད་སོགས་བྱེད་མི་ཐུབ་པའི་ཚུལ་དུ་འདུག
རེ་བ་ལ་བོད་ནང་གི་ཟིན་བྲིས་འདི་དག་ང་ཚོའི་མིག་སྔར་ནམ་བཤམས་ཐུབ་པ་ནས་གང་ལ་འཇིག་སྣང་མི་དགོས་པའི་ལུང་ཁུག་རེར་འཛུལ་ནས་ཟིན་བྲིས་འདི་དག་གི་ཚེ་སྲོག་དང་ཟིན་བྲིས་དོ་དམ་པ་དག་གི་མདུན་ལམ་ལ་གནོད་བསྐྱལ་བའི་སྐད་ཆ་གང་བྱུང་དུ་མ་བཤད་རོགས་ཟེར་བ་ཡིན།
ཧི་གཟུགས་ཟིན་བྲིས་སྔོན་མ་ནང་བཞིན་ཡོངས་ཁྱབ་དྲ་བའི་ལམ་དུ་སྒོ་ཕྱེས་མེད་པར་གནས་སྐབས་ཚོང་འཕྲིན་བརྒྱུད་བསྒྲགས་གྱི་དྲ་ལམ་ལྟ་ཞིག་བེད་སྤྱོད་བཏང་ཏེ་ཟིན་བྲིས་པ་དང་ཀློག་པ་པོ་ཚོར་མཐའ་མའི་གོ་སྐབས་ཕུལ་ཡོད་འདུག་པས་ཆེས་རིང་ན་ཟླ་བ་གཅིག་དང་། དེ་མིན་ཟླ་གཅིག་ནང་ཚུན་དུ་རང་བཞིན་གྱིས་སྒོ་རྒྱག་གི་རེད།
སྙིང་རྗེ་ཆབ་སྲིད་བཙོན་པ་ཁོང་གཉིས་་་་དེ་ལས་ཀྱང་མཆོད་མེ་དྲ་ཚིགས་འདི་ལོ་རྟག་པར་ཁྲིམས་ཁང་དུ་འགྲོ་དགོས་བྱུང་བས་སྙིང་རྗེ་བ་ཞིག་རེད། བཙོན་པ་འདི་དག་གི་སྐུ་ཚེ་ཡུན་བརྟན་པའི་སྨོན་འདུག་ཞུ།
བསམ་འཆར ་ཉན་འདོད མེད་པ་དང་ གཅིག ཤེས་བཞིན་ ཡར་རྒྱས་ གཏོང་འདོད་ མེད་པ་ གཉིས་ནི། ད་ལྟའི་ རྒྱ་ནག་ གཞུང་གི་ མཚང་ ཆེ་ཤོས་ གཉིས་རེད། །
ᨕདྲ་ཚིགས་དེ་དག་བསྐྱར་དུ་སྒོ་ཕྱེ་ཐུབ་པ་ལ་དགའ་བསུ་དང་དེའི་ཕྱོགས་ལ་ཧུར་རྩོན་བྱེད་མཁན་རྣམས་ལ་ཐུགས་རྗེ་ཆེ། འཚམས་འདྲི་ཞུ།
གྲྭ་བ་དྲ་བ་གཉིས་ཀ་བཙོན་གྲོལ་ཐོབ་ན་ཅི་མ་རུང་།
དྲ་ཚིགས་དེ་གཉིས་བསྐྱར་དུ་སྒོ་ཕྱེ་འདུག་པར་འཚམས་འདྲི་ཞུ།
བརྡ་འཕྲིན་དུས་རབས་འདིའི་ནང་རྒྱ་ནག་གཞུང་གིས་བརྡ་འཕྲིན་གྱི་རང་དབང་བཀག་སྡོམ་བྱེད་པ་ནི་འགྲོ་བ་མིའི་རིགས་ཀྱི་སྐེ་དམ་པོར་བཙིར་བ་དང་ཀུན་ནས་མཚུངས་པ་ཞིག་མ་རེད་དམ།
དེ་རིང་གི་གཏམ་བཟང་འདི་གོ་བ་དང་ལྷན་དུ་ང་ཚོས་ཧི་གཟུགས་ཟིན་བྲིས་དང་བོད་ཀྱི་སྐད་ཡིག་དྲ་རྒྱ་ཡང་བཙོན་གྲོལ་འཐོབ་རྒྱུར་ངང་སྒུག་བྱས་པ་ཙམ་མ་ཡིན་པར་དེ་ཡོང་རྒྱུར་ཐབས་ལམ་གང་ཞིག་འཚོལ་དགོས་སམ།
དྲ་ངོས་སུ་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་དང་འགལ་བའི་དོན་གནད་སྤེལ་མི་ཆོག་པའི་རེ་བ་གནང་བ་ནི བོད་ཡིག་དྲ་ཚིགས་ཀྱི་ཚེ་སྲོག་ལ་ཐུགས་བསམ་བཞེས་ཏེ་གསུངས་པ་ཞིག་རེད། ཡང་ང་ཚོས་སྤྱི་ཚོགས་འཚོ་བའི་ཁྲོད་ཀྱི་དངོས་ཡོད་དང་བདེན་དོན་གྱི་གནས་ལུགས་གང་ཡིན་པ་བཤད་ཚེ། དེ་ཡང་རྒྱ་ནག་མི་མང་སྤྱི་མཐུན་རྒྱལ་ཁབ་ཀྱིས་བཀག་སྡོམ་བྱེད་དོན་ཅི་ཡིན་ནམ།