དཔལ་ལྡན་རྒྱལ་གྱི་ཟིན་བྲིས་ལས།
བོད་རྒྱའི་འབྲེལ་མོལ་ཐེངས་དགུ་བའི་སྐབས་བཙན་བྱོལ་བོད་གཞུང་གིས་རྒྱ་ ནག་ཀྲུང་ཧ་མི་མང་སྤྱི་མཐུན་རྒྱལ་ཁབ་གྱི་རྩ་ཁྲིམས་སྒྲོམ་གཞི་འོག་ནས“བོད་ རིགས་ཡོངས་ལ་མིང་དོན་མཚུངས་བའི་རང་སྐྱོང་ཡོང་ཐབས་ཀྱི་བསམ་འཆར།”ཞེས་པའི་ཡིག་ཆ་དེ་གཞི་ལ་བཞག་ནས་གྲོས་མོལ་བྱེད་ཐུབ་པའི་རེ་བ་བཅིངས་ཡོད་ནའང༌། རྒྱ་ནག་གཞུང་གིས་ཡིག་ཆ་དེ་ནི་རྒྱ་ནག་གི་རྩ་ཁྲིམས་དང་འགལ་ཡོད་པས་རྒྱལ་ཁབ་ཀྱི་བདག་དབང་ སྐོར་ལ་སྐད་ཆ་བྱེད་རྒྱུ་གང་ཡང་མེད་ཞེས་ལན་འདེབས་བྱས་འདུག
འདས་པའི་ལོ་ཉི་ཤུ་དང་། དམིགས་བསལ་གྱིས་འདས་པའི་ལོ་དགུའི་རིང་བཀའ་བློན་ཁྲི་བས་ནུས་ཤུགས་གང་ཡོད་བཏོན་ནས་བོད་རྒྱ་ནག་ནས་ཁ་བྲལ་རྒྱུ་མིན་པ་དང༌། རྒྱ་ནག་གི་རྩ་ཁྲིམས་འོག་བོད་དོན་ཐག་གཅོད་བྱེད་འདོད་པ་དེ་དོན་དངོས་ཡིན་པ་རྒྱ་ནག་གཞུང་ལ་བདེན་དཔང་སྤྲོད་གང་ཐུབ་བྱས་པའི་རྗེས། བོད་རྒྱའི་འབྲེལ་མོལ་ཐེངས་བརྒྱད་བའི་སྐབས་བཙན་བྱོལ་བོད་གཞུང་གིས་བོད་རིགས་ཡོངས་ལ་མིང་དོན་མཚུངས་བའི་རང་སྐྱོང་ཡོང་ཐབས་ཀྱི་བསམ་འཆར།”ཞེས་པ་རྒྱ་ནག་གཞུང་ལ་སྤྲད་ཡོད་པ་རེད། ད་ལྟའི་ཆར་རྒྱ་ནག་གཞུང་གིས་ཡིག་ཆ་དེ་རྒྱ་ནག་གི་རྩ་ཁྲིམས་དང་འགལ་འདུག་ཟེར་ནས་ངོས་ལེན་བྱས་མི་འདུག ད་ནི་བཙན་བྱོལ་བོད་གཞུང་གིས་མུ་མཐུད་དུ་རྒྱ་ནག་གཞུང་ལ་སྤྲད་པའི་བོད་རིགས་ཡོངས་ལ་མིང་དོན་མཚུངས་བའི་རང་སྐྱོང་ཡོང་ཐབས་ཀྱི་བསམ་འཆར།”ཡིག་ཆ་དེ་རྒྱ་ནག་གི་རྩ་ཁྲིམས་དང་མཐུན་པ་ཞིག་ཡིན་ཚུལ་རྒྱ་ནག་གཞུང་ལ་འགྲེལ་བརྗོད་ཁྲོད་ནས་མི་མང་གིས་ཐད་ཀར་འོས་འདེམས་བྱས་པའི་བཀའ་བློན་ཁྲི་བའི་དུས་ཡུན་མཇུག་རྫོགས་རྒྱུ་ཡིན་ནམ།
ནམ་རྒྱུན་ཁྱེད་ཚོས་བརྗོད་གཞི་འདི་འདྲ་ཁ་འཁྱེར་ནས་གསར་འགྱུར་འདྲ་མིན་མ་གླེང་རོགས། ང་སུན་གི
དྲ་གྲོགས་རྣམ་པ་ཚོ།་
ངས་དྲི་བ་ཞིག་འདོན་རྒྱུ་ཡོད་པས་ཁྱེད་རྣམས་ལན་འདེབས་གནང་བའི་རེ་བ་ཡོད།
དྲི་བ་དང་པོ།་་་་བཙན་བྱོལ་བོད་གཞུང་ཞབས་པ་ཚོའི་ནང་་་་བོད་རིགས་ཡོངས་ལ་མིང་དོན་མཚུངས་པའི་རང་སྐྱོང་ཡོང་ཐབས་ཀྱི་བསམ་འཆར།་་་ཡིག་ཆ་དེར་དོ་སྣང་གིས་བལྟ་ཀློག་བྱ་མཁན་ག་ཚོད་བྱུང་ཡོད་དམ།
དྲི་བ་གཉིས་པ།་་་་དྲ་གྲོགས་རྣམ་པ་ཚོས་བོད་རྒྱ་འབྲེལ་མོལ་ཐད་སྐད་ཆ་མང་པོ་བཤད་ཀྱང་།་་དོན་དུ་ཡིག་ཆར་དོ་སྣང་གིས་བལྟ་ཀློག་གནང་མཁན་ག་ཚོད་ཡོད་དམ།
དྲི་བ་གསུམ་པ།་་་རང་དབང་ལུང་པར་གནས་པའི་བོད་མི་ག་ཚོད་ཀྱིས་ཡིག་ཆར་དེར་དོ་སྣང་གིས་བལྟ་ཀློག་བྱས་ཡོད་དམ།
དྲ་གྲོགས་རྣམས་ངེས་པར་ཐུགས་བསམ་བཞེས་ནས་ལན་འདེབས་གནང་བའི་རེ་བ་ཆེ།་ཐུགས་རྗེ་བཀའ་དྲིན་ཆེ།།
ངོ་མ་རྒྱ་ནག་གི་དུས་ཚོད་འདི་ལྟར་བྱེད་ནས་སྐྱེལ་རྩིས་ཡོད་པར་འདྲ། ཡིན་ནའང་ང་རང་ཚོའི་ངོས་ནས་སེམས་ཤུགས་མ་ཆགས་པར་ང་རང་ཚོའི་ཕྱོགས་ནས་གང་བྱེད་དགོས་པའི་རིགས་རྣམས་ལ་འཐུས་ཤོར་མེད་པར། མུ་མཐུད་ནས་བྱ་དགོས་པ་ཤིན་ཏུ་ནས་གལ་ཆེ། ལྷག་པར་༸གོང་ས་མཆོག་སྐུ་འཚོ་བཞུགས་ཡོད་པའི་རིང་ང་རང་ཚོས་མཉམ་སྦྲེལ་གྱི་ནུས་པ་ཞིག་བཏོན་པ་ཡིན་ན། མི་འགྱངས་པར་ངེད་ཚོ་གཞིས་དང་བྱེས་ཀྱི་སྤུན་ཟླ་བོད་རིགས་རྣམས་མཇལ་བའི་ཉི་མ་ཞིག་ཤར་རྒྱུ་ཉག་གཅིག་ཡིན།
མུ་མཐུད་ནས་སྐུ་ཚབ་རྣམས་ཕེབས་ཀྱང་དང། འབྲེལ་བ་ཇེ་བཟང་དུ་གཏོང་དགོས་པ་ཤིན་ཏུ་ནས་གལ་ཆེ། ལ་ལས་འབྲེལ་བ་བྱེད་ནས་གྲུབ་འབྲས་མེད་པར་དགོངས་སྲིད་ཀྱང། དེ་ཚོའི་འབྲས་བུ་ནས་ཉིན་མ་ཁ་ཤས་དང་ཟླ་བ་ཁ་ཤས། ཡང་ན་ལོ་ཁ་ཤས་ཙམ་ནས་ཐོན་རྒྱུ་ཞིག་མིན་པར། ལོ་མང་འགོར་རྒྱུ་ཡིན་པ་བཤད་དགོས་མེད།
ང་ཚོས་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཁྲིམས་འོག་ལ་ཡོང་རྒྱུར་ཅི་ཙམ་གྱི་འབད་བརྩོན་བྱས་ཀྱང་། རྒྱ་ནག་གཞུང་གིས་ད་དུང་ཁས་མི་ལེན་ན་ང་ཚོས་ཐབས་ཤེས་མཐའ་མ་དེ་འཐེན་དགོས་པ་རེད།
འདི་ཏོག་ཙམ་ནག་པོ་ཡོད་ལ། ཧ་ཅང་དམར་པོ་ཡང་ཡིན།
དེ་ནི་རྒྱ་ནག་རྩ་ཁྲིམས་ཁུར་ཡོང་ནས་ང་ཚོའི་བཅའ་ཁྲིམས་ཀྱི་ཚབ་ལ་འཇོག་དགོས་པ་རེད། གཞུང་ཞབས་ལས་བྱེད་ཚོ་ཏང་གི་ནང་དུ་ཞུགས་དགོས་པ་རེད། རྒྱ་ནག་གི་རྒྱལ་དར་སྐར་ལྔའི་དར་དམར་དེ་གངས་སྐྱིད་དང་གཙུག་ལག་ཁང་དུ་བསྒྲེངས་དགོས་པ་རེད། དེ་ནས་སློབ་གྲྭ་ཁག་གི་སློབ་དེབ་ཀྱི་ནང་དུ་མར་ལེ་རིང་ལུགས་དང་། མའོ་ཙེ་ཏུང་གི་དགོངས་པ། ཏིན་ཞའོ་ཕིན་གྱི་རིག་པའི་གཞུང་ལུགས། ཅང་ཙེ་མིན་གྱི་མཚོན་བྱེད་གསུམ་དང་ཧོ་ཅིན་ཐོ་ཡི་འཆམ་མཐུན་སྤྱི་ཚོགས་འཛུགས་སྐྲུན་གྱི་སློབ་གསོ་སོགས་འཇུག་དགོས་པ་རེད། ཞོགས་པ་སྔ་མོ་རྒྱ་ནག་གི་རྒྱལ་གླུ་ལེན་དགོས་པ་རེད། ད་དུང་ལོ་ཆུང་གདུང་ལེན་རུ་ཁག་གི་སྐེ་རས་དམར་པོ་དེ་ཚོ་ཡང་བོད་ཁྱིམ་དང་གཏན་སློབ་ཁག་གི་བྱིས་པ་ཚོའི་སྐེར་འདོགས་དགོས་པ་རེད།
འདི་མཐའ་དག་ཡང་དག་པར་ལག་ལེན་དུ་བསྟར་བ་ཡིན་ན་རྒྱ་ནག་གཞུང་གིས་ཁས་མི་ལེན་ཐབས་མེད་ཆགས་འགྲོ་གི་རེད། འདི་ངའི་བསམ་ཚུལ་ཡིན།
᪠ᨙᨵ་ᨑ᪄་
᪠ᨙᨵ་ᨑ᪄་
མི་ཉག་འདི་མི་ཡ་མཚན་ཞིག་འདུག
བོད་ཀྱི་དུས་བབ་སྟེང་ལ་ཕེབས་པའི་དྲ་གྲོགས་མང་ཆེ་བར་བསམ་བློའི་ཁ་ཕྱོགས་ཅི་ཡང་མེད་པ་དང་སྐབས་རེ་མི་དེ་ཚོ་ཕྲུ་གུ་ཆུང་ཆུང་བཞིན་གྱིས་སྐད་ཆ་ལ་རིན་ཐང་མེད་པར་སྐད་ཆ་རློན་པས་དོན་མེད་ཀུ་ཅོ་རྒྱག་མཁན་ཇེ་མང་རེད། དུག་སྦྲུལ་དང་རུས་སྦལ། སྦལ་པ་ལྟ་བུའི་ཁྱད་ཆོས་རེ་ཁོང་ཚོར་ལྡན་ཡོད། དཔེར་ན་དྲ་གྲོགས་བློ་གྲོས་རྒྱལ་པོ་དང་གཅན་བཟོད་རྒྱམ་ལྟ་བུ་རེད། དྲང་པོ་ཞུ་ན་མི་དེ་ཚོར་སོ་སོའི་འཇོན་ཐང་དང་གྲུབ་འབྲས་ཐིགས་པ་ཞིག་ཀྱང་སྟོན་རྒྱུ་མེད་པར་མི་ལ་ཁ་རྡུང་དང་དཀྲུག་ཤིང་གཏོང་དགོས་ན་ཨང་དང་པོ་རེད། བསམ་བློ་ཞིབ་ཏུ་ཐོངས་དང་། བཤད་འདོད་པའི་སྐད་ཆ་རེ་ཤོད་རྒྱུ་ཡོད་ན་རྒྱ་གཞུང་གིས་བོད་རིགས་ཚོར་གཉའ་གནོན་དང་མཐོང་ཆུང་ཁོ་ནའི་སྐད་ཆ་དེ་དག་ལ་ལན་ཚ་པོ་རེ་རྒྱག་བ་དང་བཙན་བྱོལ་ནང་གི་ཤེས་ཡོན་ཅན་ལོ་ན་གཞོན་གཞོན་ཚོ་དང་༧གོང་ས་མཆོག་གིས་དབུ་འཁྲིད་བའི་བོད་གཞུང་ལ་གཞོགས་འདེགས་ཀྱིས་རྒྱབ་སྐྱོར་བྱ་རྒྱུའི་ཐབས་ལམ་རེ་འཚོལ་སྒྲུག་གྱིས་དང། བོད་མིའི་སྐྱིད་སྡུག་མཉམ་མྱོང་ཡིན་པ་དེ་དྲན་པར་གནང་རོགས
རེད་ཡ། དུས་ཀྱི་འགྱུར་འགྲོས་དང་གནས་བབ། ཕ་རོལ་བའི་བྱེད་སྟངས་སོགས་ལ་བལྟས་ནས་ཐབས་ཤེས་ཟུང་འབྲེལ་ལམ་དེང་དུས་ཀྱི་བརྡ་ཆད་སྲིད་ཇུས་ཞེས་པ་འཛིན་དགོས་པ་ལས་ ༧༩ ལོར་ཏིན་གྱི་འདི་ལྟར་བཤད་སོང་ཟེར་བ་ལྟ་བུ་ཚིག་གི་བམ་རོ་དེ་དག་ལ་ཤི་འཐམ་རོ་འཐམ་བྱས་ནས་གྲོས་མོལ་གྱི་འབྲས་བུ་ཞིག་ཡོང་རྒྱུ་མེད་པ་ད་ལྟ་གསལ་བོ་ཆགས་ཟིན་པ་རེད་ལ། བོད་གཞུང་གི་ད་ལྟའི་འཛིན་སྐྱོང་དང་སྐུ་ཚབ་ཚོགས་པར་མཚོན་ནའང་དེ་ལས་ལྷག་པའི་འཇོན་ནུས་མེད་པ་གསལ་བོ་ཆགས་ཟིན་པ་རེད། ད་ནི་ཕན་ཚུན་ལ་ལན་འདེབས་བྱེད་རེས་བྱས་བསྡད་པ་ལས་སྐབས་དང་དུས་ལ་བབ་པ་དང་མ་འོངས་པའི་བོད་དོན་གྱི་འཆར་གཞི་ཞིག་བཟོས་དགོས་པའི་དུས་ལ་བབས་འདུག་པར་མ་ཟད་འཕྱིས་ཀྱང་དྲགས་གྲབས་འདུག་གོ