སཱོ་ལན་དཔལ་གཤེན་བསྟན་སྨན་རིའི་གླིང་གཙོས་མཐའ་འཁོར་ས་ཁུལ་དང་། ཧི་མ་ཅལ་མངའ་སྡེའི་ལྟེ་གནས་སིམ་ལ་ཁུལ་དུ་ཡོད་པའི་དཔལ་ཇོ་ནང་རྟག་བརྟན་ཕུན་ཚོགས་ཆོས་གླིང་ཕྱོགས་གཉིས་སུ་མདོ་སྨད་ས་གནས་གསར་འཛུགས་གནང་བ།
མདོ་སྨད་དབུས་རྒྱུན་གྱིས་ཕྱི་ཚེས་ ༢༦ ཉིན་འདི་གར་བཏང་བའི་གནས་ཚུལ་ལྟར་ན། མདོ་སྨད་ཚོགས་ཆེན་སྐབས་བཅུ་བཞི་བ་ཕྱི་ལོ་ ༢༠༠༩ ལོའི་ཟླ་༤ཚེས༢༦ནས་ཉིན་གསུམ་རིང་ཀིརྟིའི་བྱེས་པ་གྲྭ་ཚང་དུ་ཚོགས་ཤིང་། སྐབས་དེའི་གྲོས་ཆོད་ཁག་ལས་དོན་ཚན་གཅིག་གཞིར་བཟུང་སྟེ་བོད་རྒྱལ་ལོ་༢༡༣༧ཕྱི་ལོ༢༠༡༠ཟླ་༡ཚེས་༡༠ཉིན་མདོ་སྨད་དབུས་སྤྱི་ཁྱབ་རྒྱུན་ལས་རྣམས་མཉམ་འཛོམས་ཀྱིས་བཞུགས་མོལ་ཚོགས་འདུ་བརྒྱུད་ཐག་གཅོད་བྱུང་དོན་ལྟར་སཱོ་ལན་དཔལ་གཤེན་བསྟན་སྨན་རིའི་གླིང་གཙོས་མཐའ་འཁོར་ས་ཁུལ་དང་། ཧི་མ་ཅལ་མངའ་སྡེའི་ལྟེ་གནས་སིམ་ལ་ཁུལ་དུ་ཡོད་པའི་དཔལ་ཇོ་ནང་རྟག་བརྟན་ཕུན་ཚོགས་ཆོས་གླིང་ཕྱོགས་གཉིས་སུ་མདོ་སྨད་ས་གནས་གསར་འཛུགས་དང་འཐུས་ཚང་དུ་གནང་གལ་ཆེ་བར་མཐོང་སྟེ་མདོ་སྨད་དབུས་སྤྱི་ཁྱབ་རྒྱུན་ལས་ཁང་གི་ཚོགས་གཞོན་མགོན་པོ་དོན་འགྲུབ་དང་། དྲུང་ཆེ་རྒྱ་རིགས་ཐར། འབྲེལ་མཐུད་བདེ་འགན་བསྟན་པའི་དངོས་གྲུབ་གསུམ་འདི་ཟླའི་ཚེས་༢༠ཉིན་ས་གནས་དེ་གཉིས་ལ་ཆེད་བཅར་གྱིས། ཕྱི་ཚེས་༢༡ཉིན་འཕགས་ཡུལ་དཔལ་ཇོ་ནང་དགོན་རྟག་བརྟན་ཕུན་ཚོགས་ཆོས་གླིང་གི་མཁན་རབས་དང་རྡོ་རྗེ་སློབ་དཔོན་ཁྲི་རབས་དང་པོ་ཆོས་སྣང་རིན་པོ་ཆེ་དང་མཁན་པོ་ལས་ཐོག་རིན་ཆེན་རྣམ་གཉིས་གཙོས་ས་དེ་གའི་སེར་སྐྱ་མི་མང་འདུ་འཛོམས་ཀྱིས་ས་གནས་ཚོགས་འདུ་སྐོང་འཚོགས་ཀྱི་ལམ་ནས “སིམ་ལ་མདོ་སྨད་ས་གནས་རྒྱུན་ལས་ཁང” གསར་འཛུགས་བྱས་པ་དང་། དེ་བཞིན་ས་རྒྱུན་གསར་པའི་ཁོངས་སུ་སློབ་སྟོན་པར་མཁན་ཟུར་ཆོས་སྣང་རིན་པོ་ཆེ་དང་། རྒྱུན་ལས་ཀུན་དགའ་གནས་ལོ། ཡོན་ཏན་རྒྱ་མཚོ། དེ་མིན་མང་མོས་འོས་བསྡུ་བརྒྱུད་སྐྱ་བོ་གཅིག་རྗེས་སྣོན་ཡོང་རྒྱུ་དང་ལས་གནས་གོ་རིམ་ནང་ཁུལ་ནས་བསྐོ་བཞག་གནང་རྒྱུ་བཅས་གཏན་ཁེལ་ཐག་གཅོད་བྱེད་ཐུབ་པ་བྱུང་ཡོད།
ཕྱི་ཚེས་ ༢༢ ཉིན་སོ་ལན་བོན་གཞིས་སུ་ཆེད་བཅར་བྱས་ཡོད་ལ་ཉིན་དེར་༧དཔལ་རྒྱལ་བ་སྨན་རི་བའི་ཁྲི་འཛིན་སོ་གསུམ་པ་༧སྐྱབས་རྗེ་ལུང་རྟོགས་བསྟན་པའི་ཉི་མ་རིན་པོ་ཆེ་མཆོག་ལ་ཆེད་དུ་མཇལ་བཅར་གྱིས་མདོ་སྨད་ཀྱི་ལས་དོན་ཆེ་ཕྲ་༧སྙན་སེང་ཞུས་པ་དང་འབྲེལ། བོད་བསྟན་སྲིད་ལ་སྨན་པའི་ལམ་སྟོན་བཀའ་སློབ་ཡང་བསྩལ་གནང་མཛད་ཅིང་། དེ་ག་བོན་གཞིས་ཁུལ་བཞུགས་མདོ་སྨད་སེར་སྐྱ་ཡོངས་འདུ་འཛོམས་ཀྱིས་ཚོགས་འདུ་སྐོང་འཚོགས་དང་། མདོ་སྨད་དབུས་སྤྱི་ཁྱབ་རྒྱུན་ལས་ཁང་གི་ལོ་རྒྱུས་བྱུང་རིམ་དང་། དཔལ་ལྡན་རང་གཞུང་དང་༧གོང་ས་༧སྐྱབས་མགོན་རིན་པོ་ཆེ་མཆོག་གི་དགོངས་གཞི་དང་འབྲེལ་བའི་ལས་དོན་སྒྲུབ་ཕྱོགས་སྐོར་ལ་གཏམ་བཤད་ཀྱིས་ས་གནས “བོན་གཞིས་མདོ་སྨད་ས་གནས་རྒྱུན་ལས་ཁང” གསར་འཛུགས་ལེགས་འགྲུབ་དང་། མང་མོས་འོས་བསྡུའི་ལམ་ནས་རྒྱུན་ལས་གསར་འདེམས་བྱུང་ཡོད་། ས་གནས་རྒྱུན་ལས་གསར་པའི་ཁོངས་སུ་སྨན་རི་དགོན་གྱི་གྲྭ་ཁྲི་གཡུང་དྲུང་དང་། གྲྭ་ཟླ་བ་དར་རྒྱས། གྲྭ་བསྟན་པ་ཡེ་ཤེས། གཞིས་གྲོང་དོན་འགྲུབ། གཞིས་གྲོང་བཀྲ་ཤིས་མཚོ་མོ་སོགས་ཚོགས་མི་ལྔ་བསྐོ་བཞག་གནང་ཡོད་ལ་ལས་གནས་གོ་རིམ་ནང་ཁུལ་ནས་འོས་འདེམས་བྱ་རྒྱུའི་ཐག་གཅོད་བྱུང་ཡོད་འདུག
བཟང་གི་རྟེན་འབྲེལ་ཞུ་མུ་མཐུད་དུ་འབད་རྩོན་བྱོས།
མདོ་སྨད་ས་རྒྱུན་རིན་པོ་ཆེ༎
མ་སྐྱེས་པ་རྣམས་སྐྱེས་གྱུར་ཅིག །
སྐྱེས་པ་ཉམས་པ་མེད་པར་ཡང་༎
གོང་ནས་གོང་དུ་འཕེལ་བར་ཤོག །
མདོ་སྨད་པ་ཚོས་སྨོན་ལམ་འདི་ཚར་འབུམ་རེ་གསུང་རོགས་ཞུ།
ཀུ་རེ་ཡིན། དགོངས་དག
མི་ནི་སྤྱི་ཚོགས་སེམས་ཅན་ཞིག་ཡིན་པས། དེ་ལ་སྤྱི་ཚོགས་ཀྱི་འགྲོ་ལུགས་ཤིག་ཡོད་དགོས་པ་རེད། མདོ་སྨད་རྒྱུན་ལས་ནས་འདི་ལྟའི་བྱ་བ་བསྒྲུབས་པར་རྟེན་འབྲེལ་ཡོད། ཁ་འཐོར་དུ་གནས་པའི་མདོ་སྨད་མི་མང་ཡོངས་རྫོགས་ཚོགས་འདུས་ཀྱི་ངོ་བོར་བསྒྱུར་དགོས་པ་རེད། སྡོད་གནས་ཁ་འཐོར་དུ་སོང་བ་ཡིན་ན་སྟོབས་ཤུགས་ཁ་འཐོར་དུ་འགྲོ་བ་རེད། ང་ཚོས་མི་སྒེར་ནས་ཁྱིམ་ཚང་དང་། ཁྱིམ་ཚང་ནས་གྲོང་སྡེ། གྲོང་སྡེ་ནས་ཆོལ་ཁ། ཆོལ་ཁ་ནས་རྒྱལ་ཁབ་ཀྱི་ཕྱོགས་སུ་གོམ་གང་མདུན་སྤོས་ཀྱིས་ཆིག་སྒྲིལ་བྱེད་དགོས་པ་རེད། རྟེན་འབྲེལ་ཞུ།
ཨོ་ཡ་ར། ད་འདི་མོ་འདི་སོ་འཛུགས་དགོ་གི་མ་རེད། གཙོ་བོ་ག་རེ་བྱེད་མིན་དེ་རང་ལ་ཐུག་ཡོད་དུས། འདི་མོ་འདིས་རྗེས་མར་ཉོག་དྲ་བཟོ་སྲིད། དཔེར་ན་ཆུ་བཞི་སྒང་དྲུག་ཚོགས་པ་དང་། ཆོལ་ཁ་སོ་སོའི་སྐྱིད་སྡུག་ཚོགས་པ་ཁག་ལ་ལྟོས་དང་། དེས་ཚང་མ་གསལ་བཤད་བྱེད་ཀྱིན་འདུག
རྟེན་འབྲེལ་ཞུ་རྟེན་འབྲེལ་ཞུ། ང་ས་འཐུས་ཤིག་མིན་རུང་ས་རྒྱུན་གཅིག་གིས་མི་ཚད་གཉིས་རེ་བཙུགས་ན་རྟེན་འབྲེལ་ལོས་ཞུས། བྱ་བ་ལམ་འགྲོ་ཡོང་བར་སྨོན། ཁ་བཤད་དོན་ཐོག་ཏུ་འགྲོ་བར་ཤོག