ངས་རྒྱུན་དུ་རང་གིས་ལ་འདི་ལྟར་དྲིས་པ་ཡིན། མི་མ་ཤི་གོང་དུ་ལས་ཀ་གང་ཡོད་པ་རེད་ཅེས་འདྲི་བཞིན་ཡོད་ཀྱང་། ད་ལྟའི་བར་དུ་རང་ཉིད་མ་ཤི་གོང་དུ་གང་ཞིག་བྱེད་དགོས་མིན་དང་། གང་ཞིག་བྱས་པ་ཡིན་ན་དོན་སྙིང་ལྡན་མིན་སོགས་ཀྱི་ཐད་དུ་ལན་དོན་མཐུན་ཞིག་གཏན་ནས་རྙེད་ཀྱི་མི་འདུག་ལ། ངོ་ཤེས་ཚད་ཀུན་ལ་མི་ཟེར་བ་འདི་མ་ཤི་གོང་དུ་ག་རེ་བྱེད་དགོས་མིན་སྐོར་ལ་སྐད་ཆ་མང་བོ་ཞིག་དྲིས་ན་ཡང་། ཁོང་ཚོས་ཀྱང་བསམ་ཕྱོགས་ནི་དངོས་ནས་མི་གཅིག་པ་དེ་ནི་མི་སུམ་བཅུ་བསམ་པ་སུམ་བཅུ་དང་། མཛོ་སུམ་བཅུ་ར་ཁ་དྲུག་བཅུའི་དཔེ་ལས་མ་འདས་ཀྱང་། མང་ཤོས་ཤིག་གིས་མི་མ་ཤི་གོང་དུ་ག་རེ་བྱེད་དགོས་མིན་སྐོར་ལ་བསམ་བློ་ཞིབ་མོ་ཞིག་གཏན་ནས་གཏོང་མྱོང་མེད་ཟེར་མཁན་ཡང་འདུག
ངས་སྐད་ཆ་དེ་དག་གོ་དུས་སུ། ངས་རང་གིས་རང་ལ་རང་གི་དྲན་པ་ནི་འདྲེ་རེད། ཚོར་བ་ནི་དུག་རེད་ཟེར་ནས་བཤད་པ་ཡིན་ཡང་། དྲན་པས་གཏན་ནས་དེ་འདྲ་མིན་ལུགས་དང་། ཚོར་བས་ཀྱང་གང་ནས་ཡིན་ཟེར་བ་ལས། རྒྱུ་མཚན་དང་གནས་ལུགས་ཡང་དག་ཞིག་གཏན་ནས་ང་ལ་སྤྲོད་ཀྱི་མི་འདུག
ཉིན་མ་རེ་རེ་བཞིན་ངས་ལས་གསེང་གི་དུས་ཚོད་དང་། དགོང་མོའི་གཉིད་ཡུན་གྱི་དུས་ཚོད་མི་ཉུང་བ་ཞིག་དྲ་ཐོག་དུ་བེད་སྤྱད་དེ། རང་གི་རིགས་སུ་སྐྱེ་བའི་བོད་ཡིག་དང་བོད་སྐད་ལ་དོན་སྣང་ཆེ་བའི་དྲ་ཐོག་གི་སྤུན་ཟླ་དག་ལ་རང་གི་བསམ་ཚུལ་ཕྲན་པུ་རེ་ཡི་ཟུར་ངོས་སྟོན་གང་ཐུབ་བྱོས་ཀྱང་། དྲ་ངོས་ཀྱིས་སྤུན་ཟླ་དག་གིས་ཀྱང་སྐབས་རེར་ཁ་ཡག་རེ་དང་། སྐབས་རེར་ངོ་འཚང་རེ་འདྲི་བ། ལན་རེ་ཁྲེལ་རྒོད་བྱེད་པ། དུས་རེར་སྙིང་རྗེ་ཟེར་བ། མཚམས་རེར་སེམས་གསོ་གཏོང་བ་ལས། མི་མ་ཤི་གོང་དུ་གང་དུ་ལས་ཀ་གང་ཡོད་མེད་ཐད་དུ་སུས་ཀྱང་ལན་དོན་མཐུན་དང་རྒྱུ་མཚན་ཚད་མ་ཞིག་རང་གིས་རང་ལ་དྲིས་པ་ལྟར་ལན་མི་འདུག
དེ་ལྟར་ཡིན་ཡང་། རང་གི་སེམས་ནས་མ་ཤི་བར་དུ་ཤུ་རེ་བྱེད་དགོས། མ་ཤི་གོང་དུ་ལག་རྗེས་ཕྲན་པུ་ཞིག་འཇོག་ཐུབ་ངེས་ཡིན། ལག་རྗེས་དེས་རང་གི་འཚོ་གནས་ལ་རིན་གོང་ཞིག་མི་སྤྲོད་ཀྱང་། རང་གི་སྙན་གྲགས་དང་གོ་གནས་ལ་འགྱུར་བ་ཞིག་འགྲོ་འདོད་སོགས་མིན་པས། རང་གི་ངོ་གདོང་ཡོད་པའི་འདྲ་དཔར་ཞིག་གཏན་ནས་ང་རང་ནི་འདི་ཡིན་ཟེར་ནས་བརྫིག་ཉམས་ཤིག་སྟོན་འདོད་སོགས་མེད་པར། གང་དྲན་དང་གང་ཤེས་པ་ནས་ག་ལེར་ཡར་རྒྱས་སུ་སོང་ཤུལ་གྱི་ལམ་ཕྲན་ཆུང་ཆུང་ཞིག་བྱུང་བ་ཡིན་ན། དེ་ཡང་མི་མ་ཤི་གོང་དུ་བྱས་པའི་ལས་ཀ་ལྟ་བུར་བསམ་ནས་ཉིན་མཚན་གང་ཡོད་ལ། དུས་ཚོད་མང་བོ་ཞིག་དྲ་ཐོག་ནས་གཏོང་ཁུལ་བྱེད་ཀྱི་ཡོད་པ་དེ་ཡིན།
འོན་ཀྱང་། མཐར་ཐུག་གི་ལན་ནི། མི་མ་ཤི་གོང་དུ་ལས་ཀ་གང་ཡོད་པ་རེད་ཟེར་བའི་ལན་དེ་ནི་ད་དུང་ཡང་། ངས་དྲན་པའི་ནང་དུ་ནག་འཐོམ་མེར་འདུག
འཇིགས་བྲལ་ལགས་ཉིད་ཀྱིས་བསམ་ཚུལ་ཀློག་ཟིན་པ་ཡིན། མི་ཆོས་སྨྲ་བའི་བག་ཆགས་ཡོད་མཁན་འུ་ཅག་གིས་རང་གི་བདེ་བ་ཟེར་ཤེས་པ་ནས་གཞན་གྱི་བདེ་ལ་ཡང་དེ་མཚུངས་ཀྱིས་འགན་ལེན་དང་བརྩི་བཀུར་བྱེད་ཀྱི་ཡིན་ཟེར་མྱོང་ལ། མི་གཞན་ལ་ཡང་དེ་ལྟར་སྒྲོག་པ་ཡིན་མོད། དོན་དངོས་ཐོག་རང་གི་བདེ་བ་ཙམ་ཡང་འགྲུབ་མེད་པ་འདི་ནི་གང་ཞིག་གི་ནོར་འཁྲུལ་ཡིན་མིན་ཐད་དུ་བསམ་བློ་ཞིབ་མོ་ཞིག་གཏོང་རོགས་ཞུ། འོན་ཀྱང་། མཐར་ཐུག་མི་ཡོད་ཚད་ཀྱིས་ཐ་ན་རང་གི་ལུས་ཀྱི་བ་སྤུ་རྐང་གཅིག་ཀྱང་འཁྱེར་དབང་མེད་པར་གཏན་ནས་རྒྱུས་མངའ་མེད་པའི་གནས་ཤིག་དུ་འགྲོ་བ་ནི་ལྡོག་མེད་ཡིན་ན་ཡང་། ད་དུང་མི་ཟེར་བའི་སྲོག་ཆགས་འདི་ལས་ཧམ་པ་ཚ་བ་དང་ཞེ་སྡང་ཆེ་བ། འདོད་རྔམ་ཆེ་བ་ཞིག་གང་དུ་ཡང་མེད་པ་དེ་ཡི་རིགས་མཐོང་དུས་ཉིད་ཀྱིས་སེམས་ཁོང་དུ་སྙིང་རྗེ་རེ་བསམ་གྱི་འདུག་གམ།
སྔ་དྲོ་ཟད་སོང་ཕྱི་དྲོ་སླེབས་སོང་། །
མི་ཚོས་མི་ཚེ་བཞུད་ནས་ཕྱིན་སོང་། །
རང་གི་འདོད་པའི་ལམ་གཞུང་དེ་ལ། །
འཇུས་ན་མ་གཏོགས་དུས་ཚོད་མི་འདུག །
རེ་བས་མི་ཚེ་སྡུག་ལ་གཏད་ཡོང་། །
དོགས་པས་མི་ཚེ་ཁེར་བུར་གཏང་ཡོང་། །
སོ་སོ་གཅིག་པུར་ལུས་ཉེན་ཡོད་པས། །
རེ་དོགས་ཚེར་མས་མི་ཚེ་བརླག་ཡོང་། །
གྲོགས་པོ་དམ་པ། འདི་ཚོ་ལ་བསམ་ཚུལ་གང་ཡོད།
བདེ་བ་ཞིག་ཐོབ་ཐབས་བྱ་རྒྱུ་རེད་ཅེས་པར་བཅོས་རོགས།
མི་རྣམས་སྐྱེ་སྐབས་ངས་འདི་བྱེད་བསམ་པ་གང་ཡང་ཡོད་པ་མ་རེད་ལ། མི་རྣམས་ཤི་བ་ཟེར་བའི་འཇིགས་སུ་རུང་བ་དེའི་སྐབས་སུ་ཅི་ཡང་ཁུར་རྒྱུ་ཡོད་མ་རེད། དོན་འདི་ཆོས་ཁས་ལེན་མིན་དང་། ཕོ་མོ་སོགས་གང་གི་ཁྱད་པར་མེད་པར་ཚང་མས་ཁས་ལེན་གྱི་རེད་སྙམ་གྱི་འདུག དེ་བཞིན་ད་བར་བདེ་བ་མི་འདོད་མཁན་གྱི་སྐྱེ་བོ་སུ་ཡང་བྱུང་མེད་པ་ཡང་ང་ཚོས་ཚིགས་ཐག་གཅོད་ཆོག་པ་ཞིག་རེད། གལ་ཏེ་དོན་དངོས་འདི་བདེན་པ་ཡིན་ན་ང་ཚོས་གསོན་པའི་རིང་སོ་སོའི་འདོད་པའི་བདེ་བ་ཞིག་ཐོབ་ཐང་བྱ་རྒྱུ་དེ་རེད། དེ་ནི་མི་རྣམས་མ་ཤི་སྔོན་དུ་སྒྲུབ་དགོས་པའི་བྱ་བ་ཞིག་རེད། བདེ་བ་སྒྲུབ་ཚུལ་ལ་རྩོད་པ་མང་པོ་རེད། དེ་ལ་ང་ཚོས་རྩོད་ཀྱང་ཐག་ཆོད་རྒྱུ་གང་ཡང་མེད་པས་སོ་སོས་ཐག་གཅོད་དགོས་པ་རེད།
དེར་བརྟེན་སོ་སོའི་མི་ཚེ་ལ་བདེ་བ་ཞིག་སྒྲུབ་རྒྱུ་འདི་བྱེད་ཐུབ་ན་བྱེད་དགོས་པའི་ལས་ཀ་རེད་བསམ་གྱི་འདུག
བསྟན་འཛིན་ཤེས་རབ་ལགས། ཉིད་ནས་གསུངས་པ་དེར་ཡིད་དུ་འཛིན་རྒྱུ་ཞིག་ཡིན་མིན་ད་མི་ཤེས་ཀི འོན་ཀྱང་། ཉན་ཡོད། སྐུ་ཉིད་ཡང་ཡང་འདི་རུ་ཕེབས་པ་དེར་དགའ་ཡོད།
རྨ་དུག་ལྕེ་ལགས། ང་མཛེས་མ་ཞིག་གི་སྐྱེ་བ་བླངས་མེད་པ་དེ་དངོས་ནས་འཕངས་པོ་རེད། དེ་མིན་ན་ངས་ཁྱེད་རང་གི་ཚེ་གྲོགས་མ་ཉན་རང་། ཞག་གཅིག་གི་ཉལ་རོགས་ད་བྱེད་ཁོ་ཐག་ཡིན་ནི་རེད། ཧཧཧཧཧཧཧ
ཨ་རོ། ཨོ་ན་ད་ངས་ཁྱོད་ལ་བཤད། མི་མ་ཤི་གོང་དུ་རང་གིས་ཅི་ཞིག་བསྒྲུབ་འདོད་ན་དེ་སྒྲུབས་དང་ད་འགྲིག་ནས་ཡོད་ནི་རེད། དཔེར་ན་ང་དྲ་ཚིགས་སུ་མ་ཐོན་མ་ཐོན་པར་དོ་དགོང་གློ་བུར་དུ་ཐོན་དང་བ་ལྟ་བུ་རེད། ཨེ་གོ
གུས་པར་འོས་པའི་སྐུ་ཞབས་བོད་ཤ་ཁྲག་རུས་གསུམ་ལགས། ཁྱེད་ཀྱི་དྲི་བ་འདི་ལྗིད་ཁོག་ཆེ་དྲག་པའི་དབང་གི་དྲ་གྲོགས་ཚོས་ལན་ཅི་ལྟར་རྒྱག སྤྱིར་མི་རེ་རེ་ལ་སྐྱེ་སའི་ཁོར་ཡུག་དང་ཡུལ་ལུང་། ཕ་མའི་གནས་སྟངས། སློབ་སྦྱོང་གི་དྲག་ཞན་སོགས་ཀྱི་དབང་གིས་མ་ཤི་སྔོན་ལ་བསྒྲུབ་བྱ་མི་འདྲ་བ་མང་པོ་ཡོད། འོན་ཀྱང་ཁྱེད་ང་ལྟ་བུ་ལ་མཚོན་ན་མ་ཤི་སྔོན་ལ་བསྒྲུབ་དགོས་པའི་ལས་ཀ་སྤྱིར་མང་པོ་ཡོད་མོད་མཐར་གཏུག་ན་གཉིས་རང་ལས་མེད། ཐོག་མར་རང་གི་ལྟོ་གོས་ལ་སེམས་ཁྲལ་མེད་པ་ཞིག་བྱས་རྗེས་བོད་མི་རིགས་ལ་སྲི་ཞུ་བསྒྲུབ་རྒྱུ་དེ་རེད། དེ་ཡང་སྲིད་ཞུ་བསྒྲུབ་སྟངས་ཐད་གོང་དུ་བཤད་པ་ལྟར་མི་རེ་རེ་ལ་རིགས་མི་འདྲ་རེ་རེ་ཡོད། གལ་སྲིད་ཁྱེད་རང་ཁྲིམས་རྩོད་པ་ཞིག་ཡིན་ན་ཁྲིམས་ཐོག་ནས་བོད་ནང་གི་རྒྱ་མིས་ཁྲིམས་འགལ་བྱ་སྤྱོད་རིགས་བཀག་སྡོམ་དང་ཐེར་འདོན་བྱེད་ཆོག གལ་སྲིད་ཁྱེད་རང་སྨན་པ་ཞིག་ཡིན་ན་བོད་མི་རིགས་ཀྱི་འཕྲོད་བསྟེན་ཡར་རྒྱས་གཏོང་ཆོག གལ་སྲིད་ཁྱེད་རང་དགེ་རྒན་ཞིག་ཡིན་ན་བོད་ཀྱི་ཡིག་རྨོངས་པའི་གྲངས་འབོར་ཇེ་ཉུང་དུ་གཏོང་ཆོག གལ་སྲིད་ཁྱེད་རང་འབྱོར་ལྡན་ཞིག་ཡིན་ན་བོད་སྡོད་རྒྱ་མི་གནས་སྤོར་བའི་ལག་ནས་ས་དང་ཁང་པ་སོགས་ཕྱིར་ཉོས་ཏེ་གཏན་ཁེལ་སྡོད་གནས་མེད་པ་བྱས་ཆོག གལ་སྲིད་ཁྱེད་རང་ཁྱེད་རང་མཛེས་མ་ཞིག་ཡིན་ན་ལང་ཚོའི་མེ་ཏོག་ང་ལ་ཕུལ་ཆོག ཧ་ཧ་ཧ་ཧ་ཧ་ ཀུ་རེ་ཡིན། གང་ལྟར་ཁྱེད་ཀྱི་དྲི་བ་དེས་དྲ་གྲོགས་ཚོའི་ལྕི་ཡང་སྲང་ཐོག་ལ་བཞག་སོང་པས། བཀྲ་ཤིས་བདེ་ལེགས་གྲངས་མེད་ཞུ། ཁ་དྲོ་མུ་མཐུད་ནས་ཟིན་བྲིས་སྤེལ་རོགས།
བསང་ཆུ་འབྲུག་བྷེ་ལགས། ཉིད་ཀྱིས་རྩོམ་ཡིག་དེར་སྒུག་ནས་འདུག དངོས་ནས་མི་ཟེར་བ་འདི་ཤི་མ་རན་གོང་དུ། མ་ཤི་གོང་དུ་གང་ཞིག་བྱེད་ཐུབ་མིན་ཐད་དུ་བསམ་བློ་རེ་གཏོང་བ་དེ་ཡང་ནོར་འཁྲུལ་འདྲ་མིན་པར་རེ་བ་ཡོད། དེ་ཡིན་དུས་ནོར་འཁྲུལ་མིན་པའི་བྱ་བ་དེར་བསམ་ཚུལ་ཞིག་གསུང་རོགས་ཞུ།
རླབས་ཆེ་བའི་མི་ཞིག་གི་མཛད་རྗེས་ཤི་རྗེས་མ་གཏོགས་ཤེས་ཁག་ནི་རེད།
གྲོགས་པོ། སང་ཉིན་ངས་རྡེ་ར་རྡོ་ནས་གུང་ཐང་ཚུལ་ཁྲིམས་དྲན་པ་ཞེས་པའི་སྙན་ངག་ཅིག་སྤེལ་རྩིས་ཡོད་པས། ཉིད་ཀྱིས་བསམ་འཆར་ལྷུག་ལྷུག་རེ་བརྗོད་རྒྱུ་མཁྱེན།
ཁྲི་གཡུང་དྲུང་ལགས། དགེ་བ་ཚད་ལྡན་ནི་བོད་པའི་ཆོས་ལུགས་ཀྱི་བཤད་རྒྱུན་དང་འགྲོགས་ནས་ཁས་ལེན་བྱེད་དགོས་ཀྱི་ཡོད་དམ། ཡང་ན། འཛམ་གླིང་གི་ཆོས་ལུགས་གཞན་དག་གི་བཤད་ཚུལ་བསྟུན་དགོས། དེ་མིན་ཆོས་ལུགས་ཁས་མི་ལེན་པའི་འཛམ་གླིང་གི་སྐྱེ་འགྲོའི་མང་བོ་ཞིག་གི་འདོད་པའི་དགེ་བ་དེར་ཁས་ལེན་བྱེད་དགོས།
དྲ་གྲོགས་ལགས།
ངས་ལྟོས་ན་མ་ཤི་སྔོན་ལ་དགེ་བ་ཚད་ལྡན་ཞིག་བསྒྲུབ་རྒྱུ་དེ་གལ་ཆེན་པོ་རེད་བསམ་གྱིན་འདུག
རུ་གསར་ཚང་ལགས། ལྟོས་འཇོག་གི་དོན་སྙིང་ལྡན་པ་ཟེར་བ་དེ་ནི་འུ་ཅག་གིས་གང་འདྲ་ཞིག་ངེས་འཛིན་བྱས་པ་ཡིན་ན་འགྲིག་གི་ཡོད་པ་རེད་དམ། མི་རང་རང་ལ་བལྟས་ནས་ལྟོས་ས་ལྟོས་འཇོག་ཞིག་ལ་ངེས་འཛིན་བྱས་པ་དེ་འགྲིག་གི་ཡོད་དམ།
མཐོ་སྒང་བུ་ལགས། སྐྱེ་ཁར་འགྱོད་སེམས་མེད་པ་ཞིག་བྱེད་པ་ལ་མི་རང་རང་དངོས་ནས་ལས་ཀ་གང་ཞིག་བྱེད་དགོས་ཀྱི་ཡོད་པ་རེད་དམ།
གཡག་ལགས། མ་མ་ཤི་གོང་དུ་རང་བཙན་ལེན་རྒྱུ་དེ་ནི་སྐུ་ཉིད་ནས་གཟིགས་ཀྱིན་པའི་མི་ཚེ་ཡི་དོན་སྙིང་དུ་འདོད་ཀྱི་ཡོད་ན་ནི། རང་བཙན་ལེན་སྟངས་ག་འདྲ་ཞིག་ཡིན་པ་རེད་དམ། ལྷག་པར་དུ་ནུབ་ཕྱོགས་དང་ཕྱི་རྒྱལ་ཡུལ་གྲུ་ཁག་དུ་བསྡོད་མཁན་བོད་རིགས་སྤུན་ཟླ་དག་གིས་ཕྱི་གླིང་ཡུལ་གྲུ་ཁག་ན་གཙང་གཅོད་གཙང་མ་བཟོ་བ་ལས་ལས་ཀ་གཞན་དག་གང་འཇོན་གྱི་མེད་པར་དགོངས་ཀྱི་ཡོད་དམ།
གཅན་བཟོད་རྒྱམ་ལགས། རྒན་མོ་འཐད་པ་བྱུང་ན་བྱིས་པ་མང་ཙམ་བཟོ་རྒྱུ་དེ་ནི་ཉིད་ཀྱིས་མི་ཚེའི་དོན་སྙིང་དུ་ངེས་འཛིན་བྱེད་ཀྱི་ཡོད་ན་ནི། འུ་ཚང་གིས་དགེ་འདུན་པ་དང་བཙུན་མ་དེ་དག་གི་མི་ཚེ་ལ་སྙིང་བོ་མེད་པ་ཆགས་ཡོད་པ་རེད་དམ་ཅི།
སྤོབས་པ་མཐའ་ཡས་ལགས། དངུལ་འཛིན་ལག་དེབ་སྟེང་གི་ཀླད་ཀོར་ཇེ་མང་དུ་སོང་དུས། བསམ་བློ་དེ་ཡང་ཀླད་ཀོར་གྱི་རྗེས་སུ་ཤོར་རྗེས་སུ། ད་གཟོད་མི་ཚེ་འདི་ཀླད་ཀོར་ཆགས་པ་མ་རེད་དམ། ཧཧཧཧཧ
མི་མ་ཤི་གོང་ལས་ཀ་མང་ནི་རེད། འོན་ཀྱང་ལས་ཀ་དོན་སྙིང་ལྡན་པ་ཅི་ཞིག་ཡོད་པ་རེད་ཟེར་ན་དྲི་བ་ཞིག་རེད། ལས་ཀ་དོན་སྙིང་ལྡན་མིན་གྱི་ཐད་ལ་ཡང་ཆོས་ལུགས་ཡོད་པ་དང་མེད་པ། ཆོས་ལུགས་ཡོད་པའི་ནང་ནས་ལྟ་བ་ལང་ཕྱོགས་མི་འདྲ་བ། དེ་ནས་མཁས་པ་དང་བླུན་པོ་སོགས་ཀྱི་ལྟ་གཅིག་མཚུངས་ཤིག་མི་འདུག གཅིག་གིས་དོན་སྙིང་ལྡན་པར་འདོད་པ་གཞན་ཞིག་གིས་མི་འདོད། ཡང་གཅིག་གིས་དོན་སྙིང་ལྡན་པར་འདོད་པ་དེ་གཞན་ཞིག་གིས་མ་རབས་སུ་འདོད་པ་སོགས་རེད། དེ་བས་ལས་ཀ་དོན་སྙིང་ལྡན་མི་ལྡན་དེ་རང་ཉིད་ཀྱིས་ཐག་གཅོད་བྱེད་དགོས་པར་འདུག ཤ་ཁྲག་ལགས་དོན་སྙིང་ཟེར་བ་དེ་ཡང་ལྟོས་འཇོག་ཅིག་ཡིན་པར་འདུག དེ་བས་ཁྱོད་ཀྱིས་ལྟོས་འཇོག་གི་དོན་སྙིང་གདམས་ན་མི་འགྲིག་གམ། ཧ་ཧ་ཧ་ཧ་ཧ་་་
སེམས་པ་བཟང་པོ། དྲང་ཚུགས་བརྟན་པོ། འཆི་དུས་མི་རྣམས་ལ་ཕངས་སེམས་སྐྱེས་པའི་བྱ་བ་ཞིག་ལས་དགོས་སོ།
མ་ཤི་གོང་ལ། རང་བཙན་རྩོད་དགོས་པ་མ་ཡིན་ནམ། དགོས་མེད་ཀྱི་གཏམ་ཚོགས་སྤེལ་ནས་ག་རེ་གནང་གི་ཡོད། ལྷག་པར་༸སྐྱབས་མགོན་ཕྱག་ན་པདྨོ་མ་གྲོངས་སྔོང་ཚུད་དུ་རང་བཙན་རྩོད་དགོས་པ་མ་ཡིན་ནམ། ནུབ་ཕྱོགས་ཀྱི་གསང་སྤྱོད་འཁྲུད་ཞོར་སྐྲ་སེར་མ་ཚོའི་མཚན་པ་ལྡག་ཞོར་ལ་ཁ་ནས་རྫིག་པོ་བཤད་བསྡད་ན་བོད་རང་བཙན་སྤྲད་ཡོང་གི་མ་རེད། ང་ཚོ་ཕྱི་ཡུལ་དུ་འཁྱམས་དོན་ཡང་དེ་མ་རེད།
ཁོ་བོ་ཅག་གིས་མ་ཤི་སྔོན་ལ་རང་བཙན་ངེས་པར་དུ་ཤུགས་ཆེན་རྩོད་དགོས་པ་རེད།
ངས་རྟག་ཏུ་འདི་འདྲ་ཞིག་བསམས་ཡོད། མི་མ་ཤི་གོང་ལ་རང་གི་ཨ་ཡེ་ལ་འཆམ་པོ་བྱེད་རྒྱུད་དང་བྱིས་པར་མིག་དཔེ་ལེགས་པོ་ཞིག་སྟོན་རྒྱུ། ད་དུང་ཨ་ཡེ་འཐད་པ་བྱུང་ན་ཞ་ཡེ་མང་ཙམ་བཟོ་ཨེ་ཐུབ་ལྟ་རྒྱུ་དེ་ཡིན།
དངུལ་འཛིན་ལག་དེབ་སྟེང་དུ་ཀླད་ཀོར་ཅི་ཙམ་མང་བ་དེ་ཙམ་གྱིས་དངུལ་བདག་ཁོ་རང་གི་མི་ཚེའི་སྙིང་པོ་དེ་ཡང་ཀླད་ཀོར་དུ་འགྱུར་འགྲོ
སྤོབས་པ་མཐའ་ཡས་ལགས། སྒོར་མོའི་ཁ་གྲངས་ག་ཚོད་ཅིག་ལོན་དགོས་ཀྱི་ཡོད་པ་རེད་དམ། དེ་ཤེས་ཀྱི་ཡོད་དམ། ཧཧཧཧ
མི་མ་ཤི་གོང་ལ་སྒོར་མོ་བསག་དགོས། སྒོར་མོ་བསག་དགོས། སྒོར་མོ་བསག་དགོས།
སྒོར་མོ་ཡོད་ན་ས་དང་ལམ་ཡང་བཟང་༎
སྒོར་མོ་མེད་ན་ས་དང་ལམ་ཡང་ངན༎
ཐམས་ཅད་སྒོར་མོ་དག་ལ་རག་ལས་པས༎
རྟག་པར་སྒོར་མོ་བསག་ལ་ནན་ཏན་བྱ༎
ཀུ་རེ་ཡིན།