ཕྱི་ཚེས་ ༢༦ ཉིན་ཧྥ་རན་སི་གསར་སྤེལ་ཁང་གིས་གནས་ཚུལ་བཀོད་དོན། ཧོང་ཀོང་བདེ་སྲུང་ལས་ཁུངས་ཀྱི་དུད་ནག་འགོག་སྡོམ་ཚན་པས་ཞིབ་འཇུག་བརྒྱུད་ཤེས་རྟོགས་བྱུང་བར། ཧོང་ཀོང་དུ་དུད་ནག་འཐེན་བཞིན་པའི་སློབ་མའི་གྲངས་འབོར་ལྡབ་འགྱུར་གྱིས་འཕེལ་བཞིན་ཡོད་པར་མ་ཟད། དུད་ནག་འཐེན་མཁན་གྱི་སློབ་མའི་ཆ་སྙོམས་ལོ་ཚད་ཀྱང་སྔར་ལས་ཇེ་ཆུང་དུ་གྱུར་ཡོད་པ་རེད། ཉམས་ཞིབ་བྱས་པའི་སྤྱིའི་མི་གྲངས་ཁྲོད་དུད་ནག་སྤྱོད་མཁན་གྱི་སློབ་ཆུང་སློབ་མ་བརྒྱ་ཆ་ ༨༩ དང་། སློབ་འབྲིང་སློབ་མ་བརྒྱ་ཆ་ ༩༩ ལ་སླེབས་ཡོད་པར་མ་ཟད། མཐོ་རིམ་སློབ་ཆེན་སློབ་མ་བརྒྱ་ཆ་ ༡༠༠ ཡིས་དུད་ནག་སྤྱོད་མྱོང་ཡོད་པ་རེད། ཚོད་རྩིས་བྱས་ན་ཧོང་ཀོང་དུ་དུད་ནག་འཐེན་མཁན་གྱི་སློབ་མ་ཁྲི་ ༣ ལས་བརྒལ་ཡོད་པ་རེད།
དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།
གོང་དུ་རྣམ་དབྱེ་དྲུག་པ་ཞིག་ཆད་འདུག་པ་ནི།
ཕ་མའི་མཇིང་པའི་སྟེང༌།
གསར་འགོད་པ་ལགས། ཧོང་ཀོང་གི་གནས་ཚུལ་དེ་དང་སྦྲགས་ཏེ་རང་རེའི་བཙན་བྱོལ་སྤྱི་ཚོགས་ཀྱི་གཞོན་ནུ་ཚོའི་སྐོར་ཡང་ཅུང་ཙམ་གླེང་ན་འགོ་ལ་བཞུགས་པའི་འཛིན་སྐྱོང་བ་དང་གཤམ་ལ་སྡོད་པའི་ཕ་མ་སོགས་གཉིད་སད་པར་ཕན་སྲིད།
རྒྱུན་རིང་མོ་ཞིག་ནས་བཙན་བྱོལ་སྤྱི་ཚོགས་ནང་བོད་ཕྲུག་ན་གཞོན་མང་དག་ཅིག་གིས་མྱོས་འགྱུར་གྱི་རིགས་སྣ་ཚོགས་ཤིག་ལ་སྤྱོད་བཞིན་ཡོད་པ་མཐོང་ཐོས་བྱུང༌།
ང་ཚོའི་ན་གཞོན་དེ་དག་གི་ཁྲོད་དུ་(སྦང་། གནྗཱ། )་སོགས་མྱོས་འགྱུར་གྱི་རིགས་ལ་སྤྱོད་འགོ་བཙུགས་ནས་མཐར་གློ་སྨན། སོ་སྨན། སྨན་རིལ་བུ། སྨན་ཁབ་རྒྱབ་པ་སོགས་བྱེད་བཞིན་ཡོད།
དེ་འདྲ་བྱེད་པའི་དམིགས་ཡུལ་ཡང་སློབ་སྦྱོང་ལེགས་པོ་ཡོང་ཆེད་བྱིངས་རྒོད་གཉིས་སྤོང་དང་བློ་རྩེ་གཅིག་པ་འབྱུང་བའི་ཆེད་མིན་པར་དངུལ་མང་། དམིགས་ཡུལ་ཐུང་། ལས་ཀ་ཉུང་བ་སོགས་ཀྱིས་བྱེད་པ་མང་ཆེ་བ་རེད། མཇུག་འབྲས་ནི་ལུས་རིད་ཅིང་གདོང་མདོག་ཞན་པ་དང༌། སེམས་མི་བརྟན་པ། མཐར་ངན་ལངས་ཤོར་རྗེས་མེད་ན་སྡོད་མི་ཚུགས་པའི་སྐབས་ཕ་མ་མཇིང་པའི་སྟེང་ལ་གྲི་སོགས་མཚོན་བཞག་ནས་དངུལ་ལེན་པ་དང༌། བཅོམ་ཐུབ་སར་བཅོམ། རྐུ་ཐུབ་སར་རྐུ།། བསླུ་ཐུབ་སར་བསླུས་ཏེ་དངུལ་དང་ཟོང་གང་རུང་འཐོབ་ཐབས་སོགས་ནས་མི་རིགས་ཀྱི་རྐང་པ་འདྲེན་ཅིང་རྒྱལ་ཁབ་ཀྱི་སྒལ་ཚིགས་གཅོག་པར་བྱེད་དོ༎ དེས་ན་ཚང་མས་འདི་ཕྱོགས་ལ་གཟབ་ནན་གནང་དགོས་སོ༎
འདི་གའི་ཐད་དོགས་པ་ཞིག་དང་བསམ་ཚུལ་གཉིས་འདུག དུད་ནག་ཟེར་ན་རིགས་མང་པོ་ཡོད་པའི་ཉལ་ཐལ་རིགས་ཚང་མར་ངོས་འཛིན་བྱས་ཆོག་སྙམ། ཡོངས་གྲགས་ལ་རྩྭར་འབོད་པའི་དུད་ནག་དེ་འཐེན་མཁན་རྒྱ་ནག་སློབ་ཆེན་སློབ་མ་ཁོ་ན་མ་ཡིན་པར་ཕྱི་རྒྱལ་དུ་སྡོད་པའི་སློབ་མ་ཚུད་པའི་མི་མང་དཀྱིས་མ་ཚོས་ཀྱང་རྒྱུན་སྤྱོད་ཅིག་ཡིན་པས་དེ་ལ་འཇིགས་སྣང་དང་གསར་འགྱུར་དུ་བཀོད་པར་དགོས་པ་ཅི་ཡང་མི་འདུག་སྙམ ལྷག་པར་དེ་སྤྱོད་ཤེས་ན་འཕྲོད་བསྟེན་ལའང་ཤིན་ཏུ་ཕན་རབས་ཟེར། དེ་མིན་གཞན་ཞིག་ཏེ་ཉལ་ཐལ་དཀར་པོ་རིགས་ཤིག་འདུག་པ་དེ་ཡིན་ན་ཅུང་འཇིགས་སྣང་ཆེ་ཚོད་རེད། གསར་འགོད་པས་དུད་ནག་རིགས་གང་ཡིན་གསལ་ཁ་ཞིག་བཏོན་ན་ང་ཚོས་གསར་འགྱུར་ངོ་མ་དེ་ཤེས་ཐུབ
དབྱངས་བུ་ལགས།ཁྱེད་ཀྱི་དྲི་བ་ལ་ལེན་གསར་འགོད་པའི་མ་འདེབས་ན་ངས་
ལེན་འདེབས་ཀྱི་ཡིན།སྐབས་བབ་ང་ལ་མེད་ཀྱང་ཁྱེད་ཀྱི་དོགས་པ་འདི་ཡག་པོ་
འདུག་ངས་ཀྱང་བསམ་ཆར་འདི་འདྲ་བ་བལྟོན་བསམ་གྱི་ཡོད།
གསར་འགོད་པའི་ཡེ་གེ་ནོར་བ་རེད་བརྒྱ་ཆ་༡༠༠མ་རེད་༥༠རེད་
བརྒྱ་ཆ་༡༠༠ཡིན་སྲིད་གྱི་མ་རེད་དེ་ལྟར་ཡིན་ན་མཐོ་རིམ་སློབ་ཆེན་སློབ་སྦྱོང་བྱེད་མཁན་མེད་འགྲོ་ཀྱི་རེད།
ཡང་ན་ངས་བསམ་པ་འདི་འདྲ་ཞིག་བཤདན་་མི་ཚང་མ་ལ་དོགས་སྣང་ཡོང་ཆེད་
ཡིན་གྱི་རེད།།
གསར་འགོད་པ་ལགས།
གོང་གི་གསར་འགྱུར་ནང་༼མཐོ་རིམ་སློབ་ཆེན་སློབ་མ་བརྒྱ་ཆ་ ༡༠༠ ཡིས་དུད་ནག་སྤྱོད་མྱོང་ཡོད་པ་རེད། ༽གསལ་འདུག གལ་སྲིད་དེ་འདྲ་ཡིན་ན་
མཐོ་རིམ་སློབ་གྲྭའི་སློབ་མ་ཚང་མས་དུག་ནག་སྤྱོད་མྱོང་ཡོད་པར་ཚོད་རྩིས་བྱེད་
ཀྱི་ཡོད་པ་རེད་དམ། གོང་གསལ་གསར་འགྱུར་ནང་གི་བརྒྱ་ཆ་བརྩི་སྟངས་གང་
འདྲ་ཡིན་ནམ་སྙམ་པ་ཞིག་འདུག གསལ་བཤད་སྐྱོན་གནང་ཡོང་བ་ཞུ།།
ཐུགས་རྗེ་ཆེ།།
མིང་གོ་བ་ཙམ་གྱི་དགེ་ཕན་ཇི་ལྟར་ཡོང་རྒྱུ་རགས་ཙམ་དཔོག་པའི་ཚིག་སྡུམ་ཞིག་རེད། སྤྱིར་དུད་འཇུག་ཡུལ་ཧ་ཅང་མང་ནའང༌། སྐབས་འདིར་མཚོན་ན་དུད་ཅེས་པ་དེ་ཡར་རྒྱས་ལས་ལྡོག་ཏེ་མགོ་བོ་མཐུར་དུ་དུད་དུ་འགྲོ་མཁན་ཞིག་གི་མིང་དོན་མཚུངས་ཐུབ་པ་དང༌། གཉིས་པའི་ཐད་ནས་ནག་ཅེས་པ་དེ་སྤྱི་བྱེ་བྲག་གང་གི་ཆ་ནས་ལྟས་པ་ཡིན་ན་ཡང་ནག་པོ་ནི་ཡག་པའི་ལྡོག་བཟླ་རང་རེད། དེ་འདྲ་ཡིན་པ་སོང་ཙང་མིང་དང་དོན་རྫས་གསུམ་ཆ་མ་རུང་བ་ཡིན་པས། རང་གི་ཚེ་སྲོག་གནོད་འཚེ་དང༌། སྤྱི་ཚོགས་བདེ་འཇགས་མེད་པ་བཟོ་མཁན། རྒྱལ་ཁབ་ཀྱི་མིང་ངན་ལེན་མཁན་ཞིག་ཏུ་ཆགས་པ་རེད། འདི་ནི་བོད་པའི་སྤྱི་ཚོགས་ནང་ལ་ཁྱབ་རྒྱ་ཆེ་བ་དང༌། གནོན་ནུ་མང་པོ་ཞིག་སློབ་གྲྭའི་སྒྲིག་ལམ་མི་ཁེལ་ཅིང་སློབ་སྦྱོང་མཐུ་ཤོར་ཕྱིན་ནས་ཡིག་ཚད་བརྒྱ་ཆ་མ་ལོན་པར་རང་ཁྱིམ་དུ་ལོག་ནས་ཕ་མ་རྒན་གོན་ཚོ་ལ་བརྡིག་མོ་བསྐུལ་ཅིང་དངུལ་ཕྲན་བུ་ཡོད་པ་འཕྲོག་གཅོམ་བྱེད་པ་དང༌། མ་སྤྲད་པ་ཡིན་ན་སྲོག་ཉེན་ཆེན་པོ་ཡོད་པའི་གནས་ཚུལ་ཕྱི་གསལ་ནང་གསལ་ཆགས་ཡོད་པ་རེད། བཙན་འབྱོལ་སྤྱི་ཚོགས་འདི་ལ་ཡག་པོ་གཟིགས་ཞིབ་བྱས་དང༌། གཞིས་བཞུགས་སྤུན་ཟླ་རྣམ་པའི་བོད་བསྟན་སྲིད་གཉིས་ཀྱི་དོན་དུ་ལས་འགུལ་ཇི་འདྲ་སྤེལ་གྱི་འདུག གཞིས་བྱེས་གཉིས་པོའི་ནང་བོད་རིགས་ཡིན་ནོ་ཅོག་ཚད་བསྡུར་བྱས་པ་ཡིན་ན། བོད་བསྟན་པ་ཆབ་སྲིད་དོན་དང༌། ཤེས་ཡོན་སློབ་སྦྱོང༌། ཡ་རབ་བཟང་སྤྱོད། ཆེ་འོག་ཆུང་སྡོད་དང༌། མ་འོག་བུ་སྡོད་ཅེས་པའི་དཔེ་ལྟར་གནམ་དང་ས་གཉིས་བར་གྱི་འགྱངས་ཐག་ལྟར་ཁྱད་པར་རྒྱུག་འདུག རེ་བཞིན་ཞིབ་འཇུག་བྱས་དང་མཁྱེན་ངེས་རེད། བཙན་འབྱོལ་ནང་གི་བོད་མི་འདི་ཚོ་དཔེ་ཤག་ཁོ་ན་ལས་ཆོས་གྲེད་གོག་པོ་ཞེས་པ་དེ་ཆགས་ཚར་འདུག
དེ་འདྲའི་སྤྱི་ཚོགས་ཡར་ཐོན་ཅན་ལ་དུད་ནག་སྤྱོད་མཁན་ཡོད་ན་བོད་པའི་སློབ་མ་ནི་སྨོས་ཅི་དགོས། མ་གཞི་ང་ཚོའི་སྤྱི་ཚོགས་ཀྱི་གྲུབ་གཞི་ཡང་མུན་འཐོམ་་་
ཅན་ཡིན་སྟབས་དེ་ལ་ཧ་ལས་དགོས་དོན་མེད།
རྡ་སྟེང་བོད་ཁྱིམ་སློབ་གྲྭ་ཡང་དེ་དང་འདྲ་སེ་བ་འདུག་དཱ།
རྒྱ་གར་གྱི་ས་ཏོ་དེ་ཚོས་དུད་ནག་སྤྱོད་དོན་སྒོམ་ལ་འདུག་སྐབས་བློ་སེམས་རྩེ་གཅིག་ཏུ་གནས་ཐུབ་པར་ཕན་ནུས་ལྡན་སྐོར་གོ་མྱོང་། དེས་ན་སློབ་མས་དུད་ནག་སྤྱོད་རྗེས་སློབ་སྦྱོང་བྱས་ན་སེམས་ངོར་འབྱོར་ཆེ་བ་ཨེ་ཡོད་ན། ངས་དུད་ནག་སྤྱོད་མྱོང་མེད་མོད། ངོ་ཤེས་དུད་ནག་སྦྱད་མྱོང་མཁན་ཚོས་བཤད་ན། དུད་ནག་སྤྱད་རྗེས་ལྟད་མོ་གང་ཞིག་ལ་བལྟས་ཏེ་ཚར་བ་དང་། དེ་ནས་ལྟད་མོ་དེ་མགོ་ནས་མཇུག་བར་དུ་གཅིག་ཀྱང་མ་ལུས་པར་བཤད་ཐུབ་ཟེར། བློ་སེམས་གཅིག་ཏུ་གནས་ཐུབ་སྐོར་ཡང་། དུད་ནག་སྤྱད་རྗེས་ཕ་ཡུལ་ཕྱོགས་སོགས་བསམ་བློ་གང་བཏང་བ་རྣམས་ཞིབ་ཚགས་རེད་འདུག བྱིས་དུས་བསྐྱར་དྲན་བྱས་ཚེ། དེ་ལ་དབྱངས་ཡོད་པ་དང་ཞིབ་ཚགས་ཀྱིས་ཆུང་དུས་ཀྱི་ཅི་བྱས་ཚང་མ་བསྐྱར་དྲན་བྱས་པ་ཞིབ་ཚགས་ཡིན་ཚུལ་སོགས་གླེང་གི གཞན་ཅང་མི་ཤེས། སང་ཉིན་དུག་ནག་ཅིག་འཐེན་རྗེས་ཚོར་བ་ཅི་བྱུང་བྲི་བར་བྱའོ།།