༼ཁ་བརྡ་དྲ་ཚིགས་ལས་བཤུས།༽
བསྟན་འཛིན་བདེ་སྐྱིད།
————————
བོད་སྐད་ནི་ཐལ་འཚུབ་དཀྱིལ་གྱི་དབུགས་བསག་གི་ནད་པ་ཞིག་བཞིན་དུ་དབུགས་ཧལ་བཞིན་གནས་ཡོད། ས་བབ་ཀྱི་ཆ་ནས་ཐ་དད་ཡིན་པའི་ལྷ་ས་དང༌། དྷ་རམ་ས་ལཱ། ནིའུ་ཡོརྐ་བཅས་ཀྱི་ནང་སྐྱེས་པ་དང་འཚར་ལོང་བྱས་པའི་བོད་ཕྲུག་རྣམས་ཀྱིས་བོད་ སྐད་དེ་ཁ་སྐད་དང་པོའི་ཚུལ་དུ་བེད་སྤྱོད་ཀྱིས་འཚར་ལོང་བྱེད་སྲིད་ཀྱང༌། ཁོང་ཚོས་བོད་ཡིག་དེ་སྐད་ཡིག་གཉིས་པའི་ཚུལ་དུ་སྤྱོད་རྒྱུ་དེ་ཧ་ལམ་ངེས་པ་རེད། ཇི་སྲིད་བོད་དེ་རྒྱ་ནག་གི་མི་སེར་སྤེལ་ཡུལ་ཞིག་ཏུ་གནས་པ་དེ་སྲིད་དུ་འདི་ལ་ འགྱུར་བ་མི་ཡོང༌། ད་ལྟའི་ཆར་བོད་ནང་གི་བོད་ཕྲུག་སློབ་གཉེར་བ་ཚོའི་ཆེད་ལས་ལམ་ལྷོངས་ཀྱི་སྐད་ ཡིག་དེ་རྒྱ་སྐད་ཡིན། ཕྱི་ལ་གནས་པའི་བོད་ཕྲུག་སློབ་གཉེར་བ་ཚོའི་སྐད་ཡིག་དེ་དབྱིན་སྐད་ཡིན། ལམ་སྲོལ་གྱི་གྱོང་གུན་གྱིས་རྐྱེན་པས་བོད་སྐད་དེ་ངེས་པར་དུ་སྣང་ཆུང་དུ་ལུས་ ཡོད། བོད་སྐད་དེ་ཁ་སྐད་ཀྱི་ གནས་བབ་ནས་བསམ་ན་དོ་སྣང་མ་བྱས་པའི་འབྲས་བུ་དེ་ད་ལྟ་བར་དུ་ཆུང་ཆུང་རེད། ཁྱིམ་དང་ཐབ་ཀྱི་སྐད་ཅིག་ཡིན་པས་དེས་ང་ཚོ་བྱིས་པའི་དུས་ནས་བསྐོར་ཏེ་རང་གི་མ་ སྐད་ཀྱི་ཚུལ་དུ་སྤྱད་དེ་ང་ཚོ་འཚར་ལོང་བྱེད་ཀྱི་ཡོད། འོན་ཀྱང་བོད་སྐད་དེར་ཡིག་སྐད་ཀྱི་ལམ་སྲོལ་ནས་བལྟས་ན། དོ་སྣང་མ་བྱས་པའི་འབྲས་བུ་དེ་གནོད་སྐྱོན་ཆེན་པོ་བྱུང་ཡོད། ང་ཚོའི་མི་རབས་ཀྱི་བོད་མི་ཚོས་འབྲི་ཀློག་ཡོད་ཚད་ཕལ་ཆེ་བ་ཕྱིའི་སྐད་ཡིག་ཅིག་ གི་ལམ་ནས་བྱེད་པ་ལས་བོད་སྐད་ཀྱི་ཐོག་ཧ་ལམ་བྱེད་ཀྱི་མེད། དགོན་པའི་ལམ་སྲོལ་གྱི་ ཕྱི་ལོག་ཏུ་སློབ་གཉེར་བྱེད་མཁན་གྱི་བོད་རིགས་ན་གཞོན་གྲངས་འབོར་ཆེ་བ་དེ་དག་ གིས་བོད་ཡིག་ཚད་ལྡན་ཞིག་འབྲི་མི་ཐུབ་པའམ། ཡང་ན་ལྕེ་ལེ་འཁྲིལ་ཐག་མ་ཐེབས་པར་བརྗོད་པ་གཅིག་གི་ནང་ནས་ཚིག་གསུམ་ཡང་ཐད་ ཀློག་བྱེད་མི་ཐུབ་པ་དེས་ང་ཚོར་དཀའ་ངལ་ཞིག་ཡོད་པ་མཚོན་གྱི་ཡོད། བྱས་ན་ག་རེ་བྱེད་དགོས་སམ།
དཀའ་ངལ་གྱི་རྩ་བ་དེ་ ཆུང་རྩག་རེད། ང་ཚོས་བོད་ཡིག་ཡག་པོ་འབྲི་མི་ཐུབ་པ་དེ་ང་ཚོས་བོད་ཡིག་ཧ་ལམ་རྩ་བ་ནས་མ་ཀློག་ པའི་རྐྱེན་དང༌། ང་ཚོས་བོད་ཡིག་ཧ་ལམ་རྩ་བ་ནས་མི་ཀློག་པ་དེ་བོད་ཡིག་ཀློག་རྒྱུ་ཁག་པོ་ཡོད་པའི་ རྐྱེན་གྱིས་རེད། བོད་ཡིག་ཀློག་རྒྱུའི་དཀའ་ངལ་དེ་དེ་མ་ཐག་ཏུ་ལས་སླ་རུ་གཏོང་བར་ཐབས་ཤེས་ཆུང་ རྩག་ཅིག་ཡོད། དེ་ནི་ཚིག་འབྲུ་དབྱེ་བ་ཕྱེ་རྒྱུ་དེ་རེད། མིག་ལ་སྣང་རྒྱུར་དོན་དང་ལྡན་པ་གང་ཞིག་ལ་མིང་ཚིག་རེ་རེ་བཞིན་རང་ཚུགས་སུ་ མཐོང་ཐུབ་པའི་ཆེད་དུ་མིང་ཚིག་རེ་རེའི་དབར་ལ་སྟོང་ཆ་རེ་བཞག་པ་དེས་བོད་ཡིག་ ཀློག་རྒྱུའི་དཀའ་ཚེགས་དེ་མཚན་གཅིག་ལ་ལས་སླ་རུ་གཏོང་ཐུབ།
དོན་དམ་དུ་འདི་ནི་འཛམ་ གླིང་ཁྱོན་ཡོངས་སུ་ཡི་གེའི་འབྲི་སྲོལ་གཞན་ཁག་ལ་མི་རྣམས་ཀྱིས་བེད་སྤྱོད་བཏང་ ཡོད། གནའ་སྔ་མོའི་གྷིརིག་དང་ལེཊིན་དེ་དག་མིང་ཚིག་གི་དབར་ལ་བར་སྟོང་མེད་པར་ཡིག་ འབྲུ་ཚང་མ་མུ་འཁྱུད་གཅིག་ཏུ་སྦྲེལ་ནས། ༼སྐིརིཔཊུརཱ། ཀོནཊིནུཝ།༽ ཞེས་པ་ཞིག་ནང་བྲིས་ཡོད། དུས་རབས་བར་མའི་ཡིག་འབྲིའི་ལམ་སྲོལ་ལ་དམིགས་བསལ་མཁས་པ། པཱོལ། སེནཇར། གྱིས་གསུངས་གསལ་ལ། དེ་ནི་དུས་རབས་བཅུ་བདུན་པའི་མཐའ་མ་ཁོ་ནར་ཨཱཡར་ལེཎཌིའི་གྲ་བ་དེ་ཚོས་དུས་རབས་ བར་མའི་ཡིག་ཆ་ཁག་གི་ནང་དུ་མིང་ཚིག་དབར་གྱི་བར་སྟོང་དེ་དག་དར་ཁྱབ་གཏོང་རྒྱུ་ འགོ་འཛུགས་བྱས་པ་དང༌། ལམ་སྲོལ་འདི་ཚད་ལྡན་དུ་དྭང་ལེན་བྱེད་རྒྱུར་བརྒྱ་ཕྲག་འགའ་ཤས་འགོར་ཡོད། ༼པཱོལ། སེནཇར་གྱིས་གསུངས་པ་གཞིར་བཟུང་བྱས་ན་དེང་སང་ང་ཚོས་ཁ་ཁུ་སིམ་པོར་ཀློག་ རྒྱུའི་ལམ་སྲོལ་འདི་ཡིག་འབྲུའི་དབར་ལ་རླུང་བསྲེས་ཏེ་བཀླག་པ་དེ་ནས་དར་བ་ རེད།༽ དཀར་པོའི་སྟོང་ཆ་ཡང་ཟེར་བའི་ཚིག་གི་དབར་གྱི་སྟོང་ཆ་འདི་ད་ཆ་ཡིག་འབྲིའི་ལམ་ སྲོལ་དུ་མའི་ནང་མཐོང་ཆོས་སུ་ཡོད། ཐོན་མི་སམ་བྷོ་ཊས་བོད་ཀྱི་དབྱངས་གསལ་དང་ཡི་གེའི་འབྲི་སྲོལ་གསར་བཟོའི་གཞི་མ། སྔ་མོ་མུ་འཁྱུད་གཅིག་ཏུ་འབྲི་སྲོལ་ཡོད་པའི་དེབནཱགརིའམ། ཧིན་དྷི་ལའང་དེང་སང་བར་སྟོང་བཞག་ཡོད། སྔ་མོ་མུ་འཁྱུད་གཅིག་ཏུ་ཡོད་པའི་ཀོརིཡའི་ཧན་གྷུལ་ལ་ཡང་ད་ཆ་བར་སྟོང་བཅུག་ ཡོད། བོད་ཡིག་གི་ཚེག་དང་འདྲ་བར་རྟགས་༼ཿ༽ འདི་བེད་སྤྱོད་བྱེད་པའི་ཨིཐོཔིཁ་ཡང་དེང་སང་ཤས་ཆེར་ཚིག་གི་དབར་ལ་བར་སྟོང་ བཞག་ནས་འབྲི་གི་ཡོད།
དངོས་འབྲེལ་བྱས་ན་མིང་ ཚིག་གི་དབར་ལ་བར་སྟོང་མེད་པ་དང༌། ཚིག་འབྲུ་དབྱེ་ཕྱིར་ཚེག་རྡོག་གཅིག་རང་ལྡན་པའི་ད་ལྟ་ང་ཚོས་འབྲི་རྒྱུ་དེ་ བཞིན་ངག་གི་སྨྲ་བརྗོད་ཀྱི་མཚོན་རྟགས་ངོ་མ་རེད། གང་གིས་ཞེས་ན། སྨྲ་བརྗོད་ཀྱི་སྐབས་སུ་ང་ཚོས་ཚིག་གི་དབར་ལ་བར་མཚམས་མི་འཇོག་པར་བརྗོད་པ་ཞིག་ གི་མཐའ་རུ་བར་མཚམས་འཇོག་གི་ཡོད། ཡིནའང་ཀློག་པ་པོ་ཞིག་ལ་མིག་སྣང་གི་བར་མཚམས་ཀྱི་ཚབ་མཚོན་པའི་བར་སྟོང་དེས་ ཁྱད་པར་ཆེན་པོ་བཟོ་གི་ཡོད། དཀར་པོའི་བར་སྟོང་དེས་ཚིག་རྣམས་འབུར་དོད་དུ་མངོན་གསལ་དོད་པོ་བཟོ་བ་དང་ཚིག་ དོན་རྣམས་མིག་དབང་གིས་འཛིན་བདེ་མ་ཟད་རྣ་དབང་གིས་བཟུང་སླ་བའང་ཡོང༌། རྣ་བས་ཐོས་པ་ལས་མིག་གིས་མཐོང་བ་དེ་མགྱོགས་པ་དང༌། དེར་བརྟེན་ཀློག་གི་གོ་སྟོབས་དེ་མྱུར་བ་དང་ལས་སླ་བ་ཡོད། བོད་ཡིག་ལ་ཚིག་གི་དབྱེ་མཚམས་བེད་སྤྱོད་མ་བྱས་ཙང་ཡི་གེའི་འབྲུ་དོན་རྟོགས་ དཀའ་བ་དང༌། འབྲི་ཐབས་དེས་ཀློག་པོ་པོར་ཁུ་སིམ་མེར་ཀློག་རྒྱུ་ལས་སྐད་ཤུགས་ཆེན་པོར་ཀློག་ རྒྱུར་སྐུལ་འདེད་བྱེད་ཀྱི་ཡོད། པཱོལ། སེནཇར་གྱིས་ ༼ཚིག་གཉིས་དབར་གྱི་བར་སྟོང་༽ ཞེས་པའི་ནང་དུ། ༼སྤྱིར་བཏང་ཚིག་མཛོད་སྙོབ་པའི་སྔ་རོལ་དུ་མཁོ་བའི་རིག་པའི་རྒྱུད་རིམ་ཉུང་དུ་ གཏོང་བའམ། མེད་པར་བཟོ་བའི་རི་མོའི་ལམ་སྲོལ་གྱིས་ན་གཞོན་ཀློག་པ་པོ་ཚོར་ཁུ་སིམ་མེར་ ཀློག་རྒྱུའི་གོམས་གཤིས་སྔ་ནས་འཇགས་ཐབས་བྱེད་པ་དང༌། ཡིག་སྐད་མགོ་རྙོག་ཅན་དེ་ཚོས་མིང་ཚིག་བཟོ་རྒྱུར་སྒྲ་གདངས་ཀྱི་གྲུབ་ཆར་ངག་ ཐོག་ནས་བཟོ་བཅོས་བྱེད་དགོས་པ་བཟོ་གི་ཡོད།༽ ཅེས་དགོངས་ཚུལ་བཏོན་ཡོད། དེས་ན་བོད་ཡིག་དེ་སྡེ་ཚན་རྗེས་མ་དེའི་གྲས་སུ་ཡོད། ཁོང་གིས་མུ་མཐུད་དེ། ཡིག་འབྲིའི་ལམ་སྲོལ་རྗེས་མ་འདི་དག་ལ་སྒྲ་གདངས་བཏོན་ནས་ཀློག་པ་དང༌། ངག་ཐོག་ཏུ་བཟུང་བའི་ཁྱད་ཆོས་དང་བཅས་སྦྱོང་བདར་རྒྱུན་རིང་དགོས་པ་དང༌། སྐབས་རེ་ན་སོ་དར་མའི་དུས་སུའང་མུ་མཐུད་དགོས་པ་ཡོང་གི་ཡོད། ཅེས་གསུངས།
ཆེས་ཁྱད་དུ་འཕགས་པའི་ བོད་ཡིག་གསར་གཏོད་པ་ཆེན་པོ་ཐོན་མི་སམ་བྷོ་ཊས་བརྒྱ་ཕྲག་བདུན་པའི་ནང་དུ་ཡིག་ འབྲུའི་དབར་ལ་ཚེག་ཀྱི་དགོས་མཁོ་གསར་གཏོད་གནང་བ་དང༌། ཆབས་ཅིག་རང་ཉིད་གཅིག་པུས་བོད་ཡིག་འབྲི་སྲོལ་གསར་བཟོ་གནང་སྐབས་སུ་དགོངས་གཞི་ དེ་འདྲ་ཡོད་ཀྱང་དེ་དག་དེང་སང་བདེན་པར་གནས་མེད།་ སྐབས་དེ་དུས་ཤོག་བུ་དང་ཏ་ལའི་ལོ་མ་དེ་དག་དཀོན་པོ་དང་རིན་གོང་ཆེན་པོ་རེད། དཀའ་ཚེགས་ཅན་གྱི་དཔར་སྐྲུན་དག་ཤིང་པར་ལས་བྱས་པ་དང༌། ཤོག་ཐོག་ཏུ་དོན་མང་ཤོངས་བའི་ཆེད་ཡིག་འབྲུ་རྣམས་མུ་འཁྱུད་གཅིག་ཏུ་བཅུར་ཏེ་ པར་ཤིང་གི་སྟེང་དུ་ཚིག་མང་པོ་བསྐོས་པ་རེད། དེང་སང་དཔར་སྐྲུན་འཕྲུལ་རིག་ཡར་རྒྱས་ཕྱིན་པའི་བཀྲིན་ལས་དགོངས་གཞི་འདི་དག་ འབྲེལ་མེད་དུ་གྱུར་ཡོད།
གནའ་སྔ་མོ་ཡིན་ན། ཡི་གེའི་རིག་པར་མཁས་པ་ཆགས་པར་ལོ་མང་གི་འབད་རྩོལ་ལ་བརྟེན་ནས་སྦྱོང་བདར་དགོས་ པ་མི་དྲག་ཚོའི་ཁེ་དབང་ཞིག་ཏུ་ལྟ་བ་ལས། མང་ཚོགས་ཀྱིས་བཀོལ་སྤྱོད་དོན་དུ་མིན་པ་དེ་ང་ཚོས་བརྗེད་མི་རུང༌། གསལ་པོར་ཞུས་ན་འཛམ་གླིང་ནང་གི་ཡིག་འབྲིའི་ལམ་སྲོལ་ཕམ་མོ་ཆེ་མངའ་བདག་ཚོས་ སྲིད་གཞུང་འཛིན་སྐྱོང་གི་ཆེད་དུ་ཡིན་པ་ལས། མང་ཚོགས་ཀྱིས་བཀོལ་སྤྱོད་དོན་དུ་བཟོས་མེད། དོན་དམ་དུ་མིང་ཚིག་ཡི་གེའི་གཟུགས་སུ་འབྲི་བའི་མི་ལོ་དྲུག་སྟོང་གི་ལོ་རྒྱུས་ ཀྱི་ཆ་ཤས་མང་བའི་ནང་དུ་ཡིག་འབྲིའི་སྲོལ་མི་འདྲ་བའི་ཐད་ལ། ཡི་གེ་འབྲི་ཀློག་ལ་མཁས་པ་ཡོང་ཕྱིར་ལོ་མང་སྦྱོང་བདར་བྱས་པའི་ཡིག་འབྲི་བ་དག་ ཚང་དགོས་པ་བྱུང་ཡོད། འདི་དང་ཕྱོགས་མཚུངས་བོད་ནང་དུ་ནང་ཆོས་དར་ཁྱབ་ཀྱིས་རྐྱེན་པས་གདན་ས་ཆེན་པོ་ ཁག་གི་ལེགས་བྱང་བརྒྱུད་དེ་བོད་ཡིག་འབྲི་སྲོལ་དེ་ནང་ཆོས་འཛིན་སྐྱོང་སྤེལ་ གསུམ་བྱེད་པའི་ལག་ཆ་ལྟེ་བ་དེར་གྱུར་ཡོད། དགོན་སྡེ་ཁག་གི་སློབ་ཚན་གྱི་ནང་དུའང་ན་གཞོན་སློབ་གཉེར་བ་ཚོ་ཡེ་གེ་འབྲི་ ཀློག་ལ་བྱང་ཆུབ་པའི་ཆེད་དུ་ལོ་མང་སྦྱོང་བདར་སྤྲོད་ཀྱི་ཡོད།
དེང་སང་དགོན་པའི་འགྲོ་ སྟངས་དེ་ལས་ལོགས་སུ་དགར་ཏེ། སློབ་སྦྱོང་གི་བརྒྱུད་ལམ་ཤུགས་ཆེ་བ་རྒྱ་སྐད་དམ་དབྱིན་སྐད་གང་རུང་ཡིན་པའི་ མང་ཚོགས་སློབ་གྲའི་ལམ་ལུགས་འདིའི་ནང་ང་ཚོར་དུས་ཡུན་རིང་པོ་སྦྱོང་བདར་ཐོག་ གཏོང་རྒྱུའི་རྒྱས་སྤྲོས་བྱེད་པའི་གོ་སྐབས་མེད། དེས་ན་རྙོག་འཛིང་གང་འཚམ་ཡོད་པའི་བོད་ཡིག་འབྲི་སྲོལ་ཆད་ལྷག་བྲལ་བ་འདི་ལྟ་ སྣང་ལ་མཛེས་པོ་ཡོད་ཀྱང་རང་ཉིད་ཀྱིས་རང་དབུགས་གསུབ་ཏུ་གཏོང་སྲིད། དག་ཆ་མི་འདྲ་བའི་རིགས་སྒྲ་གདངས་ཇི་བཞིན་ངག་ནས་བརྗོད་ཀྱི་མེད་པ་དང༌། མིང་ཚིག་རྣམས་བྲིས་པ་དང་མི་འདྲ་བར་ངག་ནས་བརྗོད་ཀྱི་ཡོད་པ་རེད། གལ་ཏེ་ཚིག་དབར་གྱི་བར་སྟོང་དེ་དབུགས་བསག་གི་ནད་པ་ཞིག་ལ་དབུགས་རྔུབ་ཀྱི་ འཕྲུལ་ཆས་ལྟ་བུར་མ་འོངས་པའི་མི་རབས་ལ་བོད་ཀྱི་འབྲི་ཀློག་ཤེས་ཡོན་སླར་གསོ་ ཐུབ་ན་དཀར་པོའི་སྟོང་ཆ་དེའི་རིན་ཐང་ག་ཙམ་ཡིན་ནམ།
དོན་དངོས་ཀྱི་སེམས་ འཚབ་ཅིག་ནི་བར་སྟོང་ཅན་གྱི་ཚིག་འབྲུ་ཀློག་རྒྱུར་གོམས་པའི་འབྱུང་འགྱུར་གྱི་ ཀློག་པ་པོ་ཚོས་འགྲན་ཟླ་བྲལ་བའི་བོད་ཀྱི་གཙུག་ལག་བཀའ་བསྟན་དག་ཀློག་དཀའ་བ་ ཡོང་སྲིད། འོན་ཀྱང་ཆུ་ཚོད་འགའ་ཤས་ཀྱི་སྦྱོང་བདར་བྱས་པ་དེས་ཀློག་བཟང་པོ་ཡོད་པའི་མཁས་པ་ རྣམས་ལ་ཡིག་ཆ་རྙིང་པ་ཀློག་རྒྱུར་དཀའ་ངལ་འཕྲད་མི་སྲིད། ཚིག་འབྲུ་དབྱེ་བ་དེས་ཡིག་ཕྲེང་རྣམ་པར་ཕྱེས་ཏེ་ཐོག་མའི་ཀློག་པ་པོ་ཚོ་ལ་གལ་ གནད་ཆེ་བ་མ་ཟད། ཉམས་ཞིབ་ལ་འཇུག་པའི་མཁས་པ་ཚོ་ལའང་མཐོང་རྒྱ་བདེ་པོ་དང་ཁུ་སིམ་མེར་མགྱོགས་པོ་ ཀློག་རྒྱུར་ཡང་ཕན་པའི་རོགས་སྐྱོར་ཞིག་ཡོང༌། དེས་དོན་གཉེར་གྱི་སྤྲོ་སྣང་ཞིག་དང་ལྷན་དུ་བོད་ཡིག་ཐོག་སྐད་ཕབ་སྒྱུར་དང༌། དག་ཆར་ཞུ་དག་བྱེད་པའི་མཉེན་ཆས་འཕྲུལ་འཁོར་སོགས་ཀྱི་བཟོ་སྐྲུན་ཡང་སྟབས་བདེ་ རུ་གཏོང་ངེས།
བསམ་འཆར་འདིས་བོད་མི་ དུ་མ་ཞིག་ལ་འཚིག་ཟ་དང་ཁོང་ཁྲོ་སློང་རྒྱུ་ཡིན་པ་ངས་ཤེས། གང་ཡིན་ཟེར་ན་ང་ཚོས་དུས་རྒྱུན་དུ་འགྱུར་བ་ལ་འགོག་རྒོལ་བྱས་ཡོད་ལ། ང་ཚོས་བརྒྱ་ཕྲག་དུ་མའི་རིང་ལ་འདི་ལྟར་བྲིས་ཏེ་བསྡད་པའང་རེད། འོན་ཀྱང་ཐུགས་དྲན་གསོ་འོས་པ་ཞིག་ལ་སྔ་མོའི་སྲོལ་རྒྱུན་དུ་དཔེ་ཆ་རྣམས་ཚིགས་ བཅད་དུ་བྲིས་ཡོད་པས་བར་སྟོང་མེད་ཀྱང་ཀློག་པ་པོ་རྣམས་ཀྱིས་གང་དུ་བར་མཚམས་ འཇོག་དགོས་པ་དེ་ཤེས་ཀྱི་ཡོད། དེང་སང་བོད་ཡིག་ཐོག་འབྲི་མཁན་མང་ཆེ་བས་ཚིག་ལྷུགས་ནང་བྲི་ཡི་ཡོད། ན་གཞོན་ཀློག་པ་པོ་ཚོས་ལྟ་ཙམ་བྱས་ཀྱང་ཡང་ཡང་འཁར་ནས་སྡོད་ཀྱི་ཡོད། སྐབས་རེ་ཙམ་ལ་མཁས་པ་ང་ཡིན་ཟེར་མཁན་ཚོ་ལའང་འཁར་ཐོགས་ཡོང་གི་ཡོད།
ཆོས་ཐམས་ཅད་མཉམ་པ་ཉིད་ སོང་ཙང༌། ཚིག་དབར་ལ་བར་སྟོང་ཡོད་པ་དང༌། གོ་རྟོགས་སླ་བ་གང་དུ་ཡོད་ས་དེར་མི་མང་བས་དེབ་ཅིག་ལག་ཏུ་ལེན་གྱི་རེད། ངའི་གཅེན་པོ་བསྟན་རྡོར་དང་ང་གཉིས་ཀྱིས་ཚིག་གི་བར་སྟོང་གི་དགེ་མཚན་བརྟག་ ཕྱིར་ནང་ཁུལ་བོད་མི་འགའ་ཤས་ལ་བརྗོད་བྱ་གཅིག་མཚུངས་ཡིན་པ་གང་ཞིག་ལ། གཅིག་མུ་འཁྱུད་དུ་བྲིས་པ་དང་གཅིག་ཤོས་ལ་བར་སྟོང་བཞག་སྟེ་བྲིས་ནས་ཀློག་ཏུ་ བཅུག་པ་ཡིན། བརྗོད་མི་དགོས་པ་ཞིག་ལ་ཚོད་ལྟ་བྱས་པའི་བོད་མི་ཚང་མར་བར་སྟོང་བཞག་སྟེ་བྲིས་ པའི་བོད་ཡིག་དེ་ཀློག་སླ་བ་དང་གོ་རྟོགས་སླ་བ་བྱུང་འདུག ང་ཚོས་དྲ་རྒྱ་བརྒྱུད་དེ་དཔྱད་ཞིབ་མུ་མཐུད་བྱས་ཏེ་དོན་གཉེར་ལྡན་པའི་ཆ་ཤས་ ལེན་མཁན་ཚོ་ལ་གྲུབ་དོན་འབུལ་ཐུབ་པའི་རེ་བ་ཞུ་ཡི་ཡོད།
ལས་འགུལ་བ་དང་རོལ་ཆ་ མཁན་ཡིན་པ་བསྟན་རྡོར་གྱིས་ལོ་གཅིག་གི་སྔོན་ནས་བོད་ཡིག་ལ་བར་སྟོང་དགོས་པའི་ བསམ་ཚུལ་འགོ་འཛུགས་བྱས་ཡོད་ལ། རང་ཉིད་ཀྱི་སྐད་གཉིས་ལྡན་པའི་ཟིན་བྲིས། ཞེས་པའི་ནང་དུ་ཚིག་ལ་བར་སྟོང་བཞག་སྟེ་བྲི་མུས་རེད། རླུང་བསྲེས་ཀྱི་བོད་ཡིག་དེར་ཧོབ་སྟེ་བལྟས་ན་འདྲོགས་དགོས་པ་ཞིག་ཡོད་ཀྱང༌། འགྱུར་བ་ཅུང་རྩག་འདི་ལ་ཀློག་གི་བྱ་བ་དེ་སྤྲོ་སྣང་ཅན་ཞིག་ཏུ་བསྒྱུར་རྒྱུའི་ནུས་པ་ཡོད།
བོད་གཞུང་ཤེས་རིག་ལྷན་ ཁང་ངམ། ཡང་ན་དེ་མཚུངས་ཀྱི་སྒྲིག་འཛུགས་ཞིག་གིས་ཚིག་གི་བར་སྟོང་གི་དགེ་མཚན་ཡོད་མིན་ གཞུང་འབྲེལ་གྱི་སྒོ་ནས་ཉམས་ཞིབ་གནང་དགོས་པ་རེད་སྙམ། དམའ་རིམ་འཛིན་གྲ་ནས་འགོ་འཛུགས་ཀྱིས་མཐོ་རིམ་བར་དུ་བོད་པའི་སློབ་གྲ་ཁག་ཏུ་ རླུང་བསྲེས་ཀྱི་འབྲི་སྲོལ་དེ་གོང་རིམ་ནས་མར་ཕྱག་བསྟར་གནང་བ་དེས། ཕུགས་སུ་བོད་པའི་སྐད་ཡིག་གི་འཚོ་གནས་དང་འཕྲལ་གྱི་སླར་གསོ་ཟུང་འབྲེལ་ཡོང་ ཐུབ། ད་ནས་ལོ་བཅུའི་ནང་དུ་བོད་པའི་སློབ་ཕྲུག་ཚོས་ངག་ནས་སྨྲ་བ་ནང་བཞིན་བོད་ཡིག་ ལས་སླ་པོའི་ཐོག་ནས་ཀློག་ཐུབ་པ་དང༌། ཕྲུ་གུ་ཚོས་བོད་སྐད་དུ་བྲིས་པའི་རི་མོའི་སྒྲུང་དེབ་ལ་འདོད་པ་དང་དག་སྣང་ ཤུགས་མ་ཐུག་གིས་སླེབས་པའི་དགོངས་པ་བཞེས་དང༌། གལ་ཏེ་ང་ཚོས་འབྲི་ཀློག་གི་ལེགས་བྱང་ལྡན་པ་གཞན་ཧ་ལམ་ཚང་མས་བརྒྱབ་ཚར་བའི་ མདུན་མཆོངས་དེ་ནང་བཞིན་ད་རིང་ང་ཚོས་ཚིག་གི་བར་སྟོང་དེ་དྭང་ལེན་ཞུས་པ་ཡིན་ན་ དེ་ལྟ་བུའི་མ་འོངས་པ་དེ་ངེས་པར་དུ་ཡོང་ངེས་པ་རེད།
ཅི་སྟེ་གོང་རིམ་ནས་མར་ ཕྱག་བསྟར་གནང་རྒྱུ་དེ་ད་ལྟའི་ཆར་ཐལ་ཆ་ཡིན་པ་གཟིགས་ཀྱི་ཡོད་ན། བོད་མི་མང་ཚོགས་ཀྱི་ནང་དུ་ག་ལེར་དར་ཁྱབ་ཡོང་རྒྱུར་དམའ་ས་ནས་ཡར་འགྲོ་རྒྱུའི་ འགན་ཁུར་གྱི་རེ་སྐུལ་ཞུ་བ་དེ་དོན་དངོས་དང་མཚུངས་ཆེ་བ་ཡོང་སྲིད། འདིའི་ཆེད་དུ་ངས་བོད་ཕྱི་ནང་གཉིས་སུ་བཞུགས་པའི་རྩོམ་པ་པོ་དང༌། ཟིན་བྲིས་པ་རྣམས་ལ་ཚིག་གི་དབར་ལ་བར་སྟོང་བཞག་སྟེ་རླུང་བསྲེས་ཡི་གེའི་ཐོག་ལ་ ཚོད་བལྟ་ཞིག་གནང་བའི་རེ་སྐུལ་ཞུ་ཡི་ཡོད།
བོད་ཡིག་འདི་རྩ་ཆེན་ དང་ཁེ་དབང་ཅན་ཞིག་ཏུ་ལུས་སྲིད་ལ། ཡང་ན་ཚང་མས་སྙོབ་ཐུབ་པ་དང་ཡོངས་ཁྱབ་ཏུ་འགྲོ་ཡང་སྲིད། བཙན་པོ་སྲོང་བཙན་སྒམ་པོའི་དུས་ནས་བཟུང་སྟེ་བོད་ཡིག་གིས་ཆོལ་ཁ་གསུམ་གཅིག་ཏུ་ བཅིངས་ཡོད་ལ། གཞུང་འཕོ་འགྱུར་དང་རྒྱལ་ཁམས་སིལ་བུར་ཐོར་བའི་སྐབས་སུའང་བོད་ཡིག་གིས་བོད་ མིའི་རང་བཞིན་གྱི་ཆིག་བསྒྲིལ་དམ་པོར་བཟུང་ཡོད། གངས་ཅན་པ་ཡོངས་ཀྱི་ཆེད་དུ་བཞག་པའི་ཐོན་མི་སམ་བྷོ་ཊའི་ཕྱག་རྗེས་བོད་ཡིག་དེས་ ང་ཚོ་དུས་ནས་དུས་སུ་སྐྱབས་ཡོད། ད་ཆ་ཕྱག་རྗེས་འདི་སྐྱོབ་རྒྱུ་ང་ཚོའི་ལས་འགན་ཡིན། བོད་ཡིག་ལ་དབུགས་འབྱུང་རྔུབ་ཀྱི་གོ་སྐབས་སྤྲད་དེ་འཚོ་རུ་བཅུག་པས་མ་འོངས་ པའི་མི་རབས་ཚོས་ང་ཚོར་བཀྲིན་རྗེས་དྲན་ཞུ་ཡི་རེད།།
པདྨ་ཚེ་དབང་ཤཱསྟྲིས་ཕ་ཡུལ་དྲ་རྒྱའི་ནང་གི་དབྱིན་སྐད་མ་ཕྱི་ནས་བསྒྱུར། གལ་ཏེ་འགྱུར་གོ་མ་བདེ་བ་འདུག་ན། དབྱིན་སྐད་ལ་གཟིགས་གནང་ཞུ།
ཚིག་གཉིས་་ལ་་ཞེས་་ལ་ཅིག་་བྲིས་ཐལ་་ཤོར་བ་་དགོངས་དག་ཞུ།
ཁ་བརྡའི་་དྲ་ཚིགས་་ནང་ལ། བོད་ཡིག་་ཀློག་བདེའི་་ཆེད་དུ། ཚིག་གཉིས་་ལ་་བར་ལ་་ཚེག་གཉིས་་འབྲི་ན་་ལེགས་ཚུལ་་མཆན་བུ་་ཁ་ཤས་་བྲིས་ཡོད། ཁོམ་ན་་ཀློག་རོགས་་གནོངས།
བར་སྟོང་དང་དཀར་ཆ་ཟེར་བ་དེ་ཚོ་ངོས་ཟིན་མ་སོང༌། ག་འདྲ་ཞིག་ལ་ཟེར་གྱི་ཡོད་རེད། དཔེར་ན། འདི་འདྲ་ཞིག་ཟེར་བའི་དཔེར་བརྗོད་གཅིག་འཇོག་རོགས་གནང༌། སུ་ཞིག་གིས་འཇོག་ཀྱང་ཁྱད་པར་མེད། ད་ལྟ་འདི་འདྲ་བྲི་བཞིན་ཡོད་པ་དང༌། དེ་འདི་འདྲ་བྱས་ནས་བར་སྟོང་དང་དཀར་ཆ་བཟོ་དགོས་ཟེར་བའི་དཔེར་ཞིག་འཇོག་རོགས། དེ་ནས་ག་འདྲ་འདུག་ལྟ་ཡི་ཡིན།
སྐད་ཡིག་ཡར་རྒྱས་ཐད་ལ་བསླབ་བྱ་འདོན་འདོད་ན་ཐོག་མར་རང་ཉིད་ལ་སྐད་ཡིག་ཆུ་ཚད་མཐོན་པོ་ཞིག་ཡོད་དགོས་པ་ལོས་ཡིན། རྩོམ་ཡིག་འདི་ལ་ཅིག་བལྟས་རྗེས་ང་ལ་ཚོར་བ་ཞིག་སླེབས་པ་ནི་མིག་ལོང་བ་ཅན་ཞིག་གིས་གཞན་དག་ལ་ལམ་ཁྲིད་ཀྱི་ཡོད་པ་ལྟ་བུ་དེ་རེད། རྩོམ་ཡིག་འདི་ལས་ཅི་ཞིག་བཤད་ཀྱི་ཡོད་པ་གསལ་བོ་ཞིག་ཤེས་མ་བྱུང་མོད། ངའི་ཚོད་དཔག་ལྟར་ཚོར་བར་སླེབས་པ་དེ་ངོ་མ་ཡིན་ཚེ། ཁ་རྒྱུན་ཞིག་ལ། ཤ་ཞིམ་པོ་ཨ་ཕོ་སྤྱང་ཀིས་ཟོས། ཁག་ངན་པ་ཨ་ཅེ་ཝ་མོར་གཡོགས། ཞེས་པ་དེ་འདི་ཚོར་ལུང་དུ་བསྟན་འདུག་ཨང་སྙམ་བྱུང་། འོན་ཀྱང་སྐད་ཡིག་ཐད་ལ་ལྷག་བསམ་ཤུགས་ཆེན་པོ་ཞིག་ཡོད་པ་ནི་རྩོམ་པ་པོ་གཞིས་ཆགས་པ་ཞིག་ཡིན་པའི་ཆ་ནས་ཆེ་གུས་ཤིང་བཀུར་འོས་པའི་དོན་ཞིག་རེད།
སྤྱིར་རང་གི་སྐད་ཡིག་གི་ལས་དབང་ལ་ཐུགས་ཁུར་གནང་བར་ཡི་རངས་ཡོད། འོན་ཀྱང་བར་སྟོང་ཞིག་གི་བོད་ཡིག་ཡར་རྒྱས་གཏོང་མི་ཐུབ། ཅིའི་ཕྱིར་ཞེ་ན། དེ་ནི་ཀློག་བདེ་བོ་ཡོང་བའི་ཆེད་ཡིན་མོད། བོད་རིགས་གཞོན་སྐྱེས་མང་པོ་ཞིག་གིས་བོད་ཡིག་གི་དོན་མ་གོ་བ་ལས་ཀློག་མ་ཐུབ་པ་མ་རེད། བོད་ཡིག་གི་ནང་དོན་གོ་བ་ལ་བོད་ཡིག་སློབ་སྦྱོང་བྱེད་དགོས་པ་ལས་བར་སྟོང་བཞག་པས་ཅི་ཕན། ཀློག་བདེ་བར་ཅུང་ཕན་སྲིད་ཀྱང་ནང་དོན་མ་གོ་བར་ནེ་ཙོ་མ་ནི་ལྟ་བུའི་བོད་ཡིག་ཀློག་ཤེས་པ་ཙམ་གྱིས་རང་གཞན་གཉིས་ཀར་མི་ཕན། དེ་ལས་གཏོར་བཤིག་མ་བཏང་ན་ལེགས།
གསར་བཅར་མ་རེད། གསར་བཅད་རེད། དགོངས་དག
དག་ཡིག་གི་ནང་དུ་འདི་འདྲ་ཞིག་བྲིས་འདུག
༼སྐད་གསར་བཅར་རྣམ་པ་གསུམ།
འབྲི་ཀློག་མི་བདེ་བའི་བརྡ་རྙིང་འགའ་ཞིག་གི་ཟུར་དོར་ཏེ་ཀློག་བདེ་བའི་སྐད་ཡིག་གཏན་ལ་ཕབ་པ་གསུམ་སྟེ། བཙན་པོ་ཁྲི་སྲོང་ལྡེའུ་བཙན་ནས་མངའ་བདག་ཁྲི་རལ་པ་ཅན་ཡན་ཆད་དུ་སྐ་ཅོག་ཞང་གསུམ་ལ་སོགས་པས་བཀས་བཅད་ལན་གཉིས་བྱས་ཤིང་བཀས་བཅད་གསུམ་པ་ནི་ལྷ་བླ་མ་ཡེ་ཤེས་འོད་ཀྱི་དུས་སུ་བྱོན་པའི་ལོ་ཙཱ་ཆེན་པོ་རིན་ཆེན་བཟང་པོ་ནས་དྷརྨ་པཱ་ལ་བྷ་དྲའི་བར་དུ་བྱོན་པ་རྣམས་ཀྱིས་བྱས་པ་ཡིན།༽
ང་ཚོས་ནམ་རྒྱུན་གསར་འགྱུར་འབྲི་སྐབས་བརྗོད་པ་ཐུང་ཐུང་འབྲི་རྒྱུར་འབད་བརྩོན་བྱེད་བཞིན་ཡོད། བརྗོད་པ་རེ་རེའི་ནང་དུ་དོན་དག་རེ་རེ་བཅུག་ནས་བྲིས་ན་གོ་བདེ་བོ་ཡོང་གི་རེད། བོད་ཡིག་གོ་ཁག་པོར་མཐོང་བཞིན་པའི་དཀའ་ངལ་གཅིག་ནི་འདི་ལ་ཐུག་འདུག་སྙམ། ད་ནི་སྔར་ལས་ཀྱང་བརྗོད་པ་ཇེ་ཐུང་ལ་གཏོང་དགོས་པར་འདུག
དཔེར་ན། གོང་གི་བརྗོད་པ་འདི་དག་ད་དུང་ཇེ་ཐུང་ལ་བཏང་ན། ༼ང་ཚོས་ནམ་རྒྱུན་གསར་འགྱུར་འབྲི་སྐབས། བརྗོད་པ་ཐུང་ཐུང་འབྲི་རྒྱུར་འབད་བརྩོན་བྱེད་བཞིན་ཡོད། བརྗོད་པ་རེ་རེའི་ནང་དུ། དོན་དག་རེ་རེ་བཅུག་ནས་བྲིས་ན། གོ་བདེ་བོ་ཡོང་གི་རེད། བོད་ཡིག་གོ་ཁག་པོར་མཐོང་བཞིན་པའི་དཀའ་ངལ་གཅིག་ནི། འདི་ལ་ཐུག་འདུག་སྙམ། ད་ནི་སྔར་ལས་ཀྱང་། བརྗོད་པ་ཇེ་ཐུང་ལ་གཏོང་དགོས་པར་འདུག༽
སྐད་གསར་བཅད་ཐེངས་གསུམ་ཞེས་བཅོ་རོགས།
བོད་ཡིག་བྱུང་སྟེ་ལོ་ངོ་ཆིག་སྟོང་སུམ་བརྒྱ་ཙམ་གྱི་རིང་དཀའ་ངལ་འདི་འདྲ་གླེང་མཁན་ཕལ་ཆེར་བྱུང་མེད་པ་འདྲ། སྐད་གསར་བཅད་ཐེངས་གཉིས་བྱས་པའི་སྐབས་ལའང་མཁས་དབང་རྣམ་པས་བར་སྟོང་འཇོག་དགོས་པའི་དཀའ་ངལ་ཞིག་མཐོང་མེད་པ་འདྲ།
བོད་རྒྱ་ནག་གི་འོག་ལ་ཤོར། བོད་མི་མང་པོ་ཞིག་བཙན་བྱོལ་དུ་འབྱོར། དེ་ནས་ཁ་འཐོར་དུ་ཕྱིན། ནུབ་ཕྱོགས་སུའང་མི་ཚང་ཁྲི་ཕྲག་རེའི་བར་ན་བོད་པའི་ཁྱིམ་ཚང་གཅིག་རེ་བྱས་ནས་བསྡད་ཡོད། དེའི་རྐྱེན་གྱིས་བོད་སྐད་དང་བོད་ཡིག་ནི་བུ་ཕྲུག་ཚོར་ཁ་ཐག་ཇེ་རིང་དུ་གྱུར། ཐག་རིང་དུ་གྱུར་བ་དང་མཉམ་དུ་ཁ་ཐག་ཇེ་ཉེར་གཏོང་ཐབས་ལ་འབད་སྐབས། ཁ་ཐག་ཇེ་ཉེར་གཏོང་ལ་བ་དཀའ་ངལ་ཇེ་ཆེར་གྱུར། བོད་ཡིག་ཇེ་ཁག་ལ་གྱུར། ཐབས་ཟད་པའི་མཐའ་མ་དེར་མིང་དང་ཕྲད་རྣམ་དབྱེ་རེ་རེའི་བར་དུ་བར་སྟོང་འཇོག་པའམ། ཡང་ན། མིང་ཚིག་གི་གཅོད་མཚམས་བར་དུ་བར་སྟོང་འཇོག་དགོས་པའི་བསམ་ཚུལ་ཞིག་བསླེབས་འདུག
སྤྱིར་བཏང་དཀའ་ངལ་འཕྲད་ས་ངོ་མ་དེ་འདི་ཡིན་ན་ནི་དཀའ་ངལ་སེལ་ཐབས་བྱ་ལོས་དགོས་ཀྱང་། དེ་མིན་ཚེ་དོན་མེད་ཀྱི་འགྱུར་བ་ཞིག་གཏོང་དགོས་དོན་ཨེ་ཡོད་འདོད།
ངས་བལྟས་ན། ཚིག་གི་བརྗོད་པ་ sentence རེ་རེ་ཇེ་ཐུང་ལ་བཏང་ན་འགྲིག་གི་འདུག་བསམ། ང་ཚོར་འདིའི་དཀའ་ངལ་སེལ་སྤྱད་ལ་ཤད་ཅེས་པ་ཞིག་ཡོད། ཤད་ལའང་ཆིག་ཤད་དང་ཉིས་ཤད་སོགས་ཡོད་པ་རེད། འདི་དག་བེད་སྤྱོད་གཏོང་ཕྱོགས་འདི་ཡིན་ངོ་མ་ནི་དཀའ་ངལ་འདི་དག་སེལ་སྤྱད་དུ་བཟོས་པ་རེད་འདོད། ད་ནི་བསམ་ཚུལ་ཡོད་ན་ཚང་མས་གླེང་རོགས།
༄༅། །ང་རང་བོད་པ་ཚོ་བོད་སྐད་མ་ཤེས་ན་ཕྱི་རྒྱལ་མགོ་སེར་བ་རྣམས་ལ་ངོ་ཚ་དགོས། དེང་སང་ཕྱི་རྒྱལ་མགོ་སེར་བ་འགའ་ཞིག་བོད་སྐད་ནས་ཐོག་སྐད་སྒྱུར་མཁན་ཡང་ཡོད། །གཞོན་སྐྱེ་ཚོ་ངོ་ཚ་སྤངས་ནས་སེམས་ཤུགས་བྱས་ནས་བོད་སྐད་དང་བྲིས་ཀློག་ཙམ་ཤེས་དགོས་པ་ཧ་ཅང་གི་གལ་ཆེན་པོ་ཡིན། །
བདེ་མོ
བསྟན འཛིན བདེ སྐྱིད དང བསྟན འཛིན ཉིན བྱེད ལགས་གཉིས་ཀྱི་གསར་གཏོད་རང་བཞིན་གྱི་རྩོམ་ཡིག་སྤེལ་བ་ཐུགས་རྗེ་ཆེ་།
གུས་ཀྱི་བསམ་ཚུལ་ནི་ཡི་གེ་ཀློག་མགྱོགས་པོ་ཡོང་ཡ་དེའང་གལ་ཆེན་པོ་ཡིན་དུས་ ཡིག་འབྲུ་དང་པོ་ཀློག་དུས་གཉིས་པ་དེའང་འཁྲིས་ལ་ཡོད་དུས་ཤར་ར་ར་ཀློག་ཐུབ་ཡའི་དགེ་མཚན་འདུག་། བར་སྟོང་འཇོག་ན་ཡིག་འབྲུ་དང་པོ་དེ་བཀླགས་ དེ་ནི་གཞི་ནས་ཡིག་འབྲུ་གཉིས་པ་དེ་མིག་རྒྱང་ཙམ་བྱེད་དེ་འཚལ་བ་འགྲོ་དགོས་དུས་རང་བཞིན་གྱིས་ཀློག་དལ་དུ་འགྲོ་བའི་སྣང་བ་ཞིག་སྟེར་གྱི་འདུག་། རེད་མ་རེད་ཨ་
བསྟན འཛིན བདེ སྐྱིད དང བསྟན འཛིན ཉིན བྱེད ལགས།
ངས་ལྟས་ན་བོད་ཀྱི་གཞོན་སྐྱེས་ཚོའི་བོད་ཡིག་ཤེས་ཐབས་ལ་བོད་འབྲི་སྐབས་སུ་བར་སྟོང་རེ་འཇོག་དགོས་པ་དང་བར་སྟོང་རེའི་ནང་དུ་སྒོར་མོ་བླུག་ནས་བཞག་པ་ཡིན་ན་གཞོན་སྐྱེས་ཚོ་མི་དགོས་རྒ་པོ་རྒ་མོ་ཚང་མས་མིག་ཤེལ་གྱོན་ནས་ཀློག་ཨེ་ཐུབ་ལྟ་གྱིན་རེད་ད།
སྒོར་མོ་ཡོང་འབབ་མེད་པར་འཚོ་བའི་མདུན་ལམ་ལ་ཕན་པའི་ལས་དོན་སློབ་སྦྱོང་སྐད་ཡིག་འདིའི་ཐོག་ནས་བྱེད་མི་ཐུབ་དུས་སྐད་ཡིག་འདིར་བར་སྟོང་ཁྲི་གང་བཞག་ནས་བྲིས་ན་ཡང་ཀློག་ཐུབ་པ་དང་ཀློག་མཁན་མང་རེ་འགྲོ་བ་ཁག་པོ་རེད།
མ་ཟད་སྐུ་ཉིད་ཀྱིས་བོད་ཡིག་སློབ་དགོས་སྟངས་དང་སློབ་ན་འཚོ་བའི་མདུན་ལམ་ཡག་པོ་ཡོད་སྟངས་གསུངས་འདུག་ཀྱང་དེ་ནི་བདེན་པ་དེ་ཙམ་མི་འདུག་སྙམ།
བོད་ཡིག་ཐོག་ནས་དེང་རབས་གསར་པའི་རིག་གནས་དང་དེང་རབས་གསར་པའི་ལག་ཤེས་སོགས་སློབ་སྦྱོང་བྱེད་མི་ཐུབ་པ་ནི་མངོན་སུམ་རེད། དེང་སང་གི་གོ་ལའི་སྤྱི་ཚོགས་ནང་དུ་ལས་དོན་སློབ་སྦྱོང་མེད་པའི་མི་རྣམས་ནི་འཚོ་བའི་དགོས་མཁོ་མ་ཚང་བའི་མི་ཞིག་ཡིན་པ་བརྩི་བཞིན་པ་རེད། གཉིས་ནས་ཁྱེད་ཀྱི་རྒྱུ་མཚན་ནི་བོད་དབྱིན་གཉིས་ཀ་ཤེས་ན་རྡ་སར་ཡིག་སྒྱུར་གྱི་ལས་ཀ་རེག་ནས་དངུལ་བཟོ་ཐུབ་སོགས་རེད། ང་རང་ཚོའི་བཙན་བྱོལ་མི་དམངས་ཉུང་ཉུང་ལས་མེད་ཡང་དབྱིན་བོད་ཡིག་སྒྱུར་བྱེད་ནས་འཚོ་བ་སྒྲུབ་ཐུབ་ཐབས་མེད།
དེ་ལས་བོད་ཡིག་ལ་སེམས་ཤུགས་ཡོད་པའི་མི་བུ་ཁྱེད་ལ་ཐུགས་རྗེ་ཆེ་ཞུ་བ་དང་ཞོར་རུ་ཁྱེད་ཀྱིས་བྲིས་པའི་ཡིག་འབྲུ་ཁག་ཤས་ཤེས་མ་སོང་། དཔེར་ན། པཱོལ། སེནཇར།ཞཻས་པ་འདིའི་འབྲི་སྟངས་གཞུང་གང་ལ་བརྟེན་མིན་དང་སུམ་རྟགས་དག་གསུམ་གྱི་སྒྲིག་གཞི་དང་ཇི་ལྟར་མཐུན་མིན་སོགས་འགྲེལ་བཤད་ཤིག་གནང་རོགས་ཞུ།
བྱེས་སུ་བོད་ཡིག་མཁྲེགས་པོ་འདུག མཁྲེགས་པོ་འདུག་ཟེར་མཁན་མང་བ་ནི་ཡོངས་གྲགས་ལྟ་བུ་རེད། དེའི་རྐྱེན་གྱིས་དོན་གཉེར་ཅན་རེ་འགས་འདི་ལྟར་དེ་ཚོའི་དཀའ་ངལ་སེལ་ཆེད་དུ་དཀའ་ལས་རྒྱག་གི་མེད་འགྲོ ཡིན་ནའང་། ཐུགས་བསམ་བཞེས་དགོས་པ་ཞིག་འདུག དེ་ནི་གོང་གི་རྩོམ་ཡིག་དེ་འབྲི་མཁན་ལ་ཞུ་བ་ཡིན། ངས་དབྱིན་ཡིག་ཀློག་དུས་ཅ་ཧང་གི་ཁག་པོ་དང་ཚིག་མཁྲེགས་པོ་འདུག ཀློག་ཐུབ་ཀྱི་མི་འདུག་ལ་ཀློག་འདོད་ཀྱི་ཡི་ག་ཡང་རྙེད་ཀི་མི་འདུག
ང་ལ་དངོས་གནས་དྲང་གནས་དཀའ་ངལ་འདི་རྒྱུན་པར་འཕྲད་བསྡད་ཀྱིན་འདུག ཁྱེད་ཅག་ལ་སྐུ་ངལ་རེད་དེ། དབྱིན་ཡིག་ནང་དཔེར་ན། Losar belongs to Tibet. Losar belongs to the Tibetan people. No one can steal it from us. ཞེས་པ་འདི། ང་ལྟ་བུའི་དབྱིན་ཡིག་མི་ཤེས་མཁན་ཞིག་གིས་ཀློག་དུས་ཀློག་བདེ་བོ་ཁྱོན་མི་འདུག དུམ་ཚན་ཐུང་ངུ་འདིའི་ནང་གི་ Losar ཞེས་པ་དེ་ Lo ཞེས་བར་སྟོང་ཞིག་བཞག་མཐར་ Sar བྲིས། དེ་ནས་ belongs ཞེས་པའི་དང་ཐོག་ be དང་དེ་ནས་ long བྲིས། མཇུག་མཐར་ s བསྣན་ཏེ་བྲིས་ན་ཀློག་བདེ་བོ་མེད་འགྲོ འབྱུང་ན་ L O S A R ཞེས་པ་རྣམས་ A B C D རྣམས་ཀློག་སྐབས་རང་སོར་བཞག་ན་དགའ་བ་མེད་འགྲོ ད་དུང་ཚིག་མཁྲེགས་པོའི་རིགས་ཏེ་དཔེར་ན། understand དང་ undergraduate ཡང་ན་ administration ལྟ་བུའི་ལྕེ་རྩེ་ནས་མི་འཁྱོངས་པ་སྐོར་ཞིག་དུམ་ཚན་བཞི་དང་ལྔར་བཏང་ན་ཀློག་བདེ་བ་ཡོང་ས་རེད། དེ་ལྟར་ཀློག་བདེ་བའི་ཆེད་དུ་ཉུང་མཐར་ཡང་དབྱིན་ཚིག་སྟོང་ཕྲག་འགའ་གཤག་བཅོས་བྱེད་དགོས་པ་འདུག དེ་བཞིན་རྒྱ་ཡིག་ཡིན་ན་དེ་རེད། བོད་ཡིག་ལྟ་བུར་མཚོན་ན་ཀ་མེད་སུམ་ཅུའི་སྟེང་དུ་དབྱངས་བཞི་བོར་ངེས་རྗེས། སྦྱོར་འདོག་དང་ར་མགོ་ལ་མགོ་ས་མགོ་ཚོ་རེད། གང་ལྟར་གཅིག་ནས་བཅུའི་བར་གྱི་ཨང་གྲངས་རྣམས་ཡར་དཀྲུགས་མར་དཀྲུགས་བྱས་ཏེ་ཨང་གི་བརྒྱ་དང་ ༡༠༠ དང་སྟོང་ ༡༠༠༠ གི་བར་བསྒྲིགས་པ་ལྟ་བུ་རེད། ཡིན་ནའང་། རྒྱ་ཡིག་ཉུང་མཐར་ཡང་ཡི་གེ་མི་འདྲ་བ་ཁྲི་སྐོར་འགའ་སྦྱང་དགོས་པ་འདུག ད་དུང་ཏན་རིན་ཕང་དང་མིའུ་རན་ཕང་། སན་རིན་ཕང་ཡིན་ན་ཅིག་ཟེར་ནས་མགོ་ན་སྤྱད་རྐྱང་རྐྱང་ཡོད། ད་བྱས་དུས་བོད་མི་ས་ཡ་དྲུག་ཅི་ཡང་མ་རེད། རྒྱ་ནག་གི་མི་འབོར་དུང་ཕྱིར་ ༡༢ ལྷག་ལ་སློབ་བདེ་ཞིང་ཡི་གེ་ཉུང་བའི་རྒྱ་ཡིག་ཅིག་བཟོ་དགོས་ཀྱི་འདུག་ལ། འཛམ་གླིང་གི་མི་གྲངས་ས་ཡ་དུང་ཕྱིར་མང་བོར་བཀོལ་སྤྱོད་ཆེས་ཆེ་བ་དང་སྐད་ཡིག་ཨང་དང་བོར་གྱུར་བའི་དབྱིན་ཡིག་འདི་ཉིད་ཀྱང་གཤག་བཅོས་གཏོང་དགོས་ཐུག་འདུག དེ་ལྟར་བྱས་ན་སྐད་ཡིག་གི་རིན་ཐང་ལ་མི་ལྟ་བར་སྦྱང་མཁན་གྱི་འདོད་འདུན་གཙོར་བཟུང་བྱས་པ་ཞིག་ཡིན་ཐོག ནམ་ཞིག་ཁྱོན་ནས་སློབ་སྦྱོང་ལ་མི་དགའ་བ་སྐོར་ཞིག་གི་འཛམ་གླིང་གི་སྐད་ཡིག་སྣ་གཅིག་ཀྱང་མེད་པར་གདོད་མའི་སྤྱི་ཚོགས་ལྟར། གོས་སུ་ཤིང་ལོ་རེ་གྱོན། ཟས་སུ་རི་སྐྱེས་སྲོག་ཆགས་དང་གཅན་གཟན། ཤིང་ཏོག་སོགས་བཟའ་རྒྱུའི་གདམ་ག་བྱ་སྲིད་པ་འདུག་གོ་སྙམ།
བོད་ཡིག་ཤེས་མ་ཤེས་ཟེར་བ་དེ་སྦྱང་མ་སྦྱང་གི་ཁྱད་པར་རེད་མ་གཏོགས།
བོད་ཡིག་ཁོ་རང་ངོས་ལ་ཁག་དཀྲི་ས་གང་ཡང་ཡོད་པ་མ་རེད་བསམ་གྱིན་ཡོད།
ཡང་ཟུར་གཞན་ཞིག་ནས་བལྟས་ན་བསྟན་འཛིན་བདེ་སྐྱིད་ལགས་ཀྱིས་གསུངས་བ་ལྟར་སྐྱོན་ཏོག་ཙམ་རེ་ཡོད་སྲིད་པ་རེད།
ལོ་སྔོན་མར་ང་ལ་དྭགས་སུ་ཕྱིན་སྐབས་བོད་རིགས་དགེ་རྒན་ཞིག་དང་མཉམ་དུ་བོ
ད་ཡིག་གི་སྐོར་ནས་གླེང་མོལ་བྱས་པ་ཡིན། སྐབས་དེར་ཁོང་གིས་ཀྱང་བོད་ཡིག་སྦྱོང་སྐབས་ཀྱི་དཀའ་ངལ་འགའ་བཤད་སོང་།
ཁོང་གིས་བརྗོད་ན་བོད་ཡིག་གི་ཐོག་ནས་སྐོང་ཚིག་མང་བོ་འབྲི་དེ་དཀའ་ངལ་གཅིག་དང་། གཉིས་ནས་བོད་ཡིག་བེད་སྤྱོད་མེད་ཉུང་པ་དེ་རེད་ཟེར།
གསུམ་ནས་བོད་ཡིག་དང་བོད་སྐད་ཀྱིས་ས་རྒྱ་མི་ཆོད་པ་ལྟ་བུ་ལ་བརྟེན་ནས་བོད་ཡིག་སྦྱོང་མཁན་ཉུང་བའི་བསམ་ཚུལ་བཏོན་སོང་།
ཁོང་གིས་བསམ་ཚུལ་འདི་དག་ནི་དངོས་ཡོད་ཀྱི་གནས་ཚུལ་ཏག་ཏག་ཡིན་སྟབས།
ད་ནི་ང་ཚོས་བོད་ཡིག་བོད་སྐད་བེད་སྤྱོད་ཀྱི་ལག་ལེན་ལ་འབད་པའི་དུས་ཚོད་ལ་སླེབས་ཡོད།
ཁྱེད་ཀྱིས་བོད་ཡིག་དང་བོད་སྐད་ཅི་ལྟར་བེད་སྤྱོད་མང་ཙམ་བྱས་ན་བོད་སྐད་ཡིག་ཁ་ཡོད་ལག་ཡོད་ཀྱི་ཐོག་ནས་སྲུང་སྐྱོབ་བྱེད་ཀྱིན་ཡོད།
འདི་ནི་ཚང་མས་ཤེས་དགོས་པ་ཞིག་རེད་ལ། ཤེས་ཀྱང་ཡོད་ངེས་རེད། རྒྱུ་མཚན་ནི་ཁྱེད་ཚོ་ཚང་མ་དཔྱོད་ཤེས་དང་ལུང་རིགས་ཀྱི་ལམ་ལ་ཞུགས་མཁན་རྐྱང་རྐྱང་ཡིན་པས་ཡིན།
ད བར དུ བོད ཡིག མ ཤེས པའི དཀའ ངལ ངོ མ གང ལ ཐུག འདུག པ དེ གཞི ནས ཤེས སོང། རྗེས མ ནས བོད རིགས གཞོན སྐྱེས ཚོས བོད ཡིག ཤེས རྒྱུ རེད། འདི ལོ གསར པ འདིའི ནང གི གཏམ བཟང རེད།
གོང་གི་རྩོམ་ཡིག་བོདབསྒྱུར་ཞུ་མཁན་སྐུ་ཞབས་པདྨ་ཚེ་དབང་ཤཱསྟྲིས་ལགས།
དེ་སྔ་ཉིད་ནས་བོད་བསྒྱུར་ཞུས་པའི་ཨ་རིའི་རྩོམ་པ་པོ་སྐུ་ཞབས་Gene Sharp ཀྱིས་རྩོམ་སྒྲིག་གནང་བའི་འཚེ་མེད་ཞི་བའི་ཐབས་ལམ་སྐོར་གྱི་དཔེ་དེབ་ཁག་གཉིས་མཐོང་བར་ཕྱིས་སུ་གུས་པས་བོད་དབྱིན་གཉིས་ཀྱི་དཔེ་དེབ་ཟུང་འབྲེལ་གྱིས་བལྟ་ཀློག་གང་ཐུབ་བྱས་པའི་བརྒྱུད་རིམ་ནང།གཞི་རྩའི་ཆ་ནས་ཉིད་ཀྱིས་ངལ་བ་ཁྱད་བསད་རྩོམ་བསྒྱུར་གནང་བ་ནི་རང་རེའི་སྤྱི་ཚོགས་ནང་འཚེ་མེད་ཞི་བའི་ཐབས་ལམ་ཁག་འདྲ་མིན་ཉི་བརྒྱ་ཙམ་ཡོད་པ་དེ་དག་སློབ་སྟོན་བྱ་རྒྱུར་དམིགས་པ་ཞིག་ཡིན་ངེས་པས་གུས་པས་རྗེས་སུ་ཡི་རང་ཞུ་རྒྱུ་ལས་མ་འདས།་་འོན་ཀྱང་ཕྱིས་སུ་ཉིད་ཀྱི་བསྒྱུར་སྐབས་ཚིག་གི་མཐོ་དམན་མཚམས་ལ་བོད་ཡིག་གི་ཉམས་འགྱུར་གང་ཐོན་གནང་དགོས་པའི་འབོད་བསྐུལ་ཞུ་འདོད་ཆེན་པོ་བྱུང།
བོད་སྐད་ཡིག་ཐད་མྱོང་བ་ཟབ་ཅིང་མཛད་རྗེས་ཆེ་བའི་རྩོམ་པ་ཉིད་ལ་གུས་བཏུད་ཞུ་རྒྱུ་དང་།མུ་མཐུད་ཕྱག་ལས་གནང་སྐྱོངས་ཡོང་བ་ཞུ་རྒྱུ་བཅས།