མདུན་ངོས།
About Us
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
No Result
ཆ་ཚང་གཟིགས།

སུད་སྒོར་འབུམ་ ༡ གི་ཞལ་འདེབས།

བོད་ཀྱི་དུས་བབ།
༢༠༡༠/༠༢/༠༦
Share on FacebookShare on TwitterShare on EmailShare on Whatsapp

༧གོང་ས་མཆོག་གིས་ཟླ་སྔོན་མར་ས་ཡོམ་གྱི་གོད་ཆག་བྱུང་བའི་ཧེ་ཐིའི་མི་མང་ལ་སུད་སྒོར་འབུམ་ ༡ གི་ཞལ་འདེབས་གནང་ཡོད་འདུག

ཕྱི་ཚེས་ ༥ ཉིན་བོད་གཞུང་དྲ་རྒྱའི་ཐོག་གནས་ཚུལ་སྤེལ་བ་ལྟར་ན། ཕྱི་ཟླ་ ༡ ཚེས་ ༡༢ ཉིན་ཧེ་ཐིར་ས་ཡོམ་ཤུགས་ཆེས་བརྒྱབས་ཏེ་མི་འབུམ་ ༢ རྐྱེན་འདས་དང་ས་ཡ་བརྒལ་བར་རྨས་སྐྱོན་ཚབས་ཆེན་ཕོགས་ཡོད་པ་མ་ཟད།  ད་ལྟ་ཡང་མི་གྲངས་ས་ཡ་མང་པོར་སྡོད་གནས་མེད་པར་ལྷག་ཡོད་འདུག  ས་ཡོམ་གྱི་གོད་ཆག་བྱུང་བའི་ཧེ་ཐིའི་མི་མང་ལ་གདུང་སེམས་མཉམ་བསྐྱེད་མཚོན་ཆེད་ཉེ་ཆར་༧གོང་ས་མཆོག་གིས་རྒྱལ་སྤྱིའི་རྒྱ་གྲམ་དམར་པོའི་ཚོགས་པ་བརྒྱུད་དེ་ཧེ་ཐིའི་མི་མང་ལ་སུད་སྒོར་ ༡༠༠༠༠༠ གི་ཞལ་འདེབས་གནང་ཡོད་འདུག་ལ། དེའི་ཐད་རྒྱལ་སྤྱིའི་རྒྱ་གྲམ་དམར་པོའི་སྤྱི་ཁྱབ་དྲུང་ཆེ་བྷེ་ཁེ་ལེ་  ཇེ་ལེ་ཊ་ Bekele geleta མཆོག་གིས་༧གོང་ས་མཆོག་ནས་ཞལ་འདེབས་གསོལ་རས་གནང་བར་ཐུགས་རྗེའི་འཕྲིན་ཡིག་ཅིག་ཕུལ་འདུག་ལ།  འཕྲིན་ཡིག་དེའི་ནང་བཀོད་དོན་དུ། རྒྱལ་སྤྱིའི་རྒྱ་གྲམ་དམར་པོའི་མཐུན་ཚོགས་དང་རྒྱ་གྲམ་དམར་པོའི་ཚོགས་པ་ Red Crescent Socities གཉིས་ཀྱི་ཚབ་ཞུས་ཏེ་ངས་སྐུ་ཉིད་ཀྱིས་ང་ཚོའི་ཧེ་ཐིའི་ནང་རོགས་སྐྱོར་གྱི་ལས་གཞིར་རྒྱབ་སྐྱོར་དང་གདུང་སེམས་མཉམ་སྐྱེད་གནང་བར་སེམས་གཏིང་ནས་ཐུགས་རྗེ་ཆེ་ཞུ་རྒྱུ་དང་། སྐུ་ཉིད་ཀྱིས་ཧེ་ཐིའི་ནང་ང་ཚོའི་རོགས་རམ་ལས་གཞིར་རྒྱབ་སྐྱོར་གནང་རྒྱུའི་ཆོད་སེམས་དེར་ང་ཚོས་རྗེས་སུ་ཡིད་རངས་ཞུ་རྒྱུ་ཡིན་ལ། སྐུ་ཉིད་ཀྱིས་གདུང་སེམས་མཉམ་སྐྱེད་མཛད་པ་དེ་ཧེ་ཐིར་རྟེན་གཞི་བྱས་པའི་རྒྱལ་སྤྱིའི་རྒྱ་གྲམ་དམར་པོ་དང་དེར་ཡོད་ང་ཚོའི་ལས་རོགས་རྣམས་ལ་གསལ་བཤད་བྱ་རྒྱུ་ཡིན་ཞེས་བཀོད་འདུག

ཧེ་ཐིའི་ཡུལ་དུ་ས་ཡོམ་གྱི་གོད་ཆག་བྱུང་མ་ཐག་༧གོང་ས་མཆོག་གིས་ཐུགས་སྐྱོའི་ཕྱག་འཕྲིན་ཡང་བསྐུར་ཡོད་པ་རེད།

མཆན། 8

  1. ནགས་མེ། says:
    ལོ་ 13 སྔོན།

    ཁོ་རེ་ཁྱོས་དྲང་པོ་དང་ཚུགས་ཐུབ་ཀྱི་སྐད་ཆ་བཤད་པའི་ལོ་རྒྱུས་ཨེ་ཡོད། ག་དུས་ཡིན་ན་་་་་་་་་་་་་་་་་་་་་་་་་་་

    Reply
  2. lenpa says:
    ལོ་ 13 སྔོན།

    སྐུ་ཚབ་ཚོ་
    ཚུགས་ཀ་མེད་ཀྱང་སྡོག་པ་བྱས་ནས་ས་ཡ་དྲུག་གི་སྐུ་ཚབ་དག།

    བོད་ལྭ་གོན་ནས་བོད་ཚུགས་བཏོད་དེ་བོད་ཀྱི་རྒྱལ་ས་གཉིས་བ་ནས།།

    ༧ཡིད་བཞིན་ནོར་བུར་མགོས་ཕྱག་འཚལ་སྟེ་དམ་བཅའ་ཁས་ལེན་བྱས་བ་དང་།།

    ཟ་དང་འཐུང་དང་ཡིན་དང་མིན་སོགས་རྒྱ་སྐད་ཁ་ཤས་སློབ་ཞོར་ལ།།

    བོད་ལྭ་ཕུད་ནས་རྒྱ་ལྭ་གོན་ཏེ་མཁའ་ལམ་བརྒྱུད་ནས་ཕེབས་སོང་ཟེར།།

    གཞིས་བྱིས་གཉིས་ཀྱི་རེ་བ་ཤི་ཡང་རྣ་བས་ཡང་ཡང་ཉན་པ་ན།།

    ཤ་རྩ་དཀར་ལ་ཤ་ཚུགས་ལེགས་པའི་རྒྱ་མོ་འགའ་ཡི་བསུ་བ་བཅས།།

    རྒྱ་མཁར་སྨུག་པོའི་ནང་ལ་འཛུལ་རྗེས་ཟ་འཐུང་སྡེར་མའི་ཁྲོག་སྒྲ་ལས།།

    བོད་མིའི་བདེ་སྡུག་བཤད་པའི་སྐད་ཆ་སུ་དང་གང་གིས་མ་གོ་ཟེར།།

    ༧ཡིན་བཞིན་ནོར་བུའི་གསལ་བཤད་བདུན་པོ་ཕར་ལ་འཕྲོད་པའི་བརྡ་ཙམ་དང་།།

    མི་རུང་ཁ་ཤོར་བཞི་ཡི་ཐོག་ལ་ཐུགས་རྗེ་ཆེ་ཞུ་ཕུལ་བ་དང་།།

    ལག་པ་གཉིས་ཀས་ཕོ་བ་སྐྱོར་ནས་ཟ་འཐུང་བླུགས་པའི་སྒྱེ་མོ་བཞིན།།

    པེ་ཅིང་མཁར་ན་ཡོད་པ་འདྲ་པས་བདེ་མོ་སྐྱིད་པོ་ཡིན་པར་སྨོན།།

    ཆབ་སྲིད་འཐབ་ཕྱོསག་གཅིག་གྱུར་པུའུ་ཡིས་ཁྱོད་ཚོར་སྐད་ལོག་ཨེ་བྱས་ཐལ།།

    པུའུ་ཀྲང་གཞོན་པས་དཔའ་སྐད་འཐེན་སྐབས་ཆོས་སྐྱོང་སྲུང་མ་ཨེ་དྲན་ཐལ།།

    སྐུ་ཚབ་རྣམས་ལ་སྐྲག་སྣང་སྐྱེས་ནས་རྒྱུད་པ་གཉིས་ཀ་ཨེ་འདར་ཐལ།།

    བདག་དབང་བཤད་སྐབས་མགོ་བོ་རྨོངས་ནས་༧ཡིད་བཞིན་ནོར་བུ་ཨེ་དྲན་ཐལ།།

    སྲིད་ཇུས་བཤད་སྐབས་མགོ་ཡོམ་འཁོར་ནས་རྔུལ་ཆུ་མང་བོ་ཨེ་བཞུར་ཐལ།།

    རྒྱལ་ཁབ་ཞིག་གི་སྐུ་ཚབ་ཡིན་པས་རྒྱ་ཆེན་རྒྱས་བ་ཨེ་ཐུབ་ཐལ།།

    ཡ་ཡ་ལེགས་སོ་ཐུགས་རྗེ་ཆེ་ལས་གཞན་པའི་ཚིག་འགའ་ཨེ་ཤོད་ཐལ།།

    ༧གོང་ས་མཆོག་ལ་མཚན་སྨོད་བྱེད་སྐབས་སྐྱུ་མོ་གཉེར་ནས་ཨེ་དཀའ་ཐལ།།

    རྒྱ་མོ་ཚོ་ལ་རྒྱ་རྒྱོ་བརྒྱབས་ནས་གུང་གསེང་སྐྱིད་པོ་ཨེ་བྱུང་ཐལ།།

    མོ་ཐེ་འཐུང་སྐབས་མི་རིགས་ཤིག་གི་བཀའ་དྲིན་ཡིན་པ་ཨེ་ཚོར་ཐལ།།

    ཁྱོད་ཚོར་རྟག་ཏུ་རྙོག་དྲ་མི་འདུག་རྒྱུན་དུ་ཕེབས་ཞེས་ཨེ་བཤད་ཐལ།།

    མྱི་བཟང་རེད་ཅེས་མྱི་ཆེན་དག་གིས་བསྟོད་པའི་མཐེ་བོང་ཨེ་བསྒྲངས་ཐལ།།

    སྒེར་བདག་ཁ་པར་ཨང་གྲངས་སྤྲོད་དང་སྒེར་དོན་བསྒྲུབ་ཞེས་ཨེ་བཤད་ཐལ།།

    ང་ཚོ་ཚང་མ་བཟང་ས་ཡིན་པས་ནང་གཏམ་བཤད་ཅེས་ཨེ་བསྐོར་ཐལ།།

    ཅི་གསུངས་བཀའ་ལ་ལེགས་སོ་ཙམ་ལས་རང་གི་འདོད་འདུན་ཨེ་ཤོད་ཐལ།།

    བོད་པའི་སྐུ་ཚབ་ཡིན་པའི་རྟགས་ལ་བོད་དོན་ཚིག་འགའ་ཨེ་ཁྲོལ་ཐལ།།

    ས་མཚམས་ལོ་རྒྱུས་གྲོས་མོལ་བྱེད་སྐབས་ས་རྒྱུས་མེད་པས་ཨེ་མྱངས་ཐལ།།

    དྲང་མོར་བཤད་ན་འཕྲིན་སྐྱེལ་ཙམ་ལས་བོད་པའི་སྐུ་ཚབ་ཨེ་ཉན་ཐལ།།

    རྡ་རམ་ས་ལའི་ཉེ་སར་འབྱོར་དུས་ཅི་བཤད་བསམ་ནས་ཨེ་སྐྲག་ཐལ།།

    བཀའ་བློན་ཁྲི་བའི་བཀའ་བཀྱོན་དྲན་ནས་སྐྱག་རྫུན་བཤད་པྭ་ཨེ་འདོད་ཐལ།།

    ༧ཡིད་བཞིན་ནོར་བུ་ཡིད་ལ་ཤར་ནས་དགོངས་དག་ཞུ་པྭ་ཨེ་དྲན་ཐལ།།

    སྐྱབས་བཅོལ་བ་ཚོ་སེམས་ལ་ཡོང་ནས་རྒྱ་ཆེན་བཤད་པྭ་ཨེ་འདོད་ཐལ།།

    གསར་འབྱོར་བ་ཚོས་དྲི་བ་འདྲི་ན་དབྱིན་སྐད་རྒྱག་པྭ་ཨེ་དྲན་ཐལ།།

    ཁ་ཤས་གསང་ནས་ཁ་ཤས་བཤད་སྐབས་རང་གིས་འཇོན་སོང་ཨེ་འདོད་ཐལ།།

    པེ་ཅིང་ཁོ་ཡ་ཁོག་ནས་ཞུས་ཏེ་མོ་ཐེའི་བཟི་ཁ་དྭངས་བ་ན།།

    དྲི་བ་འདི་ཚོར་ལན་ཞིག་གནོངས་ཞེས་གུས་མི་ཤེས་བའི་གུས་ལྡན་པ།།

    ས་ཡ་དྲུག་གི་དམའ་ཤོས་དེ་ཡིས་ས་ཁུང་ཞིག་གི་ཡ་ཕུགས་ནས།།

    ལག་པའི་ཐལ་མོ་ཐོད་ལ་སྦྱར་ཏེ་པུས་མོ་ས་ལ་བཙུགས་ནས་ཞུས།

    Reply
  3. སྟོབས་ says:
    ལོ་ 13 སྔོན།

    སྣོད་ས་ཡི་གོ་ལ་དང་བཅུད་ནང་ཀི་སེམས་ལྡན་གང་ཡིན་རུང་༧་གོང་མཆོག་གི་བརྩེ་བའི་མ་གཟིགས་ས་ཤིག་གང་ན་ཡོད་

    Reply
  4. གངས་ཅན་གྱི་བུ་ཆུང་། says:
    ལོ་ 13 སྔོན།

    ༧་གོང་ས་སྐྱབས་མགོན་ཡིད་བཞིན་ནོར་བུ་ཁོང་གིས་བྱམས་བརྩེ་ལྷད་མེད་འགྲོ་ཀུན་ཕྱོགས་རེས་མེད་པའི་སྟེང་ནས་འཛམ་གླིང་ཡོངས་སུ་སྐུ་ངལ་ཚད་མེད་གནང་།
    བླ་མ་མེད་པའི་གང་རུང་དུ། སངས་རྒྱས་བྱ་བ་ནམ་ཡང་མེད།
    བླ་མ་སྐུ་གཞི་གངས་རི་ལ། མོས་གུས་ཀྱི་ཉི་མ་མ་ཤར་ན། བྱིན་རླབས་ཆུ་རྒྱུན་མི་འབྱུང་བས། སེམས་མོས་གུས་དེ་ལ་ནན་ཏན་མཛོད།

    Reply
  5. བསེ་རུ། says:
    ལོ་ 13 སྔོན།

    ངའི་ལུག་དེ་བརླག་ནས་ཡུན་རིང་འགོར་སོང་། དེ་རིང་འདིར་བསླེབས་འདུག གླེན་པ་ལུག་འདི་གླེན་རྟགས་སྟོན་མཁན་གྱི་ལུག་དེ་མིན་པ་ངས་སྔར་ནས་རྟོགས་ཡོད།
    གླེན་པ་ལུག་གིས་བཤད་པ་ལྟར། ང་ཚོས་མཆན་འབྲི་དགོས་དང་མི་དགོས་དེར་ཡང་བསམ་གཞིགས་ངེས་པར་བྱེད་དགོས་འདུག དོན་ཕན་ལྡན་པ་ཞིག་ཡིན་ན་ངེས་པར་འབྲི་དགོས་ཀྱང་། ཡར་དཀྲུག་མར་དཀྲུག་བྱེད་མཁན་གྱི་སྐྱ་བ་ལྟ་བུའི་མཆན་བུ་འདེབས་མཁན་གྱི་རིགས་བྱུང་ན། དེ་དག་ནི་རང་ཉིད་ཀྱི་རིན་བྲལ་གྱི་དུས་ཚོད་ཆུད་ཟོས་གཏོང་མཁན་ཞིག་ཅི་ལ་མིན།།

    Reply
  6. གཅན་བཟོད་རྒྱམ། says:
    ལོ་ 13 སྔོན།

    དྲ་གྲོགས་གླེན་པ་ལུག་ལགས། ང་ལ་བཤད་ཀིན་ཡོད་ན་རྗེས་མ་ནས་ངས་ཟིན་བྲིས་འབྲི་རྒྱུ་དང་་མཆན་བུ་འདེབས་པ་ཉུང་དུ་གཏོང་གི་ཡིན། དྲ་གྲོགས་ཚང་མར་དགོངས་དག་ཞུ།

    Reply
  7. གླེན་པ་ལུག says:
    ལོ་ 13 སྔོན།

    མཆན་འདེབས་མཁན་རྣམས་ཀྱིས་གསར་འགྱུར་མཐོང་ཚོད་ལ་གང་ཡིན་འདི་ཡིན་མེད་པའི་ཡིག་ཉོག་སྤུངས་ཡོང་བ་ནི་ཡག་པོ་ཞིག་མ་རེད།

    Reply
  8. གཅན་བཟོད་རྒྱམ། says:
    ལོ་ 13 སྔོན།

    སྙིང་རྗེ་ཡོད་ན་དེ་ཚོ་ཅིག་སྟེར་དགོས་ཀི་ཡ། ༸རྒྱལ་བའི་བྱམས་བརྩེ་ནི་ཨ་མའི་བྱམས་བརྩེ་ལས་ཀྱང་ལྷག་རེད།
    ཇི་སྲིད་ནམ་མཁའ་གནས་པ་དང་།།
    འགྲོ་བ་ཇི་སྲིད་གནས་གྱུར་བ།།
    དེ་སྲིད་ཁྱོད་ཀྱང་གནས་གྱུར་ཏེ།།
    འགྲོ་རྣམས་སྡུག་ལས་སྐྱོབས་པར་ཤོག།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist