ལོ་གསར་གཏོང་གི་བསླེབས་འདུག

ཁོང་ཚོ་སླེབས་པ་དེ་ཁོང་ཚོ་བསམ་བཞིན་དུ་འོང་བ་ཡིན་ནམ། ཡང་ན་རྒྱ་དམར་ཀྱིས་ཁོང་ཚོ་མི་འདོད་བཞིན་དུ་བཏང་ཡོད་ན།

ཁོང་ཚོར་གོ་སྐབས་ཕྲན་བུ་སྤྲད་པ་རེད། དོན་དངོས་སུ་འདི་ནི་ཁོ་ཚོའི་ཐོབ་ཐང་རེད། བོད་ནང་གི་ཟློས་གར་ཚོགས་པ་སུ་འདྲ་ཞིག་ཡིན་ནའང་ཕྱི་རྒྱལ་འགྲོ་བ་དང་ཕྱི་རྒྱལ་ལ་སོང་ནས་འཁྲབ་སྟོན་བྱེད་རྒྱུའི་ཐོབ་ཐང་སྔ་མོ་ནས་ཡོད་འོས་པ་རེད། དེའི་ཕྱིར་རང་གི་ཐོབ་ཐང་རང་ལ་སྤྲད་པར་རྒྱ་ནག་གཞུང་ལ་ཐུགས་རྗེ་ཆེ་ཞུས་དགོས་དོན་ཡོད་པ་མ་རེད། ཕྱི་རྒྱལ་ལ་འགྲོ་ཆོག་པ་ཁོ་ཚོའི་ཐོབ་ཐང་རེད། འདི་ཁྲིམས་འགལ་གྱི་གནད་དོན་གཅིག་ལྷག་ཡོད་པ་ནི་ཟློས་གར་ཚོགས་པ་འདི་བཞིན་རྒྱ་ནག་གིས་ཆབ་སྲིད་དྲིལ་སྒྲིག་ལ་བེད་སྤྱོད་བཞིན་པ་དེ་རེད། བོད་མི་འདི་ཚོ་བསམ་བློའི་རང་དབང་ཡོད་པ་མ་རེད། ཐ་ན་རང་གི་ཐོབ་ཐང་རང་ལ་སྤྲད་པར་ཐུགས་རྗེ་ཆེ་ཞུ་དགོས་ཐུག་པ་ལྟ་བུ་རེད།

ཁོང་ཚོ་འདིར་ཡོང་ནས་གླུ་གར་འཁྲབ་སྟོན་བྱེད་བཞིན་ཡོད་་པ་རེད། ལོ་གསར་བའི་ལེགས་སྐྱེས་ཡོ་རོབ་མི་མང་ལ་གླུ་གཞས་འཁྲབ་སྟོན་གྱི་རྣམ་པའི་སྟེང་ནས་ཁྱེར་ཏེ་ཡོང་ཡོད་པ་ཡིན། འོན་ཀྱང་འདི་ཚོ་་གནད་དོན་མ་རེད། ཁོང་ཚོས་ཅི་ཞིག་བྱེད་ཀྱི་ཡོད་མེད་དང་གང་དུ་སོང་བ་དང་འགྲོ་རྒྱུ་ཡིན་མིན་ཡང་གཙོ་བོ་མ་རེད། གཙོ་བོ་ཁོང་ཚོ་སུ་ཞིག་གི་མགྲིན་ཚབ་བྱས་ནས་ཡོང་ཡོད་མེད་དང་། ཁོང་ཚོ་ཡོང་དགོས་པའི་དམིགས་ཡུལ་གྱི་སྟེང་ན་གནད་དོན་ཡོད་པ་རེད།
འདི་ལ་ཐབས་ཤེས་གཅིག་རང་གཅིག་ཡོད་པ་རེད། སུད་སིར་གནས་སྡོད་ཀྱི་བོད་མི་རྣམས་གྱིས་ཁོང་ཚོར་སྣེ་ལེན་ལེགས་པོ་བྱེད་དགོས་པ་རེད། ཁོང་ཚོར་གསོལ་སྟོན་བྱམས་དགོས་པ་རེད། དེ་ནས་ཁོང་ཚོ་ཡོང་བའི་རྒྱུད་རིམ་འདྲི་དགོས་་པ་རེད། ད་གཟོད་ང་ཚོའི་བསམ་བློ་གཏོང་ས་ཞིག་དང་ལས་དོན་སྒྲུབ་ཕྱོགས་ཤིག་རྙེད་ཀི་རེད། འདིའི་མིང་ལ་དམག་དོན་གཞུང་ལུགས་ནང་དུ་༼འཛིན་སླད་དུ་ཅུང་ཙམ་མངགས་པ་༽ཞེས་གསལ་བ་རེད། ཐབས་འདི་བཀོལ་དགོས་པ་རེད།