བོད་མི་ཚེ་རིང་རྡོ་རྗེས་ལགས་སུ་ཉི་ཧོང་གི་ཀ་ར་ཊི་གོ་ཇུ་ཀའེ་དྲག་རྩལ་ལྟེ་གནས་ཁང་གིས་གོའུ་རྡན་ཞེས་པའི་རྩལ་སྦྱོང་མཐར་སོན་གྱི་ཕྱག་ཁྱེར་གནང་འདུག
ཕྱི་ཚེས་ ༢༠ རྒྱ་གར་འབྲས་ལྗོངས་སྒང་ཏོག་ནས་ཡིན་པའི་བོད་མི་ཚེ་རིང་རྡོ་རྗེ་ལགས་ཀྱིས་མི་ལོ་དུ་མའི་རིང་ཉི་ཧོང་དུ་རང་སྲུང་དྲག་རྩལ་སྦྱོང་བརྡར་དང་མཉམ་དུ་ཐེངས་མང་རྒྱུགས་སྤྲོད་ལ་ཞུགས་ཡོད་པ་དང་། ཉེ་ཆར་ཉི་ཧོང་གི་རྒྱལ་སར་ཡོད་པའི་རྒྱལ་སྤྱིའི་ཀ་ར་ཊི་གོ་ཇུ་ཀའེ་ལྟེ་གནས་ཁང་གིས་ཁོང་ལ་གོའུ་རྡན་ཞེས་པའི་ཉི་ཧོང་གི་རང་སྲུང་དྲག་རྩལ་གྱི་ཕྱག་ཁྱེར་མཐོ་ཤོས་དེ་གནང་ཡོད་པ་རེད།
ཐེངས་འདིར་ཕྱག་ཁྱེར་ཐོབ་མཁན་གྱི་བོད་མི་ཚེ་རིང་རྡོ་རྗེ་ལགས་ནི། བཙན་བྱོལ་བོད་གཞུང་བདེ་སྲུང་ལས་ཁུངས་སུ་ཕྱག་ལས་གནང་མཁན་ཞིག་ཡིན་འདུག་ལ། ༡༩༩༢ ལོར་རྒྱ་གར་ལྷོ་ཕྱོགས་གྲོང་ཁྱེར་མ་རྡ་ར་སིར་རྒྱ་གར་རྒྱལ་ཡོངས་སྦུ་ཌོ་ཀའི་དྲག་རྩལ་ལྟེ་གནས་ཁང་དུ་སྐེ་རགས་ནག་པོ་ཐེངས་དང་པོ་ཐོབ་མཁན་དེ་ཆགས་ཡོད་པ་མ་ཟད། ༡༩༩༣ ལོ་ནས་ ༡༩༩༥ བར་བསྟུད་མར་རྒྱ་གར་རྒྱལ་ཡོངས་ཀེ་ར་ཀྲེ་དྲག་རྩལ་འགྲན་བསྡུར་ཁྲོད་ཨང་དང་པོའི་གསེར་གྱི་རྟགས་མ་བཞེས་ཡོད་འདུག་ལ། ༢༠༠༡ ལོར་ཊོག་ཀྱོ་རུ་ཀ་ར་ཀྲེ་སྦྱོང་བརྡར་སློབ་ཐོན་གནང་རྗེས་རྒྱ་གར་དུ་ལོག་ཡོད་ཀྱང་། ༢༠༠༣ ལོར་ཀྲེ་ཀི་རྒྱལ་སྦྱིའི་བདེ་འཇགས་ཀྱི་སློབ་ཡོན་ཐོབ་པར་བརྟེན་བོད་གཞུང་བདེ་སྲུང་ལས་ཁུངས་ཀྱིས་ཡང་བསྐྱར་ལོ་གཉིས་རིང་སྦྱོང་བརྡར་དུ་བཏང་ཡོད་འདུག སྦྱོང་བརྡར་ཁྲོད་ཁོང་ལ་ཡོན་རྡན་དང་ཤོ་རྡན་ཞེས་པའི་ཕྱག་ཁྱེར་གཉིས་བསྟུད་མར་ཐོབ་ཡོད་ཅིང་། ༢༠༠༩ ལོར་ཀ་ར་ཊི་གོ་ཇུ་ཀའེ་ལྟེ་གནས་ཁང་གིས་མུ་མཐུད་ཟླ་ ༦ རིང་ཁོང་ལ་སྦྱོང་བརྡར་སྤྲད་མཐར། ལྟེ་གནས་ཁང་དེའི་འགྲན་བསྡུར་ཁག་ཚང་མའི་ནང་རྩེར་སོན་བྱུང་སྟེ་ཉི་ཧོང་ནང་གི་གོའུ་རྡན་དྲག་རྩལ་མཐར་སོན་ཕྱག་འཁྱེར་ཐོབ་ཡོད་འདུག
དེང་སང་ཨ་རི་དང་ཉི་ཧོང་སོགས་ཕྱིའི་རྒྱལ་ཁབ་ཁག་ཏུ་་(MMA=Mixed Martial Arts) བསྲེས་པའི་དྲག་རྩལ་ཞེས་ཇུ་ཀྲོ ཀ་ར་ཀྲེ ཁུང་ཕུ། ཁུ་མཚུར་བསྣུན་པ། མུ་ཝ་ཐཡེ། བེར་ཀ ཇིཇི་ཙུ་ཞེས་བ་ར་ཛིལ་གྱི་དམིགས་བསལ་དྲག་རྩལ་སོགས་རང་གིས་གང་ཤེས་ཀྱི་རྣམ་དཔྱོད་བསྟན་ཆོག་པའི་འགྲན་བསྡུར་ས་ཁྱབ་གནམ་ཁྱབ་འགྲོ་བཞིན་འདུག་པའི་དེ་འདྲ་ཞིག་གི་ནང་འགྲན་བསྡུར་གནང་ནས་རྒྱལ་ཁ་ཐོབ་ནས་བོད་པའི་མིང་གྲངས་བཞག་ཐུབ་ན་ཡག་པོ་རེད།
ད་འདི་གར་ཡོང་ནས་བོད་ཁྱིམ་སློབ་ཕྲུག་ཆུང་བ་བོད་ཡིག་མི་ཤེས་མཁན་ཚོར་བོད་ཡིག་སློབ་ཚན་གྱི་ཚབ་ཏུ་དྲག་རྩལ་བསླབས་ཏེ་མ་འོངས་བོད་ཀྱི་དྲག་རྩལ་སློབ་གྲྭ་ཞིག་འཛུགས་དགོས་པ་མིན་ནམ།
ང་མ་བཟང་གི་བོད་མི་འི་དྲག་རྩལ་རིགས་ཅིག་རྐང་འཛིན་པ་དང་པོ་ཡིན་རྒྱུ་རེད།
བོད་མིའི་དྲག་རྩལ་རིགས་གཅིག་རྐང་འཛིན་པ་ཐོན་དང་པོ་རེད་སྙམ།
འདི་ནི་དྲག་རྩལ་རིགས་གཅིག་རྐང་འཛིན་ཡོད་དམ་ཞེས་དྲི་བ་བཏང་ན།
ཡོད་དེ་སྐུ་ཞབས་ཚེ་རིང་རྡོ་རྗེ་ལགས་ཡིན་ཞེས་ལན་འདེབས་རྒྱུ་ཡོད་པ་ཞིག་ཏུ་གྱུར་པ་རེད། དེར་བརྟེན། ཁོང་གི་མི་ཚེའི་དཀའ་སྤྱད་ཀྱི་འབྲས་བུ་འདི་ལྟར་སྨིན་པར་འཚམས་འདྲ་ཡོད།
ད་དུང་ང་ཚོའི་སྤྱི་ཚོགས་སུ་སྟོང་ཆར་ལུས་པའི་གནད་དོན་མང་པོ་ཞིག་ཡོད་སྙམ།།