དབུས་ཕྲུག་ཚེ་རིང༌།
བོད་མི་རིགས་ཀྱིས་འགྲོ་བ་མིའི་རིགས་ཀྱི་ལོ་རྒྱུས་ཀྱི་ཆ་ཤས་བླངས་བའི་ཉིན་དེ་ནས་བཟུང༌། ང་ཚོའི་མི་རིགས་དང་ང་ཚོའི་ཕ་ཡུལ་ཞེས་པའི་ལོ་རྒྱུས་ཀྱི་འགོ་བརྩམས་ཡོད། དུས་དེ་ནས་བོད་ཀྱི་བཙན་པོ་རིམ་བྱུང་དང་བོད་སིལ་བུའི་རྗེས་ཀྱི་རྒྱབ་རབས་རིམ་བྱུང་ནང་འཛམ་གླིང་མཐོ་སྒང་འདི་ནི་བོད་མི་རིགས་ཀྱི་སྐྱེས་ས་འཚར་ས་རེད། ས་ཁྱོན་ཀི་ལོ་མི་ཊར་གྲུ་བཞི་མ་ས་ཡ་གཉིས་དང་ལྔ་འབུམ་ཙམ་ཡོད་པའི་བོད་མདོ་དབུས་མཐོ་སྒང་དེ་ནི་བོད་མི་རིགས་འཚོ་གནས་ཀྱི་རྟེན་གཞི་གཅིག་པུ་དེ་རེད། དོན་དངོས་ཀྱི་ལོ་རྒྱུས་དང་འཛམ་གླིང་མཉམ་སྦྲེལ་རྒྱལ་ཚོགས་ཀྱི་ཁྲིམས་ལུགས་གང་གི་འཐད་ནས་ཀྱང་བོད་ཀྱི་བདག་དབང་ཐད་ང་ཚོར་ཐོབ་ཐང་ཡོད་ལ། རང་བཙན་དང་རང་སྐྱོང༌། རང་ཐག་རང་གཅོད་སོགས་གང་དུ་སྐྱོད་ཀྱང་ང་ཚོར་དབང་ཚད་ཡོད། འདི་དག་ནི་མི་རིགས་གཅིག་གི་གཞི་རྩའི་ཐོབ་ཐང་རེད། ང་ཚོའི་སྟོབས་ཤུགས་ཀྱིས་ལེན་ཐུབ་མིན་ཇི་ལྟར་ཡང་རང་བཙན་ནི་ང་ཚོས་རྩོད་དགོས་པའི་ང་ཚོའི་ཐོབ་ཐང་ཞིག་རེད།
འོན་ཀྱང་དེང་དཔལ་འབྱོར་དང་དམག་ཤུགས་ཀྱིས་ཁ་ལོ་སྒྱུར་གྱིན་པའི་འཛམ་གླིང་འདིའི་ནང་རྒྱལ་སྤྱིའི་ཁྲིམས་ལུགས་ཞེས་པ་ནི། འགུལ་མེད་རྩིག་གྱང་གི་རི་མོ་ཞིག་ལས་ཅི་ཡང་མ་འདས། རྒྱ་ནག་གིས་བོད་དུ་དྲག་སྣོན་དང་ཨ་རིའི་དམག་འཁྲུག་གི་རྒྱུད་རིམ་ལས་ཀྱང་ཤེས་ནུས། དེ་བཞིན་རྒྱལ་ཁབ་སུ་ཞིག་ཀྱང་རང་ཉིད་ཀྱི་ཁེ་ཕན་ཆེད་དུ་རང་ཉིད་བློས་གཏོང་བྱེད་ཀྱི་ཡོད་པ་མ་གཏོགས། གཞན་གྱི་ཆེད་དུ་རང་ཉིད་བློས་གཏོང་བྱེད་མཁན་སུ་གཅིག་ཀྱང་མེད། རང་ཉིད་ཀྱི་འབྱུང་འགྱུར་གྱི་ཆེད་དུ་ངོ་གདོང་གི་སྐྱི་པགས་སྙི་མོས་གཞན་ལ་ལག་འཇུ་བྱེད་ཀྱི་ཡོད་པ་མ་གཏོགས། ཞི་བདེ་དང་བྱམས་བརྩེ་ཡིས་གཞན་ལ་བསུ་བ་བྱེད་མཁན་མེད། དཔེར་ན། དུས་རབས་ཉི་ཤུ་པའི་ལོ་རབས་བཞི་ཅུ་ལྔ་བཅུའི་ནང་འཛམ་གླིང་ནང་དམངས་གཙོ་དང་སྟོབས་ཆེན་རྒྱལ་ཁབ་ཨ་རི་དང་དབྱིན་ལན་བཅས་ཀྱིས་འཛམ་གླིང་ཤར་ནུབ་དང༌། དམངས་གཙོ་དང་དམར་ཤོག་གི་གྲང་དམག་འཁོན་འཛིན་འོག་དོགས་ཟོན་ཆེར་བསྐྱེད་ཀྱིས་ང་ཚོར་དོན་ལྡན་གྱི་རྒྱབ་སྐྱོར་ཞིག་བྱས་མེད། གལ་ཏེ་སྐབས་དེར་ང་ཚོར་བཅོས་མིན་གྱི་རྒྱབ་སྐྱོར་ཞིག་ཐོབ་ཡོད་ན། ད་གཟོད་བོད་མི་རིགས་འདི་ཡང་ད་ལྟའི་ཉམ་ཐག་པའི་ལས་དབང་འདི་ལས་གཡོལ་ཐུབ། རྒྱུ་མཚན་ནི་ཁོང་ཚོ་སྤྱི་ལོ་༡༩༤༥ ལོར་མཉམ་སྦྲེལ་རྒྱལ་ཚོགས་འཛུགས་མཁན་གྱི་རྒྱལ་ཁབ་གཙོ་གྲས་ཡིན་པས་རེད།
དེ་རྗེས་ཨ་རིའི་གསང་བའི་ལས་ཁུངས་ནས་ང་ཚོར་འཇབ་དམག་སྦྱོང་བརྡར་དང་གློ་སྒྲིག་འཛུགས་བཅས་ལ་དམག་དོན་ཆེད་རྒྱབ་སྐྱོར་གང་འཚམས་བྱས་ཡོད་ཀྱང༌། དེ་ཡང་ཨ་རྒྱ་གཉིས་ཆབ་སྲིད་ཀྱི་ལམ་ལུགས་ཐད་མདུང་རྩེ་ཁ་སྤྲོད་དུ་ལངས་ཏེ་ཀོ་རི་ཡ་དང་ཝི་ཐི་ནམ་གྱི་དམག་འཁྲུག་སྐབས་དང་དེ་མིན་ཆབ་སྲིད་ཀྱི་དགོས་མཁོར་དམིགས་པ་ཞིག་རེད། ལོ་རྒྱུས་དང་ཐོབ་ཐང་ཇི་ལྟར་ཡོད་ཀྱང་ད་ལྟའི་དུས་རབས་འདིར་རང་ཉིད་ཀྱི་གནས་བབ་ཡག་པོ་མེད་ན། ཅི་ཡང་སྒྲུབ་མི་ནུས་པ་རེད། དཔེར་ན། རྒྱ་ནག་གི་བཙན་འོག་ཏུ་ཡོད་པའི་བོད་སོགས་དང༌། རྒྱ་གར་གྱི་མངའ་འོག་ཏུ་ཡོད་པའི་ཧི་མ་ལ་ཡའི་བོད་རིགས་ཚོ། ཨ་རིའི་མངའ་སྡེ་ཞིག་ཏུ་བསྒྱུར་ཡོད་པའི་ཧའ་ཝེ་མཚོ་གླིང༌། ཕ་རན་སའི་མངའ་སྡེར་གཏོགས་པའི་རི་ཡི་ཉན་མཚོ་གླིང༌། ལ་སོགས་པ་རྣམས་མི་རིགས་སོ་སོའི་དཔལ་འབྱོར་དང་དམག་དོན་སོགས་ཀྱི་གནས་བབ་ཉམ་ཞན་དུ་གྱུར་པས་དེ་ལྟར་ལུས་ཡོད།
གང་ལྟར་ང་ཚོས་མི་གཞན་གྱི་ངོ་གདོང་ལ་བལྟས་ཏེ་བརྒྱ་བཤད་སྟོང་བཤད་ཇི་ལྟར་བྱས་ཀྱང་རང་ཉིད་ཀྱི་ཤེས་འབྱོར་རིག་གསུམ་གྱི་གནས་བབ་གོང་མཐོར་གཏོང་མ་ཐུབ་ན་ཅི་ཡང་མི་ནུས་པ་དེ་ངེས་དགོས། དེ་མིན་སྐད་ཡིག་དང་ཁྲག་རྒྱུན་གཅིག་གིས་སྦྲེལ་ཡོད་ཀྱང་རང་ཉིད་ཀྱི་གནས་བབ་རྔོ་ཐོགས་པ་ཡོད་ན། མིང་ཙམ་མ་གཏོགས་དོན་དངོས་ཀྱི་རང་བཙན་ལ་སོགས་པ་གང་བྱས་ཀྱང་རུང་བ་ཞིག་རེད། དཔེ་མཚོན་གསལ་ཤོས་ནི་ཐེ་ཝན་ལྟ་བུ་རེད། ད་ལྟའི་དུས་འདིར་ལོ་རྒྱུས་དང་ཐོབ་ཐང་ལས་ཀྱང་གནས་བབ་གལ་ཆེ་ལ། གཞུང་ལུགས་ལས་ཀྱང་དོན་དངོས་གཙོ་ཆེ་བ་རེད། མདོར་ན་ཡོད་ཚད་རང་ཉིད་ཀྱི་སྟོབས་ཤུགས་དང་འཇོན་ཐང་ལས་མངོན་ཐུབ་ན་རྒྱལ་ཁ་འབའ་ཞིག་ཡིན།།
![China's Vice Minister of Foreign Affairs Sun Weidong in Tokyo, Japan in 2023 [File: Issei Kato/Pool via Reuters]](https://tibettimes.net/wp-content/uploads/2026/04/Screen-Shot-2026-04-15-at-2.32.14-PM-360x180.png)
ང་ཚོ་ལ་ཕན་གྱི་མ་རེད་བསམ་ན་དེ་བས་བྱིས་བློ་རེད། ཆབ་སྲིད་ནི་ཁེ་ཕན་གྱི་ཁྲོད་དུ་འཁོར་བཞིན་པ་ཡིན་པས་ང་ཚོས་ཀྱང་དེ་དང་བསྟུན་ནས་བྱེད་རྒྱུ་རེད། ཨུ་རུ་སུ་སིལ་བུར་ཐོར་བར་ཨ་རི་གཙོས་པའི་ནུབ་ཕྱོགས་རྒྱལ་ཁབ་རྣམས་ཀྱིས་ཕན་ཡོད། ང་ཚོས་ད་ལྟ་ནས་ནུབ་ཕྱོགས་རྒྱལ་ཁབ་ཁག་ཏུ་བསྒྲུབ་དགོས་པ་ཞིག་ནི། གལ་སྲིད་བོད་ལ་རང་བཙན་བྱུང་བ་ཡིན་ན། དམག་དོན་དང་དཔལ་འབྱོར་སོགས་གང་ཅི་ནས་ནུབ་ཕྱོགས་རྒྱལ་ཁབ་དང་ཡ་གླིང་གི་ཞི་བདེ་ལ་ཕན་ཐོགས་ཅི་ཡོད་བསྒྲུབ་དགོས་པ་དེ་རེད། དེ་ནི་སྲིད་ཀྱི་མིག་མང་རྩེད་སྟངས་ཡིན་པ་ལས་གྲོགས་པོ་ལྟ་བུའི་ལ་རྒྱ་སྲུང་མཁན་ཞིག་ནི་ནམ་ཡང་ཡོང་མི་སྲིད།
སྤྱིར་རང་ལ་སྟོབས་དགོས་པ་ནི་ཨ་ཅང་བརྗོད་མེད་རེད། ཡིན་ན་ཡང་མི་རིགས་ཤིག་དབང་སྒྱུར་བའི་ལག་འོག་ནས་ཐར་དགོས་ན་གནས་ཚུལ་དེར་ཡིག་འབྲུ་འགའ་ཤས་ཞིག་གིས་སྡོམ་ཚིག་འགོད་ཐུབ་ཐབས་མེད་ལ། དེ་ལྟར་བཀོད་རུང་ཕྱོགས་ཐམས་ཅད་མཐོང་ཐུབ་ཐབས་མེད་པ་རེད། གང་ལགས་ཟེར་ན་མི་རིགས་ཤིག་ལ་རང་དབང་ཐོབ་ཚུལ་ནི་སྣ་མང་རྙོག་འཛིང་ཅན་ཞིག་རེད། སྔོན་ཆད་ཨུ་རུ་སུའི་འོག་ཏུ་ཚུད་པའི་མི་རིགས་མང་པོ་ཞིག་ད་ལྟ་རང་དབང་ཐོབ་ནས་བསྡད་ཡོད། མི་རིགས་དེ་དག་ཚང་མར་ཨུ་རུ་སུར་འགྲན་བཟོད་པའི་སྟོབས་ཤུགས་ཡོད་པ་མ་ཡིན་མོད། ཨུ་རུ་སུ་དམངས་གཙོར་འགྱུར་བའི་གོ་སྐབས་དེ་བཟུང་ནས་རང་དབང་བླངས་ཡོད། དེར་བརྟེན་ང་ཚོས་ལྷོད་གཡེང་མེད་པར་རང་གི་སྟོབས་ཤུགས་སྤེལ་བ་དང་ལྷན་དུ་སེམས་སུ་ཡང་རེ་བ་འཛིན་དགོས་པ་ཡིན་ལ། གོ་སྐབས་འཕྲད་པའི་སྐབས་སུ་དེ་ཉིད་འཛིན་ཐུབ་པ་ད་ལྟ་ནས་གྲ་སྒྲིག་བྱེད་དགོས་པར་བསམ། དེ་བཞིན་རང་གི་སྟོབས་ཤུགས་ལ་བརྟེན་དགོས་པ་མ་ཟད་རྒྱལ་སྤྱིའི་སྟོབས་ཤུགས་ལ་ཡང་བརྟེན་དགོས་པ་ཡིན། གལ་སྲིད་ང་ཚོས་ཨ་རི་ལ་སོགས་པའི་རྒྱལ་ཁབ་རྣམས་ཀྱིས་ཁོང་ཚོའི་ཁེ་ཕན་བཞག་ནས་ང་ཚོའི་ཆེད་དུ་ལས་ཀ་བྱེད་པར་འདོད་པ་ནི་བྱིས་བློ་ཡིན་ལ། ཁོང་ཚོས་ཁེ་ཕན་ལ་བལྟས་ནས་ལས་ཀ་བསྒྲུབ་སྟངས་དེས་ང་ཚོ་ལ་ཕན་
ཐོག་མར་དབུས་ཕྲུག་ཚེ་རིང་ལགས་སུ་ཐུགས་རྗེ་ཆེ་ཞུ་རྒྱུ་དང།
དེ་ནས་གཅན་བཟོད་རྒྱམ་ལགས་སུ།
ཁྱེད་ཀྱི་མཆན་བུ་འདེབས་ས་ཚང་མའི་ནང་ལ་གསལ་བསྒྲགས་ཤིག་བཀྲམ་འདུག་ཀྱང། ཁྱེད་ཀྱི་གསལ་བསྒྲགས་ནང་་Quick vote ཞེས་པ་ལས་Yes སྟེང་གནོན་
དགོས་ཞེས་བྲིས་འདུག འོན་ཀྱང་yes སྟེང་གནོན་པ་ལས་No གནོན་མི་ཆོག་པ་
རེད་དམ། ཡང་ན་ཁྱེད་ཀྱིས་རྒྱུད་བསྐུལ་གང་བྱེད་རྩིས་ཡོད་དམ། འོས་ཤོག་སྐབས་
གསལ་བསྒྲགས་དེ་འདྲ་བཏང་པ་ཡིན་ན། འོས་ཤོག་དྲང་བདེན་ཡོང་བར་འཐུས་
ཤོར་བཟོ་སྲིད་པ་མ་རེད་དམ།
ཐུགས་རྗེ་ཆེ།།
དུས་བབ་ནང་གི་དྲ་གྲོགས་ཚང་མ་ཁ་བརྡའི་ནང་དུ་བོད་རང་བཙན་གྱི་ཆེན་དུ་འོས་ཤོག་བླུགས་པར་ཕེབས་རོགས། དྲ་ཐག་འདི་ཡིན།
http://www.khabdha.org/?p=6688&cpage=1#comment-23383
དྲ་གྲོགས་ཚོ། མགྱོགས་པོར་འོས་བླུགས་པར་ཕེབས་རོགས། གོང་གི་དྲ་ཐག་ནང་དུ་དྲ་ཤར་གསུམ་ཡོད་པའི་དཀྱིལ་མ་དེ་ལས་དབྱིན་ཡིག་གི་Quick Vote ཞེས་པ་ལས་yes སྟེང་གནོན་དགོས་པ་ཡིན།
རྒྱ་གར་གྱི་ཉིན་གུང་དུས་ཚོད་༡།༤༥་ཐོག་བོད་རང་བཙན་ལ་རྒྱབ་སྐྱོར་བྱེད་མཁན་བརྒྱ་ཆའི་༩་དང་། ཁ་གཏད་བརྒྱ་ཆའི་༩༡་རེད་འདུག འགྱོགས་པོར་འོས་བླུགས་པར་ཕེབས་རོགས། ཕན་ཚུན་ལ་བརྡ་ལན་སྤྲོད་རོགས།
Yes 9% 6059
No 91% 61656
Total Votes: 67715