རྒྱ་གཞུང་གིས་ཆབ་མདོ་འཇོ་ཕུ་དགོན་པའི་སྤྲུལ་སྐུ་བྱང་ཆུབ་རིན་པོ་ཆེ་དང་གྲྭ་སངས་རྒྱས་རྒྱ་མཚོ། ཨ་པོ་མ་བཅས་མི་གསུམ་འཛིན་བཟུང་བྱས་འདུག
ཕྱི་ཚེས་ ༢༦ ཉིན་གསར་ལམ་དུ་གནས་ཚུལ་སྤེལ་བ་ལྟར་ན། ཕྱི་ལོ་ ༢༠༠༩ ལོའི་ཕྱི་ཟླ་༡༢ པའི་ཟླ་མཇུག་ཏུ་ཆབ་མདོ་ས་ཁུལ་འཇོ་མདའ་རྫོང་ཁོངས་སུ་ཡོད་པའི་འཇོ་ཕུ་དགོན་པའི་སྤྲུལ་སྐུ་བྱང་ཆུབ་དང་རང་ལོ་ ༣༠ ཡིན་པའི་གྲྭ་སངས་རྒྱས་རྒྱ་མཚོ་རྣམ་གཉིས་ཀྱིས། འཇོ་མདའ་རྫོང་ཐོག་ཏུ་རྒྱ་གཞུང་ཉེན་རྟོག་མི་སྣ་ཁག་ཅིག་གིས་བོད་མི་དཀྱུས་མ་ཞིག་ལ་གཅར་རྡུང་ཚད་མེད་གཏོང་བཞིན་པའི་རྣམ་པ་མཐོང་སྟེ། སེམས་ཀྱི་མ་བཟོད་པར་བཀག་འགོག་བྱས་ཏེ་མཚམས་འཇོག་རུ་བཅུག་ཡོད་པ་དང་། སྐབས་དེར་ཉེན་རྟོག་མི་སྣས་ཁོང་གཉིས་ལ་བརྡ་ལན་ཅི་ཡང་སྤྲད་མེད་ནའང་། རྗེས་སུ་དགོན་པར་ལོག་པའི་ལམ་བར་དུ་ཉེན་རྟོག་མི་སྣས་སངས་རྒྱས་རྒྱ་མཚོ་བཙན་འཁྲིད་ཀྱིས་གཅར་རྡུང་དྲག་པོ་དང་བཙོན་འཇུག་བྱས་ཡོད་པ་རེད། གནས་ཚུལ་འདིར་རྐྱེན་བྱས་ཏེ་དགོན་པའི་དགེ་འདུན་པ་ཡོངས་འཇོང་མདའ་རྫོང་ཐོག་དུ་འབྱོར་ཏེ་རྫོང་གི་གནད་ཡོད་མི་སྣར་ཁོང་གློད་གྲོལ་གཏོང་དགོས་པའི་རེ་སྐུལ་ཞུས་ཀྱང་དང་ལེན་མ་བྱས་སྟབས། དགོན་པའི་དགེ་འདུན་པ་ཁག་ཅིག་ལྷ་སར་ཆས་ཏེ་གོང་རིམ་གནད་ཡོད་མི་སྣར་ཞུ་གཏུགས་དུ་ཕྱིན་སྐབས། ལྷ་སའི་བར་སྐོར་ནས་དགེ་འདུན་པ་ཨ་པོ་མ་འཛིན་བཟུང་བྱས་ཡོད་པ་དང་། འཇོ་ཕུ་དགོན་པའི་སྤྲུལ་སྐུ་བྱང་ཆུབ་རིན་པོ་ཆེ་ཡང་གནས་ཚུལ་དེའི་དབང་གིས་བཙོན་འཇུག་བྱས་ཡོད་འདུག ད་ལྟ་དགེ་འདུན་པ་སངས་རྒྱས་རྒྱ་མཚོ་ལགས་ཆབ་མདོ་འཇོ་མདའ་རྫོང་ཁོངས་ཀྱི་བཙོན་ཁང་དུ་དོ་དམ་བཙོན་འཇུག་བྱས་ཡོད་པ་ཤེས་རྟོགས་བྱུང་ཡོད་ཀྱང་། སྤྲུལ་སྐུ་བྱང་ཆུབ་རིན་པོ་ཆེ་ལགས་དང་དགེ་འདུན་པ་ཨ་པོ་མ་གཉིས་འཛིན་བཟུང་བཙོན་འཇུག་བྱས་རྗེས་གར་ཡོད་ཅི་བྱུང་གི་གནས་ཚུལ་ཅི་ཡང་ཤེས་རྟོགས་མེད་པར་ལྷག་ཡོད་འདུག
ཆབ་མདོ་རྫོང་ཁོངས་ཀྱི་འཇོ་ཕུ་དགོན་པ་ནི་བཤད་གྲྭ་དང་སྒྲུབ་གྲྭ་གཉིས་འདུས་པའི་འཇོ་མདའ་རྫོང་ཁོངས་ཀྱི་དགོན་སྡེ་ཆུང་ཆུང་ཞིག་ཡིན་འདུག་ལ། དགོན་པ་དེར་སྤྲུལ་སྐུ་གསུམ་གཙོས་པའི་གྲྭ་བ་ ༡༠༠ ལྷག་ཡོད་པ་རེད། སྔར་ལོའི་ཕྱི་ཟླ་ ༧ པའི་ཚེས་ ༢༩ ནས་བཟུང་རྒྱ་ནག་གི་དམག་མི་མང་པོ་སླེབས་ཏེ་དགོན་པའི་ཉེ་འདབས་སུ་དམག་སྒར་བརྒྱབ་སྟེ། དགོན་པའི་ཉེ་འདབས་ཀྱི་རྩྭ་རྭ་ཁོང་ཚོར་སྤྲོད་དགོས་བཙན་བཀའ་བཏང་བར། དེར་ཡོད་ས་གནས་མི་མང་ ༥༠༠ ལྷག་གིས་ངོ་རྒོལ་བྱས་ཡོད་པ་དང་། རྗེས་སུ་དམག་མི་ ༨༠༠ ལྷག་འབྱོར་ཏེ་དམ་དྲག་ཤུགས་ཆེར་བྱས་ཡོད་འདུག
ད་དུང་རྩོམ་ཡིག་འདིའི་ཡིག་ཕྲེང་ཁ་ཤས་་དྲྭ་རྒྱའི་མདུན་ངོས་སུ་ཤར་བའི་ནང་ནོར་བཅོས་བྱེད་ཐུབ་མི་འདུག
དུས་བབ་རྩོམ་སྒྲིག་པས་ད་དུང་བཅོས་དགོས་པ་ཞིག་ནི། དུམ་མཚམས་ཐ་མ་དེར་འཇོ་ཕུ་དགོན་པ་དེ་ཆབ་མདོ་རྫོང་ཁོངས་དང་འཇོ་མདའ་རྫོང་ཁོངས་གཉིས་ཀར་ཡིན་པ་འདྲ་ཞིག་བྲིས་འདུག་ དེ་ལ་ཆབ་མདོ་ས་ཁུལ་འཇོ་མདའ་རྫོངས་ཁོངས་སུ་ཡོད་པའི་འཇོ་ཕུ་དགོན། ཞེས་བཅོས་དགོས་ངེས་སུ་མཐོང།
ཆབ་མདོ་རྫོང་ཁོངས་ཀྱི་འཇོ་ཕུ་དགོན་པ་ནི་བཤད་གྲྭ་དང་སྒྲུབ་གྲྭ་གཉིས་འདུས་པའི་འཇོ་མདའ་རྫོང་ཁོངས་ཀྱི་དགོན་སྡེ་ཆུང་ཆུང་
འདི་ལ་ཚིག་སྐྱོན་ཞིག་འདུག འཇོ་ཕུ་དགོན་པ་ཆབ་མདོ་རྫོང་ཁོངས་སུ་ཡོད་རེད་དམ་འཇོ་མདའ་རྫོང་ཁོངས་སུ་ཡོད་རེད། འདི་ན་རྫོང་གཉིས་ཆར་གྱི་ཁོངས་སུ་ཡོད་པ་འདྲ་ཞིག་བྲིས་འདུག
ཆབ་མདོ་རྫོང་ཁོངས་ཀྱི་འཇོ་ཕུ་དགོན་པ་ནི་བཤད་གྲྭ་དང་སྒྲུབ་གྲྭ་གཉིས་འདུས་པའི་འཇོ་མདའ་རྫོང་ཁོངས་ཀྱི་དགོན་སྡེ་ཆུང་ཆུང་
འདི་ལ་ཚིག་སྐྱོན་ཞིག་འདུག འཇོ་ཕུ་དགོན་པ་ཆབ་མདོ་རྫོང་ཁོངས་སུ་ཡོད་རེད་དམ་འཇོ་མདའ་རྫོང་ཁོངས་སུ་ཡོད་རེད། འདི་ན་རྫོང་གཉིས་ཆར་གྱི་ཁོངས་སུ་ཡོད་པ་འདྲ་ཞིག་བྲིས་འདུག
དྲ་གྲོགས་བསྟན་པ་ཡར་འཕེལ་ལགས། སྐུ་ཉིད་ཀྱིས་གསུངས་པ་ལྟར་ཡིག་ནོར་ཚང་མ་བཅོས་ཡོད། རྗེས་སུ་མུ་མཐུད་བླ་མེད་ཀྱི་མཛུབ་སྟོན་གནང་རོགས།
གནས་ཚུལ་དེ་ལས་མེད་ན་རྒྱ་གཞུང་གི་དངོས་གནས་བོད་མི་ཚོ་ལ་འཐབ་རྩོད་རང་རེད།
ཡིན་ནའང་ལྷ་ས་རུ་ཞུ་གཏུགས་བྱས་མཁན་བཟུང་སྟངས་ལ་ལྟོས་ན།སྔར་ཡངས་གླིང་རྡོ་རྗེ་ལགས་ཀྱིས་གསུངས་པ་ལྟར།དཔོན་ངན་དེ་འདྲའི་བྱེད་རྗེས་བཞག་འདོད་ཀྱི་ལས་དེ་ངན་ཚང་ཡོང་བ་དོགས་ནས་བཟུང་བ་མིན་འགྲོ་དྲན།
དུས་བབ་རྩོམ་སྒྲིག་པར་ཆེད་ཞུ། ད་དུང་ཡིག་ནོར་མ་བཅོས་པ་ཅི་ཡིན་ནམ།
ད་དུང་འཇོ་མདའ་ལ། འཇོང་མདའ་ཞེས་བྲིས་འདུག་པས་འདི་རིགས་ཡིག་ནོར་མང་གི་ཡ།
དུས་བབ་རྩོམ་སྒྲིག་པ་ལགས། གོང་དུ་འཇོན་པོ་དགོན།་དེ་འཇོ་ཕུ་དགོན་དུ་བཅོས་དགོས་པ་ལས་དེ་བཞིན་ཡིག་ནོར་བྲིས་ན་མི་བཟང་གི གུས་པས་ལྷག་བསམ་གྱིས་ཞུས་པ་ཡིན། འཕྲལ་དུ་བཅོས་ན་ལེགས།