ད་ལོ་ཡང་རྔ་པ་ས་ཁུལ་གྱི་བོད་རིགས་ཚོས་ལོ་གསར་ལ་དགའ་སྟོན་རོལ་རྒྱུ་མིན་པའི་གནས་ཚུལ་ཞིག་ཕྱི་ཟླ་ ༡ ཚེས་ ༢༨ ཉིན་འདི་གར་འབྱོར་ཞིང་། ཉིན་ཤས་རིང་གནས་ཚུལ་དེའི་སྐོར་ལ་བསྐྱར་དུ་རྒྱུས་ལོན་དང་རྩད་ཞིབ་བྱས་པ་ལྟར་ན། དེང་སྐབས་རྔ་པའི་རོང་འབྲོག་གི་ས་ཁུལ་མང་པོ་ཞིག་གིས་ལོ་སྔོན་མ་ལྟར་ལོ་གསར་དགའ་སྟོན་ལ་རོལ་རྒྱུ་མིན་པ་དེ་དངོས་བདེན་ཡིན་ཞིང་། ཉིན་ཤས་གོང་ནས་རྔ་པ་རྫོང་འབྲེལ་ཡོད་ལས་བྱེད་མང་པོ་ཞིག་བློན་ཚང་ཞང་དང། རྨེའུ་རུ་མ་ཞང་། ཁྲིམས་རྒན་ཞང་སོགས་སུ་ཕྱིན་ཏེ་མགོ་ཁྲིད་རྣམ་པ་བསྡུ་སྐོང་གིས་ཚོགས་འདུ་རབས་དང་རིམ་པ་ཚོགས་ཏེ། མང་ཚོགས་རྣམས་ལ་ལོ་གསར་གྱི་དགའ་སྟོན་ལ་རོལ་དགོས་པ་དང༌། དེ་ལྟར་བྱས་ན་ལོ་གསར་གྱི་འགྲོ་སོང་ཡང་རྒྱལ་ཁབ་གཞུང་གིས་གཏོང་རྒྱུ་ཡིན་ཚུལ་སོགས་བཤད་འདུག་མོད། ད་སྔ་མང་ཚོགས་སུ་གང་ལའང་དངུལ་དངོས་སྤྲད་ཟིན་པའི་གནས་ཚུལ་མི་འདུག ད་ལོའི་ལོ་གསར་ལ་དགའ་སྐྱིད་མི་གཏོང་བའི་རྒྱུ་མཚན་ག་རེ་ཡིན་མིན་དྲིས་པར་དེ་ནི་ཉེ་ཆར་ཟླ་ ༡༠ ཚེས་ ༢༠ ཉིན་ལྷ་ས་ནས་བློ་བཟང་རྒྱལ་མཚན་སོགས་སྲོག་ཐོག་བཏང་བར་མྱ་ངན་བྱས་པ་ཡིན་སྐོར་གསུངས་སོང་། དེ་བཞིན། ཕྱི་ལོ་ ༢༠༠༩ ལོར་རྔ་པའི་དགོན་པ་ཁག་གི་འདུ་ཁང་དང་གྲྭ་ཤག་ཁག གྲོང་པ་གྲོང་ཚོའི་གྲོང་ཁང་ཚང་མར་ས་རྩི་མ་བྱུགས་པ་སོགས་ཀྱིས་བོད་ཀྱི་ཐུན་མིན་གོམས་སྲོལ་ལྟར་མྱ་ངན་བྱས་ཡོད་འདུག་ཅིང་། གཞན། རྔ་པ་རྫོང་ཐོག་གི་ཁྲོམ་ལམ་སོགས་སུ་དམག་མིས་དྲག་ཆས་མང་པོ་རླངས་འཁོར་ཐོག་ཁྱེར་ཏེ་མང་ཚོགས་ལ་འཇིགས་རྔམ་སྟོན་བཞིན་འདུག ཅེས་ཀིརྟིའི་བྱེས་པ་གྲྭ་ཚང་གི་ཛ་དྲག་འབྲེལ་མཐུད་ཚོགས་ཆུང་གིས་གནས་ཚུལ་མཁོ་གཏོང་བྱས།
དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།
་རེད་ཡ་དེ་བཞིན་དུ་ཁམས་ཀྱི་ས་ཕྱོགས་མང་པོ་ཞིག་དུ་ཡང་ལོ་གསར་གཏོང་ཀྱི་མེད་ཟེར་གྱི་འདུག་ག་ ད་ཡིན་གཞིག་ལུགས་བོད་ཚོས་སྙིང་སྟོབས་དེ་ཧ་སང་ཀྱི་མི་འདུག་གམ།
བཀའ་དྲིན་ཆེ་ལྷག་བསམ་དང་སྙིང་སྟོབས་ཀྱི་ཕྱུགས་པའི་སྤུན་ཟླ་ཚོ། ལ་རྒྱ་དང་དཔའ་ངལ་ལྡན་པའི་གཞིས་བཞུགས་གངས་ཅན་པ་རྣམས་ཀྱིས་འདི་འདྲའི་ལས་འགུལ་སྤེལ་བར་སེམས་གཏིང་ནས་རྗེས་སུ་ཡི་རང་ཡོད། བྱེས་བསྡོད་གངས་ཅན་པ་ཚོ་ང་ཚོས་ག་རེ་བྱེད་རྩེས་ཡོད་དམ།
ཨ་རོགས་ཚོ། ངས་གོ་ནོར་མིན་ན། བོད་གཞུང་ལས་ཁུང་འདྲ་མིན་ནང་ནས་ལས་བྱེད་ཆེ་ཆུང་གང་མང་ཞིག་གིས་ད་ལོ་གསར་སྐྱིད་པོ་གཏོང་དགོས་ཞེས་དགོངས་ཞུས་བྱེད་མཁན་མང་རབས་བཤད་ཀྱིན་འདུག ད་ག་འདྲ་འདུས།
ཨ་མདོ་རྔ་པའི་མི་མང་ལ་ཐུགས་རྗེ་ཆེ། བོད་མི་རིགས་ཀྱི་གཟི་བརྗིད་རེད། གཞིས་སྡོད་མི་མང་ཚོས་སེམས་ཤུགས་དང་སྙིང་སྟོབས་ལ་ང་ཚོ་བཙན་བྱོལ་ནང་ཡོད་པ་ཚོས་མིག་དཔེ་ལྟ་དགོས།
བོད་ནང་གི་བོད་མིའི་སེམས་ཤུག་ལ་དངོས་གནས་བརྗེས་སུ་ཡི་རང་ཡོད། བརྩེན་བྱོལ་བ་ཚོས་ཀྱང་འདི་ལ་མིག་པེ་བལྟ་དགོས།
རྔ་པ་བ་ཚོས་བློས་སྟངས་དང་གཟི་བརྗིད་རེད། བོད་སྤྱི་ལའང་ཕན་ཐོགས་ཆེ།
དངོས་གནས་ཧང་སང་བ་ཞིག་རེད། ཁོང་ཚོའི་དམིགས་ཡུལ་དང་བློ་སྟོབས་ལ་གཟིགས་དང་། ང་ཚོས་ཀྱང་འདི་ནས་ལོ་སར་གྲ་རྒྱས་པོ་དེ་འདྲ་བཏང་ན་ག་ལ་འགྲིག་་་་་རྒྱ་མིའི་མེ་མདའི་ཁ་ནས་འདི་ལྟར་དཔའ་སྐད་བསྒྲགས་ཏེ་བོད་མི་དཔའ་བོ་ཚོའི་ཆེད་གདུང་སེམས་བསྐྱེད་ན་ང་ཚོ་རང་ལུང་པར་འདུག་མཁན་ཚོས་དེ་ལས་ཀྱང་གཞི་རྒྱ་ཆེ་བའི་ལས་འགུལ་འདྲ་སྤེལ་དགོས་པ་འདྲ། ད་དུང་མི་གྲངས་སྟོང་ཕྲག་ཁ་ཤས་ཀྱིས་ཁྲིམས་ཁང་ནས་མནར་གཅོད་མྱོང་བཞིན་ཡོད་པས་ང་ཚོས་ངེས་པར་དུ་བསམ་བློ་གཏོང་དགོས་པ་འདྲ། འདི་ན་ཁ་ཤས་ཀྱིས་ད་ནས་བཟུང་ལོ་སར་གྱི་གྲ་སྒྲིག་བྱེད་ཀྱིན་འདུག་པ་མཐོང་སོང་་་་ཁྱོད་ཚོར་མགྲོན་ཁང་དང་ཟ་ཁང་ཚོང་ཁང་ཆེན་པོ་ཡོད་པ་བདེན་པ་རེད་དེ་་་་བོད་མིའི་སྐྱེད་སྡུག་ཚང་མས་མཉམ་མྱོང་བྱེད་དགོས་པ་ལས་རེ་ཟུང་ཞིག་གིས་འཁུར་དགོས་གང་ན་ཡིན།
ཨ་མདོ་རྔ་བའི་མི་མང་ལ་རྗེས་སུ་ཡི་རང་དང་ཐུགས་རྗེ་ཆེ་ཞུ་བཞིན་ཡོད།
ཨོ་ཡ་ད་རྔ་བ་ཚོ་དང་མཉམ་དུ་ལོ་མི་གསར་རྒྱུ་བྱེད་ཡ།