ཉེ་ཆར་རྨ་ལྷོའི་བོད་ཡིག་ཚགས་པར་གསར་སྒྲུབ་བྱས་ཏེ་ལོ་འཁོར་ ༡༠ ལོན་པའི་བཞུགས་མོལ་ཚོགས་འདུ་ཞིག་རེབ་གོང་རོང་བོ་གྲོང་རྡལ་ནས་བསྡུས་ཡོད་པ་དང་། ཚོགས་འདུ་དེའི་སྟེང་རྩོམ་པ་པོ་དང་རྨ་ལྷོའི་ཚགས་པར་གྱི་ལས་མཐུན་ཀློག་པ་པོ། གདན་ཞུའི་འཕྲིན་གཏོང་བ། རྫོང་དང་ཁུལ་རིམ་པའི་མགོ་ཁྲིད་སོགས་མི་སྣ་ ༦༠ ལྷག་མཉམ་ཞུགས་བྱས་ཡོད་འདུག ཚོགས་འདི་དེའི་སྟེང་རྨ་ལྷོ་བོད་ཡིག་ཚགས་པར་ནི་རང་སྐྱོང་ས་ཁུལ་གྱི་ཆེས་གལ་ཆེའི་ཚགས་པར་ཞིག་ཡིན་སྟབས། འབྱུང་འགྱུར་ཚགས་ཤོག་གི་ཁྱབ་ཚད་ས་གནས་ལས་བརྒལ་ཏེ་འཛམ་གླིང་ཅན་དུ་ཁ་ཕྱོགས་རྒྱུ་དང་། ཚགས་པར་གྱི་པར་ངོས་ཇེ་མང་དང་བརྗོད་བྱ་ཇེ་རྒྱས། བྱ་བ་སྒྲུབ་མཁན་མི་སྣ་ཁ་སྣོན་བྱས་ཏེ། བོད་ཀྱི་རིག་གནས་དང་རྩོམ་རིགས། བརྡ་འཕྲིན་སོགས་ཀྱི་ལས་དོན་ལ་བྱས་རྗེས་མངོན་གསལ་འཇོག་རྒྱུ་དང་། རྨ་ལྷོ་བོད་ཡིག་ཚགས་ཤོག་གི་སྤུས་ཚད་ཀྱང་། མི་རིགས་གཞན་དང་རྒྱལ་ཁབ་གཞན་གྱི་ཚགས་པར་དང་དོ་མཉམ་དགོས་པའི་ཆོད་དོན་བཞག་ཡོད་འདུག
![Uyghur Scholar Rahile Dawut [Photo: Uyghur Human Rights Project]](https://tibettimes.net/wp-content/uploads/2023/09/Uyghur-Scholar-Rahile-Dawut-Photo-Uyghur-Human-Rights-Project-360x180.jpg)
དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།
བོད་ཀྱི་རིག་གཞུང་སྐོར་ལ་ཕྱག་ལས་གནང་མཁན་དང་དོ་སྣང་བྱེད་མཁན། ད་དུང་རྒྱབ་སྐྱོར་གནང་མཁན་ཡོངས་ལ་ཐུགས་རྗེ་ཆེ་ཞུ་རྒྱུ་ཡིན། མི་མཐུད་དུ་རྒྱུན་སྐྱོང་གནང་ཐུབ་པའི་རེ་བ་ཡོད།
བོད་ཡིག་རང་གི་ཚགས་པར་དེ་འདྲ་ཡོད་པར་རྟེན་འབྲེལ་དང་ཡི་རང་ཞུ།
ད་དུང་མུ་མཐུད་ཡར་རྒྱས་ཡོང་བར་སྨོན།
རྨ་ལྷོ་བོད་ཡིག་ཚགས་པར་གྱི་བརྗོད་བྱེད་བོད་ཡིག་གི་རྒྱུན་མི་ལོབཅུའི་རང་ལ་གནས་པ་ལ་རྟེན་འབྲེལ་ཞུ ། བརྗོད་བྱ་ནི་བོད་མི་ལ་མི་འཁོ་བའི་རྟེན་འབྲེལ་ཞུ་རྒྱུ་མེད་
རང་སྐྱོང་ཁུལ་ཞིག་ལ་མཚོན་ན་བོད་ཡིག་གི་ཚགས་པར་ལོ་རྒྱུས་ཆེས་རིང་བ་དེ་ནི་དཀར་མཛེས་ཚགས་པར་ཡིན་པ་འདྲ། དེ་ནི་སྔ་མོ་ནས་ཡོད་འདུག