རྒྱ་ནག་དམངས་སྲིད་ལྷན་ཁང་གིས་ ༢༠༠༩ ལོའི་དམངས་སྲིད་ལས་དོན་སྤྱི་བསྡོམས་གསལ་བསྒྲགས་ཞེས་པའི་ནང་གནས་ཚུལ་བཏོན་པ་ལྟར་ན། ༢༠༠༩ ལོར་རྒྱ་ནག་དུ་བཟའ་ཚང་ཁྲི་ ༡༧༡ ལྷག་གཉེན་འཐོར་བྱས་ཡོད་པ་དང་། ལོ་སྔོན་མ་དང་བསྡུར་ན་བརྒྱ་ཆའི་ ༡༠ འཕར་ཡོད་འདུག
རྒྱ་ནག་སྤྱི་ཚོགས་ཚན་རིག་གླིང་སྤྱི་ཚོགས་རིག་པའི་སློབ་དཔོན་ཆེན་མོ་ལུའུ་ཞིས་ཡུས་ཀྱིས་ཧོང་ཀོང་གི་གསར་འགོད་པའི་བཅར་འདྲིའི་སྐབས་བརྗོད་དོན། རྒྱ་ནག་ཏུ་བཟའ་ཚང་གཉེན་འཐོར་ཇེ་མང་དུ་གྱུར་བའི་རྒྱུ་རྐྱེན་གཙོ་བོ་ནི། དེང་སྐབས་རྒྱ་ནག་གིས་བྲེལ་མྱུར་གྱི་སྒོ་ནས་སྤྱི་ཚོགས་འཚོ་བ་གྲོང་ཁྱེར་ཅན་དུ་བསྒྱུར་ཏེ་སྤྱི་ཚོགས་ཧྲིལ་བོའི་འཚོ་གནས་འགྱུར་ལྡོག་ཆེན་པོ་ཞིག་གི་དཀྱོགས་མཚམས་སུ་དེད་པ་རེད། དེར་བརྟེན་སྤྱི་ཚོགས་ཀྱི་ངོ་བོ་བརྟན་ལྷིང་མེད་པ་དང་མི་དམངས་ཀྱི་འཚོ་བ་ཟང་ཟིང་ཅན་དུ་གྱུར་ཏེ་བཟའ་ཚང་གཉེན་འཐོར་གྱི་གནས་སྟངས་ཇེ་མང་དུ་སོང་བ་རེད། མ་འོངས་པར་རྒྱ་ནག་ཏུ་སྤྱི་ཚོགས་གྲོང་ཁྱེར་ཅན་དུ་བསྒྱུར་བའི་མྱུར་ཚད་ཇེ་མགྱོགས་སུ་བཏང་བ་དང་བསྟུན་ནས་གཉེན་འཐོར་གྱི་འཕར་ཚད་ཀྱང་སྔར་ལས་ཇེ་མང་དུ་འགྲོ་རྒྱུ་རེད་ཅེས་བརྗོད་ཡོད།
རྒྱ་ནག་དུ་གཉེན་འཐོར་གྲངས་འབོར་གྱི་ཚད་ཆེས་མང་པའི་གྲོང་ཁྱེར་ལྔ་ནི། པེ་ཅིན་གྲོང་ཁྱེར་གྱི་གཉེར་འཐོར་གྲངས་འབོར་ནི་བརྒྱ་ཆ་ ༣༩ དང་། ཧྲང་ཧེ་ཡི་གྲངས་འབོར་ནི་བརྒྱ་ཆ་ ༣༨། ཧྲིན་ཀྲིན་ཏུ་བརྒྱ་ཆ་ ༣༦། ཀུང་ཀྲིག་ཏུ་བརྒྱ་ཆ་ ༣༥། ཞྭ་མིན་ཏུ་བརྒྱ་ཆ་ ༣༤ བཅས་ཡིན་པ་རེད།
དྲ་གྲོགས་ཚོ་ གོང་དུ་དུས་བབ་དྲ་ངོས་གཡས་ཕྱོགས་སུ་བཀོད་པ་ལྟར་ བཟའ་འཐོར་གྱིམཐོ་རླབས་འཕྱུར་བཞིན་པ་ཞེས་པའི་བརྗོད་གཞིའི་ཐོག་ལ་བགྲོ་གླེང་རེ་བྱས་ན་བསམ །༧་གོང་ས་མཆོག་གིས་ཁྱིམ་ཚང་ཀི་བདེ་སྐྱིད་ཀྱིས་འཛམ་གླིང་ལ་བདེ་སྐྱིད་བསྐྲུན་ཐུབ་ཞེས་གསུང་བ་ལྟར། འུ་ཅག་འཚོལ་བ་པོ་ཡིན། ཅི་ཞིག་ལ་འཚོལ་བ་པོ་ཟེར་ན སྲོག་འཚོ་བ་པོ་ལ་ཟེར། རང་ཉིད་མིའི་རིགས་སུ་སྐྱེ་བ་ནས་སྲོག་འདིའང་ལྷན་སྐྱེས་སུ་གྲུབ་ཡོད་པ་ཙམ་དུ་མ་ཟད་སྲོག་འདིས་མིང་ལ་གཅེས་པའི་ཚེ་སྲོག་ཟེར །མི་ཚེའི་ན་ཚོད་ཀྱི་གོམས་སྟབས་པར་ནས་ཚེ་སྲོད་འདི་ཞི་བདེ་བག་ཡོད་དང་དྭངས་གཙང་བརྩེ་དུང་ཞིག་གི་འོག་ནས་འཚོ་བ་དང་། ཡིན་ན་བཀའ་སྡུག་འོ་དོད་འཁྱིལ་བའི་ཁྱིམ་གཞི་ཞིག་ནས་འཚོ་བ་དང་། དེ་མིན་ན་ཕུང་གསུམ་པ་ཞིག་ནས་ཚེ་སྲོག་འཚོ་བ་ཞིག་ཡིན་དགོས།
དེ་གསུམ་རྨང་གཞི་བཟུང་ནས་བཟའ་ཚང་དང་བཟའ་ཚང་པར་གི་བརྩེ་དུང་་ཕ་མ་བུ་ཕྲུག་པར་གྱི་བརྩེ་དུང་དེ་དག་ཐམས་ཅད་སླད་མེད་པ་ཞིག་ཡོང་བ་ལ་ཕྱིའི་ཆ་རྐྱེན་གང་འདྲ་ཞིག་ཚང་དགོས་མིན་ནང་བསམ་བློའི་ཆ་རྐྱེན་གང་འདྲ་དགོས་མིན་སོགས་ཤེས་དགོས། བརྡ་འཕྲིན་གོ་ལ་གཅིག་གྱུར་བྱས་པའི་དུས་འདིར་ཡོད་ཚད་ལ་བསླུ་ཕྲད་ཀྱི་ཞ་མོ་ཞིག་གཡོག་ཡོད །
ཞ་མོ་དེ་ནི་འཛམ་གླིང་ཚོང་ཟོག་ལམ་ལུགས་རེད ། ཡོད་ཚད་ཚོང་ཟོག་ཅན་དུ་བསྒྱུར་བ་ནས་བཟུང་ས་སྒང་འདིས་བརྩེ་དུང་ཡོད་ཚད་བརླགས་སོང་། རྒྱལ་ཁབ་དང་རྒྱལ་དཔར་གྱི་བརྩེ་དུང་མི་རིགས་དང་མི་རིགསདཔར་གྱི་བརྩེ་དུང་ཐ་ན་བཟའ་ཚང་ཕ་མ་བུ་ཕྲུག་སོགས་ཀྱི་མཛའ་བརྩེ་འང་བརླགས་སོང་ ། མི་ཡོད་ཚད་ཕན་ཚན་འཛེམ་དོགས་བྱེད་པ་ཀུ་དོག་ཅན་ཆག་སྡང་ཆེ་བའི་རང་གཤིས་ཤིག་བསྐྱུར། ཚོང་ཟོག་ལམ་ལུགས་ཀྱིས་ཤུགས་རྐྱེན་དེས་མི་གཞིའི་སེམས་ཁམས་དཀྲུགས་ནས་བཟའ་འཐོར་གྱི་འབྱུང་རྩ་གཙོ་བོ་དེ་ཡིན ། སྐོམ་གདུང་འདི་སེལ་བ་ལ་རྩ་བའི་བླ་མའི་བྱིན་རླབ་དང་དམ་པའི་ཆོས་ཀྱི་བདུད་རྩི་མེད་ན་སྤྱི་དང་བྱེ་བྲག་སུ་ཡིན་ན་བརྩེ་དུང་དང་ཞི་བདེ་བག་ཡོད་ཀྱི་སྙིང་བཅུད་རྙེད་མི་སྲིད
བཟའ་འཐོར་ལས་བཟའ་ཚང་ལྐོག་ལ་ངན་འབྲེལ་བྱེད་མཁན་དེ་ཚོ་ཉེན་ཚབས་ཆེ་བར་འདོད།
བོད་ནང་དུ་བཟའ་འཐོར་གྱི་ནད་ཡམས་འདི་གཅིག་གྱུར་རེད་ཟེར། ལོ་སྔོན་མར་ངའི་ཨ་མས་རི་ཁ་ཁྱིམ་མཚེས་ཀྱི་ཕོ་གསར་མོ་གསར་མང་པོ་བཟའ་འཐོར་བྱེད་ཀྱིན་པའི་སྐོར་བཤད་སོང་།
ད་ལོ་དུས་བབ་དྲ་ཐོག་ལ་བཟའ་འཐོར་གྱི་གནད་དོན་བོད་པའི་སྤྱི་ཚོགས་ཁྲོད་ཚབས་ཆེན་ཡིན་མིན་བསམ་ཤོག་བསྡུས་སྐབས་མང་ཆེ་བས་ཚབས་ཆེན་ཡིན་པའི་སྐོར་པ་བསམ་ཤོག་འཕངས་འདུག
དཔལ་འབྱོར་ཡར་རྒྱས་མཉམ་དུ་བཞི་བདེ་བག་ཡོད་མར་རྒྱས་སོང་བའི་མངོན་རྟགས་རེད།
རྒྱ་རིགས་སྙིང་རྗེས། རྒྱ་གཞུང་ཏང་གི་ལག་རྗེས་ངན་པ་ཟེར་ན་འདི་འདྲ་ལ་ཟེར།
གཏུམ་པོ་རྒྱ་སྟག་འདྲ་ལ་ཀུན་སྤྱོད་བ་གླང་འདྲ་བའི་སྐྱེས་པ་ཚོའི་ཁ་བརྡུང་དང་ལག་བརྡུང་གི་འོག་ན་འཚོ་བའི་བོད་མོ་ཉམ་ཆུང་འདི་ཚོར་བཟའ་འཐོར་བྱ་རྒྱུའི་བློ་སྟོབས་ཤིག་དང་རིགས་པ་ཞིག་ཅིའི་ཕྱིར་འཁོར་གྱི་མེད་པ་རེད་དམ།
བོད་མོ་རྣམས།
ཕྱི་རོལ་གྱི་མི་ཁ་ལ་མ་འཛེམས།
ནང་རོལ་གྱི་རྙིང་སྲོལ་ལ་མ་སྒུར།
ཉེས་བརྡུང་དང་རྩུབ་སྤྱོད་ཀྱི་འོག་ནས་མི་ཚེ་སྐྱེལ་བ་ལས་ཁྱོ་བོ་གཞན་ཞིག་འཚོལ་བའི་སྙིང་སྟོབས་སྐྱེད།
ངའི་ངོ་ཤེས་ཀྱི་ཁྱིམ་མཚེས་ཚང་ན་བུད་མེད་ཞིག་གི་ངུ་སྒྲ་འདི་མགོ་བརྩམས་ནས་ལོ་ངོ་བདུན་ཙམ་སོང་། དེ་རིང་ཡང་མོའི་ངུ་མཚམས་ཆད་མི་འདུག
ངའི་ངོ་ཤེས་ཀྱིས་བཤད་ན་ཁོ་མོའི་ཁྱོ་བོ་བ་གླང་འདྲ་བ་དེས་ཉེས་བརྡུང་གཏོང་གིན་ཡོད་པ་རེད་ཟེར།
ཁོ་མོ་འདི་ལྟར་འཚོ་དགོས་པའི་སྙིང་སྟོབས་འདི་ཡང་ན་གཏི་ཐུག་འདི་གང་གིས་བསྐྱེད་པ་ཡིན་ནམ།
གཞན་གྱི་གནས་ཚུལ་བསྡུ་ལེན་བྱེད་གལ་ཆེ་ཡང་
ང་ཚོས་བོད་པའི་སྤྱི་ཚོགས་ནང་ལའང་འདི་འདྲ་ག་ཚོད་ཅིག་འབྱུང་བཞིན་ཡོད་མེད་ཐད་ཞིབ་འཇུག་བྱེད་དགོས་པ་འདུག
ད་རུང་དེང་སང་གི་བཙན་བྱོལ་ཁྲོད་གཟའ་ཚང་ཁ་འཐོར་གྱིས་ཕྱི་རྒྱལ་སོགས་སུ་བགྲོད་རིམ་བཞིན་གཏན་ནས་གྱེས་བཞིན་པའི་གྲངས་ཚད་ལོ་རེ་བཞིན་འཕར་ཀྱིན་པའི་མཐོང་ཐོས་ཡོང་ངོ་མ་ཡོང་བཞིན་འདུག།