བཀའ་བློན་ཁྲི་པ་འཚོལ་བ།

རྩོམ་སྒྲིག་པ་ཡོངས་ཀྱིས་ལྷག་བསམ་དང་ཐུགས་འཁུར་ངང་བོད་མི་རིགས་ཀྱི་འགན་འཁྲི་དག་ལ་ངལ་བ་འཛེམ་མེད་ཀྱིས་བརྩོན་པ་བསྐྱེད་པར་ཡིད་སྨོན་བྱེད། བཀྲ་ཤིས་ཞུ།

འཇམ་དབྱངས་ནོར་བུ་དང་སྒོ་དྲུག་སྐལ་བཟང་གཉིས་ཆོག་གི བསྟན་འཛིན་བརྩོན་འགྲུས་བཤད་ཤེས་མ་སོང་། ག་འདྲ་ཡོད་པ་རེད། གོ་མྱོང་མང་པོ་ཡོད། མགོ་དཀྲིས་དམར་པོ་ཡོད་མཁན་དེ་ཟེར་གྱི་ཡོད་དམ། འོན་ཀྱང་ཁོང་ལ་ཆ་རྒྱུས་མེད་།

༈ ང་ཚོ་གཞོན་ནུའི་རེ་བ་ལ་ ༢༠༡༡ གྱི་བཀའ་བློན་ཁྲི་པ་འདི་ནི་རང་བཙན་གྱི་ལྟ་བ་ཡང་དག་པ་ཁས་ལེན་པ་ཞིག་སླེབས་དགོས་ཀྱི་ཡོད།། མཚན་དངོས་སུ་འབོད་ན། མཁས་དབང་མཇམ་དབྱངས་ནོར་བུ་ལག་དང༌། མཁས་དབང་བསྟན་འཛིན་བརྩོན་འགྲུས། སྒོ་དྲུག་སྐལ་བཟང་ཕུན་ཚོགས་ལགས་ཁོང་རྣམ་པ་དང་དེ་མཚུངས་རང་བཙན་གྱི་ལྟ་བ་མཁྲེགས་བཟུང་ཡོད་མཁན་སུ་འདྲ་ཞིག་ཡིན་ཀྱང་བཀའ་བློན་ཁྲི་པའི་འོས་གཞི་ནང་སླེབས་ཐུབ་པ་ང་རང་ཚོ་རང་བཙན་གྱི་ལྟ་བ་མཁས་ལེན་པ་གཞོན་ནུ་ཚོགས་པ་དང་ཆུ་བཞི་སྒང་དྲུག་ཚོགས་པ་དེ་བཞིན་བོད་རང་བཙན་སློབ་ཕྲུག་ཚོགས་པ་རྣམས་ཀྱིས་དམིགས་བསལ་གྱིས་བཤུགས་བསྐྱོན་དགོས་ཀྱི་ཡོད། དེ་ལྟར་མ་ཡིན་ན་དང་པོ་ཉིད་ནས་བཀའ་བློན་ཁྲི་པའི་འོས་བསྡུ་ནང་བཞུགས་མ་གནང་རོགས་ཐུགས་རྗེ་གཟིགས། དཔེར་ན་སྐྱབས་རྗེ་ཟམ་གདོང་རིན་པོ་ཆེ་ནང་བཞིན་འགྱུར་བའི་ཉེན་ཁ་ཡོད། ཐུགས་རྗེ་གཟིགས་ཁོང་རང་ནང་བཞིན་མ་ཡོང་བའི་རེ་སྨོན་ཡོད། གང་ལ་བཞུས་ན་ཟམ་གདོང་བླ་མ་ཁོང་རང་སྔོན་མ་རང་བཙན་ནམ་བདེན་པའི་ཨུ་ཚུགས་ཀྱི་ལྟ་བ་ཡང་དག་ཞིག་ཁས་ལེན་པ་ཡིན་ཡང་ཕྱིས་སུ་བཀའ་བློན་ཁྲི་པ་ཐོབ་པ་དང་ཆུ་བྱེ་མའི་ནང་སིམ་པ་ལྟར་ཁོང་རང་གི་ལྟ་བ་ཡང་དག་དེ་དབུ་མའི་ལམ་ནང་སིམས་ནས་གར་སོང་ཆ་མེད་དུ་གྱུར་རོ། །དམ་པ་མང་པོ་ཁས་ལེན་མི་བྱ་ཞིང༌། །གལ་ཏེ་དཀའ་བའི་ཁས་འདི་བསླང་འགྱུར་ཀྱང༌། །མདོ་ལ་རི་མོ་བྲིས་པ་ཇི་བཞིན་ནོ། །ཞེས་གསུངས་པ་བལྟར་དགོས་པ་ལས། ཁོང་ནི་དེང་དུས་ཀྱི་སྲིད་དོན་པ་ཞིག་ཡིན་དུས་ཁས་ལེན་གང་མང་བྱེད་དགོས་ཀྱི་ཡོད་དམ་སྙམས་སོ། །བོད་མི་ཡོངས་ཀྱི་སྐུ་གསུང་ཐུགས་ལ་ཕོག་པ་ཡིན་དགོངས་གསོལ་ཡོད་པ་ཞུ།། བོད་རང་བཙན་མྱུར་དུ་ཐོབ་པར་ཤོག བོད་རྒྱལ་ལོ།། །།དགེའོ། །སརྦ་མངྒ་ལཾ།།

དྲ་གྲོགས་བཀྲིས་སྒྲོལ་མ་ལགས།

ཉིད་རང་གི་ཐུགས་འདོད་བཞིན་གུས་ཀྱིས་དེ་སྔ་ཕུལ་བའི་མཆན་བུའི་ནང་སྐལ་བཟང་ཕུན་ཚོགས་ཀྱི་གཏམ་གླེང་མདོར་བསྡུས་ཤིག་བཀོད་ཡོད་པ་ཁྱེད་ཀྱི་གཟིགས་སོང་ངམ།

གལ་ཏེ་ཐུགས་སྣང་བྱུང་མེད་ན།གཟིགས་ཙམ་གནང་ནས་དགོངས་ཚུལ་གསུངས་གནང་ཡོད་པ་ཞུ།།

སྒོ་དྲུག་སྐལ་བཟང་ཕུན་ཚོགས་ཟེར་བ་ཁོང་སྔོན་མ་ཞིག་ལ་ང་ཚོའི་གྲོང་ཁྱེར་གྱི་ལན་ཕེན་སྤྲོ་སྐྱིད་ཚོགས་ཁང་ནང་ཐུག་མྱོང་། ཁོང་གི་སྐད་ཆར་ཉན་མྱོང་། དངོས་གནས་བོད་པའི་བུ་རྟག་འདྲ་ཞིག་ཡོད། མ་ཟད་ཤེས་རྒྱ་ཆེན་པོ། སྐད་ཆ་བཤད་མཁས་པོ། གང་བཤད་པར་གནས་ལུགས་དང་རྒྱབ་ལྗོངས་ཀྱི་རྒྱུ་མཚན་ཡང་དག་ཡོད་མཁན་ཞིག་ཡིན། དེའི་ཕྱིར་ཁ་སང་ཡང་ཁོང་གིས་སྐད་ཆ་གཏན་ཚིགས་ཅན་དང་རྒྱུ་མཚན་ཙན་ཞིག་བཤད་ཡོད་ཁོ་ཐག་ཡིན། འོན་ཀྱང་བློ་ཕངས་པ་ཞིག་ལ་ཁོང་གི་བརྗོད་གཞི་ཙམ་ལས་གསུང་བཤད་འདི་གནང་དང་ལྟ་ཚུལ་འདི་བཏོན་གྱི་གནས་ཚུལ་ཟུར་ཙམ་ཡང་བཀོད་མི་འདུག

འོ་ཅིག་བརྗེད་འདུག ངའི་མྱུར་འཕྲིན་ཁ་བྱང་། tashe.dolma@yahoo.com འདི་ཡིན།

དང་ཐོག་ངས་གོ་སྒྲིག་བྱེད་མཁན་གྱི་འབྲེལ་ཡོད་མི་སྣ་ཡོངས་ལ་མཚམས་འདྲི་དང་ཐུགས་རྗེ་ཆེ་ཞུ་རྒྱུ་ཡིན། དེ་ལྟ་བུའི་གླེང་སྟེགས་ཤིག་གོ་འཛུགས་བྱེད་ཐུབ་པ་ངོ་མ་ཡག་པོ་རེད། གླེང་སྟེགས་འདིའི་རྒྱུད་ནས་ཉམ་ཆུང་མི་རྣམས་དང་གཞོན་སྐྱེས་རྣམས་ལ་གོ་རྟོགས་གསར་པ་ཞིག་སྤེལ་ཐུབ་རྒྱུ་ཡིད་ཆེས་ཡོད།

བཀུར་འོས་ཤེས་ལྡན་དྲ་གྲོགས་ཚོ་ལའང་རེ་སྐུལ་ཞུ་རྒྱུ་ཅིག་ཡོད་པ་ནི། ང་ཚོས་འགན་ཞིག་འཁུར་ནས་ཉམ་ཆུང་མི་མངས་རྣམས་ལ་བཀའ་བློན་ཁྲི་པའི་འོས་མི་འདེམས་བསྒྲུག་བྱེད་སྟངས་དང་དེ་བཞིན་འོས་མི་རྣམས་ཀྱི་རྒྱབ་ལྗོངས་ལོ་རྒྱུས་རྣམས་ཁ་ཞེ་གཉིས་མེད་ཀྱིས་དྲང་བདེན་གྱི་ཐོག་བཤད་དགོས་པ་གལ་ཆེ། ལྷག་པར་ན་གཞོན་རྣམས་ལ་གོ་སྐབས་དམ་འཛིན་གྱིས་འོས་ཤོག་བླུག་རྒྱུར་འགན་འཁུར་དགོས་པ་སོགས་མང་དག་ཤིག་ཡོད་པས། ཚང་མས་འཕྱ་གྲུ་མཉམ་སྡེབ་བྱེད་དགོས་ཀྱི་འདུག་

བཀའ་བློན་ཁྲི་པ་དང་སྤྱི་འཐུས་གལ་ཆེན་ཡིན་ཡང་ངས་བལྟས་ན་༧གོང་ས་མཆོག་གི་སྐུ་འཁོར་དེ་ཚོ་ཡང་སྐུ་ཆས་ཉར་ཐུབ་མཁན་འགའ་ཡོད་ན་བཟང་ས་རེད་སྙམ་མོ།

བཀའ་བློན་ཁྲི་བ་གལ་ཆེན་པོ་ཡིན་པ་བཞིན་དུ་སྤྱི་འཐུས་ནི་དེ་བས་ཀྱང་གལ་་
ཆེན་པོ་རེད། དེས་ན་སྤྱི་འཐུས་ཀྱི་སྐོར་ལ་འདི་ལྟ་བུའི་བགྲོ་གླེང་རེ་བཀོད་སྒྲིག་་

བཀའ་བློན་ཁྲི་པ་ཟེར་བའི་མིང་འདི་ཡང་སྙན་པོ་ཞིག་མི་འདུག འདིའི་དོན་ཅི་ཡིན་ནམ། ཁྲི་ཐོག་ཏུ་འདུག་མཁན་ཡིན་པས་ཁྲི་པ་ཞེས་བཏགས་པ་རེད་དམ། གསོལ་ཕོགས་ལ་རྒྱ་གར་སྒོར་མོ་ཁྲི་ཁ་ཤས་ཡོད་པས་དེ་བཏགས་པ་རེད་དམ། བཀའ་སློབ་ཁྲི་གཅིག་གནང་དགོས་པས་དེ་ལྟར་བཏགས་པ་ནི་ག་ལ་ཡིན། ཁྲི་པ་ཟེར་བ་འདི་དགོན་བདག་ཅིག་གི་མཚན་འདོགས་སྟངས་ཙམ་ལས་དམངས་གཙོའི་དབུ་ཁྲིད་ཅིག་གི་མཚན་གསོལ་སྟངས་ཡིན་དུས་དེ་ཙམ་འགྲིགས་མེད་པ་འདྲ།

ཚགས་ཤོག་གསར་བ་ཞིག་བཙས་སོང་བཙས་མ་ཐག་མིང་ལ་བཀའ་བློན་ཁྲི་བ་བཏགས་འདུག ངོ་མ་རྟེན་འབྲེལ་ཡག་གི་གདའ། བཏགས་མིང་ལ་བཀའ་བློན་ཁྲི་བ་བཏགས་པའི་ཚགས་ཤོག་དེའི་སྐྱེ་ཁུངས་མངལ་སྐྱེས་དང་དྲོད་སྐྱེས་གཤེརསྐྱེས་རྫས་སྐྱེས་གང་ཡིན་པ་ཧ་གོ་མ་སོང ་། ཁུངས་ཡག་པོ་རྙེད་ན་མཆན་ཞིག་མགྱོགས་པོ་འབྲི་རོགས །