བོད་ནས་བཙན་བྱོལ་དུ་ཡོང་བཞིན་པའི་མི་ ༤ བལ་ཡུལ་གྱི་ས་ཁོངས་སུ་སླེབས་མཚམས་ཉེན་རྟོག་པས་འཛིན་བཟུང་བྱས་ཡོད་འདུག
ཕྱི་ཚེས་ ༢༡ ཉིན་བལ་ཡུལ་གྱི་གསར་ལམ་དུ་ཐོན་གསལ་ལྟར་ན། བོད་ནས་བཙན་བྱོལ་དུ་ཡོང་བཞིན་པའི་བོད་མི་ ༤ ཕྱི་ཚེས་ ༢༠ ཉིན་བལ་བོད་ས་མཚམས་རྡོ་ལ་ཁ་བརྒྱུད་བལ་ཁོངས་སུ་འཛུལ་སྐབས་བལ་ཡུལ་ཉེན་རྟོག་པས་འཛིན་བཟུང་བྱས་འདུག་ལ་འཛིན་བཟུང་བྱས་པའི་ནང་བུད་མེད་ ༣ དང་སྐྱེས་པ་ ༡ ཡོད་པ་དང་། ཁོང་ཚོར་བལ་ཡུལ་དུ་ཡོང་ཆོག་པའི་ཁྲིམས་མཐུན་ཡིག་ཆ་སོཊ་གང་ཡང་མི་འདུག་ཅེས་ས་གནས་ཉེན་རྟོག་པས་བརྗོད་ཡོད་འདུག ཡིན་ནའང་ད་ལྟ་ཁོང་ཚོའི་མིང་དང་ལོ་གྲངས། ས་གནས་གང་ནས་ཡོང་མིན་སོགས་ཁ་གསལ་གང་ཡང་མི་འདུག སྐབས་དེར་ཁོང་ཚོར་རོགས་རམ་བྱས་པའི་ཉེས་མིང་འོག་བལ་ཡུལ་གྱི་མི་སེར་ཞིག་ཀྱང་འཛིན་བཟུང་བྱས་ཡོད་འདུག གནས་ཚུལ་ནང་མུ་མཐུད་བཀོད་དོན། བོད་མི་དེ་ཚོ་བལ་ཡུལ་དུ་ཡོད་པའི་མཉམ་འབྲེལ་རྒྱལ་ཚོགས་ཀྱི་སྐྱབས་བཅོལ་ལས་ཁུངས་སུ་རྩིས་སྤྲོད་བྱ་ཆེད་ཀ་ཐ་མན་གྲུར་བཏང་ཟིན་ཡང་། ཁོང་ཚོ་བོད་དུ་ཕྱིར་སློག་མིན་དང་དེ་གར་བཙོན་འཇུག་བྱེད་པ། ཡང་ན་སྐྱབས་བཅོལ་ཁོངས་སུ་འཇུག་མིན་སོཊ་ཤེས་ཐུབ་ཀྱི་མེད་ལུགས་སྐོར་བརྗོད་ཡོད་འདུག བོད་ནས་བྲོས་བྱོལ་བ་འགོག་ཆེད་བལ་བོད་ས་མཚམས་སུ་དམ་དྲག་ཆེན་པོ་བྱེད་ཀྱིན་ཡོད་པ་དང་། བལ་ཡུལ་དུ་རྒྱ་གཞུང་ལ་ངོ་རྒོལ་གྱི་ལས་འགུལ་སོཊ་སྤེལ་དུ་འཇུག་རྒྱུ་མིན་པའི་ཁས་ལེན་འོག་ཟླ་ ༡ ཚེས་ ༡༧ ཉིན་བལ་ཡུལ་གྱི་རྡོ་ལ་ཁ་རྫོང་ནས་བོད་མི་ ༡༠ འཛིན་བཟུང་བྱས་ཡོད་པ་དང་། དེ་རྗེས་ཟླ་ ༢ པའི་ཚེས་ ༤ ཉིན་ཡང་བལ་ཡུལ་མཆོད་རྟེན་བྱ་རུང་ཁ་ཤོར་ཉེ་འདབས་ཀྱི་མགྲོན་ཁང་ཞིག་ཏུ་བོད་མི་ ༥ འཛིན་བཟུང་བྱས་པའི་གནས་ཚུལ་སོགས་བསྟུད་མར་བྱུང་ཡོད་འདུག
བོད་མི་དེ་དག་ཕྱི་ཚེས་ ༢༣ ཕྱི་དྲོ་གློད་བཀྲོལ་བཏང་ཟིན་སྐོར་ནོར་ཝེ་བོད་སྐད་རླུང་འཕྲིན་ནས་བཤད་སོང་།
བོད་མི་དེ་ཚོའི་འདོད་དོན་མྱུར་དུ་འགྲུབ་བར་ཤོག་་་་་་་་་་་་
་་་་་སྐབས་དེར་ཁོང་ཚོར་རོགས་རམ་བྱས་པའི་ཉེས་མིང་འོག་བལ་ཡུལ་གྱི་མི་སེར་ཞིག་ཀྱང་འཛིན་བཟུང་བྱས་ཡོད་འདུག ་་་ཅེས་བལ་པོ་སེམས་བཟང་ཅན་དེ་འདྲ་ཡོད་པ་ནང་བཞིན་བལ་པོའི་ཉན་རྟོག་པ་ཡ་རབས་རང་གི་ལས་འགན་ཡོད་པ་ང་ཚོའི་རང་རིགས་འཇུ་བཟུང་བྱས་པ་ཙམ་གྱིས་འཁོན་འཛིན་བྱེད་མི་རུང། ཁོང་ཁྲོ་ཟ་ས་ང་ཚོའི་ཁ་གཏད་ཀྱི་སྲིད་ཇུས་ངན་པ་དེ་རེད།
བཙན་བྱོལ་བ་་་་བོད་མི་དེ་ཚོ་བལ་ཡུལ་དུ་ཡོད་པའི་མཉམ་འབྲེལ་རྒྱལ་ཚོགས་ཀྱི་སྐྱབས་བཅོལ་ལས་ཁུངས་སུ་རྩིས་སྤྲོད་བྱ་ཆེད་ཀ་ཐ་མན་གྲུར་བཏང་ཟིན་་་་ན་ཐུགས་རྗེ་ཆེ་ཞུ། ་་་་་ཁོང་ཚོ་བོད་དུ་ཕྱིར་སློག་་་་་་ན་བལ་ཡུལ་གཞུང་མང་ངོ་ཚ་དགོས་པའི་ཕྱག་ལས་རེད། ་་་དེ་གནར་བཙོན་འཇུག་བྱེད་་་་ན་བཙོན་ཁང་ནང་ལ་ཁ་ལག་ནི་སྤྲད་དགོས་པས། བལ་ཡུལ་གཞུང་མང་གི་འགྲོ་སོང་ཐོལ་་པ་དང་། བོད་མིར་སྡུག་བསྔལ་ཐོལ་པ་རེད། ཐུགས་རྗེ་གཟིགས། བལ་ཡུལ་གཞུང་མང་གི་དགོངས་པ་བཞེས་ཕྱོགས་མ་ནོར་ཡོང་བར་མཁྱེན།