ཁ་སང་ཨ་རིའི་ཕོ་བྲང་དཀར་པོའི་མགྲིན་ཚབ་པ་བྷེལ་བྷུལ་ཊོན་ཀྱིས་ལོ་འདིར་སྲིད་འཛིན་ཨོ་བྷ་མས་བོད་མིའི་དབུ་ཁྲིད་ཏཱ་ལའི་བླ་མར་མཇལ་འཕྲད་གནང་རྒྱུ་ཡིན་པ་དང༌། ཏཱ་ལའི་བླ་མ་ནི་རྒྱལ་སྤྱིའི་སྟེང་བརྩི་བཀུར་ཆེན་པོ་ཡོད་པའི་ཆོས་ལུགས་ཀྱི་དབུ་ཁྲིད་ཡག་པོ་ཞིག་རེད་ཅེས་པའི་གསལ་བསྒྲགས་དེར། དེ་རིང་ཞོགས་པ་རྒྱ་གཞུང་གིས་ངོ་རྒོལ་དང་མ་དགའ་བའི་རྣམ་འགྱུར་ཤུགས་ཆེན་བསྟན་འདུག
རྒྱ་གཞུང་གི་ངོ་རྒོལ་བསྒྲགས་གཏམ་དེའི་ནང་བཀོད་དོན། ཀྲུང་གོའི་རྒྱལ་ཁབ་ཀྱིས་རྒྱལ་ཁབ་གཞན་གང་ཞིག་གི་སྲིད་དོན་མི་སྣ་སུ་ཞིག་གིས་ཏཱ་ལའི་བླ་མར་མཇལ་འཕྲད་གནང་བ་ཡིན་ན། དེར་མཐའ་གཅིག་ཏུ་ངོ་རྒོལ་བྱ་རྒྱུ་ཡིན་པའི་ཐ་ཚིག་བསྒྲགས་ན་ཡང༌། ཕྱི་ཚེས་ ༢ ཉིན་ཨ་རིའི་སྲིད་འཛིན་ཨོ་པཱ་མས་སྔར་གྱི་འཆར་གཞི་ལྟར། ཏཱ་ལ་དང་མཇལ་འཕྲད་བྱ་རྒྱུ་ཡིན་པ་ར་སྤྲོད་བྱས་པ་རེད། འོན་ཀྱང་། ཨ་རིའི་རྒྱལ་སྲིད་སྤྱི་ཁྱབ་ཁང་གིས་ཨ་རིའི་རྒྱལ་ཁབ་ཀྱི་ཁེ་ཕན་རྒྱུན་འཁྱོངས་བྱེད་པའི་ལངས་ཕྱོགས་དེར་འགྱུར་བ་གཏོང་མི་སྲིད་ལ། དེ་དང་ལྷན་དུ་ཨ་རི་དང་ཀྲུང་གོ་གཉིས་ཀྱིས་ལྟ་བ་མི་མཐུན་པའི་གནད་དོན་ཐད་བགྲོ་གླེང་བྱ་ཐུབ་པའི་རེ་བ་ཡོད་སྐོར་བསྟན་པ་རེད། ཅེས་བཀོད་འདུག
རྒྱ་ནག་གིས་ཅི་བཤད་ལ་མ་ལྟོས་པར་ཨ་རིའི་སྲིད་འཛིན་གྱིས་༧གོང་ས་མཆོག་ལ་མཇལ་འཕྲད་གནང་རྒྱུ་དེ་ཨ་རིའི་རྩ་དོན་གྱི་ལངས་ཕྱོགས་སྟོན་པའི་བརྡ་དོན་ཞིག་ཏུ་གྱུར་ཡོད། གལ་སྲིད་ཨ་རིའི་སྲིད་འཛིན་གྱིས་༧གོང་ས་མཆོག་ལ་མཇལ་འཕྲད་ཀྱི་གོ་སྐབས་མ་བླངས་པ་ཡིན་ན་ཨ་རི་རྒྱལ་ཁབ་ཀྱིས་རྒྱལ་ཚོགས་ཁྲོད་དབང་ཤུགས་ཆེ་ཤོས་དང་། ཤུགས་རྐྱེན་ཆེ་ཤོས་ཀྱི་གནས་བབ་ཟིན་ཡོད་པ་འཛམ་གླིང་རྒྱལ་ཁབ་གཞན་དག་ལ་ར་སྤྲོད་བྱེད་ཐུབ་ཀྱི་མེད་པ་དང་། ཐེ་ཝན་གྱི་ཆེད་དུ་མུ་མཐུད་ནས་སྐད་ཆ་བཤད་པར་ཆེ་མཐོང་ཡོད་པའི་གནས་བབ་དེ་ཡང་ཤོར་འགྲོ་གི་རེད།
རྒྱ་དཔོན་རིགས་ཨ་རི་ལ་ཡོངས་མི་ཆོག
རྒྱ་ནག་དེར་ཇུས་གཏོགས་ཚ་བ་ལ་་་་་རང་གི་རྒྱལ་ཁབ་མ་ཟད་གཞན་ལའང་ཇུས་གཏོགས་བྱེད་ཀྱི་འདུག་་་་ད་ཡིན་ན་ཅིག་དགོས་འདུག་་་
འགྱུར་བ་ཆེན་པོ་གསུམ་གཏོང་དགོས་དོན་གྱི་ཕྱོགས་ཙམ་གསུངས་པ་མ་གཏོགས་འགྱུར་བ་དེ་དག་ཇི་ལྟར་གཏོང་དགོས་གསུངས་མི་འདུག ད་དུང་འགྱུར་བ་ཇི་ལྟར་གཏོང་དགོས་པའི་ལམ་སྟོན་ལ་སྒུག་གི་ཡིན།
བློ་གྲོས་རྒྱལ་པོ་ལགས། འགྱུར་བ་དེ་དག་ཇི་ལྟར་གཏོང་དགོས་སམ། འདྲེན་བཀོད་བྱེད་ཤེས་པ་ལ་ཇི་ལྟར་འགྱུར་བ་གཏོང་དགོས་པ་ལོས་ཤེས་རེ།
ལན་གྱིས་སྟོང་པའི་འུག་པ་མིག་སེར་ལ། །
ཨུ་ཚུགས་བྱས་ནས་དགོས་པ་མི་འདུག་མོད། །
དྲ་རྒྱ་འདི་ཡི་ཀློག་པ་པོ་དག་ལ། །
དོགས་སེལ་ཕྱིར་དུ་དྲི་བ་འགའ་ཞིག་བཏང་། །
༡ ད་ཡོད་ཀྱི་བརྒྱུད་ལམ་འདི་ལ་བརྟེན་ནས། ༢༠༠༢ནས་ད་ལྟ་ཚུན་ལ་གནས་སྟངས་ལ་འགྲེལ་བཤད་དང་ཡིག་ཆ་ལ་རྒྱས་འགྲེལ་བྱས་ནས་བསྡད་འདུག ད་དུས་ཚོད་དེ་རྫོགས་འདུག
༢ ད་ཡོད་ཀྱི་བརྒྱུད་ལམ་འདིའི་སྟེང་ན། ང་ཚོའི་གཞུང་གི་ངོས་ནས། ༧གོང་ས་མཆོག་གི་དམིགས་བསལ་སྐུ་ཚབ་ཟེར་བ་དང་རྒྱ་ནག་གཞུང་གི་ངོས་ནས་ཏཱ་ལའི་བླ་མའི་སྐུ་ཚབ་ཟེར་བ་འདིའི་སྒང་ན་བསྡད་འདུག རིམ་པ་འདི་ལས་གོང་དུ་འཕགས་པའི་ལམ་ཁ་འགག་ནས་ཡོད།
༣ ད་ཡོད་ཀྱི་བརྒྱུད་ལམ་འདི་ལ་བརྟེན་ནས་བྱེད་དགོས་བའི་ལས་ཀ་དེ་ཕལ་ཆེར་བྱས་ཚར་འདུག དེ་ནི་བོད་རིགས་ཡོངས་ལ་མིང་དོན་མཚུངས་བའི་རང་སྐྱོང་ཡོང་ཐབས་ཀྱི་བསམ་འཆར་ཡིག་ཆ་དེ་རྒྱ་ནག་གཞུང་གི་མདུན་ལ་འཇོག་རྒྱུ་དེ་རེད། དེ་བཞག་པས་མ་ཚད་དེའི་འགྲེལ་བཤད་རྒྱས་པ་དེ་ཡང་སྤྲད་ཚར་ཡོད། བརྒྱུད་ལམ་འདི་ལ་དེ་ལས་ལྷག་པའི་ལས་ཀ་བྱེད་རྒྱུ་མེད།
གོང་བཀོད་རྒྱུ་མཚན་གནས་བསྡུས་འདི་ཚོར་བརྟེན། བརྒྱུད་ལམ་ལ་འགྱུར་བ་གཏོང་དགོས་རེད་ལབ་ཀྱི་ཡོད།
དེ་ནས་སྐུ་ཚབ་ལ་འགྱུར་བ་གཏོང་དགོས་རེད་ཟེར་བའི་བསམ་ཚུལ་དེ་ཡིན།
སྐུ་ཚབ་ལ་འགྱུར་བ་གཏོང་དགོས་རེད་ཟེར་དོན་ནི་། སྐུ་ཚབ་ཀྱི་དགུང་ལོའི་བབ་དང་དུས་ཡུན་གྱི་གཉིས་ཀྱི་ཆ་ནས་ཡིན། དགུང་ལོ་བགྲེས་བ་དང་དུས་ཡུན་རིང་བའི་ཆ་ནས་ཡིན།
གལ་སྲིད་ད་ཡོད་ཀྱི་སྐུ་ཚབ་མུ་མཐུད་དུ་བཞུགས་པ་ཡིན་ན་ཡང་། དམིགས་བསལ་ཡིན་པ་དེར་དམིགས་བསལ་གྱི་ཕྱག་ལས་གནང་རྒྱུ་ལྷག་མེད་འདོད།
སྐུ་ཚབ་ལ་འགྱུར་བ་གཏོང་དགོས་བའི་ཐད་ཀྱི་བསམ་ཚུལ་ཞིག་འདི་རུ་ཡང་འདུག ཞོར་འཕྲོས་ཅུང་ཙམ་གླེང་ན། ད་ཡོད་ཀྱི་སྐུ་ཚབ་འདིས། ཕར་ཕྱོགས་ལ་ཕྱིན་ནས་ཁས་ལེན་འདྲ་བྱས། ཚུར་ཕྱོགས་ལ་སླེབས་ནས་ལག་ལེན་མ་བསྟར་བའི་གནད་དོན་ཁ་ཤས་ལ། སྔོན་མར་སྐྱོན་བརྗོད་ཡི་གེ་སླེབས་པའི་གནས་སྟངས་ཡང་འཕྲད་མྱོང་ཡོད། འོན་ཀྱང་། དེ་ཚོ་ང་ཚོའི་གཞུང་གི་ཕྱི་གསལ་ནང་གསལ་ཟེར་བའི་སྲིད་ཇུས་དེའི་རྒྱབ་ཀྱི་སྐད་ཆ་རེད།
འབྲེལ་མོལ་མཐུད་རྒྱག་སྟངས་ལ་འགྱུར་བ་གཏོང་དགོས་རེད་ཟེར་དོན་ནི། ད་ལྟའི་འབྲེལ་མོལ་གྱི་མཐུད་རྒྱག་སྟངས་ནི། ཡིག་ཆ་འགའ་མཐུད་རྒྱག་པ་དང་ཡིག་ཆ་དེ་ཡང་གྲོས་མོལ་དངོས་ཀྱི་རྨང་གཞི་མེད་པའི་ཐོག་ནས་མཐུད་རྒྱག་བཞིན་ཡོད་ལ། མཐུད་དེ་ཡང་མཐུད་ཀྱི་སྣེ་མོ་འཇུ་ས་མེད་ས་ཞིག་ལ་རྒྱག་གིན་ཡོད།
གང་ལྟར། མདོར་ན། འབྲེལ་མོལ་གྱི་བརྒྱུད་རིམ་ལ་འགྱུར་བ་ཕྱིན་ན། སྐུ་ཚབ་དང་འབྲེལ་མོལ་གྱི་མཐུད་རྒྱག་སྟངས་གཉིས་ལ་ཡང་འགྱུར་བ་འགྲོ་གི་རེད།
འདས་པའི་མི་ལོ་ལྔ་བཅུའི་རིང་བོད་ལ་གོད་ཆག་དང་། ཡར་རྒྱས་ཀྱི་རྣམ་པ་གང་བྱུང་ཡང་བོད་མི་མང་གིས་ནམ་ཡང་བློས་གཏོང་བྱས་མེད་པ་ནི་༸གོང་ས་རྒྱལ་བ་རིན་པོ་ཆེ་མཆོག་ཡིན་ལ། གནད་དོན་འདིས་བོད་འདི་བདེ་སྡུག་གང་འདྲ་ཞིག་ཏུ་ལྷུང་ཡང་བོད་ཀྱི་དབུ་ཁྲིད་༸གོང་ས་རྒྱལ་བ་རིན་པོ་ཆེ་མཆོག་ཡིན་པ་བོད་རྒྱ་ཆེའི་མི་མང་གིས་གསལ་པོ་བཟོས་པ་ཞིག་ཡིན། དེར་བརྟེན་སྐུ་ཚབ་ནི་བོད་ཀྱི་དབུ་ཁྲིད་ཀྱི་སྐུ་ཚབ་རེད། རྒྱུ་མཚན་འདི་ངོས་ལེན་མེད་ན་རྒྱ་ནག་གི་བརྗོད་པ་བཞིན་མི་སྒེར་གྱི་སྐུ་ཚབ་རེད།
དྲ་གྲོགས་གནས་ཚང་བརྒྱུད་ནས་གཡང་སྐྱབས་རྒྱལ་ལ་ལན་བསྐུར་བ། ང་ཚོ་ལ་ཡིད་ཆེས་ཡོང་བ་ཞིག་བྱེད་པར་དཔང་རྟགས་དགོས་པ་རེད། ང་ལ་གཅིག་གིས་ལབ་སོང་ཟེར་བ་ནི་དཔང་རྟགས་སུ་ག་ལ་འགྲོ དེ་ནི་གཡང་སྐྱབས་རྒྱལ་ལགས་ཀྱིས་མཁྱེན་ངེས་རེད།
དྲ་གྲོགས་གནས་ཚང་ལགས་ཀྱིས་འདྲེན་བཀོད་བྱས་པ་དང་། གཡང་སྐྱབས་རྒྱལ་གྱིས་ཁ་བརྡ་དྲ་ཚིགས་སུ་གཤམ་གྱི་བཀའ་མོལ་དེ་བཤད་པ་ལས་འཕྲོས་པའི་བསམ་ཚུལ་འགའ།
དམིགས་བསལ་སྐུ་ཚབ་རྒྱ་རི་རིན་པོ་ཆེས་གསུང་བཤད་གནང་སྟེ། “༡༩༤༩ ཡར་སྔོན་དུ་ཨ་མདོ་ཡོངས་དང་ཁམས་ཀྱི་ཕྱེད་དེ་རྒྱ་ཁོངས་རེད་”ཅེས་བཤད་ནས་དབུ་མའི་ལམ་གྱི་སྲིད་བྱུས་འདིས་ངོ་མ་བཤད་ན་”ཁྲིམས་མཐུན་དུ་མེད་པའི་བོད་ཀྱི་ས་ཁུལ་དགོས་པའི་”དགོས་འདུན་བཏོན་ཡོད་པ་དང་། “དབུ་མའི་ལམ་”ལ་ཆག་ཡངས་གང་ཡང་གཏོང་ཐབས་མེད་པ་ལ་བརྟེན་ནས་བོད་རྒྱའི་འབྲེལ་མོལ་དང་ཞི་མོལ་ལ་ལམ་ལྷོང་མ་བྱུང་ལུགས་བཤད་སོང་ཟེར། གུང་ཁྲན་གྱིས་འབྲེལ་མོལ་ལམ་ལྷོང་མ་བྱུང་བའི་ཁག་འགེལ་དེ་བོད་གཞུང་ལ་བཀལ་བའི་ཐོག་ ང་ཚོའི་སྐུ་ཚབ་ཀྱིས་ཀྱང་ལམ་ལྷོང་མ་བྱུང་བའི་ཁག་འགེལ་དེ་ང་ཚོར་བཀལ་བ་འདི་འདྲ་ནི་ཡིན་མི་སྲིད་པ་ཞིག་རེད་བསམས་ནས་སྙིང་རླུང་སྟོད་ལ་འཚངས། ཅེས་དྲངས་འདུག
གཡང་སྐྱབས་རྒྱལ་གྱིས་བཤད་པར་ཁུངས་ལུང་ཡོད་ན་དངོས་འབྲེལ་བཟོད་སྒོམ་བྱེད་ཐབས་བྲལ་བ་ཞིག་རེད། ང་ཚོས་ངེས་པར་ཐེར་འདོན་བྱེད་དགོས་པ་རེད། ང་ཚོ་དྲ་གྲོགས་ཚོ་ཡིན་ནའང་གནས་ཚུལ་འདི་དེ་མུར་འཇོག་མི་རུང་བའི་བསམ་ཚུལ་འདོན་དགོས་པ་རེད། ཡིན་ནའང་དང་པོ་གཡང་སྐྱབས་རྒྱལ་ལགས་ཀྱིས་གནས་ཚུལ་འདི་ཁུངས་སྐྱེལ་བྱེད་དགོས་པ་རེད། དེ་མིན་སྐད་ཆ་འདི་འདྲ་བཤད་སོང་ཟེར་བ་དང་། ལབ་ཀྱི་འདུག་ཟེར་བ། ཡིན་ས་རེད་ཟེར་བ་སོགས་ནི་ཕུ་ནུ་ནང་དཀྲུགས་ཀྱི་བཀའ་མོལ་རེད། ཁུངས་ལུང་ཡོད་རྒྱུ་རེད་བསམ་གྱི་འདུག ཁུངས་ལུང་འགོད་རྒྱུ་མེད་ན་བཀའ་མོལ་འདི་རྒྱ་མིའི་སོ་པའི་བྱེད་ལས་ཤིག་ལ་ངོས་འཛིན་མི་བྱེད་ཐབས་མེད་རེད། ང་ཚོས་སྐད་ཆའི་ཁུངས་ལུང་ལ་ཆ་འཇོག་བྱེད་ཀྱི་རེད་མ་གཏོགས་ཟེར་སྐད་དང་། ཐོས་སྐད་སོགས་ལ་ཆ་འཇོག་བྱེད་ཐབས་ཡོད་མ་རེད།
གཡང་སྐྱབས་རྒྱལ་ལགས། བཀའ་མོལ་འདི་ལ་ཁུངས་སྐྱེལ་བྱེད་རོགས།